30.8.2008   

MT

Il-Ġurnal Uffiċjali ta’ l-Unjoni Ewropea

C 224/1

1.1

Il-Kumitat huwa ferm favur inizjattivi mmirati biex jiżviluppaw politika Komunitarja ta' produzzjoni u konsum sostenibbli, integrata kompletament f'politiki Komunitarji oħrajn, bil-ħsieb li:

1.2

Il-Kumitat jirrakkomanda li jiġu adotatti tifsiriet għall-kunċetti ta' “eko-prodott/servizz” u “konsum ekoloġiku” fil-qafas ta' żvilupp u konsum sostenibbli, biex ikunu validi fl-UE kollha u aċċettati internazzjonalment, bl-użu ta' kriterji u indikaturi u livelli ambjentali ċari li jħallu lok għall-innovazzjoni u t-titjib.

1.3

Il-Kumitat jitlob li l-industrija Ewropea u s-sistemi ta' distribuzzjoni u ta' servizzi jieħdu impenn ċar biex jaqblu ma' approċċ settorjali integrat, li jinvolvi skeda ta' għanijiet li jistgħu jiġu vverifikati: din għandha tinkorpora t-tliet pilastri ambjentali, ekonomiċi u soċjali tas-sostenibbiltà. Ir-rekwiżiti ambjentali għandhom jitqiesu sa mill-fażi tad-diżinn tal-prodott b'mira għaċ-ċiklu sħiħ tal-ħajja tal-prodott, biex b'hekk dejjem ngħollu l-livell tal-mira għall-kwalità, l-innovazzjoni u s-sodisfazzjon tal-konsumatur.

1.4

Il-Kumitat jirrakkomanda li l-kumpaniji u l-korpi pubbliċi u privati jżidu fl-użu konġunt ta' l-għodod Komunitarji u nazzjonali li jeżistu sabiex iżidu r-riċerka ta' tekonoloġiji u prodotti nodfa.

1.5

Il-Kumitat isostni l-ħtieġa li tissaħħaħ u titħaffef l-istandardizzazzjoni teknika għall-prodotti u l-proċessi ta' produzzjoni ekoloġiċi.

1.6

Il-Kumitat jitlob għal ċertezza mill-kriterji u uniformità fir-rekwiżiti minimi fis-suq intern kollu fejn jidħlu s-sistemi tat-tikkettar għal prodotti ekoloġiċi. Dan biex tiġi żgurata l-ekwità fl-għażliet ekoloġiċi tal-konsumaturi, kontrolli uniformi fl-UE kollha u r-rispett għall-prinċipju tal-moviment ħieles għal prodotti li huma tassew ekoloġiċi. It-Tikketta Ekoloġika Ewropea (fjura ekoloġika) għandha ttipoġġa aktar fis-suq u għandu jirnexxielha teżisti flimkien ma' sistemi ta' tikkettar nazzjonali u settorjali.

1.7

Il-Kumitat jemmen li huwa importanti li tissaħħaħ id-“dimensjoni tal-prodott” fis-sistemi tal-ġestjoni ambjentali, sabiex titħeġġeġ id-disseminazzjoni fost il-produtturi u d-distributuri, u biex tiġi mfassla b'mod aktar effettiv għas-sistemi ta' ġestjoni ta' l-awtoritajiet lokali, u b'hekk tkun aktar kapaċi tibda sinerġiji ma' għodod oħra ta' żvilupp sostenibbli.

1.8

Skond il-Kumitat, id-disseminazzjoni ta' l-EMAS (l-Iskema ta' l-Eko-Ġestjoni u Verifika) għandha titħeġġeġ. Dan jista' jinkiseb permezz ta' miżuri finanzjarji u fiskali, issimplifikar amministrattiv, inizjattivi ta' promozzjoni u marketing, rikonoxximent ta' l-EMAS bħala livell ta' eċċellenza, anki internazzjonalment, u l-adozzjoni ta' miżuri biex jgħinu l-intrapriżi ż-żgħar biex japplikaw l-iskema gradwalment.

1.9

Huwa essenzjali li l-prestazzjoni ta' prodott tiġi valutata kollha kemm hi, iġifieri fuq il-bażi mhuz biss ta' kriterji ambjentali imma wkoll ta' aspetti importanti oħrajn bħall-prestazzjoni kemm għall-konsumatur u kemm għall-produttur finanzjarjament u f'dik li hi sigurtà, funzjonalità u ħarsien tas-saħħa, l-użu razzjonali ta' riżorsi u materjali, loġistika, karatteristiċi innovattivi, marketing, il-ħila tal-prodott li jwessa' l-għażla tal-konsumatur, iċ-ċiklu tal-ħajja u aspetti soċjali.

1.10

Il-KESE jirrakkomanda li jitħeġġeġ l-iżvilupp ta' l-akkwist pubbliku ekoloġiku (green public procurement — GPP) billi: jiġu definiti l-karatteristiċi tekniċi ta' prodotti “ekoloġiċi”, nibdew minn dawk li għandhom l-aħjar impatt ambjentali; inkluża l-ispiża taċ-ċiklu tal-ħajja tal-prodott jew tas-servizz fl-ispeċifikazzjonijiet tiegħu; tinħoloq bażi tad-data dedikata li tkun tinstab on line; jiġu aġġornati d-direttivi tal-KE dwar l-akkwist pubbliku billi jiġu inklużi referenzi għal standards, sistemi ta' EMS, eko-tikketti, u eko-disinn; u fl-aħħar, il-pubblikazzjoni ta' pjanijiet ta' azzjoni nazzjonali għall-adozzjoni ta' l-akkwist ekolġiku.

1.11

Il-Kumitat itenni l-importanza li jintuża l-Artikolu 153 tat-Trattat tal-KE bħala bażi legali, għax huwa dak l-aktar xieraq fejn tidħol l-assigurazzjoni ta' livell għoli ta' protezzjoni tal-konsumatur inkluż il-ħarsien tad-dritt tagħhom li jirċievu informazzjoni sħiħa, korretta, xierqa, li tinftiehem, u li tkun fil-ħin.

1.12

Il-Kumitat jisħaq li għal raġunijiet ta' awto-regolamentazzjoni, triq possibbli tista' tkun dik li jiġi żviluppat kodiċi tal-kondotta, kif imfisser fid-Direttiva 2005/29/KE, sabiex jiġi evitat l-użu żbaljat ta' messaġġi ekoloġiċi fir-reklamar u, f'kull avveniment, ir-reklami li jagħtu idea żbaljata. Dan għandu jaħdem b'mod parallel ma' taxxi ekoloġiċi u regolamentazzjoni. Il-KESE jirrakkomanda li messaġġi ekoloġiċi għandhom joqogħdu fuq dak li tgħid tikketta li tkun rikonoxxuta u ta' min jafdaha.

1.13

Barra mill-proċeduri ġudizzjarji, li għandhom ikunu aċċessibbli għal kulħadd, il-Kumitat huwa wkoll favur in-nomenklatura ta' korpi mhux ġudizzjarji ta' monitoraġġ u riżoluzzjoni ta' kunflitti għall-konsumaturi, li huma flessibbli, effiċjenti, irħas u kredibbli, sabiex ikun żgurat li jintlaħqu l-livelli ambjentali għall-prodotti u li prodotti li joħorġu fis-suq jaqblu mal-prinċipji ta' sostenibbiltà ambjentali.

1.14

Il-Kumitat, minħabba l-frammentazzjoni leġislattiva li tikkaratterizza kemm ir-rekwiżiti għall-informazzjoni tal-konsumatur kif ukoll dawk għal prodotti sostenibbli, isostni li teżisti ħtieġa urġenti biex tibda l-ħidma fuq qafas waħdieni u definit tajjeb fil-forma ta' “Karta Ewropea għall-konsum u l-produzzjoni sostenibbli fis-suq intern”.

2.1

L-għan ta' l-iskema ta' l-għoti ta' l-eko-tikketta Komunitarja (1) huwa dak li jiġu promossi prodotti b'impatt ambjentali minuri u li l-konsumaturi jingħataw informazzjoni preċiża u xjentifikament korretta. Din it-tikketta ma tapplikax għall-ikel u x-xorb, prodotti farmaċewtiċi, tagħmir mediku (2) jew prodotti jew sustanzi perikolużi jew tossiċi (3).

2.1.1

Id-disinn, il-produzzjoni, id-distribuzzjoni u l-konsum ta' prodotti li jirrispettaw l-ambjent huwa parti integrali mill-politika ambjentali Komunitarja kif imfissra fl-objettivi u l-prijoritajiet imressqa fis-sitt programm ta' azzjoni ambjentali (4), li jridu jinkisbu sa l-2010. Dan il-programm, li dwaru l-Kumitat ta l-opinjoni tiegħu f'numru ta' okkażjonijiet, jiddeskrivi fid-dettal pjanijiet għal miżuri li jikkontribwixxu biex tiġi stabbilita strateġija ta' żvilupp sostenibbli.

2.1.2.

Mill-inizjattivi Komunitarji ewlenin dwar is-suġġett, rwol importanti kisbitu l-Politika Integrata tal-Prodotti (IPP) (5), li dwarha l-Kumitat ħareġ opinjoni (6), li tqis il-proddotti u s-servizzi kollha li għandhom impatt ambjentali.

2.1.3.

Biex il-Politika Integrata tal-Prodotti tkun effettiva, jeħtieġ li nħeġġu lill-produtturi jagħmlu aktar prodotti ekoloġiċi u lill-konsumaturi biex jixtruhom. Li ġejjin jafu jkunu għodod li jistgħu jintużaw għal dan il-għan:

2.1.4

Sar pass pożittiv 'il quddiem ieħor bl-introduzzjoni ta' qafas regolatorju ġdid dwar ir-rekwiżiti ta' disinn ekoloġiku għal prodotti li jużaw l-enerġija, regolati b'direttiva ta' qafas ta' l-2005 (8).

2.1.5.

F'dik li hi implimentazzjoni, taħt id-direttiva ta' qafas, l-ewwel regoli jidħlu fis-seħħ fl-2008. Bħalissa qed jiġu studjati miżuri b'rabta ma' 20 grupp ta' prodotti (inkluż id-dawl, sistemi tal-kompjuters u magni tal-ħasil) u għal 14 minnhom (inkluż id-dawl għat-toroq u għall-uffiċċji) il-miżuri għandhom jiġu stabbiliti qabel tmiem l-2008; għal oħrajn, bħas-sistemi tad-dawl domestiku, il-mira hi l-2009.

2.1.6.

Is-sitt programm ta' azzjoni ambjentali (9) jippreżenta ħames rotot prijoritarji ta' azzjoni strateġika: it-titjib ta' l-implimentazzjoni tal-leġislazzjoni eżistenti, l-integrazzjoni ta' affarijiet li jikkonċernaw l-ambjent f'politiki oħrajn, il-ħidma mas-suq, l-għoti ta' poter lin-nies billi jiġu megħjuna jbiddlu l-imgiba tagħhom billi tiġi ffavorita d-domanda tagħhom u l-kunsiderazzjoni ta' l-ambjent f'deċiżjonijiet dwar l-ippjanar ta' l-użu u l-ġestjoni reġjonali ta' l-art.

2.1.7.

Fuq livell aktar ġenerali, l-istrateġija Ewropea għall-iżvilupp sostenibbli, kif riveduta mill-Kunsill Ewropew fl-2006, tfisser “il-produzzjoni u l-iżvilupp sostenibbli” bħala wieħed mill-isfidi kruċjali, li jrid jiġi indirizzat billi l-iżvilupp ekonomiku u soċjali jitmexxa lejn fora li huma kompatibbli mas-sistema ekoloġika. Tipproponi wkoll pjan ta' azzjoni ġdid f'dan il-qasam.

2.1.8.

Ir-rapport ta' l-2007 dwar l-implimentazzjoni (10) juri li l-konsum u l-produzzjoni sostenibbli diffiċli jitkejlu b'mod ta' min joqgħod fuqu fuq bażi wiesgħa. Għalkemm in-numru ta' prodotti u servizzi li hemm fis-suq jidher li qed jikber b'rittmu mgħaġġel, l-iffrankar stmat mill-kont ta' l-elettriku attwali huwa ekwivalenti għal madwar EUR 60 biljun fis-sena, filwaqt li n-numru ta' prodotti b'Eko-tikketta baqa' limitat mhux ħażin, l-istess bħan-numru ta' kumpaniji rreġistrati fl-EMAS. Erbatax-il Stat Membru biss adottaw pjanijiet ta' akkwist ekoloġiku nazzjonali u 21 biss lestew il-pjan ta' direzzjoni għall-implimentazzjoni tal-pjan ta' azzjoni għal teknoloġiji ambjentali (ETAP) (11).

2.2

Min-naħa l-oħra, fl-isfera ta' l-istandardizzazzjoni teknika, xi żmien ilu tnedu miżuri biex jiġu integrati aspetti ambjentali fl-istandards tekniċi ġodda, biex b'hekk jinħoloq “qafas ambjentali” għall-Kumitat Ewropew għall-Istandardizzazzjoni (CEN), li fih il-korpi tekniċi tiegħu jkunu jistgħu jindirizzaw speċifikazzjonijiet ambjentali. Meta l-istandard jaqa' taħt l-“Approċċ il-Ġdid”, dan jiggverna s-suppożizzjoni ta' konformità mar-rekwiżiti bażiċi tad-direttiva Ewropea korrispondenti. Saru mbagħad aktar passi 'l quddiem f'din il-kwistjoni bl-adozzjoni ta' l-iskema ta' ċertifikazzjoni ambjentali ISO 14001.

2.3

Fl-10 ta' Ottubru 2007, l-Aġenzija Ewropea għall-Ambjent ippubblikat ir-raba' rapport tagħha dwar “L-Ambjent ta' l-Ewropa” (12), b'kapitlu sħiħ iddedikat għall-“Konsum u l-produzzjoni sostenibbli”.

2.4

Barra minn hekk, ir-rapport annwali tal-Kummissjoni għall-2007 dwar il-progress ta' l-Istrateġija ta' Lisbona għat-tkabbir u x-xogħol enfasizza l-importanza tal-bidla fil-klima, l-eko-innovazzjoni, l-effiċjenza ta' l-enerġija, is-sorsi ta' enerġija rinnovabbli u s-swieq ta' l-enerġija.

2.5

Fl-aħħar nett, fit-8 u d-9 ta' Marzu 2007 l-Kunsill Ewropew ta' Brussell ta attenzjoni speċjali lis-suġġetti ta' l-ambjent u l-bidla fil-klima. Il-Kunsill Ambjent ta' Frar 2007, sadanittant, enfasizza l-fatt li l-istrateġija ta' l-UE għall-iżvilupp sostenibbli u l-istrateġija ta' Lisbona għat-tkabbir u x-xogħol huma kumplimentari, u l-kontribut essenzjali li din ta' l-aħħar tati biex jintlaħaq l-għan prijoritarju ta' l-ewwel, filwaqt li tenna l-ħtieġa li l-aspetti ambjentali jiġu integrati fil-politiki kollha. Dan il-ġist ġenerali kien enfasizzat b'mod qawwi mill-Kunsill Ewropew ta' Diċembru 2007 (13).

2.6

L-għanijiet ewlenin tal-programm ta' ħidma tal-Kummissjoni għall-2008 (14) jinkludu b'mod ċar l-objettiv li ċ-ċittadin jitpoġġa fiċ-ċentru ta' l-isforz Ewropew, ibda minn evalwazzjoni tas-sitwazzjoni soċjali flimkien ma' reviżjoni tas-suq intern, b'attenzjoni kostanti għall-ħtieġa li l-pubbliku Ewropew japprofitta kemm jista' mis-suq uniku.

2.7

Il-KESE spiss talab li jintuża l-Artikolu 153 tat-trattat tal-KE bħala l-bażi legali (15), peress li huwa mfassal biex jiżgura livell għoli ta' protezzjoni għaċ-ċittadini u biex jippromovi d-dritt tagħhom li jirċievu informazzjoni sħiħa (16), korretta, xierqa, li tinftiehem u li tkun fil-ħin.

2.7.1

F'dik li hi liġi mislufa, id-drittijiet tal-konsumatur li jirċievi informazzjoni huma regolati mid-Direttiva 2005/29/KE (17) dwar il-prattiki kummerċjali inġusti li jistgħu jkunu ta' ħsara għall-interessi ekonomiċi tal-konsumaturi. L-anness ta' din id-direttiva jelenka serje ta' prattiki kummerċjali li jistgħu jitqiesu inġusti jekk ma ssirx valutazzjoni każ każ, inkluż pereżempju li tintwera marka ta' fiduċja, ta' kwalità jew xi ħaġa simili mingħajr ma tkun inkisbet l-awtorizzazzjoni meħtieġa.

2.8

Madankollu l-Kumitat huwa konvint li hemm livell ta' frammentazzjoni leġislattiva fil-livell Komunitarju f'dawk li huma r-rekwiżiti bażiċi għall-informazzjoni mogħtija lill-konsumatur, kif ukoll ir-rekwiżiti għal prodotti sostenibbli, u jqis li huwa importanti li titħejja “Karta Ewropea għall-konsum u l-produzzjoni sostenibbli fis-suq intern”.

2.8.1

Jekk ir-riżultati ta' l-implimentazzjoni ta' din il-Karta — u l-kodiċi awto-regolatorji kif imfissra fid-Direttiva 2005/29/KE — ma jkunux biżżejjed, il-Kumitat jemmen li għandhom jiġu eżaminati possibbiltajiet oħrajn, bħal pereżempju armonizzazzjoni aktar sħiħa jew il-ħolqien ta' sistema Komunitarja speċifika ta' natura operazzjonali.

3.1

Il-Kumitat jisħaq li huwa essenzjali li wieħed jibda b'tifsiriet ċari u definiti ta' kunċetti bħal m'huma “prodott sostenibbli”, “disinn, produzzjoni u distribuzzjoni sostenibbli”, u “konsum sostenibbli”, sabiex jiġi ssorveljat, fl-UE kollha u fiż-Zona Ekonomika Ewropea, il-ħarsien ta' kull qafas Komunitarju leġislattiv, regolatorju u volontarju li jirreferi għal dawn id-definizzjonijiet fl-isferi nazzjonali/reġjonali varji.

3.2

Dawn it-tifsiriet, aċċettati minn kulħadd fil-livell internazzjonali, m'humiex statiċi imma fin-natura tagħhom soġġetti għal titjib kontinwu. Fil-fehma tal-Kumitat, madankollu, iridu jiġu żviluppati aħjar permezz ta':

3.2.1

Il-Kumitat jisħaq li t-tifsiriet suġġeriti hawn fuq, imsaħħa b'indikaturi u standards xierqa, huma essenzjali għal politika Komunitarja effettiva li tista' tagħmilha possibbli għal konsumaturi infurmati fl-għażliet u l-imġiba tagħhom, fejn il-proċessi ta' produzzjoni jieħdu ħsieb l-ambjent.

3.3

Bħalma enfasizzat il-Kummissjoni stess, l-industrija Ewropea diġà tinsab f'pożizzjoni tajba biex tibni fuq il-qagħda b'saħħitha tagħha fis-suq ta' prodotti, servizzi u proċessi ġodda bbażati fuq teknoloġiji ambjentali. Barra minn hekk, kumpaniji Ewropej huma dejjem aktar sensittivi għall-prestazzjoni ambjentali bħala parti mill-approċċi tar-responsabbiltà soċjali korporattiva tagħhom (21).

3.3.1

Il-Kumitat jaqbel dwar it-tliet oqsma ta' żvilupp stabbiliti f'dan ir-rigward: l-istimulazzjoni ta' l-iżvilupp u l-kummerċjalizzazzjoni ta' teknoloġiji, prodotti u servizzi b'livell baxx ta' emissjonijiet tal-karbonju u li huma effiċjenti fl-użu ta' l-enerġija; il-ħolqien ta' suq intern dinamiku; l-iżvilupp ta' swieq globali għal teknoloġiji b'livell baxx ta' emissjonijiet tal-karbonju u effiċjenti fl-użu ta' l-enerġija.

3.3.2

Il-Kumitat itenni l-pożizzjoni tiegħu li diġà spjega f'opinjoni riċenti “għandna bżonn ta' l-ogħla prestazzjonijiet fil-qasam xjentifiku u tekniku, li jinbidlu f'innovazzjonijiet u f'forza ekonomika kompetittiva mil-lat intraprenditorjali, sabiex nissalvagwardaw il-futur tagħna, per eżempju fir-rigward tal-kwistjoni ta' l-enerġija u l-klima, inżommu u ntejbu l-pożizzjoni globali tagħna fil-preżent, u niżviluppaw minflok ma nipperikolaw il-mudell soċjali Ewropew” (22).

3.3.3

Skond il-Kumitat, huwa meħtieġ approċċ aktar integrat, sabiex jingħelbu d-diffikultajiet u l-ostakoli għall-użu konġunt u koordinat ta' kull għodda finanzjarja possibbli (23) fil-livell Ewropew, nazzjonali, reġjonali u lokali u minn operaturi individwali, għall-iżvilupp ta' teknolġiji nodfa u effiċjenti u applikazzjonijiet innovativi li kapaċi jiġġeneraw proċessi, prodotti u servizzi b'livell għoli ta' sostenibbiltà.

3.3.4

Il-Kumitat jemmen li tinħtieġ inizjattiva bejn id-DĠ Komunitarji għall-koordinazzjoni u l-assistenza teknika biex tottimizza l-użu konġunt ta' l-għodod Komunitarji, Ewropej u nazzjonali li jeżistu biex jiżdiedu l-isforzi fil-qasam tar-riċerka u l-innovazzjoni kemm fil-kumpaniji kif ukoll fil-korpi pubbliċi u privati, għar-raġunijiet ta' ħarsien ambjentali, fl-ispera taż-Żona Ewropea għar-Riċerka u l-Innovazzjoni.

3.3.5

Kif intqal f'ħafna okkażjonijiet mill-Kumitat (24), il-Kummissjoni, il-Kunsill u l-Parlament Ewropew, huwa essenzjali li tinqata' l-burokrazija żejda li titfa' lill-kumpaniji lura (bħall-SMEs), sabiex jinħeles il-potenzjal ekonomiku u soċjali tan-negozji u jiġi dirett lejn il-modernazzjoni sostenibbli tal-kuntest u l-istrutturi ta' produzzjoni u organizzazzjoni.

3.4

L-UE nidiet is-sistema ta' tikkettar ekoloġiku għall-prodotti biex tagħti spinta lill-produzzjoni li hija ambjentalment għaqlija fl-1997. Din ġiet imbagħad estiża għas-servizzi u kibret matul is-snin. Tinkludi wkoll tikketti pubbliċi taħt ħafna kriterji applikati għal gruppi ta' prodotti/servizzi (25).

3.4.1

Il-Kumitat jisħaq li din is-sitwazzjoni tista' toħloq konfużjoni fost il-produtturi u fuq kollox fost il-konsumaturi Ewropej, u li t-tweġiba hija sistema integrata ta' kriterji komuni minimi stabbiliti fil-livell Ewropew, li tistabbilixxi r-reġistrazzjoni u l-verifika obbligatorja għat-tikketti minn korp indipendenti li jiċċertifika.

3.4.2

It-tikkettar f'livell Ewropew ma għandux jikkompeti imma jeżisti flimkien mat-tikketti nazzjonali u settorjali li xi drabi huma aktar magħrufa mal-konsumaturi mit-tikkettar Ewropew. Barra minn hekk, għandu jkun hemm koordinazzjoni f'livell internazzjonali ma' tikketti li rnexxew bħall-Energy Star.

3.4.3.

Huwa imperattiv li t-tikketti huma fdati u jagħtu kunfidenza lill-konsumaturi. Għal din ir-raġuni l-ħolqien ta' standards ta' tikketti bħal dawn u l-monitoraġġ tas-suq għandhom jiġu fdati f'idejn il-parti interessata (kollha kemm huma) sabiex ikunu aktar kredibbli.

3.4.4

Jista' jkun utli li wieħed jibda jistudja l-possibbiltà ta' tikkettar ta' prodotti jew servizzi biex tiġi identifikata l-marka eloġika (carbon print) tagħhom.

3.5

Fir-rigward tas-sistema volontarja ta' l-EMAS, li tagħmilha possibbli għal dawk li jixtiequ juru li qed itejbu l-prestazzjoni ambjentali tagħhom li jagħmlu parti minn sistema Komunitarja ta' eko-ġestjoni u verifika ekoloġika; b'hekk juru r-rieda tagħhom li jirrispettaw l-istandards ambjentali u l-impenn tagħhom li jadottaw sistema ta' ġestjoni ekoloġika, il-Kumitat jisħaq li wara l–adozzjoni ta' l-istandard ISO 14001 ser ikun possibbli li tissaħħaħ id-“dimensjoni tal-prodott” ta' l-iskemi ta' ġestjoni ambjentali biex tiġi faċilitata disseminazzjoni akbar fost il-produtturi u d-distributuri u biex tiġi adattata għall-ġestjoni tal-proċess f'awtoritajiet lokali u biex issir aktar miftuħa għal sinerġiji bi strumenti għall-promozzjoni ta' l-iżvilupp sostenibbli.

3.5.1.

Skond il-Kumitat, ta' min kieku wieħed jappoġġja d-disseminazzjoni ta' l-EMAS permezz ta' miżuri finanzjarji, fiskali, ta' simplifikazzjoni u amministrattivi, inizjattivi ta' reklamar u marketing, u permezz tar-rikonoxximent ta' l-EMAS bħala “standard ta' eċċellenza” wkoll fil-livell internazzjonali, bil-possibbiltà li l-SMEs jiġu megħjuna jieħdu approċċ gradwali, mhux l-inqas fl-isfera tal-clusters industrijali.

3.6

Il-Kumitat iqis bħala assolutament essenzjali l-iżvilupp ta' “suq ekoloġiku” għall-prodotti u s-servizzi, permezz ta' l-introduzzjoni ta' serje ta' inċentivi u għodod mfassla għal min joffri l-provvista biex titħeġġeġ l-innovazzjoni, u min-naħa tad-domanda biex il-konsumaturi jingħataw l-informazzjoni u l-inċentivi xierqa biex jixtru prodotti li jkunu jirrispettaw aktar l-ambjent.

3.6.1

Għall-għanijiet ta' suq intern kompetittiv, il-prestazzjoni ta' prodott għandha tiġi valutata mhux biss fuq il-bażi ta' kriterji ambjentali imma jridu jitqiesu wkoll aspetti importanti oħrajn bħal: il-prestazzjoni ekonomika kemm għall-konsumatur kif ukoll għall-produttur, is-sigurtà u l-funzjonalità, kif jintużaw ir-riżorsi, il-loġistika, il-marketing, il-karatteristiċi tal-prodott f'dik li hi saħħa u innovazzjoni, il-ħila tiegħu li jwessa' l-għażla tal-konsumatur, iċ-ċiklu tal-ħajja u u t-tip ta' rimi, u fl-aħħar, l-aspetti soċjali.

3.6.2

Huwa imperattiv li jkun hemm impenn ġenwin fl-appoġġ għar-riċerka u l-iżvilupp u l-innovazzjoni fis-settur tal-produzzjoni u s-servizzi ekoloġiċi.

3.7

Fl-opinjoni tal-Kumitat, il-Kumitat Ekonomiku għall-Istandardizzazzjoni (CEN), il-Kumitat Ewropew għall-Istandardizzazzjoni Elettroteknika (CENELEC) u l-Istitut Ewropew ta' l-Istandards ta' Telekomunikazzjoni (ETSI) għandhom ikollhom sehem kruċjali fl-iżvilupp tal-proċess ta' standardizzazzjoni teknika fejn tidħol is-sostenibbiltà ambjentali ta' prodott (26).

3.7.1

Il-Kumitat diġà sostna li l-promozzjoni ta' l-użu ta' standards ambjentali tekniċi ma għandhiex tkun soġġetta għal deċiżjonijiet li jittieħdu minn fuq għal isfel imma għandha ssir permezz ta' aċċettazzjoni mifruxa ta' prodotti li huma kompatibbli ma' l-ambjent sabiex nirrispondu b'mod kemm jista' jkun effettiv għall-ħtiġijiet u l-interessi taċ-ċittadini u l-konsumaturi (27).

3.8

Fl-isfera tal-kuntratti pubbliċi, huwa importanti li tingħata importanza lid-Direttiva 2004/18/KE dwar il-koordinazzjoni tal-proċeduri għall-għoti ta' kuntratti ta' xogħolijiet pubbliċi, provvisti pubbliċi u servizzi pubbliċi (28) u l-komunikazzjoni interpretattiva tal-Kummissjoni dwar il-liġi Komunitarja li tapplika għall-akkwist pubbliku u l-possibiltajiet li jiġu integrati kunsiderazzjonijiet ambjentali fl-akkwist pubbliku (29).

3.8.1

Il-Kumitat jisħaq li s-settur ta' l-akkwist pubbliku, li jirrappreżenta madwar 16 % tal-PGD Komunitarju, huwa kritiku fil-promozzjoni tad-disseminazzjoni ta' aktar prodotti ekoloġiċi u jitlob għal miżuri biex iħeġġu l-awtoritajiet kontraenti jużaw il-possibbiltajiet eżistenti fil-qasam ta' l-akkwist pubbliku ekoloġiku (GPP).

3.8.2

Ir-rapport finali ta' l-2006 dwar l-akkwist pubbliku ekoloġiku fl-Ewropa (30) jsemmi dawn l-ostakoli għad-dissemminazzjoni tiegħu: il-prezz ogħla ta' prodotti ekoloġiċi, b'mod partikulari fin-nuqqas ta' indikaturi ta' l-ispejjeż matul iċ-ċiklu tal-ħajja; in-nuqqas ta' għarfien ambjentali, u n-nuqqas ta' bażi tad-data adattata elettronika li hija faċilment aċċessibbli; nuqqas ta' ċarezza fil-kriterji u l-ispeċifikazzjonijiet għall-akkwist, b'definizzjonijiet u standards inċerti għall-prodotti ekoloġiċi; nuqqas ta' appoġġ fil-livell maniġerjali u politiku; u nuqqas ta' għodda biex jingħataw informazzjoni u taħriġ.

3.8.3

Il-Kumitat għalhekk jirrakkomanda: li jiġu definiti kriterji konkreti għall-prodotti ekoloġiċi, li jiġu speċifikati l-ispeċifikazzjonijiet ambjentali rilevanti kollha; li tiġi inkluża l-ispiża taċ-ċiklu sħiħ tal-ħajja tal-prodott jew tas-servizz fl-ispeċifikazzjonijiet tiegħu; li titniehed “Bażi tad-Data għall-għarfien dwar l-Akkwist Pubbliku Ekoloġiku Ewropew” (31); li jiġu introdotti r-rekwiżiti ta' l-istandard ISO 14004, is-sistemi ta' ġestjoni ambjentali — EMS, referenzi għall-Eko-tikketta u d-disinn ekoloġiku fid-direttivi tal-KE dwar il-kuntratti pubbliċi; id-disseminazzjoni ta' pjanijiet ta' azzjoni nazzjonali għall-adozzjoni ta' akkwist pubbliku ekoloġiku fost il-pubbliku; li niffukaw fuq prodotti li għandhom l-akbar impatt ambjentali.

3.9

Il-kunċett ta' “kummerċ ġust” huwa wkoll mifrux ma' l-Ewropa kollha. Il-kummerċ ġust u l-kummerċ etiku kienu ta' interess kbir għall-KESE għal xi żmien u kienu indirizzati fid-dettall fl-opinjoni REX/196 (32). Fil-fehma tal-Kumitat, dawn huma kruċjali għas-suċċess tal-konsum sostenibbli.

3.10

L-edukazzjoni hija element kruċkali fil-konsum sostenibbli u l-KESE tinsisti li din l-edukazzjoni għandha tibda fil-klassi. Il-konsumaturi għandu jkollhom ukoll aċċess immedjat għal informazzjoni dwar il-prodotti u s-servizzi magħżula u l-impatt potenzjali tagħhom fuq l-ambjent. Huwa wkoll essenzjali li din l-informazzjoni tingħata b'mod li jkun interessanti għall-konsumaturi u b'hekk faċli li wieħed jassorbiha u jifimha.

3.11

Il-KESE jemmen li l-korp leġislattiv tal-Komunità dwar il-produzzjoni u l-konsum sostenibbli għandu jiġi kkonsolidat u ssimplifikat biex ikun aktar jinftiehem u aċċessibbli kemm għall-konsumaturi kif ukoll għall-produtturi: “Il-prinċipju ta'” inqas leġislazzjoni iżda leġislazzjoni aħjar “irid jirrifletti ruħu f'testi regolatorji konsolidati u konsistenti fil-qasam ta' l-ambjent, testi li jipprovdu ċertezza legali u trasparenza fl-aġġustament għall-bidliet industrijali, u li jikkonċentraw fuq l-aħjar mezz li bih jistgħu jiġu protetti r-riżorsi u l-ambjent, u li bih jistgħu jiġu applikati innovazzjonijiet sostenibbli, kompetittivi u teknoloġiċi fis-suq globali” (33).

3.12

Dwar is-suġġett ta' prodotti ekoloġiċi, ta' min iżid il-miżuri Komunitarji mmirati li jagħmlu r-reklamar li jagħti idea żbaljata u prattiki kummerċjali inġusti illegali  (34): It-termini “eko” u “bijo” spiss jintużaw bħala għodda sempliċi ta' marketing biex iżidu l-bejgħ ta' prodotti u servizzi li fir-realtà m'humiex differenti minn oħrajn u ma joffru l-ebda valur miżjud.

3.12.1

B'rabta ma' dan, il-Kumitat jemmen li l-iżvilupp ta' kodiċi tal-kondotta, kif imfisser fid-Direttiva 2005/29/KE, jista' jkun element partikolarment sinifikanti fl-awto-regolamentazzjoni biex jiġi evitat l-użu ta' dikjarazzjonijiet ekoloġiċi inġusti fir-reklamar, skond il-kriterji li ġejjin:

3.12.2

Fil-fehma tal-Kumitat għandha titħeġġeġ l-eżistenza ta' korpi effiċjenti u bi spiża baxxa ta' superviżjoni u arbitraġġ mhux ġudizzjarji, li jistgħu iservu b'mod kredibbli biex jiggarantixxu li l-prodotti jħarsu l-istandards ambjentali, u li l-prodotti sostenibbli fuq is-suq jissodisfaw ir-rekwiżiti ta' sostenibbiltà ambjentali li jirregolaw l-għażla tal-konsumaturi. Dawn ma għandhomx jieħdu post il-proċeduri ġudizzjarji li għandhom ikunu aċċessibbli għal kulħadd.

