Mur lura għall-paġna ewlenija tal-Gwida dwar il-Protezzjoni tad-Data għall-organizzaturi
Gwida dwar il-Protezzjoni tad-Data - Mistoqsija 14
Sottomissjoni tad-dikjarazzjonijiet ta’ appoġġ lill-Istati Membri għall-verifika - x’inhuma r-rakkomandazzjonijiet tas-sigurtà?
Japplika għax-Xenarju tal-Każ 2 meta s-sottomissjoni tad-dikjarazzjonijiet ta’ appoġġ issir bil-mezzi tiegħek stess
Wara li tkun ġbart id-dikjarazzjonijiet ta’ appoġġ fuq karta, trid tissottomettihom lill-awtoritajiet nazzjonali kompetenti għall-verifika u ċ-ċertifikazzjoni.
Id-dikjarazzjonijiet ta’ appoġġ miġbura fuq karta jistgħu jiġu ppreżentati f’forma stampata iżda jistgħu wkoll jiġu skennjati u ppreżentati bl-użu ta’ trażmissjoni elettronika jew fiżikament pereżempju permezz ta’ DVD. Jekk id-dikjarazzjonijiet ta’ appoġġ jiġu ppreżentati f’forma fiżika (karta jew DVD) dan jeħtieġ li jsir ukoll b’mod sigur, eż. jintbagħtu bil-posta rreġistrata jew jitwasslu permezz ta’ courier.
JEKK JOGĦĠBOK INNOTA:
Tista’ tagħżel li tissottometti dikjarazzjonijiet ta’ appoġġ miġbura permezz tas-servizz ta’ skambju ta’ files tal-Kummissjoni. F’każ bħal dan, parti sostanzjali mir-rekwiżiti ta’ sigurtà rilevanti tiġi implimentata mill-Kummissjoni
Referenzi:
- L-Artikolu 4(3) tar-Regolament ta’ Implimentazzjoni tal-Inizjattiva taċ-Ċittadini Ewropej
- L-Artikoli 33 u possibbilment 29 tal-GDPR
