1.   Chun críoch an tséú fomhír d’Airteagal 3c(6) de Threoir 2003/87/CE, déanfaidh an t-oibreoir aerárthaí tráchtála nós imeachta scríofa a bhunú, a dhoiciméadú, a chur chun feidhme agus a choinneáil ar bun chun faireachán a dhéanamh ar aon mhéid de bhreosla eitlíochta incháilithe a úsáidtear le haghaidh eitiltí foshonacha, agus tuairisceoidh na méideanna de bhreoslaí eitlíochta incháilithe a mhaítear mar ítim meabhráin ar leithligh ina thuarascáil astaíochta bliantúil.

2.   Chun críoch mhír 1 den Airteagal seo, áiritheoidh an t-oibreoir aerárthaí go ndéanfar aon mhéid de bhreosla eitlíochta incháilithe dá maítear a dheimhniú i gcomhréir le hAirteagal 30 de Threoir (AE) 2018/2001. Féadfaidh an t-oibreoir aerárthaí úsáid a bhaint as na sonraí a thaifeadtar i mbunachar sonraí an Aontais a cuireadh ar bun i gcomhréir le hAirteagal 28(2) de Threoir (AE) 2018/2001.

3.   I gcás breoslaí measctha, féadfaidh an t-oibreoir aerárthaí a thoimhdiú go bhfuil breosla eitlíochta incháilithe in easnamh agus codán iontaise réamhshocraithe 100 % a chur i bhfeidhm, nó codán incháilithe a chinneadh i gcomhréir le mír 4 nó 5. Féadfaidh an t-oibreoir aerárthaí breoslaí eitlíochta incháilithe íona ag a bhfuil codán incháilithe 100 % a thuairisciú freisin.

4.   I gcás ina mbeidh breoslaí eitlíochta incháilithe measctha go fisiceach le breoslaí iontaise agus ina seachadfar iad chuig an aerárthach i mbaisceanna a bheidh in-sainaitheanta go fisiceach, féadfaidh an t-oibreoir aerárthaí meastachán faoin gcion incháilithe a bhunú ar mhaischothromaíocht de bhreoslaí iontaise agus de bhreoslaí eitlíochta incháilithe arna gceannach.

Ina theannta sin, soláthróidh an t-oibreoir aerárthaí fianaise chun sástacht an údaráis inniúil go sanntar an breosla eitlíochta incháilithe don eitilt láithreach tar éis breosla a chur ar bord na heitilte sin.

I gcás ina ndéanfar roinnt eitiltí dá éis sin gan breosla a chur ar bord idir na heitiltí sin, déanfaidh an t-oibreoir aerárthaí an méid bithbhreosla eitlíochta incháilithe a dheighilt agus é a shannadh do na heitiltí sin go comhréireach leis na hastaíochtaí ó na heitiltí sin arna ríomh agus an fachtóir astaíochta tosaigh á úsáid.

5.   I gcás nach féidir breosla eitlíochta incháilithe a shannadh go fisiceach ag aeradróm d’eitilt shonrach, déanfaidh an t-oibreoir aerárthaí breoslaí eitlíochta incháilithe a shannadh do na heitiltí dá chuid, nach mór lamháltais a thabhairt suas lena n-aghaidh i gcomhréir i gcomhréir le hAirteagal 12(3) de Threoir 2003/87/CE, go comhréireach leis na hastaíochtaí ó na heitiltí sin a imíonn as an aeradróm sin arna ríomh agus an fachtóir astaíochta tosaigh á úsáid.

Féadfaidh an t-oibreoir aerárthaí an codán incháilithe a chinneadh trí úsáid a bhaint as taifid cheannacháin an bhreosla eitlíochta incháilithe den chion fuinnimh coibhéiseach, ar choinníoll go soláthraíonn an t-oibreoir aerárthaí fianaise chun sástacht an údaráis inniúil gur seachadadh an breosla eitlíochta incháilithe chuig córas breoslaithe an aeradróim imeachta sa tréimhse tuairiscithe nó 3 mhí roimh thús na tréimhse tuairiscithe sin, nó 3 mhí tar éis dheireadh na tréimhse sin.

6.   Chun críoch mhíreanna 4 agus 5 den Airteagal seo, soláthróidh an t-oibreoir aerárthaí fianaise chun sástacht an údaráis inniúil gurb amhlaidh an méid seo a leanas:

(a)

nach mó an méid breosla eitlíochta incháilithe iomlán a mhaítear ná úsáid bhreosla iomlán an oibreora aerárthaí sin le haghaidh eitiltí nach mór lamháltais a thabhairt suas lena n-aghaidh de réir Airteagal 12(3) de Threoir 2003/87/CE, de thionscnamh an aeradróim arb ann a sholáthraítear an breosla eitlíochta incháilithe;

(b)

nach mó an méid breosla eitlíochta incháilithe le haghaidh eitiltí nach mór lamháltais a thabhairt suas lena n-aghaidh de réir Airteagal 12(3) de Threoir 2003/87/CE, ná cainníocht iomlán an bhreosla eitlíochta incháilithe arna ceannach, ar di sin a n-asbhaintear an chainníocht bhreosla eitlíochta incháilithe iomlán arna díol le tríú páirtithe;

(c)

nach mó codán incháilithe an bhreosla eitlíochta incháilithe a shanntar d’eitiltí arna gcomhiomlánú in aghaidh an phéire aeradróm ná an uasteorainn chumaiscthe le haghaidh an bhreosla eitlíochta incháilithe sin mar a dheimhnítear de réir caighdeán idirnáisiúnta aitheanta, má tá feidhm ag teorainn den sórt sin;

(d)	nach ndéantar aon chomhaireamh dúbailte ar an gcainníocht bhreosla eitlíochta incháilithe chéanna, go háirithe nach maítear gur úsáideadh an breosla eitlíochta incháilithe arna cheannach i dtuarascáil níos luaithe é ná ag aon duine eile, ná i gcóras eile.

Chun críoch phointí (a) go (c) den chéad fhomhír, aon bhreosla a bheidh fágtha in umair tar éis eitilte agus sula gcuirfear breosla ar bord, measfar gur breosla iontaise 100 % atá ann.

Chun a léiriú go gcomhlíontar na ceanglais dá dtagraítear faoi phointe (d) den chéad fhomhír den mhír seo agus i gcás inarb infheidhme, féadfaidh an t-oibreoir aerárthaí úsáid a bhaint as na sonraí a thaifeadtar i mbunachar sonraí an Aontais a cuireadh ar bun i gcomhréir le hAirteagal 28(2) de Threoir (AE) 2018/2001.

7.   I gcás inarb amhlaidh gurb é nialas fachtóir astaíochta breosla eitlíochta incháilithe, déanfar fachtóir astaíochta gach breosla eitlíochta measctha a ríomh agus a thuairisciú mar an fachtóir astaíochta tosaigh arna iolrú faoi chodán iontaise an bhreosla.’;

1.   Beidh feidhm ag Airteagal 11, Airteagal 12(2), Airteagail 13 agus 14, Airteagal 15(1) agus (2), agus Airteagal 16. Chun na críche sin:

(a)	aon tagairt d’oibreoir nó d’oibreoir aerárthaí, tuigfear iad mar thagairt don eintiteas rialáilte atá ann;

(b)	aon tagairt do ghníomhaíocht eitlíochta, tuigfear é mar thagairt do ghníomhaíocht an eintitis rialáilte atá ann.

2.   Ar a dhéanaí 4 mhí sula dtosóidh eintiteas rialáilte ar an ngníomhaíocht a chumhdaítear le hIarscríbhinn III a ghabhann le Treoir 2003/87/CE, cuirfidh sé plean faireacháin faoi bhráid an údaráis inniúil lena fhormheas, ach amháin i gcás ina mbeidh teorainn ama mhalartach socraithe ag an údarás inniúil maidir leis an bplean sin a chur isteach.

Is éard a bheidh sa phlean faireacháin doiciméadacht mhionsonrach, iomlán agus thrédhearcach ar mhodheolaíocht faireacháin eintitis rialáilte shonraigh agus beidh na heilimintí a leagtar síos in Iarscríbhinn I ar a laghad ann.

In éineacht leis an bplean faireacháin, tíolacfaidh an t-eintiteas rialáilte na torthaí ó mheasúnú riosca lena soláthrófar fianaise go bhfuil na gníomhaíochtaí rialaithe agus na nósanna imeachta a bheartaítear le haghaidh gníomhaíochtaí rialaithe ar cóimhéid leis na rioscaí agus leis na rioscaí rialaithe bunúsacha a shainaithnítear.

3.   I gcomhréir le hAirteagal 15, ar mhodhnuithe nach beag ar phlean faireacháin eintitis rialáilte, áirítear:

(a)	athruithe ar chatagóir an eintitis rialáilte i gcás inar gá de thoradh na n-athruithe sin athrú a dhéanamh ar an modheolaíocht faireacháin nó i gcás ina n-eascróidh athrú astu ar an leibhéal ábharthachta is infheidhme de bhun Airteagal 23 de Rialachán Cur Chun Feidhme 2018/2067;

(b)	d’ainneoin Airteagal 75n, athruithe maidir le cé acu a mheastar nó nach meastar gur ‘eintiteas rialáilte ag a bhfuil astaíochtaí ísle’ é an t-eintiteas rialáilte;

(c)	athrú ar an leibhéal a chuirtear i bhfeidhm;

(d)	sreabha breosla nua a thabhairt isteach;

(e)	athrú i gcatagóiriú na sreabh breosla – idir sreabha breosla móra nó de-minimis i gcás ina bhfágann an t-athrú sin gur gá athrú a dhéanamh ar an modheolaíocht faireacháin;

(f)	athrú ar an luach réamhshocraithe le haghaidh fachtóir ríomha, i gcás ina mbeidh an luach le leagan síos sa phlean faireacháin;

(g)	athrú ar an luach réamhshocraithe le haghaidh an fhachtóra raoin;

(h)	modhanna nua a thabhairt isteach nó athruithe ar mhodhanna atá ann faoi láthair agus a bhaineann leis an tsampláil, anailís nó calabrú, i gcás ina mbeidh tionchar díreach aige sin ar chruinneas na sonraí astaíochtaí.

1.   I gcás ina maífidh eintiteas rialáilte go dtabhófaí costais mhíréasúnta le modheolaíocht faireacháin shonrach a chur i bhfeidhm, déanfaidh an t-údarás inniúil measúnú an bhfuil nó nach bhfuil na costais míréasúnta, agus réasúnú an eintitis rialáilte á chur san áireamh.

