Mac Pro (2023) og Mac Pro (Rack, 2023) vifta

Áður en hafist er handa

Fjarlægið eftirfarandi hluta áður en hafist er handa:

Verkfæri

  • Stillanlegur átaksmælir (0,3–1,2 Nm)

  • Nemi úr næloni (svartur teinn)

  • Torx Plus 8IP 89 mm biti

Losun

  1. Rennið neðri SSD-einingarhlífinni til vinstri (1) og dragið neðri SSD-einingarhlífina að ykkur (2) til að taka hana af tölvunni. Takið neðri SSD-einingarhlífina frá til að nota við samsetninguna.

  2. Kreistið efri og neðri hluta vifturásarinnar til að losa vinstri hlið vifturásarinnar.

  3. Ýtið á svæðin tvö sem sýnd eru til að losa klemmurnar tvær á hægri brún vifturásarinnar.

  4. Takið vifturásina úr tölvunni.

  5. Snúið tölvunni í hálfhring þannig að móðurborðið vísi fram. Notið 0,3–1,2 Nm stillanlega átaksmælinn og 8IP-bitann til að losa alveg þrjár fastar 8IP-skrúfur í móðurborðinu.

    • Athugið: Skrúfurnar sjást í gegnum götin á móðurborðinu og haldast á sínum stað þegar þær eru losaðar að fullu.

  6. Togið stífu móðurborðsins til vinstri til að skapa rými fyrir viftuna (1). Snúið svo viftunni og takið úr tölvunni eins og sýnt er (2).

    • Athugið: Ef ekki losnar um viftuna skal endurtaka skref 5. Fjarlægið því næst viftuna.

Samsetning

  1. Athugið hvort skemmdir séu sýnilegar á snertigormum viftunnar.

    • Mikilvægt: Ef snertigormarnir eru skemmdir þarf að skipta um móðurborð.

  2. Gangið úr skugga um að sporöskjulaga kraginn sé ekki klemmdur eða skagi út. Ef kraginn er klemmdur eða skagar út skal nota svarta teininn til að koma honum í rétta stöðu.

  3. Setjið festipinnann á viftunni inn í sporöskjulaga kragann á móðurborðinu og komið viftunni fyrir í tölvunni.

  4. Togið stífu móðurborðsins til vinstri (1) og ýtið svo viftunni þar til hún er upp við móðurborðið (2).

  5. Haldið viftunni upp við botn og hlið móðurborðsins. Notið 0,3–1,2 Nm stillanlega átaksmælinn og 8IP-bitann til að skrúfa lauslega eina fasta 8IP-skrúfu hinum megin á móðurborðinu.

  6. Haldið áfram að halda viftunni upp við botn og hlið móðurborðsins. Notið stillanlega átaksmælinn og 8IP-bitann til að lausherða föstu 8IP-skrúfurnar tvær sem eftir eru.

  7. Stillið herslugildi stillanlega átaksmælisins á 0,5 Nm. Notið stillanlega átaksmælinn og 8IP-bitann til að skrúfa þrjár 8IP-skrúfur tryggilega í móðurborðið.

  8. Stingið klemmunum tveimur vinstra megin á vifturásinni í raufarnar á móðurborðinu.

  9. Kreistið efri og neðri hluta vifturásarinnar til að setja krókinn á vinstri hlið vifturásarinnar inn í raufina á móðurborðinu.

  10. Rennið krækjunni á hlíf neðri SSD-einingarinnar til vinstri (1). Setjið hlíf neðri SSD-einingarinnar yfir opið. Ýtið síðan á vinstri brúnina á hlíf neðri SSD-einingarinnar til að festa hana á sínum stað (2).

Setjið eftirfarandi hluti aftur í til að ljúka samsetningu:

Birt: