Қосалқы құралдарды MacBook Air компьютеріңізбен пайдалану
MacBook Air компьютеріңізді пернетақта, тінтуір немесе трекпад сияқты басқа құрылғылармен; AirPods сияқты тағылатын құрылғылармен; және т.б. қосуыңызға болады. Қосалқы құралдарды қосудың екі жолы бар: Bluetooth технологиясын пайдаланып сымсыз немесе қосалқы құралдың кабелін MacBook Air компьютеріңіздегі Thunderbolt 4 / USB-C немесе Thunderbolt / USB 4 порттарының біреуіне қосу арқылы.
Бастамастан бұрын. Қосалқы құралды MacBook Air компьютеріңізге қоспастан бұрын келесі әрекеттерді орындаңыз:
Қосалқы құралыңызбен келген құжааттарды қараңыз.
Кабельмен қосылып отырсаңыз, сізде дұрыс кабель екенін тексеріңіз. Кабельді MacBook Air компьютеріңіздегі Thunderbolt / USB 4 портына қосу үшін сізге адаптер де қажет болу мүмкін. Порттар мен олардың мүмкіндіктері туралы қосымша мәліметтерді Шолып шығыңыз: MacBook Air бөлімінен қараңыз.
MacBook Air компьютеріңіздің macOS жүйесінің ең соңғы нұсқасына жаңартылғанын тексеріңіз.
Сымсыз қосалқы құралды қосу
Bluetooth қызметін қосыңыз. Мәзір жолағында Control Center белгішесін 
басыңыз. Қосылған кезде Bluetooth белгішесі 
көк түсті болады. Белгіше сұр түсті болса, Bluetooth функциясын қосу үшін оны басыңыз.
Bluetooth қосалқы құралын жұптаңыз. Bluetooth қосалқы құралын MacBook Air компьютеріңізбен бірінші рет қолданған кезде оларды жұптауыңыз керек. Қосалқы құралдың жұпталуға дайын екенін тексеру үшін қосалқы құралмен келген құжаттарды қараңыз—мысалы, Bluetooth функциясын қосу үшін қосалқы құралда қосқышты аударуыңыз керек болуы мүмкін. Mac компьютеріңіз бен қосалқы құралдың екеуі де қосулы дәне бір біріне жақын болуы тиіс.
Қосалқы құралыңыз жұптауға дайын кезде Mac компьютеріңізде System Settings терезесін ашыңыз және бүйірлік тақтада Bluetooth түймесін басыңыз. Nearby Devices тізімінде қосалқы құралды таңдаңыз, одан кейін Connect түймесін басыңыз.
Bluetooth қосалқы құралын қосыңыз. Қосалқы құралды жұптағаннан кейін, ол MacBook Air компьютеріңізге автоматты түрде қосылады. Мәзір жолағында Control Center белгішесін басу, одан кейін меңзеріңізді Bluetooth үстіне жылжыту және көрсеткіні 
басу арқылы MacBook Air компьютеріңізге қандай Bluetooth құрылғыларын қосқаныңызды тексеруіңізге болады. Тізімде көк белгішемен пайда болатын қосалқы құралдар қосылған.
Қосалқы құралыңыз автоматты түрде қосылмаса, Mac компьютеріңізде System Settings терезесін ашып, Bluetooth түймесін басыңыз. Қосалқы құралдың My Devices тізімінде пайда болатынын тексеріңіз. Ол пайда болмаса, қосалқы құралды жұптау үшін қадамдарды орындаңыз.
Bluetooth қосалқы құралын ажырату немесе ұмыту. Bluetooth қосалқы құралын ажырату үшін Mac компьютеріңізде System Settings терезесін ашыңыз және Bluetooth түймесін басыңыз. My Devices тізімінде меңзеріңізді қосалқы құрал үстіне жылжытыңыз, одан кейін Disconnect түймесін басыңыз. MacBook Air компьютеріңіз автоматты түрде қосылмауы үшін Bluetooth қосалқы құралын ұмыту үшін қосалқы құралдың жанындағы Information белгішесін 
басыңыз, одан кейін Forget This Device түймесін басыңыз.
Magic Mouse, Magic Trackpad немесе Magic Keyboard пернетақтасын қосыңыз. Magic Mouse, Magic Trackpad немесе Magic Keyboard пернетақтасын MacBook Air компьютеріңізге қосалқы құралыңызбен берілген кабельді пайдаланып қосыңыз. Одан кейін, қосалқы құралыңыздағы қосқышты жасыл көрінетіндей етіп сырғытыңыз. Қосалқы құралыңыз кейін Mac компьютеріңізбен жұпталады.
Қосалқы құрал MacBook Air компьютерімен жұпталғаннан кейін кабельді ажыратып, қосалқы құралды сымсыз пайдалануыңызға болады. Magic Mouse, Magic Trackpad немесе Magic Keyboard пернетақтаңыз Bluetooth функциясы қосулі кезде Mac компьютеріңізге автоматты түрде қосылады.
AirPods құлаққаптарын MacBook Air компьютеріңізбен қосыңыз. AirPods құлаққаптарын жұптау және қосу үшін AirPods құлаққаптарын Apple құрылғысымен жұптау бөлімін қараңыз.
Қосалқы құралды кабельмен қосу
Кейбір қосалқы құралдарды MacBook Air компьютеріңізге кабельмен қосуға болады. Қосалқы құрал мен кабельдің мүмкіндіктеріне байланысты қосалқы құралды зарядтай алуыңыз немесе қосылған кезде деректерді тасымалдай алуыңыз да мүмкін.
Қосалқы құралды қоспастан бұрын онымен келген құжатты қараңыз. Кейбір қосалқы құралдарда қосылуы керек қосымша қуат көзі болады.
Қосалқы құралды қосу үшін қосалқы құралыңыздағы портқа, сонымен қатар MacBook Air компьютеріңіздегі Thunderbolt / USB 4 портына сәйкес келетін кабельді пайдалануыңыз керек. Кабеліңізде Mac компьютеріңізге арналған дұрыс қосқыш болмаса, кабельді қосу үшін адаптерді пайдалануыңызға болады. Адаптерлер, олардың көрінісі және қандай порттарды пайдалану керектігі туралы қосымша ақпаратты Mac компьютеріңіздегі Thunderbolt 4, Thunderbolt 3 немесе USB-C портына арналған адаптерлер бөлімінен қараңыз.
Кеңес: Кейбір қосалқы құралдар бірінші рет қосылған кезде мақұлдануы керек, қосымша мәліметтерді macOS жүйесінің пайдаланушы нұсқаулығындағы Қосалқы құралдардың Mac компьютеріне қосылуына рұқсат ету бөлімінен қараңыз.
Қосымша мәліметтер. macOS жүйесінің пайдаланушы нұсқаулығындағы Mac компьютеріндегі Bluetooth реттеулері және Mac компьютеріндегі USB туралы бөлімдерін қараңыз. Magic Mouse, Magic Trackpad немесе Magic Keyboard пернетақтасын қосу туралы қосымша мәліметтерді Magic Keyboard, Magic Mouse немесе Magic Trackpad тақтаңызды Mac компьютеріңізбен орнату бөлімінен қараңыз. USB құрылғыларының ажыратылғаны туралы ескертпе көрсеңіз, Mac компьютеріңізде USB Devices Disabled ескертпесін көрсеңіз бөлімін қараңыз.