3.13

Il-Kumitat jagħti importanza partikulari lil Karta Ewropea għall-konsum u l-produzzjoni sostenibbli fis-suq intern biex jitħarsu d-drittijiet tal-konsumaturi li jikkunsmaw prodotti ekoloġiċi. Karta ta' dan it-tip għandha tinkludi dawn l-elementi:

3.13.1

Il-KESE jipproponi li tiġi organizzata konferenza dwar il-Karta Ewropea għall-konsum u l-produzzjoni sostenibbli fis-suq intern meta titqies l-importanza tas-suġġett, dan bl-involviment tal-Parlament Ewropew u l-Kummissjoni Ewropea.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/8

1.1

Il-KESE jilqa' l-proposta tal-Kummissjoni maħsuba biex ittejjeb il-kwalità tal-ħajja ta' persuni mdaħħlin fiż-żmien permezz ta' l-użu ta' Teknoloġiji ta' l-Informatika u tal-Komunikazzjoni ġodda. L-AAL jista' jkun wieħed mill-għodda li primarjament u b'mod effettiv għandhom jassiguraw il-kwalità tal-ħajja mhux biss tal-persuni mdaħħlin fiż-żmien iżda ta' kwalunkwe persuna li bħalissa ma tistax toqgħod fir-residenza tagħha minħabba kwistjonijiet ta' saħħa.

1.2

Il-KESE jemmen bis-sħiħ li l-approċċ meħud għal tali riċerka u żvilupp fil-qasam ta' l-ICT għandu l-ewwel u qabel kollox jassigura li l-ħtiġijiet tal-benefiċjarji jinftiehmu sewwa, jiġu indirizzati u jiġu ssodisfati. Għaldaqstant, l-approċċ għandu jkun wieħed “minn isfel għal fuq”, fejn primarjament għandhom jiġu magħrufa l-ħtiġijiet ta' l-utenti u sussegwentement jitwettqu r-riċerka u l-iżvilupp b'mod xieraq.

1.3

Il-KESE jemmen bis-sħiħ li waħda mill-persuni interessati importanti f'AAL hija l-persuna li fl-aħħar mill-aħħar għandha tgawdi minn din it-teknoloġija. Għalhekk, m'huwiex importanti biss li jinftiehmu l-ħtiġijiet ta' tali persuni, iżda wkoll li dawn il-persuni jitħarrġu fl-użu ta' teknoloġija bħal din u jiġu involuti fit-tfassil u t-testing tat-teknoloġija.

1.3.1

Huwa wkoll għal din ir-raġuni li l-KESE jqis il-politiki ta' l-UE relatati mat-Tagħlim Tul il-Ħajja u l-eInklużjoni bħala importanti. Minħabba f'hekk il-Kumitat jemmen li l-Kummissjoni għandha tieħu wkoll approċċ integrat bejn l-AAL u tali politiki.

1.4

Il-KESE jqis li l-ewwel u qabel kollox wieħed għandu jara dan il-programm bħala wieħed “Uman” ħafna aktar milli bħala sempliċement programm ieħor ta' Riċerka u Żvilupp. Dan huwa tabilħaqq programm ta' riċerka, iżda jindirizza ċirkostanzi soċjali li ħafna drabi jitfaċċjaw fi stadju delikat tal-ħajja.

1.5

Kif ser jissemma aktar 'il quddiem, il-KESE jemmen li l-erba' oqsma ewlenin li għandhom jiġu indirizzati b'mod konkorrenti taħt il-programm AAL huma: il-ħtiġijiet ta' l-Utent; is-sigurtà ta' l-Utent; l-Organizzazzjonijiet Soċjali u tas-Saħħa (flimkien ma' assoċjazzjonijiet li jirrappreżentaw il-professjonisti f'dawn is-setturi); u t-Teknoloġija li għandha tintuża.

1.6

Il-KESE jenfasizza li għandhom jitqiesu l-kwistjonijiet ta' etika u privatezza b'konformità mal-linji gwida internazzjonali. Għaldaqstant ifaħħar ir-rikonoxximent ta' tali kwistjonijiet fil-Komunikazzjoni tal-Kummissjoni.

2.1

Il-proposta tal-Kummissjoni għandha l-għan speċifiku li:

2.2

Din il-proposta ssegwi t-tnedija mill-Kummissjoni ta' Pjan ta' Azzjoni dwar it-tixjiħ aħjar għall-persuni mdaħħlin fiż-żmien fis-soċjetà ta' l-informazzjoni. Dan il-pjan ta' azzjoni jidher bħala komponent ewlieni fl-indirizzar ta' l-isfidi ekonomiċi u soċjali li qiegħda tiffaċċja l-Ewropa minħabba l-bidliet demografiċi. Huwa previst li l-popolazzjoni ta' l-Ewropa bejn l-etajiet tal-65 u t-80 sena ser tiżdied bi kważi 40 % bejn l-2010 u l-2030 (1). L-ICT tidher bħala mezz biex itejjeb il-kwalità tal-ħajja f'din l-età, iżid l-indipendenza tal-persuni u li dawn jibqgħu jgħixu aktar f'saħħithom.

2.3

Il-Kummissjoni għandha l-ħsieb li tniedi programm ta' 6 snin, l-Għajxien Megħjun Kontestwalment (Ambient Assisted Living — AAL) li jikkomplementa l-ICT għat-Tixjiħ fi ħdan l-FP7 u wkoll il-Programm dwar il-Kompetittività u l-Innovazzjoni (CIP). Il-programm AAL għandu jirċievi fondi li jammontaw għal madwar EUR 300 miljun għall-perijodu 2008-2013, li jkunu magħmula ugwalment mill-fondi tal-Komunità u ta' l-Istati Membri.

2.4

Il-qafas legali li fuqu huwa bbażat il-programm AAL huwa l-Artikolu 169 tat-Trattat. L-Artikolu 169 jagħti l-opportunità lill-Komunità Ewropea li tipparteċipa fi programmi ta' riċerka mnedija b'mod konġunt minn diversi Stati Membri, inkluża parteċipazzjoni fl-istrutturi maħluqa għall-eżekuzzjoni ta' programmi nazzjonali. Dan il-qafas legali speċifiku intgħażel għall-programm AAL sabiex tinkiseb effettività akbar f'dan il-qasam ta' riċerka billi jiġu sfruttati kemm jista' jkun il-kapaċitajiet transkonfinali; impenn mill-Istati Membri li jiffinanzjaw parti minn din ir-riċerka; l-iżgurar ta' approċċ koerenti għall-kwistjoni fuq livell Ewropew; l-iżgurar ta' suq intern ġenwin għal soluzzjonijiet interoperabbli ta' l-ICT għat-tixjiħ.

3.1

Inizjattiva preċedenti skond l-Artikolu 169, ikkwotata mill-proposta tal-Kummissjoni bħala provi kliniċi fl-Afrika, l-EDCTP (Sħubija ta' Provi Kliniċi fil-Pajjiżi Ewropej u dawk li għadhom fit-triq ta' l-iżvilupp), kienet għamlet enfasi fuq l-importanza ta' impenn ċar mill-Istati Membri parteċipanti fl-iffinanzjar multi-annwali tal-proġett. Il-programm AAL fil-fatt għandu l-ħsieb li jkollu kontribuzzjoni ta' 50-50 mill-fondi ta' l-UE u minn fondi nazzjonali fil-programm.

3.2

Il-ħidma preparatorja għal dan il-programm twettqet permezz ta' proġett ta' Azzjoni ta' Appoġġ Speċifiku msejjaħ “l-Għajxien Megħjun Kontestwalment” skond il-prijorità ta' l-IST (Teknoloġiji tas-Soċjetà ta' l-Informazzjoni) fi ħdan l-FP6 imwettqa fil-perijodu bejn l-1 ta' Settembru 2004 u l-31 ta' Diċembru 2006. Il-konsorzju kien magħmul minn imsieħba mill-Istati Membri li ġejjin: l-Awstrija, il-Ġermanja, Franza, il-Finlandja, l-Italja, il-Belġju u l-Isvizzera. L-imsieħba ġew mis-settur privat, mis-settur pubbliku u minn Università.

3.3

Il-korp legali tal-Programm Konġunt AAL huwa l-Assoċjazzjoni AAL. Din l-assoċjazzjoni bħalissa hija magħmula minn rappreżentanti minn 21 Stat Membru. Minħabba li dan huwa programm b'approċċ minn isfel għal fuq, inħatru numru ta' punti ta' kuntatt fl-Istati Membri li jappartjenu għall-Assoċjazzjoni.

4.1

Il-KESE jilqa' din l-inizjattiva AAL skond l-Artikolu 169. B'mod partikulari, nirrikonoxxu li l-inizjattiva tqis bis-sħiħ it-tendenzi demografiċi bażiċi għaċ-ċittadini Ewropej.

4.1.1

Il-KESE jikkunsidra li sabiex tittejjeb il-koeżjoni ekonomika, soċjali u territorjali ta' l-Istati Membri li m'għandhomx infrastruttura biżżejjed għall-eżekuzzjoni ta' din il-proposta, ikun hemm bżonn l-adozzjoni ta' “miżuri speċifiċi” bħal dawk li jistgħu jinsabu fl-Artikolu 159 tat-Trattat ta' l-UE, sabiex jiġu kkoreġuti l-iżbilanċi reġjonali ewlenin fl-Unjoni Ewropea.

4.2

Il-KESE jemmen li l-inizjattiva għandha titqies bħala aktar minn opportunità biex jinbnew sistemi pilota li l-għan tagħhom ikun li juru l-prova ta' kunċett. Huwa importanti ħafna li din l-opportunità tlaqqa' flimkien il-firxa wiesgħa ta' partijiet interessati li huma mitluba jkunu involuti sabiex jibqa' jinħass l-impatt ta' din l-inizjattiva.

4.2.1

Il-partijiet interessati ewlenin huma l-benefiċjarji finali ta' l-AAL. L-AAL huwa primarjament maħsub biex itawwal l-indipendenza ta' l-anzjani u wkoll biex jassigura li din il-kategorija tal-popolazzjoni tkun tista' tibqa' tgħix f'darha għal kemm jista' jkun possibbli. Wieħed għandu jżomm f'moħħu li dan m'huwiex limitat biss għas-settur ta' l-anzjani iżda wkoll għal kull individwu li bħalissa ma jistax jgħix f'daru b'mod indipendenti minħabba raġunijiet ta' saħħa. Din l-inizjattiva għandha tassigura li l-ħtiġijiet u l-esiġenzi ta' dawn il-partijiet interessati jkunu verament fil-qalba tar-riċerka.

4.3

Parti interessata importanti oħra hija l-organizzazzjonijiet tas-saħħa u l-benesseri. Din l-inizjattiva għandha tirrikonoxxi l-ħtiġijiet organizzattivi tagħhom. Il-KESE jirrakkomanda li dawn l-organizzazzjonijiet ikollhom opportunitajiet li jagħmlu enfasi fuq kwistjonijiet bħall-integrazzjoni u l-interoperabilità ta' sistemi lil partijiet oħrajn interessati fil-proġett sabiex jiksbu suċċess.

4.4

Huwa rrakkomandat ħafna li, sa mill-istadji inizjali, dawk l-utenti tas-sistemi li ser jiġu żviluppati taħt din l-inizjattiva jkunu involuti bħala partijiet interessati ewlenin fil-ħidma. Il-KESE jirrakkomanda li l-konsorzji jinkitbu, fejn possibbli, għal metodi li jiffokaw fuq l-utenti, bħal disinn parteċipattiv għall-metodoloġija ta' l-iżvilupp tagħhom, b'mod partikulari biex jippromovu l-użu qawwi ta' strumenti u interfaces għall-utenti. Il-Kumitat ifaħħar ukoll ir-rikonoxximent li ser tittieħed kunsiderazzjoni xierqa tal-kwistjonijiet ta' etika u ta' privatezza b'konformità ma' linji gwida internazzjonali.

4.5

Il-KESE jirrikonoxxi l-impenn ipprovdut lill-SMEs fl-abbozz ta' proposta, u jappoġġja r-rikonoxximent ta' l-organizzazzjonijiet industrijali bħala partijiet interessati ewlenin li jistgħu jappoġġjaw mudelli ta' negozju innovattivi u orjentati lejn is-suq li juru mogħdijiet ċari u intrinsiċi għall-isfruttar. B'mod partikulari, aħna nfaħħru r-rikonoxximent li l-SMEs jistgħu jikkontribwixxu partikularment għar-riċerka li jkollha żmien iqsar għas-swieq (sentejn jew ftit aktar).

4.5.1

Aħna nħeġġu r-rikonoxximent li l-SMEs kultant ikunu flessibbli teknoloġikament u joffru l-potenzjal li jintroduċu teknoloġiji u mudelli ġodda ta' negozju fis-suq kultant b'rata aktar mgħaġġla minn kumpaniji li huma akbar jew minn organizzazzjonijiet tas-saħħa jew tal-benesseri. Din il-karatteristika ta' l-SMEs hija partikularment reżonanti f'din l-inizjattiva. Konsegwentement l-isħubija konġunta bejn l-organizzazzjonijiet il-kbar u l-SMEs hija ta' benefiċċju għat-tnejn li huma.

4.6

L-AAL huwa bbażat fuq il-premessa li jappoġġja lin-nies ħalli jibqgħu jgħixu f'darhom għal żmien itwal. Sabiex jintlaħaq dan il-għan, hemm firxa wiesgħa ta' sensors, actuators, user interfaces, proċessuri u tagħmir tal-komunikazzjoni li huma meħtieġa, u spiss ikunu jistgħu jiġu pprovduti biss minn ħafna SMEs Ewropej differenti.

4.7

Fost dawn il-gruppi kollha ta' partijiet interessati, aħna nappoġġjaw miżuri f'din l-inizjattiva li jħeġġu netwerking multidixxiplinarju bejn it-teknoloġisti, dawk li jmexxu l-kliniċi u staff ieħor ta' organizzazzjonijiet tas-saħħa u tal-benesseri u b'mod partikulari ma' l-utenti, kemm dawk li jgħixu fi darhom kif ukoll dawk il-persuni lokali li jieħdu ħsiebhom u qrabathom.

4.8

Fil-kuntest ta' Sistema ta' Innovazzjoni Ewropea, din l-inizjattiva għandha l-opportunità li tadotta mudelli ġodda ta' innovazzjoni li jirriflettu progress attwali f'innovazzjoni miftuħa u mill-utenti li tmexxi l-progress sabiex l-istrateġija ta' Lisbona tintrabat ma' Sistema ta' Innovazzjoni Ewropea ġdida li tkun immexxija aktar mill-utenti.

4.9

Il-KESE jafferma li huwa importanti li jkun hemm aċċess ugwali mit-tipi kollha ta' organizzazzjonijiet fl-Istati Membri kollha għal din l-inizjattiva.

4.10

Barra minn hekk, il-gvernijiet nazzjonali kollha għandhom ikunu mħeġġa sabiex jieħdu sehem. Bħalissa, l-Awstrija, il-Belġju, Ċipru, id-Danimarka, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, l-Olanda, il-Polonja, il-Portugall, ir-Rumanija, is-Slovenja, Spanja u l-Isvezja, u kif ukoll l-Iżrael, in-Norveġja u l-Isvizzera qablu li jikkoordinaw attivitajiet konġunti biex jikkontribwixxu għall-programm AAL.

4.11

Il-KESE jinsab imħasseb li xi pajjiżi m'humiex jipparteċipaw minħabba l-ispiża tal-kofinanzjament tar-riċerka. Pajjiżi bħal dawn għandhom ikunu jistgħu jieħdu sehem fi kwalunkwe stadju tal-programmazzjoni meta jilħqu l-ħtiġijiet tal-programm (l-iktar il-kofinanzjament).

4.12

Il-KESE jagħraf li l-AAL jista' jġib miegħu tnaqqis fl-ispiża tas-sistema tal-kura soċjali. Madankollu, huwa jtenni li l-iskop ta' l-AAL m'huwiex it-tnaqqis fl-ispiża iżda l-effettività fl-assigurar tal-kwalità tal-ħajja għal kategorija ta' ċittadini. It-tnaqqis fl-ispiża huwa konsegwenza li għandna naċċettaw b'mod favorevoli.

5.1

Il-KESE jemmen bis-sħiħ li l-programm AAL għandu jibqa' jiffoka fuq il-karatteristiċi speċifiċi tat-tliet setturi li ġejjin: l-Utent; l-Organizzazzjonijiet tas-Saħħa; u t-Teknoloġija użata.

5.2

Il-benefiċjarju u l-partijiet interessati ewlenin xi drabi jkunu l-anzjani. Huwa ta' l-akbar importanza li l-Programm jibqa' jiffoka fuq il-ħtiġijiet ta' l-utenti aħħarija. Jekk naqgħu fin-nassa li nqisu li l-Utenti għandhom jintużaw biss fl-ambjenti tar-riċerka sabiex din tiġi ttestjata, sfortunatament dan iwassal biex tinħoloq innovazzjoni li fil-fatt aktarx ma tkunx taqbel mar-rekwiżiti tal-benefiċjarju ewlieni. Għal din ir-raġuni, il-ħtiġijiet ta' l-Utenti m'għandhomx jintesew, u dawn il-ħtiġijiet għandhom jinkludu: bidla minima fl-imġiba, il-mobilità, l-għażla, il-kwalità tal-ħajja mtejba u r-rispett għall-privatezza ta' dak li jkun.

5.3

Wieħed għandu jżomm f'moħħu wkoll li l-anzjani huma possibbilment il-kategorija tal-popolazzjoni li ssofri l-aktar mill-eEsklużjoni u għalhekk jeħtieġ li tingħeleb il-firda diġitali. Barra minn hekk, il-konnettività hija essenzjali u għalhekk għandhom isiru sforzi sabiex ir-reġjuni kollha, b'mod partikulari dawk l-aktar rurali jkollhom aċċess għall-konnettività ma' l-Internet (aċċess kemm f'termini fiżiċi kif ukoll f'termini finanzjarji).

5.3.1

Fil-qofol huwa essenzjali li:

5.3.2

Għalhekk, il-KESE jemmen bis-sħiħ li l-approċċ meħud fi ħdan l-AAL għandu jkun approċċ minn isfel għal fuq. L-enfasi u l-bidu tal-proċess sħiħ għandhom ikunu l-ħtiġijiet ta' l-utenti aktar milli t-teknoloġija fiha nnifisha. Għandu jsir studju ċar sabiex jiġi identifikat l-ispettru sħiħ tal-ħtiġijiet, li wħud minnhom jistgħu jiġu identifikati bħala: il-ħtieġa li jinżamm kuntatt man-nies, b'mod partikulari ma' dawk li jibdew jikbru fl-età (għalhekk il-programmi VOIP bħal SKYPE u l-posta elettronika taw prova li huma għodod effettivi u irħas); in-nuqqas ta' interess fl-aġġornament mal-bidla teknoloġika li qiegħda ssir b'rata mgħaġġla; il-ħila li tlaħħaq mal-bidla teknoloġika; il-livell ta' preparazzjoni li tintuża tali teknoloġija. Barra minn hekk, l-utenti għandhom jiġu involuti fil-ħolqien, l-implimentazzjoni u l-valutazzjoni ta' teknoloġiji bħal dawn.

5.4

L-organizzazzjonijiet tas-Saħħa u tal-Benesseri, ir-rappreżentanti tagħhom u l-familji ta' l-Utenti, huma fl-aħħar mill-aħħar dawk li se jużaw it-teknoloġija sabiex tiġi pprovduta kura lill-benefiċjarji. Huwa essenzjali li tali organizzazzjonijiet ikunu involuti fid-diversi stadji tar-riċerka sabiex jiġi assigurat li l-prodott riżultanti joqgħod tajjeb fi ħdan is-sistema operattiva ta' tali organizzazzjonijiet. Wieħed jista' jantiċipa li jista' jkun meħtieġ li jsiru xi bidliet organizzattivi biex b'hekk jiġu implimentati teknoloġiji ġodda għall-AAL, u għalhekk huwa imperattiv li l-organizzazzjonijiet tal-benesseri jkunu lesti għat-tali bidliet u li jgħaddu minnhom mingħajr xkiel biex b'hekk jieħdu l-massimu tal-potenzjal tat-teknoloġiji għall-programm AAL.

5.4.1

Il-persuna li tieħu ħsieb il-pazjent hija verament fattur importanti fil-proċess sħiħ tal-benesseri anki fi ħdan l-AAL. Għalhekk, għandha tkun maħsuba bidla fil-pożizzjoni adottata mhux biss fil-livell ta' l-organizzazzjoni iżda wkoll fil-livell tal-persuna li tieħu ħsieb il-pazjent, sabiex jiġi assigurat li l-persuna li qed ikollha l-kuntatt dirett mal-persuna li teħtieġ l-AAL ma tkunx biss profiċjenti f'tali teknoloġija iżda tkun temmen tabilħaqq fl-użu ta' tali teknoloġija sabiex tkompli tispira wkoll il-kunfidenza tal-persuna f'tali għodda bħala mezz aħjar għall-kwalità tal-ħajja.

5.4.2

Il-KESE jqis ukoll li s-sistema tas-saħħa għandha tiġi analizzata bl-akbar reqqa sabiex jiġi assigurat li mhux biss ikun hemm tħejjija organizzattiva għall-AAL, iżda li l-organizzazzjonijiet tas-Saħħa u l-Kura Soċjali fil-fatt ikunu jistgħu jlaħħqu mad-dħul ta' aktar persuni fid-djar tagħhom.

5.4.3

Barra minn hekk, bl-adozzjoni ta' l-AAL huwa saħansitra aktar kruċjali li jittejbu l-kooperazzjoni u l-koordinazzjoni bejn l-organizzazzjonijiet tas-saħħa u l-organizzazzjonijiet soċjali. Hawnhekk ukoll, it-teknoloġija tista' tkun għodda biex ittejjeb tali kooperazzjoni. Madankollu, l-attitudni lejn il-ħtieġa u r-rieda ta' kooperazzjoni hija aktar kruċjali.

5.5

Huwa previst li s-sistemi AAL għandhom ikunu kumplessi, għalhekk l-interoperabilità għandha tkun waħda mill-għanijiet ewlenin fi ħdan dan il-programm. L-innovazzjoni u t-teknoloġija għandhom ikunu fuq skala wiesgħa, personalizzati, integrati u proattivi.

5.6

Il-KESE jemmen li l-Kummissjoni għandha tadotta wkoll approċċ integrat għall-AAL u l-politiki bħat-Tagħlim Tul il-Ħajja. Fil-fatt, it-taħriġ għal tali politiki, b'mod partikulari, għandhom ikunu mmirati lejn il-partijiet interessati tal-programm AAL billi t-taħriġ huwa parti integrali fil-ksib tas-suċċess għal tali teknoloġija.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/11

1.1

Il-KESE jilqa' bi pjaċir il-fatt li l-Kummissjoni wettqet riformulazzjoni rigoruża ta' bosta direttivi kumplessi u ġabrithom f'dokument wieħed filwaqt li qieset ir-regoli li fuqhom issejsu l-partijiet formulati mill-ġdid. Peress li l-qafas leġislattiv ta' l-UE m'għandux jiffoka biss fuq il-politika prudenzjali, li tindirizza r-rwol tal-kapital fil-provviżjoni tas-servizzi ta' l-assigurazzjoni li huma importanti għan-negozji u ċ-ċittadini Ewropej f'oqsma oħrajn, il-KESE jirriżerva d-dritt li jesprimi l-fehmiet tiegħu fil-waqt propizju dwar ċerti elementi ġodda marbuta mar-relazzjoni bejn il-konsumaturi u l-assiguraturi/riassiguraturi, b'mod partikulari fil-kuntest ta' l-inizjattivi reċenti tal-Kummissjoni dwar is-servizzi finanzjarji bl-imnut.

Il-KESE jitlob lill-Kummissjoni tapprofondixxi aktar il-ħidma tagħha dwar l-armonizzazzjoni ta' l-aspetti legali tar-relazzjoni bejn it-titulari tal-polza ta' l-assigurazzjoni u l-assiguratur, kif qed jiġi analizzat bħalissa fil-kuntest tal-ħidma marbuta mal-“qafas komuni ta' referenza” taħt it-tmexxija tad-DĠ SANCO.

1.2

B'mod ġenerali, il-KESE japprova d-Direttiva Qafas Solvenza II tal-Kummissjoni u huwa sodisfatt bil-konsultazzjoni wiesgħa li ppreċedietha. L-approċċ tal-Kummissjoni jirrispetta l-prinċipji tar-“regolamentazzjoni aħjar” li stabbilixxiet għaliha nnifisha. Madankollu, il-konsultazzjonijiet dwar dawn it-tipi ta' riformi għandhom jagħtu attenzjoni xierqa lill-fehmiet ta' l-impjegati u l-konsumaturi, li għandhom interess evidenti fir-riżultat tal-proċedimenti. Il-KESE jitlob lill-Kummissjoni tiżviluppa fora adegwati, bħall-FINUSE, sabiex dawn il-konsultazzjonijiet ikunu jisgħtu jsiru.

1.3

Il-KESE jilqa' b'sodisfazzjon l-adozzjoni ta' approċċ ekonomiku bbażat fuq ir-riskju biex jiġu evalwati r-rekwiżiti kapitali tas-solvenza (SCR) tal-kumpaniji ta' l-assigurazzjoni, u approċċ imsejjes fuq il-karta tal-bilanċ, fuq il-bażi ta' evalwazzjoni ekonomika kompluta ta' l-attivi u l-passivi (assets and liabilities), biex issir evalwazzjoni tas-sitwazzjoni finanzjarja tagħhom. L-għan ta' dan l-approċċ huwa li jirrifletti korrettament l-espożizzjoni potenzjali għar-riskji u l-istrumenti maħsuba għall-mitigazzjoni tar-riskju ta' l-intrapriżi. Dan l-approċċ, minbarra li huwa ekonomikament korrett, għandu l-vantaġġ li jevita kwalunkwe possibilità ta' arbitraġġ regolatorju u, fl-istess ħin, jassigura l-istess livell adegwat ta' protezzjoni lit-titulari ta' l-assigurazzjoni fl-Ewropa kollha, indipendentement mill-istatut legali, daqs jew lokalità tal-kumpanija.

1.4

Il-KESE jilqa' b'sodisfazzjon kbir l-introduzzjoni ta' l-approċċ imsejjes fuq it-tliet pilastri fir-rigward tal-superviżjoni prudenzjali, li jissodisfa r-rekwiżiti kapitali stabbiliti f'Basel II — li oriġinarjament tħejjew għas-settur bankarju, iżda li għal dan il-każ qiesu l-ispeċifiċitajiet tas-settur ta' l-assigurazzjoni. Il-KESE jixtieq jenfasizza l-importanza taż-żieda tal-proċess tas-sorveljanza prudenzjali u l-eżiġenzi kwalitattivi (Pilastru II), kif ukoll l-introduzzjoni ta' prinċipji li jirregolaw ir-rappurtar superviżorju u l-iżvelar pubbliku (Pilastru III), flimkien mad-definizzjoni tar-rekwiżiti kapitali kwantitattivi bbażati fuq ir-riskju, għall-adegwatezza tas-superviżjoni prudenzjali ta' l-intrapriżi ta' l-assigurazzjoni.

1.5

Il-KESE jilqa' b'sodisfazzjon l-introduzzjoni ta' sistema tas-solvenza bbażata fuq żewġ rekwiżiti kapitali, ir-Rekwiżit Kapitali tas-Solvenza (SCR) u r-Rekwiżit Kapitali Minimu (MCR), li kull wieħed minnhom jaqdi skop differenti. L-SCR għandu jirrifletti l-livell ta' kapital li kwalunwe intrapriża għandha tilħaq f'kondizzjonijiet operattivi normali, filwaqt li l-MCR għandu jirrifletti livell ta' kapital li f'każ li ma jintlaħaqx, għandu jsir l-aktar intervent superviżorju radikali possibbli. Il-KESE jixtieq li jittieħdu miżuri regolamentari f'Livell II biex kemm il-kondizzjonijiet li jirregolaw il-kalkolu ssemplifikat tas-SCR (Artikolu 108) kif ukoll iċ-ċirkustanzi li jwasslu għall-bżonn li ssir talba għal kapital addizzjonali tas-solvenza jkunu ċċarati.

1.6

Il-KESE huwa tal-fehma li l-kalkoli ta' l-MCR u l-SCR għandhom ikunu strettament allinjati ma' xulxin u għalhekk it-tnejn li huma għandhom ikunu msejsa fuq approċċ li jkun “sensittiv” għar-riskji, bl-għan li ssir implimentazzjoni korretta ta' sensiela ta' interventi superviżorji li tassigura li kemm il-kumpanija ta' l-assigurazzjoni kkonċernata kif ukoll l-awtorità ta' sorveljanza jkollhom ħin biżżejjed biex jieħdu l-miżuri neċessarji biex tissolva s-sitwazzjoni f'każijiet fejn l-SCR ma jkunx ġie rispettat.

1.7

Il-KESE jilqa' bi pjaċir il-prinċipju tal-proporzjonalità inkluż fid-Direttiva proposta, li bis-saħħa tiegħu l-intrapriżi kollha jkunu jistgħu japplikaw il-qafas ta' l-UE msejjaħ Solvenza II. Il-KESE jixtieq li jittieħdu miżuri regolamentari fil-Livell II biex dan il-prinċipju ġenerali tal-proporzjonalità (Artikolu 28.3) ikun iċċarat aktar, bl-għan li l-adegwatezza tar-rekwiżiti u, f'każ ta' bżonn, tal-miżuri korrettivi, jistgħu jiġu aċċertati b'aktar sikurezza. Madankollu, dan m'għandux iwassal għal paraliżi regolatorja. Il-KESE jirrakkomanda li l-prinċipju jiġi applikat effettivament u b'mod konsistenti fl-Ewropa kollha, u għandhom jiġu stabbiliti mezzi effettivi biex isir appell permezz ta' proċessi amministrattivi jew, f'każ ta' bżonn, permezz tal-qrati, biex b'hekk jiġi garantit li l-prinċipju jkun rispettat.

1.8

Il-KESE jirrakkomanda bil-qawwa lill-Kummissjoni biex tħares id-diversità tas-suq ta' l-assigurazzjoni billi tqis ir-rwol ta' l-assiguraturi ż-żgħar u ta' daqs medju, kif ukoll tal-kumpaniji mutwalistiċi u kooperattivi ta' l-assigurazzjoni. Peress li ħafna minnhom joperaw fi swieq ristretti ħafna (niche markets), il-KESE jemmen li huwa importanti ħafna li l-approċċ standard iħalli lok għall-flessibilità biex per eżempju ikun rikonoxxut l-użu ta' data proprja u aktar rilevanti u ta' metodoloġiji aċċettati mill-maġġoranza, mingħajr, madankollu, ma tittiefes il-kompetizzjoni ġusta fost l-intrapriżi ta' l-assigurazzjoni. Il-possibilità li l-kumpaniji mutwalistiċi ta' l-assigurazzjoni jitolbu lill-membri tagħhom jikkontribwixxu għat-titjib tas-solvenza tagħhom — kif rajna fil-prattika — għandha tiġi analizzata u kkunsidrata.

1.9

Il-KESE jagħraf l-importanza li tingħata lis-superviżjoni tal-gruppi ta' l-assigurazzjoni li, għalkemm huma pjuttost żgħar bħala ammont ta' intrapriżi, madankollu jikkostitwixxu parti kbira mis-suq ta' l-assigurazzjoni fl-UE. Għalhekk il-KESE jemmen li l-introduzzjoni tas-superviżjoni fil-livell tal-gruppi hija pass siewi 'l quddiem li twassal biex is-sorveljaturi tal-gruppi u l-awtoritajiet superviżorji l-oħra kollha jtejbu l-fehim tagħhom tal-profil ta' riskju tal-grupp kollu kemm hu. Nirrakkomandaw li jkun hemm l-akbar armonizzazzjoni u trasparenza possibbli u qsim ċar tar-responsabilità ta' dawn l-awtoritajiet ta' sorveljanza.

1.10

Il-KESE jilqa' b'sodisfazzjon l-introduzzjoni ta' sistema ottimali li tagħti lok biex il-gruppi jkunu jistgħu jimmaniġġjaw il-fondi proprji tagħhom aktar faċilment, li twassal biex il-mobilità tal-kapital fi ħdan il-grupp titjieb u l-grupp innifsu jkun provdut b'sistema prattika u trasparenti biex jibbenifika mir-rikonoxximent ta' l-effetti tad-diversifikazzjoni fil-livell tal-grupp mingħajr ma jiġi affettwat il-livell tar-rekwiżiti kapitali tas-sussidjarji tal-grupp. Ser jenħtieġ li l-livelli kapitali reali tas-sussidjarji tal-grupp jiġu kkunsidrati, minħabba li parti minnhom se jkunu koperti minn dikjarazzjonijiet ta' sostenn tal-grupp milli minn attivi likwidi jew l-ekwivalenti tagħhom. Il-KESE jinnota li l-effetti tad-diversifikazzjoni tal-gruppi jiġu rikonoxxuti biss jekk jintuża l-metodu standard għall-kalkolu ta' l-SCR u li anke l-proposta għandha tagħti lok għar-rikonoxximent ta' l-effetti tad-diversifikazzjoni tal-gruppi mingħajr l-użu tal-mekkaniżmu tas-sostenn tal-grupp(i).

1.11

Il-Kumitat jirrakkomanda li jiġi evalwat l-impatt tas-sistema ottimali proposta fuq il-kompetizzjoni fil-livell lokali, il-livell ta' protezzjoni tal-konsumatur f'sitwazzjonijiet kemm normali kif ukoll kritiċi, li m'għandux ikun inqas mil-livell previst fis-sistema standard, u kjarifika ta' kwistjonijiet legali u prattiċi, inkluża s-sigurtà tat-trasferimenti transkonfinali tal-fondi bejn kumpaniji differenti fi ħdan grupp wieħed, bħal per eżempju restrizzjonijiet legali, fil-livell nazzjonali, li jxekklu t-trasferimenti tal-kapital (bħas-sostenn tal-gruppi) lil kumpanija sussidjarja lokalizzata fi Stat Membru ieħor.

1.12

Il-KESE jistenna li l-awtoritajiet tal-Livell II jikkunsidraw ir-riżultati tar-raba' fażi ta' l-istudju dwar l-impatt kwantitattiv (QIS4), li x-xogħol dwaru kien għaddej meta ġiet adottata din l-opinjoni.

1.13

Il-KESE jisħaq fuq il-ħtieġa li d-direttiva tiġi applikata b'mod armonizzat, u li tiġi evitata l-prattika ta' “goldplating” jew l-applikazzjoni ta' politiki diverġenti permezz ta' l-użu ta' opzjonijiet.

1.14

Il-KESE jitlob lill-Kummissjoni tassigura l-previdibbiltà tal-prattiki prudenzjali, bl-għan li l-intrapriżi ta' l-assigurazzjoni jingħataw il-livell ta' ċertezza li jeħtieġu biex jiżviluppaw il-politika tagħhom marbuta mar-riskju u s-solvenza.

