Mac компьютеріңіздегі Notification Center терезесі
Notification Center терезесі маңызды ақпаратыңыздың, еске салғыштарыңыз бен виджеттеріңіздің барлығын бір қолайлы орында сақтайды. Күнтізбе шаралары, акциялар, ауа райы және т.б. туралы мәліметтерді алыңыз—және өткізіп алған болуыңыз мүмкін хабарландыруларды біліңіз (электрондық пошта хабалары, хабарлар, еске салғыштар және т.б.).
Notification Center терезесін ашыңыз. Экранның жоғарғы жағындағы күнді немесе уақытты басыңыз немесе сенсорлы тақтаның оң жақ шетінен солға екі саусақпен сипаңыз. Көбірек көру үшін төмен жылжыңыз.
Орындап жатқан әрекетіңізге зейініңізді шоғырландырыңыз. Жұмыс істеп отырғанда, тамақ ішіп отырғанда немесе жай ғана мазалауды қаламаған кезде, Focus тек көрсеткендеріңізді көруіңіз үшін хабарландыруларыңызды автоматты түрде сүзгілейді. Focus барлық хабарландыруларды уақытша тоқтата алады немесе тек белгілі бір хабарландырулардың пайда болуына рұқсат етеді және—Focus Status деп аталатын—автожауапты сізбен байланысуға тырысқан адамдарға жібереді, сонда олар хабарландыруларыңыздың дыбысы өшірулі екенін біледі. Focus мүмкіндігін қазіргі орындап жатқан тапсырмаңызға сәйкстендіру және белгілі бір адамдардан немесе қолданбалардан келген хабарландыруға, телефон қоңырауларына немесе алдағы оқиғаларға және т.б. рұқсат ету үшін орнатуыңызға немесе теңшеуіңізге болады . Focus мүмкіндігін орнату үшін System Preferences терезесін ашыңыз 
, Notifications & Focus түймесін, одан кейін Focus түймесін басыңыз. Focus параметрін қосу немесе өшіру үшін мәзір жолағында 
түймесін басыңыз, одан кейін Focus бөлімін басыңыз және Focus түрін таңдаңыз.
Хабарландырулармен өзара әрекеттесіңіз. Электрондық пошта хабарына жауап беріңіз, ең соңғы подкастіні тыңдаңыз немесе күнтізбе шаралары туралы мәліметтерді қараңыз. Параметрлерді қарау, әрекет орындау немесе қосымша ақпарат алу үшін хабарландырудың жоғарғы оң жақ бұрышындағы көрсеткіні басыңыз.
Виджеттеріңізді теңшеңіз. Виджеттерді қосу, жою немесе қайта реттеу үшін Edit Widgets (хабарландырудың төменгі жағында) түймесін басыңыз. Mac App Store дүкенінен үшінші тараптың виджеттерін қосуыңызға да болады.
Хабарландыру теңшелімдеріңізді орнатыңыз. System Preferences терезесін ашыңыз және көретін хабарландыруларыңызды таңдау үшін Notifications & Focus түймесін, Notifications түймесін басыңыз. Хабарландырулар ең соңғысы бойынша сұрыпталады және қайта жасақталған Today виджеттері ақпаратты бір қарағаннан жеткізеді.
Қосымша мәліметтер. Mac компьютеріңіздегі Notifications тізімін пайдалану атты Apple Support мақаласын қараңыз.