RAPPORT dwar il-konkluzjoni tal-Ftehima Interistituzzjonali (IIA) dwar dixxiplina baġitarja u amministrazzjoni finanzjarja tajba

1. L-għan ta’ dan il-Ftehim huwa li tkun implimentata d-dixxiplina tal-baġit u biex jitjieb it-tħaddim tal-proċedura annwali tal-baġit u l-kooperazzjoni bejn l-istituzzjonijiet fuq materji marbuta mal-baġit kif ukoll sabiex tkun żgurata amministrazzjoni finanzjarja tajba.

2. Id-dixxiplina tal-baġit taħt dan il-Ftehim tkopri n-nefqa kollha. Din torbot lill-istituzzjonijiet kollha sakemm dan il-Ftehim jibqa’ fis-seħħ.

3. Dan il-Ftehim ma jibdilx is-setgħat tal-baġit rispettivi ta’ l-istituzzjonijiet, kif stabbilit fit-Trattati. Fejn issir referenza għal dan il-Punt fit-test preżenti, il-Kunsill għandu jaġixxi b’maġġoranza kkwalifikata waqt li l-Parlament b’maġġoranza tal-membri tiegħu u bi tlieta minn kull ħames voti mitfugħa, skond ir-regoli tal-votazzjoni stabbiliti fil-ħames sub-paragrafu ta’ l-Artikolu 272(9) tat-Trattat li jwaqqaf il-Komunità Ewropea (minn hawn ’il quddiem imsejjaħ it-'Trattat KE’).

4. Jekk isseħħ reviżjoni tat-Trattat b'implikazzjonijiet dwar il-baġit waqt il-qafas finanzjarju multiannwali 2007-2013, (minn hawn ‘il quddiem imsejjaħ il-qafas finanzjarju), l-aġġustamenti meħtieġa jsiru skond din.

5. Kwalunkwe emenda f’dan il-Ftehim teħtieġ il-kunsens ta’ l-istituzzjonijiet kollha. Kull tibdil fil-qafas finanzjarju għandu jsir skond il-proċeduri stabbiliti għal dak il-għan f’dan il-Ftehim.

6. Dan il-Ftehim fih tliet partijiet:

– Parti I fiha definizzjoni u dispożizzjonijiet ta’ implimentazzjoni għall-qafas finanzjarju u tapplika għall-perijodu kollu ta’ dak il-qafas finanzjarju.

– Parti II tittratta dwar it-titjib fil-kollaborazzjoni interistituzzjonali matul il-proċedura tal-baġit.

- Parti III fiha dispożizzjonijiet marbuta ma’ l-amministrazzjoni finanzjarja tajba tal-finanzi ta’ l-UE.

7. Kull meta l-Kummissjoni tqisha meħtieġa u kull meta tippreżenta proposta għal qafas finanzjarju ġdid skond il-punt 30, din għandha tippreżenta rapport dwar l-applikazzjoni ta’ dan il-Ftehim. Dan għandu jkun akkumpanjat fejn meħtieġ minn proposta bl-emendi.

8. Dan il-Ftehim jidħol fis-seħħ fl-1 ta' Jannar 2007u jissostitwixxi:

– il-Ftehim Interistituzzjonali tas-6 ta’ Mejju 1999 bejn il-Parlament Ewropew, il-Kunsill u l-Kummissjoni dwar id-dixxiplina tal-baġit u t-titjib fil-proċedura tal-baġit[1],  
– il-Ftehim Interistituzzjonali tas-7 ta’ Novembru 2002 bejn il-Parlament Ewropew, il-Kunsill u l-Kummissjoni dwar l-iffinanzjar tal-Fond tas-Solidarjetà ta’ l-Unjoni Ewropea li jissupplimenta l-Ftehim Interistituzzjonali tas-6 ta’ Mejju 1999 dwar id-dixxiplina tal-baġit u t-titjib fil-proċedura tal-baġit.[2]

PARTI I – IL-QAFAS FINANZJARJU:

DEFINIZZJONI U DISPOŻIZZJONIJIET TA’ IMPLIMENTAZZJONI

A. Il-Kontenut u l-kamp t’applikazzjoni tal-qafas finanzjarju

9. Il-qafas finanzjarju hu stabbilit fl-Anness I. Dan isawwar il-qafas ta’ referenza għad-dixxiplina tal-baġit interistituzzjonali.

10. Il-qafas finanzjarju huwa maħsub li jiżgura li, fit-terminu medju, in-nefqa ta’ l-Unjoni Ewropea, maqsuma skond kategoriji wiesgħa, tiżviluppa b’mod ordnat u fil-limiti tar-riżorsi proprji.

11. Il-qafas finanzjarju jistabbilixxi ,għal kull waħda mis-snin 2017 sa 2013 u għal kull intestatura jew sotto-intestatura, ammonti ta’ nefqa f’termini ta’ approprjazzjonijiet għall-impenji. B’mod ġenerali, it-totali annwali tan-nefqa huma murija wkoll f’termini kemm ta’ approprjazzjonijiet għall-impenjikif ukoll ta’ approprjazzjonijiet’ għall-ħlas.

Dawn l-ammonti kollha huma mfissra fi prezzijiet ta’ l-2004.

Il-qafas finanzjarju ma jqisx il-punti tal-baġit ffinanzjati minn dħul assenjat fis-sens ta’ l-Artikolu 18 tar-Regolament Finanzjarju tal-25 ta’ Ġunju 2002 li japplika għall-baġit ġenerali tal-Komunitajiet Ewropej[3], minn hawn ’il quddiem imsejjaħ ir-'Regolament Finanzjarju'.

Informazzjoni marbuta ma’ operazzjonijiet li m’humiex inklużi fil-baġit ġenerali ta’ l-Unjoni Ewropea u l-iżvilupp antiċipat ta’ kategoriji varji tar-riżorsi tal-Komunità huma stabbiliti, b’indikazzjoni, f’tabelli separati. Din l-informazzjoni se tkun aġġornata annwalment meta jsir l-aġġustament tekniku fil-qafas finanzjarju.

12. L-istituzzjonijiet jagħrfu li kull wieħed mill-ammonti assoluti murija fil-qafas finanzjarju jirrappreżenta livell annwali fuq in-nefqa taħt l-baġit ġenerali ta’ l-UnjoniEwropea. Bla ħsara għal kwalunkwe tibdil f’dawk il-limiti massimi ffissati skond id-dispożizzjonijiet ta’ dan il-Ftehim, l-istitutuzzjonijiet qegħdin jimpenjaw irwieħhom li jużaw is-setgħat rispettivi tagħhom b’tali mod li jikkonformaw mad-diversi limiti massimi ffissati ta’ infiq annwali matul kull proċedura tal-baġit u meta jkunu qed jiġi implimentat l-il-baġit għas-sena kkonċernata.

13. Billi jaqblu dwar il-Ftehim preżenti, iż-żewġ dirgħajn ta’ l-awtorità tal-baġit jaqblu li jaċċettaw ir-rati ta’ żieda għan-nefqa mhix obbligatorja ġejja mill-baġits ffissati fil-limiti massimi stabbiliti bil-qafas finanzjarju għat-tul kollu tiegħu.

Ħlief għas-sub-intestatura 1B ‘Koeżjoni għat-Tkabbir Ekonomiku u għall-Impjiegi’ tal-qafas finanzjarju, sabiex ikun hemm amministrazzjoni finanzjarja tajba, l-istituzzjonijiet għandhom jiżguraw kemm jista’ jkun matul il-proċedura tal-baġit u waqt l-adozzjoni tal-baġit li jibqa’ jkun hemm marġini biżżejjed taħt il-limiti massimi ffissati għad-diversi intestaturi.

14. L-ebda att adottat mill-Parlament Ewropew u l-Kunsill taħt il-proċedura tal-ko-deċiżjoni u l-ebda att li jkun ġie adottat mill-Kunsill li jħalli li jinqabżu l-approprjazzjonijiet disponibbli fil-baġit jew fl-allokazzjonijiet disponibbli fil-qafas finanzjarju skond il-Punt 12 ma jista’ jiġi implimentat f’termini finanzjarji qabel ma l-baġit jkunu ġew emendati u, jekk meħtieġ, qabel ma l-qafas finanzjarju jkun ġie rivedut kif suppost skond il-proċedura relevanti għal kull wieħed minn dawn il-każijiet.

15. Għal kull sena koperta bil-qafas finanzjarju, l-approprjazzjonijiet totali għall-ħlas meħtieġ, wara l-aġġustament annwali u wara li jkunu tqiesu kull aġġustament jew reviżjoni oħra, m’għandhomx ikunu tali li jipproduċu rata ta’ sejħiet lura għar-riżorsi proprji li tkun tiżboq il-limitu massimu ffissat għar-riżorsi proprji.

Jekk ikun hemm il-ħtieġa, iż-żewġ dirgħajn ta’ l-awtorità tal-baġit għandhom jiddeċiedu, skond il-Punt 3, li jbaxxu l-limiti massimi ffissati fil-qafas finanzjarju biex tkun żgurata l-konformità mal-limitu massimu ffissat għar-riżorsi proprji.

B. Aġġustamenti annwali tal-qafas finanzjarju

Aġġustamenti tekniċi

16. Kull sena l-Kummissjoni, filwaqt li taġixxi qabel il-proċedura tal-baġit għas-sena n+1, tagħmel l-aġġustamenti tekniċi li ġejjin fil-qafas finanzjarju:

(a) rivalutazzjoni, skond il-prezzijiet tas-sena n+1, tal-limiti massimi u tal-figuri ġenerali għall-approprjazzjonijiet għall-impenji kif ukoll għal dawk ta’ l-infiq;

(b) kalkolu tal-marġini disponibbli taħt il-limitu massimu tar-riżorsi proprji.

Il-Kummissjoni twettaq dawk l-aġġustamenti tekniċi fuq il-bażi ta’ deflatur fiss ta’ 2% kull sena.