1.15

Il-KESE jagħraf l-importanza ta' l-aspetti marbuta mal-mitigazzjoni tar-riskji, bħall-iskambju ta' data affidabbli bejn l-assiguraturi u l-gruppi ta' l-assigurazzjoni (pools) għall-proġett Solvenza II. Dawn jiffaċilitaw l-aċċess għas-suq ta' l-operaturi l-ġodda u l-operaturi ż-żgħar u jippermettulhom iżidu l-kapaċità disponibbli kif ukoll li jnaqqsu l-marġini ta' inċertezza fir-rigward tal-primjums tagħhom. Għalhekk il-KESE jitlob lill-Kummissjoni tikkunsidra din il-korrelazzjoni fir-reviżjoni tagħha tar-Regolament għall-Eżenzjoni Ġenerali fis-settur ta' l-assigurazzjonijiet.

1.16

Il-KESE jikkongratula lill-Kummissjoni u l-kumitati Lamfalussy kkonċernati għar-rwol ewlieni li qdew f'dan il-proċess ta' riforma billi applikaw l-aħjar prattiki u jissensibilizzaw l-operaturi fis-suq Ewropew kollu. Id-direttiva proposta tirrappreżenta punt ta' referenza ġenwin għal ħafna aktar ġurisdizzjonijiet u setturi tas-servizzi finanzjarji. Madankollu, il-konsultazzjonijiet dwar dawn it-tipi ta' riformi għandhom jagħtu attenzjoni xierqa lill-fehmiet ta' l-impjegati u l-konsumaturi, li għandhom interess evidenti fir-riżultat tal-proċedimenti. Il-KESE jitlob lill-Kummissjoni tiżviluppa fora adegwati, bħall-FINUSE, sabiex dawn il-konsultazzjonijiet ikunu jistgħu jsiru.

1.17

Il-KESE jitlob lill-Kummissjoni biex id-dispożizzjonijiet dwar is-solvenza ta' fornituri ta' servizzi finanzjarji oħra, irrispettivament min-natura tagħhom, jinġiebu fil-livell tad-direttiva Solvenza II, b'konformità mal-prinċipju “l-istess riskji, l-istess regoli”. Fid-dawl ta' l-instabilità tas-swieq finanzjarji, il-konsumaturi jew il-benefiċjarji għandhom jirċievu l-istess livell għoli ta' protezzjoni fil-qasam tas-solvenza. L-eżistenza ta' kondizzjonijiet ta' parità b'rabta mar-rekwiżiti kapitali tas-solvenza hija essenzjali wkoll għall-promozzjoni ta' ambjent kompetittiv ġust fis-suq finanzjarju.

1.18

Il-prinċipji tal-qafas Solvenza II għandhom iservu ta' referenza għall-introduzzjoni ta' standards ġodda fil-qasam tas-solvenza, per eżempju fil-qafas tar-reviżjoni tad-direttiva dwar l-IPIO (2), b'mod partikulari fir-rigward ta' l-iżvilupp tad-dmirijiet tal-provvedituri tal-pensjonijiet privati fl-UE kollha.

2.1

Din il-proposta għal Direttiva dwar qafas ġdid ta' solvenza għall-intrapriżi privati ta' l-assigurazzjoni u r-riassigurazzjoni, imsejjaħ Solvenza II, qed tintroduċi sistema riveduta bl-għan li t-titulari tal-poloz ta' l-assigurazzjoni u l-benefiċjarji jkunu protetti aħjar, biex l-integrazzjoni tas-suq uniku ta' l-assigurazzjoni fl-UE tissaħħaħ u biex il-kompetittività ta' l-industrija ta' l-assigurazzjoni ta' l-UE kif ukoll ta' l-assiguraturi u r-riassiguraturi individwali titjieb. Fl-istess ħin, il-proposta tiġbor għadd ta' ġenerazzjonijiet ta' direttivi ta' l-assigurazzjoni u tirriformulahom f'direttiva waħda. Dan il-qafas għandu jiġi applikat kemm għall-intrapriżi ta' l-assigurazzjoni, kif ukoll għall-intrapriżi tar-riassigurazzjoni.

2.2

Il-Kummissjoni u l-kumitati Lamfalussy, li laqqgħu għadd ta' regolaturi u sorveljaturi, għamlu konsultazzjoni bir-reqqa u kontinwa mal-partijiet interessati kollha u qdew rwol ewlieni fit-twaqqif ta' prattiki innovattivi f'ambjent globali, b'mod partikulari fil-qasam tas-servizzi finanzjarji. Ir-riżultat ta' dan huwa Solvenza II, li jgħodd fost l-aktar sensiela ta' regoli sofistikati fil-qasam tas-solvenza fis-settur assigurattiv fid-dinja u minħabba f'hekk, l-Ewropa tisboq bosta ġuridizzjonijiet oħra. Madankollu, il-konsultazzjonijiet dwar dawn it-tipi ta' riformi għandhom jagħtu attenzjoni xierqa lill-fehmiet ta' l-impjegati u l-konsumaturi, li għandhom interess evidenti fir-riżultat tal-proċedimenti. Il-KESE jitlob lill-Kummissjoni tiżviluppa fora adegwati, bħall-FINUSE, sabiex dawn il-konsultazzjonijiet ikunu jisgħu jsiru.

3.1

Il-qafas tas-solvenza propost għandu l-għan li jtejjeb l-istabilità u l-affidabilità finanzjarja tas-suq Ewropew ta' l-assigurazzjoni. Dan għandu jaġevola kemm il-kompetittività ta' l-industrija Komunitarja ta' l-assigurazzjoni kif ukoll l-assiguraturi u r-riassiguraturi individwali u l-konsumaturi fir-rigward tas-sikurezza. Swieq ta' l-assigurazzjoni affidabbli huma ta' importanza essenzjali għall-istruttura ekonomika ta' l-Unjoni Ewropea.

3.2

L-ewwel u qabel kollox, l-assigurazzjoni taġixxi bħala strument ta' protezzjoni individwali u kollettiva. Fost il-klijenti tal-kumpaniji ta' l-assigurazzjoni nsibu familji, SMEs, korporazzjonijiet kbar, assoċjazzjonijiet u awtoritajiet pubbliċi. L-impenji tal-kumpaniji ta' l-assigurazzjoni jirrigwardaw kemm lill-klijenti tas-servizzi ta' l-assigurazzjoni kif ukoll tad-dipendenti u l-partijiet terzi. Il-KESE huwa partikularment konxju minn dan l-impatt fuq il-ħajja ta' kuljum taċ-ċittadini Ewropej. Minbarra l-importanza tagħha fis-swieq tal-protezzjoni f'każ ta' mewt, l-assigurazzjoni saret provveditur sostanzjali ta' prodotti maħsuba għat-tfaddil tal-flus. Il-kumpaniji ta' l-assigurazzjoni jipparteċipaw fil-ġestjoni tas-sistemi ta' sigurtà soċjali, bħall-pensjonijiet (pajjiżi Nordiċi), is-sistemi ta' kumpens f'każ ta' aċċidenti fuq il-post tax-xogħol (BE, FI, PT) u s-sistemi nazzjonali għall-kura tas-saħħa (IE, NL), ta' spiss permezz tal-parteċipazzjoni tar-rappreżentanti tal-ħaddiema. Il-kumpaniji ta' l-assigurazzjonijipprovdu benefiċċji għall-impjegati li, kulma jmur qed isiru aktar importanti għall-ħaddiema, li qed tirrendihom atturi importanti. L-assigurazzjoni tipprovdi protezzjoni kontra riskji ġodda bħad-diżastri naturali, l-assigurazzjoni ta' l-uċuħ tar-raba u t-terroriżmu, xi drabi permezz ta' sħubiji bejn l-assiguraturi/ir-riassiguraturi u l-gvernijiet.

3.3

Is-suq ta' l-assigurazzjoni jiffunzjona bħala lieva importanti għall-ekonomija kollha kemm hi, minħabba li jappoġġja l-inizjattiva u joħloq il-fiduċja, u barraminhekk huwa fih innifsu fattur ekonomiku konsiderevoli, meta nqisu li joħloq impjiegi għal madwar miljun ruħ fl-Ewropa (3). Il-Kummissjoni stmat li d-direttiva proposta tfisser investimenti addizzjonali ta' EUR 2 sa 3 biljun għall-assiguraturi u s-sorveljaturi. Huwa mistenni li l-biċċa l-kbira ta' dawn l-investimenti jintefqu fuq il-kapital uman, li jwasslu għall-ħolqien ta' impjiegi — li jirrikjedu livell għoli ta' kwalifiki — għal perijodu twil fil-livell lokali (fosthom ġestjonarji tar-riskji, attwarji, esperti fil-qasam ta' l-ICT u uffiċjali responsabbli mill-konformità). Il-KESE jemmen li dan l-investiment għandu jipprovdi valur lill-partijiet interessati kollha, inklużi l-konsumaturi u l-benefiċjarji.

3.4

Minbarra dawn l-impjiegi diretti, id-distribuzzjoni ta' l-assigurazzjoni permezz ta' l-aġenti u s-sensara (brokers) u l-impjegati tal-kumpaniji ta' l-assigurazzjoni nnifishom żżid miljun impjieg ieħor.

Permezz ta' investimenti li jlaħħqu għal aktar minn EUR 6 500 biljun (4), l-intrapriżi ta' l-assigurazzjoni u r-riassigurazzjoni jsarrfu f'investituri istituzzjonali importanti. Għaldaqstant, għandhom ir-responsabilità li jittrasformaw il-primjums individwali f'pool ta' attivi finanzjarji proporzonalment għar-riskji meħuda, u li jassiguraw, għall-perijodu medju u fit-tul, is-sigurtà tat-titulari tal-polza ta' l-assigurazzjoni u l-benefiċjarji.

3.5

Il-familji, l-SMEs, il-korporazzjonijiet il-kbar u l-korpi pubbliċi jikkontribwixxu primjums li jgħoddu għal aktar minn 5 % tal-PGD fir-rigward ta' l-assigurazzjoni tal-ħajja (5) u aktar minn 3 % fir-rigward ta' l-assigurazzjoni li m'hijiex tal-ħajja. Saħansitra fis-swieq maturi, ir-rata tat-tkabbir ta' l-assigurazzjoni teċċedi t-tkabbir ta' l-ekonomija kollha kemm hi l-biċċa l-kbira tal-ħin. L-investimenti ta' l-assiguraturi jirrappreżentaw 'il fuq minn 50 % tal-PGD (6) u nofshom huma magħmula minn attivitajiet b'redditu fiss u self (7), filwaqt li t-total ta' l-investimenti tagħhom b'rendiment varjabbli huwa madwar kwart tal-kapitalizzazzjoni tal-borża fiż-żona Komunitarja (8).

3.6

Allavolja dawn l-aħħar snin kien hemm ħafna mergers (fużjonijiet) fl-industrija ta' l-assigurazzjoni, għad hemm madwar 5 000 kumpanija ta' l-assigurazzjoni fl-Ewropa (9). Il-gruppi finanzjarji l-kbar jista' jkollhom diversi sussidjarji ta' l-assigurazzjoni f'pajjiżi differenti. Il-gruppi fis-settur ta' l-assigurazzjoni jistgħu jiżvolġu diversi tipi ta' attivitajiet (riassigurazzjoni, assigurazzjoni tal-ħajja/mhux tal-ħajja, medjazzjoni ta' l-assigurazzjoni) u fil-kuntest usa' tas-servizzi finanzjarji (inklużi s-servizzi bankarji, bancassurance u ipoteki). Barraminhekk, il-gruppi jistgħu jkunu magħmlu minn intrapriżi prinċipali u s-sussidjarji tagħhom, iżda jinkludu wkoll intrapriżi konġunti (joint ventures), holding structures, eċċ. L-akbar 20 grupp jiġbru madwar nofs tad-dħul mill-primjums fl-Ewropa (10). Is-soċjetajiet kooperattivi u mutwalistiċi ta' l-assigurazzjoni għandhom parti sostanzjali mis-suq. Dawn ta' l-aħħar ta' spiss jintrabtu intrinsikament ma' numru kbir ta' organizzazzjonijiet tas-soċjetà ċivili, u jgħoddu għal 30 % tad-dħul mill-primjums fl-Ewropa (11).

3.7

Il-kriżi finanzjarja attwali, li nħolqot permezz tal-prattiki tas-self tal-mutwi subprime fl-Istati Uniti, tixħet dawl fuq il-bżonn ta' standards tas-solvenza sodi u li jissawru bir-reqqa, b'tali mod li l-kumpaniji ta' l-assigurazzjoni jkunu jistgħu jissodisfaw l-impenji tagħhom saħansitra taħt kondizzjonijiet restrittivi. Biex jintlaħaq dan l-għan, jenħtieġu regoli, metodi għall-ġestjoni u stress tests (simulazzjonijiet ta' kriżi).

4.1

B'konformità mal-programm Regolamentazzjoni Aħjar“, il-Kummissjoni għamlet xogħol bir-reqqa u daħlet fil-fond tad-direttiva Solvenza II, mingħajr ma naqset li tqis ir-regoli li” jkopru l-partijiet irriformulati tad-dokument. Bis-saħħa ta' diversi evalwazzjonijiet kwalitattivi u kwantitattivi ta' l-impatt u ta' konsultazzjonijiet, il-preokkupazzjonijiet ta' l-industrija u ta' l-awtoritajiet ta' sorveljanza ġew indirizzati. Ġew previsti analiżi u konsultazzjonijiet ġodda dettaljati.

4.2

Il-proposta tal-Kummissjoni hija l-hekk imsejħa Direttiva “Lamfalussy”, imsejsa fuq l-istruttura fuq erba' livelli ta' l-arkitettura Lamfalussy għas-servizzi finanzjarji. Id-dispożizzjnijiet b'rabta mal-Livell 1 tad-direttiva huma msejsa fuq prinċipji, u jipprovdu l-bażi għall-adozzjoni tal-miżuri implimentattivi fil-Livell 2, kif ukoll istruzzjonijiet dwar il-konverġenza superviżorja fil-Livell 3 tal-proċess. Dan l-approċċ huwa maħsub biex is-sistema tkun tista' tiġi adattata minnufih biex tirrifletti t-tibdil fis-suq, l-iżviluppi internazzjonali fil-kontabilità u r-regolamentazzjoni ta' l-assigurazzjoni/riassigurazzjoni, l-iżviluppi teknoloġiċi u l-esperjenzi u l-metodoloġiji l-ġodda. It-tfassil ta' speċifikazzjonijiet dettaljati dwar il-kalkoli fl-Artikoli tad-Direttiva jikkomprometti t-tifsira nnifisha ta' dan il-proċess leġislattiv innovattiv. Il-Livelli 2 u 3 huma aktar adegwati biex jindirizzaw dawn il-kwistjonijiet.

4.3

Is-sistema l-ġdida hija strutturata f'forma ta' tliet pilastri, simili għar-rekwiżiti kapitali tas-settur bankarju f'Basel II, iżda dawn jirriflettu l-ispeċifiċitajiet tas-settur ta' l-assigurazzjoni. Il-Pilastru 1 (Artikoli 74-142) jiddefinixxi r-rekwiżiti finanzjarji kwantitattivi, il-Pilastru II (Artikoli 27-34, 36-38, 40-49, 181-183) jindirizza l-proċess ta' analiżi superviżorja u r-rekwiżiti kwalitattivi u l-Pilastru III (Artikoli 35, 50-55) jirregola r-rappurtar superviżorju u l-iżvelar pubbliku. Dawn it-tliet Pilastri m'humiex indipendenti minn xulxin iżda jikkomplementaw wieħed lil ieħor biex jintlaħqu l-objettivi ta' din is-sistema. Għandhom jiġu kkunsidratti l-interazzjonijiet bejn id-dispożizzjonijiet fid-diversi pilastri.

4.4

Ir-reviżjoni tas-sistema attwali tas-solvenza serviet ukoll ta' opportunità biex it-13-il Direttiva dwar l-assigurazzjoni/riassigurazzjoni jiġu formulati mill-ġdid f'direttiva ssemplifikata waħda li fiha ġew integrati r-regoli l-ġodda tas-solvenza. Fiha għadd ta' emendi ta' natura mhux sostantiva biex il-formulazzjoni tad-direttiva proposta tittejjeb. Tneħħew l-artikoli, jew partijiet mill-artikoli, li m'għadhomx validi.

5.1

Matul dawn l-aħħar 30 sena, sensiliet suċċessivi ta' għadd ta' direttivi ta' l-UE ħolqu suq Ewropew ta' l-assigurazzjoni/riassigurazzjoni irregolat minn sett komuni ta' regoli, fosthom il-prinċipji tar-rikonoxximent reċiproku u tal-kontroll min-naħa tal-pajjiż ta' oriġini. Ħolqu suq miftuħ għall-operaturi lilhinn mill-UE u ħeġġu lill-assiguraturi fl-UE biex jespandu fi swieq barra l-UE, l-aktar fl-Amerika ta' Fuq, l-Asja u f'pajjiżi li jistgħu jiġu kkunsidrati kandidati biex jingħaqdu ma' l-UE.

5.2

Ir-regolamentazzjoni innovattiva proposta fil-qasam tas-solvenza tassigura li l-assiguraturi jkunu finanzjarjament solidi u kapaċi jirreżistu kwalunkwe pressjoni biex iwettqu l-wegħdiet kuntrattwali tagħhom lit-titulari tal-poloz ta' l-assigurazzjoni u jiggarantixxu sistema finanzjarja stabbli. Importanti nenfasizzaw li l-konsumaturi kollha ta' dawn is-servizzi finanzjarji jistħoqqilhom din il-protezzjoni msaħħa. Għadd ta' operaturi tas-suq m'humiex suġġetti għar-regolamentazzjoni fil-qasam ta' l-assigurazzjoni, bħall-provvedituri okkupazzjonali tal-pensjonijiet jew l-istituzzjonijiet tat-tfaddil u l-investiment.

5.3

Regoli tas-solvenza armonizzati joħolqu l-fiduċja, mhux biss fost il-konsumaturi iżda wkoll fost is-sorveljaturi. Din il-fiduċja hija element determinanti biex suq Ewropew mogħni b'rikonoxximent reċiproku u kontroll min-naħa tal-pajjiż ta' oriġini jaħdem fil-prattika. Ir-regoli attwali Komunitarji fil-qasam tas-solvenza (Solvenza I) għadda żmienhom. M'humiex intiżi li jittrattaw ir-riskji speċifiċi li jkollha l-entità li tipprovdi l-assigurazzjoni, u dan iwassal biex l-intrapriżi bi profil ta' riskju differenti japplikaw l-istess rekwiżiti tas-solvenza. Barraminhekk, ir-regoli attwali tas-solvenza jiffukaw l-aktar fuq il-konformità finanzjarja, u jsegwu approċċ imsejjes fuq ir-regoli milli fuq ġestjoni tajba u ma jindirizzawx is-superviżjoni fil-livell tal-gruppi adegwatament. Fl-aħħarnett, il-qafas leġislattiv attwali ta' l-UE jagħti wisq opportunitajiet lill-Istati Membri għal varjazzjonijiet nazzjonali, u b'hekk jikkomprometti l-effiċjenza tas-superviżjoni ta' l-operazzjonijiet multinazzjonali u l-prinċipju tal-parità tal-kondizzjonijiet. Fid-dawl ta' dawn in-nuqqasijiet, is-sistema attwali kienet issuperata mill-iżviluppi fis-settur u fil-livelli internazzjonali u trans-settorjali. L-istandards il-ġodda tas-solvenza definiti fil-proposta għad-Direttiva, fi kliem ieħor jirriflettu tendenza diġà stabbilita mill-operaturi li huma konxji tar-riskji eżistenti u mis-sorveljaturi minn pajjiżi differenti.

5.4

Għall-kuntrarju tal-qafas Solvenza I, ir-riforma tiffoka fuq il-kwalità reali tal-ġestjoni tar-riskji fl-intrapriża u fuq prinċipji u objettivi aktar milli fuq regoli li ma jqisux il-profili ta' riskju speċifiċi tal-kumpaniji.

Għandha l-għan ukoll li tarmonizza l-prattika tas-superviżjoni fiż-ŻEE.

5.5

Essenzjalment, is-sistema l-ġdida l-ewwel tipprovdi lis-sorveljaturi u l-assiguraturi bi strumenti tas-solvenza sofistikati, mhux biss biex jilqgħu kontra kwalunkwe pressjoni rigward ir-riskji ta' l-assigurazzjoni, bħall-għargħar, it-tempesti jew id-diżgrazzji tat-traffiku, iżda wkoll ir-riskji tas-suq, tal-kreditu u r-riskji ta' operazzjoni wkoll. Bil-maqlub tal-leġislazzjoni preżenti, l-assiguraturi u r-riassiguraturi se jinħtieġu jkollhom kapital b'mod proporzjonat għar-riskju ta' solvenza ġenerali, u għandhom jikkunsidraw mhux biss l-elementi kwantitattivi iżda wkoll dawk l-elementi kwalitattivi li jkollhom impatt fuq il-profil ta' riskju ta' l-intrapriża.

5.6

Is-sistema hija bbażata fuq approċċ ekonomiku li jkun “sensittiv” għar-riskji, li għandu l-għan li jassigura li l-espożizzjoni ġenwina għar-riskji u l-iskemi tal-mitigazzjoni tar-riskji jkunu riflessi adegwatament, biex b'hekk jiġu eliminati l-possibilitajiet ta' arbitraġġ regolatorju li jxekklu u jdgħajfu l-protezzjoni li hija disponibbli lit-titular tal-polza. Dan ifisser ukoll li r-rekwiżiti kapitali għandhom jippermettu allokazzjoni ottimali tal-kapital u jagħtu inċentivi għal ġestjoni aktar effikaċi tar-riskju intern.

5.7

It-tieninett, il-qafas Solvenza II jenfasizza r-responsabilità tal-korpi tat-tmexxija fi ħdan il-kumpaniji ta' l-assiguraturi biex jiggarantixxu li l-ġestjoni tar-riskju titmexxa b'mod sod u jħabrek biex isaħħaħ il-prattika tajba fis-settur. Is-soċjetajiet ta' l-assigurazzjoni se jkunu meħtieġa jiffukaw fuq l-identifikazzjoni attiva, il-kejl u l-ġestjoni tar-riskji u jikkunsidraw l-iżviluppi futuri, bħal per eżempju pjanijiet azjendali ġodda jew il-possibilità ta' avvenimenti katastrofiċi li jistgħu jaffettwaw il-pożizzjoni finanzjarja tagħhom. Barraminhekk, ir-riforma proposta titlob li jevalwaw ir-rekwiżiti kapitali tagħhom fid-dawl tar-riskji kollha permezz tal-“Valutazzjoni tar-Riskju Proprju u tas-Solvenza” (ORSA), filwaqt li l-“Proċess ta' Analiżi Superviżorja” (SRP) se jibdel l-enfasi tas-sorveljaturi mill-konformità legali u l-monitoraġġ kapitali għall-evalwazzjoni tal-profili ta' riskju ta' l-assiguraturi nnifishom u l-kwalità tal-ġestjoni tar-riskji tagħhom u s-sistemi ta' gvernanza permezz ta' per eżempju, mekkaniżmi ta' twissija bikrija u stress tests. Bl-istess mod, tinkuraġġixxi kooperazzjoni u konverġenza superviżorja, per eżempju billi ssaħħaħ ir-rwol tal-Kumitat tas-Sorveljaturi ta' l-Assigurazzjoni u l-Pensjonijiet tax-Xogħol Ewropej (CEIOPS), li jservi ta' pass ieħor fid-direzzjoni ta' aktar unità fis-sorveljar tas-servizzi finanzjarji, li l-KESE jappoġġja.

5.8

It-tielet aspett, li huwa daqstant importanti, jirrigwarda t-tentattiv li tittejjeb l-effiċjenza tas-superviżjoni tal-gruppi ta' l-assigurazzjoni, permezz ta' “sorveljatur tal-gruppi” fil-pajjiż ta' oriġini. Is-superviżjoni tal-gruppi tassigura li r-riskji li jolqtu lill-gruppi kollha kemm huma ma jkunux traskurati u fl-istess ħin jgħinu lill-gruppi jaħdmu b'mod aktar effikaċi, filwaqt li d-detenturi tal-poloz ikunu provduti b'livell għoli ta' protezzjoni. Is-superviżur tal-gruppi ser ikollu responsabilitajiet speċifiċi li għandu jaqdi billi jikkoopera mill-qrib mas-sorveljaturi nazzjonali rilevanti; fl-istess ħin ikollu r-responsabilità wkoll li jieħu deċiżjoni dwar numru żgħir ta' kwistjonijiet. Is-sorveljaturi lokali huma inkuraġġuti jaqdu rwol attiv fil-kulleġġ tas-sorveljaturi, għax għandhom dritt għall-ko-deċiżjoni ġaladarba jkun jista' jintlaħaq ftehim. Dan jitlob li jintuża approċċ differenti sabiex iċ-ċirkustanzi ekonomiċi u l-potenzjal b'rabta mad-diversifikazzjoni tar-riskji tal-gruppi jkunu jistgħu jintgħarfu.

5.9

Ir-raba' nett, id-Direttiva Solvenza II tintroduċi aktar trasparenza u oġġettività, kemm fir-rigward ta' l-informazzjoni pprovduta mill-intrapriża dwar il-kondizzjoni finanzjarja tagħha u dwar ir-riskji marbuta ma' dan, kif ukoll fir-rigward tal-proċess ta' analiżi superviżorja Attwalment, il-prattiki tas-superviżjoni għandhom it-tendenza li jvarjaw minn Stat Membru għal ieħor, u dan jagħti lok għal arbitraġġ regolatorju. Kemm mil-lat tal-politika Ewropea f'dan il-qasam u ta' l-assiguraturi li jixtiequ jidħlu f'suq nazzjonali ġdid, importanti li l-prattiki superviżorji mhux biss ikunu oġġettivi u trasparenti, iżda wkoll previdibbli u ddokumentati bir-reqqa.

6.1.1

Is-sistema l-ġdida tieħu approċċ imsejjes fuq “il-karta tal-bilanċ kollha” fid-definizzjoni tar-rekwiżiti kwantitattivi għall-intrapriżi ta' l-assigurazzjoni; skond dan l-approċċ, l-attivi (12) u l-passivi jitkejlu skond approċċ li jirrifletti konsistenza mas-suq u r-riskji li jistgħu jkunu kwantifikati marbuta magħhom ikunu riflessi espliċitament f'termini ta' rekwiżiti kapitali. Il-kejl ta' l-attivi u l-passivi skond il-kondizzjonijiet tal-kummerċ jiggarantixxi li ssir valutazzjoni oġġettiva u koerenti. Jiggarantixxi wkoll li jingħata l-valur korrett għal kwalunkwe opzjonalità inerenti fihom. Din it-tip ta' valutazzjoni — realistika u li timmira għall-ġejjieni — hija l-aktar forma effettiva ta' protezzjoni biex tilqa' għal kwalunkwe preġudizzju potenzjali li jista' jipperikola d-drittijiet tal-partijiet interessati kollha.

6.1.2

F'dan il-kuntest ta' valutazzjoni, tingħata rilevanza partikulari lill-kalkolu tad-dispożizzjonijiet tekniċi, i.e. l-obbligi fir-rigward tat-titulari tal-poloz u benefiċjarji oħra. Il-kejl tad-dispożizzjonijiet tekniċi b'tali mod li jirriflettu l-iżvilupp tas-suq isir meta tiġi kkalkulata “l-aħjar stima”, li tfisser il-medja tal-flussi tal-flus futuri mwieżna mill-probabbiltà, filwaqt li jitqies il-valur temporali tal-flus, u ma' dan jiżdied il-marġni tar-riskju. Dan l-approċċ għandu jassigura li l-valur ġenerali tad-dispożizzjonijiet tekniċi huwa ekwivalenti għall-ammont li tkun mistennija teħtieġ parti terza biex tkun tista' tieħu f'idejha l-portafoll ta' l-assigurazzjoni u tissodisfa l-obbligi relatati. Il-kalkoli għandhom jużaw l-informazzjoni pprovduta mis-swieq finanzjarji u d-data disponibbli fil-qasam tar-riskji ta' l-assigurazzjoni u jikkonformaw magħhom.

6.1.3

Fir-rigward tar-rekwiżiti kapitali, is-sistema l-ġdida tas-solvenza tinkorpora żewġ rekwiżiti kapitali, ir-Rekwiżit Kapitali tas-Solvenza (SCR) u r-Rekwiżit Kapitali Minimu (MCR), li jaqdu skopijiet differenti u għalhekk jiġu kkalkulati b'mod differenti.

6.1.4

L-SCR jiddefinixxi livell immirat ta' kapital li għandu jilħaq kwalunkwe assiguratur f'kondizzjonijiet ta' funzjonament normali; jekk dan il-livell ma jintlaħaqx l-interventi tas-sorveljaturi għandhom ikunu intensifikati. Din is-sistema tippermetti intervent superviżorju progressiv qabel ma l-kapital jilħaq l-MCR u għalhekk jipprovdi assigurazzjoni raġonevoli lit-titulari tal-polza u l-benefiċjarji li l-obbligi ta' l-assiguratur jiġu onorati fid-data ta' l-għeluq. Teknikament, l-istrument ta' l-SCR huwa maħsub li jkun iddisinjat u kkalibrat biex jiddefinixxi livell ta' kapital, li jgħin biex kwalunkwe intrapriża tkun tista' tassorbi telf sostanzjali li ma jkunx previst, kalkolu bbażat fuq il-probabbiltà li fuq medda ta' żmien speċifiku, ikun hemm ċerti nuqqasijiet (0,5 % f'medda ta' sena).

6.1.5

L-MCR jirrifletti livell ta' kapital li, f'każ ta' bżonn, jiġġenera l-aktar azzjonijiet superviżorji radikali. Il-kalkolu ta' l-MCR għandu jippermetti firxa adegwata meta mqabbel ma' l-SCR, biex jiġi assigurat li jkun hemm marġni adegwat biex l-awtoritajiet superviżorji jkunu jistgħu jintervjenu.

6.1.6

Fil-prattika, l-assiguratur jista' jikkalkula l-SCR jew billi juża formula standard inkella billi juża l-mudell intern li ġie approvat mill-awtoritajiet superviżorji. Il-formula standard għandha tirrifletti b'mod adegwat it-tekniki marbuta mal-mitigazzjoni tar-riskji u l-effetti tad-diversifikazzjoni kif ukoll kull forma ta' kapaċità għall-assorbiment tat-telf ta' l-elementi inkorporati fil-karta tal-bilanċ li ma jkunux inklużi fil-kapital disponibbli. L-approċċ — ibbażat fuq ir-riskju — tal-proposta għal direttiva jimplika li mudell intern (parzjali jew sħiħ) jista' jissostitwixxi — permezz ta' validazzjoni superviżorja — il-kalkolu standard, bil-kondizzjoni li jirrifletti aħjar il-profil ta' riskju ta' l-intrapriża. Dan huwa inċentiv essenzjali għar-rikonoxximent u l-ġestjoni interni solidi tar-riskji, kif ukoll għat-taħriġ u r-reklutaġġ ta' persunal bi kwalifiki għolja.

6.1.7

Element ieħor li jikkonforma ma' l-għan li tiġi inkuraġġuta l-ġestjoni interna tajba huwa li jiġi applikat il-“prinċipju tal-bonus paterfamilias” (prinċipju tal-persuna prudenti) lill-politika ta' l-investiment, li jippermetti li l-investimenti ma jingħatawx limiti artifiċjali u fl-istess ħin ikunu meħtieġa standards kwalitattivi għoljin u ġustifikazzjoni għal kwalunkwe riskju materjali fil-kalkolu tar-rekwiżit kapitali.

6.1.8

Meta nqisu l-kumplessità tar-rekwiżiti, importanti wieħed jinnota li l-proposta attwali tinkorpora proviżjonijiet tali li jippermettu implimentazzjoni proporzjonata u maniġġabbli tar-rekwiżiti tal-Pilastru I. Dan huwa partikularment importanti għall-intrapriżi ta' l-assigurazzjoni ż-żgħar u ta' daqs medju (SMEs). Madankollu, dan il-prinċipju tal-proporzjonalità jagħmel referenza mhux ghad-daqs, iżda għan-natura u l-kumplessità tar-riskji li jiffaċċjaw l-intrapriżi. L-SMEs huma suġġetti għal prinċipji prudenzjali ġenerali simili sal-punt li l-profil tar-riskju tagħhom ikun l-istess bħal dak ta' intrapriżi oħra. Il-klijenti u l-benefiċjarji tagħhom jibbenefikaw mill-istess livell ta' protezzjoni.

6.2.1

Il-proposta tal-Kummissjoni dwar Solvenza II tiddefinixxi proċessi u strumenti għal attivitajiet u reviżjonijiet superviżorji, inkluża d-definizzjoni tas-setgħat superviżorji, dispożizzjonijiet għall-kooperazzjoni bejn is-sorveljaturi nazzjonali kif ukoll għall-konverġenza superviżorja. Id-dispożizzjonijiet tal-Pilastru II jindirizzaw ukoll ir-rekwiżiti kwalitattivi għall-intrapriżi, i.e. is-sistema ta' gvernanza tagħhom, inkluża sistema ta' kontroll intern effettiv, sistema għall-ġestjoni tar-riskji, funzjoni attwarjali, verifika interna, funzjoni ta' konformità u regoli dwar l-esternalizzazzjoni.

6.2.2

L-istrumenti superviżorji għandhom l-għan li jidentifikaw l-istituzzjonijiet b'aspetti finanzjarji, ta' organizzazzjoni jew tipi oħrajn li huma suxxettibbli li jipproduċu profil ta' riskju ogħla, li f'ċirkustanzi eċċezzjonali, jistgħu jintalbu jżommu kapital ta' solvenza ogħla mir-rekwiżit kapitali u/jew jieħdu miżuri biex inaqqsu r-riskji mġarrba.

6.2.3

Il-prinċipju tal-proporzjonalita li diġà ssemma japplika għall-proċess ta' analiżi superviżorja wkoll. Is-sorveljaturi għandhom jeżerċitaw il-kompetenzi tagħhom waqt li jikkunsidraw id-daqs, in-natura u l-kumplessità tar-riskji ta' l-intrapriża individwali biex ma tintużax sorveljanza eċċessiva, b'mod partikulari fil-konfront tal-kumpaniji ta' l-assigurazzjoni ż-żgħar u ta' daqs medju li huma esposti għal livell baxx ta' riskju.

6.2.4

Ir-reġim Solvenza II huwa maħsub biex isaħħaħ il-vautazzjoni kwalitattiva mwettqa mis-sorveljaturi dwar il-profil ta' riskju ta' l-intrapriża; Għalhekk huwa importanti li l-miżuri u d-deċiżjonijiet tagħhom jkunu koerenti fil-pajjiżi varji, fl-intrapriżi u tul iż-żmien. Ta' min jisħaq fuq l-importanza tat-trasparenza, l-oġġettività u l-prevedibbiltà tal-miżuri ta' sorveljanza, b'mod partikulari fir-rigward ta' l-approvazzjoni tal-mudelli interni.

