L-UE u Singapore jniedu Sħubija Diġitali

Wara t-tħabbira ta’ Sħubija Diġitali ġdida bejn l-UE u Singapore mill-President von der Leyen u l-Prim Ministru Lee fis-summit UE-ASEAN f’Diċembru 2022, il-Kummissarju għas-Suq Intern Thierry Breton u l-Ministru għall-Industrija u l-Kummerċ ta’ Singapore S Iswaran iffirmaw Sħubija Diġitali li se ssaħħaħ il-kooperazzjoni bejn l-UE u Singapore dwar l-oqsma tat-teknoloġija diġitali. Il-Viċi President Eżekuttiv Dombrovskis u l-Ministru Iswaran iffirmaw ukoll il-Prinċipji tal-Kummerċ Diġitali. Riżultat tanġibbli ewlieni tas-Sħubija Diġitali, il-Prinċipji jfittxu li jiffaċilitaw il-fluss liberu ta’ oġġetti u servizzi fl-ekonomija diġitali, filwaqt li jiddefendu l-privatezza.

Stqarrija għall-istampa kompluta