19.12.2013   

MT

Il-Ġurnal Uffiċjali tal-Unjoni Ewropea

L 343/1

(1)

L-Artikolu 10(4) tad-Direttiva 2003/87/KE tal-Parlament Ewropew u tal-Kunsill (3) ma jispeċifikax kif għandhom jiġu ddistribwiti l-volumi tal-kwoti tal-emissjonijiet tal-gassijiet serra li għandhom jiġu rkantati tul il-perjodu ta' negozjar.

(2)

Għall-finijiet taċ-ċertezza legali u l-prevedibbiltà tas-suq, għandu jiġi ċċarat li, sabiex jiġi żgurat il-funzjonament xieraq tas-suq, il-Kummissjoni tista' f'ċirkostanzi eċċezzjonali tadatta l-iskeda tal-irkant skont l-Artikolu 10(4) tad-Direttiva 2003/87/KE.

(3)

Id-Direttiva 2003/87/KE għandha għalhekk tiġi emendata skont dan,

19.12.2013   

MT

Il-Ġurnal Uffiċjali tal-Unjoni Ewropea

L 343/2

(1)

Ir-Regolament tal-Kunsill (KE) Nru 1260/2001 (1), u partikolarment l-ewwel inċiż tal-Artikolu 15(8), l-Artikolu 16(5), u l-Artikolu 18(5), jagħti s-setgħa lill-Kummissjoni biex tadotta regoli dettaljati dwar l-imposta bażika tal-produzzjoni u l-imposta B li trid tinġabar mid-detenturi tal-kwota li joperaw fil-qafas tal-organizzazzjoni komuni tas-swieq fis-settur taz-zokkar, il-koeffiċjenti għall-kalkolu ta’ imposta addizzjonali, u l-ħlas lura jew l-irkupru ta’ parti mill-imposti mill-bejjiegħa tal-pitravi.

(2)

Il-Kummissjoni stabbiliet l-imposti tal-produzzjoni għas-snin tas-suq 2001/2002 (2), 2002/2003 (3), 2003/2004 (4), 2004/2005 (5) u 2005/2006 (6).

(3)

L-Artikolu 18(2) tar-Regolament (KE) Nru 1260/2001 jistipula li meta imposta bażika tal-produzzjoni kienet anqas mill-ammont massimu msemmi fl-Artikolu 15(3) jew meta l-imposta B imsemmija f’dak l-Artikolu kienet aktar baxxa mill-ammont massimu msemmi fl-Artikolu 15(4) ta’ dak ir-Regolament, aġġustata, meta meħtieġ, f’konformità mal-Artikolu 15(5), il-manifatturi taz-zokkor kellhom ikunu meħtieġa li jħallsu lill-bejjiegħa tal-pitravi 60 % tad-differenza bejn l-ammont massimu tal-imposta kkonċernata u l-imposta li kellha titħallas.

(4)

F’konformità mal-Artikolu 9(1) tar-Regolament tal-Kummissjoni (KE) Nru 314/2002 (7), l-ammont li għandu jitħallas mill-manifatturi taz-zokkor lill-bejjiegħa tal-pitravi fir-rigward tad-differenza bejn l-imposta bażika massima tal-produzzjoni u l-imposta B u l-imposta li trid titħallas, ġie stabbilit għas-snin tas-suq 2002/2003 (8), 2003/2004 (9) u 2005/2006 (10).

(5)

Fil-qafas tar-riforma tal-organizzazzjoni komuni tas-suq għas-settur taz-zokkor, ir-Regolament tal-Kunsill (KE) Nru 318/2006 (11) ħassar u ssostitwixxa r-Regolament (KE) Nru 1260/2001 mis-sena tas-suq 2006/2007. Ir-Regolament (KE) Nru 318/2006, li sussegwentement ġie revokat u inkorporat fir-Regolament tal-Kunsill (KE) Nru 1234/2007 (12), issostitwixxa s-sistema tal-imposta varjabbli tal-produzzjoni taz-zokkor li tikkonsisti fl-awtofinanzjament tas-sistema tal-kwota tal-produzzjoni permezz ta’ imposta fuq il-produzzjoni bil-għan li jingħata kontribut għall-ispejjeż tal-infiq li jseħħ fis-settur taz-zokkor skont l-organizzazzjoni tas-suq komuni għaz-zokkor.

(6)

Fit-8 ta’ Mejju 2008, fil-kawżi konġunti C-5/06 u C-23/06 sa C-36/06, il-Qorti tal-Ġustizzja ddikjarat lir-Regolamenti tal-Kummissjoni (KE) Nru 1762/2003 (13) u (KE) Nru 1775/2004 (14) bħala invalidi. Fis-sentenza tagħha, il-Qorti sostniet li l-kwantitajiet kollha taz-zokkor fil-prodotti esportati, irrispettivament minn jekk ir-rifużjonijiet tal-esportazzjoni tħallsux jew le, għandhom jitqiesu għall-iskop tal-kalkolu tat-telf medju stmat għal kull tunnellata ta’ prodott.

(7)

Il-Qorti, fil-kawżi konġunti C-175/07 sa C-184/07, u fil-kawżi C-466/06 u C-200/06, ddikjarat ukoll lir-Regolament tal-Kummissjoni (KE) Nru 1686/2005 (15) bħala invalidu.

(8)

Sabiex ikun hemm konformità mad-deċiżjonijiet tal-Qorti, il-Kummissjoni adottat ir-Regolament (KE) Nru 1193/2009 (16).

(9)

Fid-29 ta’ Settembru 2011, il-Qorti Ġenerali tat is-sentenza tagħha fil-kawża T-4/06, li fiha ddikjarat li ma kienx hemm bażi legali xierqa għal koeffiċjent divrenzjat għall-imposta addizzjonali fis-settur taz-zokkor, u annullat l-Artikolu 2 tar-Regolament (KE) Nru 1686/2005, kif emendat bl-Artikolu 3 tar-Regolament (KE) Nru 1193/2009.

(10)

Fis-27 ta’ Settembru 2012, fil-kawżi konġunti C-113/10, C-147/10 u C-234/10 l-Qorti ddikjarat lir-Regolament (KE) Nru 1193/2009 bħala invalidu, fejn stqarret li, għall-fini tal-kalkolu tat-telf medju stmat għal kull tunnellata ta’ prodott, l-Artikolu 15(1)(d) tar-Regolament (KE) Nru 1260/2001 kellu jiġi interpretat bħala li jfisser li l-ammont totali ta’ rifużjonijiet tinkludi l-ammont totali tal-esportazzjoni effettivament imħallsa.

(11)

Konsegwentement, l-imposti fis-settur taz-zokkor għandhom ikunu ffissati fil-livell xieraq. Għall-esportazzjonijiet definiti skont l-Artikolu 6(5) tar-Regolament tal-Kummissjoni (KE) Nru 314/2002, it-‘telf medju’, fi ħdan it-tifsira tal-Artikolu 15(1)(d) tar-Regolament (KE) Nru 1260/2001, għandu jiġi kkalkulat bid-diviżjoni tar-rifużjonijiet effettivament imħallsa mill-kwantitajiet esportati, irrispettivament mill-fatt jekk ir-rifużjoni tħallsitx jew le. L-‘eċċess li jista’ jkun esportat’, fi ħdan it-tifsira tal-Artikolu 15(1)(c) tar-Regolament (KE) Nru 1260/2001, għandu wkoll jiġi kkalkolat bl-użu tal-esportazzjonijiet kollha, irrispettivament mill-fatt jekk ir-rifużjoni tkunx tħallset jew le.

(12)

Meta jitqies li l-metodu ntuża sabiex jiġu kkalkulati l-imposti għas-sena tas-suq 2001/2002 kien l-istess bħal dak invalidat mill-Qorti, l-imposti tal-produzzjoni kif ukoll il-koeffiċjenti tal-imposta addizzjonali għas-sena tas-suq 2001/2002 għandhom ukoll jiġu kkoreġuti kif xieraq.

(13)

Mis-sentenza tal-Qorti jirriżulta li l-imposti kkoreġuti għandhom japplikaw mill-istess dati tal-imposti li ġew iddikjarati invalidi.

(14)

Bħala riżultat tal-iffissar tal-imposti taz-zokkor, skont il-metodu imsemmi fil-premessa 11 l-ammont li għandu jitħallas mill-manifatturi taz-zokkor lill-bejjiegħa tal-pitravi fir-rigward tad-differenza bejn l-imposta massima u l-imposti li għandhom jitħallsu għas-snin tas-suq 2002/2003, 2003/2004 u 2005/2006 għandhom ukoll ikunu stabbiliti mill-ġdid, u għandhom ikunu applikabbli retroattivament.

(15)

Għas-sena tas-suq 2001/2002, it-telf ġenerali mhux kopert ikkalkolat wara l-metodu msemmi fil-premessa (11) jammonta għal EUR 14 123 937. Il-koeffiċjent imsemmi fl-Artikolu 16(2) tar-Regolament (KE) Nru 1260/2001 għandu jkun stipulat kif xieraq u għandu japplika retroattivament għal dik is-sena tas-suq.

(16)

Għas-sena tas-suq 2002/2003, l-applikazzjoni tal-metodu msemmi fil-premessa (11) tirriżulta fi 2 % għall-imposta bażika tal-produzzjoni u 16,371 % għall-imposta B, li għandhom ikunu applikabbli retroattivament għal dik is-sena tas-suq. It-telf totali kkalkolat mill-ġdid huwa kopert fl-intier tiegħu mill-irċevuti tal-imposta bażika tal-produzzjoni u l-imposta B. Għalhekk, ma hemmx bżonn li jiġi ffissat il-koeffiċjent addizzjonali msemmi fl-Artikolu 16(2) tar-Regolament (KE) Nru 1260/2001 għal dik is-sena tas-suq.

(17)

Għas-sena tas-suq 2002/2003, ir-Regolament tal-Kummissjoni (KE) Nru 1440/2002 (17) stabbilixxa l-ammont massimu tal-imposta B għal 37,5 % fil-prezz tal-intervent għaz-zokkor abjad. Madankollu l-imposta B applikabbli għal dik is-sena tas-suq, irriveduta skont il-metodu msemmi fil-premessa (11) hija 16,371 % tal-prezz tal-intervent għaz-zokkor abjad. Din id-differenza tirrikjedi li l-ammont li għandu jitħallas mill-manifatturi taz-zokkor lill-bejjiegħa tal-pitravi jiġi ffissat għal kull tunnellata ta’ pitravi ta’ kwalità standard għal dik is-sena tas-suq, skont l-Artikolu 18(2) tar-Regolament (KE) Nru 1260/2001.

(18)

Għas-sena tas-suq 2003/2004, l-applikazzjoni tal-metodu msemmi fil-premessa (11) twassal għal 2 % għall-imposta bażika tal-produzzjoni u 17,259 % għall-imposta B. It-telf totali kkalkolat mill-ġdid huwa kopert fl-intier tiegħu mill-irċevuti tal-imposta bażika tal-produzzjoni u l-imposta B. Għalhekk, ma hemmx bżonn li jiġi ffissat il-koeffiċjent addizzjonali msemmi fl-Artikolu 16(2) tar-Regolament (KE) Nru 1260/2001 għal dik is-sena tas-suq.

(19)

Għas-sena tas-suq 2003/2004, ir-Regolament (KE) Nru 1440/2002 stabbilixxa l-ammont massimu tal-imposta B għal 37,5 % tal-prezz tal-intervent għaz-zokkor abjad. Madankollu l-imposta B applikabbli għal dik is-sena tas-suq, riveduta skont il-metodu msemmi fil-premessa (11) hija 17,259 % tal-prezz tal-intervent għaz-zokkor abjad. Din id-differenza tirrikjedi li l-ammont li għandu jitħallas mill-manifatturi taz-zokkor lill-bejjiegħa tal-pitravi jiġi ffissat għal kull tunnellata ta’ pitravi ta’ kwalità standard għal dik is-sena tas-suq, skont l-Artikolu 18(2) tar-Regolament (KE) Nru 1260/2001.

(20)

Għas-sena tas-suq 2004/2005, l-applikazzjoni tal-metodu msemmi fil-premessa (11) ma tbiddilx l-imposta bażika tal-produzzjoni u l-imposta B. Għal dik is-sena tas-suq, it-telf ġenerali mhux kopert ikkalkolat skont il-metodu msemmi fil-premessa 11 jammonta għal EUR 57 648 788. Il-koeffiċjent imsemmi fl-Artikolu 16(2) tar-Regolament (KE) Nru 1260/2001 għandu jiġi stabbilit. Dan isegwi mis-sentenza tal-Qorti msemmija fil-premessa 9 li l-koeffiċjent għandu jkun uniformi għall-Istati Membri tal-Unjoni kif kostitwit fit-30 ta’ April 2004 u għall-Istati Membri tal-Unjoni kif kostitwit fl-1 ta’ Mejju 2004.

(21)

Għas-sena tas-suq 2005/2006, l-applikazzjoni tal-metodu msemmi fil-premessa (11) twassal għal ammont ta’ 1,2335 % għall-imposta bażika tal-produzzjoni mingħajr il-bżonn tal-imposta B. Għal dik is-sena tas-suq, it-telf ġenerali kkalkolat mill-ġdid huwa kopert fl-intier tiegħu mill-irċevuti tal-imposta bażika tal-produzzjoni u ma hemmx bżonn li jiġi ffissat il-koeffiċjent addizzjonali msemmi fl-Artikolu 16(2) tar-Regolament (KE) Nru 1260/2001.

(22)

Għas-sena tas-suq 2005/2006, ir-Regolament tal-Kummissjoni (KE) Nru 1296/2005 (18) stabbilixxa l-ammont massimu tal-imposta B għal 37,5 % tal-prezz tal-intervent għaz-zokkor abjad. Filwaqt li l-imposta bażika tal-produzzjoni, applikabbli għal dik is-sena tas-suq, riveduta skont il-metodu msemmi fil-premessa (11), hija 1,2335 % tal-prezz tal-intervent għaz-zokkor abjad, ma hemm l-ebda bżonn li tiġi ffissata imposta B. Minħabba dawn id-differenzi, huwa meħtieġ li jiġu ffissati ammonti għal kull tunnellata ta’ pitravi ta’ kwalità standard li għandhom jitħallsu mill-manifatturi taz-zokkor lill-bejjiegħa tal-pitravi għal dik is-sena tas-suq, skont l-Artikolu 18(2) tar-Regolament (KE) Nru 1260/2001.

(23)

Għal raġunijiet ta’ ċertezza legali u sabiex ikun żgurat li jkun hemm trattament uniformi tal-operaturi kkonċernati fi Stati Membri differenti, huwa meħtieġ li tiġi stabbilita data komuni li fiha l-imposti ffissati skont dan ir-Regolament għandhom ikunu stabbiliti, fit-tifsira tat-tieni subparagrafu tal-Artikolu 2(2) tar-Regolament tal-Kunsill (KE, Euratom) Nru 1150/2000 (19). Madankollu, din l-iskadenza ma għandhiex tapplika fejn l-Istati Membri huma meħtieġa, mil-liġi nazzjonali, li jirrimborżaw lil operaturi kkonċernati wara dik id-data,

—

16 ta’ Ottubru 2002 għas-sena tas-suq 2001/2002,

—

8 ta’ Ottubru 2003 għas-sena tas-suq 2002/2003,

—

15 ta’ Ottubru 2004 għas-sena tas-suq 2003/2004,

—

18 ta’ Ottubru 2005 għas-sena tas-suq 2004/2005, u

—

23 ta’ Frar 2007 għas-sena tas-suq 2005/2006.

—

16 ta’ Ottubru 2002 għas-sena tas-suq 2001/2002, u

—

18 ta’ Ottubru 2005 għas-sena tas-suq 2004/2005.

—

8 ta’ Ottubru 2003 għas-sena tas-suq 2002/2003,

—

15 ta’ Ottubru 2004 għas-sena tas-suq 2003/2004, u

—

23 ta’ Frar 2007 għas-sena tas-suq 2005/2006.

19.12.2013   

MT

Il-Ġurnal Uffiċjali tal-Unjoni Ewropea

L 343/7

(1)

Fit-23 ta' Marzu 2012, il-Kunsill adotta r-Regolament (UE) Nru 267/2012.

(2)

B'segwitu għas-sentenza tat-28 ta' Novembru 2013 tal-Qorti tal-Ġustizzja tal-Unjoni Ewropea fil-Kawża C-280/12 P, Fereydoun MAHMOUDIAN u Fulmen mhumiex inklużi fil-lista ta' persuni u entitajiet soġġetti għal miżuri restrittivi fl-Anness II għad-Deċiżjoni tal-Kunsill 2010/413/PESK (2).

(3)

Fereydoun MAHMOUDIAN u Fulmen għandhom jitneħħew mil-lista ta'persuni u entitajiet soġġetti għal miżuri restrittivi fl-Anness IX għar-Regolament (UE) Nru 267/2012,

19.12.2013   

MT

Il-Ġurnal Uffiċjali tal-Unjoni Ewropea

L 343/9

(1)

In-Nota Addizzjonali 6(a) għall-Kapitolu 2 tan-Nomenklatura Magħquda mehmuża mar-Regolament (KEE) Nru 2658/87 tiddefinixxi l-“laħam imħawwar nej” bħala “laħam nej li ġie mħawwar jew fil-fond inkella fil-wiċċ kollu tal-prodott bi ħwawar viżibbli għall-għajnejn jew faċilment jingħarfu mit-togħma”.

(2)

Sabiex jiġi żgurat li l-awtoritajiet doganali japplikaw approċċ uniformi għall-finijiet tal-klassifikazzjoni doganali, huwa meħtieġ li jiġu stabbiliti metodi għad-determinazzjoni ta' jekk il-laħam tat-tjur nej huwiex imħawwar skont it-tifsira tan-Nota Addizzjonali 6(a) għall-Kapitolu 2 tan-Nomenklatura Magħquda jew le.

(3)

Fid-dawl ta’ studji mwettqa mill-Grupp ta’ Laboratorji Doganali Ewropej, il-metodi biex wieħed jivverifika jekk il-laħam tat-tjur nej huwiex imħawwar jew le, għandhom jikkonsistu minn, l-ewwel nett, eżami viżwali u, it-tieni nett, id-dewqan ta’ kampjun.

(4)

Il-metodu li jikkonsisti fid-dewqan ta’ kampjun għandu jiġi applikat biss meta l-metodu ta’ eżami viżwali ma jwassalx għal riżultati konklużivi.

(5)

Il-miżuri previsti f’dan ir-Regolament huma konformi mal-opinjoni tal-Kumitat tal-Kodiċi Doganali,

19.12.2013   

MT

Il-Ġurnal Uffiċjali tal-Unjoni Ewropea

L 343/26

(1)

L-Artikolu 18(3) tar-Regolament (UE) Nru 1169/2011 jipprovdi li kull ingredjent preżenti fil-forma ta’ nanomaterjali maħdumin għandu jkun indikat ċar fil-lista tal-ingredjenti tal-ikel biex tkun żgurata l-informazzjoni lill-konsumaturi. Barra minn hekk, wara l-isem ta’ kull ingredjent tal-ikel preżenti fil-forma ta’ nanomaterjali maħdumin għandu jkun hemm il-kelma “nano” fil-parentesi. Għaldaqstant, ir-Regolament (UE) Nru 1169/2011 jistabbilixxi definizzjoni ta’ “nanomaterjali maħdumin”.

(2)

L-Artikolu 18(5) ta’ dak ir-Regolament jagħti s-setgħa lill-Kummissjoni biex taġġusta u tadatta d-definizzjoni ta’ “nanomaterjali maħdumin” imsemmija fih skont il-progress tekniku u xjentifiku jew għal definizzjonijiet miftiehma fil-livell internazzjonali, permezz ta’ atti delegati, sabiex jintlaħqu l-għanijiet ta’ dan ir-Regolament.

(3)

Fit-18 ta’ Ottubru 2011, ġiet adottata r-Rakkomandazzjoni tal-Kummissjoni 2011/696/UE (2), biex fost l-oħrajn twieġeb talba mingħand il-Parlament Ewropew biex fil-leġiżlazzjoni tal-Unjoni tiddaħħal definizzjoni komprensiva tan-nanomaterjali bbażata fuq ix-xjenza. Id-definizzjoni stabbilita f’dik ir-Rakkomandazzjoni hi msejsa biss fuq id-daqs tal-partikoli kostitwenti ta’ materjal u tkopri materjali naturali, inċidentali jew manifatturati. Fost l-oħrajn, din tqis ir-Rapport ta’ Referenza taċ-Ċentru Konġunt tar-Riċerka tal-Kummissjoni Ewropea “Considerations on a Definition of Nanomaterial for Regulatory Purposes” (3), l-opinjoni tal-Kumitat Xjentifiku dwar ir-Riskji tas-Saħħa Emerġenti u Identifikati Ġodda (SCENIHR) dwar il-“Bażi xjentifika għad-definizzjoni tat-terminu ‘nanomaterjal’ ” (4) u d-definizzjoni ta’ “nanomaterjal” li ħolqot l-Organizzazzjoni Internazzjonali għall-Istandardizzazzjoni (ISO) (5).

(4)

Skont ir-Rakkomandazzjoni 2011/696/UE, id-definizzjoni ta’ “nanomaterjal” stabbilita fiha, la tippreġudika u lanqas tirrifletti l-kamp ta’ applikazzjoni ta’ xi parti mil-leġiżlazzjoni tal-Unjoni.

(5)

F’Komunikazzjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew dwar it-Tieni Reviżjoni Regolatorja dwar in-Nanomaterjali (6), il-Kummissjoni qalet li beħsiebha tapplika d-definizzjoni ta’ “nanomaterjal” kif stabbilita fir-Rakkomandazzjoni 2011/696/UE għal-leġiżlazzjoni tal-Unjoni. Meta fil-leġiżlazzjoni tal-UE jintużaw definizzjonijiet oħra, id-dispożizzjonijiet se jiġu adattati biex ikun żgurat approċċ konsistenti, minkejja li jaf jibqa’ l-bżonn ta’ soluzzjonijiet speċifiċi għas-settur.

(6)

Għalhekk jixraq li tiġi adattata d-definizzjoni ta’ “nanomaterjali maħdumin” stabbilita fir-Regolament (UE) Nru 1169/2011 skont dik mogħtija fir-Rakkomandazzjoni 2011/696/UE, li tirrifletti l-progress tekniku u xjentifiku sal-lum.

(7)

Billi d-definizzjoni stabbilita fir-Regolament (UE) Nru 1169/2011 tirreferi għal “nanomaterjali maħdumin” u mhux għal “nanomaterjali” ġenerali, in-nanomaterjali naturali u inċidentali ma għandhomx jiddaħħlu fid-definizzjoni.

(8)

Barra minn hekk, jixraq li d-definizzjoni ta’ “nanomaterjali maħdumin” tintrabat ma’ materjal manifatturat intenzjonalment, ħaġa li għandha tiġi definita b’mod espliċitu. Din id-definizzjoni għandha tqis id-definizzjoni adottata mill-ISO, li skont in-“nanomaterjal maħdum” hu “nanomaterjal imfassal għal skop jew funzjoni speċifika” (7).

(9)

Skont l-Artikolu 4 tar-Regolament (KE) Nru 1333/2008 tal-Parlament Ewropew u tal-Kunsill (8), l-addittivi tal-ikel approvati biss u li huma inklużi fil-listi tal-Unjoni jistgħu jitqiegħdu fis-suq bħala tali u jintużaw fl-ikel, fl-addittivi tal-ikel, fl-enżimi tal-ikel u fl-aromatizzanti tal-ikel skont il-kundizzjonijiet tal-użu speċifikati fih u wara valutazzjoni tas-sikurezza.

(10)

Dawk il-listi tal-Unjoni ġew stabbiliti mir-Regolamenti tal-Kummissjoni (UE) Nru 1129/2011 (9) u (UE) Nru 1130/2011 (10). Dawn il-listi, kif stabbilit, jistabbilixxu l-addittivi tal-ikel li kienu permessi għall-użu qabel daħal fis-seħħ ir-Regolament (KE) Nru 1333/2008 wara reviżjoni tal-konformità tagħhom mad-dispożizzjonijiet tiegħu. Bħalissa dawn l-addittivi tal-ikel approvati kollha huma soġġetti għal programm ta’ evalwazzjoni mill-ġdid mill-Awtorità Ewropea dwar is-Sigurtà fl-Ikel (minn hawn ‘il quddiem “l-Awtorità”) skont ir-Regolament tal-Kummissjoni (UE) Nru 257/2010 (11). L-evalwazzjoni mill-ġdid tal-addittivi tal-ikel qed issir skont il-prijoritajiet stipulati f’dak ir-Regolament u mill-grupp ta’ addittivi tal-ikel skont il-klassi tal-funzjoni ewlenija li jaqgħu taħtha. Din tkopri wkoll kull kwistjoni relatata man-nano li tista’ tiġi indirizzata f’reviżjoni tal-kundizzjonijiet tal-użu, fejn xieraq. B’riżultat ta’ dan diġà ġew evalwati 30 kulur alimentari. L-ebda wieħed mill-kuluri alimentari ma hu prodott fil-forma nano. Għall-karbonat tal-kalċju (E170) u għall-karbonju veġetali (E153) l-Awtorità rrakomandat li jiġi stabbilit il-qies tal-partikuli fl-ispeċifikazzjonijiet. Addittivi oħrajn li jistgħu jkunu f’forma nano se jkunu evalwati sal-:

(11)

Ċerti addittivi tal-ikel inklużi fil-listi tal-Unjoni kif stabbilit mir-Regolamenti tal-Kummissjoni (UE) Nru 1129/2011 u (UE) Nru 1130/2011 jistgħu jkunu fil-forma ta’ “nanomaterjali maħdumin” fl-ikel finali. Madankollu, jekk dawn l-addittivi tal-ikel jiġu indikati fil-lista tal-ingredjenti u warajhom tiżdied il-kelma “nano” fil-parentesi, jaf tħawwad lill-konsumaturi għax tista’ tkun qed tissuġġerixxi li dawk l-addittivi huma ġodda filwaqt li fir-realtà ilhom jintużaw fl-ikel f’dik il-forma għal għexieren ta’ snin.

(12)

Għaldaqstant l-addittivi tal-ikel inklużi fil-listi tal-Unjoni bir-Regolamenti (UE) Nru 1129/2011 u (UE) Nru 1130/2011 ma għandhomx jiġu kwalifikati [bilfors] bħala “nano” fil-lista tal-ingredjenti u ma għandhomx ikunu koperti bid-definizzjoni tan-nanomaterjali maħdumin. Il-ħtieġa għal rekwiżiti speċifiċi ta’ tikkettar relatat man-nano għal dawk l-addittivi għandha tiġi indirizzata fil-kuntest tal-programm ta’ evalwazzjoni mill-ġdid, billi jekk ikun meħtieġ, jiġu emendati l-kundizzjonijiet tal-użu fl-Anness II tar-Regolament (KE) Nru 1333/2008 u l-ispeċifikazzjonijiet ta’ dawk l-addittivi tal-ikel stabbiliti fir-Regolament tal-Kummissjoni (UE) Nru 231/2012 (12). Dik l-eċċezzjoni ma għandhiex tapplika għal addittivi tal-ikel imdaħħla f’dawk il-listi fiż-żmien ta’ wara, inklużi entrati ġodda skont l-Artikolu 12 tar-Regolament (KE) Nru 1333/2008.

(13)

Għandha ssir reviżjoni tal-limitu tad-distribuzzjoni dimensjonali numerika ta’ 50 % bil-ħsieb li ssir valutazzjoni dwar jekk, fil-futur, dan għandux jiġi sostitwit b’limitu ta’ bejn 1 % u 50 %, minħabba l-iżviluppi teknoloġiċi li jikkonċernaw il-metodi tal-kxif u l-kwantifikazzjoni u meta dan ikun ġustifikat bi tħassib dwar is-saħħa u s-sikurezza.

(14)

Għalhekk, ir-Regolament (UE) Nru 1169/2011 għandu jinbidel skont dan,

“(t)

‘nanomaterjal maħdum’ tfisser kull materjal manifatturat intenzjonalment, li jkun fih partikoli, fi stat maħlul jew bħala aggregat jew agglomerat, u meta, għal 50 % jew iktar tal-partikoli fid-distribuzzjoni dimensjonali numerika, dimensjoni esterna waħda jew aktar tkun fil-firxa tad-daqs bejn 1 nm u 100 nm.

(a)

l-addittivi tal-ikel koperti bid-definizzjoni stabbilita fl-ewwel paragrafu ma għandhomx jitqiesu bħala nanomaterjali maħdumin, jekk ikunu ddaħħlu fil-listi tal-Unjoni msemmija fl-Artikolu 4 tar-Regolament (KE) Nru 1333/2008 bir-Regolamenti tal-Kummissjoni (UE) Nru 1129/2011 (*) u (UE) Nru 1130/2011 (**);

(b)

il-fulereni, il-frak grafen u n-nanotubi tal-karbonju b’wiċċ wieħed b’dimensjoni esterna waħda jew aktar anqas minn 1 nm għandhom jitqiesu bħala nanomaterjali.

Għall-finijiet tad-definizzjoni stabbilita fl-ewwel paragrafu:

19.12.2013   

MT

Il-Ġurnal Uffiċjali tal-Unjoni Ewropea

L 343/29

(1)

Ir-Regolament (KE) Nru 834/2007 jistabbilixxi r-rekwiżiti bażiċi għall-produzzjoni organika tal-alka u tal-annimali tal-akkwakultura. Regoli ddettaljati għall-implimentazzjoni ta’ dawk ir-rekwiżiti huma stabbiliti fir-Regolament tal-Kummissjoni (KE) Nru 889/2008 (2).

(2)

Fil-perjodu ta’ bejn Novembru tal-2012 u April tal-2013 xi Stati Membri ressqu talbiet għal reviżjoni tar-regoli dwar il-prodotti, is-sustanzi u t-tekniki li jistgħu jintużaw fil-produzzjoni organika tal-akkwakultura. Dawk it-talbiet għandhom jiġu evalwati mill-grupp espert għal parir tekniku dwar il-produzzjoni organika mwaqqaf bid-Deċiżjoni tal-Kummissjoni (KE) Nru 2009/427 (3); abbażi ta' dik l-evalwazzjoni, il-Kummissjoni beħsiebha tivvaluta l-ħtieġa ta' kwalunkwe reviżjoni ta' dawk ir-regoli fl-2014.

(3)

F’xi wħud minn dawn it-talbiet ġie ddikjarat li kien hemm disponibbiltà insuffiċjenti ta’ ħut li għadu qiegħed jikber u ta’ żerriegħa tal-frott tal-baħar bil-qoxra organiċi fis-suq biex ikun hemm konformità mar-rekwiżiti tal-Artikoli 25e u 25o tar-Regolament (KE) Nru 889/2008.

