Introduction to the Seek Advice service of the Forum
Parir legali jista’ jinkludi valutazzjoni ta’:
- jekk hemmx diġà leġiżlazzjoni tal-UE dwar is-suġġett tal-abbozz tal-inizjattiva;
- jekk l-abbozz tal-inizjattiva jistax jissodisfa l-kriterji tar-reġistrazzjoni, inkluż jekk din ma tkunx taqa’ b’mod ċar barra mill-ambitu tas-setgħat tal-Kummissjoni u, jekk dan ikun il-każ, liema dispożizzjoni(jiet) tat-Trattat tagħti/jagħtu din is-setgħa lill-Kummissjoni;
- jekk organizzaturi oħrajn talbux għar-reġistrazzjoni ta’ inizjattivi simili jew kważi identiċi fl-imgħoddi u jekk kinux ta’ suċċess jew le.
Pariri dwar il-kampanji u/jew il-ġbir ta’ fondi jistgħu jivvalutaw:
- in-networks stabbiliti tiegħek;
- il-bażi ta’ voluntiera tiegħek;
- riżorsi umani u finanzjarji;
- l-istrateġiji ta' komunikazzjoni;
- l-aċċess għall-fondi, eċċ.
Jekk jogħġbok innota li aħna la nabbozzaw l-inizjattivi għall-organizzaturi u lanqas nappoġġjawhom fit-twettiq tal-kampanji tagħhom jew il-ġbir ta’ fondi.
Jekk sempliċiment teħtieġ informazzjoni dwar il-proċess tal-inizjattiva taċ-ċittadini Ewropej b’mod ġenerali, nistednuk tikkonsulta l-inizjattiva taċ-ċittadini Ewropej - Prinċipji Fondamentali ta’ dan is-sit web u/jew is-sit web tal-inizjattiva taċ-ċittadini Ewropej.
Ħu parir
Jekk għandek bżonn parir, jekk jogħġbok ibgħatilna l-mistoqsija/ijiet tiegħek billi tissottometti l-formola hawn taħt. Se tintalab timla kwestjonarju qasir. Grazzi.
Jekk jogħġbok innota li l-parir mogħti hu indipendenti u ma jistax jitqies bħala opinjoni tal-Kummissjoni Ewropea jew ta' kwalunkwe istituzzjoni tal-UE jew istituzzjoni nazzjonali oħra, u dan il-parir lanqas ma jorbot lill-Kummissjoni Ewropea, jew kwalunkwe istituzzjoni tal-UE jew nazzjonali oħra.
Sabiex tikkuntattjana għal parir, l-ewwel għandek bżonn li tawtentika jew tirreġistra.