Ir-riżultati ta’ dawk l-aġġustamenti tekniċi u l-previżjonijiet ekonomiċi li fuqhom huma msejsa se jkunu kkomunikati liż-żewġ dirgħajni ta’ l-awtorità -tal-baġit.

Mhu se jsiru l-ebda aġġustamenti tekniċi oħra fir-rigward tas-sena kkonċernata, jew matul is-sena jew bħala korrezzjonijiet ex-post matul is-snin ta’ wara.

17. Fl-aġġustament tekniku tagħha għas-sena 2011, jekk ikun stabbilit li l-GDP akkumulat ta’ kwalunkwe wieħed mill-Istati Membri għas-snin 2007-2009 ikun varja b’aktar minn +/- 5 % mill-GDP akkumulat stmat waqt it-tfassil ta’ dan il-Ftehim , il-Kummissjoni taġġusta l-ammonti allokati minn fondi li jappoġġjaw il-koeżjoni għal l-Istat Membru kkonċernat f’dak il-perjodu. L-effett nett totali, kemm jekk pożittiv jew negattiv ta’ dawk l-aġġustamenti ma jistax jaqbeż EUR 3 biljun. Jekk l-effett nett ikun pożittiv, ir-riżorsi addizzjonali totali għandhom ikunu limitati għal-livell ta’ nfiq anqas kontra l-limiti massimi għas-sub-intestatura 1B għas-snin 2007-2010. L-aġġustamenti meħtieġa jinfirxu fi proporzjonijiet ugwali tul is-snin 2011-2013 u l-limiti massimi korrispondenti jkunu modifikati skond dawn.

Aġġustamenti marbuta ma’ l-implimentazzjoni

18. Meta jiġu avżati ż-żewġ dirgħajn ta’ l-awtorità tal-baġit dwar l-aġgġustamenti tekniċi għall-qafas finanzjarju, il-Kummissjoni se tippreżenta kwalunkwe proposti għall-aġġustamenti għall-approprjazzjonijiet totali għall-ħlas, li hi tkun tqis bħala meħtieġa, fid-dawl ta’ l-implimentazzjoni, biex tkun żgurata progressjoni ordnata fejn għandhom x’jaqsmu l-approprjazzjonijiet għall-impenji. Il-Parlament Ewropew u l-Kunsill se jieħdu deċiżjonijiet dwar dawkl il-proposti qabel l-1 ta’ Mejju tas-sena n, skond il-Punt 3.

L-aġġornament tal-previżjoni għall-approprjazzjonijiet ta’ l-infiq wara l-2013

19. Fl-2010, il-Kummissjoni se taġġorna l-previżjonijiet għall-approprijazzjonjijiet tal-ħlas wara l-2013. Dak l-aġġornament se jqis l-implimentazzjoni reali ta’ l-approprjazzjonijiet tal-baġit għall-impenji u l-approprjazzjonijiet għall-ħlas, kif ukoll il-previżjonijiet ta’ l-implimentazzjoni. Din se tqis ukoll ir-regoli definiti biex ikun żgurat li l-approprjazzjonijiet għall-ħlas jiżviluppaw b’mod ordnat meta mqabbla ma’ l-approprjazzjonijiet għall-impenji u l-previżjonijiet tat-tkabbir tad-Dħul Gross Nazzjonali (GNI) ta’ l-Unjoni Ewropea.

L-aġġustamenti marbuta ma’ dejn nazzjonali eċċessiv

20. Fil-każ tat-tneħħija ta' sospensjoni ta' l-impenji ta' l-baġit li jirrigwardaw il-Fond ta' Koeżjoni fil-kuntest ta proċedura ta' defiċit governattiv eċċessiv, il-Kunsill, fuq proposta mill-Kummissjoni u b'konformità ma’ l-att bażiku relevanti,, jiddeċiedi dwar trasferiment ta’ impenji sospiżi għas-snin ta’ wara. L-impenji sospiżi tas-sena n ma jistgħux jerġgħu jidħlu fil-baġit ta’ wara s-sena n+2.

Reviżjoni tal-qafas finanzjarju

21. B’żjieda ma’ l-aġġustamenti tekniċi regolari u l-aġġustamenti li hemm skond il-kundizzjonijiet ta’ l-implimentazzjoni, il-qafas finanzjarju jista’ jiġi rivedut skond il-limitu massimu ffissat għar-riżorsi proprji, fuq proposta mill-Kummissjoni, f’każ li jkun hemm ċirkustanzi mhux mistennija.

22. Bħala regola ġenerali, kwalunkwe proposta għar-reviżjoni taħt il-punt 21 għandha tiġi ppreżentata u adottata qabel il-bidu tal-proċedura tal-baġit għal dik is-sena jew għall-ewwel waħda mis-snin ikkonċernati.

Kwalunkwe deċiżjoni biex ikun rivedut il-qafas finanzjarju sa mhux aktar minn 0,03 % tal-GNI tal-Unjoni Ewropeafil-marġini għal nefqa mhux prevista, għandha tittieħed b’mod konġunt miż-żewġ dirgħajni ta’ l-awtorità tal-baġit li taġixxi skond il-Punt 3.

Kull reviżjoni tal-qafas finanzjarju ’l fuq minn 0,03 % tal-GNI ta’ l-Unjoni Ewropea li jkun fil-marġini għal infiq mhux previst għandha ssir b’mod konġunt miż-żewġ dirgħajn ta’ l-awtorità ta’ l-baġit, bil-Kunsill jaġixxi b’mod unanimu.

23. Bla preġudizzju għall-Punt 40, l-istituzzjonijiet se jistħarrġu l-iskop għall-allokazzjoni mill-ġdid tan-nefqa bejn il-programmi koperti mill-intestatura kkonċernata bir-reviżjoni, b’referenza speċjali għal kwalunkwe nuqqas ta’ użu mistenni ta’ l-approprjazzjonijiet. L-għan għandu jkun li ammont sostanzjali, f’termini assoluti u bħala persentaġġ tan-nefqa l-ġdida ppjanata, għandu jkun stabbilit fi ħdan il-limitu massimu eżistenti għall-intestatura.

L-istituzzjonijiet se jeżaminaw l-iskop għall-ibbilanċjar ta’ kwalunkwe żieda fil-limiti massimi ffissati għal intestatura waħda billi jitnaqqas il-limitu massimu ta’ oħra.

Kwalunkwe reviżjoni ta’ neqfa obbligatorja fil-qafas finanzjarju ma tistax twassal għal tnaqqis fl-ammont disponibbli għan-nefqa mhux obbligatorja.

Kwalunkwe reviżjoni għandha żżomm relazzjoni xierqa bejn l-impenji u l-ħlas.

D. Il-Konsegwenzi tan-nuqqas ta’ deċiżjoni konġunta fuq l-aġġustament jew ir-reviżjoni tal-qafas finanzjarju

24. Jekk ill-Parlament Ewropew u l-Kunsill ma jaslux ghal ftehim dwar kwalunkwe aġġustament jew reviżjoni fil-qafas finanzjarju propost mill-Kummissjoni, l-ammonti stabbiliti qabel għandhom, wara l-aġġustament tekniku annwali, ikomplu jgħoddu bħhala l-limiti massimi tan-nefqa għas-sena in kwistjoni.

E. Ir-Riżerva ta’ l-Għajnuna ta’ Emerġenza

25. L-għan tar-Riżerva ta’ l-Għajnuna ta’ Emerġenza huwa li jkun hemmi tweġiba mill-ewwel għal ħtiġiet ta’ għajnuna speċifika lil pajjiżi terżi wara li jkunu seħħew ġrajjiet mhux mistennija u meta l-baġit ikun kienu diġà ġie stabbilit; l-ewwel u qabel kollox din għandha tingħata għal ħidmiet umanitarji, iżda wkoll għall-immanġġijar ta’ kriżijiet ċivili u għall-protezzjoni fejn iċ-ċirkustanzi jkunu jeħtieġu hekk. L-ammont annwali tar-Riżerva għandu jkun iffissat għal EUR 221 miljun għall-perijodu kollu tal-qafas finanzjarju, fi prezzijiet kostanti.

iI-Riżerva tiddaħħal bħala dispożizzjoni fil-baġit ġenerali tal-Unjoni Ewropea. L-approprjazzjonijiet għall-impenji korrispondenti se jiddaħħlu fil-baġit, jekk meħtieġ, ‘il fuq mill-limiti massimi stabbiliti fl-Anness 1.

Meta l-Kummissjoni tqis li r-Riżerva teħtieġ li tintuża, din għandha tippreżenta liż-żewġ dirgħajn ta’ l-awtorità tal-baġit proposta għat-trasferiment mir-riżerva għal-linji korrispondenti tal-baġit .

Qabel kull proposta mill-Kummissjoni għal trasferiment mir-Riżerva , madankollu, għandu jsir stħarriġ dwar l-iskop għall-allokazzjoni mill-ġdid ta’ l-approprjazzjonijiet.

Fl-istess waqt li din tippreżenta l-proposti tagħha għat-trasferiment, il-Kummissjoni se tagħti bidu għal proċedura ta’ trijalogu, jekk ikun meħtieġ f’għamla simplifikata, biex ikun żgurat il-ftehim taż-żewġ dirgħajn ta’ l-awtorità tal-baġit fuq il-ħtieġa li tintuża r-riżerva kif ukoll fuq l-ammont meħtieġ. It-trasferimenti ser isiru skond l-Artikolu 26 tar-Regolament Finanzjarju.

F. Il-Fond ta’ Solidarjetà ta’ l-Unjoni Ewropea

26. Il-Fond ta’ Solidarjetà ta’ l-Unjoni Ewropea hu intiż sabiex ikun hemm għajnuna finanzjarja mill-ewwel fil-każ ta’ diżastri kbar li jseħħu fit-territorju ta’ Stat Membru jew pajjiż kandidat, kif deskritt fl-att bażiku relevanti. Għandu jkun hemm limitu massimu ffissat fuq l-ammont annwali disponibbli għall-Fond; ta’ EUR 1 biljun (prezzijiet kurrenti). Fl-1 ta’ Ottubru ta’ kull sena, mill-inqas kwart mill-ammont annwali għandu jibqa’ disponibbli biex ikun jista’ jkopri ħtiġiet li jsiru sa tmiem dik is-sena. Il-parti ta’ l-ammont annwali li mhix imdaħħla fl-baġit ma tistax titmexxa għas-snin ta’ wara.

