A bheith ag obair mar shaorateangaire leis an Aontas

Is le comórtais a earcaítear ateangairí foirne an Aontais. Tá tuilleadh eolais faoi na comórtais oscailte le fáil ar an suíomh gréasáin EU Careers (EPSO).

Is féidir tuilleadh eolais a fháil ó EU Careers (EPSO), agus ar an leathanach gréasáin Translation at the EU institutions.

Ní mór duit a chruthú go bhfuil taithí agat mar ateangaire comhdhála san ateangaireacht chomhuaineach agus san ateangaireacht leantach ar an leibhéal is gá do chruinnithe idirnáisiúnta ar feadh 100 lá san iomlán ar a laghad.

Ar na doiciméid a nglactar leo mar chruthúnas ar thaithí tá:

• Fótachóipeanna de chonarthaí

• Ráitis ó fhostóirí ina sonraítear líon na laethanta agus cineálacha na gcomhdhálacha (ráitis ina léirítear líon na laethanta a oibríodh i mbun ateangaireacht leantach agus/nó ateangaireacht chomhuaineach agus an teanga shonrach a ndearna tú ateangaireacht go dtí í/uaithi)

• Litreacha teistiméireachta ina bhfuil líon na laethanta agus dualgais an phoist sonraithe

• Fótachóipeanna de shonraisc agus cur síos soiléir iontu ar an gcineál oibre

Ní chuirfear ateangaireacht chúirte, ateangaireacht idirghabhála, ateangaireacht do sheirbhísí poiblí ná ateangaireacht do ghnólachtaí san áireamh. Ní leor tagairt do do thaithí oibre ar CV chun a chruthú go bhfuil sí agat. Ba cheart go léireodh an cruthúnas ar thaithí na teaglamaí teangacha agus na treoracha ar fostaíodh thú le dul go dtí iad/uathu. Ina theannta sin, ba cheart na doiciméid tacaíochta uile is gá a bheith i do chomhad faoin spriocdháta d’iarratais (féach an féilire).

Is ar bhonn triail idirinstitiúideach freisin a thabharfar creidiúnú idirinstitiúideach d'ateangairí ag a bhfuil an tSeirbis, an Bhoisnis agus an Mhontainéigris mar theanga A.

Ní athrófar an stádas atá ag ateangairí atá ar an liosta cheana féin. Is i gcomhréir leis na nósanna imeachta atá ann cheana féin a dhéanfar aon athrú i leith teangacha gníomhacha nó éighníomhacha. Féadfar aithint na Cróitise, na Seirbise, na Boisnise agus na Montainéigrise mar theangacha C breise a mheas de réir an cháis ar bhonn fianaise ar choinníoll go bhfuil ceann de na teangacha sin roghnaithe cheana féin ag an iarrthóir mar theanga C. Má tá aon cheist agat orainn faoi sin, cuir ríomhphost chugainn.

Ní féidir. In aon bhliain tástála ar leith, ní féidir leat a bheith cláraithe ach le haon teanga A amháin, agus ní féidir triail a chur ort ach in aon teanga A amháin le linn na bliana sin. Má tá iarratas déanta agat cheana féin, is féidir leat an teanga a roghnaigh tú mar theanga A a athrú roimh an spriocdháta is infheidhme ach ríomhphost a chur chugainn.

Nuair a bheidh do chomhad uaslódáilte agat, cuirfear admháil chugat go bhfuarthas an fhianaise.

Measfaidh an Coiste um Scagadh d’iarratas agus déanfaidh sé amach an leor na doiciméid a chuir tú ar fáil. Is féidir leat eagarthóireacht a dhéanamh ar na doiciméid i do phróifíl nó doiciméid nua a uaslódáil chuig do phróifíl san iarratas tráth ar bith. Mar sin féin, ní chuirfidh an Coiste um Scagadh san áireamh ach na doiciméid a uaslódáladh faoin spriocdháta atá leagtha síos d’iarratais.