6.3.1

It-trasparenza u l-iżvelar ta' informazzjoni lill-pubbliku (żvelar pubbliku) mill-intrapriżi dwar il-kondizzjoni finanzjarja u l-profil ta' riskju tagħhom għandhom l-għan li jsaħħu d-dixxiplina tas-suq. Barraminhekk, l-intrapriżi ta' l-assigurazzjoni għandhom jipprovdu lill-awtoritajiet ta' sorveljanza (rappurtar superviżorju) bl-informazzjoni kwantitattiva u kwalitattiva meħtieġa biex jagħmlu kontrolli effettivi u jagħtu orjentazzjonijiet adegwati.

6.3.2

L-armonizzazzjoni ta' l-iżvelar pubbliku u r-rappurtar superviżorji hija parti importanti mis-sistema l-ġdida, minħabba li hemm ħtieġa ċara għall-konverġenza biex l-informazzjoni tkun provduta b'tali mod li tkun komparabbli kemm fil-format kif ukoll fil-kontenut fl-Ewropa kollha. Dan l-aspett huwa partikularment importanti fir-rigward tal-gruppi multinazzjonali.

6.4.1

Il-leġislazzjoni Komunitarja attwali tikkunsidra s-superviżjoni tal-gruppi bħala supplementari għas-sorveljanza individwali, Li ma tikkunsidrax jekk entità legali speċifika tagħmilx parti minn grupp (eż. kumpaniji sussidjarji) jew le. Għaldaqstant, is-superviżjoni tal-gruppi tiġi sempliċement magħduda mas-superviżjoni individwali, bl-iskop uniku li tevalwa l-impatt tar-relazzjonijiet tal-gruppi fuq l-intrapriża individwali. Għalhekk, is-sistema tas-solvenza Komunitarja attwali ma tirrikonoxxix iċ-ċirkustanzi ekonomiċi tal-gruppi ta' l-assigurazzjoni u ma tagħrafx il-fatt li f'ħafna każijiet, il-ġestjoni tar-riskji titmexxa fil-livell tal-gruppi pjuttost milli fil-livell ta' l-intrapriżi individwali. Il-proposta tas-Solvenza II għandha l-għan li tfittex metodu aktar adegwat għas-superviżjoni tal-gruppi, billi tbiddel il-mod — taħt sensiela ta' kondizzjonijiet — li bih issir is-superviżjoni individwali u tal-gruppi.

6.4.2

Għandha tinħatar awtorità waħdanija għas-“superviżjoni tal-gruppi” għal kull grupp ta' l-assigurazzjoni, u għandha terfa' r-responsabilità prinċipali għall-aspetti ewlenin kollha marbuta ma' dan it-tip ta' sorveljanza (solvenza tal-gruppi, transazzjonijiet ta' l-intragruppi, konċentrazzjoni tar-riskji u kontroll intern). Madankollu, is-sorveljatur tal-gruppi u ta' l-intrapriżi individwali għandhom jaqsmu kwalunkwe informazzjoni essenzjali ma' xulxin awtomatikament u kwalunkwe informazzjoni rilevanti oħra, jekk jintalbu jagħmlu dan. Barraminhekk, is-sorveljatur tal-gruppi għandu jikkonsulta lill-awtoritajiet ta' sorveljanza individwali qabel ma jieħdu deċiżjonijiet importanti u l-awtoritajiet ta' sorveljanza kkonċernati għandhom jagħmlu ħilithom kollha biex jilħqu deċiżjoni konġunta, għalkemm fil-każ ta' l-approvazzjoni ta' mudell intern tal-gruppi — l-istess bħal fil-każ ta' regolamentazzjoni bankarja — id-deċiżjoni finali għandha tittieħed mis-sorveljatur tal-gruppi. Dawn id-dispożizzjonijiet għandhom jassiguraw li kemm is-sorveljaturi tal-gruppi kif ukoll dawk individwali jifhmu aħjar il-profil ta' riskju tal-grupp kollu kemm hu u, għaldaqstant, li t-titulari tal-poloz ta' kull entità fi ħdan il-grupp jingħataw aktar protezzjoni.

6.4.3

Minbarra titjib fil-kunċett ta' superviżjoni tal-gruppi, il-proposta tintroduċi sistema innovattiva ta' sostenn tal-gruppi. Il-gruppi li jixtiequ jiffaċilitaw il-ġestjoni tal-kapital tagħhom jistgħu japplikaw biex jingħatalhom permess biex jiġu rregolati skond din is-sistema. Il-gruppi li jiġu awtorizzati jagħmlu dan, ikunu jistgħu — taħt għadd ta' kondizzjonijiet preċiżi — ikopru parti mir-rekwiżiti kapitali (iżda mhux ir-rekwiżit minimu ta' solvenza) tas-sussidjarji permezz ta' dikjarazzjoni ta' sostenn min-naħa tal-gruppi (impenn finanzjarju legalment vinkolanti ta' l-intrapriża prinċipali biex, f'każ ta' bżonn, tipprovdi kapital lill-kumpanija sussidjarja). Biex is-sistema ta' sostenn tal-gruppi titmexxa b'mod effiċjenti, ġew introdotti għadd ta' derogi addizzjonali mis-superviżjoni individwali. Meta tkun qed tiġi applikata s-sistema ta' sostenn tal-gruppi, hemm prevista proċedura speċifika f'każijiet ta' kondizzjonijiet kritiċi (meta ma jiġix rispettat ir-rekwiżit kapitali ta' solvenza), li tinvolvi azzjonijiet koordinati min-naħa tas-sorveljaturi tal-gruppi u individwali. Din is-sistema għandha tiġi applikata b'mod uniformi fl-UE kollha.

6.4.4

Is-sistema ta' sostenn tal-gruppi tipprevedi li l-kapital marbut mar-rekwiżiti kapitali ta' solvenza għall-kumpaniji sussidjarji jista' jinżamm minn intrapriża oħra fi ħdan il-grupp: b'dan il-mod, il-gruppi ta' l-assigurazzjoni ikollhom sistema prattika u trasparenti li permezz tagħha jistgħu jibbenefikaw mir-rikonoxximent ta' l-effetti tad-diversifikazzjoni fil-livell tal-grupp u, fl-istess ħin, il-kumpaniji sussidjarji individwali jkunu jistgħu jissodisfaw l-istess rekwiżiti kapitali daqs li kieku ma kinux jagħmlu parti minn grupp. Għal dawn ir-raġunijiet, għandu jkun hemm sorveljanza adegwata li tiggarantixxi trasferiment rapidu tal-kapital f'każ ta' bżonn. L-eżistenza u l-użu ta' dikjarazzjonijiet rigward is-sostenn tal-gruppi għandhom ikunu żvelati fil-pubbliku kemm mill-intrapriża prinċipali kif ukoll mill-intrapriża sussidjarja kkonċernata.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/18

1.1

Il-Kumitat Ekonomiku u Soċjali Ewropew (KESE), li jappoġġja l-objettivi tal-Programm Konġunt Eurostars, jenfasizza l-ħtieġa li jittieħed kont tal-kategoriji, id-daqs u s-setturi differenti ta' l-SMEs meta jiġu adottati programmi u politiki ġodda ta' l-UE fil-qasam tar-Riċerka, l-Iżvilupp u l-Innovazzjoni, immirati u orjentati mill-ġdid lejn il-ħtiġiet reali ta' innovazzjoni ta' l-SMEs.

1.2

Il-KESE jilqa' l-proposta ta' l-Istati Membri għall-adozzjoni tal-Programm Konġunt Eurostars li jappoġġja l-hekk imsejħa “SMEs li jwettqu attivitajiet ta' R&D” u jinnota li għandu jkun miftuħ għall-SMEs kollha mill-pajjiżi li ssieħbu fil-programm li huma lesti li jipparteċipaw fi proċessi ta' innovazzjoni.

1.3

Il-KESE jenfasizza l-bżonn li jiġu identifikati strumenti sabiex jiġu involuti fil-programm l-Istati Membri kollha ta' EUREKA li m'humiex inklużi fil-Programm Konġunt Eurostars.

1.4

Il-KESE jinsab imħasseb fir-rigward tal-kriterju ta' eliġibbiltà (1) tal-Programm Konġunt Eurostars, li jillimita l-parteċipazzjoni ta' SMEs li jwettqu attivitajiet ta' R&D li “jinvestu 10 % jew aktar ta' ekwivalenti full-time jew turnover annwali f'attivitajiet ta' riċerka”. Anke jekk ir-restrizzjoni hija applikata biss għall-SME li twettaq attivitajiet ta' R&D u li tressaq il-proġett (“mexxej tal-proġett”), din id-definizzjoni ta' SMEs li jwettqu attivitajiet ta' R&D hija bbażata fuq indikaturi kodifikati u tinjora t-tipi diversi kollha ta' “għarfien non-kodifikat” (2), filwaqt li ħafna drabi l-proċessi ferm innovattivi jkollhom element qawwi ta' “għarfien taċitu” (3).

1.5

Għalhekk, il-KESE jtenni l-prinċipju li sabiex il-kompetizzjoni tkun ġusta, il-proġetti għandhom jintgħażlu abbażi l-eċċellenza tal-kontenut tagħhom, l-għarfien espert maniġerjali dwar l-R&D u l-koerenza ma' l-għanijiet tal-programm, mingħajr ma jeskludu proporzjon kbir ta' SMEs innovattivi li huma lesti li japplikaw għall-programm Eurostars. Barra minn hekk, għandu jkun possibbli li jiġu ffinanzjati proġetti ta' taħriġ immirati lejn it-taħriġ ta' maniġers esperti fir-rigward tat-trasferiment effettiv tat-teknoloġiji mir-riċerka għall-prodotti li jistgħu jitqiegħdu fis-suq.

1.6

F'dan ir-rigward, il-KESE jitlob li, skond il-proċeduri adatti tal-Programm Konġunt Eurostars, tiġi stabbilita linja ta' baġit speċifika għall-inizjattivi transnazzjonali mwettqin mill-Istati Membri f'kollaborazzjoni ma' organizzazzjonijiet ta' SMEs lesti li jappoġġjaw it-tixrid ta' informazzjoni pożittiva dwar l-SMEs dwar ir-riżultati tal-proġetti Eurostars, fost udjenza usa' ta' SMEs. Mod ieħor ta' kif tingħata aktar “appartenenza” lill-SMEs kollha interessati fis-suċċess ta' l-Eurostars ikun bażi tad-data komuni u pjattaformi ta' l-Internet multilingwi li jkunu stabbiliti u promossi mill-organizzazzjonijiet ta' l-SMEs u l-imsieħba soċjali.

1.7

Il-KESE jenfasizza t-tħassib tiegħu dwar il-kriterji għall-istabbiliment tal-kontribuzzjonijiet ta' l-SMEs għall-ispejjeż totali tal-proġetti relatati ma' l-attivitajiet ta' R&D. Huwa importanti li jiġi ċċarat li fis-sitwazzjoni attwali, skond il-Programm Konġunt Eurostars, l-SMEs huma meħtieġa li jikkontribwixxu kollettivament mill-anqas 50 % ta' l-ispejjeż ta' proġetti ta' R&D. Peress li dan il-kriterju ser jeskludi ħafna SMEs ibbażati fuq is-suq, għandha tiġi kkunsidrata l-possibbiltà li dan l-ostaklu jitbaxxa b'25 % matul l-evalwazzjoni ta' nofs it-term tal-programm Eurostars (4).

1.8

Aktar tard, it-tħassib espress mill-UE u l-organizzazzjonijiet nazzjonali ta' l-SMEs u partijiet interessati oħra għandu jiġi kkunsidrat mill-Istati Membri u l-Awtoritajiet Nazzjonali ta' l-UE matul il-fażijiet differenti ta' monitoraġġ ta' l-impatt u d-disseminazzjoni tar-riżultat. Kontroll regolari mill-Grupp Konsultattiv ta' l-UE dwar l-SMEs u l-R&D jista' jsir għodda permanenti ta' konsultazzjoni teknika għall-Istati Membri u awtoritajiet oħra fil-livell ta' l-UE jew nazzjonali. F'dan ir-rigward, l-Osservatur tas-Suq Intern tal-KESE, bil-kollaborazzjoni tal-Kategorija ta' l-SMEs, jista' jaqdi r-rwol ta' membru konsultattiv fil-Grupp Konsultattiv matul il-fażijiet ta' monitoraġġ, implimentazzjoni u disseminazzjoni.

1.9

Il-KESE jenfasizza l-fatt li l-Programm Konġunt Eurostars għandu jiġi implimentat b'mod trasparenti u non-burokratiku, sabiex ikun eħfef għall-SMEs li jirċievu informazzjoni, jieħdu sehem u, b'mod partikolari, jinvolvu ruħhom f'attivitajiet ta' segwitu ma' istituzzjonijiet ta' R&D relatati u interessati. Għaldaqstant, il-finanzjament tal-proġetti għandu jsir bi ħlasijiet ta' somma sħiħa (lump sum) u fejn ħlas ta' somma sħiħa ma jkunx kompatibbli mal-programmi nazzjonali, għandu jsir ħlas b'rata fissa.

1.10

Bil-għan li l-programm Eurostars jitwettaq b'mod effettiv, in-netwerks ta' innovazzjoni reġjonali għandhom jissaħħu biex ikunu jistgħu jipprovdu servizzi “one-stop-shop” bħala appoġġ għall-SMEs innovattivi, billi jagħtuhom aċċess effettiv għall-finanzjament Ewropew ta' l-R&D. Per eżempju, sabiex tiżdied is-sensibilizzazzjoni dwar il-programmi ta' finanzjament speċifiku għall-SMEs li jwettqu attivitajiet ta' R&D, ir-rabtiet bejn in-netwerks ta' l-EUREKA, korpi pubbliċi/privati oħra u organizzazzjonijiet ta' SMEs ta' l-UE/nazzjonali/reġjonali għandhom jissaħħu u jiġu kkoordinati aħjar. Għandhom jiġu ffinanzjati għadd ta' avvenimenti mill-organizzazzjonijiet li jirrappreżentaw l-SMEs sabiex l-SMEs u l-organizzazzjonijiet interessati jiġu mgħarrfa dwar l-importanza ta' l-innovazzjoni u r-rwol li l-innovazzjoni ser taqdi fil-ġejjieni ta' l-UE.

1.11

Ir-riżultat ta' l-għażla tal-proġetti mis-setturi ta' l-SMEs fil-qafas tal-programm Eurostars (5) għandu jiġi ppubblikat fl-Internet min-netwerk Eureka. Barra minn hekk, għandha titħejja lista tal-proġetti li għandhom potenzjal innovattiv kbir iżda li ma ġewx iffinanzjati. Din il-lista għandha tagħti indikazzjoni ta' l-investituri nazzjonali pubbliċi/privati dispon f'każ li l-programm jeħtieġ finanzjament addizzjonali.

1.12

Il-koordinazzjoni effettiva bejn l-awtoritajiet nazzjonali responsabbli mill-politiki dwar l-SMEs u l-R&D u l-Eureka għandha tkun konsistenti u tissodisfa l-ħtiġijiet espressi mill-organizzazzjonijiet ta' l-SMEs u l-partijiet interessati aktar ġenerali (inklużi, fost oħrajn, korpi tar-riċerka pubbliċi u privati). Il-KESE jappella lill-istituzzjonijiet Ewropej ikkonċernati, lill-Istati Membri u lill-Presidenza Slovena u dik Franċiża ta' l-UE biex jiżguraw li l-koordinazzjoni titwettaq skond l-aspettativi u l-objettivi tal-programmi ta' l-SMEs.

1.13

Il-KESE jħeġġeġ li, b'rabta mal-parteċipazzjoni ta' l-SMEs fil-programmi ta' finanzjament għall-R&D u l-Programm Konġunt Eurostars, il-perijodu twil mill-preżentazzjoni ta' proposta sa l-approvazzjoni mill-UE jiġi mqassar, sabiex l-SMEs jitħeġġu jressqu l-proġetti.

1.14

Il-KESE jenfasizza l-fatt li, sabiex jittejjeb u jiżdied il-finanzjament għall-R&D fost l-SMEs, il-KE għandha tesplora l-possibbiltà li tressaq ir-riżorsi mhux użati disponibbli għall-SMEs taħt il-kapitolu “Kooperazzjoni” tas-Seba' Programm Qafas (li jirrappreżenta 15 % tal-baġit ta' “Prijorità Tematika” fis-Sitt Programm Qafas) għall-Programm “Kapaċitajiet” (CRAFT, eċċ.) li jindirizza l-SMEs b'mod aktar effettiv.

1.15

Il-KESE jitlob li tingħata aktar attenzjoni lill-piż regolatorju sproporzjonat fuq l-SMEs, li jista' jkun għaxar darbiet akbar mill-piż fuq il-kumpaniji l-kbar (6). Tnaqqis ta' spejjeż ta' ġestjoni u simplifikazzjoni ta' proċeduri ta' preżentazzjoni għall-SMEs li jidħlu fi programmi ta' R&D ma' msieħba Ewropej u internazzjonali oħra huma mixtieqa wkoll. Il-KESE jixtieq ukoll jara soluzzjoni għall-kwistjoni ta' Drittijiet ta' Proprjetà Intellettwali (DPI) u Privattivi Ewropej (7), fejn is-sitwazzjoni attwali tfixkel il-kompetittività u l-innovazzjoni fl-Ewropa. Barra minn hekk, privattivi u DPI aċċessibbli (8) jistgħu jservu wkoll bħala assi non-monetarji importanti f'każ ta' konsolidazzjoni ta' sħubija bejn intrapriżi li jipparteċipaw fi proġetti internazzjonali.

2.1

Fil-Karta Ewropea għall-Intrapriżi Żgħar approvata mill-mexxejja ta' l-UE fl-2000, kien ġie maqbul li l-intrapriżi żgħar għandhom ikunu kkunsidrati bħala forza prinċipali għall-innovazzjoni u l-impjiegi, kif ukoll għall-integrazzjoni soċjali u lokali fl-Ewropa (9). Barra minn hekk, f'Ottubru 2007, il-KE ħabbret it-tħejjija ta' “Att dwar in-Negozji Żgħar għall-Ewropa” (SBA) (10), li ser jiddefinixxi sett ta' miżuri mmirati li jippromovu l-intraprenditorija, kultura ta' l-intrapriża u aċċess għall-kompetenzi (11). Matul l-2008, il-Kummissjoni ser teżamina wkoll firxa ta' inizjattivi fir-rigward ta' l-SMEs (12) sabiex tiżdied il-parteċipazzjoni tagħhom fil-programm ta' l-UE.

2.2

Fuq il-bażi ta' dawn l-elementi, tfasslet proposta għal Programm Konġunt Eurostars speċifiku. Il-programm, li jaqa' taħt l-Artikolu 169 tat-Trattat KE u hu mfassal biex jikkomplimenta u jindirizza l-attività “Riċerka għall-benefiċċju ta' l-SMEs” taħt is-Seba' Programm Qafas ta' Riċerka, hu amministrat mill-EUREKA u tnieda b'mod konġunt mit-22 Stat Membru u ħames pajjiżi oħra ta' l-EUREKA (l-Islanda, l-Iżrael, in-Norveġja, l-Isvizzera u t-Turkija). Bħalissa l-programm Eurostars jinkludi iktar minn 30 membru: l-Awstrija, il-Belġju, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, l-Ungerija, l-Islanda, l-Irlanda, l-Iżrael, l-Italja, il-Latvja, il-Litwanja, il-Lussemburgu, l-Olanda, in-Norveġja, il-Polonja, il-Portugall, ir-Rumanija, is-Slovakkja, is-Slovenja, Spanja, l-Isvezja, l-Isvizzera, it-Turkija u r-Renju Unit.

2.3

Is-Seba' Programm Qafas jadotta ħafna mill-miżuri ssuġġeriti matul ir-reviżjoni tas-Sitt Programm Qafas (13) bil-ħsieb li jinħoloq pont bejn il-lakuna fil-politiki favur l-SMEs. Is-Seba' Programm Qafas jinkludi strateġija favur l-SMEs, u jinkorpora miżuri kemm kwalitattivi kif ukoll kwantitattivi biex tiġi stimulata azzjoni kemm fil-livell nazzjonali kif ukoll f'dak reġjonali. L-għan tiegħu hu l-ħolqien ta' clusters u netwerks ta' negozji, it-titjib tal-kooperazzjoni pan-Ewropea bejn intrapriżi żgħar bl-użu ta' l-IT, id-disseminazzjoni ta' l-aħjar prattiki dwar ftehimiet ta' kooperazzjoni u l-appoġġ tal-kooperazzjoni bejn in-negozji żgħar (14).

2.4

It-23 miljun SMEs reġistrati fl-UE jagħmlu 99 % mill-intrapriżi kollha u żewġ terzi mill-qligħ ta' l-Ewropa u huma wkoll dawk li jappoġġjaw l-atturi ewlenin ta' l-iżvilupp sostenibbli (15). Madankollu, biex isiru aktar kompetittivi, dawn l-intrapriżi jeħtieġu li jiġu razzjonalizzati u miġburin fi gruppi biex jiffurmaw entità koerenti b'massa kritika, sabiex ikunu jistgħu jieħdu vantaġġ ta' l-iżvilupp ta' fondi speċifiċi ta' kapital ta' riskju, parks xjentifiċi, inkubaturi u politiki ta' innovazzjoni reġjonali (16).

2.5

Barra minn hekk, ir-“Rapport tal-Flash Eurobarometer” jenfasizza li t-tkabbir ta' l-SMEs jista' jkun imfixkel mill-attitudni negattiva fir-rigward tar-riskju ta' l-Ewropej, li m'għandhomx spirtu intraprenditorjali (17). Għalhekk huwa partikolarment importanti li tittieħed azzjoni biex tissaħħaħ l-immaġini professjonali ta' persuni intraprendorjali u biex titqajjem sensibilizzazzjoni pubblika dwar ir-rwol ewlieni tagħhom fl-innovazzjoni, il-progress ekonomiku u l-prosperità b'mod ġenerali. L-għanijiet ta' Lisbona jistgħu jinkisbu biss permezz ta' intraprenditorija responsabbli, enerġetika u immaġinattiva li tkun kapaċi tiżviluppa b'mod ħieles (18).

2.6

Madankollu, il-miżuri speċifiċi li l-Istati Membri jadottaw biex jappoġġjaw l-SMEs mhux dejjem iħeġġu u jappoġġjaw it-trasferiment ta' kooperazzjoni u teknoloġija transnazzjonali. Fid-dawl tal-bidliet fis-swieq u l-internazzjonalizzazzjoni tal-katini tal-valur, l-SMEs Ewropej issa jridu jadattaw għall-kompetizzjoni globali qawwija billi jidħlu għal proċessi innovattivi permanenti f'kuntest internazzjonali usa'. Il-Programm Konġunt Eurostars għandu jippremja lil dawk l-SMEs u istituzzjonijiet ta' riċerka pubblika u/jew privata li jagħmlu sforzi speċifiċi biex jappoġġjaw il-proġetti ta' R&D, jiddessiminaw ir-riżultati tagħhom, u jittrasferixxu u jgħinu biex jingħata aċċess għall-għarfien. B'mod partikolari, għandu jippremja proġetti li jinvolvu istituzzjonijiet u gruppi u/jew SMEs uniċi, li normalment jipparteċipaw anqas f'programmi bħal dawn jew isibu diffikultà fl-aċċess għalihom. Il-KESE jisħaq fuq il-fatt li l-l-kontribuzzjoni għall-Programm Konġunt Eurostars għandha tiġi estiża biex tinkorpora lill-membri kollha ta' EUREKA, b'mod speċjali dawk li għadhom kif issieħbu fl-UE u li jistgħu jibbenefikaw minn approċċ transnazzjonali.

2.7

Il-Programm Konġunt Eurostars huwa mmirat lejn l-SMEs li jwettqu attivitajiet ta' R&D, b'enfasi fuq proġetti ta' R&D orjentati lejn is-suq u proġetti transnazzjonali b'ħafna msieħba (mill-inqas żewġ parteċipanti indipendenti minn pajjiżi parteċipanti differenti). Aspett importanti tal-programm hu l-approċċ minn isfel għal fuq, li jagħti lill-“SMEs li jwettqu attivitajiet ta' R&D” is-setgħa għall-“appartenenza” u l-innovazzjoni strateġika tan-negozju. F'ċirkustanzi bħal dawn, l-SMEs ikollhom kontroll u jistgħu jinfluwenzaw ir-riżultati tar-riċerka kurrenti b'konformità ma' l-opportunitajiet kummerċjali.

3.1

Il-parteċipazzjoni fi programmi ta' riċerka u żvilupp skond l-Artikolu 169 tat-Trattat timplika li l-Istati Membri parteċipanti ta' l-UE jintegraw il-programmi nazzjonali ta' riċerka tagħhom billi jimpenjaw ruħhom fi programm konġunt ta' riċerka. Il-Kummissjoni, taħt il-bażi legali ta' l-Artikolu 169, identifikat erba' inizjattivi potenzjali għall-SMEs u l-imsieħba tagħhom.

3.2

Il-programm Eurostars jikkonsisti minn proġetti proposti minn SME waħda jew għadd ta' SMEs li huma stabbiliti fil-pajjiżi parteċipanti u li huma involuti b'mod attiv fl-R&D. Il-proġetti jistgħu jiġu implimentati fi kwalunkwe qasam tax-xjenza u t-teknoloġija (iżda għandu jkollhom għan ċivili). Il-proġetti għandhom ikunu kollaborattivi, u għandhom jinvolvu mill-inqas żewġ parteċipanti minn żewġ pajjiżi parteċipanti tal-Eurostars li jkunu involuti f'diversi attivitajiet b'konnessjoni mar-riċerka; l-iżvilupp teknoloġiku, id-demostrazzjoni, it-taħriġ u d-disseminazzjoni ta' informazzjoni relatata. B'konformità man-natura ta' l-SMEs, iċ-ċiklu tal-ħajja tal-proġett huwa wieħed qasir. Proġett għandu jkollu tul massimu ta' tliet snin, u fi żmien sentejn mit-tlestija tal-proġett, il-prodott tar-riċerka għandu jkun lest biex jiġi introdott fis-suq.

3.3

Il-Programm Konġunt jista' jipprovdi effett ta' lieva sinifikanti għall-finanzjament Komunitarju: l-Istati Membri u ħames pajjiżi oħra ta' l-EUREKA (l-Islanda, l-Iżrael, in-Norveġja, l-Isvizzera u t-Turkija) ser jikkontribwixxu EUR 300 miljun. Il-Komunità ser iżżid terz tal-kontribuzzjoni ta' l-Istati Membri, bir-riżultat li l-baġit tal-programm jilħaq EUR 400 miljun ta' finanzjament pubbliku. B'rati ta' finanzjament ta' 50 % — 75 %, l-Eurostar jista' jiġbor bejn EUR 133 u EUR 400 miljun ta' finanzjament privat addizzjonali għat-tul ta' żmien tal-Programm (effett ta' lieva). Il-parteċipazzjoni mistennija hi kkalkulata fuq ksib ta' spiża medja ta' EUR 1,4 miljun għal kull proġett Eurostars. B'rata medja ta' finanzjament ta' 50 %, rata ta' finanzjament pubbliku ta' EUR 0,7 għal kull proġett u baġit globali għall-programm ta' madwar EUR 400 miljun, jistgħu jiġu ffinanzjati 565 proġett.

3.4

Għalhekk, il-kontribuzzjoni Komunitarja timla l-lakuna fil-finanzjament fi stadju bikri ta' l-R&D meta l-attivitajiet innovattivi jkunu f'riskju relattivament għoli u jistgħu ma jiġbdux unikament investituri privati (19). L-intervent tal-Komunità bl-investiment pubbliku favur il-programm Eurostars ser jinkoraġġixxi aktar SMEs li jwettqu attivitajiet ta' R&D biex ifittxu investiment privat għall-iżvilupp ta' prodotti jew servizzi innovattivi.

3.5

Fir-rigward tal-finanzjament, għandha tiġi kkunsidrata l-possibbiltà ta' eżenzjoni mit-taxxi għall-investimenti fl-R&D fi Stati Membri li jkunu attraenti għall-investituri anke fl-agħar sitwazzjoni immaġinabbli, sabiex f'każ bħal dan ikunu għall-inqas jistgħu jibbenefikaw minn dawn l-eżenzjonijiet. Il-benefiċċju għall-SME jkun forma alternattiva ta' finanzjament.

3.6

Madankollu, hemm tħassib li proporzjon kbir ta' SMEs jistgħu ma jitħallewx jipparteċipaw fl-inizzjattivi ta' l-UE għall-innovazzjoni kompettitiva. Taħt il-programm Eurostars, il-kriterju ta' eliġibbiltà għall-SMEs li jwettqu attivitajiet ta' riċerka hu li l-SME li tipproponi l-proġett tiddedika mill-inqas 10 % mit-turnover tagħha jew l-ekwivalenti full-time lil attivitajiet ta' riċerka. Anke jekk din ir-restrizzjoni hija applikata lill-imsieħeb pilota tal-proġett, dan jista' jwaqqaf ħafna intrapriżi żgħar milli jipproponu proġetti innovattivi. B'riżultat ta' dan, il-programm jista' biss jiġbed intrapriżi high-tech diġà konsolidati li għandhom aċċess għal forom oħra ta' finanzjament aktar adatti.

3.7

Barra minn hekk, f'xi pajjiżi ta' l-UE, l-ispejjeż ta' R&D huma spiss integrati ma' spejjeż operattivi oħra u għalhekk jistgħu ma jiġux identifikati separatament (20). Għalhekk, id-definizzjoni ta' indikaturi ta' R&D użati mill-OECD turi xi inadegwatezzi meta tkun applikata għal intrapriżi żgħar innovattivi, għaliex huma ma jikkunsidrawx l-attivitajiet li jikkorespondu għal għarfien non-kodifikat, li hu diffiċli li jiġi kwantifikat (21).

3.8

Ukoll skond l-OECD, is-“Settur High-Tech” hu definit bħala industrija b'sehem ta' R&D fit-turnover ta' aktar minn 4 %. Dan is-settur — anke f'ekonomiji żviluppati ħafna — jgħodd għal madwar 3 % tal-PGD, li jfisser li 97 % ta' l-attivitajiet ekonomiċi kollha u l-biċċa l-kbira tal-proċessi innovattivi seħħew f'setturi definiti mill-OECD bħala “Mid-Tech” jew “Low-Tech” (22). Iċ-ċifri jindikaw li proporzjon kbir ta' l-intrapriżi innovattivi jkunu esklużi jekk l-aċċess għall-programm ta' finanzjament ikun limitat minn limitu ta' 10 % għall-R&D, u ma jqanqalx attitudini pożittiva għall-innovazzjoni, li hija l-bażi ta' l-inizjattiva Ewropea.

3.9

Għalhekk, il-KESE jemmen li l-proġetti għandhom jintgħażlu abbażi eċċellenza u konformità ma' l-objettivi tal-programm u li l-limitu ta' R&D ta' 10 % għandu jitneħħa.

3.10

Ħtieġa oħra tal-programm Eurostars hija li l-SMEs parteċipanti li jwettqu attivitajiet ta' R&D għandhom ikunu jistgħu jwettqu l-parti maġġuri tal-ħidma ta' R&D. Il-kollaborazzjoni ma' msieħba oħra, li jistgħu jkunu SMEs oħra, clusters lokali, intrapriżi kbar lesti li jaqsmu l-objettivi tal-programm, istituzzjonijiet ta' riċerka jew universitajiet, m'għandhomx ikunu esklużi. Barra minn hekk, it-terminu cluster għandu wkoll jirreferi għall-bżonn li jiġu lokalizzati l-SMEs li jwettqu attivitajiet ta' R&D f'universitajiet/istituzzjonijiet ta' edukazzjoni superjuri, sabiex tissaħħaħ l-interazzjoni bejniethom għall-benefiċċju tagħhom it-tnejn.

3.11

Fir-rigward tal-kontribuzzjonijiet rispettivi ta' l-SMEs innovattivi li jieħdu sehem fil-programm Eurostars, huwa importanti li jkun ikkjarifikat li huma l-SMEs li jwettqu attivitajiet ta' R&D li għandhom iħallsu kollettivament mill-inqas 50 % ta' l-ispejjeż R&D fil-proġett. Madankollu, dan il-kriterju xorta jista' jeskludi ħafna SMEs ibbażati fuq is-suq u għalhekk għandha tiġi kkunisdrata l-possibbiltà li dan l-ostakolu jitbaxxa b'25 % matul l-evalwazzjoni ta' nofs it-term tal-programm Eurostars (23).

3.12

Ir-relazzjoni ma' strumenti finanzjarji oħra koperta mill-Programm Qafas għall-Kompettitività u l-Innovazzjoni għad teħtieġ aktar kjarifika. Il-programm ta' finanzjament għandu jsir aktar flessibbli u adattat għall-ħtiġijiet ta' l-SMEs, filwaqt li tittieħed konsiderazzjoni ta' esperjenzi pożittivi b'fondi ta' garanzija għar-riċerka u l-iżvilupp, sabiex l-intrapriżi jkunu jistgħu jieħdu perspettiva ta' negozju itwal.

3.13

Qafas regolatorju aħjar, bil-konsultazzjoni sistematika ta' rappreżentant ta' l-organizzazzjonijiet ta' l-SMEs u firxa usa' ta' partijiet interessati, ibaxxi l-ispejjeż u r-riskji operattivi, jgħolli d-dħul, iżid il-fluss ta' kapital ta' riskju u jtejjeb il-funzjonament tas-swieq ta' kapital ta' riskju. Dan ser jibbenifika lill-SMEs innovattivi b'mod partikolari. Dan il-finanzjament ser jikkomplementa l-appoġġ pubbliku għall-istadji ferm bikrija (“pre-seed”) tal-bidla ta' outputs ta' riċerka fi proposta kummerċjali.

3.14

Il-Kummissjoni ħadet l-impenn li tippromovi miżuri għal aktar investiment transkonfinali minn fondi ta' kapital ta' riskju (24). Fl-Ewropa, is-suq tal-kapital ta' riskju hu frammentat; attwalment fih 27 ambjent operattiv differenti. Dan jaffettwa kemm il-ġbir tal-fondi kif ukoll l-investiment b'mod negattiv.

3.15

Għaldaqstant hemm bżonn ta' ambjent aħjar għall-investiment tal-kapital ta' riskju u għall-ħolqien ta' inċentivi mill-Istati Membri għall-investituri privati, bil-għan li dawn jipparteċipaw f'riċerka intenazzjonali kollaborattiva (25) u jippromovu l-involviment tas-servizzi ta' appoġġ kummerċjali għall-SMEs immirati lejn l-intrapriżi ta' appoġġ li jirnexxilhom jgħaddu mill-istadju ta' start-up.