Measfaidh an t-údarás inniúil costais a bheith míréasúnta i gcás inar mó an meastachán costais ná an tairbhe. Chuige sin, ríomhfar an tairbhe trí fhachtóir feabhsaithe a iolrú faoi phraghas tagartha EUR 60 in aghaidh an lamháltais. Áireofar leis na costais tréimhse dímheasa iomchuí bunaithe ar shaolré eacnamaíoch an trealaimh.

2.   D’ainneoin mhír 1, measfaidh an t-eintiteas rialáilte costais a bheidh i gceist le modheolaíocht faireacháin shonrach a chur i bhfeidhm, ar costais iad a thabhaíonn tomhaltóirí na sreabh breosla scaoilte, agus tomhaltóirí deiridh san áireamh. Chun críocha na fomhíre seo, féadfaidh an t-eintiteas rialáilte meastacháin choimeádacha ar na costais a chur i bhfeidhm.

Chun an faireachán agus an tuairisciú a dhéanamh ar astaíochtaí stairiúla le haghaidh na bliana 2024 i gcomhréir le hAirteagal 30f(4) de Threoir 2003/87/CE, féadfaidh na Ballstáit eintitis rialáilte a dhíolmhú ó réasúnú a thabhairt le maíomh go dtabhófaí costais mhíréasúnta le modheolaíocht faireacháin shonrach.

3.   Nuair a bheidh measúnú á dhéanamh ar chineál míréasúnta na gcostas maidir le rogha na leibhéal na haghaidh mhéideanna breosla an eintitis rialáilte arna scaoileadh, úsáidfidh an t-údarás inniúil mar an fachtóir feabhsaithe dá dtagraítear i mír 1 an difríocht idir an éiginnteacht a bhaintear amach faoi láthair agus tairseach éiginnteachta an leibhéil a bhainfí amach leis an bhfeabhsú arna iolrú faoi na meánastaíochtaí bliantúla arbh é an tsreabh breosla i gcaitheamh na 3 bliana is déanaí ba chúis leo.

In éagmais na sonraí sin ar na meánastaíochtaí bliantúla arbh é an tsreabh breosla i gcaitheamh na 3 bliana is déanaí ba chúis leo, soláthróidh an t-eintiteas rialáilte meastachán coimeádach ar na meánastaíochtaí bliantúla, gan CO2 a eascraíonn as bithmhais san áireamh. I gcás uirlisí tomhais faoin rialú dlíthiúil méadreolaíoch náisiúnta, féadfar an éiginnteacht a bhaintear amach faoi láthair a ionadú leis an uasearráid incheadaithe i mbun seirbhíse a cheadaítear leis an reachtaíocht náisiúnta ábhartha.

Chun críoch na míre seo, beidh feidhm ag Airteagal 38(5), ar choinníoll go mbeidh ar fáil don eintiteas rialáilte an fhaisnéis ábhartha faoi na critéir maidir le hinbhuanaitheacht agus laghdú ar astaíochtaí gás ceaptha teasa na mbithbhreoslaí, na mbithleachtanna agus na mbreoslaí bithmhaise a úsáidtear le haghaidh dócháin.

4.   Nuair a bheidh measúnú á dhéanamh ar chineál míréasúnta na gcostas maidir le rogha na leibhéal chun fachtóir raoin an eintitis rialáilte a chinneadh agus maidir leis na bearta lena méadaítear cáilíocht sonraí na n-astaíochtaí tuairiscithe ach gan tionchar díreach acu ar chruinneas na sonraí i dtaca le méideanna breosla arna scaoileadh, úsáidfidh an t-údarás inniúil fachtóir feabhsaithe 1 % de mheánastaíochtaí bliantúla na sreabh breosla féin sna trí thréimhse tuairiscithe is déanaí. Ar na bearta lena méadaítear cáilíocht na n-astaíochtaí tuairiscithe ach gan tionchar díreach acu ar chruinneas na sonraí maidir le méideanna breosla arna scaoileadh, féadfar na bearta seo a leanas a áireamh:

(a)	ag aistriú ó luachanna réamhshocraithe chuig anailísí chun fachtóirí ríomha a chinneadh;

(b)	méadú ar an líon anailísí in aghaidh na sreibhe bunaidh;

(c)

i gcás nach dtagann an cúram tomhais sonrach faoi rialú dlíthiúil méadreolaíoch náisiúnta, uirlisí tomhais a ionadú le huirlisí a chomhlíonann ceanglais ábhartha rialú dlíthiúil méadreolaíoch an Bhallstáit i bhfeidhmeanna comhchosúla, nó le huirlisí tomhais a chomhlíonann rialacha náisiúnta arna nglacadh de bhun Threoir 2014/31/AE ó Pharlaimint na hEorpa agus ón gComhairle (*4) nó Threoir 2014/32/AE;

(d)	eatraimh chalabrúcháin agus chothabhála na n-uirlisí tomhais a ghiorrú;

(e)	feabhsuithe ar ghníomhaíochtaí sreafa sonraí agus ar ghníomhaíochtaí rialaithe lena laghdaítear an riosca bunúsach nó an riosca rialaithe go suntasach;

(f)	eintitis rialáilte ag aistriú chuig bearta lena sainaithneofar an fachtóir raoin ar bhealach níos cruinne.

5.   Bearta a bhaineann le feabhas a chur ar mhodheolaíocht faireacháin de chuid eintitis rialáilte, ní mheasfar go dtabhóidh siad costais mhíréasúnta suas le méid carntha EUR 4 000 in aghaidh na tréimhse tuairiscithe. I gcás eintitis rialáilte ag a bhfuil astaíochtaí ísle, is é EUR 1 000 in aghaidh na tréimhse tuairiscithe an tairseach a bheidh i gceist.

1.   Chun faireachán a dhéanamh ar astaíochtaí agus na híoscheanglais maidir le leibhéil a chinneadh le haghaidh na bhfachtóirí ríomha gaolmhara, cinnfidh gach eintiteas rialáilte a chatagóir de bhun mhír 2, agus, i gcás inarb ábhartha, catagóir gach sreabha breosla de bhun mhír 3.

2.   Déanfaidh an t-eintiteas rialáilte é féin a aicmiú i gceann amháin de na catagóirí seo a leanas:

(a)	eintiteas i gcatagóir A, i gcás inarb amhlaidh ó 2027 go 2030 go bhfuil na meánastaíochtaí bliantúla fíoraithe sa 2 bhliain roimh an tréimhse tuairiscithe cothrom le nó níos lú ná 50 000 tona CO2(e), gan CO2 a eascraíonn as bithmhais a áireamh;

(b)	eintiteas i gcatagóir B, i gcás inarb amhlaidh ó 2027 go 2030 go bhfuil na meánastaíochtaí bliantúla fíoraithe sa 2 bhliain roimh an tréimhse tuairiscithe níos mó ná 50 000 tona CO2(e), gan CO2 a eascraíonn as bithmhais a áireamh.

Ó 2031 ar aghaidh, eintitis i gcatagóirí A agus B dá dtagraítear i bpointí (a) agus (b) den chéad fhomhír, cinnfear iad ar bhonn na meánastaíochtaí bliantúla fíoraithe sa tréimhse trádála díreach roimh an tréimhse trádála atá ann cheana.

De mhaolú ar Airteagal 14(2), féadfaidh an t-údarás inniúil ceadú don eintiteas rialáilte gan an plean faireacháin a mhodhnú i gcás, ar bhonn astaíochtaí fíoraithe, ina sárófar an tairseach maidir le haicmiú an eintitis rialáilte dá dtagraítear sa chéad fhomhír, ach ina léireoidh an t-eintiteas rialáilte chun sástacht an údaráis inniúil nár sáraíodh an tairseach sin cheana féin laistigh de na cúig thréimhse thuairiscithe roimhe agus nach sárófar arís í i dtréimhsí tuairiscithe dá n-éis.

3.   Déanfaidh an t-eintiteas rialáilte gach sreabh breosla a aicmiú i gceann amháin de na catagóirí seo a leanas:

(a)	sreabha breosla de minimis, i gcás inar lú ná 1 000 tona CO2 iontaise in aghaidh na bliana i gcomhpháirt iad na sreabha breosla a roghnaíonn an t-eintiteas rialáilte;

(b)	sreabha breosla móra, i gcás nach mbeidh na sreabha breosla laistigh den chatagóir dá dtagraítear i bpointe (a).

De mhaolú ar Airteagal 14(2), féadfaidh an t-údarás inniúil ceadú don eintiteas rialáilte gan an plean faireacháin a mhodhnú i gcás, ar bhonn astaíochtaí fíoraithe, ina sárófar an tairseach maidir le sreabh breosla a aicmiú mar shreabh breosla de minimis dá dtagraítear sa chéad fhomhír, ach ina léireoidh an t-eintiteas rialáilte chun sástacht an údaráis inniúil nár sáraíodh an tairseach sin cheana féin laistigh de na cúig thréimhse thuairiscithe roimhe agus nach sárófar arís í i dtréimhsí tuairiscithe dá n-éis.

4.   I gcás nach mbeidh na meánastaíochtaí fíoraithe bliantúla, a úsáidtear chun catagóir an eintitis rialáilte dá dtagraítear i mír 2 a chinneadh, ar fáil nó ionadaíoch a thuilleadh chun críoch mhír 2, úsáidfidh an t-eintiteas rialáilte meastachán coimeádach de mheánastaíochtaí bliantúla, agus gan CO2 a eascraíonn as bithmhais as an áireamh, chun catagóir an eintitis rialáilte a chinneadh.

5.   Chun críoch an Airteagail seo, beidh feidhm ag Airteagal 38(5).

1.   I gcás inarb amhlaidh ar chúiseanna teicniúla nach indéanta go sealadach an plean faireacháin arna fhormheas ag an údarás inniúil a chur i bhfeidhm, cuirfidh an t-eintiteas rialáilte lena mbaineann an leibhéal is airde is indéanta i bhfeidhm nó, ach amháin i gcás an fhachtóra raoin, cur chuige coimeádach gan leibhéil a bheith i gceist mura mbeidh sé indéanta leibhéal a chur i bhfeidhm, go dtí go n-athbhunófar na dálaí chun an leibhéal a formheasadh sa phlean faireacháin a athbhunú.

Déanfaidh an t-eintiteas rialáilte na bearta uile is gá chun go mbeifear in ann atosú go pras ar an bplean faireacháin arna fhormheas ag an údarás inniúil a chur i bhfeidhm.

