Maidir leis na Coistí
Focail Fáilte ó Chathaoirleach an Fhochoiste um Chearta an Duine
Tá ról ríthábhachtach ag Parlaimint na hEorpa agus a Fochoiste um Chearta an Duine (DROI) maidir le cearta an duine a chur chun cinn agus a chosaint ar fud an domhain. Déanann DROI maoirseacht ar urraim do chearta an duine i mbeartais agus i ngníomhaíochtaí seachtracha an Aontais, ionas go mbeidh sé ina ghné lárnach i gcónaí de chaidreamh idirnáisiúnta an Aontais, i gcomhréir leis na Conarthaí. Tugann DROI aird ar leith ar a áirithiú go bhfanann beartais seachtracha amhail cosaint dídeanaithe, imirce agus trádáil i gcomhréir le hoibleagáidí an Aontais maidir le cearta an duine agus leis an dlí idirnáisiúnta um chearta an duine.
Déanann DROI cásanna a bhaineann le cearta an duine i dtíortha nach bhfuil san Aontas a mheasúnú freisin, ag ardú feasacht faoi sháruithe ar chearta an duine, agus urraim do chaighdeáin chearta an duine agus do phrionsabail an smachta reachta agus an daonlathais a chur chun cinn. Bíonn an fochoiste i dteangmháil le heagraíochtaí na sochaí sibhialta, le cosantóirí chearta an duine, agus le comhlachtaí idirnáisiúnta chun faisnéis a bhailiú agus tacú le feabhsuithe agus gníomhaíocht.
Trí mhalartuithe tuairimí, staidéir agus tuarascálacha, misin chuig tríú tíortha agus obair leantach ar rúin phráinne, rannchuidíonn DROI le seasamh, reachtaíocht agus gníomhaíochtaí eile an Aontais a mhúnlú in ábhair dhomhanda a bhaineann le cearta an duine.
Mounir Satouri, Chathaoirleach an Fhochoiste um Chearta an Duine