4.1

Il-programm Eurostars għandu l-għan li jgħin lill-SMEs fi kwalunkwe teknoloġija jew qafas industrijali, legali jew ta' organizzazzjoni meħtieġ għall-kooperazzjoni Ewropea fuq skala kbira fost l-Istati Membri fil-qasam tar-riċerka u l-innovazzjoni applikati. Konsegwentement, huwa ser iżid il-kapaċità ta' l-SMEs li jwettqu attivitajiet ta' R&D biex jintroduċu fis-suq prodotti, proċessi u servizzi kompetittivi.

4.2

L-internazzjonalizzazzjoni tal-proġett tista' tevita d-duplikazzjoni ta' sforzi lejn l-innovazzjoni u għandha tkun opportunità biex jiġu adottati politiki komuni u tiġi introdotta azzjoni rapida biex jitnaqqas il-piż amministrattiv (26). Bl-għajnuna tal-programm Eurostars, ħafna SMEs jistgħu jitħeġġu biex jisfruttaw il-kollaborazzjoni internazzjonali, dment li jkunu jistgħu jipproponu u jiġġestixxu l-proġett direttament. Madankollu, l-involviment fi proġetti integrati u n-netwerk ta' eċċellenza għandhom ikunu ppjanati b'attenzjoni biex jiġu evitati l-iżbilanċi fil-parteċipazzjoni fil-proġett.

4.3

Flimkien ma' appoġġ għall-R&D, għandna nikkunsidraw ukoll mezzi li bihom il-gvernijiet jistgħu jappoġġjaw l-innovazzjoni b'mod aktar dirett permezz tal-provvediment ta' l-infrastruutura adatta. Hemm komunità kbira ħafna ta' “istituzzjonijiet” ta' riċerka. Uħud minnhom jistgħu jkunu assoċjazzjonijiet jew kumpaniji tar-riċerka, li l-kompitu tagħhom hu li jappoġġjaw l-innovazzjoni, partikolarment mill-SMEs. Hemm ukoll parks xjentifiċi u ħwienet xjentifiċi, inkubaturi, korpi tal-gvern reġjonali u lokali u organizzazzjonijiet ta' trasferiment ta' l-għarfien. Dawn jipprovdu appoġġ importanti għall-SMEs high-tech li għadhom f'fażi bikrija u wkoll għal dawk aktar tradizzjonali li qed jikkontemplaw strateġiji bbażati fuq l-innovazzjoni. Il-Presidenza Slovena ta' l-UE u l-Presidenza Franċiża li jmiss għandhom jimmonitorjaw kif il-koordinazzjoni tal-programm Eurostar fil-livell ta' l-UE u dak nazzjonali tista' tiġi użata, billi jmexxuha lejn l-iktar livell għoli possibbli u jevitaw kwalunkwe duplikazzjoni ta' funzjonijiet u riskju ta' konfużjoni fost l-aġenziji ta' l-SMEs eżistenti.

4.4

Il-KESE rrakkomanda wkoll f'diversi okkażjonijiet li parti ferm akbar tar-riżorsi tal-Fondi Strutturali ta' l-UE tintuża għall-iżvilupp ta' infrastrutturi xjentifiċi konġunti mfasslin speċifikament għall-SMEs. L-użu ta' finazjament mill-Bank Ewropew ta' l-Investiment għal dan il-għan jista' wkoll ikun ta' benefiċċju kbir (27).

30.8.2008   

MT

Il-Ġurnal Uffiċjali ta’ l-Unjoni Ewropea

C 224/23

1.1

Il-Kummissjoni ilha tindirizza l-effetti negattivi tal-falliment kummerċjali sa mill-2001. Hija tat prominenza partikolari lill-ħtieġa li jitjiebu l-proċeduri ta' falliment. Minħabba l-kompetenza limitata tagħha f'dan il-qasam, il-Kummissjoni iffukat fuq il-ġbir tad-data dwar il-konsegwenzi legali u soċjali tal-falliment kummerċjali, l-iffaċilitar ta' l-identifikazzjoni, it-tixrid ta' prattiki tajba u l-ħidma fuq għodda ta' twissija bikrija bħala mezz ta' tnaqqis ta' l-istigma tal-falliment.

1.2

Il-KESE japprova l-enfasi tal-Kummissjoni fuq il-ħtieġa li tingħeleb l-istigma tal-falliment kummerċjali. Kundizzjonijiet nazzjonali tajba ta' qafas għall-intraprenditorija huma kruċjali għall-isfruttament sħiħ tal-potenzjal intraprenditorjali ta' l-UE u għall-ħolqien ta' kumpaniji dinamiċi. L-apprezzament soċjetali ta' l-intraprenditorija ta' suċċess, kruċjali għal dan il-għan, għandu jimxi id f'id ma' politika li tippromwovi opportunità oħra għall-intraprendituri li fallew.

1.3

Il-Kummissjoni għandha raġun tafferma li l-ħolqien tal-kummerċ, is-suċċess kummerċjali u l-falliment kummerċjali kollha huma kollha aspetti intrinsiċi ta' l-ekonomija tas-suq. Hija tenfasizza sew li b'riżultat tan-nuqqas ġenerali ta' apprezzament soċjetali u n-nuqqas ta' fehma ta' xi tfisser sewwa sew l-intraprenditorija, id-diffikultà kummerċjali jew il-falliment kummerċjali mhumiex qed jiġu aċċettati bħala r-riżultati ta' żvilupp ekonomiku normali u l-anqas bħala opportunità ta' bidu mill-ġdid. L-UE trid tibdel il-mentalità tagħha. Aktar ma l-istigma tal-falliment tintrabat ma' min kien fallut, aktar aktar issir riskjuża kull intrapriża ġdida, u dan ir-riskju jintrabat mal-parteċipanti kollha interessati fl-intrapriża.

1.4

Il-liġijiet ta' l-Istati Uniti jfittxu li jibbilanċjaw l-interessi tad-debituri, kredituri u s-soċjetà in ġenerali. Il-KESE jemmen li l-Istati Membri għandhom jiġu mħajra biex jilħqu l-istess bilanċ. Il-falliment u n-nuqqas ta' ħlas tad-djun jistgħu joħolqu diffikultajiet enormi għall-kredituri tant li jistgħu jwassalhom għall-falliment. Kumpanija tista' tinħeles mid-dejn sabiex tingħata l-opportunità li terġa' tibda mill-ġdid, madanakollu, fil-konfront tal-kredituri, din is-soluzzjoni tista' tkun waħda ferm inġusta. Il-liġijiet dwar il-falliment iridu jilħqu l-bilanċ ġust.

1.5

Mill-perspettiva tas-soċjetà in ġenerali, iż-żamma sħiħa jew ta' parti mill-intrapriża fil-kummerċ tista' tkun l-aħjar soluzzjoni. Kumpanija potenzjalment vijabbli tista' tħalli redditu għal kull min għandu sehem fiha. Barra minn hekk, jekk kumpanija falluta tinħeles mill-kuraturi fallimentari, l-impjegati jkunu jistgħu iżommu xogħolhom. Intrapenditur fallut li jerġa' jidħol fin-negozju, jerġa' joħloq impjieg ġdid. Kull forma ta' impjieg li jirrużulta minn dawn il-metodi żgur li huwa ta'ġid għas-soċjetà in ġenerali.

1.6

Hemm ħafna metodi ta' kif intrapriża tista' tfalli, anke f'każ ta' intraprenditur li jkollu l-aktar intenzjonijiet tajbin. Il-ħolqien ta' intrapriża vijabbli fil-fażi tat-tnedija tagħha mhuwiex dejjem possibbli. Lil hinn mit-tnedija, mudell kummerċjali difettuż jista' jfisser li l-kumpanija m'għandiex futur. Min-naħa l-oħra, il-kumpaniji potenzjalment vjabbli jistgħu jfallu minħabba żbalji ta' l-intraprendituri jew għal raġunijiet lil hinn mill-kontroll tagħhom. Kumpaniji bħal dawn jistgħu u għandhom jiġu salvati mir-riċevituri b'riżultat li ħafna mill-postijiet tax-xogħol isalvaw ukoll.

1.7

Hu importanti li issir distinzjoni bejn il-kumpanija u d-diretturi tagħha. Id-diretturi jistgħu jfallu fl-istess waqt li r-riċevitur ikun qiegħed isalva lill-kumpanija u l-impjegati tagħha. Kumpanija tista' tfalli metal-intraprendituri tagħha jkunu fallew minħabba l-garanziji bankarji li jkunu taw, anke jekk l-imġiba personali tagħhom ma kinitx qarrieqa. Il-Kummissjoni tinsab imħassba dwar dawn l-intraprendituri ġenwini. Żgur li dawn l-intraprendituri jistħoqqilhom opportunità oħra aktar u aktar meta rnexxielhomjoħolqu kummerċ tajjeb iżda xorta fallew jew minħabba n-nuqqas ta' esperjenza jew sforz xorti ħażina; l-ekonomija teħtieġ ħiliethom. Oħrajn, li jfallu minħabba inkompetenza u nuqqas ta' viżjoni x'aktarx li ftit għandhom x'joffru lill-ekonomija, anke jekk jirnexxielhom isibu investituri li jappoġġjawhom. Mhux l-intraprendituri falluti kollha jistħoqqilhom opportunità oħra.

1.8

L-inizjattiva tal-Kummissjoni għenet sabiex twassal għal riforma madwar l-UE. Ħafna Stati Membri diġa' siltu xi ispirazzjoni mill-prattiki tajba u l-konklużjonijiet ta' politika miġbura fil-livell Ewropew. Madwar terz ta' l-Istati Membri ressqu pjanijiet biex jirriformaw il-leġislazzjoni nazzjonali dwar il-falliment. Madankollu, kważi nofs il-pajjiżi ta' l-UE għad iridu jieħdu l-ewwel passi f'din id-direzzjoni. Filwaqt illi l-Kummissjoni għandha kompetenza limitata f'dan is-settur politiku, il-KESE jħeġġiġha biex tuża kull mezz disponibbli sabiex tħeġġeġ lill-ministri tal-finanzi ta' l-Istati Membri biex jintervjenu. Fl-opinjoni tal-KESE, il-progress ta' l-Istati Membri, b'mod ġenerali, ftit li xejn huwa meqjus sodisfaċenti..

1.9

Il-KESE jilqa' bis-sħiħ il-punti kollha li tqajmu fil-Komunikazzjoni fir-rigward tal-liġi dwar il-falliment, soġġetti dejjem għad-dettalji tal-liġijiet li jidħlu fis-seħħ dwar dan. Dawn jinkludu r-rikonoxximent formali tal-fallimenti ġenwini, it-tnaqqis tar-restrizzjonijiet legali, l-iskwalifiki u l-projbizzjonijiet bi proċedimenti mgħaġġla. L-għan medju għandu jkun li l-proċeduri ma jtawlux aktar minn sena.

1.10

Il-KESE jemmen li hu importanti ħafna li l-Istati Membri kollha jtemmu r-reviżjoni tal-liġijiet dwar il-fallliment tagħhom bl-inqas dewmien possibbli. B'żieda mat-tibdiliet fil-liġi, huwa importanti ħafna li l-fallimenti jiġu trattati b'urġenza mill-qrati. Il-proċess irid ikun organizzat tajjeb. Dawn it-tibdiliet huma l-mira ewlenija tal-programm “Opportunità Oħra” (Second Chance).

1.11

L-appoġġ attiv lin-negozji f'riskju hu t-tieni messaġġ mniżżel fil-Komunikazzjoni. Fih innifsu m'huwiex parti mill-programm “Opportunità Oħra”. Minflok hu programm maħluq biex jevita l-falliment u biex jipproteġi n-negozji u l-impjiegi. Is-sezzjoni 4.0 tagħti numru ta' eżempji ta' fallimenti kummerċjali li setgħu ġew evitati. F'dan ir-rigward il-punt ewleni tal-Komunikazzjoni hu li tbiegħed fallimenti evitabbli permezz ta' twissija bikrija, id-dispożizzjoni ta' finanzjament temporanju u s-servizzi tal-konsulenti.

1.12

Għall-biċċa l-kbira ta' l-SMEs, dan il-programm m'huwiex prattiku ħafna peress li hemm ftit mekkaniżi għall-identifikazzjoni pro-attiva ta' negozji f'riskju fost l-għexieren ta' eluf ta' SMEs. Madankollu, l-Istati Membri huma mħeġġa biex jagħmlu l-aħjar użu possibbli mill-possibbiltajiet li jeżistu, eż. l-użu Franċiż ta' l-awtoritajiet tal-VAT biex jagħtu twissja bikrija lill-kumpaniji b'possibbiltà ta' problemi ta' likwidità. Il-Kummissjoni tgħid illi l-miżuri ta' appoġġ għandhom jiffukaw fuq il-ħarsien mill-falliment, il-parir espert u l-intervent f'waqtu. Il-problema tqum meta d-diretturi ma jjagħrfux li n-negozju tagħhom jinsab f'riskju. Il-gvernijiet ta' l-Istati Membri jridu jaħdmu mal-professjoni ta' l-accountants u l-organizzazzjoni ta' appoġġ għall-SMEs biex jiżviluppaw dawk il-miżuri pro-attivi li huma adegwati għall-kultura tagħhom ta' l-SMEs.

1.13

Huwa ċar li l-aktar rakkomandazzjoni importanti fil-Komunikazzjoni hi marbuta mar-riforma tal-Liġi dwar il-Falliment. Din hija l-miżura ewlenija li mingħajrha l-programm “Opportunità Oħra” qatt ma jista' jitneda.

1.14

Uħud mir-rakkomandazzjonijiet anqas vinkolanti fil-Komunikazzjoni jistgħu jiġu implimentati mingħajr tibdiliet fil-liġi dwar il-falliment. Meta l-liġi tkun inbidlet, il-miżuri mhux vinkolanti l-oħra proposti mill-Kummissjoni ikunu jistgħu jitwettqu. Il-punt ewlieni tal-Komunikazzjoni tal-Kummissjoni jintilef mingħajr tibdiliet fil-liġi dwar il-falliment.

1.15

Il-KESE jemmen li kull Stat Membru għandu jwieġeb għal din il-Komunikazzjoni billi jinkludi l-proposti tiegħu fil-pjan Nazzjonali għall-istrateġija ta' Lisbona (tapplika l-linja gwida #15).

2.1

Il-Kummissjoni ilha tindirizza l-effetti negattivi tal-falliment kummerċjali sa mill-2001. Hija tat prominenza partikolari lill-ħtieġa li jitjiebu l-proċeduri ta' falliment. Minħabba l-kompetenza limitata tagħha f'dan il-qasam, il-Kummissjoni iffukat fuq il-ġbir tad-data dwar il-konsegwenzi legali u soċjali tal-falliment kummerċjali, l-iffaċilitar ta' l-identifikazzjoni, it-tixrid ta' prattiki tajba u l-ħidma fuq għodda ta' twissija bikrija bħala mezz ta' tnaqqis ta' l-istigma tal-falliment.

2.2

Dan wassal għat-tnedija ta' riforma madwar l-UE. Ħafna Stati Membri diġa' siltu xi ispirazzjoni mill-prattiki tajba u l-konklużjonijiet ta' politika miġbura fl-livell Ewropew. Madwar terz ta' l-Istati Membri ressqu pjanijiet biex jirriformaw il-leġislazzjoni nazzjonali dwar il-falliment. Madankollu, kważi nofs il-pajjiżi ta' l-UE għad iridu jieħdu l-ewwel passi f'din id-direzzjoni. Filwaqt illi l-Kummissjoni għandha kompetenza limitata f'dan is-settur politiku, il-KESE jħeġġiġha biex tuża kull mezz disponibbli sabiex tħeġġeġ lill-ministri tal-finanzi ta' l-Istati Membri biex jintervjenu. Fl-opinjoni tal-KESE, il-progress ta' l-Istati Membri, b'mod ġenerali, ftit li xejn huwa meqjus sodisfaċenti.

I.

IVA, il-Miżuri jeżistu

(I)

Il-miżuri huma parzjalment ippjanati/disponibbli

L

L-ebda miżura ma teżisti

2.3

It-tabella A meħuda mill-Komunikazzjoni. Il-kolonni 4 sa 6 jirrigwardaw ir-riforma tal-liġijiet dwar il-falliment. It-tabella turi li l-Istati Membri huma attivi ħafna fir-rigward tal-leġislazzjoni waqt li fl-istess ħin turi wkoll li l-liġijiet riveduti daħlu fis-seħħ fi ftit pajjiżi biss. Jekk it-totali taħt il-kolonni qed jirreferu għall-applikazzjoni tal-leġislazzjoni, allura t-total m'għandux ikun ta' 12,15,17 u 17 iżda ta' 6,6,5 u 10. Dan riżultat fqir mis-27 Stat Membru. L-azzjoni kalma jew in-nuqqas ta' azzjoni qed ikunu ta' ħsara għall-attività intraprenditorjali fl-Istati Membri u sakemm ma jseħħux it-tibdiliet meħtieġa, il-possibbiltà tal-falliment ser tibqa' ostakolu importanti għall-intrapriża.

2.4

Fattur ieħor li joħroġ mit-tabella hu li s-sitt kolonni ta' madwar il-kolonni marbutin mal-leġislazzjoni huma bejn wieħed u ieħor vojta. Dan hu kemmxejn sorprendenti għaliex għalkemm il-leġislazzjoni dwar il-falliment għadha ma nbidlitx f'ħafna Stati Membri, minkejja kollox, setgħu ġew applikati miżuri oħra mhux vinkolanti.

2.5

Sabiex ikun jista' jqabbel, il-KESE talab lill-Kummissjoni biex tipprovdi d-data ekwivalenti għal dik mogħtija fit-tabella iżda did-darba fir-rigward ta' l-Istati Uniti. L-Istati Uniti ġew inklużi fit-tabella għar-raġunijiet segwenti:

2.6

Il-Kodiċi ta' l-Istati Uniti jirrifletti mentalità kompletament differenti minn dik komuni f'ħafna, jekk mhux f'kull Stat Membru. Il-perspettiva legali attwali ta' ħafna mill-Istati Membri turi kemm din il-kwistjoni għadha mhix mifhuma. Il-ħin li qed jinħela biex jinbidlu l-liġijiet dwar il-falliment juru li l-UE għadha ma fehmitx sew il-punt. Bidla fil-mentalità tħaffef l-introduzzjoni ta' liġijiet ġodda. Bl-istess mod, mingħajr bidla bħal din, il-miżuri li mhumiex vikolanti qatt mhu ser jitwettqu.

2.7

Fis-seklu dsatax il-falliment kumerċjali tant kienet stigmatizzat li kien iwassal għas-suwiċidju fost l-intraprendituri falluti. Minkejja li fis-seklu 21 is-suwiċidju naqas, l-istigma soċjali għadha teżisti. Iċ-ċittadini Ewropej iridu jifhmu li l-intraprenditur qed iwettaq ħidma ta' valur għoli anki meta jfalli. Ċertu numru ta' fallimenti hu inevitabbli. Ftit inqas minn tliet kwarti (73,0 %) tad-931 435 intrapriża li tnedew fl-1998 fl-ekonomiji kummerċjali ta' Spanja, il-Finlandja, l-Italja, il-Lussemburgu, l-Isvezja u r-Renju Unit baqgħu jeżistu biss għal sentejn. Ftit inqas min-nofs (49,1 %) ta' l-istess ġabra ta' intrapriżi baqgħu jeżistu għal ħames snin, sa' l-2003.

2.8

Il-Kummissjoni għandha raġun tafferma li l-ħolqien tal-kummerċ, is-suċċess kummerċjali u l-falliment kummerċjali huma kollha parti mill-ekonomija tas-suq. Hija tenfasizza korrettament li minħabba n-nuqqas ġenerali ta' apprezzament tas-soċjetà u n-nuqqas ta' fehma li teżisti f'dan il-qasam, id-diffikultà jew anke l-falliment kummerċjali għadhom mhumiex qed jinftiehmu bħala pass ekonomiku normali u opportunità għal bidu mill-ġdid. L-UE trid tibdel il-mentalità tagħha. .Aktar ma nistigmattizaw lil min xi darba falla aktar ser inpoġġu lil kull intrapriża ġdida f'riskju, riskju li ser jirtuh ukoll il-partijiet interssati kollha fil-qasam ta' l-intrapriża.

2.9

Il-liġijiet ta' l-Istati Uniti jfittxu li jibbilanċjaw l-interessi tad-debituri, l-kredituri u s-soċjetà in ġenerali. Il-KESE hu ta' l-opinjoni li l-Istati Membri għandhom jiġu mħajra jiksbu l-istess bilanċ. Hekk kif ser nispjegaw fir-4 sezzjoni ta' din l-opinjoni, il-falliment u d-djun mhux imħallsa jistgħu joħolqu diffikultajiet enormi għall-kredituri u jwassluhom għall-falliment. Kumpanija tista' tinħeles mid-dejn sabiex tingħata l-opportunità li terġa' tibda mill-ġdid, madanakollu, fil-konfront tal-kredituri, din is-soluzzjoni tista' tkun waħda ferm inġusta. Il-liġijiet dwar il-falliment iridu jilħqu bilanċ ġust.

2.10

Mill-perspettiva tas-soċjetà in ġenerali, iż-żamma sħiħa jew ta' parti mill-intrapriża fil-kummerċ tista' tkun l-aħjar soluzzjoni. Kumpanija potenzjalment vijabbli tista' tħalli redditu għal kull min għandu sehem fiha.

2.11

L-interessi ta' l-impjegati huma protetti b'numru ta' metodi. L-Istati Membri implimentaw id-Direttiva dwar il-Falliment li tipprovdi l-ħlasijiet għall-ħaddiema, f'każ ta' falliment. Jekk kumpanija falluta tinħeles mill-kuraturi tal-falliment, l-impjegati jkunu jistgħu jżommu xogħolhom. Intrapenditur fallut li jerġa' jidħol fin-negozju, jerġa' joħloq impjieg ġdid. Kull forma ta' impjieg li jirrużulta minn dawn il-metodi żgur li huwa ta'ġid għas-soċjetà in ġenerali

3.1.1

L-ewwel pass fit-trattament ta' l-effetti negattivi tal-falliment kummerċjali huwa li dan jiġi diskuss pubblikament. Fl-UE l-pubbliku ġenerali ta' sikwit iħares lejn il-falliment bħala kwistjoni kriminali, tkun xi tkun il-kawża. Il-mezzi tal-massa għandhom rwol pożittiv x'jaqdu fit-trattament ta' dan in-nuqqas ta' fehma. It-tagħlimiet li għandhom jinkisbu huma dawn li ġejjin:

3.2.1

Il-bidu mill-ġdid wara falliment jista' jkun ta' sfida minn aspett legali. F'ħafna pajjiżi l-liġi dwar il-falliment għadha titratta l-kulħadd bl-istess mod irrispettivament minn jekk il-falliment kienx qarrieqi jew irresponsabbli jew jekk il-falliment ma kien l-ebda ħtija ovvja tas-sid jew tal-maniġer, jiġifieri ġenwin u bla ħabi.

3.2.2

Għadd ta' regoli jimponu restrizzjonijiet, projbizzjonijiet u skwalifiki fuq il-fallimenti fuq il-bażi biss ta' l-eżistenza ta' proċedimenti ta' falliment. Din l-istrateġija awtomatika ma tikkonsidrax ir-riskji li huma fatt ta' kuljum tal-ħajja kummerċjali u timplika twemmin li l-fallut huwa xi ħadd li fih is-soċjetà ma tista' tpoġġi l-ebda fiduċja jew affidabbiltà. Teħtieġ bidla radikali fir-razzjonalità tal-liġijiet dwar il-falliment fl-UE. Il-punti ewlenin huma kif ġejjin:

3.3.1

L-istigma tal-falliment fin-negozju hija raġuni waħda għalfejn ħafna mill-Intrapriżi Żgħar u ta' Daqs Medju bi problemi finanzjarji jostru l-problemi tagħhom sakemm ikun tard wisq. Azzjoni f'waqtha hija kruċjali biex tevita l-falliment u salvataġġ huwa f'bosta każi preferibbli għal-likwidazzjoni. Il-lezzjonijiet ewlenin huma:

3.4.1

Ir-restrizzjonijiet li jħabbtu wiċċhom magħhom l-intraprendituri meta jerġgħu jibdew mill-ġdid — riżorsi, ħiliet rilevanti u appoġġ psikoloġiku — mhumiex indirizzati biżżejjed mill-appoġġ pubbliku. B'mod ġenerali, bidu mill-ġdid jista' jixxekkel minħabba fin-nuqqas ta' riżorsi għall-istabbiliment ta' negozju ġdid, notament ta' mezzi finanzjarji. It-tagħlimiet li għandhom jinkisbu huma:

3.5

Bħala konklużjoni, kundizzjonijiet nazzjonali tajba ta' qafas għall-intraprenditorija huma kruċjali għall-isfruttament sħiħ tal-potenzjal intraprenditorjali ta' l-UE u għall-ħolqien ta' kumpaniji dinamiċi. L-apprezzament soċjetali ta' intraprenditorija ta' suċċess, kruċjali għal dan il-għan, għandu jimxi id f'id ma' politika li tippromwovi opportunità ġdida għall-intraprendituri li jinsabu f'riskju jew li fallew.

4.1

Il-KESE japprova l-enfasi mqiegħda mill-Kummissjoni fuq il-ħtieġa li tingħeleb l-istigma tal-falliment kummerċjali. Il-Kummissjoni għandha raġun tafferma li l-ħolqien tal-kummerċ, is-suċċess kummerċjali u l-falliment kummerċjali huma kollha parti mill-ekonomija tas-suq. .Hija tenfasizza korrettament li minħabba n-nuqqas ġenerali ta' apprezzament tas-soċjetà u n-nuqqas ta' fehma li teżisti f'dan il-qasam, id-diffikultà jew anke l-falliment kummerċjali għadhom mhumiex qed jinftiehmu bħala pass ekonomiku normali u opportunità għal bidu mill-ġdid.

4.2

Madankollu, il-KESE hu ta' l-opinjoni li waqt li ħafna mill-gwida inkorporata fil-Komunikazzjoni hi indispensabbli, partijiet minnha ma jidhirx li huma daqshekk kredibbli. Ir-riżervi tal-Kumitat huma enfasizzati f'punti differenti f'sezzjonijiet 4 u 5 ta' din l-Opinjoni.

4.3

L-għan u l-mira ta' l-attività intraprenditorjali huma li jinħoloq negozju li jkun vantaġġjuż u skalabbli. L-intraprendituri jaħdmu għall-innovazzjoni sabiex jissodisfaw il-ħtiġijiet tal-klijenti li, jew m'humiex qed jiġu sodisfatti, jew mhux qed jiġu sodisfatti bl-aktar mod effiċjenti.

4.4

L-intraprenditur jistà jkun hu li jidentifika opportunità kummerċjali. Per eżempju, intraprenditur minn Londra ra opportunità għal negozju ta' importazzjoni/esportazzjoni bejn ir-Renju Unit u l-Indja, li jaqdi l-ħtiġijiet taż-żewġ pajjiżi. B'hekk irnexxielu jimla vojt fis-suq. Intraprendituri oħra jimlew il-vojt fis-suq billi, per eżempju, jiftħu restoranti jew ħwienet tal-parrukkiera f'komunitajiet fejn dawn is-servizzi huma neqsin.

4.5

L-Amazon hu eżempju ewlieni tal-qadi tal-ħtiġijiet bl-aktar mod effiċjenti. Il-ħwienet tal-kotba jeżistu biss għal dawk li għandhom il-ħin u l-inklinazzjoni li jagħtu daqqa t'għajn lill-kotba iżda l-Amazon jaqdi l-ħtiġijiet ta' settur differenti tal-pubbliku li jixtri l-kotba.

4.6

Xi intraprendituri jnedu negozju biex jisfruttaw vantaġġi fix-xjenza u t-teknoloġija. Ħafna drabi dawn l-inizjattivi jitnisslu mill-ħidma ta' l-universitajiet, l-istituti tar-riċerka jew kumpaniji bbażati fuq ix-xjenza. Erba' professuri mill-Università ta' Londra nedew kumpanija li tipprovdi servizzi ta' analiżi ta' l-immaġni bl-użu ta' software speċjalizzat biex itejbu l-metodi li bih jista' jitkejjel l-effett terapewtiku tal-mediċinali li qed jiġu żviluppati. Is-software IP softwaer hu l-qalba ta' dan in-negozju. Wieħed mill-professuri nħatar Direttur Maniġerjali (MD) u jinsab fil-proċess li jiskopri jekk huwiex intraprenditur jew le.

4.7

Sabiex ikun ta' suċċess, l-intraprenditur jeħtieġ fuq kollox tliet affarijiet. L-ewwel u qabel kollox, hu jew hi jrid ikollhom l-għarfien u l-esperjenza meħtieġa biex jevalwaw tajjeb l-opportunitajiet tas-suq u l-kapaċità li jagħtu l-ħajja lill-proposta kummerċjali, kemm jekk hi restorant ġdid, jew servizz ta' l-ivvjaġġar permezz ta' l-internet jew innovazzjoni fl-applikazzjoni xjentifika revoluzzjonarja. L-ewwel pass fil-ħolqien ta' kull intrapriża huwa li l-intraprenditur juri li l-proġett vijabbli. Dan ifisser l-iżvilupp ta' prodott jew ta' servizz sal-punt fejn ikun hemm klijenti li lesti li jħalsu l-prezz meħtieġ biex in-negozju jagħmel il-profitti u jmantni lilu nnifsu. Dan hu l-mument fejn ħafna minn dawk bix-xewqa intraprenditorjali jfallu. Oħrajn jistgħu jitgħallmu mill-iżbalji tagħhom u jerġgħu jibdew. Oħrajn ma jitgħallmu qatt.

4.8

It-tieni rekwiżit hu l-finanzjament. Ċerti intrapriżi tant ikunu attraenti li sa mill-bidu nett jirnexxielhom jattiraw l-attenzjoni ta' l-investituri tal- kapital riskjuż. Ħafna investituri tal-kapital riskjuż ma jipparteċipawx sakemm l-intraprenditur ma jsarrafx il-proposta f'“realtà”. Issa għandna l-iskema tal-kapital riskjuż li ġiet proposta mill-BEI iżda l-kapaċità tagħha ser tkun limitata. Is-soltu l-finanzjament isir disponibbli f'partijiet jew f'taqsimiet differenti. Jekk l-ewwel fażi ta' finanzjament twassal għal riżultati tajbin, ikun aktar faċli li jinkiseb finanzjament ta' segwitu.

4.9

Aktar iva milli le, il-finanzjament għall-fażi tat-tnedija jasal mill-familja jew mill-ħbieb. Hemm ukoll is-self mill-banek, iżda l-banek jeħtieġu garanzija. Jekk in-negozju m'għandux assi, il-banek jużaw l-assi ta' l-intraprendituri bħala garanzija. Il-kriżi għall-intraprenditur, il-familja u l-ħbieb tiġi meta joffru garanziji personali. Is-soltu dawn il-garanziji jmorru lil hinn mill-fażi ta' tnedija għaliex il-kumpaniji privati jkunu jiddependu fuq l-appoġġ tal-banek sakemm il-kumpanija ssir ta' dominju pubbliku. Jekk il-bank jiġbor il-garanziji tal-kumpanija, l-intraprenditur jista' jitlef daru. F'ċirkustanzi bħal dawn, obligazzjonijiet ta' taxxa jew ta' sigurtà soċjali jistgħu jgħarrqu s-sitwazzjoni.

4.10

Fl-Opinjonijiet tal-Kumitat dwar “l-Inċentivi fiskali għar-riċerka u l-iżvilupp (R&D)” (1) ħeġġiġna lill-Istati Membri li jeħilsu lill-individwi privati li jinvestu fil-kumpaniji li għadhom jibdew mit-taxxa. Inċentivi fiskali bħal dawn jistgħu jiffaċilitaw il-possibbiltà li l-intraprendituri jikkapitalizzaw in-negozji l-ġodda.

4.11

Wara li tgħaddi l-fażi tat-tnedija ta' negozju ġdid, l-intraprenditur jiddependi mit-tielet prerekwiżit indispensabbli għas-suċċess: mudell kummerċjali vijabbli. Dan hu ċ-ċavetta għall-iżvilupp tan-negozju. Il-mudell jiddependi fuq ġabra ta' proporzjonijiet li jiġbru fihom l-elementi tan-negozju. Il-bejgħ imnaqqas mill-ispejjeż tal-prodott jagħtu marġini gross li, wara t-tnaqqis ta' l-ispejjeż, iħalli profitt ta' qabel it-taxxa tajjeb biżżejjed biex jiġi servut u jitħallas lura s-self lill-banek. Meta mudell kummerċjali ma jaħdimx sewwa, jew meta l-maniġment m'għandux il-ħila jew l-esperjenza biex jimmaniġja l-bejgħ eċċ biex il-kumpanija timxi 'il quddiem, allura jiġri li dawk li pprovdew il-garanziji finanzjarji għandhom il-possibbiltà li jfallu. Żgur li dan it-tip ta' falliment huwa esperjenza ta' tagħlim. Jekk l-intraprenditur ikun tgħallem l-esiġenzi tal-mudell kummerċjali, allura jista' jkun hemm skop li jerġa' jibda mill-ġdid.

4.12

Il-mudelli kummerċjali li kellhom suċċess fil-passat huma dejjem mhedda mill-bidla fil-persunal, il-klijenti, it-teknoloġiji u l-kompetituri. Wara t-tnedija b'suċċess ta' kumpanija, l-intraprendituri l-ħin kollu ser jiffaċċjaw bidla, b'mod partikolari fin-negozji li għandhom x'jaqsmu mat-teknoloġija. L-intraprendituri li jfallu l-prova tal-bidla jistgħu jitgħallmu mill-esperjenza. Oħrajn, l-aktar is-sidien tat-tieni u t-tielet ġenerazzjoni jista' jkun li ma jitgħallmux.

4.13

Ir-rwol ta' l-intraprenditur u tat-tim tiegħu huma ta' importanza assoluta fit-tħaddim tal-mudell kummerċjali. Il-ħiliet fil-ġestjoni tal-finanzi huma indispensabbli. Negozju tajjeb jista' tant ikun ta' suċċess li jinnegozja ż-żejjed sakemm jasal f'punt li ma jkunx jista' jħallas l-kontijiet tiegħu. F'dan il-każ jista' jitqiegħed taħt l-amministrazzjoni tal-kredituri tiegħu. Dawn in-negozji jistgħu joffru kull possibbiltà ta' tnedija mill-ġdid b'suċċess..