F’każijiet eċċezzjonali u jekk ir-riżorsi finanzjarji disponibbli fil-Fond fis-sena meta jkun seħħ id-diżastru, kif msemmija fl-att bażiku relevanti, ma jkunux biżżejjed sabiex ikopru l-ammont ta' assistenza meqjus bħala neċessarju mill-awtorità tal-baġit, il-Kummissjoni tista' tipproponi li d-differenza tkun iffinanzjata mill-ammonti annwali disponibbli tas-sena ta' wara. L-ammont annwali tal-Fond li jkun stmat kull sena ma jistax jeċċedi 1 EUR biljun taħt kwalunkwe ċirkustanza.

Meta l-kundizzjonijiet biex ikun jista’ jiġi mobilizzat il-Fond , kif stabbilit fl-att bażiku relevanti, jintlaħqu, il-Kummissjoni għandha tagħmel proposta biex dan ikun jista’ jiġi mħaddem. Fejn ikun hemm raġuni għall-allokazzjoni mill-ġdid ta’ approprjazzjonijiet taħt l-intestatura li tkun teħtieġ nefqa addizzjonali, il-Kummissjoni għandha tqis dan meta tagħmel il-proposta meħtieġa, skond ir-Regolament Finanzjarju , permezz ta’l-istrument xieraq tal-baġit. Id-deċiżjoni biex jitħaddem il-Fond għandha tittieħed b’mod konġunt miż-żewġ dirgħajn ta’ l-awtorità tal-baġit skond il-Punt 3.

L-approprjazzjonijiet ta’ impenji korrispondenti se jiddaħħlu fil-baġit, jekk ikun meħtieġ, ‘il fuq mill-ammonti massim ta’ l-intestaturi relevanti stabbiliti fl-Anness 1.

Fl-istess waqt li din tippreżenta l-proposta tagħha għal deċiżjoni biex jitħaddem il-Fond, il-Kummissjoni se tagħti bidu għal proċedura ta’ trijalogu, jekk meħtieġ f’għamla simplifikata, biex ikun żgurat il-ftehim bejn iż-żewġdirgħajni ta’ l-awtorità tal-baġit dwar il-ħtieġa li jintuża l-Fond u dwar l-ammont meħtieġ.

G. Strument ta’ Flessibbiltà

27. L-Istrument ta’ Flessibbiltà b’limitu massimu annwali ta’ EUR 200 miljun (prezzijiet kurrenti) hu maħsub biex ikun hemm l-iffinanzjar, għal sena finanzjarja partikolari u sa l-ammont indikat, ta’ nefqa identifikata b’mod ċar li ma setgħetx tkun iffinanzjata fil-limiti massimi disponibbli għal intestatura waħda jew aktar.

Il-parti ta’ l-ammont annwali li ma tintużax tista’ tiġi trasferita ‘l quddiem sas-sena n+2. Jekk l-Istrument ta’ Flessibbiltà ikun mobilizzat, kwalunkwe trasferimenti ‘l quddiem jittieħdu l-ewwel, f’ordni ta’ żmien. Il-parti ta’ l-ammont annwali mis-sena n li ma tintużax fis-sena n+2 taqa’.

Il-Kummissjoni se tagħmel proposta għall-użu ta’ l-Istrument ta’ Flessibbiltà ta’ flessibbiltà wara li din tkun stħarrġet il-possibbiltajiet kollha biex l-approprjazzjonijiet ikunu allokati mill-ġdid taħt l-intestatura li tkun teħtieġ nefqa addizzjonali.

Il-proposta tkun tirrigwarda l-prinċipju ta’ l-utilizzazzjoni ta’ l-istrument u tidentifika l-bżonnijiet li għandhom ikunu koperti u l-ammont. Il-proposta tista’ tiġi ppreżentata, għal kwalunkwe sena finanzjarja partikolari, matul il-proċedura tatal-baġit. Il-proposta tal-Kummissjoni se tiddaħħal fl-abbozz preliminari tal-baġit jew inkella tkun akkumpanjata, skond ir-Regolament Finanzjarju, mill-istrument tal-baġit li jkun xieraq.

Id-deċiżjoni li jitħaddem l-Istrument ta’ Flessibbiltà se tittieħed b’mod konġunt miż-żewġ dirgħajn ta’ l-awtorità tal-baġit skond il-Punt 3. Jintlaħaq ftehim permezz tal-proċedura ta’ konċiljazzjoni li hemm fl-Anness II, Parti C

H. Fond Ewropew ta’ Aġġustament għall-Globalizzazzjoni

28. Il-Fond Ewropew ta’ Aġġustament għall-Globalizzazzjoni hu intiż sabiex jipprovdi appoġġ addizzjonali għal ħaddiema li jbatu l-konsegwenzi ta' tibdil strutturali ewlieni fix-xejriet tal-kummerċ dinji, sabiex jassistihom fl-integrazzjoni tagħhom mill-ġdid fis-suq tax-xogħol.

Il-Fond m’għandux jaqbeż l-ammont massimu annwali ta’ EUR 500 miljun (prezzijiet kurrenti) li jistgħu jittieħdu minn kwalunkwe marġini eżistenti taħt l-ammont massimu ta’ nefqa globali tas-sena ta’ qabel, u/jew minn approprjazzjonijiet ta’ impenn kanċellati mis-sentejn ta’ qabel, esklużi dawk marbuta ma’ l-intestatura 1B tal-qafas finanzjarju.

L-approprjazzjonijiet se jiddaħħlu fil-baġit ġenerali ta’ l-Unjoni Ewropea bħala dispożizzjoni permezz tal-proċedura normali tal-baġit hekk kif il-Kummissjoni tkun identifikat il-marġini suffiċjenti u/jew tkun ħassret l-impenji, skond it-tieni paragrafu.

Meta l-kundizzjonijiet biex ikun jista’ jiġi mobilizzat il-Fond , kif stabbilit fl-att bażiku relevanti, jintlaħqu, il-Kummissjoni għandha tagħmel proposta biex jitħaddem. Id-deċiżjoni biex jitħaddem il-Fond għandha tittieħed b’mod konġunt miż-żewġ dirgħajn ta’ l-awtorità tal-baġit skond il-Punt 3.

Fl-istess waqt li din tippreżenta l-proposti tagħha għal deċiżjoni biex jitħaddem il-Fond, il-Kummissjoni għandha tagħti bidu għal proċedura ta’ trijalogu, jekk ikun meħtieġ f’għamla simplifikata, biex ikun żgurat il-ftehim taż-żewġ dirgħajn ta’ l-awtorità tal-baġit fuq il-ħtieġa li jintuża l-Fond u fuq l-ammont meħtieġ.

It-trasferimenti marbuta mal-Fond ser isiru skond l-Artikolu 24(4) tar-Regolament Finanzjarju.

L-approprjazzjonijiet għall-impenji korrispondenti se jiddaħħlu fil-baġit taħt l-intestatura relevanti, jekk meħtieġ ‘il fuq mill-ammonti massimi kif stabbiliti fl-Anness 1.

I. L-Aġġustament tal-qafas finanzjarju biex jilqa’ għat-tkabbir

29. Fejn Stati Membri ġodda jidħlu fl-Unjoni Ewropea matul il-perijodu kopert mill-qafas finanzjarju, il-Parlament Ewropew u l-Kunsill, li jaġixxu fuq proposta mill-Kummissjoni u skond il-Punt 3, għandhom jaġġustaw b’mod konġunt il-qafas finanzjarju biex jitqiesu l-kriterji tan-nefqa li jkunu ġejjin mill-konklużjonijiet tan-negozjati għall-adeżjoni

J. It-tul ta’ żmien tal-qafas finanzjarju u l-konsegwenzi tan-nuqqas ta’qafas finanzjarju

30. Qabel l-1 ta’ Lulju 2011, il-Kummissjoni se tippreżenta proposti għal qafas finanzjarju ġdid ta’ terminu medju.

Jekk iż-żewġ dirgħajn ta’ l-awtorità tal-baġit ma jaqblux fuq qafas finanzjarju ġdid, u sakemm il-qafas finanzjarju eżistenti ma jintemmx espressament minn waħda mill-istituzzjonjijiet, il-limiti massimi għall-aħħar sena koperti mill-qafas finanzjarju eżistenti għandhom jiġu ffissati skond il-Punt 16. Dan sabiex il-limiti massimi ita’ l-2013 ikunu jistgħu jinżammu fi prezzijiet kostanti. Fejn Stati Membri ġodda jidħlu fl-Unjoni Ewropea wara l-2013, u jekk jitqies bħala meħtieġ, il-qafas finanzjarju estiż għandu jiġi aġġustat biex jitqiesu r-riżultati tan-negozjati ta’l-adeżjoni.

PARTI II – IT-TITJIB TAL-KOLLABORAZZJONI INTERISTITUZZJONALI MATUL IL-PROĊEDURA TA L-BAĠIT

A. Il-Proċedura tal-kollaborazzjoni interistituzzjonali

31. L-istituzzjonijiet jaqblu li jistabbilixxu proċedura għall-kollaborazzjoni interistituzzjonali f’materji li għandhom x’jaqsmu ma’ l-baġit. Id-dettalji ta’ din il-kollaborazzjoni huma stabbiliti fl-Anness II;.

B. It-Twaqqif tal-Baġit

32. Ta’ kull sena l-Kummissjoni se tippreżenta abbozz preliminari tal-baġit li jkun juri l-ħtiġiet ta’ l-iffinanzjar attwali tal-Komunità.