(4)

Peress li ħut li għadu qiegħed jikber u żerriegħa tal-frott tal-baħar bil-qoxra organiċi għadhom mhumiex disponibbli fi kwantitajiet suffiċjenti, sabiex tkun possibbli l-kontinwità, sabiex jiġi evitat it-tixkil tal-produzzjoni organika tal-akkwakultura fl-Unjoni, u biex is-suq tal-ħut li għadu qiegħed jikber u ż-żerriegħa tal-frott tal-baħar bil-qoxra organiċi jingħata ż-żmien biex jiżviluppa aktar, huwa ġustifikat, sa meta jasal il-parir espert, li l-applikazzjoni tal-perċentwal ta’ 50 % stipulat fl- Artikolu 25e(3) u fit-tielet subparagrafu ta’ 25o(1) tar- Regolament (KE) Nru 889/2008 tiġi posposta b’sena, sal- 31 ta’ Diċembru 2014.

(5)

Għaldaqstant, ir-Regolament (KE) Nru 889/2008 għandu jiġi emendat kif xieraq.

(6)

Il-miżuri stipulati f’dan ir-Regolament huma skont l-opinjoni tal-Kumitat regolatorju għall-produzzjoni organika,

1.

Fl-Artikolu 25e, il-paragrafu 3 jinbidel b’dan li ġej:

“3.   Il-perċentwal massimu ta’ ħut li għadu qiegħed jikber tal-akkwakultura mhux organiku mdaħħal fl-istabbiliment għandu jkun 80 % mill-31 ta’ Diċembru 2011 'il quddiem, 50 % mill-31 ta’ Diċembru 2014 'il quddiem u 0 % mill-31 ta’ Diċembru 2015 'il quddiem.”

2.

Fl-Artikolu 25o(1), it-tielet subparagrafu jinbidel b’dan li ġej:

“Madankollu, il-perċentwal massimu ta’ żerriegħa mill-mafqsiet tal-frott tal-baħar bil-qoxra bivalvi li jista’ jiddaħħal fl-unitajiet organiċi tal-produzzjoni għandha tkun ta’ 80 % mill-31 ta’ Diċembru 2011 'il quddiem, 50 % mill-31 ta’ Diċembru 2014 'il quddiem u 0 % mill-31 ta’ Diċembru 2015 'il quddiem.”

19.12.2013   

MT

Il-Ġurnal Uffiċjali tal-Unjoni Ewropea

L 343/31

(1)

Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ tali awtorizzazzjoni.

(2)

Skont l-Artikolu 7 tar-Regolament (KE) Nru 1831/2003, tressqet applikazzjoni għal użu ġdid ta’ preparazzjoni ta’ alfa-galattożidażi prodotta minn Saccharomyces cerevisiae (CBS 615.94) u endo-1,4-beta-glukanażi prodotta minn Aspergillus niger (CBS 120604). Dik l-applikazzjoni kienet akkumpanjata bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni ta’ użu ġdid ta’ preparazzjoni ta’ alfa-galattożidażi prodotta minn Saccharomyces cerevisiae (CBS 615.94) u endo-1,4-beta-glukanażi prodotta minn Aspergillus niger (CBS 120604) bħala addittiv mal-għalf għal speċi minuri tat-tjur tas-simna u għal tiġieġ tal-bajd, li għandhom jiġu kklassifikati fil-kategorija tal-addittivi “attivitajiet żootekniċi”.

(4)

L-użu ta’ dik il-preparazzjoni ġie awtorizzat għal għaxar snin għat-tiġieġ tas-simna permezz tar-Regolament tal-Kummissjoni (UE) Nru 237/2012 (2).

(5)

Fl-opinjoni tagħha tat-18 ta’ Ġunju 2013 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li skont il-kundizzjonijiet ta’ użu proposti, il-preparazzjoni tal-alfa-galattożidażi prodotta minn Saccharomyces cerevisiae (CBS 615.94) u endo-1,4-beta-glukanażi prodotta minn Aspergillus niger (CBS 120604) ma għandhiex effett negattiv fuq is-saħħa tal-annimali, is-saħħa tal-bniedem jew l-ambjent, u għandha l-potenzjal li tkun effikaċi fuq it-tiġieġ tal-bajd u tista’ tiġi estrapolata għal speċi minuri tat-tjur tas-simna. L-Awtorità ma tqisx li hemm bżonn ta’ rekwiżiti speċifiċi għal monitoraġġ ta’ wara l-kummerċjalizzazzjoni. Hija vverifikat ukoll ir-rapport dwar il-metodu tal-analiżi tal-addittivi mal-għalf fl-għalf li ġie mressaq mil-Laboratorju ta’ Referenza mwaqqaf permezz tar-Regolament (KE) Nru 1831/2003.

(6)

Il-valutazzjoni tal-preparazzjoni ta’ alfa-galattożidażi prodotta minn Saccharomyces cerevisiae (CBS 615.94) u endo-1,4-beta-glukanażi prodotta minn Aspergillus niger (CBS 120604) turi li l-kundizzjonijiet għall-awtorizzazzjoni, kif stipulat fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta’ dik il-preparazzjoni għandu jiġi awtorizzat kif speċifikat fl-Anness ta’ dan ir-Regolament.

(7)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.12.2013   

MT

Il-Ġurnal Uffiċjali tal-Unjoni Ewropea

L 343/34

(1)

Permezz tad-Deċiżjoni 2012/734/UE, il-Kunsill awtorizza l-iffirmar, f’isem l-Unjoni Ewropea, tal-Ftehim li jistabbilixxi Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Amerika Ċentrali min-naħa l-oħra (minn hawn ’il quddiem “il-Ftehim”). F’konformità mad-Deċiżjoni 2012/734/UE, il-Ftehim għandu jiġi applikat fuq bażi provviżorja, sakemm jitlestew il-proċeduri għall-konklużjoni tiegħu.

(2)

L-Anness II tal-Ftehim jikkonċerna d-definizzjoni tal-kunċett ta’ “prodotti oriġinarji” u l-metodi ta’ koperazzjoni amministrattiva. Fil-każ ta’ għadd ta’ prodotti, l-Appendiċi 2A ta’ dak l-Anness jipprovdi għall-possibbiltà ta’ derogi mir-regoli ta’ oriġini stipulati fl-Appendiċi 2 tal-Anness II fil-qafas tal-kwoti annwali. Billi l-Unjoni ddeċidiet li tuża dik il-possibiltà, huwa meħtieġ li jiġu provduti l-kondizzjonijiet għall-applikazzjoni ta’ dawn id-derogi għall-importazzjoni mill-Gwatemala.

(3)

Il-kwoti stipulati fl-Appendiċi 2A tal-Anness II għandhom jiġu ġestiti fuq bażi ta’ min jiġi l-ewwel jinqeda l-ewwel b’konformità mar-Regolament tal-Kummissjoni (KEE) Nru 2454/93 tat-2 ta’ Lulju 1993 li jistipula d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (2).

(4)

L-intitolament għal benefiċċju mill-konċessjonijiet tat-tariffa għandu jkun soġġett għall-preżentazzjoni tal-prova relevanti tal-oriġini lill-awtoritajiet doganali, kif provdut fil-Ftehim.

(5)

Billi l-Ftehim jibda japplika fuq bażi provviżorja mill-1 ta’ Diċembru 2013, dan ir-Regolament għandu japplika mill-istess data.

(6)

Il-miżuri previsti f’dan ir-Regolament huma b’konformità mal-opinjoni tal-Kumitat tal-Kodiċi Doganali,

19.12.2013   

MT

Il-Ġurnal Uffiċjali tal-Unjoni Ewropea

L 343/38

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

19.12.2013   

MT

Il-Ġurnal Uffiċjali tal-Unjoni Ewropea

L 343/40

(1)

It-tmiem tal-mandat tas-Sur Gijs DE VRIES, is-Sur Henri GRETHEN, is-Sur Michel CRETIN, is-Sur Ioannis SARMAS u s-Sur David BOSTOCK ser jiskadu fil-31 ta' Diċembru 2013.

(2)

Għaldaqstant għandhom isiru ħatriet ġodda,

—

Is-Sur Alex BRENNINKMEIJER,

—

Is-Sur Henri GRETHEN,

—

Is-Sinjura Danièle LAMARQUE,

—

Is-Sur Nikolaos MILIONIS,

—

Is-Sur Phil WYNN OWEN.

19.12.2013   

MT

Il-Ġurnal Uffiċjali tal-Unjoni Ewropea

L 343/41

(1)

Fit-22 ta' Diċembru 2009 u fit-18 ta' Jannar 2010, il-Kunsill adotta d-Deċiżjonijiet 2009/1014/UE (1) u 2010/29/UE (2) li jaħtru l-membri u l-membri supplenti tal-Kumitat tar-Reġjuni għall-perijodu mis-26 ta' Jannar 2010 sal-25 ta' Jannar 2015.

(2)

Konsegwentement għat-tmiem tal-mandat tas-Sinjura Emilia MÜLLER, sar vakanti siġġu ta' membru fil-Kumitat tar-Reġjuni,

—

Dr Beate MERK, Bayerische Staatsministerin für Europaangelegenheiten und regionale Beziehungen.

19.12.2013   

MT

Il-Ġurnal Uffiċjali tal-Unjoni Ewropea

L 343/42

(1)

L-Anness I tad-Direttiva 98/8/KE fih il-lista tas-sustanzi attivi approvati fil-livell tal-Unjoni għall-inklużjoni fi prodotti bijoċidali. Id-Direttiva tal-Kummissjoni 2009/92/KE (2) żiedet is-sustanza attiva bromadjolon għall-użu fi prodotti li huma prodotti tat-tip 14, Rodentiċidi, kif iddefinit fl-Anness V għad-Direttiva 98/8/KE.

(2)

Il-bromadjolon huwa rodentiċida antikoagulanti magħruf li joħloq riskji ta’ inċidenti aċċidentali li jinvolvu t-tfal, kif ukoll riskji għall-annimali li mhumiex fil-mira u għall-ambjent. Ġie identifikat bħala potenzjalment persistenti, b’tendenza ta’ bijoakkumulazzjoni u tossiku (“PBT”), jew persistenti ħafna u b’tendenza kbira ta’ bijoakkumulazzjoni (“vPvB”).

(3)

Għal raġunijiet ta’ saħħa pubblika u iġjene, madankollu nstab li l-inklużjoni tal-bromadjolon u rodentiċidi antikoagulanti oħra fl-Anness I tad-Direttiva 98/8/KE kienet iġġustifikata, u b’hekk l-Istati Membri setgħu jawtorizzaw prodotti bbażati fuq il-bromadjolon. Madankollu, l-Istati Membri kienu obbligati biex jiżguraw, meta jagħtu awtorizzazzjoni ta’ prodotti li jkun fihom il-bromadjolon, li l-esponiment primarju kif ukoll dak sekondarju tal-bnedmin, tal-annimali li mhumiex fil-mira u tal-ambjent jiġi mminimizzat, billi jitqiesu u jiġu applikati l-miżuri kollha xierqa u disponibbli ta’ mitigazzjoni tar-riskji. Il-miżuri ta’ mitigazzjoni tar-riskji msemmija fid-Direttiva 2009/92/KE għalhekk, fost l-oħrajn, jinkludu restrizzjoni għal użu professjonali biss.

(4)

Il-kumpanija Belgagri SA (“l-applikant”) skont l-Artikolu 8 tad-Direttiva 98/8/KE, issottomettiet applikazzjoni lill-Irlanda għall-awtorizzazzjoni ta’ erba’ rodentiċidi li fihom il-bromadjolon (“il-prodotti”).

(5)

L-Irlanda tat l-awtorizzazzjonijiet tal-prodotti fit-30 ta’ Settembru 2012. Il-prodotti ġew awtorizzati b’xi restrizzjonijiet biex jiġi żgurat li l-kundizzjonijiet tal-Artikolu 5 tad-Direttiva 98/8/KE ġew issodisfati fl-Irlanda. Dawk ir-restrizzjonijiet ma kinux jinkludu restrizzjoni għal utenti professjonali mħarrġa jew liċenzjati.

(6)

Fil-5 ta’ Frar 2013, l-applikant issottometta applikazzjonijiet kompluti lill-Ġermanja għal rikonoxximent reċiproku tal-ewwel awtorizzazzjonijiet fir-rigward tal-prodotti.

(7)

Fit-17 ta’ April 2013, il-Ġermanja nnotifikat lill-Kummissjoni, lill-Istati Membri l-oħra u lill-applikant dwar il-proposta tagħha li tirrestrinġi l-ewwel awtorizzazzjonijiet skont l-Artikolu 4(4) tad-Direttiva 98/8/KE. Il-Ġermanja pproponiet li tiġi imposta restrizzjoni fuq il-prodotti biex jintużaw minn professjonisti mħarrġa jew liċenzjati.

(8)

Il-Kummissjoni stiednet lill-Istati Membri l-oħra u lill-applikant biex jissottomettu kummenti bil-miktub rigward in-notifika fi żmien 90 jum skont l-Artikolu 27(1) tad-Direttiva 98/8/KE. Ma ġie sottomess l-ebda kumment fi żmien dik l-iskadenza. In-notifika ġiet diskussa wkoll bejn il-Kummissjoni u l-Awtoritajiet Kompetenti tal-Istati Membri għall-prodotti bijoċidali waqt il-laqgħa tal-Grupp li Jiffaċilita l-Awtorizzazzjoni tal-Prodotti u r-Rikonoxximent Reċiproku, li saret fl-14 ta’ Mejju 2013.

(9)

Skont id-Direttiva 98/8/KE, awtorizzazzjonijiet ta’ prodotti bijoċidali li fihom il-bromadjolon għandhom ikunu soġġetti għall-miżuri kollha xierqa u disponibbli ta’ mitigazzjoni tar-riskji, inkluża r-restrizzjoni għall-użu professjonali biss. L-evalwazzjoni xjentifika li wasslet għall-inklużjoni tal-bromadjolon fid-Direttiva 98/8/KE kkonkludiet li l-utenti professjonali biss setgħu jkunu mistennija li jsegwu l-istruzzjonijiet li jimminimizzaw ir-riskju ta’ avvelenament sekondarju ta’ annimali li mhumiex fil-mira, u li jużaw il-prodotti b’mod li jipprevjeni l-għażla u t-tixrid tar-reżistenza. Għalhekk restrizzjoni għal utenti professjonali għandha fil-prinċipju titqies li hija miżura xierqa ta’ mitigazzjoni tar-riskji, b’mod partikolari fl-Istati Membri fejn tokkorri reżistenza għall-bromadjolon.

(10)

Fin-nuqqas ta’ kwalunkwe indikazzjoni li tmur kontra dan, ir-restrizzjoni għal utenti professjonali hija għalhekk miżura xierqa u disponibbli ta’ mitigazzjoni tar-riskji għall-awtorizzazzjoni ta’ prodotti li fihom il-bromadjolon fil-Ġermanja. Din il-konklużjoni hija rrinfurzata minn argumenti mressqa mill-Ġermanja li nstabet reżistenza kontra l-bromdjolon fil-firien u huwa maħsub li din qed tiżviluppa fil-pajjiż. Barra minn hekk, il-Ġermanja għandha infrastruttura ta’ operaturi mħarrġa ta’ kontroll ta’ annimali ta’ ħsara u ta’ professjonisti liċenzjati li tiffunzjona tajjeb, bħall-bdiewa, il-ġardinara u l-forestiera li rċevew taħriġ professjonali, li jfisser li r-restrizzjoni proposta ma tfixkilx il-prevenzjoni tal-infezzjoni.

(11)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali,

19.12.2013   

MT

Il-Ġurnal Uffiċjali tal-Unjoni Ewropea

L 343/44

(1)

L-influwenza avjarja hija marda virali infettiva tat-tjur u għasafar oħra mrobbija, b’impatt serju fuq il-profittabbiltà tat-trobbija tat-tjur u li toħloq xkiel għall-kummerċ fl-Unjoni stess u għall-esportazzjoni lejn pajjiżi terzi.