4.14

Nassa finanzjarja oħra tista' tinħoloq meta klijent kbir jiżbalja u ma jħallasx il-kontijiet, u jħalli lill-intraprenditur f'pożizzjoni li ma jistax iħallas il-kontijiet tiegħu u bil-bank lest biex jeskludih. Skond l-istatistiċi tal-Kummissjoni, wieħed minn kull erba' fallimenti hu kkawżat minn ħlasijiet tard. F'każ bħal dan it-tnedija mill-ġdid tista' tkun vijabbli wkoll. Il-vulnerabbiltà ta' kumpaniji żgħar fid-daqs u fiż-żmien hi magħrufa kemm mill-gvernijiet ta' l-Istati Membri kif ukoll mill-Kummissjoni. Il-kwistjoni hi indirizzata mid-Direttiva dwar il-Ħlasijiet Tard u ser terġa' tiġi trattata fl-Att dwar il-Kumpaniji Żgħar li jmiss.

4.15

Xi kumpaniji jfallu mingħajr ma jkollhom ħtija u minħabba raġunijiet li ma setgħux ġew antiċipati bħall-effett negattiv mill-avveniment tan-9/11 jew l-impatt ta' kondizzjonijiet klimatiċi estremi. Madanakollu l-kumpaniji ta' l-assigurazzjoni setgħu taffew il-gravità tas-sitwazzjoni. Għalhekk l-organizazzjonijiet li jappoġġjaw lin-negozji ż-żgħar għandhom jitħeġġu jintroduċu l-benefiċċji ta' l-istrumenti prudenti lill-intraprendituri.

4.16

Fi ftit kliem, hemm ħafna metodi kif intrapriża tista' tfalli, anke fil-każ ta' intraprenditur bl-aktar intenzjonijiet tajbin. Jista' ma jkunx possibbli li tinħoloq intrapriża vijabbli fil-fażi tat- tnedija. Lil hinn mit-tnedija, mudell kummerċjali difettuż jista' jfisser li l-kumpanija ma jkolliex futur. Min-naħa l-oħra, kumpaniji potenzjalment vijabbli jistgħu jfallu minħabba l-iżbalji ta' l-intraprendituri kif ukoll għal raġunijiet barra mill-kontroll tagħhom. Kumpaniji bħal dawn jistgħu u għandhom jinħelsu mir-riċevituri u b'hekk ħafna mill-postijiet tax-xogħol jiġu protetti wkoll.

4.17

Hu importanti li niddistingwu bejn il-kumpanija u d-diretturi tagħha. Id-diretturi jistgħu ifallu waqt li r-riċevitur qiegħed isalva l-kumpanija u l-impjegati tagħha. Meta kumpanija tfalli, jista' jiġri li l-intraprendituri jfallu minħabba l-garanziji bankarji li jkunu taw, anke jekk l-imġiba personali tagħhom ma kinitx qarrieqa. Il-Kummissjoni tinsab imħassba dwar dawn l-intraprendituri mhux qarrieqa. Oħrajn, li jfallu minħabba inkompetenza u nuqqas ta' viżjoni x'aktarx li ftit għandhom x'joffri lill-ekonomija, anke jekk jirnexxielhom isibu investituri li jappoġġjawhom. Mhux l-intraprendituri falluti kollha jistħoqqilhom opportunità oħra.

5.1.1

Żgur illi l-aktar messaġġ qawwi li jistgħu jagħtu l-gvernijiet ta' l-Istati Membri lill-pubbliku in ġenerali ser joħroġ mill-bidliet fil-liġi dwar il-falliment. Meta l-liġi tħeġġeġ, b'mod ċar, opportunità oħra għall-intraprendituri, dan ser ikun rifless fil-messaġġi tal-mezzi tal-massa.

5.1.2

Barra minn hekk, il-gvernijiet jistgħu jaħdmu ma' l-organizzazzjonijiet u l-istituzzjonijiet li jaħdmu mill-qrib ma' l-intrapriżi intraprenditorjali. Il-professjoni ta' l-accountants żgur li hi l-aktar istituzzjoni involuta, filwaqt li l-organizzazzjonijiet li jirrappreżentaw l-SMEs u l-kummerċjant indipendenti jistgħu jipparteċipaw ukoll.

5.1.3

Il-Komunikazzjoni ssemmi l-idea ta' programm ta' mertu għal dawk li jerġgħu jibdew mill-ġdid b'suċċess. Jekk l-organizzazzjonijiet imsemmija hawn fuq jadottaw skemi bħal dawn, jista' jkun hemm appoġġ favorevoli mill-mezzi tal-massa.

5.2.1

Il-KESE jilqa' bis-sħiħ il-punti kollha li tqajmu fil-Komunikazzjoni fir-rigward tal-liġi dwar il-falliment, soġġetti dejjem għad-dettalji tal-liġijiet li jidħlu fis-seħħ dwar dan. Dawn il-punti li huma dettaljati fis-sezzjoni 3.2 aktar 'il fuq u jinkludu r-rikonoxximent formali ta' fallimenti mhux qarrieqa, it-tnaqqis ta' restrizzjonijiet legali, l-iskwalifiki u l-projbizzjonijiet bi proċedimenti mgħaġġla li ma jtawlux aktar minn sena.

5.2.2

Il-KESE jemmen li hu importanti ħafna li l-Istati Membri kollha jtemmu r-reviżjoni tal-liġijiet dwar il-fallliment tagħhom bl-inqas dewmien possibbli. B'żieda mat-tibdiliet fil-liġi, huwa importanti ħafna li l-fallimenti jiġu trattati b'urġenza mill-qrati. Il-proċess irid ikun organizzat tajjeb. Dawn it-tibdiliet huma l-mira ewlenija tal-programm “Opportunità Oħra”(Second Chance).

5.3.1

Dan hu t-tieni messaġġ tal-Komunikazzjoni. Fih innifsu m'huwiex parti mill-programm “Opportunità Oħra”. Minflok hu programm maħluq biex jevita l-falliment u biex jipproteġi n-negozji u l-impjiegi. F'dan ir-rigward il-punt ewleni tal-Komunikazzjoni hu li tbiegħed fallimenti evitabbli permezz ta' twissija bikrija, id-dispożizzjoni ta' finanzjament temporanju u s-servizzi tal-konsulenti.

5.3.2

L-unika problema hi li għall-biċċa l-kbira ta' l-SMEs dan il-programm m'huwiex prattiku peress li hemm ftit mekkaniżi għall-identifikazzjoni pro-attiva ta' negozji f'riskju fost l-għexieren ta' eluf ta' SMEs. Madankollu, l-Istati Membri huma mħeġġa biex jagħmlu l-aħjar użu possibbli mill-possibbiltajiet li jeżistu, eż. l-użu Franċiż ta' l-awtoritajiet tal-VAT biex jagħtu twissja bikrija lill-kumpaniji b'possibbiltà ta' problemi ta' likwidità. Il-Kummissjoni tgħid illi l-miżuri ta' appoġġ għandhom jiffukaw fuq il-ħarsien mill-falliment, il-parir espert u l-intervent f'waqtu. Il-problema tqum meta d-diretturi ma jirrealizzawx li n-negozju tagħhom jinsab f'periklu. Il-gvernijiet ta' l-Istati Membri iridu jaħdmu mal-professjoni ta' l-accountants u l-organizzazzjoni ta' appoġġ għall-SMEs biex jiżviluppaw dawk il-miżuri pro-attivi adegwati għall-kultura tagħhom ta' l-SMEs.

5.3.3

Il-KESE ma jissottovalutax id-diffikultajiet involuti fil-provvista ta' dan it-tip ta' appoġġ. Intervent tal-gvern biex ireġġa' lura l-forzi tas-suq jista' jkun potenzjalment kontro-produċenti u jdgħajjef id-dixxiplini tas-suq.

5.3.4

F'kumpaniji b'responsabbiltà pubblika limitata jeżisti l-obbligu doppju li l-kontijiet jiġu sottomessi fil-ħin u li l-accountants u l-maniġment jiċċertifikaw li l-kumpanija m'għadhiex fl-inkwiet, jiġifieri tista' tħallas id-djun. L-infurzar ta' dawn id-dixxiplini fuq il-kumpaniji kollha, speċjalment is-sottomissjoni bikrija tal-kontijiet ittejjeb is-sistema ta' allarmi ta' twissija bikrija.

5.3.5

Sa fejn hu possibbli, il-KESE jilqa' dan l-iffukar fuq in-negozji f'riskju għaliex joffri l-prospett ta' konservazzjoni tal-postijiet tax-xogħol u l-kontinwità ta' impjieg.

5.4.1

Filwaqt li bejn tnax u sbatax-il Stat Membru biddlu jew jinsabu fil-proċess li jbiddlu l-liġijiet tagħhom dwar il-falliment, ma hemm prattikament l-ebda attività fl-Istati Membri fir-rigward tar-rakkomandazzjonijiet ta' dan il-grupp tal-Kummissjoni.

5.4.2

Ir-raġuni għal din l-attività limitata hija, għal darb'oħra, li numru tal-proposti jistgħu jidhru bħala mexjin kontra l-forzi tas-suq. Dan hu partikolarment minnu għall-proposti li l-banek għandhom ikunu anqas kawti u li l-awtoritajiet partikolari għandhom joħolqu netwerks ta' appoġġ għall-intraprendituri li qed jerġgħu jibdew mill-ġdid..

5.4.3

Għandu jkun possibli li l-proposti li jaqgħu taħt il-kompetenza tal-gvernijiet ta' l-Istati Membri — skemi ta' finanzjar pubbliku, aċċess għas-self għall-persuni li fallew ġenwinament u x-xiri pubbliku — jiġu implimentati mingħajr ħafna problemi anke qabel ma jinbidlu l-liġijiet dwar il-falliment.

5.4.4

Għandu jkun possibbli wkoll li dawk li joffru taħriġ lill-intraprendituri joffru wkoll taħriġ lil dawk li bdew mill-ġdid, skond kif tkun tidher it-talba.

5.5.1

Il-KESE jappoġġja bil-ferħ is-sit elettroniku l-ġdid tal-Kummissjoni “for a second chance policy at http//ec.europa.eu/sme2chance.” Ser ikun ta' għajnuna b'mod partikolari għall-organizzazzjonijiet involuti fl-appoġġ ta' l-Istati Membri fl-inizjattivi ta' politika intitolata “Ċans Ieħor”.

5.5.2

Waqt l-avveniment tar-Rebbiegħa 2009 ta' l-SMEs, il-Kummissjoni ser titratta t-temi tal-bidu mill-ġdid u ċ-ċans ieħor. Il-KESE jistenna li din l-inizjattiva tagħti impetu ġdid lill-elementi mhux vinkolanti tal-programm Opportunità Oħra.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/32

1.1

Il-KESE jinkoraġġixxi lill-Kummissjoni Ewropea biex issegwi, b'mod deċiż, l-għanijiet tagħha li huma favur li jinfetaħ ħafna iktar l-akkwist pubbliku, u li tiżgura li jiġu rispettati l-prinċipji ta' trasparenza, tat-trattament ugwali, tar-responsabilità soċjali u ekoloġika.

1.2

Fil-qafas tan-negozjar mill-ġdid tal-ftehim GPA, il-KESE jirrakkomanda li l-Kummissjoni Ewropea topponi, b'mod deċiż, il-prattiki protezzjonisti ta' ċerti pajjiżi li huma parti mill-ftehim.

1.3

Fir-rigward l-għajnuna pubblika għall-iżvilupp, il-KESE huwa favur li jintemmu b'mod gradwali u reċiproku, is-sistemi ta' “l-għajnuna marbuta”u jqis li f'dan il-każ, il-kriterji essenzjali għandhom ikunu l-effiċjenza u t-trasparenza.

1.4

Fil-livell ta' l-Unjoni Ewropea, il-KESE huwa favur iktar trasparenza u metodi moderni ta' akkwist u ta' pubblikazzjoni ta' l-offerti. F'dan ir-rigward, il-KESE se jkun kontra kull tip ta' żjieda fil-limiti tad-direttivi Ewropej li għandhom l-irwol li jissalvagwardaw it-trasparenza. Il-KESE jappoġġja l-Komunikazzjoni tal-Kummissjoni Ewropea li għandha l-għan li żżid it-trasparenza ta' l-akkwist pubbliku li jaqa' taħt il-limiti li jippermettu d-direttivi.

1.5

Il-KESE huwa kontra li fl-UE tiġi stabbilita sistema ta' kwoti għall-SMEs fuq il-mudell tas-Small Business Act li hemm fl-Istati Uniti, iżda jirrikonoxxi l-validità ta' pjan ta' azzjoni Ewropew favur l-SMEs, b'mod partikolari favur il-VSEs (intrapriżi żgħar ħafna) li għandhom proġetti konkreti, flimkien ma' tabella ta' skadenzi u baġit plurijennali u mmirati lejn l-innovazzjoni u l-ħolqien ta' intrapriżi ġodda, b'mod partikolari fl-oqsma ewlenin ta' l-effiċjenza ta' l-enerġija u l-ħarsien ta' l-ambjent.

1.6

Flimkien ma' dan il-“Pjan ta' Azzjoni”, se jkunu utli sistemi ta' informazzjoni li jistrieħu kemm fuq l-intermedjarji naturali ta' l-SMEs, mekkaniżmi ta' konsultazzjoni tassew trasparenti u ġusti kif ukoll fuq strumenti legali Ewropej sempliċi li se jiffaċilitaw l-implimentazzjoni tiegħu.

1.7

Dawn il-proġetti konkreti u dawn is-sistemi għandhom ikunu jistgħu japplikaw il-prinċipju ta' “l-ewwel aħseb fiż-żgħir” kull meta jkun possibbli, per eżempju t-tneħħija ta' proċeduri “one stop” sabiex tiġi evitata l-burokrazija. Dan sabiex ikunu previsti proċeduri amministrattivi u tekniċi adattati għad-daqs u t-tip ta' l-intrapriżi ż-żgħar u li jkunu jaqdu l-għan li titnaqqas ir-responsabilità li qiegħda toħloq pressjoni fuqhom.

2.1

F'isem il-Presidenza Franċiża ta' l-Unjoni Ewropea li jmiss, il-Ministru ta' l-Istat Franċiż talab lill-KESE, permezz ta' ittra uffiċjali, biex iħejji opinjoni esploratorja dwar “L-akkwist pubbliku internazzjonali”.

2.1.1

Din it-talba tirreferi b'mod speċifiku għan-negozjati li għaddejjin bħalissa fil-qafas tar-reviżjoni tal-ftehim dwar Appalti Pubbliċi (GPA) ta' l-Organizzazzjoni Dinjija għall-Kummerċ (WTO), li jgħaqqad 12-il pajjiż (1) u l-Unjoni Ewropea (hemm ukoll 18-il pajjiż li għandhom status ta' osservaturi).

2.1.2

Fil-fatt, fil-Ħarifa ta' l-2007, il-gvern Franċiż kien imħasseb li l-Unjoni Ewropea kienet qed tagħmel offerta ġeneruża żżejjed, meta jitqies il-fatt li ċerti pajjiżi (l-Istati Uniti, il-Korea, il-Ġappun) għandhom klawsoli li jirrestrinġu l-aċċess għal ċerti swieq ta' l-akkwist pubbliku tagħhom għal intrapriżi żgħar u ta' daqs medju tagħhom biss.

2.2

Il-pożizzjoni Franċiża, li diversi Stati Membri jappoġġjaw, tirrekjedi aċċess aħjar għall-akkwist pubbliku ta' dawn il-pajjiżi fil-qafas ta' GPA rrivedut, jew għall-applikazzjoni ta' restrizzjonijiet simili fl-Unjoni Ewropea favur l-SMEs Ewropej.

2.3

Illum il-ftehim GPA jikkonċerna limiti ta' kuntratti ta' akkwist simili għal dawk fis-seħħ għall-applikazzjoni ta' l-obbligi stipulati fid-direttivi interni ta' l-Unjoni Ewropea (2), li b'hekk fil-fatt jippermettu li wħud mill-intrapriżi tat-12-il pajjiż l-oħrajn li huma parti mill-ftehim GPA, jipparteċipaw f'kull akkwist pubbliku fl-Unjoni Ewropea li jaqbeż dawn il-limiti.

2.4

Il-KESE diġà ta l-opinjoni tiegħu dwar il-kwistjoni tal-ftuħ tas-swieq ta' l-akkwist pubbliku fl-Unjoni Ewropea, u jiddispjaċih b'mod partikolari mill-fatt li l-parteċipazzjoni transkonfinali ta' l-intrapriżi fl-akkwist pubbliku fl-Unjoni Ewropea kienet baxxa wisq (3).

3.1

Fil-livell internazzjonali, wieħed jista' jikkunsidra li s-swieq ta' l-Unjoni Ewropea huma b'mod partikolari miftuħa għall-kompetizzjoni internazzjonali. L-istess jista' jingħad għal għadd, li dejjem qed jiżdied, ta' kuntratti ta' akkwist iffinanzjati mill-Unjoni Ewropea fil-qafas ta' l-għajnuna għall-iżvilupp (l-UE hija l-fornitur ewlieni ta' l-għajnuna għall-iżvilupp fid-dinja). Madankollu, il-KESE jiddispjaċih mill-fatt li jeżistu prattiki fl-Istati Membri li jorbtu l-għajnuna għall-iżvilupp ma' l-għoti ta' kuntratti lill-kumpaniji mill-pajjiż li jagħti l-għajnuna (4).

3.2

Uħud mill-imsieħba tagħna waqqfu sistemi ta' protezzjoni diversi u varjati (bħal ngħidu aħna, Buy American jew Small Business Act fl-Istati Uniti) u l-ġeneralizzazzjoni tal-programmi ta' “għajnuna marbuta”. Il-ftuħ tas-swieq ta' l-akkwist pubbliku fl-isfera internazzjonali għandu jitqies bħala vantaġġ għall-Unjoni Ewropea, meta jiġi kkunsidrat il-fatt li l-UE għandha ħafna intrapriżi li huma minn ta' quddiem fid-dinja, inklużi SMEs, fis-setturi tal-kostruzzjoni, tax-xogħlijiet pubbliċi, ta' l-enerġija alternattiva, u tal-ħarsien ta' l-ambjent.

3.3

Is-Small Business Act ta' l-Istati Uniti, minbarra l-miżuri ta' appoġġ għall-SMEs, fih dispożizzjoni li tirriserva 25 % ta' l-akkwist pubbliku federali għall-SMEs Amerikani.

3.4

F'dak li għandu x'jaqsam man-negozjar mill-ġdid tal-ftehim GPA (il-Ftehim dwar Appalti Pubbliċi), il-KESE iqis li jekk ikollu jitressaq il-prinċipju tar-reċiproċità, mhux se nkunu f'qagħda li nkunu nafu nadottaw miżuri ta' protezzjoni simili għal dawk tal-kompetituri tagħna, għax dan ma jiffaċilitax l-għan ġenerali tal-ftuħ tas-swieq li għandu jkollha l-Unjoni Ewropea.

3.5

Barra minn hekk, dan l-għan għandu jqis mhux biss il-pajjiżi li huma parti mill-ftehim GPA iżda wkoll pajjiżi oħra fejn, b'mod partikolari, il-proċeduri ta' l-għoti u l-iffirmar tal-kuntratti ftit huma trasparenti u l-proċedura ta' akkwist b'mod ġenerali m'humiex miftuħa għall-intrapriżi Ewropej.

3.6

L-idea li jiġi eskluż b'mod temporanju mill-GPA l-akkwist pubbliku ffinanzjat minn fondi Ewropej għal pajjiżi li għad għandhom miżuri ta' protezzjoni nazzjonali, hija idea interessanti li l-KESE kien diġà ressaq f'opinjonijiet preċedenti.

3.7

Il-KESE jenfasizza li l-kwistjonijiet ta' rispett għall-ambjent u tar-regoli minimi soċjali stabbiliti mill-Konvenzjonijiet ta' l-ILO (flimkien mal-ftehimiet kollettivi interprofessjonali, settorjali u ta' l-intrapriża konklużi bejn l-imsieħba soċjali u applikabbli fil-pajjiżi kkonċernati) għandhom jitqiesu fin-negozjati, b'mod partikolari meta se jkunu qegħdin isiru ftehimiet bilaterali ma' pajjiżi li ma rratifikawx il-Protokoll ta' Kyoto jew il-Konvenzjonijiet ta' l-ILO jew li ma japplikawhomx jew japplikawhom ħażin.

4.1

Fuq il-bażi ta' l-eżempju Amerikan, il-Kummissjoni Ewropea ħabbret li tista' tipproponi “Small Business Act” fuq stil Ewropew li, mingħajr ma jirriserva kwoti speċifiċi għall-SMEs fuq il-kuntratti pubbliċi bħalma huwa l-każ fl-Istati Uniti, ikun jiffaċilita l-parteċipazzjoni ta' l-SMEs fil-kuntratti pubbliċi u, b'mod iktar ġenerali, ikun jipproponi azzjonijiet konkreti favur l-SMEs.

4.2

Fil-fatt fl-Unjoni Ewropea ma tqumx il-kwistjoni dwar l-adozzjoni ta' kwoti favur l-SMEs peress li madwar 42 % tat-total (skond il-Kummissjoni Ewropea) ta' kuntratti pubbliċi mogħtija (sors 2005) jingħataw lil intrapriżi li jikkwalifikaw bħala SME skond it-terminoloġija Komunitarja. (5)

4.3

Fi ħdan l-Unjoni, jeħtieġ li d-dimensjoni Ewropea tal-ħtiġijiet ta' l-akkwist pubbliku tiġi żviluppata sabiex isir l-aħjar użu effikaċji mill-fondi pubbliċi. Minkejja żjieda sinifikanti fl-għoti ta' kuntratti lill-intrapriżi ta' pajjiżi oħra ta' l-Unjoni, l-imprendituri qed jilmentaw li hemm nuqqas ta' trasparenza u ta' informazzjoni adegwata għall-parteċipazzjoni fi swieq transkonfinali. Dawn l-ilmenti jikkonċernaw b'mod partikolari dawk li jaqgħu taħt il-limiti minimi ta' applikazzjoni tad-direttivi Ewropej li għalihom ma japplikax l-obbligu ta' reklamar fil-livell Ewropew. L-imprendituri qed jilmentaw ukoll dwar il-fatt li d-direttivi Ewropej huma kkumplikati bil-proċeduri ta' traspożizzjoni li mhux dejjem ikunu trasparenti (skadenzi u dewmien) u li jagħtu lok għal żieda ta' regolamenti nazzjonali speċifiċi li jingħaqdu waħda ma' l-oħra. Il-KESE jirrikonoxxi l-ġustifikazzjoni tar-regolamenti fir-rigward ta' l-akkwist pubbliku iżda jitlob li jkun hemm iktar trasparenza u ċertezza legali.

4.4

Il-KESE iqis li l-limiti, li ladarba jinqabżu jibdew japplikaw il-prinċipji tal-ftuħ, tat-trasparenza u tan-notifika, huma l-aħjar garanzija possibbli għall-atturi ekonomiċi, b'mod partikolari l-SMEs u intrapriżi żgħar ħafna, ta' possibilità li jipparteċipaw fil-proċedura ta' l-akkwist pubbliku. Fl-UE nnifisha, dawn huma l-proċedura ta' akkwist li jaqgħu taħt il-limiti minimi, fejn madankollu għandhom japplikaw il-prinċipji tat-trattament ugwali u tan-nuqqas ta' diskriminazzjoni għal raġunijiet ta' nazzjonalità, li huma s-suġġett ta' bosta lmenti ta' l-SMEs dwar in-nuqqas ta' ftuħ.

4.5

Jekk il-kunċett li jkunu applikati kwoti fuq l-istil Amerikan, ma jiksibx l-approvazzjoni tal-federazzjonijiet Ewropej ta' l-imprendituri, dawn jirrikonoxxu l-importanza ta' politika ta' appoġġ proattiva, b'mod partikolari fir-rigward ta' kuntratti ta' akkwist li jaqgħu taħt il-limiti minimi tad-direttivi ta' l-UE u kuntratti relatati ma' teknoloġiji ġodda, l-effiċjenza ta' l-enerġija jew mal-ħarsien ta' l-ambjent.

4.6

Il-KESE jappoġġja bil-qawwa Pjan ta' Azzjoni favur l-SMEs Ewropej li jinkludi serje sħiħa ta' dispożizzjonijiet preċiżi u restrittivi, flimkien ma' perijodu ta' applikazzjoni u pjan ta' finanzjament. Dawn għandhom ikunu bbażati kemm fuq politika Ewropea favur l-intrapriżi ż-zgħar li ilha teżisti għoxrin sena, u b'mod partikolari fuq il-Karta Ewropea dwar l-Intrapriżi ż-Żgħar adottata fis-summit Ewropew ta' Santa Maria de Feira f'Ġunju 2000, kif ukoll fuq il-konklużjonijiet tal-Konferenza ta' Stuttgart dwar l-Artiġjanat u l-Intrapriżi ż-Żgħar ta' April 2007.

4.7

Fost id-dispożizzjonijiet li jistgħu jkunu l-iktar adegwati jista' jkun hemm:

—

Kodiċi ta' kondotta għall-awtoritajiet pubbliċi responsabbli mill-għoti ta' kuntratti, li tiżviluppa l-interess li tinfetaħ il-possibilità għall-iktar SMEs żgħar biex jipparteċipaw fl-għoti ta' kuntratti ta' akkwist pubbliku, u prattiki tajba għas-semplifikazzjoni u d-dematerjalizzazzjonital-proċeduri.

—

Mekkaniżmi Ewropej uniċi bħalma hu l-brevett Komunitarju jew l-Istatut Ewropew ta' l-intrapriżi żgħar u ta' daqs medju (Iniżjattiva proprja tal-Kumitat Ekonomiku u Soċjali Ewropew dwar “L-aċċess ta' l-SMEs għal statut tal-liġi Ewropea”, 21 ta' Marzu 2002) li għandhom l-għan li jissemplifikaw il-qafas ġuridiku ta' l-Unjoni Ewropea u li jaffermaw “identità Ewropea” għall-intrapriżi.

—

It-tisħiħ tad-Direttiva dwar dewmien fil-pagamenti, kif jesiġi l-KESE (6).

—

Jiġu żviluppati u appoġġjati sistemi ta' tagħrif u ta' medjazzjoni dwar l-akkwist pubbliku transkonfinali, in-netwerking ta' l-intrapriżi kemm billi jintuża b'mod effiċjenti n-netwerk Ewropew il-ġdid EIN (Intrapriżi, Ewropa, Netwerk), kif ukoll billi jkunu appoġġjati l-inizjattivi lokali ta' l-assoċjazzjonijiet ta' l-SMEs.

—

Ikunu appoġġjati proġetti pilota relatati ma' l-akkwist elettroniku, in-netwerking ta' l-intrapriżi, portali ta' tagħrif u uffiċċji uniċi dwar il-kuntratti pubbliċi transkonfinali bbażati fuq l-istrutturi eżistenti u rrikonoxxuti mill-atturi ekonomiċi.

—

Titwaqqaf skema ta' inġinerija finanzjarja favur il-parteċipazzjoni ta' l-SMEs fil-kuntratti pubbliċi taħt forma ta' fondi ta' garanzija u ta' pleġġ u assigurazzjonijiet tal-kreditu u jintużaw il-Fondi Strutturali Ewropej għal dan il-għan.

—

Jitniedu programmi Ewropej ta' taħriġ u dimostrazzjoni għall-SMEs favur l-effiċjenza fl-użu ta' l-enerġija u l-ħarsien ta' l-ambjent (b'mod partikolari fis-settur tal-kostruzzjoni). Din id-dispożizzjoni l-ġdida tista' tibbenefika mill-fondi Ewropej li ma jkunux intużaw li kull sena jingħataw lura lill-Istati Membri.

—

Jiġu estiżi l-mekkaniżmi biex jiffavorixxu l-parteċipazzjoni ta' l-SMEs fl-azzjonijiet u l-programmi ta' riċerka ta' l-Unjoni Ewropea (sussidji marbuta mal-fattibilità u r-riċerka kooperattiva) u l-Istati Membri jkunu inkoraġġiti jwaqqfu mekkaniżmi identiċi għall-pjan nazzjonali, b'mod partikolari fis-setturi marbuta mat-teknoloġiji l-ġodda inklużi d-difiża u s-saħħa.

—

Fl-aħħarnett, għandhom jiġu riveduti l-proċeduri ta' konsultazzjoni u evalwazzjoni tal-Kummissjoni Ewropea li ħafna drabi jinjoraw r-realtà tal-fibra ekonomika Ewropea magħmula, fil-biċċa l-kbira, minn SMEs: jissaħħu l-evalwazzjonijiet ta' l-impatt fuq l-SMEs; jeħtieġ li wieħed jirrikorri b'mod iktar sistematiku għall-KESE għal opinjonijiet esploratorji, u jistrieħ iktar fuq l-organizzazzjonijiet rappreżentattivi tas-soċjetà ċivili.

—

Jissaħħaħ kemm l-irwol tan-netwerk EIN (Ewropa, Intrapriżi, Netwerk) li huwa magħmul minn iktar minn 600 mekkaniżmu installati fi strutturi lokali rikonoxxuti mill-atturi ekonomiċi lokali fl-Unjoni Ewropea, kif ukoll l-organizzazzjonijiet ta' l-intrapriżi eżistenti sabiex ikun żviluppat netwerk tassew Ewropew ta' twissija, ta' medjazzjoni u ta' appoġġ għall-intrapriżi żgħar u ta' daqs medju.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/35

—

Proposta għal regolament tal-Parlament Ewropew u tal-Kunsill li jadatta d-Deċiżjoni 1999/468/KE tal-Kunsill, hekk kif emendata bid-Deċiżjoni 2006/512/KE, ta' ċerti atti suġġetti għall-proċedura stabbilita fl-Artikolu 251 tat-Trattat, b'rabta mal-proċedura regolatorja bi skrutinju — L-Ewwel Parti

—

Proposta għal regolament tal-Parlament Ewropew u tal-Kunsill li jadatta d-Deċiżjoni tal-Kunsill 1999/468/KE, hekk kif emendata bid-Deċiżjoni 2006/512/KE, ta' ċerti atti suġġetti għall-proċedura stabbilita fl-Artikolu 251 tat-Trattat, b'rabta mal-proċedura regolatorja bi skrutinju — Adattament tal-proċedura regolatorja bi skrutinju — It-Tieni Parti

—

Proposta għal regolament tal-Parlament Ewropew u tal-Kunsill li jadatta d-Deċiżjoni tal-Kunsill 1999/468/KE, hekk kif emendata bid-Deċiżjoni 2006/512/KE, ta' ċerti atti suġġetti għall-proċedura stabbilita fl-Artikolu 251 tat-Trattat, b'rabta mal-proċedura regolatorja bi skrutinju — Adattament tal-proċedura regolatorja bi skrutinju — It-Tielet Parti

—

Proposta għal regolament tal-Parlament Ewropew u tal-Kunsill li jadatta d-Deċiżjoni tal-Kunsill 1999/468/KE, hekk kif emendata bid-Deċiżjoni 2006/512/KE, ta' ċerti atti suġġetti għall-proċedura stabbilita fl-Artikolu 251 tat-Trattat, b'rabta mal-proċedura regolatorja bi skrutinju — Adattament tal-proċedura regolatorja bi skrutinju — Ir-Raba' Parti

1.1

Il-Kumitat jilqa' b'sodisfazzjon l-introduzzjoni tal-proċedura regolatorja bi skrutinju tas-sistema tal-komitoloġija u l-armonizzazzjoni, għal din il-proċedura, ta' l-erba' pakketti ta' direttivi u ta' regolamenti proposti

1.2

Il-Kumitat jinnota li l-proposta tal-Kummissjoni biex temenda ċerti atti (1) b'urġenza, tikkonforma mad-deċiżjoni 2006/512/KE u mad-dikjarazzjoni konġunta kemm dwar il-lista ta' atti li jridu jiġu adattati kemm jista' jkun malajr, kif ukoll it-tneħħija tar-restrizzjoni ta' żmien fir-rigward ta' l-eżercizzju tas-setgħa ta' implimentazzjoni li għandu x'jaqsam mal-Kummissjoni.

1.3

Il-Kumitat jirrakkomanda li jipproċedi għall-adozzjoni, tar-regolamenti ta' armonizzazzjoni mad-deċiżjoni 2006/512/KE fi żmien adegwat, qabel d-dħul fis-seħħ tat-Trattat ta' Lisbona.

1.4

Fil-fatt, il-Kumitat ifakkar li t-Trattat ta' Lisbona jintroduċi ġerarkija ġdida ta' normi permezz ta' distinzjoni bejn atti leġislattivi, atti delegati u atti eżekuttivi, b'poteri ndaqs tal-Parlament u tal-Kunsill, fir-rigward tad-definizzjoni tal-modalitajiet ta' kontroll ta' dawn l-atti.

1.5

Il-Kumitat jenfasizza l-importanza ta':

1.6

Il-Kumitat itenni l-importanza li l-proċeduri ta' komitoloġija jkunu kemm jista' jkun ċari u komprensibbli għall-persuni residenti fl-UE, b'mod partikolari għal dawk il-persuni milqutin direttament minn dawn l-atti.

1.7

Il-Kumitat ifakkar li tenħtieġ applikazzjoni sħiħa ta' l-Artikolu 8(a) tat-Trattat ta' Lisbona, li jistipula li d-deċiżjonijiet jittieħdu kemm jista' jkun qrib iċ-ċittadini, u jiggarantixxi l-aċċess sħiħ għall-informazzjoni miċ-ċittadini u mis-soċjetà ċivili.

1.8

Fl-aħħarnett, il-Kumitat jitlob, li jitqies l-impatt ta' l-appikazzjoni tal-proċedura l-ġdida, bil-preżentazzjoni, lill-Parlament, lill-Kunsill u lill-Kumitat, ta' rapport perjodiku dwar l-effikaċja, iċ-ċarezza u t-tixrid ta' l-informazzjoni.

2.1

Fis-17 ta' Lulju 2006 (2), il-Kumitat emenda d-deċiżjoni dwar il-modalitajiet ta' eżercizzju tas-setgħa ta' implimentazzjoni mogħtija lill-Kummissjoni (3), biż-żieda ta' proċedura ġdida: il-proċedura regolatorja bi skrutinju. Permezz ta' din il-proċedura, il-leġislatur ikun jista' jopponi l-adozzjoni ta' miżuri “psewdo-leġislattivi”, jiġifieri miżuri ta' ambitu ġenerali, bl-għan li tbiddel elementi mhux essenzjali b'att bażiku adottat skond il-proċedura ta' ko-deċiżjoni, kemm-il darba hu jqis li l-proġett ta' miżuri jeċċedi s-setgħa ta' implimentazzjoni stipulata mill-att bażiku, jew jekk il-proġett ma jkunx kompatibbli ma' l-għan jew il-kontenut ta' l-att bażiku, jew ma jirrispettax il-prinċipji ta' sussidjarjetà jew ta' proporzjonalità.

2.2

Dan hu provvediment tipiku tal-proċess ta' komitoloġija, li permezz tiegħu jitfasslu l-proċeduri li bihom il-Kummissjoni, skond l-Artikolu 202 tat-Trattat tal-KE, teżerċita l-poteri delegati lilha, għall-implimentazzjoni ta' l-atti “leġislattivi” Komunitarji, jiġifieri dawk l-atti li ġew adottati mill-Parlament u l-Kunsill, jew mill-Kunsill biss, skond waħda mill-proċeduri deċiżjonali stipulati fit-Trattat tal-KE (konsultazzjoni, kodeċiżjoni, kooperazzjoni, kunsens).

2.3

Il-ħames proċeduri ta' komitoloġija (konsultazzjoni, ġestjoni, regolatorja, regolatorja bi skrutinju u protezzjoni), huma regolati mid-deċiżjoni tal-Kunsill 1999/468/KE, emendata mid-deċiżjoni 2006/512/KE, u jistipulaw l-obbligu tal-Kummissjoni li tressaq il-proġetti ta' miżuri ta' implimentazzjoni lill-kumitati magħmulin minn funzjonarji ta' l-amministrazzjonijiet nazzjonali.

2.4

Il-Parlament Ewropew, il-Kunsill u l-Kummissjoni adottaw dikjarazzjoni konġunta (4) f'Ottubru 2006, fejn elenkaw numru ta' atti li diġà daħlu fis-seħħ, li riedu jiġu emendati b'urġenza minħabba l-proċedura l-ġdida, u jilqgħu b'sodisfazzjon l-adozzjoni tad-deċiżjoni tal-Kunsill 2006/512/KE, li tistabbilixxi ż-żieda fid-Deċiżjoni 1999/468/KE ta' proċedura ġdida — magħrufa bħala “proċedura regolatorja bi skrutinju” — li tippermetti lill-leġislatur jeżerċita kontroll fuq l-adozzjoni tal-miżuri “kważi leġislattivi” ta' implimentazzjoni ta'att adottat b'ko-deċiżjoni.

2.5

Il-Parlament u l-Kunsill jirrikonoxxu li, mingħajr ħsara għall-prerogattivi ta' l-awtoritajiet leġislattivi, il-prinċipji ta' leġislazzjoni tajba jitolbu li s-setgħa ta' implimentazzjoni tiġi mogħtija mill-Kummissjoni mingħajr restrizzjoni ta' żmien. Madankollu, f'każ li jkun jenħtieġ adattament, huma jaħsbu li l-użu ta' klawżola li titlob lill-Kummissjoni tressaq proposta ta' reviżjoni jew annullament tad-direttivi, marbuta mad-delega tas-setgħa ta' implimentazzjoni, tista' ssaħħaħ il-kontroll imħaddem mill-leġislatur.

2.6

Sa mid-dħul fis-seħħ tagħha, il-proċedura l-ġdida tapplika għall-miżuri “kważi leġislattivi”, stipulati fl-atti li ser jiġu adottati skond il-proċedura ta' kodeċiżjoni, inkluż dawk stipulati fl-atti u li ser jiġu adottati fil-futur, fis-settur tas-servizzi finanzjarji (atti “Lamfalussy” (5)).

2.7

Bil-maqlub ta' dan, sabiex il-proċedura l-ġdida tkun applikabbli għall-atti adottati b'ko-deċiżjoni u li diġà qegħdin fis-seħħ, dawn iridu jiġu adattati skond il-proċeduri applikabbli, sabiex jibdlu l-proċedura ta' l-Artikolu 5 tad-deċiżjoni 1999/468/KE, bil-proċedura regolatorja bi skrutinju, kemm-il darba jkun hemm miżuri li jidħlu fl-ambitu ta' l-applikazzjoni.

2.8

F'Diċembru 2006, il-Kummissjoni adottat il-25 proposta (6) li fuqhom il-Kumitat diġà kellu opportunità li jitkellem (7).

2.8.1

Meta att bażiku adottat skond il-proċedura ta' l-Artikolu 251 tat-Trattat li tistipula l-adozzjoni ta' miżuri ta' ambitu ġenerali, maħsuba biex jemendaw elementi mhux essenzjali ta' l-att imsemmi, anke bit-tneħħija ta' wħud minn dawn l-elementi, jew biex isaħħuħ biż-żieda ta' elementi ġodda mhux essenzjali, dawn il-miżuri jiġu adottati skond il-proċedura regolatorja bi skrutinju.

2.8.2

Ir-rappreżentant tal-Kummissjoni jressaq proġett fuq il-miżuri li għandhom jiġu adottati quddiem kumitat regolatorju bi skrutinju, magħmul mir-rappreżentanti ta' l-Istati Membri u mmexxi minn rappreżentant tal-Kummissjoni.

2.8.3

F'każ li l-miżuri stipulati jkunu konformi ma' l-opinjoni tal-kumitat, għandha tiġi applikata l-proċedura li jmiss:

2.8.4

F'każ li l-miżuri stipulati mill-Kummissjoni ma jkunux konformi ma' l-opinjoni tal-kumitat, jew fin-nuqqas ta' opinjoni, għandha tiġi applikata l-proċedura li jmiss:

2.9

Il-proposti ta' regolament attwali huma kawża tal-ħtieġa li jiġu adattati l-atti li diġa' ġew adottati, skond il-proċedura ta' l-Artikolu 251 tat-Trattat, fir-rigward tal-proċeduri applikabbli għall-agrikoltura, ix-xogħol, l-għajnuna umanitarja, il-politika imprenditorjali, l-ambjent, l-istatistiċi Ewropej, is-suq intern, is-saħħa u l-ħarsien tal-konsumaturi, l-enerġija u t-trasport u s-soċjetà ta' l-informazzjoni.

3.1

Il-proposti tal-Kummissjoni jittrattaw il-modifiki għar-regolamenti u d-direttivi (8) suġġetti għall-proċedura skond l-Artikolu 251 tat-Trattat, biex dawn jiġu adattati għall-proċeduri l-ġodda maħluqa bid-deċiżjoni tal-Kunsill 1999/468/KE u emendati mid-Deċiżjoni 2006/512/KE.

3.2

Ġeneralment dan ifisser li jitkomplew l-adattamenti u l-aġġornamenti meħtieġa, b'konformità mal-prijoritajiet tal-politika Komunitarja fi kwistjonijiet ta' regolamentazzjoni (9) aħjar, sabiex isseħħ applikazzjoni xierqa ta' dan l-att partikolari b'konformità ma' l-Artikolu 251 tat-TKE.

4.1

Il-Kumitat, fid-dawl tat-Trattat ta' Lisbona, jappoġġja bis-sħiħ id-distinzjoni bejn l-istrumenti leġislattivi u ta' implimentazzjoni li ser twassal għal definizzjoni ġdida ta' l-atti delegati, billi jippermetti is-semplifikazzjoni u r-razzjonalizzazzjoni tal-produzzjoni leġislattiva u regolatorja Komunitarja (10), biż-żamma ta' sistema ta' skrutinju parlamentari demokratiku tas-setgħa ta' implimentazzjoni tal-Kummissjoni.

4.2

Għalhekk il-Kumitat, hu favur l-introduzzjoni tal-proċedura regolatorja bi skrutinju fis-sistema tal-komitoloġija, li tippermetti lill-Kunsill u lill-Parlament Ewropew li jikkontrollaw, u eventwalment jemendaw, ir-regolamenti ta' implimentazzjoni adottati mill-Kummissjoni, meta l-att leġislattiv jirrikonoxxi d-dritt tal-Kummissjoni li teżerċità s-setgħa ta' implimentazzjoni f'xi setturi, iżda mingħajr ma jagħtiha d-dritt li twettaq emendi radikali.

4.3

Il-Kumitat jirrakomanda li jipproċedi, fi żmien adegwat, għall-adozzjoni, tar-regolamenti ta' armonizzazzjoni ta' l-erba' pakketti ta' direttivi u regolamenti, skond kif stipulat mid-deċiżjoni 2006/512/KE fi żmien adegwat, qabel id-dħul fis-seħħ tat-Trattat ta' Lisbona.

4.4

Fil-fatt, il-Kumitat ifakkar li t-Trattat ta' Lisbona nieda ġerarkija ġdida ta' normi permezz ta' distinzjoni bejn l-atti leġislattivi, l-atti delegati u l-atti ta' implimentazzjoni (11), għalkemm żamm it-terminoloġija attwali (direttivi, regolamenti u deċiżjonijiet): il-Parlament u l-Kunsill ser ikollhom l-istess poteri fir-rigward tad-definizzjoni tal-modalitajiet ta' skrutinju ta' l-atti delegati u ta' l-atti ta' implimentazzjoni (komitoloġija) (12).

4.5

Il-Kumitat jenfasizza l-importanza ta':

4.6

Il-Kumitat jerġa jtenni l-istqarrija li l-proċeduri tal-kumitat, li jinkludu biss ir-rappreżentanti tal-Kummissjoni u taż-żgħażagħ ta' l-Istati Membri u li, skond it-tip ta' kumitat maħluq, huma mmirati lejn il-ġestjoni, il-konsultazzjoni jew ir-regolamentazzjoni li joħorġu mis-segwitu ta' l-applikazzjoni ta' l-atti leġislattivi, għandhom ikunu aktar ċari u komprensibbli għall-persuni residenti fl-UE u b'mod partikolari l-persuni effetwati direttament minn dawn l-atti (13).

4.7

F'dan ir-rigward il-Kumitat ifakkar li tenħtieġ applikazzjoni sħiħa ta' l-Artikolu 8(a) tat-Trattat ta' Lisbona li jistipula li d-deċiżjonijiet jittieħdu kemm jista' jkun qrib taċ-ċittadini, b'garanzija ta' l-akbar ċarezza u aċċessibbiltà ta' l-atti komunitarji għaċ-ċittadini u għas-soċjetà ċivili kollha.

4.8

Fl-aħħarnett, fl-opinjoni tal-KESE, jenħtieġ li jitqies l-impatt ta' l-applikazzjoni tal-proċedura l-ġdida, bil-preżentazzjoni, lill-Parlament, lill-Kunsill u lill-Kumitat, ta' rapport perjodiku dwar l-effikaċja, iċ-ċarezza u t-tixrid ta' informazzjoni user-friendly u aċċessibbiltà għal kulħadd ta' l-atti komunitarji delegati sabiex jkun jista' jitwettaq monitoraġġ ta' dan l-eżerċizzju li jiġbor flimkien r-regolamentizzazzjoni u implimentazzjoni reali u xierqa.

—

Fl-ewwel livell hemm l-attività leġislattiva (l-adozzjoni ta' regolamenti jew direttivi skond il-proċedura ta' ko-deċiżjoni). F'din il-fażi, fir-rigward tas-settur tal-proprjetà, il-Kummissjoni, qabel ma tippreżenta l-proposti leġislattivi partikolari tikkonsulta mal-Kumitat tat-Titoli ewropej (ESC), li hu magħmul minn rappreżentanti ta' kull Stat Membru.

—

Fit-tieni livell jidħlu d-direttivi ta' implimentazzjoni mfassla mill-Kummissjoni, fuq il-bażi tad-delega inkluża fl-att leġislattiv, b'konformità mal-proċedura regolatorja (issa l-proċedura regolatorja bi skrutinju). F'din il-fażi il-Kummissjoni, fuq parir ta-Kumitat tar-Regolaturi tat-Titoli Ewropej (CESR), magħmul mir-rappreżentanti ta' l-awtoritajiet regolatorji u ta' viġilanza nazzjonali fis-settur, tfassal proġett ta' miżuri ta' implimentazzjoni u tressaqhom lill-Kumitat tat-Titoli Ewropew, li jagħti l-opinjoni tiegħu.

—

F'dak li għandu x'jaqsam is-settur tal-proprjetà, it-tielet livell deċiżjonali jikkonsisti fil-koordinazzjoni, b'mod informali fi ħdan is-CESR, ta' l-attivitajiet ta' l-awtoritajiet regolatorji u ta' viġilanza nazzjonali fuq it-titoli, sabiex jiżgura għarfien uniformi u koerenti tad-direttivi adottati fl-ewwel żewġ livelli;

—

Fl-aħħarnett, fir-raba' livell deċiżjonali, insibu l-attività ta' implimentazzjoni leġislattiva u amministrattiva tan-normi komunitarji mill-Istati Membri u l-iskrutinju ta' l-Unjoni Ewropea.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/39

30.8.2008   

MT

Il-Ġurnal Uffiċjali ta’ l-Unjoni Ewropea

C 224/39

1.1

Il-KESE jaħseb li politika dwar il-mobilità urbana għandha tagħmel bħala prijorità l-ippjanar urban, is-soċjetà ta' l-informazzjoni u t-teknoloġiji ta' l-informazzjoni, il-prattika tajba, b'mod speċjali li tinvolvi l-ħolqien ta' żoni pubbliċi għal dawk li jimxu u għaċ-ċiklisti, u approċċ integrat lejn l-infrastruttura.

1.2

Il-KESE joffri l-appoġġ tiegħu lill-Kummissjoni u jittama li ssaħħaħ il-miżuri Komunitarji favur il-mobilità, b'mod partikulari li jsir prijorità it-trasport pubbliku b'livell għoli ta' kwalità u ħarsien għall-passiġġieri, u l-promozzjoni ta' l-użu tar-rota u l-mixi.

1.3

Dan għandu jirrikjedi li l-bliet jiġu ppjanati b'mod xieraq u kumpatt u li tiġi ristretta d-domanda għal trasport motorizzat privat, fuq il-bażi ta' pjanar spazjali u urban konsistenti u razzjonali.

1.4

Il-KESE jaħseb li mingħajr ma jitqies kwalunkwe tip ieħor ta' miżura adottata, id-Direttiva 85/377/KEE u d-Direttiva 2001/42/KE għandhom jiġu emendati skond kif imfisser f'din l-opinjoni.

1.5

Il-KESE jappoġġja l-użu ta' “xirjiet ambjentali” għall-akkwisti li jirrelataw ma' infrastruttura ffinanzjata minn programmi Ewropej, u jitlob għat-tneħħija ta' ostakoli eżistenti.

1.6

Il-ħolqien ta' Osservatorju Ewropew tal-Mobilità Urbana Sostenibbli għandu joħloq il-valur miżjud, peress li jkun qed jiġbor data u jiffaċilita l-iskambju ta' esperjenzi.

1.7

Il-KESE jemmen li għandu jkun hemm leġislazzjoni ġenerali fil-livell Ewropew għall-armonizzazzjoni ta' kriterji għall-kalkolu ta' ħlasijiet u data statistika.

2.1

Fis-snin li għaddew, il-volum tat-traffiku fiż-żoni urbani u f'dawk ta' madwarhom b'mod ġenerali żdied ħafna u f'ħafna każijiet saret bidla drammatika fl-hekk imsejħa qasma modali (modal split): il-vjaġġi qegħdin isiru dejjem aktar bil-karozza, u b'mod relattiv jew assolut dejjem inqas bit-trasport pubbliku.

2.2

Fl-2006, meta ppreżentat ir-reviżjoni ta' nofs it-term tagħha dwar il-White Paper dwar it-Trasport (1), il-Kummissjoni Ewropea ħabbret l-intenzjoni tagħha li tfassal Green Paper dwar it-trasport urban. Mexxiet konsultazzjoni pubblika wiesgħa f'dawn l-aħħar xhur, fejn il-KESE esprima l-fehmiet tiegħu (2).

2.2.1

Il-KESE jaħseb li azzjoni Komunitarja fil-qasam tal-mobilità urbana hija meħtieġa u għandha tkun utli, u li l-adozzjoni ta' deċiżjonijiet fil-livell Komunitarju (3) toffri valur miżjud Ewropew li jista' jkopri firxa wiesgħa ta' miżuri kemm li jorbtu kif ukoll li ma jorbtux.

3.1

Il-proċess ta' konsultazzjoni li sar mill-Kummissjoni kkonferma ċerti aspettattivi qawwija għall-formulazzoni ta' politika Ewropea tal-mobilità urbana ġenwina.

3.2

Tibdil fil-mod kif titqies il-mobilità urbana jinvolvi l-ottimizzazzjoni ta' l-użu tal-mezzi varji kollha ta' trasport u l-organizzazzjoni tal-“ko-modalità” bejn il-mezzi differenti ta' trasport kollettiv (ferrovija, tram, metro, tal-linja, taxi) u l-mezzi differenti ta' trasport individwali (karozza, rota, bil-mixi, eċċ.).

3.3

Il-mobilità urbana hija rikonoxxuta bħala faċilitatur importanti tat-tkabbir u l-impjieg b'impatt qawwi fuq l-iżvilupp sostenibbli fl-UE.

3.4

Valur miżjud Ewropew jista' jieħu għamliet differenti: il-promozzjoni ta' l-iskambju ta' prattika tajba fil-livelli kollha (lokali, reġjonali jew nazzjonali); jirfed it-twaqqif ta' standards komuni u l-armonizzazzjoni ta' standards jekk ikun hemm il-bżonn; joffri appoġġ finanzjarju lil dawk li l-iktar ikollhom bżonn tali appoġġ; jinkoraġġixxi r-riċerka, li l-applikazzjonijiet tagħha jistgħu jippermettu li jsir titjib fis-sikurezza tal-mobilità u fl-ambjent; is-semplifikazzjoni tal-leġislazzjoni, u f'xi każijiet, it-tneħħija ta' leġislazzjoni eżistenti jew l-adozzjoni ta' leġislazzjoni ġdida.

3.5

Il-Green Paper, permezz ta' 25 mistoqsija, tittratta dwar kif għandna niffaċċjaw l-isfidi tal-ħolqien ta' bliet bi fluss liberu, bliet iktar ambjentali, iktar intelliġenti, bi trasport urban iktar aċċessibbli u sikur, u kultura ġdida ta' mobilità urbana u r-riżorsi meħtieġa sabiex dan jintlaħaq. Minkejja dan, il-Kummissjoni ma tressaqx firxa ta' miżuri speċifiċi vertikali u orizzontali għat-trasport urban.

4.1.1

Il-KESE jaħseb li tista' titwaqqaf skema ta' tikkettar, li tqis is-sistemi attwali u turi kompatibilità magħhom.

4.1.2

Fil-livell Komunitarju, ikun utli jekk il-Kummissjoni kellha tistipola indikaturi għall-prestazzjoni, l-ippjanar, u l-iżvilupp, u b'hekk toħloq qafas armonizzat ta' referenza.

4.1.3

Jistgħu jitwaqqfu tikketti ta' kwalità fuq bażi volontarja, minflok inċentivi, bħal dawk fil-qasam tal-politika tat-turiżmu.

4.1.4

Fil-każijiet kollha, is-sistemi li jitwaqqfu għandhom ikunu bbażati fuq kriterji oġġettivi u trasparenti, u għandhom jiġu evalwati b'mod regolari, u jekk ikun xieraq, riveduti u pubbliċizzati b'mod suffiċjenti.

4.2.1

Meta wieħed iqis il-proporzjon ta' trasport li huma jirrappreżentaw, il-mixi u ċ-ċikliżmu ma jistgħux jiġu kkunsidrati bħala alternattivi għall-użu ta' vetturi privati, sakemm id-dar u l-post tax-xogħol ikunu qrib ħafna ta' xulxin u l-kundizzjonijiet tat-temp ikunu favorevoli. Barra minn hekk, iċ-ċikliżmu m'huwiex attività universali peress li jeskludi kull min għandu mobilità mnaqqsa jew diżabilitajiet, il-minorenni u l-anzjani. Minkejja dan, b'konnessjoni mat-trasport pubbliku, il-mixi u ċ-ċikliżmu jistgħu jkunu alternattivi vijabbli f'xi bliet.

4.2.2

Muniċipalitajiet għandhom ifasslu pjanijiet tat-trasport urban sostenibbli, li jinkludu korsiji għaċ-ċiklisti, bl-objettiv li jorbot li ssir bidla b'suċċess għal mezz tat-trasport li jirrispettaw l-ambjent u li jilħqu r-rekwiżiti minimi Ewropej (li għad iridu jiġu stabbiliti). Dawn il-pjanijiet għandhom jindirizzaw sitwazzjonijiet li jipperikolaw is-sikurezza ta' min qed jimxi kif ukoll ifittxu biex jevitaw konflitti mal-modi tat-trasport differenti.

4.2.3

Għal dan il-għan, għandha tiġi introdotta mira kwantitattiva sabiex jiżdied il-proporzjon ta' trasport rappreżentat mit-trasport pubbliku tal-passiġġieri, miċ-ċikliżmu u mill-mixi. In-nuqqas li jitfasslu pjanijiet bħal dawn jista' jirriżulta fit-telfien ta' l-eliġibilità għal għajnuna finanzjarja mill-fondi Komunitarji. Il-Kummissjoni għandha tivverifika wkoll l-informazzjoni li jkun fihom dawn il-pjanijiet fir-rigward taż-żoni ħodor u l-korsiji għaċ-ċiklisti.

4.3.1

Soluzzjonijiet possibbli jiddipendu ħafna fuq id-daqs (l-erja u l-popolazzjoni) tal-belt, waqt li jitqies li t-tniġġis jirriżulta wkoll minn nuqqasijiet fl-ippjanar ta' l-użu ta' l-art, mhux biss mit-trasport.

4.3.2

Nikkunsidraw il-problema u s-soluzzjonijiet potenzjali għaliha permezz ta' l-użu ta' l-art u l-ippjanar urban; nipprovdu parkeġġi pubbliċi għall-karozzi fuq rotot ta' aċċess għall-ibliet; netwerk arterjali ta' korsiji riżervati għat-trasport pubbliku konnessi ma' mezzi differenti ta' trasport (parkeġġi għall-karozzi, ferrovija u metro), permezz tal-bini ta' inter-skambji li jħeġġu l-intermodalità sabiex jiġu faċilitati t-trasferimenti, u t-titjib tal-kwalità tas-servizz sabiex ikun żgurat li t-trasport pubbliku huwa attraenti għall-utenti.

4.3.3

Fir-rigward tat-trasport tal-merkanzija, il-Kummissjoni għandha tippromwovi l-iskambju ta' l-aħjar prattiki fil-qasam tal-loġistika urbana, bħal fil-belt Taljana ta' Siena fejn l-awtorizzazzjoni għat-trasport tal-merkanzija tingħata biss fuq bażi temporanja.

4.4.1

Permezz tat-twaqqif ta' politika tat-taxxa għat-trasport li tippromwovi x-xiri u l-użu ta' teknoloġiji ġodda li jistgħu jnaqqsu t-tniġġis u jżidu t-tifdil ta' l-enerġija.

4.4.2

Permezz tal-ġbir ta' informazzjoni dwar il-kondotta ambjentali tal-bliet: il-kalkolu ta' l-emissjonijiet tat-trasport għal kull abitant, u kampanji annwali sabiex jiġu pubbliċizzati r-riżultati.

4.5.1

Bl-impożizzjoni ta' l-użu tax-“xiri ekoloġiku” għall-akkwist relatat ma' l-infrastruttura ffinanzjata minn programmi Ewropej u t-tneħħija ta' l-ostakoli attwali (4).

4.5.2

Fil-livell Komunitarju, standards komuni għandhom jiġu definiti u, fejn ikun neċessarju, armonizzati.

4.6.1

Il-KESE jemmen li l-aċċess għal dawn iż-żoni jista' jitnaqqas b'mod sinifikattiv. Madankollu, hemm bżonn ta' armonizzazzjoni sabiex jiġi evitat li leġislazzjoni differenti ma tostakolax il-moviment ħieles ta' persuni u xxekkel b'mod mhux neċessarju l-mobilità urbana.

4.7.1

Is-sewqan ekoloġiku għandu jkun kopert minn programmi ta' taħriġ obbligatorji estiżi kif jixraq għall-kwalifikazzjoni inizjali u ulterjuri tas-sewwieqa, u bl-istabbiliment ta' konċessjonijiet fuq it-taxxa għal kumpaniji li jieħdu passi sabiex jimmonitorjaw u jkejlu s-sewqan. Id-Direttiva dwar it-taħriġ tas-sewqan tista' tiġi emendata sabiex tinkludi dawn il-kriterji.

4.8.1

Iva, fir-rigward is-sikurezza fuq il-vettura, il-ħinijiet ta' stennija u ta' tranżitu, l-imġiba tal-passiġġieri f'emerġenzi, u l-għażliet u l-kundizzjonijiet attwali tat-trasport.

4.9.1

L-applikazzjonijiet ITS varji għandhom ikunu kompletament kompatibbli sabiex teknoloġiji differenti jkunu jistgħu jintużaw, b'mod partikulari fir-rigward ta' dokument tat-trasport, u b'hekk jiġu faċilitati trasferimenti u jitjiebu l-ħinijiet ta' aċċess għat-trasport, u b'hekk iwasslu għal vjaġġi iktar mgħaġġla bit-trasport pubbliku. Huwa importanti għall-ITS li tappoġġja titjib teknoloġiku, sabiex ma jsirux skaduti malajr u sabiex l-ispiża tagħhom tkun tista' tiġi mifdija.

Il-KESE jaħseb li teknoloġiji ta' l-informazzjoni u tal-komunikazzjoni għandhom jintużaw sabiex jitjieb it-traffiku u l-organizzazzjoni tat-trasport.

4.10.1

Permezz tal-pubblikazzjoni ta' katalogu diġitali ta' prattiki tajba ta' l-ITS, li jiġi aġġornat regolarment u jista' jiġi kkonsultat online.

4.11.1

Bil-ħolqien ta' korpi li jikkoordinaw is-servizzi differenti tat-trasport pubbliku, l-istabbiliment ta' sistemi ta' integrazzjoni tan-nollijiet, u l-ħtieġa ta' l-aħjar tagħmir tat-trasport (l-iktar ekoloġiku u xierqa għal persuni b'mobilità mnaqqsa), li tiżdied il-frekwenza tal-vjaġġi sabiex jitnaqqas il-ħin meta l-passiġġieri jkollhom jistennew, il-bini ta' pjattaformi mmirati għal tal-linja (sikurezza mtejba, iktar kumdità u ħeffa, iktar effiċjenza fl-użu ta' l-enerġija li twassal għal inqas tniġġis), interskambji ta' bini sabiex jiġu faċilitati t-trasferimenti, it-titjib tat-taħriġ tal-professjonisti fis-settur, l-għoti ta' informazzjoni u t-tqajjim ta' kuxejnza fost l-utenti, il-forniment ta' infrastruttura għad-distribuzzjoni xierqa ta' traffiku f'tranżitu fil-bliet, il-provvediment ta' faċilitajiet tal-park and ride, u l-applikazzjoni ta' inċentivi sabiex l-użu tagħhom jitħeġġeġ, l-installazzjoni ta' sinjali xierqa għat-trasport pubbliku, il-ħolqien ta' postijiet xierqa fejn passiġġieri jistgħu jitilgħu u jinżlu mill-vetturi b'mod sikur.

4.11.2

Metodu wieħed li jista' jkun effettiv huwa li jiġi evalwat l-impatt li pjanijiet, programmi u proġetti speċifiċi jista' jkollhom fuq il-mobilità.

4.11.3

F'dan il-kuntest, ikun utli li wieħed jinnota s-sentenza tal-Qorti Ewropea tal-Ġustizzja (każ C-322-04) fir-rigward l-ommissjoni ta' l-evalwazzjoni ambjentali f'proġett għall-bini ta' ċentru kummerċjali u ta' rikreazzjoni f'żona urbana: kien il-volum stmat ta' passiġġieri li kienu se jkunu qed jaslu fiċ-ċentru permezz ta' vetturi privati li ddetermina l-impatt tiegħu fuq l-ambjent u l-ħtieġa għal evalwazzjoni.

4.11.4

Għalhekk, l-emenda tad-direttivi eżistenti tista' tinqasam fi tlieta:

4.11.4.1

Id-Direttiva 85/337/KEE dwar l-evalwazzjoni ta' l-effetti ta' ċerti proġetti pubbliċi u privati dwar l-ambjent tistabbilixxi, fl-Anness III, il-kriterji li l-Istati Membri għandhom japplikaw sabiex jidditerminaw jekk ċerti proġetti għandhomx effett sinifikanti fuq l-ambjent.

Huwa propost li jiżdied inċiż ġdid għal dan l-ewwel punt ta' l-Anness III, li jsemmi t-tqassim tal-mappa ta' mobilità (in-numru previst ta' utenti ta' faċilitajiet, il-post ta' residenza, eċċ.).

4.11.4.2

It-tieni nett, fl-Anness IV, id-Direttiva tistabbilixxi l-informazzjoni li għandha tiġi inkluża fir-rapport ambjentali.

Il-KESE jipproponi:

Fl-aħħar, l-Anness III(1) u l-Anness IV(4) u (5) tad-Direttiva 85/337/KEE għandhom jiġu emendati kif ġie suġġerit.

4.11.4.3

It-tielet, fir-rigward id-Direttiva 2001/42/KE dwar l-evalwazzjoni ta' l-effetti ta' ċerti pjanijiet u programmi dwar l-ambjent, jistgħu jiddaħħlu affarijiet simili (kriterji obbligatorji u informazzjoni relatati mal-mobilità u l-mezzi tat-trasporti meħtieġa fir-rapport ambjentali). F'dan il-każ, jagħmel sens kieku li jiġu inklużi l-effetti tal-pjanijiet fuq il-mobilità, kif ġie suġġerit, b'mod speċifiku fl-Anness I(f) u l-Anness II(2).

4.12.1

Iva, din il-miżura hija essenzjali u għandha impatt qawwi fuq il-mobilità. Korsiji jew pjattaformi apposta jfissru aktar sikurezza u ħeffa, u inqas konġestjoni u konsum ta' l-enerġija, kif ukoll li l-passiġġieri jkunu iktar komdi. Din il-miżura tista' tgħin sabiex l-utenti ta' vetturi privati jikkonvinċu ruħhom jużaw it-trasport kollettiv.

4.13.1

It-tisħiħ tad-drittijiet tal-passiġġieri huwa essenzjali għall-iżgurar li l-mezzi kollha tat-trasport pubbliku jtejbu l-kwalità tas-servizz tagħhom (frekwenza, puntwalità, kumdità għal kull tip ta' utent, sikurezza, politika tan-nollijiet, eċċ.). Il-Kumitat iħeġġeġ li dan isir, u li jitqiesu l-karatteristiċi ta' kull mezz tat-trasport, b'mod partikulari dawk li jaqsmu l-infrastruttura.

4.13.2

Meta wieħed iqis il-firxa wiesgħa ta' leġislazzjoni li teżisti f'testi differenti u għal mezzi tat-trasport differenti, id-drittijiet kollha tal-passiġġieri fuq it-trasport pubbliku għandhom jinġiebu flimkien taħt “karta tad-drittijiet” waħdanija; l-iskop għandu jibqa' li din tiġi supplimentata mill-Istati Membri u permezz ta' l-awto-regolamentazzjoni bis-saħħa ta' kodiċi ta' kondotta (5), segwiti mill-parteċipanti ekonomiċi u s-soċjetà ċivili organizzata (korpi tal-konsumatur, korpi ambjentali, organizzazzjonijiet tan-negozju, trejdjunjins, eċċ.). Il-KESE jenfasizza l-importanza tad-djalogu bejn dawn il-korpi u l-kumpaniji tat-trasport pubbliku, b'mod partikulari, sabiex titjieb il-kwalità tas-servizz.

Għandha tittieħed azzjoni fil-livell Komunitarju sabiex jiġu riformulati u kkonsolidati d-drittijiet li diġà jeżistu fit-testi legali differenti, flimkien ma' azzjoni min-naħa ta' l-Istati Membri u organizzazzjonijiet tas-soċjetà ċivili. Il-KESE jenfasizza l-ħtieġa għal strumenti flessibbli u sempliċi sabiex jiġi żgurat li d-drittijiet tal-passiġġieri jiġu eżerċitati.

4.14.1

Il-pjanijiet għall-mobilità urbana f'żoni metropolitani għandhom ikopru kemm it-trasport tal-passiġġieri kif ukoll tal-merkanzija, sabiex ikun żgurat li l-loġistika tal-merkanzija tkun tista' topera mingħajr ma xxekkel il-mobilità tal-passiġġieri.

4.14.2

Għalhekk, in-numru ta' aġenti li jimmonitorjaw il-pjattaformi apposta għat-tagħbija u l-ħatt għandhom jiżdiedu.

4.14.3

Il-ħolqien ta' mekkaniżmi sabiex jiġu faċilitati u jitħaffu sistemi għar-rappurtar ta' ksur tal-liġi, sabiex il-vetturi li huma ħatja ta' ksur ikunu jistgħu jitneħħew kemm jista' jkun malajr mill-pjattaformi apposta, sabiex jerġgħu jkunu operattivi.

4.14.4

Il-ħolqien ta' mekkaniżmi effettivi sabiex persuni li jiksru l-liġi jiġu penalizzati, mit-tneħħija tal-vettura sal-ġbir effettiv ta' multi.

4.14.5

Kampanja ta' informazzjoni u kuxjenza pubblika sabiex ikun hemm aċċettazzjoni ġenerali u involviment fit-tilħiq ta' miri definiti, bħall-kisba tal-kooperazzjoni tal-kummerċanti lokali fil-monitoraġġ ta' pjattaformi apposa għat-tagħbija u l-ħatt, billi dawn jintwerew kif il-parkeġġ illegali f'dawn il-postijiet jista' jiżvantaġġa n-negozji tagħhom.

4.14.6

Restrizzjoni tal-ħin awtorizzat għall-waqfien fil-pjattaformi apposta għat-tagħbija u l-ħatt, iktar konformi mal-ħin li jittieħed għall-biċċa l-kbira ta' l-operazzjonijiet ta' tagħbija u ħatt. Jista' jkun possibbli li jintalab permezz speċjali sabiex jiżdied il-ħin awtorizzat għall-waqfien, sabiex ma jiġux imxekkla ċerti tipi ta' trasportazzjoni (per eżempju, il-ħatt ta'merkanzija) li jirrikjedu iktar ħin għat-tagħbija u l-ħatt. Barra minn hekk, jistgħu jiġu stabbiliti slots ta' ħin speċifiċi għat-tagħbija u l-ħatt.

(a)

koordinazzjoni bejn il-korpi differenti:

(b)

Koordinazzjoni ma' l-istrumenti ta' l-ippjanar:

4.16.1

Is-sikurezza fit-toroq: fil-livell Ewropew, il-promozzjoni ta' prattiki tajba u djalogu iktar intensiv u strutturat mal-partijiet interessati reġjonali u lokali u l-Istati Membri fuq teknoloġiji ġodda (b'mod partikulari l-ITS) sabiex titjieb is-sikurezza. Barra minn hekk, li jiżdied il-livell ta' taħriġ tas-sewqan għal professjonisti fl-industrija. L-istabbiliment ta' miżuri dissważivi għandu jiġi regolat ukoll sabiex jiġi evitat li każijiet transkonfinali ta' ksur tal-liġi tat-traffiku jibqgħu ma jiġux ippenalizzati.