Dan se jqis:

– (a) previżjonijiet dwar il-Fondi Strutturali pprovduti mill-Istati Membri,

– (b) il-kapaċità li l-approprjazzjonijiet jintużaw, waqt li jsir sforz li tinżamm relazzjoni stretta bejn l-approprjazzjonijiet għall-impenji u dawk għal-ħlas,

– (c) il-possibbiltajiet biex jingħata bidu għal politika ġdida permezz ta’ proġetti pilota u/jew azzjonijiet ġodda ta’ tħejjija jew azzjonijiet multiannwali kontinwi li jkunu waslu biex jintemmu, wara li jkun valutat jekk ikunx possibbli li jkun jsir att bażiku, fit-tifsira ta’ l-Artikolu 49 tar-Regolament Finanzjarju (tifsira ta’ att bażiku, ħtieġa ta’ att bażiku għall-implimentazzjoni u eċċezzjonijiet),

– (d) il-ħtieġa li jkun żgurat li kull bidla fin-nefqa li relatata mas-sena ta’ qabel tkun skond il-limiti tad-dixxiplina ta’ l-baġit.

L-abbozz preliminari tal-baġit se jkun akkumpanjat minn Dikjarazzjonijiet ta’ Ħidma bħalma huwa t-tagħrif meħtieġ taħt l-Artikolu 27(3) u l-Artikolu 33(2)(d) tar-Regolament Finanzjarju (għanijiet, indikaturi u tagħrif ta’ valutazzjoni).

33. L-istituzzjonijiet, kemm jista’ jkun, se jevitaw milli jdaħħlu fil-baġit punti li jinvolvu ammonti mhux sinifikanti i ta’ nefqa fuq l-operat.

Iż-żewġ dirgħajn ta’ l-awtorità tal-baġit jimpenjaw ruħhom li jqisu l-valutazzjoni tal-possibbiltajiet ta’ l-implimentzzjoni tal-baġit mill–Kummissjoni baġit fl-abbozzi preliminari tagħha u in konnessjoni ma’ l-implimentazzjoni tal-baġit kurrenti.

Qabel ma jsir it-tieni qari tal-Kunsill, il-Kummissjoni tibgħat ittra lill-President tal-Kumitat tal-baġit tal-Parlament Ewropew, b’kopja lid-driegħ l-ieħor ta’ l-awtorità ta’ l-baġit, Ii fiha jkun hemm il-kummenti tagħha fuq kif se jitwettqu l-emendi għall-abbozz tal-baġit adottati mill-Parlament Ewropew fl-ewwel qari.

Iż-żewġ dirgħajn ta’ l-awtorità tal-baġit se jqisu dawn il-kummenti fil-kuntest tal-proċedura ta’ konċiljazzjoni li hemm fl-Anness II,Parti C.

Fl-interess ta’ amministrazzjoni finanzjarja tajba u minħabba l-effett ta’ tibdil kbir fin-nomenklatura tal-baġit, fit-titoli u l-kapitoli li jittrattaw ir-responsabbiltajiet ta’ rappurtar fit-tmexxija tad-dipartimenti tal-Kummissjoni, iż-żewġ dirgħajn ta’ l-awtorità tal-baġit jimpenjaw ruħhom li jiddiskutu mal-Kummissjoni kwalunkwe tibdil kbir bħal dan matul il-proċedura ta’ konċiljazzjoni.

C. Il-Klassifikazzjoni tan-nefqa

34. L-istituzzjonijiet iqisu n-nefqa obbligatorjabħala nefqa li tirrizulta neċessarjament lmit-Trattati jew inkella mill-atti konsegwenti għalihom..

35. L-abbozz preliminari tal-baġit għandu jinkludi proposta għall-klassifikazzjoni ta’ kull punt ġdid li jkun hemm fil-baġit u ta’ kull punt tal-baġit li jkollu bażi legali emendata.

Jekk dawn ma jaċċettawx il-klassifikazzjoni proposta fl-abbozz preliminari ta’ l-baġit, il-Parlament Ewropew u l-Kunsill se jeżaminaw il-klassifikazzjoni tal-punt tal-baġit kkonċernat fuq il-bażi ta’ l-Anness III. . Dan ifittxu li jaslu ghal ftehim permezz tal-proċedura ta’ konċiljazzjoni pprovduta fl-Anness II, Parti C.

D. Ir-rata massima ta’ żieda għan-nefqa mhux obbligatorja fin-nuqqas ta’ qafas finanzjarju

36. Bla ħsara għall-ewwel paragrafu tal-punt 13, l-istituzzjonijiet jaqblu fuq id-dispożizzjonijiet li ġejjin:

(a) il-marġini awtonomu tal-Parlament Ewropew ta’ manuvra għall-għanijiet tar-raba’ sotto-paragrafu ta’ l-Artikolu 272(9) tat-Trattat tal-KE – li għandu jkun in-nofs tar-rata massima – għandu japplika mit-twaqqif ta’ l-abbozz tal-baġit mill-Kunsill fl-ewwel qari, inklużi kwalunkwe ittri ta’ emenda.

L-ogħla rata għandha titħares f’rabta -mal-baġit annwali, inkluż baġit ta’ emenda. Bla preġudizzju għall-istabbiliment ta’ rata ġdida, kull porzjon tar-rata massima li ma jkunx intuża għandu jibqa’ disponibbli biex jintuża, u jkun jista’ jintuża, meta jkunu tqiesu l-abbozzi ta’ emenda;

(b) bla preġudizzju għall-paragrafu (a), jekk matul il-proċedura tal-baġit jkun jidher li t-tlestija tal-proċedura tista’ tkun teħtieġ ftehim biex tkun stabbilita rata ġdida ta’ żieda għan-nefqa mhux obbligatorja biex tkun tapplika għall-approprjazzjonijiet għall-ħlas u/jew rata ġdida biex tkun tapplika għall-approprjazzjonijiet għall-impenji (ir-rata ta’ l-aħħar tista’ tkun fuq livell differenti minn dik ta’ l-ewwel), l-istituzzjonijiet għandhom jaħdmu biex jinkiseb ftehim bejn iż-żewġ dirgħajn ta’ l-awtorità tal-baġit permezz tal-proċedura ta’ konċiljazzjoni prevista fl-Anness II, Parti C.

E. L-Inkorporazzjoni ta’ dispożizzjonijiet finanzjarji f’atti leġislattivi

37. Kull atti leġislattiv li jkun jikkonċerna programm multiannwali adottat taħt il-proċedura ta’ ko-deċiżjoni għandu dispożizzjoni li fiha l-awtorità leġislattiva tistabbilixxi l-pakkett finanzjarju għall-programm.

Dak l-ammont jikkostitwixxi r-referenza primarja għall-awtorità tal-baġit matul il-proċedura annwali ta’ l-baġit.

L-awtorità tal-baġit u l-Kummissjoni, fit-tfassil ta’ l-abbozz preliminari tagħha -tal-baġit, jimpenjaw ruħhom li ma jmorrux lil hinn b’aktar minn 5 % minn dak l-ammont għat-tul sħiħ tal-programm in kwistjoni, sakemm ma jkunx hemm ċirkustanzi ġodda, oġġettivi, u ta’ perijodu twil u li għalihom jingħataw raġunijiet espliċiti u preċiżi, waqt li jitqiesu wkoll ir-riżultati miksuba mill-implimentazzjoni tal-programm, l-aktar fuq il-bażi ta’ valutazzjonijiet. Kwalunkwe żieda li tirriżulta minn tali varjazzjoni għandha tibqa’ fil-limitu massimu eżistenti għall-intestatura in kwistjoni, mingħajr preġudizzju għall-użu ta’ strumenti previsti f’dan il-Ftehim.

Dan il-punt ma japplikax għall-approprjazzjonijiet tal-koeżjoni adottati taħt il-proċedura tal-ko-deċiżjoni u li jkunu ġgew allokati minn qabel mill-Istati Membri, li jinkludu pakkett finanzjarju għall-perijodu totali tal-programm.

38. L-atti leġislattivi dwar il-programmi multiannwali li ma jkunux suġġetti għall-proċedura ta’ ko-deċiżjoni m’għandhomx jinkludu 'ammont li jitqies meħtieġ'.

Jekk il-Kunsill ikun jixtieq jinkludi referenza finanzjarja, din għandha titqies bħala waħda li qed turi r-rieda ta’ l-awtorità leġislattiva u m’għandhiex tolqot is-setgħat ta’ l-awtorità tal-baġit kif mfissra fit-Trattat KE. Din id-dispożizjoni tissemma fl-iatti kollha li jinkludu t-tali referenza finanzjarja. .

Jekk l-ammont ikkonċernat kien is-suġġett ta’ ftehim skond il-proċedura ta’ konċiljazzjoni pprovduta fid-Dikjarazzjoni Konġunta tal-Parlament Ewropew, il-Kunsill u l-Kummissjoni ta’ l-4 ta’ Marzu 1975[4], dan għandu jitqies bħala ammont ta’ referenza fis-senstal-Punt 37 ta’ dan il-Ftehim.

39. F’termini finanzjarji, id-dikjarazzjoni finanzjarja li hemm fl-Artikolu 28 tar-Regolament Finanzjarju tirrifletti l-għanijiet tal-programm propost u tinkludi skeda li tkopri l-perijodu tal-programm. Tiġi riveduta, fejn ikun meħtieġ, meta l-abbozz preliminari tal-baġit jitfassal, b’kont meħed tal-livell ta’ implimentazzjoni tal-programm. Id-dikjarazzjoni riveduta tingħata lill-awtorità dwar il-baġit meta jiġi preżentat l-abbozz preliminari tal-baġit j u wara li l-baġit ikun adottai.

40. Fil-limiti tar-rati massimi żieda għan-nefqa mhux obbligatorja speċifikata fl-ewwel paragrafu tal-punt 13, iż-żewġ dirgħajn ta’ l-awtorità tal-baġit jjimpenjaw ruħhom li jirrispettaw l-allokazzjonijiet ta’ l-approprjazzjonijiet għall-impenji previsti fl-atti bażiċirelevanti għall-operati strutturali, l-iżvilupp rurali u l-Fond Ewropew għas-Sajd.