2.   Tabharfaidh an t-eintiteas rialáilte lena mbaineann fógra don údarás inniúil faoin athrú sealadach dá dtagraítear i mír 1 ar an modheolaíocht faireacháin gan moill mhíchuí don údarás inniúil, ar fógra é ina sonrófar an méid seo a leanas:

(a)	na cúiseanna le himeacht ón bplean faireacháin arna fhormheas ag an údarás inniúil;

(b)	mionsonraí na modheolaíochta faireacháin eatramhaí atá á húsáid ag an eintiteas rialáilte chun na hastaíochtaí a chinneadh go dtí go n-athbhunófar na dálaí chun an plean faireacháin arna fhormheas ag an údarás inniúil a chur i bhfeidhm;

(c)	na bearta atá á ndéanamh ag an eintiteas rialáilte chun na dálaí a athbhunú chun an plean faireacháin arna fhormheas ag an údarás inniúil a chur i bhfeidhm;

(d)	an pointe ama lena bhfuil coinne go n-atosófar ar an bplean faireacháin arna fhormheas ag an údarás inniúil a chur i bhfeidhm.

1.   Nuair a bheidh na leibhéil ábhartha á sainiú le haghaidh sreabha breosla móra, chun na méideanna breosla arna scaoileadh agus gach fachtóir ríomha a chinneadh, cuirfidh gach eintiteas rialáilte an méid seo a leanas i bhfeidhm:

(a)	na leibhéil a liostaítear in Iarscríbhinn V ar a laghad, i gcás eintiteas i gcatagóir A, nó i gcás inar gá fachtóir ríomha le haghaidh sreabh breosla ar breosla tráchtála caighdeánach é;

(b)	i gcásanna seachas na cásanna sin dá dtagraítear i bpointe (a), an leibhéal is airde arna shainiú in Iarscríbhinn IIa.

Mar sin féin, i gcás méideanna breosla arna scaoileadh agus fachtóirí ríomha breosla móra, féadfaidh an t-eintiteas rialáilte leibhéal a chur i bhfeidhm a bheidh suas le dhá leibhéal níos ísle ná mar a cheanglaítear i gcomhréir leis an gcéad fhomhír, agus leibhéal 1 mar an t-íosleibhéal, i gcás ina léireoidh sé chun sástacht an údaráis inniúil nach bhfuil an leibhéal a cheanglaítear i gcomhréir leis an gcéad fhomhír, nó i gcás inarb infheidhme an chéad leibhéal eile is airde, indéanta sreabha go teicniúil nó go dtabhaíonn sé costais mhíréasúnta.

2.   I gcás sreabha breosla de minimis, féadfaidh an t-eintiteas rialáilte méideanna breosla arna scaoileadh agus gach fachtóir ríomha a chinneadh trí mheastacháin choimeádacha a úsáid seachas leibhéil a úsáid, ach amháin i gcás ina mbeidh leibhéal sainithe indéanta gan iarracht bhreise.

I gcás sreabha breosla dá dtagraítear faoin chéad fhomhír, féadfaidh an t-eintiteas rialáilte méideanna breosla arna scaoileadh a chinneadh bunaithe ar shonraisc nó ar thaifid cheannacháin, ach amháin i gcás ina mbeidh leibhéal sainithe indéanta gan iarracht bhreise.

3.   I gcás inar cheadaigh an t-údarás inniúil úsáid fachtóirí astaíochta arna sloinneadh mar t CO2/t nó t CO2/Nm3 i gcás breoslaí, féadfar faireachán a dhéanamh ar an bhfachtóir coinbhéartúcháin aonaid agus meastachán coimeádach á úsáid seachas leibhéil, ach amháin i gcás ina mbeidh leibhéal sainithe indéanta gan iarracht bhreise.

1.   Nuair a bheidh na leibhéil ábhartha á sainiú le haghaidh sreabha breosla, chun fachtóir an raon feidhme a chinneadh, cuirfidh gach eintiteas rialáilte an leibhéal is airde i bhfeidhm mar a shainítear in Iarscríbhinn IIa.

Mar sin féin, féadfaidh an t-eintiteas rialáilte leibhéal a chur i bhfeidhm ar leibhéal amháin níos ísle ná mar a cheanglaítear i gcomhréir leis an chéad fhomhír a bheidh ann, i gcás ina léireoidh sé chun sástacht an údaráis inniúil nach bhfuil an leibhéal a cheanglaítear i gcomhréir leis an chéad fhomhír indéanta ó thaobh a ghnéithe teicniúla, go dtabhaíonn sé costais mhíréasúnta, nó nach bhfuil na modhanna a liostaítear in Airteagal 75l(2), pointí (a) go (d), ar fáil.

Murab infheidhme é an dara fomhír, féadfaidh an t-eintiteas rialáilte leibhéal a chur i bhfeidhm atá dhá leibhéal níos ísle ná mar is gá i gcomhréir leis an gcéad fhomhír, agus leibhéal 1 mar íosleibhéal, i gcás ina léiríonn sé chun sástacht an údaráis inniúil nach bhfuil an leibhéal is gá i gcomhréir leis an gcéad fhomhír indéanta go teicniúil, go dtabhaítear costais mhíréasúnta leis, nó ar bhonn measúnú simplithe maidir le héiginnteacht, go dtiocfaidh cinneadh níos cruinne ó na modhanna a leagtar amach sna leibhéil níos ísle an úsáidtear an breosla le haghaidh dócháin in earnálacha a chumhdaítear le hIarscríbhinn III a ghabhann le Treoir 2003/87/CE.

I gcás, le haghaidh sreabh breosla, ina n-úsáideann an t-eintiteas rialáilte níos mó ná modh amháin a liostaítear in Airteagal 75l(2), (3) agus (4), éileofar air a léiriú nach gcomhlíontar coinníollacha na míre seo ach amháin i dtaobh an chion de mhéid an bhreosla arna scaoileadh dá n-iarrtar modh an leibhéil is ísle.

2.   Le haghaidh sreabha breosla de minimis, ní éileofar ar an eintiteas rialáilte a léiriú go gcomhlíontar na coinníollacha i mír 1, mura bhfuil leibhéal sainithe inghnóthaithe gan iarracht bhreise.

1.   Cinnteoidh an t-eintiteas rialáilte na méideanna breosla arna scaoileadh ag sreabh breosla ar cheann de na bealaí seo a leanas:

(a)

i gcás ina gcomhfhreagraíonn na heintitis rialáilte agus na sreabha breosla d’eintitis ar a bhfuil oibleagáidí tuairiscithe faoin reachtaíocht náisiúnta agus ag a bhfuil táirgí fuinnimh faoi réir na reachtaíochta náisiúnta lena dtrasuitear Treoracha 2003/96/CE agus (AE) 2020/262, ar bhonn na modhanna tomhais a úsáidtear chun críocha na ngníomhartha sin nuair a bhunaítear na modhanna sin ar rialú méadreolaíocha náisiúnta;

(b)	ar bhonn chomhiomlánú thomhas na gcainníochtaí ag an bpointe a scaoileadh na sreabha breosla chun ídithe;

(c)	ar bhonn thomhas leanúnach na gcainníochtaí ag an bpointe a scaoileadh na sreabha breosla chun ídithe.

Mar sin féin, féadfaidh na húdaráis inniúla a cheangal ar na heintitis rialáilte, i gcás inarb infheidhme, gan ach an modh amháin dá dtagraítear sa chéad fhomhír, pointe (a), a úsáid.

2.   I gcás nach indéanta go teicniúil é nó go dtabhófaí costais mhíréasúnta le méideanna breosla arna scaoileadh a chinneadh don bhliain féilire ina hiomláine, agus faoi réir formheasta ag an údarás inniúil, féadfaidh an t-eintiteas rialáilte an chéad lá eile is iomchuí a roghnú le bliain faireacháin amháin a scaradh ón mbliain ina dhiaidh sin, agus réiteach a dhéanamh go comhréireach don bhliain féilire is gá. Déanfar na himeachtaí lena mbaineann le haghaidh sreabh breosla amháin nó níos mó a dhoiciméadú sa phlean faireacháin, a thaifeadadh go soiléir, a bheidh mar bhunús do luach atá ionadaíoch don bhliain féilire, agus a mheasfar go comhsheasmhach i ndáil leis an gcéad bhliain eile. Féadfaidh an Coimisiún na treoirlínte ábhartha a chur ar fáil.

Agus na méideanna breosla arna scaoileadh á gcinneadh i gcomhréir le mír 1, pointe (b) agus (c) den Airteagal seo, beidh feidhm ag Airteagail 28 agus 29, cé is moite d’Airteagal 28(2), an dara fomhír, an dara habairt agus an tríú fomhír. Chun na críche sin, aon tagairt d’oibreoir ná do shuiteáil, tuigfear mar thagairt don eintiteas rialáilte é.

Féadfaidh an t-eintiteas rialáilte an measúnú éiginnteachta a shimpliú trína thoimhdiú go measfar gurb é an t-uaslíon earráidí incheadaithe a shonraítear don ionstraim tomhais i mbun seirbhíse an éiginnteacht le linn na tréimhse tuairiscithe iomláine mar a éilítear leis na sainithe leibhéil in Iarscríbhinn IIa.

3.   De mhaolú ar Airteagal 75h, i gcás ina n-úsáidtear an modh dá dtagraítear i bpointe (a) de mhír 1 den Airteagal seo, féadfaidh an t-eintiteas rialáilte na méideanna breosla arna scaoileadh a chinneadh gan leibhéil a úsáid. Tuairisceoidh na húdaráis inniúla don Choimisiún faoin 30 Meitheamh 2026 maidir le cur i bhfeidhm praiticiúil agus na leibhéil éiginnteachta den mhodh dá dtagraítear sa phointe sin.

1.   Beidh feidhm ag Airteagal 30, Airteagal 31(1), (2) agus (3) agus Airteagail 32, 33, 34, agus 35. Chun na críche sin:

(a)	tuigfear aon tagairt d’oibreoir mar thagairt don eintiteas rialáilte;

(b)	aon tagairt do shonraí gníomhaíochta, tuigfear é mar thagairt do na méideanna breosla arna scaoileadh;

(c)	tuigfear aon tagairt do bhreoslaí nó d’ábhair mar thagairt do bhreoslaí mar a shainítear in Airteagal 3(af) de Threoir 2003/87/CE;

(d)	tuigfear aon tagairt d’Iarscríbhinn II mar thagairt d’Iarscríbhinn IIa.

2.   Féadfaidh an t-údarás inniúil éileamh ar an eintiteas rialáilte an fachtóir coinbhéartúcháin aonaid agus an fachtóir astaíochta a chinneadh le haghaidh breoslaí mar a shainítear in Airteagal 3(af) de Threoir 2003/87/CE agus úsáid á baint as na leibhéil chéanna agus is gá le haghaidh breoslaí tráchtála caighdeánacha ar choinníoll go léiríonn aon cheann de na paraiméadair seo a leanas, ar an leibhéal náisiúnta nó réigiúnach, eatramh muiníne 95 % sna cásanna seo a leanas:

(a)	faoi bhun 2 % le haghaidh glanluach calrach;

(b)	faoi bhun 2 % le haghaidh an fhachtóra astaíochta, i gcás ina sloinntear méideanna an bhreosla arna scaoileadh mar luach fuinnimh.

