Bord Amministrattiv ta' Rieżami

Il-Bord Amministrattiv ta’ Rieżami (ABoR) jagħmel rieżamijiet amministrattivi interni tad-deċiżjonijiet superviżorji tal-BĊE, u jiżgura li d-deċiżjonijiet ikunu konformi mar-regoli u l-proċeduri.

Kwalunkwe persuna jew entità legali li tintlaqat direttament minn deċiżjoni superviżorja tal-BĊE tista’ titlob rieżami amministrattiv.

Rieżami tal-ABoR jiffoka fuq il-“konformità proċedurali u sostantiva” tad-deċiżjoni kkontestata mar-Regolament MSU, filwaqt li tirrispetta l-marġni ta’ diskrezzjoni li jitħalla f’idejn il-BĊE.

F'termini prattiċi, ir-rieżamijiet tal-ABoR jeżaminaw jekk il-proċess dovut ġiex irrispettat, jekk ir-raġunament wara d-deċiżjoni huwiex xieraq, jekk id-deċiżjoni tikkonformax mal-liġi applikabbli, jekk hemmx xi żbalji manifesti fil-valutazzjoni, jekk id-deċiżjoni hijiex manifestament sproporzjonata u jekk il-BĊE użax ħażin is-setgħat tiegħu.

L-eżitu tar-rieżami huwa opinjoni mhux vinkolanti indirizzata lill-Bord Superviżorju, li tipproponi li jew iħassar id-deċiżjoni inizjali jew jibdilha b'waħda identika jew emendata għall-approvazzjoni finali mill-Kunsill Governattiv taħt il-proċedura ta' non-oġġezzjoni.

Mistoqsijiet frekwenti dwar il-Bord Amministrattiv ta' Rieżami ABoR: rieżami rapidu, irħis u kunfidenzjali tad-deċiżjonijiet superviżorji - Bullettin tas-Superviżjoni Mejju 2023 Bord Amministrattiv ta' Rieżami - Għaxar snin ta' esperjenza jirrieżamina deċiżjonijiet superviżorji tal-BĊE Gwida dwar l-ispejjeż tar-rieżami

Kompożizzjoni

Il-ħames membri u ż-żewġ supplenti jinħatru għal perjodi ta’ ħames snin li jistgħu jiġġeddu. Dawn irid ikollhom esperjenza superviżorja u kompetenza rilevanti fil-qasam bankarju iżda ma jistgħux ikunu membri tal-istaff attwali tal-BĊE, tas-superviżuri nazzjonali jew ta’ xi istituzzjoni jew korp nazzjonali jew tal-UE.

Dikjarazzjonijiet pubbliċi ta' impenji u dikjarazzjonijiet pubbliċi ta' interessi