(2)

Fil-każ ta’ tifqigħa tal-influwenza avjarja, hemm ir-riskju li l-aġent tal-marda jista’ jinfirex f’azjendi oħra tat-tjur f’dak l-Istat Membru, kif ukoll fi Stati Membri oħra u f’pajjiżi terzi permezz tal-kummerċ fit-tjur ħajjin jew fil-prodotti tagħhom.

(3)

Id-Direttiva tal-Kunsill 2005/94/KE (2) li tintroduċi l-miżuri Komunitarji għall-kontroll tal-influwenza tat-tjur tistipula miżuri li f’każ ta’ tifqigħa għandhom jiġu implimentati immedjatament mill-Istati Membri b’urġenza biex jiġi evitat aktar tixrid tal-vajrus.

(4)

Skont l-Artikolu 84 tar-Regolament (UE, Euratom) Nru 966/2012 tal-Parlament Ewropew u tal-Kunsill (3), l-impenn tan-nefqa mill-baġit tal-Unjoni għandu jkun preċedut b’deċiżjoni finanzjarja li tistabbilixxi l-elementi essenzjali tal-azzjoni li tinvolvi n-nefqa u adottata mill-istituzzjoni jew mill-awtoritajiet li lilhom il-poteri jkunu ġew delegati mill-istituzzjoni.

(5)

Id-Deċiżjoni 2009/470/KE tistabbilixxi l-proċeduri li jirregolaw il-kontribuzzjoni finanzjarja mill-Unjoni għal miżuri veterinarji speċifiċi, inklużi miżuri ta’ emerġenza. Skont l-Artikolu 4(2) ta’ dik id-Deċiżjoni, l-Istati Membri għandhom jingħataw kontribuzzjoni finanzjarja għall-ispejjeż ta’ ċerti miżuri għall-qerda tal-influwenza avjarja.

(6)

L-ewwel u t-tieni inċiżi tal-Artikolu 4(3), tad-Deċiżjoni 2009/470/KE jistabbilixxu r-regoli dwar il-perċentwal tal-ispejjeż imġarrba mill-Istat Membru li jista’ jkun kopert mill-kontribuzzjoni finanzjarja tal-Unjoni.

(7)

Il-ħlas ta’ kontribuzzjoni finanzjarja mill-Unjoni għall-miżuri ta’ emerġenza għall-qerda tal-influwenza avjarja huwa suġġett għar-regoli stipulati fir-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard tal-annimali kif imsemmi fid-Deċiżjoni tal-Kunsill 90/424/KEE (4).

(8)

Fl-2012 u fl-2013 kien hemm tifqigħat tal-influwenza avjarja fil-Ġermanja, fl-Italja u fil-Pajjiżi l-Baxxi, u fl-2013 fid-Danimarka u fi Spanja. Il-Ġermanja, l-Italja, l-Pajjiżi l-Baxxi, id-Danimarka u Spanja ħadu l-miżuri, b’konformità mad-Direttiva tal-Kunsill 2003/85/KE (5), biex jiġġieldu dawn it-tifqigħat.

(9)

L-awtoritajiet tal-Ġermanja, tal-Italja, tal-Pajjiżi l-Baxxi, tad-Danimarka u ta’ Spanja infurmaw lill-Kummissjoni u lill-Istati Membri l-oħra fil-qafas tal-Kumitat Permanenti dwar il-Katina tal-Ikel u s-Saħħa tal-Annimali bil-miżuri applikati skont il-leġiżlazzjoni tal-Unjoni dwar in-notifikazzjoni u l-eradikazzjoni tal-marda u r-riżultati tagħhom.

(10)

L-awtoritajiet tal-Ġermanja, tal-Italja tal-Pajjiżi l-Baxxi, tad-Danimarka u ta’ Spanja b’hekk issodisfaw l-obbligi tekniċi u amministrattivi kollha tagħhom fir-rigward tal-miżuri previsti fl-Artikolu 4(2) tad-Deċiżjoni 2009/470/KE u l-Artikolu 6 tar-Regolament (KE) Nru 349/2005.

(11)

F’dan l-istadju, l-ammont eżatt tal-kontribuzzjoni finanzjarja mill-Unjoni ma’ tistax tiġi ddeterminata billi l-informazzjoni pprovduta fuq l-ispiża tal-kumpens u fuq in-nefqa operattiva hija biss stima.

(12)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.12.2013   

MT

Il-Ġurnal Uffiċjali tal-Unjoni Ewropea

L 343/46

(1)

Ir-Regolament (KE) Nru 58/2003 jagħti s-setgħa lill-Kummissjoni biex tiddelega setgħat lill-aġenziji eżekuttivi biex jimplimentaw b’mod sħiħ jew parti minn programm jew proġett tal-Unjoni, f’isimha u taħt ir-responsabbiltà tagħha, f’konformità ma’ dak ir-Regolament.

(2)

L-għan li l-aġenziji eżekuttivi jingħataw il-kariga b’kompiti tal-implimentazzjoni ta’ programmi huwa biex il-Kummissjoni titħalla tikkonċentra fuq l-attivitajiet u l-funzjonijiet ewlenin tagħha li ma jistgħux jiġu ġestiti esternament, mingħajr ma ċċedi l-kontroll fuq l-attivitajiet ġestiti minn dawk l-aġenziji eżekuttivi u r-responsabbiltà aħħarija għall-istess attivitajiet.

(3)

Id-delega ta’ kompiti b’rabta mal-implimentazzjoni ta’ programmi lil aġenzija eżekuttiva titlob separazzjoni ċara bejn l-istadji tal-ipprogrammar li jinvolvu diskrezzjoni kbira fl-għażliet iggwidati minn kunsiderazzjonijiet ta’ politika u li jitwettqu mill-Kummissjoni, u l-implimentazzjoni tal-programmi, li għandha titħalla f’idejn l-aġenzija eżekuttiva.

(4)

Bid-Deċiżjoni 2005/56/KE (2), il-Kummissjoni ħolqot l-Aġenzija Eżekuttiva għall-Edukazzjoni, l-Awdjoviżiv u l-Kultura (minn issa ‘l quddiem magħrufa bħala l-Aġenzija) u fdatha bil-ġestjoni ta’ azzjonijiet Komunitarji fil-qasam tal-edukazzjoni, l-awdjoviżiv u l-kultura.

(5)

Il-Kummissjoni emendat bosta drabi l-mandat tal-Aġenzija Eżekuttiva, u estendietu sabiex ikopri l-ġestjoni ta’ proġetti u programmi ġodda fil-qasam tal-edukazzjoni, l-awdjoviżiv, iċ-ċittadinanza u ż-żgħażagħ u b’hekk issostitwiet id-Deċiżjoni 2005/56/KE bid-Deċiżjoni tal-Kummissjoni 2009/336/KE (3).

(6)

Fil-Komunikazzjoni tagħha tad-29 ta’ Ġunju 2011“Baġit għall-Ewropa 2020” (4), il-Kummissjoni pproponiet l-użu tal-għażla ta’ rikors aktar estensiv għal aġenziji eżekuttivi eżistenti għall-implimentazzjoni ta’ programmi tal-Unjoni fil-qafas finanzjarju pluriennali li jmiss.

(7)

L-Aġenzija wriet livell għoli ta’ għarfien tekniku u finanzjarju fil-ġestjoni tal-programmi tal-Unjoni. L-istħarriġiet dwar is-sodisfazzjon li twettqu bħala parti mill-evalwazzjonijiet interim tal-EACEA (2009 u 2013) juru li l-benefiċjarji u partijiet interessati oħra jemmnu li l-EACEA twassal servizz ta’ kwalità aħjar meta mqabbla ma’ arranġamenti preċedenti (l-Uffiċċju ta’ Assistenza Teknika). L-EACEA hija kapaċi tiġbed lejha u żżomm persunal bi kwalifiki għolja, li min-naħa tiegħu jipprovdi stabbiltà fil-persunal. L-Aġenzija tissemplifika b’mod kontinwu l-operazzjonijiet interni tagħha sabiex ittejjeb l-effiċjenza tagħha u tfittex li tistandardizza l-approċċi fil-programmi. Hija tibbenefika mill-istatus tagħha ta’ korp pubbliku maħluq speċifikament għall-ġestjoni ta’ programmi fil-qasam tal-edukazzjoni, l-awdjoviżiv u l-kultura u din l-enfasi ttejjeb il-viżibbiltà tal-programmi tal-UE fost il-partijiet interessati u l-pubbliku ġenerali. L-eżistenza ta’ entità unika li tmexxi għadd ta’ programmi komplementari tiġġenera effetti ta’ sinerġija fir-rigward tal-viżibbiltà tal-azzjoni tal-UE għall-benefiċċju reċiproku tal-programmi kollha. Ir-rati ta’ żbalji fil-krontroll ex post huma baxxi għall-EACEA u huma ferm inqas mil-limitu ta’ 2 %. Mit-tieni evalwazzjoni interim ġie nnutat titjib stabbli fl-għarfien espert tekniku u finanzjarju tal-EACEA, li mbagħad jirriżulta f’titjib ġenerali fil-prestazzjoni tal-Aġenzija bħalma kien osservat fil-KPIs (Key Performance Indicators).

(8)

Fir-rigward tal-paragun tal-ispejjeż mal-“għażla interna”, l-analiżi tal-kostijiet u l-benefiċċji mwettqa skont l-Artikolu 3(1) tar-Regolament (KE) Nru 58/2003 sabet li l-ispejjeż ikunu akbar kieku l-kompiti jkunu ġestiti mill-Kummissjoni, b’marġini ta’ 23 % f’termini tal-valur nett tal-preżent. Il-programmi ġodda intenzjonati li jiġu ddelegati lill-EACEA huma konformi mal-mandat u l-missjoni attwali tal-aġenzija u jirrappreżentaw kontinwazzjoni tal-attivitajiet eżistenti tagħha. Matul bosta snin, l-aġenzija bniet il-kompetenzi, il-ħiliet u l-kapaċità tal-ġestjoni ta’ dawn il-programmi. Għalhekk, il-programmi l-ġodda għandhom jibbenefikaw mill-esperjenza miksuba u mill-għarfien espert tal-EACEA fil-ġestjoni tal-programmi kif ukoll miż-żidiet fil-produttività li jirriżultaw minn dan. Il-bidla lejn arranġament intern tkun ta’ tfixkil peress li l-biċċa l-kbira tal-programmi qatt ma kienu ġestiti internament mid-DĠs prinċipali, li ma għandhomx il-kapaċità biex jiġġestixxu l-programmi internament. Għalhekk, id-delega lill-EACEA tal-ġestjoni tal-programmi, tiżgura l-kontinwità tan-negozju għall-benefiċjarji u l-partijiet interessati tal-programm. Id-delega lill-EACEA se tkompli tippermetti wkoll li l-Kummissjoni tiffoka aħjar fuq il-kompiti istituzzjonali tagħha.

(9)

Biex l-aġenziji eżekuttivi jingħataw identità koerenti, il-Kummissjoni, sa fejn kien possibbli, qassmet il-ħidmiet skont il-qasam tematiku tal-politika meta stabbilit il-mandati l-ġodda tagħhom.

(10)

L-Aġenzija għandha tingħata r-responsabbiltà biex timplimenta partijiet mill-programmi u l-azzjonijiet il-ġodda tal-UE li ġejjin:

(11)

L-Aġenzija għandha tibqa’ responsabbli biex timplimenta l-programmi u l-azzjonijiet eżistenti tal-UE li ġejjin:

(12)

Il-ġestjoni ta’ dawk il-partijiet ta’ dawn il-programmi u azzjonijiet tinvolvi l-implimentazzjoni ta’ proġetti tekniċi li ma timplikax teħid ta’ deċiżjonijiet ta’ natura politika u li titlob livell għoli ta’ għarfien espert tekniku u finanzjarju matul iċ-ċiklu tal-proġett.

(13)

Biex tiġi żgurata implimentazzjoni konsistenti fiż-żmien ta’ din id-Deċiżjoni u tal-programmi kkonċernati, jinħtieġ li jkun żgurat li l-Aġenzija teżerċita l-kompiti marbutin mal-implimentazzjoni ta’ dawk il-programmi soġġetti għal u mid-data li fiha dawk il-programmi jidħlu fis-seħħ.

(14)

Għandha tiġi stabbilita l-Aġenzija Eżekuttiva għall-Edukazzjoni, l-Awdjoviżiv u l-Kultura. Din għandha tissostitwixxi u tissuċċedi l-Aġenzija Eżekuttiva għall-Edukazzjoni, l-Awdjoviżiv u l-Kultura stabbilita bid-Deċiżjoni 2009/336/KE. Din għandha topera f’konformità mal-istatut ġenerali stabbilit bir-Regolament (KE) Nru 58/2003.

(15)

Id-Deċiżjoni 2009/336/KE li tistabbilixxi l-aġenzija eżekuttiva għandha titħassar u għandhom jiġu stabbiliti dispożizzjonijiet tranżitorji.

(16)

Il-miżuri stipulati f’din id-Deċiżjoni huma f’konformità mal-opinjoni tal-Kumitat għall-Aġenziji Eżekuttivi.

(a)

Erasmus+;

(b)

Il-Programm Ewropa Kreattiva;

(c)

Il-Programm “L-Ewropa għaċ-Ċittadini”

(d)

Il-Korp Volontarju Ewropew ta’ Għajnuna Umanitarja — EU Aid Volunteers;

(e)

Il-proġetti fil-qasam tal-edukazzjoni għolja skont l-istrumenti għall-kooperazzjoni esterna li ġejjin:

(a)

Il-proġetti fil-qasam tal-edukazzjoni għolja eliġibbli għall-finanzjament skont id-dispożizzjonijiet dwar l-għajnuna ekonomika favur ċerti pajjiżi tal-Ewropa Ċentrali u tal-Lvant (Phare), kif previst fir-Regolament (KEE) Nru 3906/89;

(b)

Il-programm li jixpruna l-iżvilupp u d-distribuzzjoni ta’ xogħlijiet awdjoviżivi Ewropej (MEDIA II - Żvilupp u Distribuzzjoni) (1996-2000), stabbilit bid-Deċiżjoni 95/563/KE;

(c)

Il-programm ta’ taħriġ għall-professjonisti tal-industrija tal-programm awdjoviżiv Ewropew (MEDIA II — Taħriġ) (1996-2000), approvat bid-Deċiżjoni 95/564/KE;

(d)

It-tieni fażi tal-programm ta’ azzjoni tal-Komunità fil-qasam tal-edukazzjoni, “Socrates” (2000-2006), approvat bid-Deċiżjoni Nru 253/2000/KE;

(e)

It-tieni fażi tal-programm ta’ azzjoni ta’ taħriġ vokazzjonali tal-Komunità “Leonardo da Vinci” (2000-2006), approvat bid-Deċiżjoni 1999/382/KE;

(f)

Il-programm ta’ azzjoni tal-Komunità “Żgħażagħ” (2000-2006), approvat bid-Deċiżjoni Nru 1031/2000/KE;

(g)

Il-programm “Kultura 2000” (2000-2006), approvat bid-Deċiżjoni Nru 508/2000/KE;

(h)

Il-proġetti fil-qasam tal-edukazzjoni għolja eliġibbli għall-finanzjament skont id-dispożizzjonijiet dwar l-għoti ta’ għajnuna lill-Istati sieħba fl-Ewropa tal-Lvant u tal-Asja ċentrali (2000-2006), kif stabbilit bir-Regolament (KE, Euratom) Nru 99/2000;

(i)

Il-proġetti fil-qasam tal-edukazzjoni għolja eliġibbli għall-finanzjament skont id-dispożizzjonijiet dwar l-assistenza għall-Albanija, il-Bosnija-Ħerżegovina, il-Kroazja, Dik li Kienet ir-Repubblika Jugoslava tal-Maċedonja, il-Montenegro, is-Serbja u l-Kosovo (UNSCR 1244) (2000-2006), approvati skont ir-Regolament (KE) Nru 2666/2000/KE;