Sula gcuirfear an maolú seo i bhfeidhm, cuirfidh an t-údarás inniúil achoimre faoi bhráid an Choimisiúin lena formheas ar an modh agus na foinsí sonraí a úsáidtear lena chinneadh an gcomhlíontar ceann amháin de na coinníollacha sin le 3 bliana anuas, agus chun a áirithiú go mbeidh na luachanna a úsáidtear i gcomhréir leis na meánluachanna a úsáideann oibreoirí ar an leibhéal comhfhreagrach náisiúnta nó réigiúnach. Féadfaidh an t-údarás inniúil fianaise den sórt sin a bhailiú nó a iarraidh. Uair amháin gach 3 bliana ar a laghad déanfaidh sé athbhreithniú ar na luachanna a úsáidtear agus tabharfaidh sé fógra don Choimisiún má tá aon athrú nach beag ann, agus meán na luachanna a úsáideann na hoibreoirí ar an leibhéal náisiúnta nó réigiúnach á chur san áireamh.

Féadfaidh an Coimisiún athbhreithniú tráthrialta a dhéanamh ar ábharthacht na forála seo agus na gcoinníollacha a leagtar amach sa mhír seo i bhfianaise na bhforbairtí ar an margadh breoslaí agus sa phróiseas caighdeánaithe Eorpach.

1.   I gcás nach n-úsáidtear na méideanna breosla arna scaoileadh de shreabh breosla ach amháin le haghaidh dócháin in earnálacha a chumhdaítear le hIarscríbhinn III a ghabhann le Treoir 2003/87/CE, socrófar an fachtóir raoin ag 1.

I gcás nach n-úsáidtear méideanna breosla arna scaoileadh de shreabh breosla ach amháin le haghaidh dócháin in earnálacha a chumhdaítear le Caibidlí II agus III de Threoir 2003/87/CE, cé is moite de shuiteálacha a eisiatar faoi Airteagal 27a den Treoir sin, socrófar an fachtóir raoin ag nialas, ar choinníoll go léiríonn an t-eintiteas rialáilte gur seachnaíodh an comhaireamh dúbailte dá dtagraítear in Airteagal 30f(5) de Threoir 2003/87/CE.

Cinnfidh an t-eintiteas rialáilte fachtóir raoin le haghaidh gach sreabh breosla trí na modhanna dá dtagraítear i mír 2 a chur i bhfeidhm, nó luach réamhshocraithe i gcomhréir le mír 3, ag brath ar an leibhéal is infheidhme.

2.   Cinnfidh an t-eintiteas rialáilte an fachtóir raoin ar bhonn ceann amháin nó níos mó de na modhanna seo a leanas, i gcomhréir le ceanglais an leibhéil is infheidhme mar a leagtar amach in Iarscríbhinn IIa a ghabhann leis an Rialachán seo:

(a)	modhanna atá bunaithe ar an idirdhealú fisiceach de shreabha breosla, lena n-áirítear modhanna atá bunaithe ar an idirdhealú maidir le réigiún geografach nó atá bunaithe ar úsáid ionstraimí tomhais ar leithligh;

(b)	modhanna atá bunaithe ar airíonna ceimiceacha na mbreoslaí, a fhágann gur féidir le heintitis rialáilte a léiriú nach féidir an breosla ábhartha a úsáid ach amháin le haghaidh dócháin in earnálacha sonracha, de thairbhe cúiseanna dlíthiúla, teicniúla nó eacnamaíocha;

(c)	marcóir fioscach a úsáid i gcomhréir le Treoir 95/60/CE ón gComhairle (*5);

(d)	an tuarascáil astaíochtaí bhliantúil fhíoraithe a úsáid dá dtagraítear in Airteagal 68(1);

(e)	slabhra de shocruithe conarthacha agus sonraisc inrianaithe (‘líne chúraim’), atá ionadaíoch ar an slabhra soláthair iomlán idir an t-eintiteas rialáilte agus na tomhaltóirí, lena n-áirítear tomhaltóirí deiridh;

(f)	marcóirí nó dathanna (ruaimeanna) náisiúnta a úsáid le haghaidh breoslaí, bunaithe ar an reachtaíocht náisiúnta;

(g)

modhanna indíreacha lenar féidir idirdhealú cruinn a dhéanamh idir úsáidí deiridh na mbreoslaí an tráth a scaoileadh chun ídithe iad, amhail próifílí tomhailte a bhaineann le hearnáil go sonrach, raonta tipiciúla acmhainneachta de leibhéil ídithe breosla na dtomhaltóirí, agus leibhéil bhrú amhail na cinn sin atá ag breoslaí gásacha, ar choinníoll go bhformheasann an t-údarás inniúil úsáid an mhodha sin. Féadfaidh an Coimisiún treoirlínte a chur ar fáil maidir leis na modhanna indíreacha is infheidhme.

3.   Faoi réir na leibhéal is gá, i gcás nach bhfuil sé indéanta go teicniúil na modhanna a liostaítear i mír 2 a chur i bhfeidhm nó go dtabhófaí costais mhíréasúnta leis, féadfaidh an t-eintiteas rialáilte luach réamhshocraithe 1 a úsáid.

4.   De mhaolú ar mhír 3, féadfaidh an t-eintiteas rialáilte luach réamhshocraithe a chur i bhfeidhm atá níos ísle ná 1, ar choinníoll an mhéid seo a leanas:

(a)	chun astaíochtaí a thuairisciú sna blianta tuairiscithe 2024 go 2026 léiríonn an t-eintiteas rialáilte chun sástacht an údaráis inniúil go dtiocfaidh cinneadh níos cruinne astaíochtaí ó luachanna réamhshocraithe níos ísle ná 1 a úsáid, nó

(b)

chun astaíochtaí a thuairisciú sna blianta tuairiscithe ó 1 Eanáir 2027 ar aghaidh, léiríonn an t-eintiteas rialáilte chun sástacht an údaráis inniúil go dtiocfaidh cinneadh níos cruinne astaíochtaí ó luachanna réamhshocraithe níos ísle ná 1 a úsáid, agus go gcomhlíontar ceann amháin ar a laghad de na coinníollacha seo a leanas: (i) is sreabh breosla de minimis í an tsreabh breosla; (ii) an luach réamhshocraithe don tsreabh breosla, ní ísle é ná 0,95 le haghaidh úsáidí breosla in earnálacha a chumhdaítear le hIarscríbhinn III a ghabhann le Treoir 2003/87/CE ná ní airde é ná 0,05 le haghaidh úsáidí breosla in earnálacha nach gcumhdaítear leis an Iarscríbhinn sin.

5.   I gcás, le haghaidh sreabh breosla, ina n-úsáideann an t-eintiteas rialáilte níos mó ná modh amháin a liostaítear i míreanna 2, 3 agus 4, cinnfidh sé an fachtóir raoin mar mheán ualaithe na bhfachtóirí difriúla raoin de thoradh ar úsáid gach modha. Le haghaidh gach modh a úsáidtear, tíolacfaidh an t-eintiteas rialáilte faisnéis maidir leis an gcineál modha, an fachtóir raoin comhbhainteach, an méid breosla arna scaoileadh agus an cód ón bhformáid choiteann tuairiscithe le haghaidh córais náisiúnta fardail gás ceaptha teasa, arna fhormheas ag na comhlachtaí faoi seach de Chreat-Choinbhinsiún na Náisiún Aontaithe ar an Athrú Aeráide (cód Fhormáid Choiteann Tuairiscithe (FCT)), ar an leibhéal mionsonraí atá le fáil.

6.   De mhaolú ar mhír 1 den Airteagal seo agus d’Airteagal 75i, féadfaidh Ballstát a cheangal ar eintitis rialáilte modh sonrach dá dtagraítear i mír 2 den Airteagal seo a úsáid nó luach réamhshocraithe a úsáid le haghaidh cineál áirithe breosla nó i réigiún áirithe laistigh dá chríoch. Beidh úsáid luachanna réamhshocraithe ar leibhéal náisiúnta faoi réir formheas a fháil ón gCoimisiúin.

Le linn don Choimisiún an luach réamhshocraithe a fhormheas i gcomhréir leis an gcéad fhomhír, measfaidh sé an leibhéal iomchuí comhchuibhithe modheolaíochtaí idir na Ballstáit, an cothrom idir cruinneas, éifeachtúlacht riarthach agus impleachtaí do chur ar aghaidh costais do thomhaltóirí, chomh maith le riosca féideartha de theacht timpeall ar oibleagáidí faoi Chaibidil IVa de Threoir 2003/87/CE.

Aon luach réamhshocraithe don tsreabh breosla náisiúnta a úsáidtear faoin mír seo, ní bheidh sé níos ísle ná 0,95 le haghaidh úsáidí breosla in earnálacha a chumhdaítear le hIarscríbhinn III a ghabhann le Treoir 2003/87/CE ná ní bheidh sé níos airde ná 0,05 le haghaidh úsáidí breosla in earnálacha nach gcumhdaítear leis an Iarscríbhinn sin.

7.   Sonróidh an t-eintiteas rialáilte na modhanna atá le cur i bhfeidhm nó na luachanna réamhshocraithe sa phlean faireacháin.

1.   Beidh feidhm ag Airteagail 38 agus 39, cé is moite de mhír 2 agus 2a. Chun na críche sin:

(a)	tuigfear aon tagairt d’oibreoir mar thagairt don eintiteas rialáilte;

(b)	aon tagairt do shonraí gníomhaíochta, tuigfear é mar thagairt do na méideanna breosla arna scaoileadh;

(c)	tuigfear aon tagairt do shreabha bunaidh mar thagairt do shreabha breosla;

(d)	tuigfear aon tagairt d’Iarscríbhinn II mar thagairt d’Iarscríbhinn IIa;

(e)	tuigfear aon tagairt do mhír 39(2) mar thagairt do mhír 3 den Airteagal seo.

2.   I gcás inarb infheidhme Airteagal 38(5), cuirfear na maoluithe tairsí i gcomhréir le hAirteagal 29(1), an ceathrú fomhír, de Threoir (AE) 2018/2001 san áireamh, ar choinníoll gur féidir leis an eintiteas rialáilte an fhianaise ábhartha a léiriú chun sástacht an údaráis inniúil. Féadfaidh an Coimisiún treoirlínte a chur ar fáil faoin gcaoi chun na maoluithe tairseach sin a chur i bhfeidhm a thuilleadh.

