Assoċjazzjonijiet Parlamentari 

Assoċjazzjoni tal-Eks Membri tal-Parlament Ewropew, il-Parlament Ewropew, Rue Wiertz 60, B-1047 Brussell

Jiġu promossi r-relazzjonijiet bejn l-Eks Membri tal-Parlament u dawk attwali, bl-istabbiliment u bl-użu ta' netwerk tal-informazzjoni, billi l-Eks Membri jingħataw opportunitajiet biex jiltaqgħu, jkollhom forum għal laqgħat, diskussjonijet u avvenimenti kulturali, xjentifiċi u soċjali u u ukoll billi jiġu promossi l-kuntatti bejn organizzazzjonijiet simili oħrajn fl-Ewropa.

• Faċilitajiet lingwistiċi li jinkludu l-interpretazzjoni f'massimu ta' ħames lingwi uffiċjali tal-Unjoni għal laqgħat ta' nofstanhar fil-bini tal-Parlament (għal seba' laqgħat b'interpretazzjoni fis-sena) u traduzzjoni ta' fuljetti, xi artikli għas-sit web u l-Bullettin, dokumenti għal-laqgħat, stediniet, testi amministrattivi u minuti tal-proċedimenti (b'kollox madwar 300 paġna tradotti fis-sena).
• Il-provvista ta' faċilitajiet bħal kmamar għal laqgħat (8 fis-sena), ir-Restorant tal-Membri darbtejn fis-sena, "bureau de passage" permanenti għall-eks Membri fi Brussell u fi Strażburgu, kif ukoll tliet uffiċċji fi Brussell għall-assoċjazzjoni tal-membri tal-persunal, flimkien ma' tagħmir għall-uffiċċju, photocopiers, kompjuters, telefowns u erba' badges ta' aċċess.
• Trainee wieħed/waħda (Traineeship Schuman).

Assoċjazzjoni Parlamentari Ewropea, 76 allée de la Robertsau, F- 67000 Strasburgu

Azzjoni bħala forum - bl-organizzazzjoni ta' taħdidiet, serati ta' informazzjoni u avvenimenti kulturali - għall-Membri tal-Parlament u tal-Assemblea Parlamentari tal-Kunsill tal-Ewropa biex jinħolqu kuntatti f'ambjent amikevoli sabiex tinżamm relazzjoni personali u ta' ħidma bejniethom u mar-rappreżentanti tal-ħajja pubblika. Kooperazzjoni mal-Parlament Ewropew fit-twettiq ta' attivitajiet jew azzjonijiet ta' natura Ewropea.

Tliet karti ta' aċċess.