(1)

Rachaidh téarma oifige 26 Bhreitheamh den Chúirt Ghinearálta in éag an 31 Lúnasa 2022. Ba cheart, dá bhrí sin, ceapacháin a dhéanamh do na poist sin don tréimhse ón 1 Meán Fómhair 2022 go dtí an 31 Lúnasa 2028.

(2)

Moladh go ndéanfaí athnuachan ar théarmaí oifige Lauri MADISE, Iko NÕMM, Anna MARCOULLI, Savvas S. PAPASAVVAS, Tuula PYNNÄ agus Heikki KANNINEN ina gcáil mar Bhreithiúna den Chúirt Ghinearálta.

(3)

Thairis sin, foráiltear le hAirteagal 48 de Phrótacal Uimh. 3 ar Reacht Chúirt Bhreithiúnais an Aontais Eorpaigh, arna leasú le Rialachán (AE, Euratom) 2015/2422 ó Pharlaimint na hEorpa agus ón gComhairle (1), go mbeidh beirt Bhreithiúna in aghaidh an Bhallstáit ar an gCúirt Ghinearálta amhail ón 1 Meán Fómhair 2019. Foráiltear le hAirteagal 2, pointe (c), den Rialachán sin go dtiocfaidh deireadh, an 31 Lúnasa 2025, le téarma oifige cúigear Breithiúna, as an naonúr Breithiúna breise atá le ceapadh amhail ón 1 Meán Fómhair 2019.

(4)

Ainmníodh Damjan KUKOVEC don phost mar Bhreitheamh breise den Chúirt Ghinearálta.

(5)

Ina theannta sin, i gcomhréir le hAirteagal 7 de Phrótacal Uimh. 3 ar Reacht Chúirt Bhreithiúnais an Aontais Eorpaigh, agus tar éis cheapadh Anthony COLLINS ina Bhreitheamh den Chúirt Bhreithiúnais, ba cheart breitheamh a cheapadh don Chúirt Ghinearálta ar feadh a bhfuil fágtha de théarma oifige Anthony COLLINS, eadhon go dtí an 31 Lúnasa 2025.

(6)

Ainmníodh Suzanne KINGSTON don fholúntas sin.

(7)

I gcomhréir le hAirteagal 7 de Phrótacal Uimh. 3 ar Reacht Chúirt Bhreithiúnais an Aontais Eorpaigh, agus tar éis cheapadh Dimitrios GRATSIAS ina bhreitheamh den Chúirt Bhreithiúnais, ba cheart breitheamh a cheapadh don Chúirt Ghinearálta ar feadh a bhfuil fágtha de théarma oifige Dimitrios GRATSIAS, eadhon go dtí an 31 Lúnasa 2022.

(8)

Ainmníodh Ioannis DIMITRAKOPOULOS don fholúntas sin.

(9)

Thug an painéal a cuireadh ar bun faoi Airteagal 255 den Chonradh ar Fheidhmiú an Aontais Eorpaigh tuairim fhabhrach uaidh ar oiriúnacht na n-iarrthóirí sin chun feidhmeanna Breithimh den Chúirt Ghinearálta a fheidhmiú,

—

Lauri MADISE,

—

Iko NÕMM,

—

Anna MARCOULLI,

—

Savvas S. PAPASAVVAS,

—

Tuula PYNNÄ,

—

Heikki KANNINEN.

—

Damjan KUKOVEC,

—

Suzanne KINGSTON.