(j)

Il-proġetti fil-qasam tal-edukazzjoni għolja eliġibbli għall-finanzjament skont id-dispożizzjonijiet dwar il-miżuri finanzjarji u tekniċi li jakkumpanjaw (MEDA) ir-riforma tal-istrutturi ekonomiċi u soċjali fil-qafas tas-sħubija Ewro-Mediterranja, approvati bir-Regolament (KE) Nru 2698/2000;

(k)

It-tielet fażi tal-iskema ta’ kooperazzjoni trans-Ewropea għall-edukazzjoni ogħla (Tempus III) (2000-2006), approvata bid-Deċiżjoni 1999/311/KE;

(l)

Il-proġetti eliġibbli għall-finanzjament skont id-dispożizzjonijiet tal-Ftehim bejn il-Komunità Ewropea u l-Istati Uniti tal-Amerika li jirrinova programm ta’ kooperazzjoni fil-qasam tal-edukazzjoni għolja u l-edukazzjoni vokazzjonali u t-taħriġ (2001-2005), approvati bid-Deċiżjoni 2001/196/KE;

(m)

Il-proġetti eliġibbli għall-finanzjament skont id-dispożizzjonijiet tal-Ftehim bejn il-Komunità Ewropea u l-Gvern tal-Kanada li jirrinova l-programm ta’ kooperazzjoni fil-qasam tal-edukazzjoni għolja u t-taħriġ (2001-2005), approvat bid-Deċiżjoni 2001/197/KE;

(n)

Il-programm li jinkoraġġixxi l-iżvilupp ta’ xogħlijiet awdjoviżivi Ewropej (MEDIA Plus – Żvilupp, Distribuzzjoni u Promozzjoni) (2001-2006), approvat bid-Deċiżjoni 2000/821/KE;

(o)

Il-programm ta’ taħriġ għall-professjonisti fl-industrija tal-programmi awdjoviżivi Ewropea (MEDIA-Taħriġ) (2001-2006), approvat bid-Deċiżjoni Nru 163/2001/KE;

(p)

Il-programm multiannwali għall-integrazzjoni effettiva ta’ teknoloġiji ta’ informazzjoni u komunikazzjoni (TIK) f’sistemi ta’ edukazzjoni u taħriġ fl-Ewropa (eProgrammi ta’ Tagħlim - e-learning) (2004-2006), approvat bid-Deċiżjoni 2318/2003/KE;

(q)

Il-programm ta’ azzjoni tal-Komunità għall-promozzjoni taċ-ċittadinanza Ewropea attiva (parteċipazzjoni taċ-ċittadini) (2004-2006), approvat bid-Deċiżjoni 2004/100/KE;

(r)

Il-programm ta’ azzjoni tal-Komunità għall-promozzjoni ta’ korpi attivi fil-livell Ewropew fil-qasam taż-żgħażagħ (2004-2006), approvat bid-Deċiżjoni Nru 790/2004/KE;

(s)

Il-programm ta’ azzjoni tal-Komunità għall-promozzjoni ta’ korpi attivi fil-livell Ewropew u għall-appoġġ ta’ attivitajiet speċifiċi fil-qasam tal-edukazzjoni u t-taħriġ (2004-2006), approvat bid-Deċiżjoni Nru 791/2004/KE;

(t)

Il-programm ta’ azzjoni tal-Komunità għall-promozzjoni ta’ korpi attivi fil-livell Ewropew fil-qasam tal-kultura (2004-2006), approvat bid-Deċiżjoni Nru 792/2004/KE;

(u)

Il-programm għat-titjib tal-kwalità tal-edukazzjoni ogħla u l-promozzjoni ta’ fehim interkulturali permezz ta’ kooperazzjoni ma’ pajjiżi terzi (Erasmus Mundus) (2004-2008), approvat bid-Deċiżjoni Nru 2317/2003/KE;

(v)

Il-proġetti eliġibbli għall-finanzjament skont id-dispożizzjonijiet tal-Ftehim bejn il-Komunità Ewropea u l-Istati Uniti tal-Amerika li jġedded il-programm ta’ kooperazzjoni fil-qasam tal-edukazzjoni għolja u l-edukazzjoni vokazzjonali u t-taħriġ (2006-2013), approvati bid-Deċiżjoni 2006/910/KE;

(w)

Il-proġetti eliġibbli għall-finanzjament skont id-dispożizzjonijiet tal-Ftehim bejn il-Komunità Ewropea u l-Gvern tal-Kanada li jistabbilixxi qafas ta’ kooperazzjoni fl-oqsma tal-edukazzjoni għolja, tat-taħriġ u taż-żgħażagħ (2006-2013), approvat bid-Deċiżjoni 2006/964/KE;

(x)

Il-programm ta’ azzjoni fil-qasam tat-tagħlim tul il-ħajja (2007-2013), approvat bid-Deċiżjoni Nru 1720/2006/KE;

(y)

Il-programm “Kultura” (2007-2013), approvat bid-Deċiżjoni Nru 1855/2006/KE;

(z)

Il-programm “Europe for Citizens” li għandu l-għan li jippromwovi ċ-ċittadinanza Ewropea attiva (2007-2013), approvat bid-Deċiżjoni Nru 1904/2006/KE;

(aa)

Il-programm “Żgħażagħ fl-Azzjoni” (2007-2013), approvat bid-Deċiżjoni Nru 1719/2006/KE;

(bb)

Il-programm ta’ appoġġ lis-settur awdjoviżiv Ewropew (MEDIA 2007) (2007-2013), approvat bid-Deċiżjoni Nru 1718/2006/KE;

(cc)

Il-programm ta’ azzjoni Erasmus Mundus (II) 2009-2013 għat-titjib tal-kwalità fl-edukazzjoni għolja u għall-promozzjoni tal-komprensjoni interkulturali permezz ta’ kooperazzjoni ma’ pajjiżi terzi, approvat bid-Deċiżjoni Nru 1298/2008/KE;

(dd)

Il-programm ta’ kooperazzjoni fis-settur awdjoviżiv ma’ professjonisti minn pajjiżi terzi (MEDIA Mundus) (2011-2013), stabbilit bid-Deċiżjoni Nru 1041/2009/KE;

(ee)

Il-proġetti fil-qasam tal-edukazzjoni għolja eliġibbli għall-finanzjament skont id-dispożizzjonijiet dwar l-għoti ta’ għajnuna għall-kooperazzjoni ekonomika mal-pajjiżi li qegħdin jiżviluppaw fl-Asja, approvati skont ir-Regolament (KEE) Nru 443/92;

(ff)

Il-proġetti fil-qasam tal-edukazzjoni għolja u taż-żgħażagħ eliġibbli għall-finanzjament skont id-dispożizzjonijiet tal-Istrument għall-Assistenza ta’ Qabel l-Adeżjoni (IPA), stabbiliti bir-Regolament (KE) Nru 1085/2006;

(gg)

Il-proġetti fil-qasam tal-edukazzjoni primarja, sekondarja u għolja u ż-żgħażagħ eliġibbli għall-finanzjament skont id-dispożizzjonijiet tal-Istrument Ewropew ta’ Viċinat u Sħubija, stabbilit bir-Regolament (KE) Nru 1638/2006;

(hh)

Il-proġetti fil-qasam tal-edukazzjoni għolja eliġibbli għall-finanzjament skont id-dispożizzjonijiet tal-istrument ta’ finanzjament tal-kooperazzjoni għall-iżvilupp, stabbiliti bir-Regolament (KE) Nru 1905/2006;

(ii)

Il-proġetti fil-qasam tal-edukazzjoni għolja u ż-żgħażagħ eliġibbli għall-finanzjament skont id-dispożizzjonijiet tal-istrument ta’ finanzjament għall-kooperazzjoni ma’ pajjiżi u territorji industrijalizzati u oħrajn bi dħul għoli, stabbiliti bir-Regolament (KE) Nru 1934/2006;

(jj)

Il-proġetti fil-qasam tal-edukazzjoni għolja eliġibbli għall-finanzjament mill-Fond Ewropew għall-Iżvilupp, skont il-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku min-naħa l-waħda, u l-Komunità Ewropea u l-Istati Membri tagħha min-naħa l-oħra, iffirmat f’Cotonou fit-23 ta’ Ġunju 2000 (id-Deċiżjoni 2003/159/KE), kif emendat bil-Ftehim iffirmat fil-Lussemburgu fil-25 ta’ Ġunju 2005 (id-Deċiżjoni 2005/599/KE).

(a)

Il-ġestjoni tal-istadji kollha ta’ implimentazzjoni tal-programmi u tal-fażijiet kollha tul il-ħajja ta’ proġetti speċifiċi abbażi tal-programmi ta’ ħidma rilevanti adottati mill-Kummissjoni, fejn il-Kummissjoni tkun tatha s-setgħa li tagħmel dan fl-istrument tad-delega;

(b)

L-adozzjoni tal-istrumenti għall-eżekuzzjoni tal-baġit għad-dħul u l-ħruġ ta’ finanzi u t-twettiq tal-operazzjonijiet kollha meħtieġa għall-ġestjoni tal-programm, fejn il-Kummissjoni tkun tatha s-setgħa li tagħmel dan fl-istrument tad-delega;

(c)

Tipprovdi appoġġ fl-implimentazzjoni tal-programm fejn il-Kummissjoni tkun tatha s-setgħa li tagħmel dan fl-istrument tad-delega, inkluż appoġġ fl-attivitajiet tad-distribuzzjoni, fejn ikun rilevanti b’kooperazzjoni mal-aġenziji nazzjonali;

(d)

L-implimentazzjoni, fil-livell tal-Unjoni, tan-netwerk ta’ informazzjoni dwar l-edukazzjoni fl-Ewropa (Eurydice) u l-attivitajiet bl-għan li jtejbu l-fehim u l-għarfien tal-qasam taż-żgħażagħ:

(e)

L-implimentazzjoni, fil-livell tal-Unjoni, ta’ attivitajiet bl-għan li jtejbu l-fehim u l-għarfien fil-qasam tal-edukazzjoni u t-taħriġ vokazzjonali.

19.12.2013   

MT

Il-Ġurnal Uffiċjali tal-Unjoni Ewropea

L 343/54

19.12.2013   

MT

Il-Ġurnal Uffiċjali tal-Unjoni Ewropea

L 343/63

(1)

Permezz ta’ ittra bid-data tas-7 ta’ Jannar 2009, ġie rreġistrat ilment kontra l-muniċipalità ta’ Narvik (“Narvik”) rigward il-bejgħ tal-intitolament ta' Narvik għall-elettriku konċessjonarju lil Narvik Energi AS (“NEAS”). L-ittra waslet u kienet irreġistrata mill-Awtorità fl-14 ta’ Jannar 2009 (2). Permezz ta’ ittra bid-data tas-16 ta’ Lulju 2009 (3), l-Awtorità talbet informazzjoni addizzjonali mingħand l-awtoritajiet Norveġiżi. Permezz tal-ittra bid-data tat-2 ta’ Ottubru 2009 (4), l-awtoritajiet Norveġiżi wieġbu t-talba għal informazzjoni.

(2)

Fl-14 ta’ Diċembru 2011, l-Awtorità bdiet il-proċedura prevista fl-Artikolu 1(2) ta’ Parti I tal-Protokoll 3 tal-Ftehim dwar is-Sorveljanza u l-Qorti bl-adozzjoni tad-Deċiżjoni Nru 393/11/COL (“id-Deċiżjoni 393/11/COL”). Permezz tal-ittra bid-data tat-23 ta’ Frar 2012 (5), l-awtoritajiet Norveġiżi pprovdew kummenti dwar id-Deċiżjoni.

(3)

Fis-26 ta’ April 2012, id-Deċiżjoni ġiet ippubblikata f’Il-Ġurnal Uffiċjali tal-Unjoni Ewropea u fis-Suppliment taż-ŻEE għalih (6). Permezz ta’ email tal-25 ta’ Mejju 2012 (7), l-Awtorità rċeviet il-kummenti ta' parti interessata waħda. Permezz ta' email tat-28 ta’ Ġunju 2012 (8), l-Awtorità għaddiet dawn il-kummenti lill-awtoritajiet Norveġiżi. Permezz tal-ittra bid-data tat-30 ta’ Novembru 2012 (9), l-awtoritajiet Norveġiżi wieġbu t-talba għal informazzjoni.

(4)

Il-kwerelant jallega li billi Narvik daħlet f’kuntratt ma’ NEAS għall-bejgħ ta’ 128 GWh ta’ elettriku konċessjonarju annwali għal perjodu ta’ 50,5 snin, hija biegħet l-intitolamenti tagħha li tixtri elettriku konċessjonarju li jkun sinifikattivament taħt il-prezz tas-suq u b’hekk tat għajnuna statali illegali lil NEAS.

(5)

L-ilmentatur qed jallega wkoll li d-deċiżjoni li jidħol fil-kuntratt ġiet adottata mill-Kunsill Muniċipali ta' Narvik fuq il-bażi ta’ informazzjoni żbaljata u/jew mhux kompluta. Rapporti allegatament esperti li jikkritikaw it-tul tal-kuntratt u d-diffikultà inerenti li jistabbilixxu prezz tas-suq għall-elettriku ma ġewx żvelati lill-Kunsill Muniċipali qabel ma ttieħdet id-deċiżjoni li jidħol fil-kuntratt.

(6)

Fin-Norveġja, konċessjoni hija ġeneralment meħtieġa għat-tħaddim ta’ impjanti kbar tal-enerġija idrika. L-impjanti li jkollhom konċessjonijiet għall-isfruttament tal-kaskati huma obbligati jbiegħu ċertu volum tal-produzzjoni annwali tagħhom lill-muniċipalità li jkunu jinsabu fiha. Il-volum ta' elettriku li l-muniċipalità huma intitolati li jixtru jissejjaħ l-elettriku konċessjonarju. Din is-sistema hija stipulata fit-Taqsima 2(12) tal-Att dwar il-Liċenzji Industrijali (10) u t-Taqsima 12(15) tal-Att dwar ir-Regolament dwar il-Kaskati (11).

(7)

Ir-raġunament leġiżlattiv huwa li l-muniċipalitajiet għandhom jiġu żgurati provvista suffiċjenti ta’ elettriku bi prezz ġust, biex b’hekk il-volum ta’ elettriku konċessjonarju huwa ddeterminat fuq il-bażi tal-ħtiġijiet ġenerali għall-provvista tal-elettriku individwali ta’ kull muniċipalità (12) u jista’ jkun sa għaxra fil-mija tal-produzzjoni annwali ta' impjant. Madankollu, ma hemm l-ebda restrizzjonijiet imposti fuq l-isfruttament tal-muniċipalitajiet tal-elettriku konċessjonarju. Għalhekk, il-muniċipalitajiet jistgħu jużaw, ibigħu jew jagħmlu użu mill-elettriku kif iħossu li jkun xieraq.

(8)

L-intitolament ma jinvolvix li l-muniċipalitajiet huma taħt obbligu li jixtru l-elettriku konċessjonarju. Għall-konċessjonijiet ta' qabel l-1983, it-twissija ġeneralment tapplika li ladarba muniċipalità tkun iddeċidiet li ma teżerċitax l-intitolament tagħha għall-elettriku konċessjonarju, din titlef l-intitolament tagħha għall-elettriku konċessjonarju fil-futur.

(9)

Il-leġiżlazzjoni tistabbilixxi żewġ reġimi ta’ prezzijiet tal-elettriku konċessjonarju; L-ewwel wieħed għal konċessjonijiet mogħtija qabel l-10 ta’ April 1959, u l-ieħor għal konċessjonijiet mogħtija fl-10 ta’ April 1959 jew wara.