F. Nefqa relatata mal-ftehim tas-sajd

41. L-istituzzjonijiet jaqblu li jiffinanzjaw in-nefqa fuq il-ftehim tas-sajd skond l-arranġamenti stabbiliti fl-Anness IV.

G. L-Iffinanzjar tal-politika komuni estera u tas-sigurtà (PESK)

42. Għan-nefqa tal-PESK addebitata għall-baġit ġenerali tal-Komunutajiet Ewropej skond l-Artikolu 28 tat-Trattat ta’ l-Unjoni Ewropea, l-istituzzjonijiet għandhom jaħdmu, fil-proċedura ta’ konċiljazzjoni prevista fl-Anness II, Parti C u fuq il-bażi ta’ l-abbozz preliminari tal-baġit stabbilit mill-Kummissjoni, biex kull sena jinkisebftehim dwar l-ammont tan-nefqa ta’ l-operat li għandu jiġi addebitat lill-baġit tal-Komunità kif ukoll fuq id-distribuzzjoni ta’ dan l-ammont bejn l-artikoli tal-kapitolu tal-baġit tal-PESK suġġerit fir-raba’ paragrafu ta’ dan il-Punt. Fin-nuqqas ta’ ftehim, huwa mifhum li l-Parlament Ewropew u l-Kunsill se jdaħħlu fil-baġit l-ammont inkluż fil-baġit ta’ qabel jew l-ammont propost fl-abbozz preliminari tal-baġit, liema minn dawn ikun l-aktar baxx.

L-ammont totali tan-nefqa operattiva tal-PESK tiddaħħal kollha f’kapitolu wieħed tal-baġit (PESK) u jiġi distribwit bejn l-artikoli ta’ dak il-kapitolu kif suġġerit fir-raba’ paragrafu ta’ dan il-Punt. Dak l-ammont għandu jkopri l-bżonnijiet reali prevedibblii, evalwati fil-qafas tat-twaqqif ta’ abbozz preliminari tal-baġit, fuq il-bażi ta’ tbassir imfassal kull sena mill-Kunsill, u marġini raġjonevoli għal azzjonijiet mhux imbassra. Mhu se jiddaħħlu l-ebda ammonti f’riżerva. Kull artikolu jkopri strumenti li kienu diġà ġew adottati, strumentii li huma previsti iżda li għadhom ma ġewx adottati u kull strument futur – i.e. mhix previst – li għandu jiġi adottat mill-Kunsill waqt is-sena finanzjarja kkonċernata.

Billi, taħt ir-Regolament Finanzjarju, il-Kummissjoni għandha l-awtorità, PESK, li tittrasferixxi approprjazzjonijiet b’mod awtonomu bejn l-artikoli f’kapitlu wieħed tal-PESK l-fil-baġit, tkun żgurata l-flessibbiltà meqjusa bħala meħtieġa għall-implimentazzjoni mgħaġġla ta’ azzjonijiet tal-PESK. . Fil-każ li l-ammont tal-kapitlu tal-baġit tal-PESK matul is-sena finanzjarja ma jkunx biżżejjed biex ikopri l-ispejjeż meħtieġa, il-Parlament Ewropew u l-Kunsill għandhom ifittxu soluzzjoni b’mod urġenti , fuq proposta mill-Kummissjoni, waqt li jitqies il-Punt 25.

Fil-kapitolu tal-baġit tal-PESK, l-artikoli li fihom għandhom jiddaħħlu –l-azzjonijiet tal-PESK jistgħu jaqrawfuq il-linji li ġejjin:

– operazzjonijiet ta’ l-immaniġġjar i ta’ kriżijiet, prevenzjoni ta’ kunflitt, riżoluzzjoni u stabilizzazzjoni, sorveljanza u implimentazzjoni ta’ proċessi ta’ paċi u ta’ sigurtà,

– in-non-proliferazzjoni u d-diżarm,

– miżuri ta’ emerġenza,

– miżuri ta’ tħejjija u segwitu,

– Rappreżentanti Speċjali ta' l-Unjoni Ewropea

L-istituzzjonijiet jaqblu li mill-inqas EUR 1 740 miljun jkunu disponibbli għall-PESK matul il-perjodu 2007-2013 u li l-ammont għal miżuri mdaħħla taħt l-artikolu msemmi fit-tielet inċiż ma jeċċediex l-20% ta’ l-ammont globali tal-kapitolu tal-baġit tal-PESK.

43. Kull sena, il-Presidenza tal-Kunsill tikkonsulta l-Parlament Ewropew dwar dokument tal-Kunsill li jħares ‘il quddiem, u li jkun trażmess sal-15 ta’ Ġunju għas-sena in kwistjoni, li jistabbilixxi l-aspetti ewlenin u l-għażliet bażiċi tal-PESK, inklużi l-implikazzjonijiet finanzjarji għall-baġit ġenerali ta’ l-Unjoni Ewropea u evalwazzjoni tal-miżuri mnedija fis-sena n-1. Barra minn hekk, il-Presidenza tal-Kunsill iżżomm il-Parlament infurmat billi tagħmel laqgħat ta' konsultazzjoni konġunta mill-anqas ħames darbiet fis-sena, fil-qafas tad-djalogu politiku regolari dwar il-PESK, li dwarhom ikun hemm qbil mhux aktar tard mill-laqgħa ta’ konċiljazzjonili għandha sseħħ qabel it-tieni qari tal-Kunsill. Il-parteċipazzjoni f’dawn il-laqgħat għandha tkun kif ġej:

- il-Parlament Ewropew: il-bureaux taż-żewġ Kumitati konċernati

- il-Kunsill: l-Ambaxxatur (President tal-Kumitat ta’ Politika u Sigurtà)

Il-Kummissjoni se tkun assoċjata u se tieħu sehem f’dawn il-laqgħat.

Kull meta tadotta deċiżjoni fil-qasam tal-PESK li tinvolvi nefqa, il-Kunsill għandu jibgħat lill-Parlament Ewropew, minnufih u f’kull każ mhux aktar minn ħamest ijiem wara d-deċiżjoni finali, stima ta’ l-infiq previst ('dikjarazzjoni finanzjarja'), b’mod partikolari dak li għandu x’jaqsam mal-limitu ta’ żmien, il-personell impjegati, l-użu tal-bini u infrastruttura oħra, faċilitajiet ta’ trasport, rekwiżiti ta’ taħriġ u arranġamenti ta’ sigurtà.

Kull tliet xhur il-Kummissjoni għandha tgħarraf lill-awtorità tal-baġit dwar l-implimentazzjoni ta’ l-azzjonijiet tal-PESK u dwar il-previżjonijiet finanzjarji għall-perijodu li jkun għad fadal minn dik is-sena.

PARTI III – AMMINISTRAZZJONI FINANZJARJA TAJBA TAL-FONDI TA’ L-UE

A. Biex ikun żgurat kontroll intern effettiv u integrat tal-fondi tal-Komunità

44. L-istituzzjonijiet jaqblu dwar l-importanza li jissaħħaħ il-kontroll intern mingħajr ma jiżdied il-piż amministrattiv li għalih is-simplifikazzjoni tal-leġiżlazzjoni bażilari hi prerekwiżit. F’dan il-kuntest, tingħata priorità lill-amministrazzjoni finanzjarja tajba bl-għan ta' Dikjarazzjoni ta' Assigurazzjoni pożittiva (DAS) għal fondi taħt tmexxija kondiviża. Jistgħu jiġu stabbiliti dispożizzjonijiet skond il-każ, kif xieraq, fl-atti leġiżlattivi bażiċi konċernati. Bħala parti mir-responsabbiltajiet imkabbra tagħhom għal fondi strutturali u skond il-ħtiġijiet kostituzzjonali nazzjonali, l-awtoritajiet ta’ verifika relevanti fl-Istati Membri għandhom jipproduċu evalwazzjoni dwar il-konformità tas-sistemi ta’ amministrazzjonia u kontroll mar-regolamenti tal-Komunità.

L-Istati Membri għalhekk jimpenjaw irwieħhom li jipproduċu sommarju annwali fil-livell nazzjonali xieraq tal-verifiki u dikjarazzjonijiet disponibbli.

B. Regolament Finanzjarju

45. L-istituzzjonijiet jaqblu li dan il-Ftehim u l-baġit ikunu implimentati fil-kuntest ta’ amministrazzjoni finanzjarja tajba bbażata fuq il-prinċipji ta’ ekonomija, effiċjenza, effikaċja, protezzjoni ta’ interessi finanzjarji, proporzjonalità ta’ nefqiet amministrattivi, u proċeduri li jirrispettaw l-utent. L-Istituzzjonijiet għandhom jieħdu miżuri, partikolarment fir-Regolament Finanzjarju, li għandhom ikunu adottati wara l-proċedura ta’ konċiljazzjoni stabbilita mid-Dikjarazzjoni Konġunta tal-Parlament Ewropew, tal-Kunsill u tal-Kummissjoni, ta’ l-4 ta’ Marzu 1975, fl-ispirtu li ppermetta ftehim fl-2002.