4.16.2

Ħarsien personali: sabiex jiġu mħeġġa prattiki tajba, il-preżenza fiżika tal-pulizija fit-trasport pubbliku għandha tissaħħaħ, b'mod partikulari bil-lejl u fuq linji li jivvjaġġaw għal żoni fejn hemm livelli iktar għolja ta' taqlib soċjali u esklużjoni soċjali, u għandu jiżdied l-użu ta' teknoloġija ta' l-informazzjoni u informazzjoni dwar il-passiġġieri.

4.17.1

Billi titqajjem kuxjenza pubblika permezz ta' kampanji ta' l-edukazzjoni u ta' l-informazzjoni, b'mod partikulari dawk immirati lejn iż-żgħażagħ; u permezz ta' attivitajiet sabiex jiġi ġeneralizzat l-użu ta' mezzi awtomatiċi ta' infurzar fil-bliet għall-utenti kollha tat-toroq. B'mod ġenerali, il-KESE jaħseb li hija ta' importanza partikolari li jiġu adottati miżuri mmirati lejn it-tisħiħ ta' l-aspetti kulturali u ta' edukazzjoni ċivika tal-kwistjonijet kollha marbuta mal-mobilità urbana.

4.18.1

Skond ir-rekwiżiti aħħarija, dawn il-mezzi awtomatiċi dejjem għandhom ikunu mmirati lejn it-titjib tal-mobilità u l-ottimizzazzjoni tal-veloċità tal-vjaġġi. Prattiki tajba għandhom jitħeġġu sabiex tiżdied is-sikurezza, u għandu jitħeġġeġ ukoll l-użu ta' sistemi intelliġenti.

4.19.1

L-installazzjoni ta' sistemi ta' emerġenza ġodda msejsa fuq it-teknoloġija f'vetturi tat-trasport pubbliku, sabiex is-servizzi ta' l-emerġenza jkunu jistgħu jiġu avżati fil-każ ta' vandaliżmu jew inċidenti u sabiex jipprovdu informazzjoni dwar il-qagħda tal-vettura, u t-trasmissjoni ta' data tal-leħen u ta' l-imaġni li turi x'inhu jiġru ġewwa l-vettura.

4.19.2

Għandhom jiġi adottati miżuri adegwati sabiex tiġi evitata l-invażjoni tal-privatezza, li hija dritt fundamentali tal-bniedem.

4.20.1

Kultura ġdida għall-mobilità urbana ser tesiġi l-kooperazzjoni ta' l-istituzzjonijiet Ewropej u l-Istati Membri, ir-reġjuni u l-awtoritajiet lokali, flimkien ma' organizzazzjonijiet tas-soċjetà ċivili.

4.20.2

Osservatorju Ewropew dwar Mobilità Urbana Sostenibbli għandu jkun inizjattiva utli u għandu jġib valur miżjud, peress li jista' jiġbor id-data, jittraċċa tibdil fid-domanda għat-trasport u jiffaċilita l-iskambju ta' esperjenzi. Għandu jgħin ukoll sabiex itejjeb l-għarfien ta' problemi ta' mobilità u japplika politiki sabiex dawn jiġu solvuti.

Hemm il-ħtieġa għall-armonizzazzjoni ta' miżuri ta' evalwazzjoni urbana fil-livell Ewropew, u l-KESE għandu jilqa' t-twaħħid tal-kriterji f'dan il-qasam.

4.21.1

Billi t-titjib fil-mobilità urbana u l-bidla gradwali lejn faċilitajiet tat-trasport pubbliku li huma nodfa (konsum baxx tal-karburant, emissjonijiet baxxi) jsiru oġġettivi tal-fondi, u b'hekk jiġi żgurat dħul ikbar mill-investiment għal kull euro li jintnefaq.

Il-KESE huwa favur iż-żjieda fil-persentaġġ tal-fondi allokati għall-edukazzjoni u r-riċerka.

4.21.2

Kontribuzzjonijiet finanzjarji għandhom jitnaqqsu wkoll billi jiġu stabbiliti skali oġġettivi li jippermetti li tiġi magħżula l-iktar soluzzjoni kost-effettiva għall-Komunità, sabiex iċ-ċittadini jiġu provduti bi trasport ta' kwalità għolja bi prezz li jista' jintlaħaq. L-effiċjenza u l-konformità ma' l-obbligi tas-servizz pubbliku għandhom ikunu miri ewlenin.

4.22.1

Bl-esiġenza ta' l-inklużjoni ta' klawsoli ekoloġiċi f'kuntratti għal tagħmir relatati ma' proġetti ta' l-infrastruttura ffinanzjati minn programmi Ewropej.

4.22.2

Possibilità oħra għandha tkun li jiġu inklużi l-kriterji minn “Buying green. Manwal dwar l-akkwist pubbliku favur l-ambjent” [SEC (2004) 1050] f'dokument COM, biż-żieda ta' l-akkwist pubbliku favur l-ambjent tat-tagħmir tat-trasport.

Bħas-suq tal-mezzi ta' trasport pubbliku, is-suq tal-vetturi privati qed isir aktar rispettuż ta' l-ambjent. Ix-xiri ta' vetturi aktar nodfa (fir-rigward tal-karburant u l-magna) għandu jiġi promoss u l-isforzi finanzjarji tax-xerrejja għandhom jiġu rikonoxxuti bi trattament differenzjat tal-vetturi fil-politiki ta' aċċess għaċ-ċentri urbani.

4.23.1

Billi tiġi stabbilita b'mod ċar il-kategorija ta' proġetti eliġibbli għal għajnuna pubblika Komunitarja, u billi tkun obbligatorja (wara verifika xierqa) l-konformità (f'perijodu ta' żmien speċifiku) ma' l-objettivi ta' tali proġetti, sabiex fil-każ ta' nuqqas ta' konformità kwalunkwe fondi jistgħu jiġu rkuprati.

4.24.1

Għandu jkun hemm regoli komuni fil-livell Ewropew, permezz ta' l-armonizzazzjoni ta' kriterji għall-kalkolu tal-ħlasijiet u l-valutazzjoni ta' limitu adegwat għad-densità tan-netwerk ta' trasport pubbliku.

4.24.2

Madankollu, il-KESE jaħseb li sistemi ta' ħlas jew ta' nollijiet għall-aċċess għaċ-ċentri tal-bliet huma fl-interess pubbliku u għandhom riżultati immedjati sodisfaċenti, iżda jiddiskriminaw kontra dawk li għandhom dħul baxx, u għandhom effett disważiv dgħajjef fuq dawk li jaqilgħu iktar.

L-awtoritajiet lokali għandhom jadottaw miżuri sabiex jegħlbu kull effett negattiv, per eżempju billi jippromwovu t-trasport pubbliku jew jipprovdu permessi għal rata ta' ħlas imnaqqsa.

4.24.3

Alternattiv li għandu jkollu effetti transversali fuq il-kategoriji kollha ta' dħul għandu jkun “noll” fil-punti ta' aċċess. Minflok jitlob somma flus, jista' jikkalkula d-distanza urbana disponibbli allokata lil kull sewwieq. Fi kliem ieħor, il-proposta hija li l-aċċess jiġi “razzjonat” (distanza għal kull unità ta' ħin). Dan ifisser li ssir “selezzjoni” u li jiġu ġestjonati vjaġġi fil-belt b'vettura privata, għalkemm wieħed għandu jżomm f'moħħu li ser tinħoloq xi ftit diskriminazzjoni fuq il-baż tal-post ta' residenza/oriġini/destinazzjoni.

4.24.4

Naturalment, dan ifisser iktar tfassil ta' żoni flimkien maż-“żoni ta' traffiku baxx” proposti fejn it-traffiku jkun ristrett essenzjalment għal trasport pubbliku u residenti.

4.25.1

Il-valur miżjud huwa enormi, għalkemm diffiċli li wieħed jikkalkolah, jekk inqisu fatturi ta' saħħa u iġjene (kemm fiżiku kif ukoll psikoloġiku), flimkien mal-valur tal-ħin tan-nies (aspett li jvarja skond il-ħin meħtieġ sabiex wieħed jivvjaġġa mid-dar għax-xogħol u lura, li meta żżidu mal-ħinijiet ta' ġurnata xogħol jista' joħloq firxa wiesgħa ta' fatturi negattivi).

30.8.2008   

MT

Il-Ġurnal Uffiċjali ta’ l-Unjoni Ewropea

C 224/46

1.1

Il-Kumitat japprova l-pjan ta' azzjoni li pproponiet il-Kummissjoni, u jixtieq li jiġi kkonsultat dwar ir-rapport interim li għandu jsir fl-2010 sabiex jiddetermina l-progress li jkun sar u, eventwalment, il-problemi li jkun għad baqa'.

1.2

Il-KESE jaqbel li ta' min isiru benchmarks separati għal terminals intermodali, inklużi l-portijiet u l-ajruporti, b'kooperazzjoni mill-qrib mas-settur. B'sett ta' benchmarks ġeneriċi Ewropej, li jħallu lok għal aktar speċifikazzjoni fil-livell lokali, għandu jkun possibbli li ssir distinzjoni biżżejjed bejn il-benchmarks biex jiġu kkunsidrati l-karatteristiċi differenti ħafna tat-terminals ta' l-art, il-portijiet tal-baħar, l-ajruporti u l-portijiet fuq l-ilmijiet interni.

1.3

L-iffissar tal-prezzijiet tat-trasport skond il-mezzi tat-trasport differenti ġeneralment ma jirriflettix l-impatt reali tagħhom fuq l-infrastrutturi, l-ambjent u l-effiċjenza enerġetika, u lanqas ma jirrifletti biżżejjed l-ispiża soċjali, territorjali u komunitarja.

1.4

Għalhekk l-istrumenti ta' paragun u ta' valutazzjoni li huma maħsuba għall-valutazzjoni komparattiva għandhom iqabblu l-ktajjen tat-trasport li jistgħu jintużaw fuq il-bażi tas-sostenibbiltà tagħhom sabiex jiffaċilitaw l-introduzzjoni ta' mekkaniżmu bbilanċjat għall-iffissar tal-prezzijiet u t-tħejjija ta' sistema regolatorja li bis-saħħa tagħha jingħażel b'mod loġistiku l-iktar mezz effiċjenti u sostenibbli skond it-tip ta' merkanzija li tkun ser tinġarr u l-mezzi disponibbli.

1.5

Loġistika tat-trasport li twieġeb għall-bżonnijiet ta' l-utenti u tas-soċjetà kollha kemm hi teħtieġ mingħajr l-iċken dubju żvilupp sostanzjali fl-implimentazzjoni rapida tat-teknoloġiji avvanzati l-ġodda attwali u tar-riċerki l-ġodda, kif ukoll sforz kostanti fit-taħriġ u l-edukazzjoni tal-persunal kif ukoll it-titjib tal-kundizzjonijiet tax-xogħol. Fl-istess ħin, jeħtieġ li l-infrastrutturi attwali jintużaw bl-aħjar mod possibbli, u li jiġu żviluppati r-riżorsi umani, il-materjali u r-riżorsi finanzjarji li huma investiti fit-trasport u l-loġistika. Jeħtieġ ukoll li dawn il-professjonijiet jieħdu spinta 'l quddiem u jsiru iktar attraenti. Hemm bżonn kbir ta' investimenti ġodda biex iħaffu l-integrazzjoni tal-membri l-ġodda u jiffaċilitaw il-politika Ewro-Mediterranja u l-politika tal-viċinat. It-tendenzi tad-domanda f'perijodu ta' żmien twil għad iridu jiġu vvalutati sabiex jibda jintefaq l-investiment li ser jiġi rkuprat wara perijodu ta' żmien twil ħafna.

1.6

Jeħtieġ jissaħħu s-sigurtà u s-sikurezza fit-toroq, speċjalment fiż-żoni tal-fruntiera ma' pajjiżi terzi.

1.7

Il-kosta ta' l-UE kibret. Issa tinkludi l-Baħar Baltiku u l-Baħar l-Iswed u tingħaqad permezz tal-fulkru prinċipali tad-Danubju li għandu jerġa' jingħata l-ħajja. L-Ewropa għandha pjattaformi portwali li minnhom jgħaddi 90 % tal-kummerċ mal-pajjiżi terzi u 40 % tal-kummerċ bejn il-pajjiżi ta' l-Unjoni Ewropea. Hawnhekk l-attivitajiet loġistiċi qed jiżviluppaw b'mod importanti. Però hemm bżonn ta' bosta titjib. B'mod partikolari, hemm bżonn li jiġu mmodernizzati s-servizzi ta' l-art billi jkun hemm iktar mezzi tat-trasport differenti u jintużaw iktar l-approċċi intermodali. Għandhom jittejbu wkoll it-tekniki u l-organizzazzjoni tat-trasbord. Fl-istess ħin għandu jinstab bilanċ aħjar bejn id-diversi portijiet. Barra minn hekk, dawn il-portijiet u l-pjattaformi ta' l-art għandhom jikkomplementaw iktar lil xulxin.

1.8

Il-Kumitat japprova l-użu ta' teknoloġiji ġodda, ir-riċerka applikata dwar dawk l-aspetti kollha li jistgħu jittejbu tal-mezzi tat-trasport differenti (infrastruttura, tagħmir tat-trasport u tal-manutenzjoni, organizzazzjoni u kundizzjonijiet tax-xogħol, eċċ.), il-kontribut volontarju għat-tfassil ta' standards tekniċi u standards tal-komunikazzjoni u tal-messaġġi sabiex jiġu ffaċilitati l-iżvilupp tal-ko-modalità u l-flussi tat-traffiku, kif ukoll l-“akkoppjar” aħjar bejn iż-żieda fil-produzzjoni u l-kummerċ fuq naħa u ż-żieda fil-mezzi tat-trasport fuq in-naħa l-oħra, li jistgħu biss jiżviluppaw. F'dan ir-rigward, wieħed mill-fatturi essenzjali huwa ż-żieda ta' l-effiċjenza fil-ktajjen loġistiċi.

1.9

Għandha tkompli ssir ir-riċerka dwar il-magni u l-effiċjenza enerġetika tagħhom, dwar il-fjuwils mhux fossili kemm għall-vetturi tat-trasport privati u pubbliċi li jkunu maħsuba għall-passiġġieri kif ukoll dawk maħsuba għall-ġarr tal-merkanzija.

1.10

Il-loġistika tat-trasport urban teħtieġ miżuri ta' urġenza u sforzi akbar biex l-ekonomija tal-bliet il-kbar ma tiddgħajjefx b'mod progressiv, u biex ma tintilifx b'mod konsiderevoli l-effiċjenza bħala riżultat tal-ħin li wieħed iqatta' fil-konġestjonijiet tat-traffiku. Dan huwa niġġiesi u mhux produttiv għar-residenti u l-intrapriżi. Fl-ambjent urban jinħtieġ approċċ komprensiv, li jikkunsidra l-ħtiġijiet tat-trasport privat u pubbliku għall-persuni u għall-merkanzija, bil-għan li n-netwerk tat-toroq jitqassam aħjar u li tinqaleb it-tendenza li r-residenti u bosta attivitajiet jiċċaqalu lejn il-periferija u ż-żoni mbiegħda.

1.11

Is-sostenibbiltà u l-effiċjenza enerġetika kif ukoll l-intermodalità jinsabu fil-qalba ta' dan il-pjan. L-iskeda proposta tpoġġi l-enfasi fuq l-urġenza tal-politika li għandha tittieħed. Il-proposti tal-Kummissjoni jagħtu preferenza lill-kooperazzjoni u d-djalogu minflok lill-miżuri obbligatorji. Jeħtieġ nuru li din l-għażla ser taħdem. Is-suċċess tagħha jiddependi mill-operaturi tal-qasam tat-trasprort u mill-kapaċità tagħhom li jadattaw ruħhom għad-domandi urġenti tas-soċjetà ċivili.

2.1.1

Nhar it-28 ta' Ġunju 2006, il-Kummissjoni ppubblikat Komunikazzjoni bit-titolu Il-loġistika tat-trasport tal-merkanzija fl-Ewropa — il-muftieħ għall-mobilità sostenibbli  (1). Din il-Komunikazzjoni wriet ir-rwol tal-loġistika għat-trasport sostenibbli, inqas niġġiesi u li verament jirrispetta l-ambjent. Wara din il-Komunikazzjoni kellu jkun hemm konsultazzjoni sabiex jitfassal pjan ta' azzjoni Ewropew għal-loġistika tat-trasport tal-merkanzija (2) li ġie ppubblikat fit-18 ta' Ottubru 2007.

2.1.2

Il-Kummissjoni kien beħsiebha ddaħħal id-dimensjoni loġistika fil-politika tat-trasport ta' l-Unjoni Ewropea bil-għan li jitnaqqsu l-ostakli kostanti, jonqos il-konsum ta' l-enerġija, tiġi sfruttata aħjar il-ko-/multi-modalità ta' l-infrastrutturi u l-mezzi tat-trasport, jitħares l-ambjent, jiġu limitati l-ħsarat, u jitħeġġeġ it-taħriġ kontinwu tal-persunal.

2.1.3

Il-Kumitat intalab jagħti l-opinjoni tiegħu dwar dan il-pjan, li jinkludi l-objettivi li jridu jintlaħqu u skeda ta' l-implimentazzjoni. Il-pjan jippromovi l-użu ta' teknoloġiji ġodda ta' l-informazzjoni maħsuba biex isaħħu l-effiċjenza tal-loġistika tat-trasport fir-rigward ta' l-oġġetti (oġġetti individwali, pakki, kontenituri). Huwa maħsub ukoll li titwaqqaf sistema ta' ċertifikazzjoni fuq bażi volontarja għall-professjonisti tal-loġistika kif ukoll it-taħriġ u l-kwalifiki meħtieġa biex dawn jeżerċitaw il-professjoni tagħhom bil-għan li tiġi ffaċilitata l-mobilità tagħhom.

2.1.4

Iżda fl-2006, il-Kummissjoni kienet diġà enfasizzat li diffiċli tissawwar l-idea ta' suq Ewropew tal-loġistika mingħajr l-istatistika adegwata. B'mod ġenerali jingħad li l-loġistika tirrappreżenta minn 10 sa 15 % ta' l-ispejjeż tal-prodotti trasportati.

2.1.5

Fil-Komunikazzjoni tagħha l-Kummissjoni pproponiet il-ħolqien ta' qafas Ewropew għal-loġistika tat-trasport tal-merkanzija, u li tittieħed azzjoni b'mod partikolari f'oqsma differenti. Dan il-pjan jagħti d-dettalji u jistabbilixxi skadenzi qosra ħafna għall-implimentazzjoni bejn l-2008 u l-2012:

2.1.6

Il-pjan ta' azzjoni li ġie ppubblikat fl-2007 jippreżenta l-azzjonijiet li kienu tfasslu diġà fi programm ta' l-objettivi iktar dettaljati, flimkien ma' skeda ta' l-implimentazzjoni.

2.1.7

Fil-Komunikazzjoni tagħha (4) Inżommu lill-Ewropa miexja — Il-mobilità sostenibbli għall-kontinent tagħna, li ġiet ippubblikata fil-kuntest tar-reviżjoni ta' nofs it-term — u fl-istess ħin ta' l-aġġornament tal-White Paper tat-Trasport ta' l-2001 (5), il-Kummissjoni tinsisti fuq il-kunċett tal-“mobilità intelliġenti” li tinkludi l-loġistika tat-trasport u s-sistemi intelliġenti tat-trasport (ITS). Fil-pjan ta' azzjoni din it-tema terġa' tingħata prijorità.

2.2.1

L-użu ġenerali tat-TIC attwali u li għad irid jinħoloq jista' jtejjeb bis-sħiħ il-loġistika tat-trasport tal-merkanzija, però għadu jikkawża xi problemi li għandhom jiġu solvuti, bħall-istandardizzazzjoni, il-kompetenzi ta' l-utenti, l-ostakli regolatorji jew oħrajn li jxekklu l-“iżmaterjalizzazzjoni” tad-dokumenti, is-sigurtà tad-data u l-protezzjoni tal-privatezza.

2.2.2

L-introduzzjoni tat-“trasport elettroniku tal-merkanzija” fl-aħħar mill-aħħar iwassal għal “internet ta' l-oġġetti” (merkanzija: oġġetti waħedhom, pakki u pakketti, kontenituri — kull komponent jista' jiġi personalizzat, jingħata isem u jiġi identifikat permezz ta' “tikketta komunikattiva” attiva jew passiva li tkun attivata bis-saħħa ta' l-identifikazzjoni bil-frekwenzi tar-radju jew RFID); permezz ta' dan “l-internet ta' l-oġġetti” l-ġdid it-trasferiment tad-data marbuta mal-merkanzija (pożizzjoni ġeografika, informazzjoni dwar in-natura u l-volum, messaġġi tad-dwana jew oħrajn) ser jiġi awtomatizzat u ssemplifikat. Jeħtieġ ninqdew tajjeb bis-sistemi preżenti bil-għan li titwettaq din id-dimensjoni l-ġdida ta' l-internet fuq il-bażi ta' l-identifikazzjoni ta' l-oġġetti.

2.2.3

Għall-2008, il-Kummissjoni ppjanat proġett kbir ta' riċerka li huwa bbażat fuq pjan ta' rotta għall-użu ta' l-ITS u tat-teknoloġiji marbuta mal-loġistika tat-trasport.

2.3.1

Billi jiżviluppa l-effiċjenza, il-pjan jipprova jikkontribwixxi għas-soluzzjoni tal-problemi bħall-konġestjoni, it-tniġġis u l-istorbju, l-emissjonijiet tas-CO2 u d-dipendenza mill-fjuwils fossili. Dawn l-azzjonijiet iridu jkunu akkumpanjati minn ħidma fuq perspettiva fit-tul, u jridu jittieħdu b'mod konġunt ma' l-Istati Membri sabiex tiġi stabbilita bażi komuni għall-investiment fis-sistemi tat-trasport tal-merkanzija tal-ġejjieni.

2.3.2

Fl-2010, il-Kummissjoni ser tħejji rapport dwar il-progress li jkun sar fl-implimentazzjoni tal-pjan ta' azzjoni.

3.1

It-tkabbir ta' l-UE, il-globalizzazzjoni dejjem tikber tal-kummerċ, it-twelid ta' qawwiet ekonomiċi ġodda (mhux biss iċ-Ċina) u l-proċess ta' rilokazzjoni huma fatturi importanti ħafna għall-iżvilupp tal-kummerċ. Il-kummerċ qed jikber b'rata iktar mgħaġġla mill-produzzjoni. Fil-White Paper ta' l-2001, il-Kummissjoni kienet ippjanat id-“diżakkoppjar” tal-mezzi tat-trasport u t-tkabbir ekonomiku. Jeħtieġ terġa' tibda r-riflessjoni dwar dan is-suġġett mill-iktar fis possibbli, għall-inqas sabiex jerġa' jiddaħħal l-“akkoppjar”, il-“paralleliżmu”. Fil-kuntest tar-reviżjoni ta' nofs it-term tal-White Paper fl-2006 (6), jekk il-loġistika tlaqqa' d-diversi mezzi tat-trasport u l-operaturi differenti (organizzaturi tal-flussi, trasportaturi, utenti, awtoritajiet nazzjonali, komunitarji u internazzjonali), u tistrieħ fuq it-teknoloġiji l-ġodda ta' l-informazzjoni, ta' l-ippakkjar u ta' l-immaniġġjar, hija tista' tkun fattur determinanti sabiex jinkiseb trasport tal-merkanzija iktar razzjonali u effiċjenti.

3.2

Il-ktajjen loġistiċi fil-livell dinji jeħtieġu li l-konnessjonijiet fiżiċi u elettroniċi bejn is-sistemi tat-trasport differenti, fl-aħħar mill-aħħar jiġu integrati bis-sħiħ biex jintuża l-iktar mezz jew numru ta' mezzi flimkien effiċjenti, u biex tittejjeb il-loġistika bis-saħħa ta' l-objettiv li tinkiseb effiċjenza tripla: ekonomika, soċjali u ambjentali (inkluż it-tnaqqis ta' l-ispejjeż marbuta ma' l-enerġija).

3.3

Fil-biċċa l-kbira tal-każi, l-ippjanar tat-trasport jitlob skadenzi twal u l-kollaborazzjoni ta' bosta partijiet interessati. L-investimenti fl-infrastrutturi tat-trasport u fil-pjattaformi loġistiċi jsiru għal perijodi ta' żmien twal ħafna u huma għaljin immens, b'mod partikolari l-portijiet marittimi u interni jew l-ajruporti, imma anke l-“portijiet niexfa” jew il-faċilitajiet tat-trasport ikkombinat. Huma proprju dawn il-pjattaformi l-iktar li qed joħolqu problemi, u jinħtieġu malajr soluzzjonijiet permanenti li wieħed jista' jorbot fuqhom. Għaldaqstant, fil-fehma tal-Kumitat ikun tajjeb li tingħata prijorità lill-aħjar użu ta' l-infrastrutturi attwali fejn l-iskambju ta' informazzjoni u ta' esperjenzi jista' jħalli ħafna frott. Però mhux ser ikun biżżejjed li nisfruttaw bl-aħjar mod l-infrastrutturi attwali u li ninqdew bit-teknoloġiji avvanzati. Għall-investimenti jinħtieġ l-ippjanar fuq perijodu medju u twil ta' żmien.

3.4

L-infrastrutturi ġodda b'ħajja twila għandhom jiġu żviluppati jekk tkun imbassra l-ħtieġa għal perijodu ta' żmien twil ħafna u jekk ma tkunx teżisti soluzzjoni alternattiva ta' ko-modalità, per eżempju b'infrastrutturi eżistenti oħra. Per eżempju, it-trasport bit-tren jista' joffri alternattiva sabiex jikber in-netwerk tat-toroq eżistenti jew jinħolqu rotot ġodda. L-ippjanar meħtieġ għandu jinvolvi lill-operaturi kollha tal-ktajjen loġistiċi: l-awtoritajiet Komunitarji, l-awtoritajiet nazzjonali u reġjonali, il-manifatturi, id-distributuri u ħaddiema oħra li jgħabbu, il-loġistiċi u t-trasportaturi, kif ukoll l-imsieħba soċjali. Il-popolazzjonijiet ikkonċernati għandhom ikunu jistgħu jieħdu sehem fid-dibattiti li jsiru qabel u fil-konsultazzjonijiet differenti dwar dawn il-kwistjonijiet, u l-opinjoni tagħhom għandha tittieħed bis-serjetà.

3.5

Dan l-ippjanar għandu joħloq sħubijiet fuq perijodu ta' żmien twil li jiggarantixxu l-vijabilità permanenti (kemm ekonomika, kemm ekoloġika kif ukoll soċjali) ta' l-infrastrutturi. Għandu jkun konformi ma' l-Iskema ta' Żvilupp fiż-Żona Komunitarja, u għandu jikkontribwixxi biex l-investimenti fit-trasport ikunu garantiti għal perijodu ta' żmien twil filwaqt li jiġu strutturati u kkoordinati aħjar ma' l-attivitajiet industrijali u kummerċjali u ma' l-ippjanar ta' l-art u ż-żoni urbani (l-iktar sabiex jiġi evitat it-“tixrid” tal-pjattaformi loġistiċi u r-“rilokazzjonijiet” prematuri u għaljin, kif ukoll l-ostakli ta' xi fulkri u żoni fuq naħa, u l-waqgħa ta' xi żoni minħabba n-nuqqas jew il-medjokrità ta' ċerti servizzi fuq in-naħa l-oħra).

3.6

Fir-rigward ta' l-istandards il-ġodda maħsuba għall-unitajiet tat-tagħbija, huwa ċar li dawn għandhom jiffaċilitaw it-trasbord fir-rigward tal-piż massimu li jista' jkun immanuvrat u tad-daqs. Madankollu, fid-dawl tal-problemi marbuta mal-fatt li t-trasport tal-merkanzija jsir kważi fit-toroq biss, dawn l-istandards m'għandhomx iwasslu għal tagħbija żejda li għandha mnejn tagħmel il-ħsara fl-infrastrutturi u tkompli tnaqqas is-sigurtà tat-trasport bit-triq. Għandhom jiffavorixxu l-ko-modalità.

3.7

Wara li kkunsidra l-proposta ta' l-2003 dwar unità volontarja ġdida ta' tagħbija intermodali, il-Kumitat itenni l-fehma tiegħu li kombinazzjoni ta' unitajiet ta' tagħbija ta' daqsijiet differenti hija problema loġistika kbira. Iż-żewġ ostakli msemmija fl-opinjoni (id-daqsijiet ta' plieri ċellolari fissi u inċertezza dwar min ser iħallas għas-sistema l-ġdida) diġà qed iwasslu għat-tħassib li s-sistema mhux ser tintuża.

4.1

Il-Kumitat jixtieq ħafna li jiġi kkonsultat dwar ir-rapport li ser tħejji l-Kummissjoni fl-2010 dwar il-progress li jkun sar bil-pjan ta' azzjoni u, eventwalment, il-problemi li jinsabu fl-implimentazzjoni tiegħu.

4.2

L-internet ta' l-oġġetti żgur ser ikun mezz sabiex tittejjeb l-effiċjenza tal-loġistika tat-trasport u s-servizzi li jingħataw lill-klijenti. Madankollu, wara l-esperjenza ta' l-internet ta' l-ismijiet, il-Kumitat qed iqajjem xi domandi dwar il-proċeduri u l-istrumenti ta' kontroll li għandhom jiġu stabbiliti għall-“għoti ta' l-ismijiet”. Għal raġunijiet storiċi, il-kontroll finali ta' l-internet ta' l-ismijiet jinsab f'idejn il-US DoC, id-Dipartiment tal-Kummerċ ta' l-Istati Uniti. Fid-dawl ta' l-importanza ekonomika ta' l-internet ta' l-oġġetti u tan-natura primarjament intra-reġjonali tal-kummerċ, il-Kumitat jemmen li l-internet ta' l-oġġetti għandu jkun ibbażat fuq il-multipolarità (per eżempju, korpi reġjonali jew sotto-reġjonali li jagħtu l-ismijiet) u m'għandux jitpoġġa taħt il-kontroll finali ta' awtorità unika, iktar u iktar jekk din ma tkunx awtorità ta' l-UE. Il-Kumitat jappoġġja l-għażla ta' gvernanza Ewropea fl-għoti ta' l-ismijiet u l-ġestjoni tal-bażijiet tad-data, kif ukoll it-tfassil ta' standards tekniċi.

4.2.1

Il-Kumitat jilqa' l-fatt li l-Kummissjoni integrat l-iżvilupp tal-loġistika fl-aġenda mġedda ta' Lisbona għat-tkabbir u l-impjiegi. Però, fuq il-bażi ta' l-esperjenza huwa jistieden lill-Kummissjoni tagħmel tajjeb għad-dewmien li kien hemm fl-implimentazzjoni tat-teknoloġiji l-ġodda, b'mod speċjali fl-implimentazzjoni ta' Galileo.

4.3

Fid-dawl ta' l-importanza ekonomika ta' l-internet ta' l-oġġetti u tan-natura primarjament intra-reġjonali tal-kummerċ, il-Kumitat jemmen li l-internet ta' l-oġġetti għandu jkun ibbażat fuq il-multipolarità (per eżempju, korpi reġjonali jew sotto-reġjonali li jagħtu l-ismijiet) u m'għandux jitpoġġa taħt il-kontroll finali ta' awtorità unika, iktar u iktar jekk din ma tkunx awtorità ta' l-UE.

4.4

Barra minn hekk, jeħtieġ ukoll li jiġu ċċarati l-problemi tal-protezzjoni tad-data personali u kummerċjali marbuta mad-diversifikazzjoni ta' l-istrumenti ta' l-informazzjoni li jintużaw biex jiġi identifikat il-kontenut tal-merkanzija, sabiex b'mod partikulari jiġi evitat li informazzjoni taqa' f'idejn l-organizzazzjonijiet kriminali, speċjalment f'pajjiżi terzi (għandhom jiġu kkunsidrati l-kwistjonijiet marbuta mad-dazju u ma' l-assigurazzjoni), jiġu ssorveljati s-segwitu tal-merkanzija u min qed jibgħatha, l-intermedjarji u d-destinatarji, fil-kuntest tal-promozzjoni tas-sistemi intelliġenti tat-trasport (ITS) u tat-teknoloġiji ta' l-informazzjoni relatata magħhom.

4.5

Dan jgħodd l-iktar għal-loġistika dettaljata marbuta mal-kummerċ elettroniku.

4.6

Il-Kumitat jilqa' l-fatt li l-Kummissjoni beħsiebha “timmodernizza” l-professjoni tal-loġistiċi bis-saħħa ta' sistema ta' “definizzjoni” u “ċertifikazzjoni” ta' l-operaturi, u jixtieq li din is-sistema jkollha ħafna valur miżjud.

4.7

Il-Kumitat jilqa' wkoll il-fatt li l-Kummissjoni pproponiet li taħdem, flimkien ma' l-imsieħba soċjali, fit-tħejjija tar-rekwiżiti ta' kwalifiki u taħriġ. B'rabta ma' dan, il-Kumitat jittama li t-taħriġ u l-kwalifiki meħtieġa jkomplu jiżviluppaw matul il-ħajja attiva kollha, u li jitqies il-progress li jsir fil-qasam ta' l-għarfien u tat-teknoloġiji. Jilqa' wkoll il-fatt li l-Kummissjoni qed taħdem għall-għarfien reċiproku ta' dawn iċ-ċertifikati volontarji.

4.8

Huwa importanti ħafna li tittejjeb il-prestazzjoni loġistika billi jiżdied l-użu tat-teknoloġiji l-ġodda u bis-saħħa ta' semplifikazzjonijiet amministrattivi, l-iskambju ta' esperjenzi, l-iżvilupp tal-kwalifiki u t-taħriġ, kif ukoll il-“ko-modalità”. Madankollu, il-Kumitat jixtieq jenfasizza l-fatt li l-impatt pożittiv ta' dan il-progress jista' jinkiseb biss jekk il-qasam tat-trasport u l-loġistika jkun suġġett ta' aġġustament intra-modali u inter-modali u ta' “kompetizzjoni regolata”, kif ħabbret il-Kummissjoni fil-White Paper ta' l-2001. Dan jimplika valutazzjoni mill-ġdid tal-prezzijiet tat-trasport u armonizzazzjoni ġenwina tal-kundizzjonijiet tal-kompetizzjoni intra-modali u inter-modali fi ħdan l-UE.

30.8.2008   

MT

Il-Ġurnal Uffiċjali ta’ l-Unjoni Ewropea

C 224/50

—

Proposta ta' Direttiva tal-Parlament Ewropew u tal-Kunsill li temenda d-Direttivi 2002/21/KE dwar kwadru regolatorju komuni għan-networks ta' komunikazzjonijiet u servizzi elettroniċi, 2002/19/KE dwar l-aċċess għal, u l-interkonnessjoni ta', networks ta' komunikazzjonijiet elettroniċi u faċilitajiet assoċjati, u 2002/20/KE dwar l-awtorizzazzjoni ta' networks u servizzi ta' komunikazzjonijiet elettroniċi