3.   I gcás, faoi réir an leibhéil a éilítear, nach mór don eintiteas rialáilte anailísí a dhéanamh chun an codán bithmhaise a chinneadh, déanfaidh sé amhlaidh ar bhonn caighdeáin ábhartha agus na modhanna anailíseacha ann, ar choinníoll go dtugann an t-údarás inniúil formheas d’úsáid an chaighdeáin sin agus an mhodha anailísigh.

I gcás, faoi réir an leibhéil a éilítear, nach mór don eintiteas rialáilte anailísí a dhéanamh leis an gcodán bithmhaise a chinneadh, ach nach indéanta go teicniúil é cur i bhfeidhm na chéad fhomhíre nó go dtabhófaí costais mhíréasúnta leis, cuirfidh an t-eintiteas rialáilte modh meastacháin malartach chun an codán bithmhaise a chinneadh faoi bhráid an údaráis inniúil lena fhormheas.

1.   Féadfaidh an t-údarás inniúil a mheas gur eintiteas rialáilte ag a bhfuil astaíochtaí ísle é eintiteas rialáilte i gcás ina gcomhlíontar ceann amháin ar a laghad de na coinníollacha seo a leanas:

(a)	idir 2027 agus 2030 bhí an meánlíon fíoraithe d’astaíochtaí bliantúla sa 2 bhliain roimh an tréimhse tuairiscithe, cé is moite de CO2 a eascraíonn as bithmhais, níos lú ná 1 000 tona de CO2 in aghaidh na bliana;

(b)

ó 2031 ar aghaidh bhí meánlíon astaíochtaí bliantúla an eintitis rialáilte sin arna dtuairisciú sna tuarascálacha astaíochtaí fíoraithe le linn na tréimhse trádála díreach roimh an tréimhse trádála atá ann cheana, cé is moite de CO2 a eascraíonn as bithmhais, níos lú ná 1 000 tona de CO2 in aghaidh na bliana;

(c)

i gcás nach bhfuil an meánlíon astaíochtaí bliantúla dá dtagraítear i bpointe (a) le fáil ná nach bhfuil siad ionadaíoch a thuilleadh chun críoch phointe (a), ach go mbeidh astaíochtaí bliantúla an eintitis rialáilte sin go ceann na chéad 5 bliana, cé is moite de CO2 a eascraíonn as bithmhais, bunaithe ar mhodh meastacháin caomhach, níos lú ná 1 000 tona de CO2(e) in aghaidh na bliana.

Chun críoch na míre seo, beidh feidhm ag Airteagal 38(5).

2.   Ní cheanglófar ar an eintiteas rialáilte ag a bhfuil astaíochtaí ísle na doiciméid tacaíochta dá dtagraítear in Airteagal 12(1), an tríú fomhír a thíolacadh.

3.   De mhaolú ar Airteagal 75j, féadfaidh an t-eintiteas rialáilte ag a bhfuil astaíochtaí ísle an méid breosla arna scaoileadh a chinneadh trí úsáid a bhaint as taifid cheannaigh atá le fáil agus doiciméadaithe agus as athruithe measta ar stoc.

4.   De mhaolú ar Airteagal 75 h, féadfaidh an t-eintiteas rialáilte ag a bhfuil astaíochtaí ísle leibhéal 1 a chur i bhfeidhm mar leibhéal íosta chun méideanna breosla arna scaoileadh agus fachtóirí ríomha le haghaidh gach sreabh breosla a chinneadh, mura bhfuil cruinneas níos airde indéanta gan dua breise a chur ar an eintiteas rialáilte.

5.   Chun na críche fachtóirí ríomha a chinneadh ar bhonn anailísí i gcomhréir le hAirteagal 32, féadfaidh an t-eintiteas rialáilte ag a bhfuil astaíochtaí ísle aon saotharlann a úsáid ag a bhfuil an inniúlacht theicniúil agus an cumas chun torthaí atá bailí go teicniúil a ghiniúint leis na nósanna imeachta anailíseacha ábhartha, agus a chuireann fianaise ar fáil ar mhaithe le bearta dearbhaithe cáilíochta dá dtagraítear in Airteagal 34(3).

6.   I gcás ina sáraíonn eintiteas rialáilte ag a bhfuil astaíochtaí ísle atá faoi réir faireachán simplithe an tairseach dá dtagraítear i mír 2 in aon bhliain féilire, tabharfaidh an t-eintiteas rialáilte sin fógra don údaráis inniúil faoi sin gan moill mhíchuí.

Cuirfidh an t-eintiteas rialáilte, gan moill mhíchuí, modhnú nach beag ar an bplean faireacháin de réir bhrí Airteagal 15(3), pointe (b), faoi bhráid an údaráis inniúil lena fhormheas.

Mar sin féin, ceadóidh an t-údarás inniúil don eintiteas rialáilte leanúint ar aghaidh le faireachán simplithe ar choinníoll go léiríonn an t-eintiteas rialáilte chun sástacht an údaráis inniúil nár sáraíodh cheana féin an tairseach dá dtagraítear i mír 2 laistigh de na cúig thréimhse thuairiscithe is déanaí, agus nach sárófar arís í ón tréimhse tuairiscithe dár gcionn ar aghaidh.

1.   Ó 2026 ar aghaidh, cuirfidh an t-eintiteas rialáilte tuarascáil astaíochtaí faoi bhráid an údaráis inniúil faoin 30 Aibreán gach bliain lena gcumhdaítear na hastaíochtaí bliantúla sa tréimhse tuairiscithe agus a fhíoraítear i gcomhréir le Rialachán Cur Chun Feidhme (AE) 2018/2067.

In 2025, cuirfidh an t-eintiteas rialáilte tuarascáil astaíochtaí faoi bhráid an údaráis inniúil faoin 30 Aibreán lena gcumhdaítear na hastaíochtaí bliantúla in 2024. Áiritheoidh na húdaráis inniúla go bhfuil an fhaisnéis a chuirtear ar fáil sa tuarascáil sin i gcomhréir le ceanglais an Rialacháin seo.

Mar sin féin, féadfaidh údaráis inniúla a cheangal ar eintitis rialáilte na tuarascálacha astaíochtaí bliantúla dá dtagraítear sa mhír seo a thíolacadh faoin 30 Aibreán, ar choinníoll go gcuirtear an tuarascáil isteach ar a luaithe 1 mhí amháin tar éis na sprioc-ama a leagtar amach in Airteagal 68(1).

2.   Beidh an fhaisnéis a liostaítear in Iarscríbhinn X ar a laghad le fáil sna tuarascálacha astaíochtaí bliantúla dá dtagraítear i mír 1.

1.   Déanfaidh gach eintiteas rialáilte seiceáil go tráthrialta an féidir feabhas a chur ar an mhodheolaíocht faireacháin.

Cuirfidh eintitis rialáilte tuarascáil faoi bhráid an údaráis inniúil lena formheas ina bhfaighfear an fhaisnéis dá dtagraítear i mír 2 nó 3, i gcás inarb iomchuí, faoi na sprioc-amanna seo a leanas:

(a)	i gcás eintiteas i gcatagóir A, faoin 31 Iúil gach 5 bliana;

(b)	i gcás eintiteas i gcatagóir B, faoin 31 Iúil gach 3 bliana;

(c)	i gcás aon eintitis rialáilte atá ag úsáid an fhachtóra raoin réamhshocraithe dá dtagraítear in Airteagal 75l(3) agus (4), faoin 31 Iúil 2026.

Mar sin féin, féadfaidh an t-údarás inniúil dáta malartach a shocrú do thíolacadh na tuarascála, dáta nach déanaí ná an 30 Meán Fómhair den bhliain chéanna, agus féadfaidh síneadh leis an sprioc-am is infheidhme de bhun an dara fomhír a fhormheas, in éineacht leis an bplean faireacháin nó an tuarascáil feabhsaithe, má chuireann an t-eintiteas rialáilte fianaise ar fáil chun sástacht an údaráis inniúil ar thíolacadh plean faireacháin i gcomhréir le hAirteagal 75b nó ar fhógra a thabhairt faoi nuashonruithe i gcomhréir leis an Airteagal sin, nó ar thíolacadh tuarascála feabhsaithe i gcomhréir leis an Airteagal seo, go bhfuil na fáthanna le costais mhíréasúnta nó le bearta feabhsaithe gan a bheith indéanta go teicniúil fós bailí go ceann tréimhse ama níos faide. Cuirfear san áireamh leis an síneadh an líon blianta a gcuireann an t-eintiteas rialáilte fianaise ar fáil ina leith. Ní sháróidh an tréimhse ama iomlán idir tuarascálacha ar fheabhsuithe 4 bliana i gcás eintiteas rialáilte i gcatagóir B nó 5 bliana i gcás eintiteas rialáilte i gcatagóir A.

2.   Maidir leis na leibhéil is gá de bhun na chéad fhomhíre d’Airteagal 75h(1) agus de bhun Airteagal 75i(1), i gcás nach gcuireann an t-eintiteas rialáilte iad sin ar laghad i bhfeidhm maidir le sreabha breosla móra, cuirfidh an t-eintiteas rialáilte réasúnú maidir leis an bhfáth nach indéanta go teicniúil é nó go dtabhófaí costais mhíréasúnta leis chun na leibhéil is gá a chur i bhfeidhm.

Mar sin féin, i gcás ina n-aimsítear fianaise go bhfuil na bearta is gá chun na leibhéil sin a bhaint amach tar éis éirí indéanta go teicniúil, agus nach dtabhaítear costais mhíréasúnta leo a thuilleadh, tabharfaidh an t-eintiteas rialáilte fógra don údarás inniúil faoi mhodhnuithe iomchuí ar an bplean faireacháin i gcomhréir le hAirteagal 75b, agus tíolacfaidh sé tograí maidir leis na bearta gaolmhara a chur chun feidhme agus n-uainiú.

3.   I gcás ina gcuireann eintiteas rialáilte fachtóir raoin réamhshocraithe dá dtagraítear in Airteagal 75l(3) agus (4) i bhfeidhm, tabharfaidh an t-eintiteas rialáilte réasúnú leis an bhfáth nach bhfuil sé indéanta go teicniúil nó go dtabhófaí costais mhíréasúnta le haon mhodh eile dá dtagraítear in Airteagal 75l(2) a chur i bhfeidhm le haghaidh ceann amháin nó níos mó de shreabha breosla móra nó de minimis.