(10)

Għal konċessjonijiet mogħtija qabel l-10 ta’ April 1959, il-prezz tal-elettriku konċessjonarju huwa kkalkulat bħala funzjoni tal-prezz tal-impjant individwali, flimkien ma’ premium ta’ 20 %. Dan il-mudell għadu jiġi applikat għal konċessjonijiet mogħtija qabel l-10 ta’ April 1959, u minn issa jissejjaħ bħala l-mudell tal-“prezz tal-kost”. Elettriku konċessjonarju mibjugħ skont dan il-mudell tal-ipprezzar minn issa jissejjaħ bħala “il-prezz tal-kost tal-elettriku konċessjonarju”.

(11)

Għal konċessjonijiet mogħtija wara l-10 ta’ April 1959, il-prezz tal-konċessjoni huwa stabbilit mill-Ministeru tal-Enerġija u Żejt mhux Maħdum fuq il-bażi tal-prezz medju ta’ kampjun rappreżentattiv tal-impjanti idroelettriċi fil-pajjiż kollu. Dan il-metodu ta' prezzar minn issa jissejjaħ bħala l-metodu tal-“prezz tal-ministeru”. Elettriku konċessjonarju mibjugħ skont dan il-mudell tal-ipprezzar minn issa jissejjaħ bħala “il-prezz tal-elettriku konċessjonarju tal-ministeru”.

(12)

L-Att dwar il-Liċenzji Industrijali jipprovdi li l-intitolament tal-muniċipalitajiet għall-elettriku konċessjonarju jista’ jiġi rivedut mid-Direttorat Norveġiż għar-Riżorsi tal-Ilma u l-Enerġija (“NVE”) 20 sena wara li tkun ngħatat il-konċessjoni (13). L-awtoritajiet Norveġiżi spjegaw li waqt li l-proċess ta’ reviżjoni jista’ jwassal biex il-volum ta’ elettriku konċessjonarju jiġi rfinut sew mill-NVE, dan ma jistax iwassal għal bidliet sostanzjali tal-intitolament tal-muniċipalità għal elettriku konċessjonarju. Il-maġġoranza tal-intitolamenti ta’ elettriku konċessjonarju ta' Narvik huma mistennija jiġu riveduti fl-2019.

(13)

Il-muniċipalitajiet iġorru l-ispiża tal-alimentazzjoni tal-elettriku konċessjonarju fin-netwerk.

(14)

Kull sena, Narvik hija intitolata għal total ta’ madwar 128 GWh ta’ elettriku konċessjonarju, li madwar 116,3 GWh minnu huwa pprezzat skont il-metodu tal-ipprezzar tal-ministeru u l-bqija bejn wieħed u ieħor 11,7 GWh huwa pprezzat skont il-metodu tal-prezz tal-kost. L-awtoritajiet Norveġiżi spjegaw li l-prezz tal-ministeru fis-sena 2000 kien ta’ madwar NOK 0,10 u l-kost tal-prezz rilevanti għal Håkvik u Nygård fis-sena 2000 kien f'firxa ta’ NOK 0,14 sa NOK 0,178.

(15)

NEAS tinsab fil-muniċipalità ta’ Narvik fil-Kontea ta’ Nordland. Hija tipproduċi u tbiegħ l-elettriku. Sal-2001, NEAS kienet proprjetà 100 fil-mija tal-muniċipalità ta’ Narvik. Fl-2001, Narvik biegħet 49,99 % mill-ishma tagħha lil żewġ kumpaniji tal-enerġija, Vesterålskraft AS u Hålogalandskraft AS.

(16)

Wara fużjoni fl-2006 u bidla fl-isem fl-2009, NEAS issa hija parti mill-kumpanija Nordkraft AS (“Nordkraft”).

(17)

Sa tmiem l-1998, Narvik biegħet l-intitolament annwali tagħha ta’ madwar GWh 128 ta’ elettriku konċessjonarju lil NEAS b'kuntratti ta' terminu qasir jew itwal ta' żmien. Madankollu, fil-bidu tal-1999, wara li naqset milli tilħaq ftehim ma’ NEAS, Narvik biegħet l-elettriku konċessjonarju tagħha b'kambju tal-enerġija bi prezzijiet spot.

(18)

F’Marzu 1999, il-muniċipalità rranġat proċedura ta’ sejħa għall-offerti għall-bejgħ tal-elettriku konċessjonarju tagħha għall-bqija tal-1999. Fit-30 ta’ Marzu 1999, Narvik ikkonkludiet kuntratt ma’ dak li jagħmel l-ogħla offerta, Kraftinor AS. Il-prezz kien ta’ NOK 109,50 għal kull MWh. Peress li ħallset NOK 111,10 għal kull MWh flimkien mal-ispejjeż tal-alimentazzjoni ta' NOK 20 għal kull MWh għall-elettriku konċessjonarju, Narvik ġarrbet telf ta’ madwar NOK 2,3 miljun b'dan il-kuntratt. Narvik inizjalment stenniet bilanċ pożittiv ta’ NOK 3,5 miljun.

(19)

Fid-19 ta’ Ottubru 1999, il-Kumitat Eżekuttiv tal-Kunsill Muniċipali (“il-Kumitat Eżekuttiv”) rrakkomanda lill-Kunsill muniċipali li l-għan ġenerali tal-ġestjoni tal-elettriku konċessjonarju tal-muniċipalità għandu jkun li jiġi massimizzat id-dħul fuq bażi ta' terminu twil ta' żmien sabiex jinkiseb orizzont tal-ippjanar stabbli. L-istrateġija proposta biex jintlaħaq dan l-għan kellha erba’ elementi:

(20)

Il-Kunsill Muniċipali kkonferma r-rakkomandazzjoni tal-Kumitat Eżekuttiv b’aġġustament wieħed, issuġġerit mis-Sindku u kkonfermat permezz ta’ emenda għal din l-istrateġija: is-Sindku minflok jiġi espliċitament “mogħti prokura biex jidħol fi ftehimiet skont l-istrateġija li ġiet deċiża mill-Kunsill Muniċipali”, id-deċiżjoni finali ddikjarat li “bħala l-ewwel pass fl-eżekuzzjoni ta’ din l-istrateġija, NEAS hija mistiedna tiddiskuti l-interess tagħha f’din il-kwistjoni kif deskritt fl-ittra tagħha indirizzata lill-muniċipalità bid-data tad-9 ta’ Novembru.”

(21)

L-ittra mingħand NEAS bid-data tad-9 ta’ Novembru 1999 ħarġet dubji dwar l-istrateġija proposta ta' bejgħ ta' elettriku konċessjonarju taħt kuntratti differenti ta’ tulijiet differenti biex jiddiversifikaw riskju. Minflok, NEAS issuġġeriet kuntratt wieħed fit-tul (“pereżempju 50 sena”) u kienet lesta li tinkludi klawżola ta' aġġustament tal-prezzijiet fil-kuntratt ma’ Narvik.

(22)

Ukoll fl-ittra bid-data tal-15 ta’ April 1999, NEAS iddikjarat l-interess tagħha li tidħol f’kuntratt fuq perjodu fit-tul dwar l-elettriku konċessjonarju, primarjament permezz ta’ xiri bi ħlas ta’ ammont f’daqqa bil-quddiem, jew alternattivament bħala kirja fuq terminu twil - inizjalment issuġġerit għal 60 sena - b’pagamenti annwali lil Narvik.

(23)

Minbarra l-kwistjoni tal-elettriku konċessjonarju, kien hemm ukoll diskussjonijiet dwar ir-rwol futur ta' NEAS fis-suq, u r-rwol ta' Narvik fit-Tajlandja bħala sid in-NEAS.

(24)

Skont l-awtoritajiet Norveġiżi, NEAS dak iż-żmien kienet qed tosserva konsolidazzjoni reġjonali estensiva fost il-kumpaniji tal-enerġija u d-dħul ta’ operaturi nazzjonali/internazzjonali fi swieq lokali. NEAS kellha bżonn issaħħaħ l-bażi tal-ekwità tagħha sabiex takkwista ishma f’kumpaniji oħrajn tal-elettriku, partikolarment Nordkraft AS. NEAS kienet iffirmat ukoll ittri ta’ intenzjoni ma’ Hålogaland Kraft AS u Vesterålskraft AS biex tifforma kumpanija ta' produzzjoni reġjonali kumpanija tat-trasport tal-enerġija reġjonali. Dawn il-bidliet kienu ppjanati biex jidħlu fis-seħħ mill-1 ta’ Jannar 2001. Sabiex NEAS tkun tista' tlesti dawn it-tranżazzjonijiet permezz ta' taħlita ta' ekwità u kapital misluf, Narvik - l-uniku proprjetarju ta' NEAS - kien mistenni jinjetta ekwità addizzjonali f’NEAS.

(25)

F’laqgħa tal-Kunsill Muniċipali fis-16 ta’ Diċembru 1999, ġie deċiż li s-sehem ta' sjieda tal-muniċipalità f’NEAS, il-ħtiġijiet ta' kapital tal-kumpanija u l-immaniġġar tal-elettriku konċessjonarju, għandhom jiġu vvalutati b’mod konġunt minn tim tan-negozjati li jikkonsisti mis-Sindku, il-Viċi Sindku, il-kap tal-oppożizzjoni, kif ukoll id-Direttur, il-Viċi Direttur u l-Kap tal-Akkwist tal-amministrazzjoni muniċipali (“it-tim tan-negozjati”).

(26)

NEAS ikkummissjonat żewġ rapporti minn Arthur Andersen (“AA”) u Deloitte & Touche (“DT”) sabiex jiddeterminaw il-valur tal-prezz tal-elettriku konċessjonarju tal-ministeru. Ir-rapport AA japplika metodoloġija ta' valur nett preżenti (“NPV”), iżda ma jiddeskrivix is-suppożizzjonijiet sottostanti f’ħafna dettall. Ir-rapport DT juża wkoll metodoloġija NPV, iżda jmur lil hinn mir-rapport AA fl-ispjegazzjoni tas-suppożizzjonijiet u l-kalkoli rilevanti. Pereżempju, ir-rapport DT jispjega fid-dettall kif ir-ritorn meħtieġ ikun determinat abbażi tal-mudell għall-ipprezzar ta’ assi apitali (“CAPM”) u kif l-infiq peżat medju tal-kapital (“WACC”) huwa determinat. L-analiżi fiha wkoll deskrizzjoni dettaljata tal-kalkolu tal-prezz konċessjonarju u tinkludi analiżi tas-sensittività bbażata fuq bidliet inkrimentali fil-prezz tal-elettriku u l-WACC.

(27)

Narvik kkummissjonat żewġ rapporti minn Danske Securities (“DS1” u “DS2”). Għall-ewwel rapport, DS1, Danske Securities ġiet ikkummissjonata biex tivvaluta jekk il-muniċipalità gћandhiex tbiegħ l-intitolament tagħha għall-elettriku konċessjonarju fis-suq jew tittrasferixxih lil NEAS. Fid-DS1, Danske Securities, b'inizjattiva tagħha stess, ipprovdiet stima tal-valur tal-intitolament għall-elettriku konċessjonarju għal perjodu ta’ 50 sena. Apparti milli tiddikjara s-suppożizzjonijiet tagħha magħmula għall-iżviluppi futuri tal-prezzijiet tal-elettriku, Danske Securities ipprovdiet gwida limitata dwar kif il-valur tal-intitolament għall-elettriku konċessjonarju ġie kkalkolat.

(28)

Fid-DS2, Danske Securities talbet l-aspettattivi tal-prezz u l-kost lil tliet operaturi tas-suq: CBF Kraftmegling AS (“CBF”), Norwegian Energy Brokers AS (“NEB”) u Statkraft SF (“Statskraft”). Fuq il-bażi ta’ dawn l-aspettattivi, Danske Securities ikkalkulat valur tas-suq stmat tal-intitolament għall-elettriku konċessjonarju. L-aspettattivi ta' CBF irriżultaw fi stima ta' każ bażi ta’ NOK 127 miljun. L-aspettattivi ta' NEB irriżultaw fi stima ta' każ bażi ta’ NOK 75 miljun. Peress li NEB ma kinitx aġġustat il-prezz u l-kost tagħha għall-inflazzjoni, Danske Securities enfasizzat li ma sabitx li l-aspettattivi ta' NEB huma kredibbli. L-aspettattivi ta' Statkraft rriżultaw f'firxa ta' NOK 115-140 miljun. Fuq il-bażi ta’ dawn it-tliet valutazzjonijiet tal-valur, Danske Securities ikkonkludiet li l-NPV stmat ta’ intitolament għall-elettriku konċessjonarju għandu jkun fil-medda ta’ NOK 100-140 miljun.

(29)

L-erba’ rapporti huma mqassra fit-tabella li ġejja. F’dan li ġej, dawn ir-rapporti huma kollettivament imsemmija bħala “l-erba’ rapporti”.

(30)

Minbarra l-konsulenza esterna, il-kap tal-akkwist fil-muniċipalità ta' Narvik għamel valutazzjonijiet huwa stess.

(31)

Fl-ewwel l-valutazzjoni ppreżentata lill-Kumitat Eżekuttiv f’Ottubru 1999, huwa kkonkluda li r-riskju ġenerali għall-muniċipalità kien għoli għal kuntratti fit-terminu twil ta' żmien definiti bħala kuntratti bejn 10 u 40 sena.

(32)

Fit-tieni valutazzjoni tiegħu, ippreżentata lit-tim tan-negozjati fis-16 ta’ Marzu 2000, l-għażliet varji għall-ġestjoni tal-elettriku konċessjonarju kienu diskussi. Sa dan iż-żmien, madankollu, it-tim tan-negozjati kien naqqas l-ambitu tal-mandat tiegħu li jevalwa biss ir-riskju, iż-żmien sas-saldu, l-implikazzjonijiet tat-taxxa u l-massimizzazzjoni tal-profitt għat-tliet xenarji (li kollha jinvolvu lil Narvik tittrasferixxi d-dritt għall-elettriku konċessjonarju lil NEAS għal perjodu ta' 50 sena u tnaqqas is-sehem tas-sjieda f’NEAS). Minkejja dan, fit-tieni valutazzjoni, tiegħu, il-kap tal-akkwist kompla jiffoka fuq l-importanza tat-tul tal-kuntratt. L-evalwazzjoni tiegħu tal-valur marġinali tal-intitolament għal elettriku konċessjonarju matul iż-żmien kienet li “…biex nidħlu f’kuntratt twil ħafna bħal 50 sena lilna bħala bejjiegħa ma jagħtina xejn ħlief ftit valur addizzjonali meta mqabbel ma’ kuntratt iqsar (pereżempju 20 sena bi NOK 83 miljun)”.

(33)

Wara diskussjonijiet interni dwar il-vantaġġi u l-iżvantaġġi ta’ kuntratt fit-tul, it-tim tan-negozjati għamel ir-rakkomandazzjoni tiegħu lill-Kunsill Muniċipali fejn huwa rrakkomanda kuntratt b’tul ta’ 50,5 snin bħala wieħed xieraq biex jitnaqqas ir-riskju tal-muniċipalità u sabiex jipprovdi orizzont ta' ppjanar fit-tul.

(34)

NEAS kienet fittxet biss li tixtri 116,3 GWh tal-elettriku konċessjonarju bil-prezz tal-ministeru. Madankollu, fin-negozjati mal-kumpanija, Narvik insistiet li l-intitolament tagħha għall-elettriku konċessjonarju jinxtara b’mod sħiħ, u li l-elettriku konċessjonarju bil-prezz tal-kost ta' 11,7 GWh għalhekk għandu jingħaqqad mal-elettriku konċessjonarju tal-prezz tal-ministeru.