Is fútsa atá sé féachaint chuige:

• go bhfuil an comhad a uaslódáladh ar ardchaighdeán

• go bhfuil do theaglaim teangacha luaite ar dhoiciméad oifigiúil (mura bhfuil an teaglaim teangacha luaite ar do theastas céime/dioplóma, ní mór í a bheith luaite ar dhoiciméad oifigiúil ollscoile eile, e.g. forlíonadh dioplóma, tras-scríbhinn, teastas gnóthachtála)

• an t-eolas agus an leibhéal atá agat sna teangacha nach bhfuil luaite mar chuid de chéim nó dioplóma, go bhfuil doiciméad iomchuí ann (e.g. teastais, ráiteas pearsanta, taithí oibre ábhartha) mar fhianaise ar an méid sin.

• go bhfuil do cháilíochtaí scrúdaithe ateangaireachta le fáil i do chomhad

• i gcás inarb infheidhme, go bhfuil an cruthúnas is gá ar 100 lá a d’oibrigh tú mar ateangaire comhdhála le fáil sa chomhad

Má tá tú sa bhliain deiridh de chúrsa ateangaireachta:

• ach mura bhfuair tú cóip de do chéim nó do dhioplóma deiridh san ateangaireacht chomhdhála fós, ní mór duit teastas oifigiúil ó d’ollscoil a uaslódáil ar a bhfuil sé ráite gur éirigh na scrúduithe éigeantacha go léir leat.

• má d’éirigh na scrúduithe ateangaireachta éigeantacha go léir leat, ach má tá do dhioplóma nó do chéim san ateangaireacht chomhdhála fós le cur i gcrích agat, iarrtar ort teastas oifigiúil ó d’ollscoil a uaslódáil ar a bhfuil sé luaite gur éirigh na scrúduithe ateangaireachta éigeantacha go léir leat chun do dhioplóma nó do chéim a bhaint amach.

• má tá na scrúduithe ateangaireachta fós le déanamh agat, ní mór duit teastas clárúcháin a uaslódáil, nó cruthúnas go bhfuil do chéim á críochnú agat. Coicís ar a laghad roimh lá na trialach comhuainí, ní mór duit teastas nó tras-scríbhinn oifigiúil a uaslódáil ó d’ollscoil nó ó do phainéal scrúduithe iarchéime lena dheimhniú gur éirigh na scrúduithe ateangaireachta éigeantacha leat chun do dhioplóma nó do chéim a bhaint amach.

Má éiríonn an triail chreidiúnúcháin leat, ní chreidiúnófar thú go dtí go gcuirfidh tú isteach cóip den dioplóma nó den chéim deiridh.

Má mheastar go bhfuil d’iarratas incháilithe, cuirfidh Oifig Trialacha Idirinstitiúideacha an Choimisiúin Eorpaigh aon eolas faoin cuireadh chuig an triail chreidiúnúcháin chuig do chuntas ar líne. Déan deimhin de go seiceálfaidh tú go rialta é.

Gheobhaidh tú na sonraíochtaí teicniúla is gá, agus roimh an triail chomhuaineach, tabharfar cuireadh duit triail bhréige a dhéanamh; tá an triail bhréige éigeantach, agus beidh tú in ann eolas a chur ar an uirlis agus féachaint an gcomhlíonann tú na ceanglais theicniúla.

Is fútsa atá sé chomh maith do chuntas ríomhphoist a sheiceáil chun go bhfeicfidh tú na fógraí tábhachtacha. Déan cinnte de go n-aithneoidh do chóras ríomhphoist nach turscar iad na teachtaireachtaí ó ‘csi-tests@ec.europa.eu’.