Mar sin féin, i gcás ina n-aimsítear fianaise le haghaidh na sreabh breosla sin go bhfuil sé tar éis éirí indéanta go teicniúil, agus nach dtabhaítear costais mhíréasúnta leis a thuilleadh aon mhodh eile dá dtagraítear in Airteagal 75l(2) a chur i bhfeidhm, tabharfaidh an t-eintiteas rialáilte fógra don údarás inniúil faoi mhodhnuithe iomchuí ar an bplean faireacháin i gcomhréir le hAirteagal 75b, agus tíolacfaidh sé tograí chun na bearta gaolmhara a chur chun feidhme agus dá n-uainiú.

4.   I gcás ina maítear sa tuarascáil fíorúcháin a bhunaítear i gcomhréir le Rialachán Cur Chun Feidhme (AE) 2018/2067 neamhréireachtaí nó moltaí amuigh le haghaidh feabhsuithe, i gcomhréir le hAirteagail 27, 29 agus 30 den Rialachán Cur Chun Feidhme sin, cuirfidh an t-eintiteas rialáilte tuarascáil faoi bhráid an údaráis inniúil lena formheas faoin 31 Iúil den bhliain ina n-eisíonn an fíoraitheoir an tuarascáil fíorúcháin sin. Tabharfar tuairisc sa tuarascáil sin ar an mbealach agus ar an uair a cheartaigh an t-eintiteas rialáilte nó atá sé ag beartú na neamhréireachtaí a d’aithin an fíoraitheoir a cheartú, agus chun feabhsuithe molta a chur chun feidhme.

Féadfaidh an t-údarás inniúil dáta malartach a shocrú leis an tuarascáil dá dtagraítear sa mhír seo a chur isteach, ach faoi thráth nach déanaí ná 30 Meán Fómhair den bhliain chéanna. I gcás inarb infheidhme, féadfar tuarascáil den sórt sin a chomhcheangal leis an tuarascáil dá dtagraítear i mír 1 den Airteagal seo.

I gcás nach dtiocfadh feabhsuithe ar an modheolaíocht faireacháin ó na feabhsuithe atá molta, cuirfidh an t-eintiteas rialáilte réasúnú ar fáil faoin bhfáth arb amhlaidh atá. I gcás ina dtabhófaí costais mhíréasúnta leis na feabhsaithe atá molta, cuirfidh an t-eintiteas rialáilte fianaise ar fáil de chineál míréasúnta na gcostas.

5.   Ní bheidh feidhm ag mír 4 den Airteagal seo i gcás ina réitigh an t-eintiteas rialáilte na neamhréireachtaí agus moltaí feabhsaithe uile cheana féin, agus ina bhfuil modhnuithe gaolmhara ar an bplean faireacháin curtha faoi bhráid an údaráis inniúil aige lena bhformheas i gcomhréir le hAirteagal 75b den Rialachán seo roimh an dáta a shocraítear de bhun mhír 4 den Airteagal seo.

1.   Déanfaidh an t-údarás inniúil meastachán coimeádach ar astaíochtaí eintitis rialáilte, agus impleachtaí do chur ar aghaidh costais chuig tomhaltóirí á gcur san áireamh, in aon cheann de na himthosca seo a leanas:

(a)	níor thíolaic an t-eintiteas rialáilte aon tuarascáil astaíochtaí bhliantúil fhíoraithe faoin sprioc-am a éilítear de bhun Airteagal 75p;

(b)	níl an tuarascáil astaíochtaí bhliantúil fhíoraithe dá dtagraítear in Airteagal 75p i gcomhréir leis an Rialachán seo;

(c)	ní dhearnadh tuarascáil astaíochtaí bhliantúil ó eintiteas rialáilte a fhíorú i gcomhréir le Rialachán Cur Chun Feidhme (AE) 2018/2067.

2.   I gcás ina bhfuil sé luaite ag fíoraitheoir sa tuarascáil fíorúcháin de bhun Rialachán Cur Chun Feidhme (AE) 2018/2067, gur ann do mhíráitis neamhábhartha nár cheartaigh an t-eintiteas rialáilte iad sular eisíodh an tuarascáil fíorúcháin, déanfaidh an t-údarás inniúil measúnú ar na míráitis sin agus, i gcás inarb iomchuí, déanfaidh sé meastachán coimeádach ar astaíochtaí an eintitis rialáilte, agus na himpleachtaí maidir le costais a chur ar aghaidh do thomhaltóirí á gcur san áireamh. Cuirfidh an t-údarás inniúil in iúl don eintiteas rialáilte an bhfuil gá le ceartúcháin ar an tuarascáil astaíochtaí bhliantúil, agus na ceartúcháin a bhfuil gá leo. Cuirfidh an t-eintiteas rialaithe an fhaisnéis sin ar fáil don fhíoraitheoir.

3.   Bunóidh na Ballstáit malartú faisnéise éifeachtúil idir na húdaráis inniúla atá freagrach as pleananna faireacháin a fhormheas agus na húdaráis inniúla atá freagrach as na tuarascálacha astaíochtaí bliantúla a ghlacadh.

1.   Éascóidh Ballstáit malartuithe éifeachtúla faisnéise lena gcumasaítear na heintitis rialáilte chun úsáid deiridh an bhreosla arna scaoileadh chun ídithe a chinneadh.

2.   Déanfaidh gach oibreoir, in éineacht lena thuarascáil astaíochtaí fhíoraithe i gcomhréir le hAirteagal 68(1), faisnéis a thíolacadh i gcomhréir le hIarscríbhinn Xa. Féadfaidh Ballstáit a éileamh go gcuirfidh oibreoirí an fhaisnéis ábhartha a liostaítear in Iarscríbhinn Xa ar fáil don eintiteas rialáilte lena mbaineann tráth níos luaithe ná 31 Márta den bhliain tuairiscithe.

3.   Déanfaidh gach eintiteas rialáilte, in éineacht lena dtuarascáil astaíochtaí fhíoraithe i gcomhréir le hAirteagal 75p(1), faisnéis a thíolacadh maidir le tomhaltóirí na mbreoslaí a scaoil sé chun ídithe mar a liostaítear in Iarscríbhinn Xb.

4.   Déanfaidh gach eintiteas rialáilte a scaoileann breosla le haghaidh dócháin, in earnálacha a chumhdaítear le Caibidil III de Threoir 2003/87/CE, a n-astaíochtaí sa tuarascáil dá dtagraítear in Airteagal 75p(1) den Rialachán seo a chinneadh trí úsáid a bhaint as an bhfaisnéis ó thuarascálacha oibreora a thíolactar i gcomhréir le hIarscríbhinn Xa den Rialachán seo agus trí na méideanna ábhartha dá dtagraítear sna tuarascálacha sin a asbhaint. Ní fhéadfar na méideanna breoslaí a fuarthas ach nár úsáideadh in aon bhliain amháin a asbhaint ach amháin má dheimhnítear i dtuarascáil astaíochtaí fhíoraithe an oibreora den bhliain dár gcionn gur úsáideadh iad le haghaidh gníomhaíochtaí dá dtagraítear in Iarscríbhinn I a ghabhann le Treoir 2003/87/CE. Mura ndéantar amhlaidh, léireofar an difríocht sna tuarascálacha astaíochtaí fíoraithe den eintiteas rialáilte don bhliain sin.

5.   I gcás ina n-asbhaintear na méideanna breoslaí sa bhliain i ndiaidh na bliana tuairiscithe, bunófar an asbhaint i bhfoirm dearbhlaghduithe astaíochtaí, rud a dhíorthaítear ó mhéid na mbreoslaí a d’úsáid an t-oibreoir a iolrú faoin bhfachtóir astaíochta comhfhreagrach i bplean faireacháin an eintitis rialáilte.

6.   I gcás nach féidir leis an eintiteas rialáilte a fháil amach go n-úsáidtear na breoslaí arna scaoileadh chun ídithe le haghaidh dócháin in earnálacha atá faoi réir Chaibidil III de Threoir 2003/87/CE, ní bheidh feidhm ag míreanna 4 agus 5.

7.   Féadfaidh na Ballstáit a éileamh go gcuirfidh oibreoirí aerárthaí forálacha an Airteagail seo a bhaineann le hoibreoirí i bhfeidhm freisin.

1.   Chun a áirithiú go ndéanfar faireachán agus tuairisciú cruinn ar astaíochtaí a chumhdaítear le Caibidil IVa de Threoir 2003/87/CE, bunóidh na Ballstáit bearta in aghaidh na calaoise, agus cinnfidh siad na pionóis a bheidh le forchur i gcás na calaoise a bheidh ar cóimhéid lena gcuspóir agus a mbainfidh éifeacht dhíspreagthach shásúil leo.

2.   I dteannta oibleagáidí a bhunaítear de bhun Airteagal 10, rachaidh na húdaráis inniúla a ainmnítear de bhun Airteagal 18 de Threoir 2003/87/CE i gcomhar a chéile agus malartóidh siad faisnéis leis na húdaráis inniúla ar a bhfuil an mhaoirseacht curtha de dhualgas de bhun na reachtaíochta náisiúnta lena dtrasuitear Treoracha 2003/96/CE agus (AE) 2020/262, i gcás inarb ábhartha, chun críocha an Rialacháin seo, lena n-áirítear chun sáruithe a bhrath agus pionóis a ghearradh dá dtagraítear i mír 1 nó bearta ceartaitheacha a dhéanamh i gcomhréir le hAirteagal 16 de Threoir 2003/87/CE.

‘IARSCRÍBHINN IIa

Sainithe ar leibhéil le haghaidh modheolaíochtaí ríomh-bhunaithe i ndáil le heintitis rialáilte

1.   SAINIÚ AR LEIBHÉIL LE hAGHAIDH MÉIDEANNA BREOSLA ARNA SCAOILEADH

Beidh feidhm ag na tairseacha éiginnteachta i dTábla 1 maidir le leibhéil atá ábhartha do cheanglais na méideanna breosla arna scaoileadh i gcomhréir le hAirteagal 28(1), pointe (a), agus Airteagal 29(2), an chéad fhomhír. Déanfar na tairseacha éiginnteachta a léirmhíniú mar éiginnteachtaí uasta is incheadaithe le haghaidh sreabha breosla a chinneadh i gcaitheamh tréimhse tuairiscithe.

