L-għan tax-xogħol ta' stħarriġ tal-Eurofound huwa li tipprovdi tagħrif ta' kwalità għolja dwar il-kwalità tal-kundizzjonijiet tal-għajxien u tax-xogħol fl-Ewropa. Sabiex jintlaħaq dan il-għan, kull wieħed mill-istħarriġ huwa mmirat lejn popolazzjoni differenti sabiex tinkiseb informazzjoni speċifika.
L-Istħarriġ Ewropew dwar il-Kundizzjonijiet tax-Xogħol jistaqsi lill- ħaddiema biex jikseb għarfien dwar il-kwalità tax-xogħol u l-impjiegi. L-Istħarriġ tal-Kumpaniji Ewropej huwa mmirat lejn il-maniġers u r-rappreżentanti tal-ħaddiema fil-kumpaniji sabiex jiġbor informazzjoni dwar il-prattiċi fil-postijiet tax-xogħol. L-Istħarriġ Ewropew dwar il-Kwalità tal-Ħajja jintervista liċ-ċittadini Ewropej sabiex jikseb perspettiva dwar il- kundizzjonijiet tax-xogħol u l-perċezzjonijiet tal-kwalità tal-ħajja.
Minkejja dawn id-differenzi f'termini tal-popolazzjoni fil-mira, il-Eurofound għandha l-għan li kull fejn ikun possibbli tarmonizza l-metodoloġija tal-istħarriġ, biex tassigura li t-tagħlimiet miksuba fi stħarriġ partikolari jiġu implimentati fl-oħrajn.
Bħal kull proġett ieħor ta' riċerka, kemm il-partijiet interessati tal-Eurofound kif ukoll esperti fil-kamp rilevanti huma involuti fl-iżvilupp, l-implimentazzjoni u l-evalwazzjoni tal-partijiet kollha ta' kull stħarriġ, li jassigura r-rilevanza tagħhom għal dawk li jfasslu l-politika u l-imsieħba soċjali fuq livell Ewropew u nazzjonali.
Permezz tal-involviment ta' esperti fl-iżvilupp tal-kwestjonarji, kif ukoll l-involviment tal-esperti tagħha fuq livell nazzjonali fil-proċess tat-traduzzjoni, il-Eurofound trid tassigura li l-mistoqsijiet kollha tal-istħarriġ jaqbdu l-fenomeni tad-dinja reali li huma maħsuba li jaqbdu (validità).
Permezz tal-għażla bir-reqqa ta' kampjuni rappreżentattivi, l-għażla tal-iżjed mod xieraq ta' kif jiġu amministrati l-kwestjonarji bl-użu tal-aħħar teknoloġija, l-ingaġġar ta' intervistaturi bl-esperjenza u l-għoti lilhom ta' taħriġ komprensiv għat-twettiq tal-intervisti u l-kodifikar, kif ukoll permezz tal-iċċekkjar bir-reqqa tad-dejta miġbura, peżar sofistikat, u analiżi xierqa, il-Eurofound għandha l-għan li tassigura l-konsistenza tal-kejl tal-istħarriġ (affidabilità).
L-impenn tal-Eurofound’ biex tipproduċi informazzjoni ta' kwalità għolja huwa muri ulterjorment fl-istrateġija tagħha tal- assigurazzjoni tal-kwalità għall-istħarriġ.
Kampjunar
Irrispettivament minn jekk il-popolazzjoni fil-mira ta' stħarriġ ikunux ċittadini, ħaddiema jew stabbilimenti Ewropej, mhuwiex possibbli li tinġabar informazzjoni mill-membri kollha ta' dik il-popolazzjoni. Kampjun ta' rispondenti jiġi magħżul biex ikun kemm jista' jkun rappreżentattiv tal-popolazzjoni totali.
Il-Eurofound tfittex li tuża oqfsa ta' kampjunar tal-ogħla kwalità possibbli. F'kull pajjiż, hija tipprova ssib reġistru li jkopri mill-anqas 95% tal-popolazzjoni fil-mira. Għall-ECS dawn ir-reġistri preferibbilment ikun fihom informazzjoni ta' kuntatt tal-istabbilimenti jew inkella tal-kumpaniji. Fil-każ tal-EWCS u l-EQLS, ir-reġistri ġeneralment jinkludu informazzjoni dwar l-indirizzi tal-familji u xi kultant tal-individwi. Fl-EWCS u l-EQLS, meta ma jkunx disponibbli tali reġistru, tiġi ġġenerata lista ta' rispondenti possibbli permezz ta' hekk imsejħa proċedura tar-‘rotta każwali’.