Eagrófar na trialacha go léir go cianda ar ardán ciantástála. Tabharfar cuireadh duit ar dtús d’fheidhmíocht ateangaireachta comhuainí a thaifeadadh do na teangacha ar fad a thástálfar. Má éiríonn leat sa chuid chomhuaineach, agus sa chás sin amháin, tabharfar cuireadh duit an triail leantach a dhéanamh. Gheobhaidh na hiarrthóirí a fhaigheann cuireadh chuig an triail leantach ríomhphost ó Sheirbhís Tástála Pharlaimint na hEorpa. Déan deimhin de go n-aithneoidh do chuntas ríomhphoist nach turscar iad na teachtaireachtaí ó LINC.pst@europarl.europa.eu.

Tá gach cuid den triail díbeathach. I gcás na trialach comhuainí, agus ag brath ar thoradh phléití an Bhoird Roghnúcháin agus ar an bpróifíl teanga íosta is gá, féadfar deireadh a chur leis na meastóireachtaí sula ndéanfar measúnú ar gach comhpháirt den triail.

I gcás na dtástálacha leantacha, déanfar measúnú ar gach ceann de na comhpháirteanna tástála éigeantacha, gan beann ar gach toradh ar leith. Cuirfidh an Bord Roghnúcháin torthaí na dtrialacha foriomlána agus torthaí na dtrialacha aonair in iúl a luaithe a bheidh gach ceann de chomhpháirteanna na dtrialacha curtha i gcrích agus measúnú déanta orthu. Mura n-éireoidh leat in aon cheann de na trialacha leantacha éigeantacha, tabharfar torthaí na dtrialacha comhuaineacha agus leantacha go léir a n-éiríonn leat iontu ar aghaidh go dtí seisiún ‘athshuite’. Eagrófar an seisiún ‘athshuite’ sin laistigh den bhliain tástála chéanna nó den bhabhta céanna trialacha agus tabharfar deis amháin as an nua duit pas a fháil sa chomhpháirt/sna comhpháirteanna trialacha leantacha nár éirigh leat ann/iontu. Mura n-éiríonn leat an phróifíl teanga íosta don chreidiúnúchán a bhaint amach ag céim an athshuite, ní féidir na comhpháirteanna ar éirigh leat iontu a thabhairt ar aghaidh chuig aon triail a dhéanfar amach anseo. Is í Seirbhís Tástála Pharlaimint na hEorpa a eagraíonn na trialacha athshuite. I gcás na trialach athshuite leantaí, agus ag brath ar thorthaí an phlé, cuirfidh an Bord Roghnúcháin deireadh leis an meastóireacht a luaithe nach féidir leat aon cheann de na próifílí creidiúnúcháin is gá a chomhlíonadh a thuilleadh.

Gheobhaidh tú an toradh i scríbhinn mar aon le haiseolas, rud a chuirfidh ar do chumas tuiscint a fháil ar an gcaoi ar éirigh leat i ngach ceann de na critéir mheastóireachta.

Is féidir go mbeidh socruithe eile i bhfeidhm i gcás teangacha nach teangacha oifigiúla de chuid an Aontais iad.

Is é an Coiste um Scagadh a roghnaíonn na teangacha atá le tástáil as na teangacha a dhearbhaigh tú a bhí agat san iarratas. Ní féidir an rogha sin a athrú. Tabhair do d’aire go bhfuil ord na dtrialacha teanga socraithe, ar chúiseanna eagrúcháin agus ní bheifear in ann iad a athrú.

Dearbhaigh an míchumas atá ort leis an bhfoirm atá curtha ar fáil san iarratas ar líne agus luaigh san fhoirm sin aon riachtanais atá ort i leith cúnamh speisialta nó trealamh le haghaidh na trialach leantaí nó na trialach comhuainí.

Déanfar gach iarracht socruithe a dhéanamh sa chaoi go dtástálfar thú faoi na dálaí is fearr is féidir agus, san am céanna, cothroime idir na hiarrthóirí a chinntiú.

