Jwenn yon pwolongasyon pou ranpli deklarasyon enpo w

Si w bezwen plis tan pou w ranpli enpo w, mande yon pwolongasyon nan espas dat limit mwa avril la. Sa ap ba ou jiska 15 oktòb pou ranpli san penalite. Asire w ou peye nenpòt enpo ou dwe nan dat limit mwa avril pou depoze a. Pwolongasyon an se sèlman pou ranpli deklarasyon w lan.

Jwenn yon pwolongasyon

Gen 3 fason pou rive jiska 15 oktòb pou w ranpli deklarasyon enpo w.

Peye sou entènèt epi tcheke bwat la

Peye sa ou dwe lè w sèvi avèk yon opsyon peman sou entènèt epi tcheke kare w ap peye a kòm si w ap ranpli pou yon pwolongasyon. Ou pa oblije ranpli yon fòm pwolongasyon apa, w ap resevwa yon nimewo konfimasyon pwolongasyon pou dosye w.

Itilize Deklare Gratis (pa gen pyès limit revni pou pwolongasyon)

Itilize sèvis Deklare Gratis IRS la pou mande elektwonikman yon pwolongasyon otomatik pou w ranpli enpo w.

Mande yon pwolongasyon pa lapòs

1. Ranpli Fòm 4868, Aplikasyon Pwolongasyon Otomatik Tan Pou Ranpli Deklarasyon Enpo sou Revni Endividyèl Etazini. Ou ka ranpli pa mwayen lapòs, sou entènèt ak yon patnè depo elektwonik IRS oswa pa mwayen yon pwofesyonèl enpo.
2. Estime konbyen enpo ou dwe pou ane a sou fòm pwolongasyon an : Retire ladan l enpo ou te deja peye yo pou ane w ap ranpli a.

Si w andeyò peyi Etazini

Ou ka jwenn yon pwolongasyon otomatik 2 mwa si w se yon sitwayen Ameriken oswa yon rezidan etranje epi nan dat limit nòmal deklarasyon enpo w la, w ap viv andeyò peyi a (an anglè).

Si yon katastwòf te afekte ou

Ou ka gen plis tan pou w ranpli si yon sitiyasyon katastwòf te afekte w.

Ki gen rapò

Jwenn plis enfòmasyon konsènan pwolongasyon pou:

Biznis ak sosyete

Fòm 7004, Aplikasyon Pwolongasyon Otomatik nan Tan pou Ranpli Sèten Deklarasyon Revni Enpo Biznis, Enfòmasyon, ak Lòt Kalite

Fòm 1138, Pwolongasyon Tan pou Peye Enpo yon Sosyete ki Espere l Gen yon Pèt Fonksyonman pou l Ramne

Sitwayen Ameriken oswa rezidan etranje k ap viv deyò Etazini

Fòm 2350, Aplikasyon Pwolongasyon Tan pou Deklare Enpo sou Revni Etazini (Pou sitwayen Ameriken ak Rezidan Etranje k ap viv aletranje Ki Swete Kalifye pou Yon Tretman Fiskal Espesyal)

Òganizasyon ki egzante

Fòm 8868, Aplikasyon Pwolongasyon Tan pou yon Òganizasyon ki Egzante Ranpli yon Deklarasyon

Plan retrèt

Fòm 5558, Aplikasyon Pwolongasyon Tan pou Ranpli Sèten Deklarasyon Plan pou Anplwaye

Byen

Fòm 4768, Aplikasyon Pwolongasyon Tan pou Ranpli yon Deklarasyon ak / oswa Peye Enpo Byen U.S. (ak Enpo Transfè ant Plizyè Jenerasyon)

Fòm 8892, Aplikasyon Pwolongasyon Otomatik Tan pou Ranpli Fòm 709 ak / oswa Peye Enpo sou Kado / Enpo sou Transfè ant Plizyè Jenerasyon

Kontribyab k ap depoze enfòmasyon yo

Fòm 8809, Aplikasyon Pwolongasyon Tan pou Ranpli Deklarasyon Enfòmasyon