Il-Eurofound tfittex li tiġbor kampjuni li jkunu kbar biżżejjed biex jagħtu riżultati validi fil-livell tal-pajjiżi individwali u li jirriflettu d-distribuzzjoni tal-popolazzjoni Ewropea b'mod tajjeb biżżejjed biex jippermettu ġeneralizzazzjonijiet għall-Ewropa kollha kemm hi. L-ewwel għan jitlob li d-daqs tal-kampjun fuq livell ta' pajjiż mill-anqas ikun ta' 1000 rispondent, li jnaqqas il-marġinu ta' żball għal livell aċċettabbli. It-tieni għan huwa r-raġuni għall- għażla ta' kampjuni akbar f'pajjiżi akbar, kif sar fl-iżjed EWCS u EQLS riċenti.
Kodifikar
Xi drabi huwa neċessarju li jsiru mistoqsijiet miftuħa, jiġifieri mistoqsijiet li ma jistgħux jitwieġbu direttament b'sett ta' tweġibiet stabbiliti minn qabel. Dan jista' jkun il-każ għal settur, pereżempju. L-intervistatur l-ewwel jinnota r-risposta mogħtija fid-dettall kollu u aktar tard ipoġġiha fil-kategorija xierqa fil-klassifikazzjoni statistika tal-attivitajiet ekonomiċi għall-Ewropa kollha (NACE).
L-ikkodifikar ġeneralment irid jiġi applikat għal mistoqsijiet miftuħa relatati mad-dħul, il-’livell edukattiv tar-rispondenti (permezz tal-ISCED), kif ukoll ir-reġjun li fih ikunu qegħdin jgħixu (permezz ta' NUTS).
Peżar
Ladarba titlesta l-fażi tal-ġbir tal-informazzjoni, is-settijiet tad-dejta jridu jiġu peżati sabiex jiġu kkumpensati d-diversi kawżi possibbli ta' żbilanċ fil-kampjun. Pereżempju, il-fatt li persuni differenti għandhom probabbiltà differenti li jintgħażlu għall-istħarriġ irid jiġi kkunsidrat b'mod statistiku. Akbar ma tkun l-unità (dar/kumpanija) fejn ikunu qed jgħixu jew jaħdmu l-persuni, inqas ikunu ċ-ċansijiet tagħhom li jiġu intervistati. Barra minn hekk, il-varjazzjonijiet fil-livell ta' rieda li jipparteċipaw fi stħarriġ jistgħu jwasslu għal rappreżentanza nieqsa ta' ċerti gruppi ta' rispondenti. Id-differenzi bejn il-pajjiżi fid-daqs tal-forza tax-xogħol tagħhom, mhumiex riflessi (b'mod sħiħ) fid-daqs tal-kampjun f'kull pajjiż u għalhekk jintuża l-ippeżar sabiex ikun assigurat li l-pajjiżi l-kbar ikollhom piż akbar fir-riżultati fuq livell tal-UE.
L-Istħarriġ Ewropew dwar il-Forza tax-Xogħol (LFS) sikwit jintuża bħala sors ta' dejta ta' referenza sabiex jitqies kemm id-dejta hija rappreżentattiva tal-popolazzjoni.
Il-metodoloġija hija adattata għall-ħtiġijiet speċifiċi ta' kull stħarriġ - hija disponibbli iżjed informazzjoni fuq il-paġni tal-istħarriġ individwali.
Exploring the potential of big data for Eurofound research
Surveys have never been the only source of large-scale, quantitative data, and discussions about better integrating data from other sources in social research have been ongoing for quite some time. However, in recent decades, with the increasing connectedness of individuals and organisations to the internet, the amount of data available from sources such as web applications, mobile devices, sensors, video streams and social media has exploded.
In this context, Eurofound is exploring the potential use of big data to complement and contextualise the data from its existing research efforts, its surveys in particular. The project currently focuses on three strands, and this work is discussed in three working papers.
- Working paper: Using big data to improve survey sampling
Reflects on the current and possible future opportunities for using big data to enhance sampling frames or even to generate sampling frames for online surveys, and examines the extent to which a full probability approach is achievable or can at least be approximated. Also discusses the possible gains in efficiency.
- Working paper: Using big data analytics to support decision-making
Offers insight into the most appropriate analytical techniques for collecting and analysing ‘true’ big data (such as the number of people visiting a place or doing an action online, movements of people based on mobile data, and geolocation). Indicates where approaches differ from ‘regular’ statistical analysis, highlights techniques that Eurofound would need to familiarise itself with, and describes the software and hardware requirements.
Explores the potential and limitations of using social media content as a data source and of the various social media platforms to which this approach could be applied (for example, Facebook, LinkedIn and Twitter), using one or more practical examples.