This document is an excerpt from the EUR-Lex website
Document 32013R1418
Commission Implementing Regulation (EU) No 1418/2013 of 17 December 2013 concerning production and marketing plans pursuant to Regulation (EU) No 1379/2013 of the European Parliament and of the Council on the common organisation of the markets in fishery and aquaculture products
Regolament ta’ Implimentazzjoni tal-Kummissjoni (UE) Nru 1418/2013 tas- 17 ta’ Diċembru 2013 dwar il-pjanijiet ta’ produzzjoni u kummerċjalizzazzjoni skont ir-Regolament (UE) Nru 1379/2013 tal-Parlament Ewropew u tal-Kunsill dwar l-organizzazzjoni komuni tas-swieq tal-prodotti tas-sajd u tal-akkwakultura
Regolament ta’ Implimentazzjoni tal-Kummissjoni (UE) Nru 1418/2013 tas- 17 ta’ Diċembru 2013 dwar il-pjanijiet ta’ produzzjoni u kummerċjalizzazzjoni skont ir-Regolament (UE) Nru 1379/2013 tal-Parlament Ewropew u tal-Kunsill dwar l-organizzazzjoni komuni tas-swieq tal-prodotti tas-sajd u tal-akkwakultura
ĠU L 353, 28.12.2013, p. 40–42
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
28.12.2013 |
MT |
Il-Ġurnal Uffiċjali tal-Unjoni Ewropea |
L 353/40 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1418/2013
tas-17 ta’ Diċembru 2013
dwar il-pjanijiet ta’ produzzjoni u kummerċjalizzazzjoni skont ir-Regolament (UE) Nru 1379/2013 tal-Parlament Ewropew u tal-Kunsill dwar l-organizzazzjoni komuni tas-swieq tal-prodotti tas-sajd u tal-akkwakultura
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1379/2013 tal-Parlament Ewropew u tal-Kunsill tal-11 ta’ Diċembru 2013 dwar l-organizzazzjoni Komuni tas-swieq tal-prodotti tas-sajd u tal-akkwakultura (1), u b’mod partikolari l-Artikolu 29,
Billi:
|
(1) |
L-organizzazzjonijiet tal-produtturi tal-prodotti tas-sajd u tal-akkwakultura għandhom jikkontribwixxu għall-kisba tal-għanijiet tal-Politika Komuni tas-Sajd u l-organizzazzjoni Komuni tas-swieq tal-prodotti tas-sajd u tal-akkwakultura. |
|
(2) |
B’mod partikolari, ir-Regolament (UE) Nru 1379/2013 jistipula li l-organizzazzjonijiet tal-produtturi tal-prodotti tas-sajd jimplimentaw miżuri li jippromwovu attivitajiet ta’ sajd sostenibbli, inaqqsu l-qabdiet mhux meħtieġa, itejbu t-traċċabbiltà tal-prodotti tas-sajd u jeliminaw il-prattiki tas-sajd illegali, mhux rapportat u mhux regolat (IUU), u li l-organizzazzjonijiet tal-produtturi tal-prodotti tal-akkwakultura jimplimentaw miżuri li jippromwovu l-akkwakultura sostenibbli, jiżguraw konsistenza mal-pjanijiet strateġiċi nazzjonali u jiżguraw prattiki tal-akkwakultura sostenibbli. |
|
(3) |
Barra minn hekk, ir-Regolament (UE) Nru 1379/2013 jistipula li l-organizzazzjonijiet tal-produtturi tal-prodotti tas-sajd u tal-akkwakultura jimplimentaw miżuri li jtejbu l-kummerċjalizzazzjoni tal-prodotti u r-redditi ekonomiċi tal-produtturi, jistabilizzaw is-suq u jnaqqsu l-impatt ambjentali tal-attivitajiet tas-sajd. |
|
(4) |
Il-pjanijiet għall-produzzjoni u l-kummerċjalizzazzjoni li jippreżentaw l-organizzazzjonijiet tal-produtturi quddiem l-awtoritajiet nazzjonali kompetenti għandhom jimmiraw li jiksbu l-għanijiet tal-organizzazzjoni Komuni tas-swieq tal-prodotti tas-sajd u tal-akkwakultura. |
|
(5) |