(35)

F’Mejju 2000, il-partijiet fl-aħħar qablu li jkollhom il-128 GWh sħaħ ta’ elettriku konċessjonarju koperta mill-Ftehim u li n-NEAS se tħallas NOK 120 miljun għall-elettriku konċessjonarju bil-prezz tal-ministeru u NOK 6 miljun għall-elettriku konċessjonarju bil-prezz tal-kost.

(36)

Fil-25 ta’ Mejju 2000, il-Kunsill muniċipali ddeċieda b’mod formali li l-muniċipalità għandha tbiegħ l-intitolament annwali tagħha ta' 128 GWh f'elettriku konċessjonarju lil NEAS għal 50,5 snin għal NOK 126 miljun.

(37)

Fis-16 ta’ Ottubru 2000, Narvik u NEAS ifformalizzaw il-ftehim billi ffirmaw il-kuntratt fejn Narvik biegħet l-intitolament għall-elettriku konċessjonarju bit-termini deskritti hawn fuq. L-ebda mekkaniżmu ta' aġġustament tal-prezz ma' ġie inkluż fil-kuntratt, u l-flus kellhom jitħallsu bħala somma f’daqqa bil-quddiem.

(38)

Fid-29 ta’ Novembru 2000, Narvik u NEAS ffirmaw ftehim supplimentari fejn NEAS għax-xiri tal-intitolament għall-elettriku konċessjonarju ntrabtet li tħallas lil Narvik is-somma ta' NOK 60 miljun fi flus kontanti, u l-bqija ta’ NOK 66 miljun bħala kontribuzzjoni ta' ekwita in natura injettati f'NEAS (li dak iż-żmien kienet 100 % proprjetà tal-muniċipalità).

(39)

Fl-2001, Narvik divestit 49,99 % tal-ishma tagħha f'NEAS lil Vesterålskraft AS u Hålogalandskraft AS.

(40)

L-awtoritajiet Norveġiżi huma tal-fehma li l-kuntratt ma’ neas ġie konkluż b'termini tas-suq. Huma l-ewwel nett jenfasizzaw li l-ftehim ġie konkluż għaliex il-finanzi ta' Narvik kienu batuti u kienet teħtieġ kapital likwidu. It-tieni, NEAS kellha bżonn ta' rikapitalizzazzjoni sabiex tirristruttura l-kumpanija biex toħloq kumpanija reġjonali ikbar. Fl-aħħar nett, fil-mument tal-konklużjoni tal-kuntratt, il-muniċipalità kienet qed tbigħ l-elettriku konċessjonarju b’telf minħabba li l-prezz tal-elettriku konċessjonarju kien ogħla mill-prezz miksub fis-suq. Bħala eżempju, fil-perjodu minn April 1999 sa Diċembru 1999, Narvik tilfet NOK 2,3 miljun fuq il-bejgħ tal-elettriku konċessjonarju.

(41)

Rigward il-kwistjoni tar-riskju regolatorju, l-awtoritajiet Norveġiżi spjegaw li NEAS iġġorr ir-riskju kollu. Huma jargumentaw li r-riskju x’aktarx li jkun wieħed ta’ kwantità mnaqqsa minflok ta' kwantità miżjuda ta’ elettriku konċessjonarju li x'aktarx inaqqas il-probabilità ta’ għajnuna.

(42)

L-awtoritajiet Norveġiżi jargumentaw li l-valur referenzjarju xieraq tas-suq għall-ftehim ta' 50,5 snin huwa bejgħ permanenti ta’ impjant tal-enerġija, u li aġġustati għal differenzi rilevanti, il-prezzijiet miksuba minn NEAS kienu skont il-livelli tal-prezzijiet għall-bejgħ tal-impjanti tal-enerġija fl-istess perjodu.

(43)

Għad-dejta dwar il-prezzijiet dwar il-bejgħ ta’ impjanti tal-enerġija fis-sena 2000, l-awtoritajiet Norveġiżi jirreferu għall-hekk imsejħa reviżjoni f'ħin reali tas-suq tal-elettriku għas-sena 2000 imwettaq minn Pareto (ir-“Reviżjoni Pareto”). F’dik ir-reviżjoni, jidher li l-prezzijiet tas-suq għall-impjanti tal-enerġija mibjugħa fl-2000 kienu jvarjaw bejn NOK 1,64 u 1,77 għal kull KWh ta’ kapaċità ta’ produzzjoni annwali. Il-bejgħ ta' Narvik tal-intitolament għall-elettriku konċessjonarju huwa daqs madwar NOK 1,00 għal kull KWh tal-kapaċità tal-produzzjoni annwali. Skont l-awtoritajiet Norveġiżi, id-differenza bejn dawn iċ-ċifri tista’ tiġi spjegata mill-fatturi li ġejjin.

(44)

L-ewwel nett, fis-sena 2000, l-ispejjeż operattivi tipiċi inkluż investiment mill-ġdid kontinwu (mingħajr deprezzament) għal impjant tal-enerġija ġdid kien ta’ madwar NOK 0,05 għal kull KWh fis-sena (flimkien mal-ispejjeż tal-alimentazzjoni). Il-ħlas kontinwu mistenni ta' NEAS kien id-doppju; madwar NOK 0,10 għal kull KWh fis-sena (flimkien mal-ispejjeż tal-alimentazzjoni) fuq il-prezz tal-elettriku konċessjonarju tal-ministeru u bejn NOK 0,14 u 0,178 għal kull KWh (flimkien l-ispejjeż tal-alimentazzjoni) fis-sena fuq l-elettriku konċessjonarju ta' qabel l-10 ta’ April 1959. Fis-sena 2000, il-prezz tas-suq mistenni kienet madwar NOK 0,12 għal kull KWh. Għalhekk, ix-xenarju tas-sena 2000 kieku jwassal għal qligħ nett ta’ NOK 0,07 għal kull KWh għal sid ta' impjant, meta mqabbel ma’ NOK 0,02 għal kull KWh fuq l-elettriku konċessjonarju. Fiż-żmien tal-konklużjoni tal-kuntratt, il-prezz stmat tal-2010 kien ta' NOK 0,20. Abbażi ta' dik l-istima, ix-xenarju tal-2010 kieku jwassal għal qligħ nett ta’ NOK 0,15 għal kull KWh għal sid ta' impjant, meta mqabbel ma’ NOK 0,10 għal kull KWh fuq l-elettriku konċessjonarju.

(45)

It-tieni nett, l-awtoritajiet Norveġiżi jsostnu li l-prezzijiet għall-bejgħ tal-ħames impjanti tal-enerġija mir-Reviżjoni Pareto jridu jitnaqqsu b’madwar 10-15 % meta tiġi applikata rata ta’ kapitalizzazzjoni ta’ 4 % biex tagħmel tajjeb għad-differenza bejn il-kapitalizzazzjoni tul żmien infinit (fattur ta' kapitalizzazzjoni ta' 25) u 50 sena (fattur ta' kapitalizzazzjoni ta' 21,48).

(46)

L-awtoritajiet Norveġiżi jżidu jgħidu wkoll li huma l-ewwel snin li jħallu l-akbar impatt fuq il-kalkolu tal-NPV u li spejjeż kbar ta' investiment mill-ġdid tas-sjieda tipikament jiġu fi stadju aktar avvanzat, u għalhekk għandhom effett ta' tnaqqis żgħir fuq il-kalkolu tal-NPV.

(47)

Meta dan jiġi kkunsidrat, l-awtoritajiet Norveġiżi jargumentaw li hemm korrelazzjoni stretta bejn min-naħa waħda, il-bejgħ tal-impjant tal-enerġija ta’ madwar NOK 1,64 – NOK 1,77 għal kull KWh ta’ kapaċità ta’ produzzjoni annwali, u min-naħa l-oħra, kirjiet (ħlas għall-aċċess għall-elettriku għal 50,5 snin) ta’ madwar NOK 1,00 għal kull KWh ta’ elettriku konċessjonarju.

(48)

Għalhekk l-awtoritajiet Norveġiżi jargumentaw li paragun li jikkunsidra dawn il-fatturi juri li l-prezz li NEAS ħallset għall-elettriku konċessjonarju kien paragunabbli mal-prezz tal-impjanti tal-enerġija mibjugħa fl-istess perjodu, u jżidu jgħidu li l-konklużjoni dwar il-livell tal-prezz hija sostnuta mir-rapport DT ir-rapport u ż-żewġ rapporti DS li saru qabel il-konklużjoni tal-ftehim dwar l-elettriku konċessjonarju ta' 50,5 snin.

(49)

B’referenza għal-Linji Gwida tal-Awtorità dwar l-elementi ta’ għajnuna mill-Istat fil-bejgħ ta’ artijiet u bini mill-Awtoritajiet pubbliċi (“is-SOL”) (16), l-awtoritajiet Norveġiżi jargumentaw li proċedura ta’ sejħa għall-offerti kompetittiva u mhux kundizzjonali hija biss metodu wieħed rikonoxxut mill-Awtorità li tiddetermina l-prezzijiet tas-suq fuq il-bejgħ ta’ assi pubbliċi. L-awtoritajiet Norveġiżi jenfasizzaw li fis-SOL, l-Awtorità tirrikonoxxi wkoll li prezz tas-suq mingħajr għajnuna jista’ jiġi stabbilit fuq il-bażi ta’ evalwazzjoni minn esperti indipendenti. L-awtoritajiet Norveġiżi jinnutaw li d-DT u ż-żewġ rapporti DS kienu mogħtija qabel ma ġie konkluż il-kuntratt ta' 50,5 snin. It-tieni rapport DS iddetermina l-valur fuq il-bażi ta' “riċerka tas-suq diretta”, li skont l-awtoritajiet Norveġiżi rriżultat f'ittestjar tas-suq simili għal dak ta’ proċedura ta’ sejħa għall-offerti. L-awtoritajiet Norveġiżi jinnutaw ukoll li l-prezz finali kien jinsab fil-livell l-aktar 'il fuq tat-tliet valutazzjonijiet.

(50)

L-Awtoritajiet Norveġiżi jkomplu jargumentaw li kien xieraq li ġiet inkluża klawżola ta' ebda aġġustament fil-prezz, peress li l-prezz tax-xiri kien tħallas f’somma waħda, u mhux fuq bażi kontinwa. L-awtoritajiet Norveġiżi jsostnu li l-fatt li l-bejgħ ġie riżolt minn qabel – parzjalment fi flus kontanti u parzjalment bħala kontribuzzjoni in natura – simili għall-bejgħ ta' impjant tal-enerġija permanenti, “mhuwiex naturali u huwa ferm rari” li tinkludi mekkaniżmu ta' aġġustament tal-prezz. Barra minn hekk, l-awtoritajiet Norveġiżi jsostnu li bis-saħħa tal-mudell ta' kontribuzzjoni in natura aġġustament sussegwenti x’aktarx li kien se jkun illegali wkoll skont id-dispożizzjonijiet tal-Att dwar il-Kumpaniji b'Responsabbiltà Limitata (17).

(51)

Parti terza waħda, NEAS (issa Nordkraft), ippreżentat il-kummenti tagħha dwar id-Deċiżjoni 393/11/COL. Essenzjalment NEAS taqbel mal-fehmiet tal-awtoritajiet Norveġiżi.

(52)

L-Artikolu 61(1) tal-Ftehim ŻEE huwa kif ġej:

“Bla ħsara għal dispożizzjonijiet kuntrarji f’dan il-Ftehim, kull għajnuna, ta’ kwalunkwe forma, mogħtija mill-Istati Membri tal-KE, l-Istati tal-EFTA jew permezz ta’ riżorsi tal-Istat li twassal biex ixxekkel jew thedded li xxekkel il-kompetizzjoni billi tiffavorixxi ċerti impriżi jew ċerti produtturi, safejn tolqot il-kummerċ bejn il-Partijiet Kontraenti, tkun inkompatibbli ma’ dan il-Ftehim.”

(53)

Isegwi minn din id-dispożizzjoni li, biex l-għajnuna mill-Istat tkun preżenti, il-miżura trid tagħti vantaġġ ekonomiku lill-benefiċjarju. F’dan li ġej, l-Awtorità tivvaluta l-kwistjoni tal-preżenza, fil-każ preżenti, ta’ tali vantaġġ ekonomiku.

(54)

Il-Qorti tal-Ġustizzja tal-Unjoni Ewropea ddikjarat li sabiex tikkonferma jekk miżura tal-istat tikkostitwixxix għajnuna, jeħtieġ li jiġi stabbilit jekk l-impriża destinatarja tirċevix vantaġġ ekonomiku, li li kieku ma kinitx tikseb f’kundizzjonijiet normali tas-suq (18). Sabiex tiġi vvalutata l-preżenza ta’ vantaġġ ekonomiku, l-Awtorità tapplika l-prinċipju ta’ investitur f’ekonomija tas-suq (ipotetiku) (19).

(55)

Jekk it-tranżazzjoni inkwistjoni twettqet b’konformità mal-prinċipju tal-investitur f'ekonomija tas-suq, jiġifieri, jekk il-muniċipalità biegħet l-intitolament għall-elettriku konċessjonarju bil-valur tas-suq tiegħu, u l-prezz u t-termini tat-tranżazzjoni kienu jkunu aċċettabbli għal investitur privat prudenti li jopera f’ekonomija tas-suq, it-tranżazzjoni ma tagħtix vantaġġ ekonomiku lil NEAS u b’hekk ma tinvolvix l-għoti ta’ għajnuna mill-Istat. Għall-kuntrarju, l-għajnuna tal-istat tista’ tiġi involuta jekk it-tranżazzjoni ma tkunx twettqet fil-prezz tas-suq.

(56)

Meta tagħmel din l-evalwazzjoni, l-Awtorità ma tistax tissostitwixxi l-ġudizzju kummerċjali ta' Narvik bil-ġudizzju tagħha, li jimplika li l-muniċipalità, bħala sid l-intitolament għall-elettriku konċessjonarju, tgawdi minn marġini ta’ diskrezzjoni biex tagħżel il-mod li bih hija topera f'kundizzjonijiet kompetittivi normali.

(57)

Valutazzjoni tal-prezz u t-termini tal-kuntratt bejn il-muniċipalità u n-NEAS għandha tkun ibbażata fuq l-informazzjoni disponibbli għal Narvik fiż-żmien tal-konklużjoni tal-kuntratt. Ġeneralment, valutazzjoni ex ante infurmata għandha tkun biżżejjed biex teskludi l-preżenza tal-għajnuna mill-Istat, anki jekk is-suppożizzjonijiet użati fil-valutazzjoni jispiċċaw ikunu żbaljati meta wieħed iħares lura.

(58)

F’dan li ġej, l-Awtorità għalhekk tivvaluta jekk Narvik aġixxietx bħala investitur tas-suq privat meta daħlet f’kuntratt biex tbiegħ l-intitolament tagħha għall-elettriku konċessjonarju.

(59)

L-Awtorità hija konxja tal-kuntest li fih saret it-tranżazzjoni. Mill-informazzjoni pprovduta mill-awtoritajiet Norveġiżi, l-Awtorità tifhem li fiż-żmien li ffirmat il-kuntratt il-muniċipalità kienet f’sitwazzjoni fejn kellha bżonn kemm tal-aċċess għal-likwidità (sabiex tissodisfa l-obbligi tagħha ta’ self), kif ukoll kapital biex jiġi injettat f'NEAS. Barra minn hekk, ġie nnutat li l-Att dwar il-Kumpaniji b'Responsabbiltà Limitata rrestrinġew il-possibiltà li jiġi inkorporat mekkaniżmu ta' aġġustament tal-prezz fil-kuntratt meta jagħmlu kontribuzzjoni in natura. Fl-1999, qabel il-konklużjoni tal-ftehim tal-bejgħ fis-sena 2000, Narvik kienet barra minn hekk ġarrbet telf fuq il-bejgħ tagħha ta’ elettriku konċessjonarju. Il-muniċipalità kienet għalhekk iddeċidiet li tbiegħ l-intitolament tagħha għall-elettriku konċessjonarju għal terminu itwal ta' żmien filwaqt li fl-istess ħin iżżomm mal-istrateġija espressa tagħha li timmassimizza d-dħul tagħha mill-elettriku konċessjonarju.

