Penalite pou Deklarasyon Enfòmasyon Entènasyonal

Gen yon seri antite nasyonal ak endividi ki dwe deklare aktif finansye espesifik aletranje yo si valè a depase yon sèten montan. Gade Fòm 8938, Deklarasyon Aktif Finansye Espesifik Aletranje (an anglè)

Lwa fiskal: Seksyon 6038D IRC (an anglè)

Kalkil Sanksyon: Ou ka sijè a yon penalite $10 000, si ou pa ranpli yon Fòm 8938 ki konplè epi kòrèk nan dat limit la.

Si IRS voye pa lapòs yon avi konsènan yon Fòm 8938 ou pat ranpli epi ou pa repli fòm nan voye ba li nan delè 90 jou, y ap aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire. Sanksyon maksimòm kontinyasyon an se $50 000.

Ajan, direktè, ak aksyonè nan yon seri sosyete etranje dwe deklare enterè sou pwopriyete yo ak aktivite finansye yo. Gade Fòm 5471, Deklarasyon Enfòmasyon Moun Ozetazini Konsènan yon Seri Sosyete Etranje (an anglè)

Lwa fiskal: Seksyon 6038 IRC (an anglè), Seksyon 6046 IRC (an anglè), Seksyon 6679 IRC (an anglè)

Kalkil Sanksyon: Ou ka sijè a yon penalite $10 000 pou chak mankman nan ranpli yon Fòm 5471 ki konplè epi kòrèk nan dat limit la.

Si IRS voye pa lapòs yon avi konsènan yon Fòm 5471 ou pat ranpli epi ou pa ranpli fòm nan voe ba li nan delè 90 jou, y ap aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire. Sanksyon maksimòm kontinyasyon an se $50 000.

Sosyete yo dwe deklare yon seri tranzaksyon yo genyen avèk yon pati etranje oswa nasyonal. Gade Fòm 5472, Deklarasyon Enfòmasyon yon Sosyete Amerikèn ki gen Kapital li Aletranje oswa yon Sosyete Etranje ki Angaje nan yon Komès oswa Antrepriz Amerikèn a 25% (an anglè)

Lwa fiskal: Seksyon 6038A IRC (an anglè) ak Seksyon 6038C IRC (an anglè)

Kalkil Sanksyon:

Ou ka sijè a yon penalite $25 000 pou chak mankman nan ranpli yon Fòm 5472 ki konplè epi kòrèk nan dat limit la.

Si IRS voye pa lapòs yon avi konsènan yon Fòm 5472 ou pat ranpli epi ou pa ranpli fòm nan voye ba li nan delè 90 jou, y ap aplike yon penalite kontinyasyon adisyonèl $25 000 pou chak peryòd 30 jou apre peryòd 90 jou a fin ekspire. Pa gen okenn montan penalite maksimòm.

Moun Ozetazini (an anglè) ak ekzekitè testaman moun ki mouri ozetazini dwe deklare:

• Kontribisyon, ak distribisyon ki soti nan fidisi aletranje yo
• Pwopriyete nan yon fidisi aletranje dapre règleman moun ki bay fidisi a
• Resi yon seri gwo don moun aletranje bay

Gade Fòm 3520, Deklarasyon Anyèl pou Deklare Tranzaksyon avèk Fidisi Aletranje yo ak Resi yon Seri Don Aletranje (an anglè)

Lwa fiskal: Seksyon 6039 IRC (an anglè), Seksyon 6048 IRC (an anglè), Seksyon 6677 IRC (an anglè)

Kalkil Sanksyon:

Fòm 3520 Pati I

Ou ka sibi yon penalite inisyal ki egal a montan ki pi gwo ant $10 000 oswa 35% nan total kontribisyon ou pa t rapòte sou Fòm 3520 Pati I.

Si IRS voye pa lapòs yon avi konsènan yon Fòm ou pat ranpli epi ou pa ranpli fòm nan voye ba li nan delè 90 jou, y ap aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire.

Total penalite inisyal ak kontinyasyon an pa ka depase total kontribisyon ki pa rapòte yo.

Fòm 3520 Pati II

Ou ka sibi yon penalite inisyal ki egal a montan ki pi gwo ant $10 000 oswa 5% nan byen total fidisi ou pa t rapòte sou Fòm 3520 Pati II a.

Si IRS voye pa lapòs yon avi konsènan yon Fòm ou pat ranpli epi ou pa ranpli fòm nan voye ba li nan delè 90 jou, y ap aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire. Total penalite inisyal ak kontinyasyon yo pa ka depase total byen fidisi ki pa rapòte yo.