Is ateangairí comhdhála ar cuireadh oiliúint orthu chun na críche sin as trí sheirbhís ateangaireachta institiúidí an Aontais (an Coimisiún Eorpach, Parlaimint na hEorpa agus Cúirt Bhreithiúnais an Aontais Eorpaigh) atá sna boird roghnúcháin. De réir na teaglama teangacha a bheidh á tástáil, is féidir go mbeidh ateangairí eile i bainteach leis an triail i gcáil meastóirí chun cuidiú leis an mbord roghnúcháin an mheastóireacht a dhéanamh.

Féadfaidh tú athbhreithniú a iarraidh leis an bhfoirm atá curtha ar fáil sa chuntas ar líne. Ba cheart míniú a chur leis an iarraidh ar athbhreithniú agus ní mór í a sheoladh laistigh de 5 lá féilire ón dáta a sheoltar chugat ar líne an litir ina gcuirtear in iúl duit cinneadh an Choiste um Scagadh nó cinneadh an Bhoird Roghnúcháin ina ndearbhaítear torthaí na trialach.

Ní féidir leat agóid a dhéanamh in aghaidh an mheasúnaithe ar ábharthacht do cháilíochtaí nó do thaithí oibre ná ar cháilíocht na hateangaireacht a rinne tú mar chuid den triail. Breithiúnas luacha is ea an measúnú sin agus, dá bhrí sin, ní bheidh toradh dearfach ar iarraidh ar athbhreithniú a chuirfear isteach ar an mbonn sin.

Ní ghlacfar le hiarratais ar aiseolas breise mar iarraidh ar athbhreithniú; diúltófar dóibh agus ní chuirfidh na Boird Roghnúcháin aon aiseolas eile ar fáil.

Ba cheart aon chumarsáid sa chomhthéacs sin a sheoladh chuig an Oifig Tástála; iarrtar ort gan teagmháil ná cumarsáid dhíreach aonair a dhéanamh le comhaltaí an Choiste um Scagadh ná le comhaltaí an Bhoird Roghnúcháin.

Is féidir leat iarratas a dhéanamh an athuair ar choinníoll nár bronnadh teip ort i dtriail chreidiúnúcháin trí huaire (i gcás nár fhreastal tú ar thriail gan cúis mhaith, teip atá ann). Ach amháin más gá sin ar mhaithe leis na seirbhísí, sular féidir an ceathrú iarratas (agus gach iarratas ina dhiaidh sin) a ghlacadh, beidh feidhm ag tréimhse feithimh cúig bliana.

I gcás inar éirigh na codanna uile den triail leat a bhaineann le hateangaireacht agus má chomhlíonann tú na coinníollacha riaracháin uile, cuirfear d’ainm le liosta na n-ateangairí ACI atá creidiúnaithe d’institiúidí an Aontais. Tairgtear conarthaí d'ateangairí ACI de réir riachtanais gach institiúide. Tabhair do d'aire nach ionann a bheith ar liosta na n-ateangairí creidiúnaithe agus cinntiú go n-earcófar thú.

Tabhair do d’aire freisin: má tá caidreamh conarthach leanúnach agat le hinstitiúidí an Aontais Eorpaigh (e.g. mar oiliúnaí, mar ghníomhaire ar conradh, mar ghníomhaire sealadach nó mar oifigeach), ní féidir tú a chur leis an Liosta Comhpháirteach go dtí go dtiocfaidh deireadh le do chonradh. Le haghaidh tuilleadh eolais, féach an Nós Imeachta maidir le stádas ACI ar an Liosta Comhpháirteach.

Ní féidir. Is trí chomórtais amháin is féidir post foirne buan a fháil.

Cuireann institiúidí an Aontais cuid mhór acmhainní ar fáil chun cuidiú leis an gcleachtadh.

• Bosca Uirlisí Oiliúna Ateangaireachta an Choimisiúin Eorpaigh

Le haghaidh ceisteanna faoi na trialacha leantacha: LINC.accr-tests@europarl.europa.eu

Le haghaidh gach ceist eile: csi-tests@ec.europa.eu