Fáilte go Parlaimint na hEorpa

Éasca le léamh
Is bealach iad na leaganacha atá éasca le léamh chun eolas a dhéanamh níos intuigthe do chách.

Parlaimint na hEorpa

Déanann Parlaimint na hEorpa ionadaíocht ar 450 milliún duine atá ina gcónaí san Aontas Eorpach.

Tugtar AE ar an Aontas Eorpach.

Caitheann daoine san Aontas vóta do 720 Fheisire chun ionadaíocht a dhéanamh orthu sa Pharlaimint.

Féachann na Feisirí ar phleananna do dhlíthe nua don Aontas.

Athraíonn na Feisirí dlíthe chun iad a dhéanamh níos fearr.

Bíonn na Feisirí ag faire ar an tslí a bhfuil an tAontas ag feidhmiú.

Glacann an Pharlaimint dlíthe nua leis an gComhairle.

Déanann an Chomhairle ionadaíocht ar rialtais na dtíortha atá páirteach san Aontas.

Cinneann an Pharlaimint agus an Chomhairle buiséad an Aontais freisin.

Déanann an Pharlaimint seiceáil ar obair na n-eagraíochtaí uile atá páirteach i stiúradh AE.

Caitheann na Feisirí vóta ar chomhaontuithe trádála le tíortha lasmuigh den Aontas.

Bíonn formhór na bhFeisirí ag obair i ngrúpaí polaitiúla.

Tá na grúpaí déanta suas d’Fheisirí ó thíortha agus páirtithe polaitiúla éagsúla.

Tá cuspóirí coiteanna ag na grúpaí.

Tá 20 coiste buan ag an bParlaimint.

Oibríonn na Feisirí i gcoistí.

Molann an Coimisiún Eorpach dlíthe nua don Eoraip.

Pléann na coistí na moltaí sin chun iad a fheabhsú.

Caitheann na coistí vóta ar na moltaí sin.

Ina dhiaidh sin, caitheann an Pharlaimint iomlán vóta ar dhlíthe nua ag an suí iomlánach.

Tagann na Feisirí go léir le chéile ag an suí iomlánach.

Bíonn díospóireachtaí agus vótaí acu ar dhlíthe nua.

Toghann na Feisirí Uachtarán chun ionadaíocht a dhéanamh ar an bParlaimint.

Feidhmíonn an tUachtarán mar chathaoirleach ar an suí iomlánach freisin.

Toghtar an tUachtarán do théarma dhá bhliain go leith.

Is féidir leat vótáil do dhaoine a dhéanfaidh ionadaíocht ort sa Pharlaimint.

Bíonn toghcháin Eorpacha ar siúl i ngach tír san Aontas gach cúig bliana.

Is féidir cuairt a thabhairt ar na hoifigí sin.