Fòm 3520 Pati III

Ou ka sibi yon penalite inisyal ki egal a pi gwo ant $10 000 oswa 35% nan total kontribisyon yo ou pa t rapòte sou Fòm 3520 Pati III.

Si IRS voye pa lapòs yon avi konsènan yon Fòm ou pat ranpli epi ou pa ranpli fòm nan voye ba li nan delè 90 jou, y aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire. Total penalite inisyal ak kontinyasyon an pa ka depase total kontribisyon ki pa rapòte yo.

Fòm 3520 Pati IV

Ou ka sibi yon penalite pou chak mwa, oswa pou chak pati nan yon mwa, ou pa rapòte sèten kado etranje sou Fòm 3520 Pati IV. Kantite penalite a egal a 5% valè kado etranje ki pa rapòte a, epi penalite total la pap depase 25% valè kado ki sot aletranje ki pa rapòte a(yo).

Fidisi aletranje ki gen omwen yon pwopriyetè dapre règleman moun ki bay fidisi a, dwe deklare enfòmasyon sou fidisi a, benefisyè ozetazini li yo ak tout moun ozetazini ki trete antanke yon pwopriyetè pou nenpòt pòsyon nan fidisi aletranje a. Si fidisi aletranje a pa deklare Fòm 3520-A, pwopriyetè ozetazini an dwe soumèt yon Fòm 3520-A ranplasman pou deklare enfòmasyon an. Gade Fòm 3520-A, Deklarasyon Enfòmasyon Anyèl yon Fidisi Aletranje Avèk yon Pwopriyetè Ozetazini (an anglè)

Lwa fiskal: Seksyon 6048 IRC (an anglè) ak Seksyon 6677 IRC (an anglè)

Kalkil Sanksyon:

Ou menm antanke pwopriyetè Etazini ka sibi yon penalite inisyal ki egal a montan ki pi gwo a ant $10 000 oswa 5% nan valè brit (an anglè) nan pòsyon nan byen fidisi la trete kòm posede pa w nan fen ane fiskal la, si yon Fòm 3520- A oswa yon ranplasan pa te renpli.

Si IRS voye pa lapòs yon avi konsènan yon Fòm 3520-A ou pat ranpli epi ou pa ranpli fòm nan voye ba li nan delè 90 jou, y ap aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire. Total penalite inisyal ak kontinyasyon pa ka depase valè byen ou yo ki nan fidisi a.

Deklare kèk aktivite sosyete etranje ki kontwole yo tankou transfè, akizisyon, dispozisyon, ak chanjman nan enterè sosyete yo. Gade Fòm 8865, Deklarasyon Moun Ozetazini Konsènan yon Seri Sosyete Etranje (an anglè)

Lwa fiskal: Seksyon 6038 IRC (an anglè), Seksyon 6038B IRC (an anglè), ak Seksyon 6679 IRC (an anglè)

Sèten moun Ozetazini ki posede enterè nan yon patenarya etranje ak sèten moun k ap transfere Ozetazini yo ka sijè a yon penalite $10 000 pou chak Fòm 8865 ki pa ranpli konplè epi egzak nan dat limit la. Si IRS voye bay moun sa a pa lapòs yon avi ki fè konnen li pa t depoze yon Fòm 8865 epi yo pa ranpli fòm nan nan delè 90 jou, y ap aplike yon penalite kontinyasyon adisyonèl $10,000 pou chak peryòd 30 jou apre peryòd 90 jou a fin ekspire. Sanksyon maksimòm kontinyasyon an se $50,000. Yo kapab tou sijè a yon penalite ki diminye kredi enpo etranje.

Sèten moun Ozetazini ki te kontribye pwopriyete nan yon patenarya etranje an echanj pou yon enterè nan patenarya a ka sijè a yon penalite ki egal a 10% nan valè sou mache jis nan pwopriyete a nan moman kontribisyon an pou chakmankman pou ranpli yon Fòm 8865 konplè epi egzak nan dat limit la. Penalite sa a sijè a yon limit $100 000 sof si mankman an se akòz neglijans entansyonèl.

Sèten moun Ozetazini ki jwenn, transfere, oswa modifye yon enterè nan yon patenarya etranje yo ka sijè a yon penalite $10 000 pou chak fòm 8865 ki pa ranpli konplè epi egzak nan dat limit la. Si IRS voye pa lapòs yon avi konsènan yon Fòm 8865 mounn sa yo pat ranpli epi yo pa ranpli fòm nan voye ba li nan delè 90 jou, y ap aplike yon penalite kontinyasyon adisyonèl $10 000 pou chak peryòd 30 jou apre peryòd 90 jou a fin ekspire. Sanksyon maksimòm kontinyasyon an se $50 000.