Tábla 1

Leibhéil le haghaidh méideanna breosla arna scaoileadh (an éiginnteacht uasta is incheadaithe le haghaidh gach leibhéil)

Cineál sreibhe breosla

Paraiméadar dá gcuirtear an éiginnteacht i bhfeidhm

Leibhéal 1

Leibhéal 2

Leibhéal 3

Leibhéal 4

Dóchán breoslaí

Breoslaí tráchtála caighdeánacha	Méid breosla [t] nó [Nm3] nó [TJ]	±7,5  %	±5  %	±2,5  %	±1,5  %
Breoslaí gásacha agus leachtacha eile	Méid breosla [t] nó [Nm3] nó [TJ]	±7,5  %	±5  %	±2,5  %	±1,5  %
Breoslaí soladacha	Méid breosla [t] nó [TJ]	±7,5  %	±5  %	±2,5  %	±1,5  %

2.   SAINMHÍNIÚ LEIBHÉAL LE hAGHAIDH FACHTÓIRÍ RÍOMHA AGUS AN FHACHTÓRA RAOIN

Déanfar eintitis rialáilte faireachán ar astaíochtaí CO2 ó chineálacha uile breoslaí arna scaoileadh chun ídithe in earnálacha a liostaítear in Iarscríbhinn III a ghabhann le Treoir 2003/87/CE nó a áirítear i gcóras an Aontais faoi Airteagal 30j den Treoir sin agus sainmhínithe na leibhéal a leagtar síos sa roinn seo á n-úsáid.

2.1.   Leibhéil le haghaidh fachtóirí astaíochta

I gcás ina gcinntear codán bithmhaise le haghaidh breosla measctha, bainfidh na leibhéil a shainítear leis an bhfachtóir astaíochta tosaigh. Le haghaidh breoslaí iontaise, bainfidh na leibhéil leis an bhfachtóir astaíochta.

Leibhéal 1: Cuirfidh an t-eintiteas rialáilte ceann amháin de na nithe seo a leanas i bhfeidhm:

(a)	na fachtóirí caighdeánacha a liostaítear i roinn 1 d’Iarscríbhinn VI;

(b)	luachanna seasmhacha eile i gcomhréir le hAirteagal 31(1), pointe (e), i gcás nach bhfuil aon luach infheidhme i roinn 1 d’Iarscríbhinn VI.

Leibhéal 2a: Cuirfidh an t-eintiteas rialáilte fachtóirí astaíochta tírshonracha i bhfeidhm le haghaidh an bhreosla faoi seach i gcomhréir le hAirteagal 31(1), pointí (b) agus (c).

Leibhéal 2b: Díorthóidh an t-eintiteas rialáilte fachtóirí astaíochta don bhreosla bunaithe ar ghlanluach calrach le haghaidh cineálacha sonracha guail, in éineacht le comhghaolú eimpíreach mar a chinntear uair sa bhliain ar a laghad i gcomhréir le hAirteagail 32 go 35 agus Airteagal 75m.

Áiritheoidh an t-eintiteas rialáilte go sásaítear leis an gcomhghaolú ceanglais dea-chleachtais innealtóireachta agus nach gcuirtear i bhfeidhm é ach maidir le luachanna na hathróige ionadaí a thagann isteach sa raon dá mbunaítear ina leith é.

Leibhéal 3: Cuirfidh an t-eintiteas rialáilte ceann amháin de na nithe seo a leanas i bhfeidhm:

(a)	cinneadh an fhachtóra astaíochta i gcomhréir leis na forálacha ábhartha d’Airteagail 32 go 35;

(b)

an comhghaolú eimpíreach mar a shonraítear le haghaidh Leibhéal 2b, i gcás ina léiríonn an t-eintiteas rialáilte chun sástacht an údaráis inniúil nach mó éiginnteacht an chomhghaolaithe eimpírigh ná 1/3 an luacha éiginnteachta nach mór don eintiteas rialáilte cloí leis maidir le cinneadh na méideanna breosla den bhreosla ábhartha arna scaoileadh.

2.2.   Leibhéil le haghaidh fachtóir coinbhéartúcháin aonaid

Leibhéal 1: Cuirfidh an t-eintiteas rialáilte ceann amháin de na nithe seo a leanas i bhfeidhm:

(a)	na fachtóirí caighdeánacha a liostaítear i roinn 1 d’Iarscríbhinn VI;

(b)	luachanna seasmhacha eile i gcomhréir le hAirteagal 31(1), pointe (e), i gcás nach bhfuil aon luach infheidhme i roinn 1 d’Iarscríbhinn VI.

Leibhéal 2a: Cuirfidh an t-eintiteas rialáilte fachtóirí tírshonracha i bhfeidhm le haghaidh an bhreosla faoi seach i gcomhréir le hAirteagal 31(1), pointe (b) nó (c).

Leibhéal 2b: Le haghaidh breoslaí a thrádáiltear go tráchtála úsáidfear an fachtóir coinbhéartúcháin aonaid mar a dhíorthaítear ó na taifeadtaí ceannaigh le haghaidh an bhreosla faoi seach ar choinníoll gur díorthaíodh é bunaithe ar chaighdeáin a bhfuil glacadh leo go náisiúnta nó go hidirnáisiúnta.

Leibhéal 3: Cinnfidh an t-eintiteas rialáilte an fachtóir coinbhéartúcháin aonaid i gcomhréir le hAirteagail 32 go 35.

2.3.   Leibhéil le haghaidh codán bithmhaise

Leibhéal 1: Cuirfidh an t-eintiteas rialáilte luach is infheidhme i bhfeidhm arna fhoilsiú ag an údarás inniúil nó ag an gCoimisiún, nó luachanna i gcomhréir le hAirteagal 31(1).

Leibhéal 2: Cuirfidh an t-eintiteas rialáilte modh meastacháin i bhfeidhm arna fhormheas i gcomhréir le hAirteagal 75m(3), an dara fomhír.

Leibhéal 3 a: Cuirfidh an t-eintiteas rialáilte anailísí i bhfeidhm i gcomhréir le hAirteagal 75m(3), an chéad fhomhír, agus i gcomhréir le hAirteagail 32 go 35.

I gcás ina nglacann eintiteas rialáilte le codán iontaise 100 % i gcomhréir le hAirteagal 39(1), ní shannfar aon leibhéal le haghaidh an chodáin bhithmhaise.

Leibhéal 3b: Le haghaidh breoslaí de thionscnamh próisis táirgthe ag a bhfuil sreabha ionchuir sainithe agus inrianaithe, d’fhéadfadh an t-eintiteas rialáilte an meastachán a bhunú ar mhaischothromaíocht carbóin iontaise agus bithmhaise a thagann isteach sa phróiseas agus a imíonn uaidh, amhail an córas cothromúcháin maise i gcomhréir le hAirteagal 30(1) de Threoir (AE) 2018/2001.

2.4.   Leibhéil le haghaidh an fhachtóra raoin

Leibhéal 1: Cuirfidh an t-eintiteas rialáilte luach réamhshocraithe i bhfeidhm i gcomhréir le hAirteagal 75l(3) nó (4).

Leibhéal 2: Cuirfidh an t-eintiteas rialáilte modhanna i bhfeidhm i gcomhréir le hAirteagal 75l(2), pointí (e) go (g).

Leibhéal 3: Cuirfidh an t-eintiteas rialáilte modhanna i bhfeidhm i gcomhréir le hAirteagal 75l(2), pointí (a) go (d).

‘IARSCRÍBHINN IX

Sonraí agus faisnéis íosta atá le coinneáil i gcomhréir le hAirteagal 67(1)

Coinneoidh oibreoirí, oibreoirí aerárthaí agus eintitis rialáilte na nithe seo a leanas ar a laghad:

1.   EILIMINTÍ COITEANNA LE hAGHAIDH SUITEÁLACHA, OIBREOIRÍ AERÁRTHAÍ AGUS EINTITIS RIALÁILTE

(1)	An plean faireacháin arna fhormheas ag an údarás inniúil;

(2)	Doiciméid lena dtugtar údar le roghnú na modheolaíochta faireacháin agus na doiciméid lena dtugtar údar le hathruithe ama agus neamh-ama modheolaíochtaí faireacháin agus, i gcás inarb infheidhme, leibhéil arna bhformheas ag an údarás inniúil;

(3)	Nuashonruithe ábhartha uile na bpleananna faireacháin faoina dtugtar fógra don údarás inniúil i gcomhréir le hAirteagal 15, agus freagraí an údaráis inniúil;

(4)	Nósanna imeachta uile i scríbhinn dá dtagraítear sa phlean faireacháin, lena n-áirítear an plean samplála i gcás inarb ábhartha, na nósanna imeachta le haghaidh ghníomhaíochtaí an tsreafa sonraí agus na nósanna imeachta le haghaidh gníomhaíochtaí rialaithe;

(5)	Liosta de leaganacha uile an phlean faireacháin a úsáideadh agus na nósanna imeachta gaolmhara uile;

(6)	Doiciméadacht na bhfreagrachtaí i ndáil le faireachán agus tuairisciú;

(7)	An measúnú riosca a rinne an t-oibreoir, an t-oibreoir aerárthaigh nó an t-eintiteas rialáilte, i gcás inarb infheidhme;

(8)	Na tuarascálacha feabhsaithe i gcomhréir le hAirteagal 69;

(9)	An tuarascáil astaíochta bhliantúil fhíoraithe;

(10)	An tuarascáil fíorúcháin;

(11)	Aon fhaisnéis eile a shainítear mar fhaisnéis a cheanglaítear chun an tuarascáil astaíochtaí bhliantúil a fhíorú.

2.   EILIMINTÍ SONRACHA LE hAGHAIDH SUITEÁLACHA FOINSE DÓ-AISTRITHE

(1)	An cead astaíochtaí gás ceaptha teasa, agus aon nuashonrú air;

(2)	Aon mheasúnú éiginnteachta, i gcás inarb infheidhme;

(3)

Le haghaidh modheolaíochtaí ríomh-bhunaithe a chuirtear i bhfeidhm i suiteálacha: (a) na sonraí gníomhaíochta a úsáideadh le haghaidh aon ríomh na n-astaíochtaí le haghaidh gach sreabh bhunaidh, catagóirithe de réir phróisis agus cineál breosla nó ábhair; (b) liosta na luachanna réamhshocraithe uile a úsáideadh mar fhachtóirí ríomha, i gcás inarb infheidhme; (c) tacar iomlán na dtorthaí samplála agus anailíse chun na fachtóirí ríomha a chinneadh; (d) doiciméadacht maidir le nósanna imeachta neamhéifeachtacha uile a ceartaíodh agus gníomhaíocht cheartaitheach a rinneadh i gcomhréir le hAirteagal 64; (e) aon toradh ó ghléasanna tomhais a chalabrú agus a chothabháil.