Jeħtieġ li l-Kummissjoni tiddefinixxi format komuni biex tiffaċilita implimentazzjoni omoġenja mill-organizzazzjonijiet tal-produtturi kollha tal-pjanijiet għall-kummerċjalizzazzjoni u biex tiżgura li l-qafas tal-pjanijiet jirrifletti l-kontribut għall-kisba tal-għanijiet imsemmija fl-Artikoli 3 u 7 tar-Regolament (UE) Nru 1379/2013. |
|
(6) |
Għandhom jiġu stabbiliti limiti taż-żmien uniċi għat-tressiq tal-pjanijiet għall-produzzjoni u l-kummerċjalizzazzjoni, biex ikun hemm biżżejjed żmien għall-approvazzjoni bikrija ta’ dawn il-pjanijiet, minħabba li hemm ħtieġa li jitfassal programm finanzjarju għas-sostenn finanzjarju li jkun disponibbli biex dawn il-pjanijiet jitwettqu skont att legali futur tal-Unjoni li jistabbilixxi l-kundizzjonijiet għas-sostenn finanzjarju għall-politika marittima u tas-sajd għall-perjodu 2014-2020. |
|
(7) |
Il-miżuri previsti f’dan ir-Regolament huma skont l-opinjoni tal-Kumitat ta’ Eżami għall-prodotti tas-sajd u tal-Akkwakultura, |
ADOTTAT DAN IR-REGOLAMENT:
Artikolu 1
Il-format u l-istruttura tal-pjanijiet għall-produzzjoni u l-kummerċjalizzazzjoni
Il-format u l-istruttura tal-pjanijiet għall-produzzjoni u l-kummerċjalizzazzjoni msemmijin fl-Artikolu 28 tar-Regolament (UE) Nru 1379/2013 (il-“pjanijiet”) għandhom ikunu kif stabbilit fl-Anness ta’ dan ir-Regolament.
Artikolu 2
Il-limiti taż-żmien u l-proċeduri għall-preżentazzjoni tal-pjanijiet
1. L-organizzazzjonijiet tal-produtturi għandhom iressqu l-ewwel pjanijiet tagħhom quddiem l-awtoritajiet kompetenti nazzjonali tagħhom sal-aħħar ta’ Frar 2014. L-organizzazzjonijiet tal-produtturi rikonoxxuti wara l-1 ta’ Jannar 2014, għandhom iressqu l-ewwel pjanijiet tagħhom quddiem l-awtoritajiet kompetenti nazzjonali tmien ġimgħat wara r-rikonoxximent tagħhom. Tmien ġimgħat qabel ma jiskadu l-pjanijiet fis-seħħ, għandhom jitressqu l-pjanijiet sossegwenti.
2. Jekk awtorità kompetenti nazzjonali tqis li pjan imressaq minn organizzazzjoni tal-produtturi ikollu l-mira li jikseb l-għanijiet imsemmijin fl-Artikoli 3 u 7 tar-Regolament (UE) Nru 1379/2013, din għandha tapprova dan il-pjan mhux aktar tard minn sitt ġimgħat wara li tirċevih u tinforma lill-organizzazzjoni tal-produtturi b’dan minnufih.
3. F’każ li awtorità kompetenti nazzjonali ssib li l-għanijiet imsemmijin fl-Artikoli 3 u 7 tar-Regolament (UE) Nru 1379/2013 ma jistgħux jinkisbu permezz ta’ xi pjan kif ikun ġie ppreżentat, din għandha tinforma b’dan lill-organizzazzjoni tal-produtturi mhux aktar tard mil-limitu taż-żmien imsemmi fil-paragrafu 2 ta’ dan l-Artikolu. L-organizzazzjoni tal-produtturi għandha tressaq il-pjan emendat qabel ma jiskadu ħmistax oħra.
4. L-iskadenza għall-approvazzjoni tal-pjan emendat għandha tkun erba’ ġimgħat wara li jasal.
5. Jekk awtorità kompetenti nazzjonali ma tapprovax jew ma tirrifjutax il-pjan skont il-paragrafi 2 jew 4, il-pjan jitqies li jkun ġie approvat.
Artikolu 3
Ir-reviżjoni tal-pjanijiet
1. Jekk awtorità kompetenti nazzjonali tqis li pjan rivedut imressaq skont l-Artikolu 28(4) tar-Regolament (UE) Nru 1379/2013 ikollu l-mira li jikseb l-għanijiet imsemmijin fl-Artikoli 3 u 7 ta’ dak ir-Regolament, din għandha tapprova dan il-pjan mhux aktar tard minn erba’ ġimgħat wara li tirċevih u tinforma lill-organizzazzjoni tal-produtturi b’dan minnufih.
