An bhfuil an dúspéis agat muintearas níos láidre leis an Aontas Eorpach a spreagadh i measc do chuid daltaí? An bhfuil smaointe agat chun topaicí a bhaineann leis an Aontas Eorpach, amhail an daonlathas nó ról institiúidí an Aontais, a chomhcheangal le do churaclam scoile?
Tá an clár Jean Monnet is déanaí de chuid Erasmus+ díreach seolta – deis iontach duit chun an maoiniú atá de dhíth ort a fháil chun do chuid smaointe a chur i gcrích!
Tá glao 2025 ar iarratais réidh le dul, agus tá gníomhaíochtaí a bhaineann go sonrach le scoileanna/múinteoirí san áireamh ann chun múineadh faoin Aontas ar scoil. Le haghaidh tuilleadh sonraí, naisc chuig an bhfoirm iarratais san áireamh, féach na naisc seo a leanas:
- Tionscnaimh foghlama Jean Monnet an Aontais Eorpaigh: is féidir le scoil iarratas a dhéanamh ar mhaoiniú – deontais suas le €35,000 – chun teagasc faoin Aontas (bunscoileanna, meánscoileanna agus scoileanna gairmoideachais agus gairmoiliúna) i ngach tír atá páirteach sa chlár Erasmus+
- Líonraí Jean Monnet do scoileanna: 6 institiúid ar a laghad, atá bunaithe i 3 Bhallstát/thír atá rannpháirteach sa chlár ar a laghad (is féidir suas le 2 institiúid ardoideachais a bheith san áireamh).
Ag lorg smaointe?
Tá achoimrí tionscadal na nGníomhartha Jean Monnet i réimse oideachais agus oiliúna eile le fáil ar an tairseach maoiniúcháin agus tairiscintí. Féach leat sliocht as ceann de thionscnaimh Foghlama an Aontais 2024:
Is é is aidhm don tionscadal ‘Aux Portes de l’Union Européenne’ intinn oscailte a chur chun cinn ar fud an domhain as a n-eascróidh an comhrac i gcoinne an idirdhealaithe, cuimsiú a chothú agus muintearas an phobail Eorpaigh a neartú. Mar gheall ar dheacrachtaí sóisialta agus acadúla ár mac léinn, cheapamar go raibh sé tábhachtach na saincheisteanna Eorpacha a dhaingniú ina saol laethúil. Agus an méid sin á chur san áireamh againn, d’fhorbraíomar an tionscadal sin mar a bheadh cluiche ann. Cosúil le Harry Potter, déanfar ár scoil a roinnt ina ‘Tithe’. Ag tús gach scoilbhliana, sannfar tír Eorpach do gach rang. I rith na bliana, baileoidh gach rang pointí bunaithe ar an méid a bhainfidh na daltaí amach agus a gcuid dtionscnamh a bhaineann leis an tír atá acu. Ag an am céanna, is féidir pointí a chailleadh mar gheall ar iompar míchuí. Is é is aidhm don chur chuige spraíúil sin saincheisteanna Eorpacha a dhéanamh níos inláimhsithe agus na daltaí a spreagadh chun páirt a ghlacadh trí ligean dóibh éagsúlacht chultúrtha na hEorpa a fhiosrú agus a thuiscint ar bhealach spraíúil agus rannpháirteach.
Naisc úsáideacha:
Is féidir le Cúinne na foghlama cuidiú leat ábhar a aimsiú
Is féidir le ríomhnascadh cabhrú leat comhpháirtithe a aimsiú
Is féidir leis an bhfíseán seo cabhrú leat leis an bpróiseas iarratais
Má tá aon eolas uait faoin tionscnamh seo, déan teagmháil le:
EAC-JM-SCHOOLS
ec [dot] europa [dot] eu (EAC-JM-SCHOOLS[at]ec[dot]europa[dot]eu).
Sonraí
- Dáta foilsithe
- 29 Samhain 2024
- Údar
- Ard-Stiúrthóireacht na Cumarsáide
- Type of content
- News
Naisc ghaolmhara
Have a look at the survey results and use our educational toolkits – the toolkit to help fight gender stereotypes in primary school and the toolkit to help fight gender stereotypes in secondary school – to raise awareness in your classroom!
Le huirlis IMAGE Eurostat is féidir leat do léarscáileanna staitistiúla Eorpacha féin a ullmhú agus tá roghanna éagsúla réamhshainithe ar fáil i dtaca le leagan amach.
Cabhraigh linn chun ábhair oideachasúla níos fearr a chur ar fáil ach páirt a ghlacadh sa suirbhé ar líne ó Pharlaimint na hEorpa faoin 5 Eanáir!
An bhfuil tú ag iarraidh do chion a dhéanamh don phobal Eorpach agus níos faide i gcéin? Cláraigh don Chór Dlúthpháirtíochta Eorpach!
Ba lá tábhachtach don Aontas Eorpach é an 1 Nollaig. An lá sin, cuireadh tús le sainordú nua an Choimisiúin Eorpaigh, é faoi stiúir an Uachtaráin Ursula von der Leyen den dara huair.
Is é an 20 Samhain an dáta speisialta atá tiomnaithe do leanaí ar fud an domhain. Ar an lá sin, déantar ceiliúradh ar ghlacadh Dhearbhú Chearta an Linbh agus an Choinbhinsiúin um Chearta an Linbh.