C. Programmar Finanzjarju

46. Il-Kummissjoni se tressaq darbtejn fis-sena, l-ewwel darba f’Mejju/Ġunju (flimkien mad-dokumenti li jakkompanjaw l-abbozz preliminari ta’ l-baġit) u t-tieni darba f’Diċembru/Jannar (wara l-adozzjoni ta' l-baġit), programmar finanzjarju komplet għall-Intestaturi 1A, 2 (għall-ambjent u s-sajd), 3A, 3B u 4 tal-qafas finanzjarju. Dan id-dokument, strutturat bl-intestatura, b’oqsma ta’ politika u l-linja tal-baġit għandu jidentifika :

a. il-leġiżlazzjoni fis-seħħ bid-distinzjoni bejn programmi multiannwali u azzjonijiet annwali:

– għal programmi multiannwali l-Kummissjoni għandha tindika l-proċedura li taħtha kienu adottati (ko-deċiżjoni u konsultazzjoni), it-tul tagħhom, l-ammonti ta’ referenza, is-sehem allokat għan-nefqa amministrattiva;

– għal azzjonijiet annwali (proġetti pilota, azzjonijiet ta’ tħejjija, Aġenziji) u azzjonijiet iffinanzjati taħt il-prerogattivi tal-Kummissjoni, il-Kummissjoni għandha tipprovdi baġit multiannwali u (għal proġetti pilota u azzjonijiet ta’ tħejjija) il-marġini mħollija taħt il-limiti massimi awtorizzati ffissatifil-Parti D ta’ l-Anness II ;

b. leġiżlazzjoni pendenti: proposti kurrenti tal-Kummissjoni referenzjati mill-linja tal-baġit (livell inferjuri), kapitolu u qasam ta’ politika. Għandu jinstab mekkaniżmu sabiex ikunu aġġornati t-tabelli kull darba li tkun adottata proposta ġdida sabiex ikunu evalwati l-konsegwenzi finanzjarji.

2.      Il-Kummissjoni għandha tikkunsidra modi ta’ riferiment reċiproku bejn il-programmar finanzjarju u l-programmar leġiżlattiv sabiex tipprovdi previżjonijiet aktar preċiżi u affidabbli Għal kull proposta leġiżlattiva, il-Kummissjoni għandha tindika jekk hix inkluża fl-ipprogrammar għal Mejju-Diċembru jew le. L-awtorità dwar l-baġit għandha tkun partikolarment mgħarrfa dwar:

a. l-atti leġiżlattivi ġodda kollha adottati imma mhux inklużi fid-dokument ta’ Mejju-Diċembru (bl-ammonti korrispondenti);

b. il-leġiżlazzjoni pendenti kollha ppreżentata imma mhux inkluża fid-dokument ta’ Mejju-Diċembru (bl-ammonti korrispondenti);

c. leġiżlazzjoni prevista fil-programm ta’ xogħol leġiżlattiv annwali tal-Kummissjoni bl-indikazzjoni ta’ azzjonijiet li tendenzjalment ikollhom impatt finanzjarju (iva/le).

Kull meta jkun meħtieġ il-Kummissjoni għandha tindika l-ipprogrammar mill-ġdid implikat minn proposti legiżlattivi ġodda

Fuq il-bażi tad-data pprovduta mill-Kummissjoni, għandu jsir rendikont f’kull trialogu, kif previst f’dan il-ftehim. .

D. Aġenziji u skejjel Ewropej

47. Meta tfassal il-proposta tagħha għall-ħolqien ta’ kwalunkwe aġenzija ġdid, il-Kummissjoni se tevalwa l-implikazzjonijiet tal-baġit għall-intestatura ta’ nfiq konċernata. Fuq il-bażi ta’ dik l-informazzjoni u mingħajr preġudizzju għall-proċeduri leġiżlattivi li jirregolaw it-twaqqif ta’ l-aġenzija , iż-żewġ dirgħajn ta’ l-awtorità dwar il-baġit jimpenjaw irwieħhom, fil-qafas ta’ kooperazzjoni dwar il-baġit, li jilħqu ftehim f’waqtu dwar l-iffinanzjar ta’ l-aġenzija .

Għandha tkun applikata proċedura simili meta jkun maħsub il-ħolqien ta’ skola Ewropea ġdida.

E. Aġġustament ta’ Fondi Strutturali, Fond ta’ Koeżjoni, Żvilupp Rurali u l-Fond Ewropew għas-Sajd fid-dawl taċ-ċirkustanzi ta’ l-implimentazzjoni tagħhom

48. Fil-każ ta’ l-adozzjoni wara l-1 ta’ Jannar 2007 ta’ regoli jew programmi ġodda li jirregolaw il-Fondi Strutturali, il-Fond ta’ Koeżjoni, l-iżvilupp Rurali u l-Fond Ewropew għas-Sajd, iż-żewġ dirgħajn ta’ l-awtorità dwar l-baġit jimpenjaw irwieħhom li jawtorizzaw, fuq proposta mill-Kummissjoni, it-trasferiment għas-snin sussegwenti, fl-eċċessii tal-limiti massimi ta’ nfiq korrispondenti, ta’ allokazzjonijiet mhux użati fl-2007.

Il-Parlament Ewropew u l-Kunsill għandhom jieħdu deċiżjonijiet dwar il-proposti tal-Kummissjoni dwar it-trasferiment ta’ allokazzjonijiet mhux użati għas-sena 2007 qabel l-1 ta’ Mejju 2008, skond il-Punt 3. .

F. Strumenti finanzjarji ġodda

49. L-istituzzjonijiet jaqblu li l-introduzzjoni ta’ mekkaniżmi ta’ ko-finanzjament hi meħtieġa sabiex issaħħaħ l-effett ta’ stimolu tal-baġit ta’ l-Unjoni Ewropea billi jiżdied l-inċentiv għall-iffinanzjar.

Jaqblu li jinkoraġġixxu l-iżvilupp ta’ strumenti finanzjali multiannwali xierqa li jaħdmu bħala katalisti għal investituri privati u pubbliċi.

Meta tippreżenta l-abbozz preliminari ta’ l-baġit, il-Kummissjoni għandha tirrapporta lill-awtorità dwar l-baġit dwar l-attivitajiet iffinanzjati mill-Bank Ewropew għall-Investiment, il-Fond Ewropew għall-Investime,t u l-Bank Ewropew ghar-Rikostruzzjoni u l-Iżvilupp sabiex jappoġġaw investiment fir-riċerka u l-iżvilupp, netwerks tranż-Ewropej u intrapriżi żgħar u ta’ daqs medju.

Parti A.

Wara l-aġġustament tekniku tal-qafas finanzjarju għas-sena finanzjarja li ġejja, waqt li titqies l-Istrateġija ta’ Politika Annwali ppreżentata mill-Kummissjoni u qabel id-deċiżjoni tagħha fuq l-abbozz preliminari tal-baġit, għandha tinżamm laqgħa ta’ trijalogu biex ikunu diskussi l-prijoritajiet possibbli għall-baġit għal dik is-sena. Għandhom jitqiesu wkoll is-setgħat ta’ l-istituzzjonijiet kif ukoll lill-iżvilupp previst dwar il-ħtiġiet għas-sena finanzjarja li ġejja u għal dawk ta’ wara koperti bil-qafas finanzjarju. Għandha tingħata attenzjoni wkoll lill-elementi l-ġodda li ħarġu wara t-twaqqif tal-qafas finanzjarju tal-bidu lil hawn u li x’aktarx ikollhom impatt finanzjarju sostanzjali fit-tul fuq il-baġit ta’ l-Unjoni Ewropea.

Parti B.

Dwar in-nefqa obbligatorja, il-Kummissjoni, fil-preżentazzjoni ta’ l-abbozz preliminari tal-baġit tagħha, għandha tidentifika:

(a) l-approprjazzjonijiet marbuta ma’ leġislazzjoni ġdida jew ippjanata;

(b) approprjazzjonijiet li jkunu ġejjin mill-applikazzjoni ta’ leġislazzjoni eżistenti meta jkun ġie adottat l-baġit ta’ qabel.

Il-Kummissjoni se tagħmel stima għaqlija ta’ l-implikazzjonijiet finanzjarji ta’ l-obbligi tal-Komunità bbażati fuq ir-regoli. Jekk ikun meħtieġ, din se taġġorna l-istima tagħha matul il-proċedura tal-baġit stess. Din se tipprovdi lill-awtorità tal-baġit bir-raġunijiet iġġustifikati kollha li din tista’ tkun teħtieġ.

Jekk tkun tqisu neċessarju, il-Kummissjoni tista’ tippreżenta liż-żewġ dirgħajn ta’ l-awtorità tal-baġit ittra ta’ emenda ad hoc biex taġġorna l-figuri li fuqhom hi bbażata l-istima tan-nefqa agrikola fl-abbozz preliminari tal-baġit u/jew biex tikkoreġi, fuq il-bażi tat-tagħrif l-aktar reċenti li jkun disponibbli dwar il-ftehim tas-sajd li jkunu fis-seħħ fl-1 ta’ Jannar tas-sena finanzjarja kkonċernata, l-ammonti u tqassim tagħhom bejn l-approprjazzjonijiet mdaħħla fil-punti ta’ l-operat għall-ftehim internazzjonali tas-sajd u dawk imdaħħla fir-riżerva.

Dik l-ittra ta’ emenda għandha tintbagħat lill-awtorità tal-baġit qabel l-aħħar ta’ Ottubru.

Jekk din tiġi ppreżentata lill-Kunsill f’inqas minn xahar qabel l-ewwel qari tal-Parlament Ewropew, il-Kunsill għandu bħala regola jqis l-ittra ta’ emenda ad hoc meta l-abbozz tal-baġit jkun se jgħaddi għat-tieni qari.

Bħala konsegwenza, qabel ma l-Kunsill jgħaddi għat-tieni qari tal-baġit, iż-żewġ dirgħajn ta’ l-awtorità tal-baġit għandhom jippruvaw jissodisfaw l-kundizzjonijiet meħtieġa għall-ittra ta’ emenda li għandha tiġi adottata f’qari wieħed minn kull waħda mill-istituzzjonijiet ikkonċernati..

Parti C.

1. Proċedura ta’ konċiljazzjoni qed tiġi stabbilita għall-infiq kollu.

2. L-għan tal-proċedura ta’ konċiljazzjoni huwa sabiex:

(a) jitkomplew id-diskussjonijiet dwar ix-xejra ġenerali tan-nefqa u, f’dan il-qafas, fuq il-linji ġenerali tal-baġit għas-sena ta’ wara, fid-dawl ta’ l-abbozz preliminari tal-baġit tal-Kummissjoni;

(b) jiżgura ftehim bejn iż-żewġ dirgħajn ta’ l-awtorità tal-baġit dwar:

– l-approprjazzjonijiet imsemmija fil-Punt B (a) u B (b), inklużi dawk proposti fl-ittra ta’ emenda ad hoc imsemmija f’ dik il-Parti,

– l-ammonti li għandhom jiddaħħlu fl-baġit għan-nefqa mhux obbligatorja, skond il-punt 40 ta’ dan il-Ftehim, u

– b’mod partikolari, materji li għalihom qed issir referenza għal din il-proċedura f’dan il-Ftehim.