(4)

Le haghaidh modheolaíochtaí tomhasbhunaithe i suiteálacha, na heilimintí breise seo a leanas: (a) doiciméadacht lena dtugtar údar le roghnú na modheolaíochta tomhasbhunaithe; (b) na sonraí a úsáideadh le haghaidh anailís éiginnteachta na n-astaíochtaí ó gach foinse astaíochtaí, catagóirithe de réir phróisis; (c) na sonraí a úsáideadh le haghaidh ríomhanna comhthacaíochta agus torthaí na ríomhanna; (d) miontuairisc theicniúil ar an gcóras tomhais leanúnach lena n-áirítear doiciméadacht an fhormheasa ón údarás inniúil; (e) sonraí loma agus comhiomlánaithe ón gcóras tomhais leanúnach, lena n-áirítear doiciméadacht ar athruithe le himeacht ama, an logleabhar maidir le tástálacha, agaí neamhfhónaimh, calabrúcháin, seirbhísiú agus cothabháil; (f) doiciméadacht ar aon athrú ar an gcóras tomhais leanúnach; (g) aon toradh ó ghléasanna tomhais a chalabrú agus a chothabháil; (h) i gcás inarb infheidhme, an tsamhail chothromaíochta maise nó fuinnimh a úsáideadh chun na sonraí ionadacha a chinneadh i gcomhréir le hAirteagal 45(4) agus na toimhdí foluiteacha;

(5)

I gcás ina gcuirtear modheolaíocht chúltaca dá dtagraítear in Airteagal 22 i bhfeidhm, na sonraí uile is gá astaíochtaí le haghaidh na bhfoinsí astaíochtaí agus na sreabh bunaidh dá gcuirtear an modheolaíocht sin i bhfeidhm a chinneadh, chomh maith le seachshonraí le haghaidh sonraí gníomhaíochta, fachtóirí ríomha agus paraiméadair eile a thuairisceofaí faoi mhodheolaíocht leibhéil;

(6)

Le haghaidh táirgeadh alúmanam príomhúil, na heilimintí breise seo a leanas: (a) doiciméadacht ar thorthaí ó fheachtais tomhais chun fachtóirí astaíochta a bhaineann go sonrach le suiteáil le haghaidh CF4 agus C2F6 a chinneadh; (b) doiciméadacht ar thorthaí chinneadh na éifeachtúlachta bailithe le haghaidh astaíochtaí éalaitheacha; (c) na sonraí ábhartha uile maidir le táirgeadh alúmanam príomhúil, minicíocht agus ré na héifeachta anóidí nó sonraí maidir le róvoltas na héifeachta anóidí;

(7)

Le haghaidh gníomhaíochtaí gabhála, iompair agus stórála geolaíche CO2, i gcás inarb infheidhme, na heilimintí breise seo a leanas: (a) doiciméadacht ar an méid CO2 a d’insteall suiteálacha, a rinne stóráil gheolaíoch CO2, sa choimpléasc stórála; (b) sonraí brú agus teochta comhiomlánaithe go hionadaíoch ó líonra iompair; (c) cóip den chead stórála, lena n-áirítear an plean faireacháin formheasta, de bhun Airteagal 9 de Threoir 2009/31/CE; (d) na tuarascálacha a tíolacadh i gcomhréir le hAirteagal 14 de Threoir 2009/31/CE; (e) tuarascálacha maidir le torthaí na n-iniúchtaí a rinneadh i gcomhréir le hAirteagal 15 de Threoir 2009/31/CE; (f) doiciméadacht ar bhearta ceartaitheacha a rinneadh i gcomhréir le hAirteagal 16 de Threoir 2009/31/CE.

3.   EILIMINTÍ SONRACHA LE hAGHAIDH GNÍOMHAÍOCHTAÍ EITLÍOCHTA

(1)	Liosta aerárthaí atá faoi úinéireacht, faoi léas nó a ligeadh amach ar léas, agus an fhianaise is gá le haghaidh iomláine an liosta sin; maidir le gach aerárthach an dáta nuair a chuirtear le haerloingeas an oibreora aerárthaigh nó nuair a bhaintear de;

(2)	Liosta eitiltí a cumhdaíodh i ngach tréimhse tuairiscithe lena n-áirítear, le haghaidh gach eitilte, sainitheoir ICAO an dá aeradróm, agus an fhianaise is gá le haghaidh iomláine an liosta sin;

(3)	Sonraí ábhartha a úsáideadh chun ídiú breosla agus astaíochtaí a chinneadh;

(4)

Doiciméadacht ar an modheolaíocht le haghaidh bearnaí sonraí i gcás inarb infheidhme, an líon eitiltí lenar tarlaíodh bearnaí sonraí, na sonraí a úsáideadh chun na bearnaí sonraí a dhúnadh, na háiteanna inar tharla siad, agus, i gcás inar sháraigh an líon eitiltí ag a raibh bearnaí sonraí 5 % de na heitiltí a tuairiscíodh, cúiseanna leis na bearnaí sonraí chomh maith le doiciméadacht ar ghníomhaíochtaí feabhais a rinneadh.

4.   EILIMINTÍ SONRACHA LE hAGHAIDH EINTITIS RIALÁILTE

(1)	Liosta sreabh breosla i ngach tréimhse tuairiscithe agus an fhianaise is gá le haghaidh iomláine an liosta sin, lena n-áirítear catagóiriú sreabh breosla;

(2)	na modhanna trína scaoiltear na breoslaí mar a shainmhínítear in Airteagal 3, pointe (af) de Threoir 2003/87/CE chun ídithe agus i gcás a bhfuil fáil air, cineálacha tomhaltóirí idirmheánacha, i gcás nach mbeadh ualach riaracháin díréireach ann mar gheall air;

(3)	an cineál úsáide deiridh, lena n-áirítear cód CRF ábhartha na n-earnálacha deiridh ina n-ídítear an breosla mar a shainmhínítear in Airteagal 3, pointe (af), de Threoir 2003/87/CE, ar leibhéal an chomhiomlánaithe atá le fáil;

(4)	sonraí ábhartha a úsáideadh chun na méideanna breosla arna scaoileadh le haghaidh gach sreabh breosla a chinneadh;

(5)	liosta luachanna réamhshocraithe a úsáideadh agus fachtóirí ríomha, i gcás inarb infheidhme;

(6)	an fachtóir raoin le haghaidh gach sreabh breosla, lena n-áirítear sainaithint gach earnála ídithe deiridh agus sonraí foluiteacha ábhartha uile le haghaidh an aitheantais sin;

(7)	na leibhéil is infheidhme lena n-áirítear réasúnuithe le haghaidh imeacht ó na leibhéil is gá;

(8)	tacar iomlán na dtorthaí samplála agus anailíse chun na fachtóirí ríomha a chinneadh;

(9)	doiciméadacht maidir le nósanna imeachta neamhéifeachtacha uile a ceartaíodh agus gníomhaíocht cheartaitheach a rinneadh i gcomhréir le hAirteagal 64;

(10)	aon toradh ó ghléasanna tomhais a chalabrú agus a chothabháil;

(11)	liosta suiteálacha chuig a scaoiltear breosla mar a shainmhínítear in Airteagal 3 (af) de Threoir 2003/87/CE chun ídithe, lena n-áirítear ainmneacha, seoladh agus uimhir cheada agus méideanna breosla arna scaoileadh a soláthraíodh do na suiteálacha sin le haghaidh na tréimhsí tuairiscithe.

‘IARSCRÍBHINN Xa

TUARASCÁLACHA AR SHOLÁTHRÓIRÍ BREOSLA AGUS ÚSÁID BREOSLA SUITEÁLACHA DO-AISTRITHE AGUS, I gCÁS INARB ÁBHARTHA, OIBREOIRÍ AERÁRTHAÍ AGUS CUIDEACHTAÍ LOINGSEOIREACHTA

In éineacht leis an bhfaisnéis atá sa tuarascáil astaíochta bhliantúil de bhun Iarscríbhinn X a ghabhann leis an Rialachán seo, tíolacfaidh an t-oibreoir tuarascáil ina mbeidh an fhaisnéis seo a leanas le haghaidh gach breosla a ceannaíodh mar a shainmhínítear in Airteagal 3(af) de Threoir 2003/87/CE:

(a)

ainm, seoladh agus uimhir cheada uathúil an tsoláthróra breosla atá cláraithe mar eintiteas rialáilte. I gcásanna nach eintiteas rialáilte é an soláthróir breosla, tíolacfaidh na hoibreoirí, i gcás ina bhfuil fáil air, liosta soláthróirí breoslaí uile, ó sholáthróirí breosla suas go dtí an t-eintiteas rialáilte, lena n-áirítear a n-ainm, a seoladh agus a n-uimhir cheada uathúil;

(b)	na cineálacha agus na méideanna breoslaí a fuarthas ó gach soláthróir dá dtagraítear i bpointe (a) le linn na tréimhse tuairiscithe ábhartha;

(c)	an méid breosla a úsáideadh le haghaidh gníomhaíochtaí dá dtagraítear in Iarscríbhinn I a ghabhann le Treoir 2003/87/CE ó gach soláthróir breosla le linn na tréimhse tuairiscithe ábhartha.

IARSCRÍBHINN Xb

TUARASCÁLACHA AR BHREOSLAÍ ARNA SCAOILEADH Ó EINTITIS RIALÁILTE

In éineacht leis an bhfaisnéis atá sa tuarascáil astaíochta bhliantúil de bhun Iarscríbhinn X a ghabhann leis an Rialachán seo, tíolacfaidh an t-eintiteas rialáilte tuarascáil leis an bhfaisnéis seo a leanas le haghaidh gach breosla a ceannaíodh mar a shainmhínítear in Airteagal 3, pointe (af) de Threoir 2003/87/CE:

(a)

ainm, seoladh agus uimhir cheada uathúil an oibreora agus, i gcás inarb ábhartha, an oibreora aerárthaigh agus na cuideachta loingseoireachta, chuig a scaoiltear an breosla. I gcásanna ina bhfuil an breosla beartaithe le haghaidh úsáid deiridh in earnálacha a chumhdaítear le hIarscríbhinn I a ghabhann le Treoir 2003/87/CE, tíolacfaidh an t-eintiteas rialáilte, i gcás ina bhfuil fáil air, liosta na dtomhaltóirí uile breoslaí, ó cheannaitheoir díreach síos go dtí an t-oibreoir, lena n-áirítear a n-ainm, a seoladh agus a n-uimhir cheada uathúil, i gcás nach mbeadh ualach riaracháin díréireach ann mar gheall air;

(b)	na cineálacha agus na méideanna breoslaí a díoladh le gach ceannaitheoir dá dtagraítear i bpointe (a) le linn na tréimhse tuairiscithe ábhartha.

(c)	an méid breosla a úsáideadh le haghaidh gníomhaíochtaí dá dtagraítear in Iarscríbhinn I a ghabhann le Treoir 2003/87/CE le haghaidh gach ceannaitheora dá dtagraítear i bpointe (a) le linn na tréimhse tuairiscithe ábhartha.