Caiteachas agus ioncam an Aontais 2021-2027

Is éard a chuirtear i láthair sa chairt idirghníomhach thíos an fhaisnéis maidir le caiteachas agus le hioncam faoin gCreat Airgeadais Ilbhliantúil 2021-2027. Ina theannta sin, léirítear sa chairt idirghníomhach freisin an caiteachas faoi NextGenerationEU, ar caiteachas é atá á dhíriú tríd an mbuiséad mar ioncam sannta seachtrach ó iasachtaí tiomnaithe. Tá na sonraí ar fáil le híoslódáil ag bun an leathanaigh (agus sonraí na mbuiséad fadtéarmach a bhí ann roimhe freisin). Le haghaidh tuilleadh eolais maidir leis an gCreat Airgeadais Ilbhliantúil, féach anseo.

Le haghaidh sonraí a bhaineann le Creat Airgeadais Ilbhliantúil 2014-2020 féach an Chairt idirghníomhach: caiteachas agus ioncam don tréimhse 2014-2020.

Is chun críoch léirithe amháin na méideanna. Aon tagairt fhoirmiúil a dhéantar d’fhaisnéis bhuiséadach, ba cheart é a dhéanamh do dhoiciméid agus tuarascálacha oifigiúla buiséid.

Conas é a úsáid

Cliceáil ar cheann de na trí tháb (‘Forbhreathnú’, ‘Caiteachas’ agus ‘Ioncam’) le dul idir na léirshamhluithe. Is féidir leat na scagairí a úsáid (e.g. bliain, tír) chun aon luach amháin nó an iliomad luachanna a thaispeáint. Tá do rogha reatha ar taispeáint sa bharra gorm: cliceáil air chun é a athrú nó cliceáil ar an ‘x’ chun é a bhaint. D’fhéadfadh sé nach mbeadh na roghanna go léir ar fáil sa scagaire, rud a bhraitheann ar do rogha reatha: mura féidir luach a roghnú, tiocfaidh sé aníos agus beidh cúlra liath dorcha air.

Is féidir an rogha reatha a íoslódáil ach cliceáil ar an gcnaipe ‘Íoslódáil na sonraí a roghnaíodh’ sa chairt.

Íoslódáil

Tá sonraí ó na blianta roimh 2000 ar fáil i dTuarascáil Airgeadais 2008

Na tairbhí a bhaineann le ballraíocht san Aontas

Ní cluiche nialasach atá i gceist le buiséad an Aontais. Baineann gach duine tairbhe as ballraíocht san Aontas. Mar shampla tá taisteal gan seiceálacha teorann agus glaonna inacmhainne ó thar lear ann, sin agus freagairt chomhordaithe an Aontais ar phaindéim an choróinvíris agus ar na hiarmhairtí a ghabhann léi. Baineann na Ballstáit go léir tairbhe as bheith páirteach sa mhargadh aonair, as aghaidh a thabhairt ar dhúshláin na himirce, agus as an sceimhlitheoireacht agus an t-athrú aeráide a chomhrac i dteannta a chéile. Anuas ar an méid sin, baineann siad tairbhe as bóithre níos fearr, seirbhísí poiblí nua-aimseartha agus cóir leighis úrscothach.

Leithdháileadh an chaiteachais ar na Ballstáit, is próiseas neamhfhoirfe é ó tharla nach léiríonn sé na buntáistí a bhaineann le rannpháirtíocht inár dtionscal comhroinnte Eorpach ná an breisluach a bhaintear as buiséad an Aontais. Na buntáistí cuntasaíochta a léiríodh thuas, ní chumhdaíonn siad ach sciar beag de na buntáistí foriomlána a bhaineann le ballraíocht san Aontas. Caiteachas a bhfuil an chuma air nach dtéann sé ach chuig aon Bhallstát amháin, d’fhéadfadh roinnt Ballstát nó na Ballstáit go léir tairbhe a bhaint as sin i ngeall ar éifeachtaí iarmharta láidre chaiteachas an Aontais, sin nó d’fhéadfadh sé aghaidh a thabhairt ar leas poiblí Eorpach a bhfuil maoiniú comhpháirteach de dhíth air.

Féach freisin Buntáistí bhuiséad an Aontais