3. Il-proċedura se tibda b’laqgħa ta’ trijalogu li għandha tinżamm f’waqtha biex l-istituzzjonijiet ikunu jistgħu jilħqu ftehim sa mhux aktar tard mid-data magħżula mill-Kunsill biex ikun stabbilit l-abbozz tal-baġit tiegħu.

Se jkun hemm konċiljazzjoni fuq ir-riżultati ta’ dan it-trijalogu bejn il-Kunsill u delegazzjoni tal-Parlament Ewropew, bil-Kummissjoni wkoll tieħu sehem.

Sakemm ma jiġix deċiż mod ieħor matul it-trijalogu, il-laqgħa ta’ konċiljazzjoni għandha tinżamm waqt il-laqgħa tradizzjonali bejn l-istess parteċipanti fid-data magħżula mill-Kunsill biex jiġi stabbilit l-abbozz tal-baġit.

4. Jekk ikun meħtieġ, tista’ tinżamm laqgħa ta’ trialogu qabel l-ewwel qari tal-Parlament Ewropew wara proposta bil-miktub mill-Kummissjoni jew talba bil-miktub mill-President tal-Kumitat dwar il-Baġit tal-Parlament Ewropew jew il-President tal-Kunsill (Baġit). Id-deċiżjoni dwar jekk isirx it-trialogu tittieħed permezz ta’ qbil bejn l-istituzzjonijiet wara l-adozzjoni ta’ l-abbozz tal-baġit tal-Kunsill u qabel il-vot dwar l-emendi waqt l-ewwel qari mill-Kumitat tal-Parlament Ewropew dwar il-baġit.

5. L-istituzzjonijiet ser ikomplu l-konċiljazzjoni wara l-ewwel qari tal-baġit minn kull waħda miż-żewġ dirgħajn ta’ l-awtorità dwar il-baġit sabiex ikun żgurat ftehim dwar nefqa obbligatorja u mhux obbligatorja u, b’mod partikolari, sabiex tkun diskussa l-ittra ta’ emenda ad hoc imsemmija fil-Parti B.

Issir laqgħa ta’ trialogu għal dan l-għan wara l-ewwel qari tal-Parlament Ewropew.

Ir-riżultati tat-trialogu jkunu diskussi fit-tieni laqgħa ta’ konċiljazzjoni li tinżamm f’jum it-tieni qari tal-Kunsill.

Jekk meħtieġ, l-istituzzjonijiet ikomplu d-diskussjonijiet tagħhom dwar in-nefqa mhix obbligatorja wara t-tieni qari tal-Kunsill.

6. F’dawk il-laqgħat ta’ trialogu, id-delegazzjonijiet ta’ l-istituzzjonijiet jitmexxew mill-President tal-Kunsill (Baġit), il-President tal-Kumitat tal-Parlament Ewropew dwar l-Baġit u l-Membru tal-Kummissjoni responsabbli għall-baġit.

7. Kull driegħ ta’ l-awtorità dwar il-baġit jieħu kwalunkwe pass meħtieġ sabiex jiżgura li r-riżultati li jistgħu jkunu assigurati fil-proċess ta’ konċiljazzjoni jkunu rispettati matul il-proċedura kollha tal-baġit .

Parti D.

Sabiex il-Kummissjoni tkun tista’ tagħmel evalwazzjoni f’waqtha dwar l-implimentabbilta’ ta’ l-emendi previsti mill-awtorità tal-baġit, li joħolqu azzjonijiet ġodda ta’ tħejjija/proġetti pilota jew itawlu dawk eżistenti, iż-żewġ dirgħajn ta’ l-awtorità tal-baġit se jgħarrfu lill-Kummissjoni sa nofs Ġunju dwar l-intenzjonijiet tagħhom għar-rigward. Dan biex l-ewwel diskussjoni tkun diġà tista’ ssir fil-laqgħa ta’ konċiljazzjoni ta’ l-ewwel qari tal-Kunsill. Il-passi li jmiss tal-proċedura ta’ konċiljazzjoni u li huma previsti fil-Parti C għandhom jgħoddu wkoll, kif ukoll id-dispożizzjonijiet fuq l-implimentabbilta’ msemmija fil-Punt 36 ta’ dan il-ftehim.

Aktar minn hekk, l-istituzzjonijiet jaqblu li jillimitaw l-ammont totali ta’ l-approprjazzjonijiet għall-iskemi pilota għal EUR 40 miljun fi kwalunkwe sena ta’ baġit. Huma jaqblu wkoll li jillimitaw fi kwalunkwe sena tal-baġit l-ammont totali ta’ l-approprjazzjonijiet għall-azzjonijiet ġodda ta’ tħejjija għal EUR 50 miljun , waqt li jillimitaw għal EUR 100 miljun l-ammont totali ta’ approprjazzjonijiet li bħalissa huma impenjati għall-azzjonijiet tat-tħejjija.

L-intestatura 1.

Tkabbir sostenibbli

1A

Kompetittività għat-tkabbir u l-impjiegi

Nefqa mhux obbligatorja (NCE)

1B

Koeżjoni għat-tkabbir u l-impjiegi

NCE

L-intestatura 2.

Preservazzjoni u tmexxija ta’ riżorsi naturali

NCE

Ħlief:

Nefqa tal-politika agrikola komuni li tirrigwarda miżuri tas-suq u għajnuniet diretti, inklużi miżuri għas-suq fis-sajd u ftehim dwar is-sajd konklużi ma’ partijiet terzi

Nefqa obbligatorja (CE)

L-intestatura 3.

Ċittadinanza, ħelsien, sigurtà u ġustizzja

NCE

3A

Ħelsien, Sigurtà u Ġustizzja

NCE

3B

Ċittadinanza

NCE

L-intestatura 4.

L-UE bħala attriċi globali

NCE

Ħlief:

Nefqa li tirriżulta minn ftehim internazzjonali li l-Unjoni Ewropea tikkonkludi ma’ partijiet terzi.

CE

Kontribuzzjonijiet għal organizzazzjonijiet jew istituzzjonijiet internazzjonali

CE

Kontribuzzjonijiet li jipprovdu l-fond dwar il-garanzija għas-self

CE

L-intestatura 5.

Amministrazzjoni

NCE

Ħlief:

Pensjonijiet u għotjiet għat-tluq

CE

Għotjiet u kontribuzzjonijiet varji fit-tmiem tas-servizz

CE

Spejjeż legali

CE

Ħsarat

CE

L-intestatura 6.

Kumpensi

CE

Parti A. In-nefqa marbuta mal-ftehim tas-sajd qed tkun iffinanzjata minn żewġ punti li għandhom x’jaqsmu mal-qasam tal-politika tas-sajd (b’referenza għall-ħidma bbażata fuq in-nomenklatura tal-baġit):

(a) ftehim internazzjonali tas-sajd (11 03 01);

(b) kontribuzzjonijiet lil organizzazzjonijiet internazzjonali (11 03 02).

L-ammonti kollha relatati ma’ ftehim u protokolli li huma fis-seħħ fl-1 ta’ Jannar tas-sena in kwistjoni se jiddaħħlu taħt l-intestatura 11 03 01. L-ammonti marbuta mal-ftehim kollha ġodda jew li jiġġeddu li jidħlu fis-seħħ wara l-1 ta’ Jannar tas-sena in kwistjoni se jiġu assenjati lill-intestatura 40 02 41 02 – Riżervi/Approprjazzjonijiet differenzjati (nefqa obbligatorja).

Parti B. Fil-proċedura ta’ konċiljazzjoni pprovduta fl-Anness II, Parti C, il-Parlament Ewropew u l-Kunsill se jfittxu li jintlaħaq ftehim fuq l-ammont li għandu jiddaħħal fl-intestaturi tal-baġit u fir-riżerva fuq il-bażi tal-proposta magħmula mill-Kummissjoni.

Parti C. Il-Kummissjoni timpenja ruħha li żżomm lill-Parlament Ewropew mgħarraf regolarment dwar it-tħejjija u l-andament tan-negozjati, inklużi l-implikazzjonijiet ta’ l-baġit.

Matul il-proċess leġislattiv marbut mal-ftehim tas-sajd, l-istituzzjonijiet jimpenjaw ruħhom li jagħmlu kull sforz biex jiżguraw li l-proċeduri kollha jitwettqu malajr kemm jista’ jkun.

Jekk l-approprjazzjonijiet marbuta mal-ftehim tas-sajd (inkluża r-riżerva) ma jkunux suffiċjenti, il-Kummissjoni għandha tipprovdi lill-awtorità tal-baġit bit-tagħrif meħtieġ għal skambju ta’ ideat fl-għamla ta’ trijalogu, possibbilment issimplifikat, fuq il-kawżi tas-sitwazzjoni, u fuq il-miżuri li jistgħu jiġu adottati taħt proċeduri stabbiliti. Fejn ikun meħtieġ, il-Kummissjoni se tipproponi miżuri xierqa.

Kull tliet xhur il-Kummissjoni għandha tippreżenta lill-awtorità tal-baġit tagħrif dettaljat dwar l-implimentazzjoni tal-ftehim li jkun hemm fis-seħħ u dwar il-previżjonijiet finanzjarji għall-bqija tas-sena.

DIKJARAZZJONIJIET

1. Dikjarazzjoni tal-Kummissjoni dwar l-evalwazzjoni ta’ l-operat tal-Ftehim Interistituzzjonali

B’rabta mal-Punt 7 tal-Ftehim Interistituzzjonali, il-Kummissjoni għandha tħejji rapport dwar l-operat tal-Ftehim Interistituzzjonalisa tmiem l-2009 akkumpanjat, jekk meħtieġ, minn proposti relevanti.