(60)

L-awtoritajiet Norveġiżi argumentaw li l-Awtorità għandha tkun tista’ teskludi l-preżenza ta’ vantaġġ billi tapplika l-prinċipji tas-SOL fil-każ preżenti. L-Awtorità tinnota li, minkejja li s-SOL ma japplikax għall-bejgħ ta’ intitolamenti għax-xiri tal-elettriku konċessjonarju, is-SOL tabilħaqq jippreskrivi żewġ metodi li bihom l-awtoritajiet pubbliċi normalment jistgħu jiksbu prezz tas-suq għall-bejgħ ta’ artijiet u bini pubbliċi u għaldaqstant tiżgura li l-bejgħ ma jinvolvix għajnuna mill-Istat. L-ewwel metodu li jeskludi element ta’ għajnuna huwa l-bejgħ magħmul permezz ta’ proċedura ta’ irkant inkondizzjonali It-tieni, il-bejgħ bi prezz stabbilit minn evalwazzjoni ta' espert indipendenti magħmula skont standards ta’ valutazzjoni ġeneralment aċċettati.

(61)

L-Awtorità tinnota li l-bejgħ ta’ assi permezz ta’ proċedura ta’ irkant inkondizzjonali normalment se teskludi l-preżenza ta’ vantaġġ. Tal-inqas fi proċeduri ġenwinament miftuħa fejn ikun hemm aktar minn offerent wieħed (20). Madankollu, l-intitolament ta' Narvik għall-elettriku konċessjonarju ma kienx mibjugħ permezz ta’ proċess ta’ irkant inkondizzjonali.

(62)

Min-naħa l-oħra, Narvik u NEAS ikkummissjonaw valutazzjoni kull wieħed minn konsulenti esterni, kif deskritt fil-paragrafi (26) sa (29) hawn. Madankollu, la r-rapport DS1, la r-rapport DS2 u lanqas ir-rapport AA ma jiċċaraw fil-fond liema metodu jintuża biex jiġu determinati l-valutazzjonijiet tal-valur. Fin-nuqqas ta’ aktar kjarifiki, l-Awtorità mhijiex f’pożizzjoni li tevalwa jekk l-evalwazzjonijiet tal-valur tas-suq sarux skont indikaturi tas-suq u standards ta’ valutazzjoni ġeneralment aċċettati. Għalhekk l-opinjoni tal-Awtorità hija li r-rapporti DS1, DS2 u AA huma ta’ valur limitat fl-evalwazzjoni tal-valur tal-intitolament għall-elettriku konċessjonarju. Min-naħa l-oħra, ir-rapport DT jipprovdi spjegazzjoni dettaljata tal-valutazzjonijiet tiegħu. Għaldaqstant ir-riżultati tiegħu jistgħu jiġu ttestjati u vverifikati. Għalhekk l-Awtorità tqis li r-rapport DT huwa l-iktar rapport kredibbli. Fil-fehma tal-Awtorità, il-fatt li kull wieħed mill-erba’ rapporti jagħtu riżultati simili (21) madankollu jsaħħaħ ir-riżultati tar-rapport DT u nistgħu ngħidu tat-tliet rapporti l-oħra wkoll.

(63)

L-Awtorità tinnota li għalkemm prezz determinat minn evalwatur indipendenti normalment jista' jitqies bħala li jeskludi l-preżenza ta’ vantaġġ fil-bejgħ ta’ art jew bini ġeneriċi faċilment apprezzabbli li kienu soġġetti għal bosta tranżazzjonijiet, dan mhux neċessarjament il-każ għal art u bini b’karatteristiċi aktar uniċi jew fejn iċ-ċirkustanzi marbuta mal-bejgħ x'aktarx li jitfgħu dubju dwar jekk l-evalwazzjoni tal-esperti tirriflettix il-valur tas-suq attwali tal-proprjetà (22).

(64)

Kif spjegat f’dan li ġej, kuntratti ta’ provvista tal-enerġija bi prezz fiss ta’ tul li jaqbżu tul ta' sitt snin mhumiex tas-soltu u mhumiex komunament osservati. Minħabba n-nuqqas ta’ suq fejn prezzijiet komparabbli jistgħu jiġu osservati u minħabba l-volatilità fil-prezzijiet tal-elettriku, evalwazzjoni esperta hija inqas adatta bħala strument biex jiġi ddeterminat il-prezz tas-suq ta' kuntratt tal-enerġija ta' 50,5 snin bi prezz fiss (23).

(65)

Fi kwalunkwe każ, l-Awtorità tfakkar li huwa t-test ta’ investitur f’ekonomija tas-suq, u mhux is-SOL, li jikkonċerna l-bejgħ ta’ art u bini pubbliċi, li huwa applikabbli biex jiġi evalwat jekk kuntratt tal-enerġija konkluż minn awtorità pubblika jinvolvix vantaġġ li “jiffavorixxi” impriża. Tabilħaqq, il-fatt li l-prinċipju ta' investitur f'ekonomija tas-suq japplika għal kuntratti tal-enerġija ta' terminu twil ta' żmien, kien ikkonfermat mill-Qorti ġenerali f'Budapesti Erőmű Zrt v il-Kummissjoni fejn il-Qorti Ġenerali ħaddnet l-approċċ tal-Kummissjoni Ewropea (“il-Kummissjoni”) f'każ li jirrigwarda kuntratti tal-enerġija ta' terminu twil ta' żmien konklużi mill-awtoritajiet Ungeriżi (24).

(66)

F’dak il-każ il-Kummissjoni identifikat il-prattiki ewlenin ta’ operaturi kummerċjali fis-swieq tal-elettriku Ewropej li kienu rilevanti għall-finijiet tal-analiżi tagħha u vvalutat jekk il-ftehimiet f’dan il-każ kinux konformi ma’ dawk il-prattiki, jew jekk il-kuntratti ġewx konklużi b'termini li ma kinux ikunu aċċettabbli għal operatur li qed jaġixxi purament fuq bażijiet kummerċjali (25).

(67)

Il-Kummissjoni sabet li kuntratti tal-enerġija b’tul ta’ iktar minn sitt snin rarament jiġu konklużi fis-suq Ewropew (26). L-informazzjoni disponibbli għall-Awtorità tikkonferma din il-konklużjoni. Għalhekk ftit li xejn hemm kuntratti tal-enerġija ta' terminu twil ta' żmien li magħhom jista' jsir tqabbil referenzjarju tal-prezz tal-enerġija mibjugħa għal 50,5 snin fil-futur.

(68)

Madankollu, xorta waħda jridu jsiru stimi fit-tul ta’ prezzijiet tal-enerġija minn xerrejja u bejjiegħa potenzjali tal-impjanti tal-enerġija. Huwa fuq din il-bażi li l-awtoritajiet Norveġiżi argumentaw li l-bejgħ tal-intitolament ta' Narvik għall-elettriku konċessjonarju għandha tixxebbah mal-bejgħ ta’ impjant tal-idroenerġija. Biex isostnu dan l-argument, l-awtoritajiet Norveġiżi pprovdew lill-Awtorità bir-Reviżjoni Pareto, li tagħti perspettiva ġenerali ta' aktar minn ħames impjanti tal-idroenerġija mibjugħa fin-Norveġja fis-sena 2000.

(69)

L-awtoritajiet Norveġiżi jargumentaw li kemm fil-każ ta’ bejgħ ta' impjant tal-idroenerġija kif ukoll il-bejgħ tal-intitolament ta' Narvik għall-elettriku konċessjonarju, il-prezzijiet tal-bejgħ jirrappreżentaw l-NPV tal-flussi ta’ flus mistennija tal-volum tal-produzzjoni. Għalhekk, l-istess bħal Narvik u NEAS f’dan il-każ, kwalunkwe xerrejja jew bejjiegħa ta’ impjant tal-idroenerġija se jkollhom jivvalutaw il-valur tal-impjant abbażi tad-dħul mistenni mill-produzzjoni bit-tneħħija tal-ispejjeż mistennija skontati f’rata ta’ skont rilevanti safejn is-sid il-ġdid jkun jista’ jisfrutta l-idroenerġija rilevanti.

(70)

L-awtoritajiet Norveġiżi jargumentaw li, bil-korrezzjoni ta' ċerti fatturi rilevanti, il-prezzijiet tal-ħames impjanti tal-idroenerġija msemmija fir-rapport Pareto huma komparabbli mal-prezz miksub fil-bejgħ tal-intitolament għall-elettriku konċessjonarju. F’dan il-kuntest, l-Awtorità tinnota l-fatturi tal-korrezzjoni msemmija mill-awtoritajiet Norveġiżi, kif spjegati fil-Kapitolu I11 hawn fuq.

(71)

Għall-ħames impjanti tal-idroenerġija, il-firxa ta’ prezzijiet tal-bejgħ għal kull KWh tal-kapaċità ta’ produzzjoni kienet bejn NOK 1,66 u 1,74. Bejgħ permanenti ta’ assi ser iżid l-NPV tal-assi meta mqabbel ma' bejgħ tal-intitolament li tixtri l-elettriku konċessjonarju matul 50,5 snin, hekk kif l-assi huwa preżunt li jkun f'sitwazzjoni ta’ likwidità pożittiva wara s-sena 50, 5. L-awtoritajiet Norveġiżi assumew rata ta' kapitalizzazzjoni ta' 4 % li tirriżulta f’aġġustament 'l isfel tal-prezz tal-bejgħ b’madwar 10-15 % sabiex bejgħ permanenti jiġi kkumparat mal-bejgħ ta' elettriku konċessjonarju limitat biż-żmien (27).

(72)

It-tieni differenza bejn bejgħ permanenti u bejgħ tal-intitolament li tixtri elettriku konċessjonarju matul 50,5 snin tikkonċerna l-bażi tal-kost għall-użu fill-mudell NPV — l-ispejjeż totali tal-produzzjoni vs. il-prezz tal-konċessjoni. L-awtoritajiet Norveġiżi argumentaw li l-ispiża operattiva tipika inkluż l-investiment mill-ġdid għal impjant tal-enerġija iktar ġdid kienet madwar NOK 0,05 għal kull KWh filwaqt li l-prezz tal-ministeru dak iż-żmien kien madwar NOK 0,10 għal kull KWh.

(73)

Sabiex jiġi vvalutat jekk il-prezzijiet għall-impjanti tal-enerġija jikkostitwixxux ekwivalenti xierqa għall-prezz tas-suq tal-elettriku konċessjonarju inkwistjoni, huwa meħtieġ li wieħed iħares lejn kull element tal-argument f’aktar dettall. Il-valutazzjoni tal-Awtorità hija bbażata fuq l-informazzjoni mogħtija mill-awtoritajiet Norveġiżi u informazzjoni oħra disponibbli pubblikament.

(74)

Fl-analiżi li ġejja ntużaw figuri nominali fil-kalkoli kollha (28).

(75)

Għall-ħames impjanti tal-idroenerġija, imsemmija fir-Reviżjoni Pareto, il-prezzijiet tal-bejgħ għal kull KWh tal-kapaċità ta’ produzzjoni kienu f'firxa ta' bejn NOK 1,66 u 1,74. F’rapport maħruġ mill-impriża ta’ konsulenza Econ Pöyry li janalizza l-bejgħ tal-impjanti tal-enerġija bejn l-1996 u l-2005, il-valur medju tat-tranżazzjoni fis-sena 2000 jidher li huwa kemxejn ogħla, stmat għal madwar NOK 1,85. Skont l-istess rapport, l-istess prezz approssimattiv kien inkiseb fl-1999. Bl-istess mod, il-firxa ta' prezzijiet li magħha jsir it-tqabbil donnha li hi kemxejn ogħla minn dik tar-Reviżjoni Pareto. Billi l-kumitati tar-rapport ECON jirreferu għal valur medju ogħla tat-tranżazzjoni minn dak tar-reviżjoni Pareto, l-Awtorità se tuża firxa ta’ bejn NOK 1,70 u 1,80 fl-analiżi ulterjuri.

(76)

It-tieni fattur li għandu jiġi kkunsidrat huwa kif għandhom jaġġustaw il-livelli tal-prezzijiet minn bejgħ permanenti bejgħ limitat biż-żmien matul 50,5 snin. L-awtoritajiet Norveġiżi argumentaw li l-fattur ta' aġġustament xieraq huwa 10-15 % ibbażat fuq rata ta’ kapitalizzazzjoni ta’ 4 %. L-Awtorità ssib li l-għażla tar-rata ta' kapitalizzazzjoni hija marbuta mill-qrib mal-għażla tar-rata ta’ skont fil-mudell NPV. Ir-rata nominali ta’ skont wara t-taxxa li ntużat fir-rapport DT kienet ta' 6,8 % filwaqt li r-rapport AA uża 7 %. Ta’ min jinnota wkoll li NVE uża rata ta’ 6,5 % meta vvaluta proġetti ġodda tal-impjanti tal-idroenerġija (29). Il-mudell tal-kalkolu tal-prezz tal-kost juża rata ta’ 6 % (30). Fuq il-bażi ta’ dak li ntqal hawn fuq, l-Awtorità hija tal-opinjoni li r-rata xierqa tal-iskont u għalhekk ir-rata xierqa ta' kapitalizzazzjoni li għandha tiġi applikata meta jiġi paragunat bejgħ permanenti ma' bejgħ limitat biż-żmien, hija fil-medda ta’ 6-7 % nominalment wara t-taxxa. Fuq din il-bażi, l-aġġustament xieraq ta’ valur minn bejgħ permanenti għal bejgħ ta' 50,5 snin mhix 10-15 % kif sostnew l-awtoritajiet Norveġiżi iżda aktar viċin 4-5 %.

(77)

It-tielet fattur li għandu jiġi kkunsidrat huwa l-prezz tas-suq mistenni tal-elettriku tal-futur. Kif spjegat hawn fuq, it-tbassir tal-prezzijiet tal-elettriku tal-futur għal 50 sena jew aktar huwa eżerċizzju mimli diffikultajiet. Fir-rapporti ta' evalwazzjoni deskritti hawn fuq, b’mod partikolari fir-rapport AA u r-rapport DT, il-prezz tas-suq tal-enerġija kien mistenni li jiżdied b’mod stabbli għal perjodu ta’ bejn 10 snin u 20 sena wara liema l-prezzijiet kienu mistennija jkunu kostanti f’termini reali (jiġifieri jiżdiedu biss skont l-inflazzjoni mistennija) (31). Dan jissuġġerixxi li l-konsensus fis-suq dak iż-żmien kien li l-prezzijiet tal-elettriku tal-ġejjieni fit-terminu twil ta' żmien kienu se jibqgħu kostanti f’termini reali u mhux jibqgħu jiżdiedu (32). L-Awtorità tassumi li l-istess inċertezza dwar il-prezzijiet tal-elettriku tal-ġejjieni kienet preżenti għall-parteċipanti tas-suq kollha, anke dawk li kienu qed jixtru u jbiegħu l-impjanti tal-enerġija matul l-istess perjodu tal-bejgħ tal-intitolament għall-elettriku konċessjonarju. Fil-verità, ma hemm l-ebda raġuni biex wieħed jassumi li parteċipanti differenti fis-suq għandhom aċċess għal informazzjoni differenti ferm dwar l-aspettattivi tal-prezz tas-suq.