32003D0071

Id-Deċiżjoni tal-Kummissjoni

tad-29 ta’ Jannar 2003

dwar xi miżuri protettivi rigward anemija infettuża tas-salmonidi fil-Gżejjer Faroe

(notifikata bid-dokument numru K(2003) 363)

(Test b’relevanza għaż-ŻEE)

(2003/71/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq l-annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE [1], kif l-aħħar emendata bid-Direttiva 96/43/KE [2], u b mod partikolari l-Artikolu 18(7) tagħha,

Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq prodotti li jidħlu fil-Komunità minn pajjiżi terzi [3], u b mod partikolari l-Artikolu 22(6) tagħha,

Billi:

(1) L-okkorrenza ta’ l-enemija infettuża tas-salmonidi (ISA) fil-Gżejjer Faroe wasslet għall-adozzjoni tad-Deċiżjoni tal-Kummissjoni 2000/574/KE ta’ l-14 ta’ Settembru 2000 dwar xi miżuri protettivi rigward l-enemija infettuża tas-salmonidi (ISA) fis-salmonidi fil-Gżejjer Faroe [4], kif l-aħħar emendata bid-Deċiżjoni 2002/110/KE [5]. Il-miżuri jinkludu projbizzjoni ta’ l-importazzjonijiet lejn il-Komunità ta’ salmonidi ħajjin u kondizzjonijiet stretti fuq l-importazzjoni ta’ xi prodotti għall-konsum mill-bniedem. Dawk il-miżuri japplikaw biss sa’ l ta’ Frar 2003.

(2) Minkejja l-miżuri li ttieħdu mill-Gżejjer tal-Faroe, ġew innotifikati aktar ġrajjiet ta’ l-ISA minn dak l-Istat fl-2002, u għalhekk ma tistax tiġi prevista l-qirda mgħaġġla ta’ dik il-marda.

(3) L-Uffiċċju Internazzjonali ta’ Mardiet Epiżootiċi (IOE), ta opinjoni li tgħid li m’ hemm l-ebda prova ta’ trasmissjonijiet vertikali tal-virus ta’ l-ISA.

(4) A bażi ta’ l-opinjoni ta’ l-IOE, u l-esperjenza u l-prattika ta’ l-Istati Membri u pajjiżi terzi affettwati mill-ISA, ma ntweriex illi huwa meħtieġ li jinżammu l-miżuri protettivi previsti fid-Deċiżjoni 2000/574/KE rigward bajd u gamete tal-familja salmonidi ġejjin minn raxxett fil-Gżejjer Faroe li mhuwiex taħt restrizzjonijiet sanitarji ta’ l-annimali dovuti għal suspett jew ġraja ta’ l-enemija infettuża tas-salmonidi, u għalhekk huwa xieraq li dawn il-miżuri jiġu sostitwitin minn dawk li jinsabu f’din id-Deċiżjoni u d-Deċiżjoni 2000/574/KE għandha tiġi mħassra.

(5) Fid-dawl tas-sistwazzjoni tal-marda fil-Gżejjer tal-Faroe, il-miżuri protettivi li jinsabu f’din id-Deċiżjoni għandhom jibqgħu jgħoddu sa Frar 2004.

(6) Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADDOTTAT DIN ID-DEĊIŻJONI:

L-Artikolu 1

Il-ħut, bajd u gamete ħajjin li jappartjenu għall-familja tas-salmonidi

1. L-Istati Membri għandhom jipprohbixxu l-importazzjonijiet ta’ ħut ħajjin li jappartjenu għall-familja tas-salmonidi u joriġinaw fil-Gżejjer Faroe.

2. L-Istati Membri għandhom jipprohbixxu l-importazzjonijiet ta’ bajd ħajjin ta’ ħut li jappartjenu għall-familja tas-salmonidi u joriġinaw fil-Gżejjer Faroe, kemm-il darba ma jkunux ġew diżinfettati darbtejn,kemm fl-istadju tal-bajd l-aħdar u wkoll fl-istadju tal-bajd bl-għajn, u bla ħsara għall-kunsinna li tiġi akkumpanjata minn ċertifikat skond il-mudell stabbilit fl-Anness I ta’ din id-Deċiżjoni.

3. L-Istati Membri għandhom jawtorizzaw l-importazzjoni ta’ gameti ħajjin ta’ ħut li jappartjenu għall-familja tas-salmonidi u joriġinaw fil-Gżejjer Faroe.

L-Artikolu 2

Kondizzjonijiet għall-importazzjoni ta’ ħut maqtul u mhux ipproċessat li jappartjenu għall-familja tas-salmonidi għall-konsum mill-bniedem

L-Istati Membri għandhom jawtorizzaw l-importazzjoni ta’ Salamun Atlantiku (Salmo salar), salamun (Salmo trutta) u l-ispeċje fil-ġeneru ta’ Salamun rainbow (Oncorhynchus mykiss) maqtul li u joriġinaw fil-Gżejjer Faroe kemm-il darba ġew żvixxrati, jew meta ma ġewx żvixxrati, kemm-il darba l-kunsinna tiġi akkumpanjata minn ċertifikat skond il-mudell stabbilit fl-Anness II ta’ din id-Deċiżjoni.

L-Artikolu 3

Deroga għal skopijiet xjentifiċi

B’ deroga, l-Istati Membri jistgħu jippermettu l-importazzjoni fit-territorju tagħhom ta’ kampjuni ta’ l-annimali u tal-prodotti koperti mid-Deċiżjoni preżenti għal skopijiet xjentifiċi.

L-Artikolu 4

Id-Deċiżjoni 2000/574/KE hija mħassra.

L-Artikolu 5

L-Istati Membri għandhom jemendaw il-miżuri li japplikaw għall-kummerċ sabiex iġibuhom konformi ma’ din id-Deċiżjoni. Għandhom jgħarrfu bihom lill-Kummissjoni fil-pront.

L-Artikolu 6

Din id-Deċiżjoni għandha tgħodd mit-3 ta’ Frar 2003 sa l-1 ta’ Frar 2004.

L-Artikolu 7

Din id-Deċiżjoni hija indirizzata lill-Istati Membri.

Maghmul fi Brussel, 29 ta’ Jannar 2003.

Ghall-Kummissjoni

David Byrne

Membru tal-Kummissjoni

[1] ĠU L 268, 24.09.91, p. 56.

[2] ĠU L 162, 01.07.96, p. 1.

[3] ĠU L 24, 30.01.98, p. 9.

[4] ĠU L 240, 23.09.00, p. 26.

[5] ĠU L 40, 12.02.02, p. 13.

--------------------------------------------------

L-ANNESS I

+++++ TIFF +++++

--------------------------------------------------

L-ANNESS II

+++++ TIFF +++++

--------------------------------------------------