2. F’każ li awtorità kompetenti nazzjonali ssib li l-għanijiet imsemmijin fl-Artikoli 3 u 7 tar-Regolament (UE) Nru 1379/2013 ma jistgħux jinkisbu bil-pjan rivedut kif ikun ġie ppreżentat, din għandha tinforma b’dan lill-organizzazzjoni tal-produtturi fil-limitu taż-żmien imsemmi fil-paragrafu 1 ta’ dan l-Artikolu. L-organizzazzjoni tal-produtturi għandha tippreżenta l-pjan emendat f’limitu ta’ ġimgħatjen.
3. L-iskadenza għall-ħruġ tal-approvazzjoni tal-pjan emendat għandu jkun erba’ ġimgħat wara li jasal.
4. Jekk awtorità kompetenti nazzjonali ma tapprovax jew ma tirrifjutax il-pjan rivedut skont il-paragrafi 1 jew 3, il-pjan jitqies li jkun ġie approvat.
Artikolu 4
Id-dħul fis-seħħ
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu jibda japplika mill-1 ta’ Jannar 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Diċembru 2013.
Għall-Kummissjoni
Il-President
José Manuel BARROSO
(1) Ara paġna 1 ta’ dan il-Ġurnal Uffiċjali.
ANNESS
ID-DETTALJI TAL-QAFAS TAL-PJANIJIET GĦALL-PRODUZZJONI U L-KUMMERĊJALIZZAZZJONI
TAQSIMA 1
Informazzjoni ġenerali dwar l-organizzazzjoni tal-produtturi
|
— |
Isem |
|
— |
Tip |
|
— |
Kodiċi tal-identifikazzjoni |
|
— |
Post |
|
— |
Għadd ta’ membri |
|
— |
Fatturat (iddettaljat skont l-ispeċijiet) |
|
— |
Volum tal-qabdiet jew tal-ħsad (idettaljat skont l-ispeċijiet) |
TAQSIMA 2
L-istrateġija tal-programm ta’ produzzjoni u l-kummerċjalizzazzjoni
Din it-taqsima għandha tikkonsisti minn skeda indikattiva tal-provvista u għandha tiddeskrivi kif se tiġi żgurata provvista adegwata għad-domanda tas-suq mil-lati ta’ kwalità, kwantità u preżentazzjoni, b’mod partikolari għall-ispeċijiet ewlenin ikkummerċjalizzati.
TAQSIMA 3
Il-miżuri għall-kisba tal-għanijiet stabbiliti fl-Artikolu 7 tar-Regolament (UE) Nru 1379/2013
Fost affarijiet oħra, din it-taqsima se tiddeskrivi l-miżuri xierqa stabbiliti fl-Artikolu 8 tar-Regolament (UE) Nru 1379/2013 li biħsiebha timplimenta l-organizzazzjoni tal-produtturi biex tikseb l-għanijiet diversi stabbiliti fl-Artikolu 7 ta’ dan ir-Regolament.
TAQSIMA 4
Il-miżuri għall-aġġustament tal-provvista ta’ ċerti speċijiet
Fost affarijiet oħra, din it-taqsima se tiddeskrivi l-miżuri xierqa stabbiliti fl-Artikolu 8 tar-Regolament (UE) Nru 1379/2013 li biħsiebha timplimenta l-organizzazzjoni tal-produtturi biex taġġusta l-provvista tal-ispeċijiet li b’mod regolari matul is-sena jippreżentaw id-diffikultajiet għall-kummerċjalizzazzjoni.
TAQSIMA 5
Penali u miżuri ta’ kontroll
Din it-taqsima se tipprovdi deskrizzjoni tal-penali applikabbli għad-diversi tipi ta’ ksur tar-regoli li jistgħu jsiru fl-implimentazzjoni tal-pjanijiet għall-produzzjoni u l-kummerċjalizzazzjoni. Barra minn hekk, tista’ tiddeskrivi l-miżuri xierqa stipulati fl-Artikolu 8 tar-Regolament (UE) Nru 1379/2013 li biħsiebha timplimenta l-organizzazzjoni tal-produtturi biex tiżgura l-kontroll fuq l-attivitajiet tal-membri tagħha u li dawn jikkonformaw mar-regoli stabbiliti tagħha.