2. Dikjarazzjoni dwar Punt 27 tal-Ftehim Interistituzzjonali

Fil-qafas tal-proċedura annwali tal-baġit, il-Kummissjoni se tgħarraf lill-Awtorità dwar il-Baġit dwar l-ammont disponibbli għall-Istrument ta’ Flessibbiltà imsemmi lfil-Punt 27 tal-Ftehim Interistituzzjonali.

Kwalunkwe deċiżjoni sabiex ikun mobilizzat l-Istrument ta’ Flessibbiltà għal ammont li jeċċedi EUR 200 miljun tkun timplika deċiżjoni ta’ trasferiment ‘il quddiem.

3. Dikjarazzjoni dwar Reviżjoni tal-qafas finanzjarju

1. Skond il-konklużjonijiet tal-Kunsill Ewropew, il-Kummissjoni ġiet mistiedna sabiex twettaq reviżjoni wiesgħa u sħiħa li tkopri l-aspetti kollha ta’ l-infiq ta’ l-UE, inkluża l-Politika Agrikola Komuni, u tar-riżorsi, inkluż it-tnaqqis mogħti lir-Renju Unit, u biex tirrapporta fl-2008/9. Dik ir-reviżjoni għandha tkun akkumpanjata minn evalwazzjoni ta’ l-operat tal-Ftehim Interistituzzjonali. Il-Parlament Ewropew ser ikun assoċjat mar-reviżjoni fl-istadji kollha tal-proċedura a abbażi tad-dispożizzjonijiet li ġejjin:

– waqt il-fażi ta' eżaminar wara l-preżentazzjoni tar-reviżjoni mill-Kummissjoni, ikun żgurat li jsiru d-diskussjonijiet xierqa mal-Parlament Ewropew abbażi ta’ djalogu politiku normali bejn l-istituzzjonijiet u li l-pożizzjonijiet tal-Parlament Ewropew jitqiesu kif xieraq;

– skond il-konklużjonijiet tiegħu ta' Diċembru 2005, il-Kunsill Ewropew "jista' jieħu deċiżjonijiet dwar is-suġġetti kollha koperti mir-reviżjoni". Il-Parlament Ewropew ikun parti minn kull pass formali ta' segwitu skond il-proċeduri relevanti u b'rispett sħiħ għad-drittijiet stabbiliti.

2. Il-Kummissjoni timpenja ruħha, bħala parti mill-proċess ta’ konsultazzjoni u riflessjoni li jwassal għat-twaqqif tar-reviżjoni, li taħdem fuq l-iskambju fil-fond ta’ perspettivi li se twettaq mal-Parlament Ewropew meta janalizzaw is-sitwazzjoni. Il-Kummissjoni tinnota wkoll l-intenzjoni tal-Parlament Ewropew li jsejjaħ konferenza li tkun tinvolvi lill-Parlament Ewropew u l-parlamenti nazzjonali sabiex tirrevedi s-sistema ta’ riżorsi proprji. Tikkunsidra r-riżultat ta’ tali konferenza bħala kontribuzzjoni fil-qafas ta’ dak il-proċess ta’ konsultazzjoni. Hu mifhum li l-proposti tal-Kummissjoni jittressqu kompletament taħt ir-responsabbiltà tagħha.

4. Dikjarazzjoni dwar skrutinju demokratiku u koerenza ta’ azzjonijiet esterni

Il-Parlament Ewropew, il-Kunsill u l-Kummissjoni jagħrfu l-ħtieġa ta’ razzjonalizzazzjoni ta’ l-strumenti varji għal azzjonijiet esterni. Jaqblu li t-tali razzjonalizzazzjoni ta’ l-istrumenti, filwaqt li ssaħħaħ il-koerenza u l-kapaċità ta’ rispons ta’ l-azzjoni ta’ l-Unjoni Ewropea, m’għandhiex taffettwa l-poteri la ta’ l-awtorità leġiżlattiva – notevolment fil-kontroll politiku tagħha ta’ għażliet strateġiċi – jew ta’ l-awtorità dwar l-baġit. It-test tar-regolamenti relevanti għandu jirrifletti dawk il-prinċipji u jinkludi, fejn xieraq, il-kontenut ta’ politika neċessarja u tqassima indikattiva ta’ riżorsi u , fejn meħtieġ, klawsola ta’ reviżjoni bl-għan li tkun evalwata l-implimentazzjoni tar-regolament, wara tliet snin, l-aktar tard.

Taħt l-istrumenti bażiċi leġislattivi adottati bil-proċedura ta’ ko-deċiżjoni, il-Kummissjoni sistematikament tinforma u tikkonsulta mal-Parlament Ewropew u l-Kunsill billi tibgħat abbozzi ta’ aġġornamenti strateġiċi tematiċi u aġġornamenti strateġiċi dwar pajjiżi u reġjuni.

Fejn il-Kunsill jiddeċiedi fuq it-tranżizzjoni ta’ kandidati potenzjali għal kandidati ta’ qabel l-adeżjoni waqt il-perjodu kopert mill-Ftehim Interistituzzjonali, il-Kummissjoni se tirrevedi u tikkomunika lill-Parlament Ewropew u lill-Kunsill qafas multiannwali indikattiv skond l-Artikolu 4 tar-Regolament li jistabbilixxi Strument għall-Assistenza Pre-Adeżjoni (Instrument for Pre-Accession Assistance - IPA) sabiex iqisu l-ħtiġijiet ta’ nfiq li jirriżultaw minn tali tranżizzjoni.

Il-Kummissjoni se tipprovdi, fl-abbozz preliminari tal-baġit, nomenklatura li tiżgura l-prerogattivi ta’ l-awtorità tal-baġit fuq azzjonijiet esterni.

5. Dikjarazzjoni tal-Kummissjoni dwar l-iskrutinju demokratiku u l-koerenza ta’ azzjonijiet esterni

Il-Kummissjoni timpenja ruħha li tidħol fi djalogu regolari mal-Parlament Ewropew dwar il-kontenut ta’ l-abbozzi tal-aġġornamenti strateġiċi tematiċi u aġġornamenti strateġiċi dwar pajjiżi u reġjuni u sabiex tqis kif xieraq il-pożizzjoni tal-Parlament Ewropew meta timplimenta l-istrateġiji.

Dak id-djalogu se jinkludi diskussjoni dwar it-tranżizzjoni ta’ kandidati potenzjali għal status ta’ qabel l-adeżjoni waqt il-perjodu kopert mill-Ftehim Interistituzzjonali.

6. Dikjarazzjoni dwar ir-reviżjoni tar-Regolament Finanzjarju

Fil-qafas tar-reviżjoni tar-Regolament Finanzjarju l-Istituzzjonijiet jimpenjaw irwieħhom sabiex itejbu l-implimentazzjoni ta' l-baġit u jtejbu l-viżibilità u l-benefiċċju ta' l-iffinanzjar komunitarju lejn iċ-ċittadini mingħajr ma jqiegħdu in kwistjoni l-progress miksub fir-recasting ta' l-2002 tar-Regolament Finanzjarju. Ifittxu wkoll, kemm jista’ jkun, waqt l-istadju finali tan-negozjati dwar ir-reviżjoni tar-Regolament Finanzjarju u r-Regoli Implimentattivi tiegħu, il-bilanċ adegwat bejn il-protezzjoni ta’ l-interessi finanzjarji, il-prinċipju tal-proporzjonalità tan-nefqa amministrattiva, u proċeduri li jirrispettaw l-utent.

Ir-reviżjoni tar-Regolament Finanzjarju tkun adottata fuq il-bażi ta’ proposta modifikata mill-Kummissjoni wara l-proċedura ta’ konċiljazzjoni stabbilita bid-Dikjarazzjoni Konġunta tal-Parlament Ewropew, il-Kunsill u l-Kummissjoni ta’ l-4 ta’ Marzu 1975, fl-ispirtu li ppermetta l-ftehim milħuq fl-2002. Ifittxu wkoll koperazzjoni interistituzzjonali mill-qrib u kostruttiva għall-adozzjoni b’ħeffa tar-Regoli Implimentattivi sabiex ikunu simplifikati l-proċeduri ta’ ffinanzjar filwaqt li tkun żgurata livell għoli ta’ protezzjoni qawwija ta’ l-interessi finanzjarji tal-Komunita’.

Il-Parlament Ewropew u l-Kunsill huma impenjati bis-sħiħ sabiex jikkonkludu n-negozjati dwar ir-Regolament Finanzjarju sabiex jippermettu d-dħul tiegħu fis-seħħ, jekk ikun possibbli, fl-1 ta’ Jannar 2007.

7. Dikjarazzjoni tal-Kummissjoni dwar ir-reviżjoni tar-Regolament Finanzjarju

Fil-qafas tar-reviżjoni tar-Regolament Finanzjarju, il-Kummissjoni timpenja ruħha:

– li tinforma lill-Parlament Ewropew u lill-Kunsill jekk fi proposta għal att legali, hi tqis meħtieġ li titlaq mid-dispożizzjonijiet tar-Regolament Finanzjarju, u li tistqarr ir-raġunijiet speċifiċi għal dan;

– li tiżgura li jsiru evalwazzjonijiet regolari dwar l-impatt leġiżlattiv, filwaqt li jitqiesu l-prinċipji ta’ sussidjarjetà u proporzjonalità, dwar proposti leġiżlattivi importanti u kwalunkwe emendi sostantivi fihom.

8. Dikjarazzjoni dwar strumenti finanzjarji ġodda

Il-Parlament Ewropew u l-Kunsill jistiednu lill-Kummissjoni u lill-Bank Ewropew ta’ l-Investiment (EIB), fl-isferi ta’ kompetenza rispettivi tagħhom, sabiex iressqu proposti:

Ø skond il-konklużjonijiet tal-Kunsill Ewropew f’Diċembru ta’ l-2005, biex iżżid il-kapaċità ta’ l-EIB fis-self u l-garanziji għal riċerka u żvilupp sa EUR 10 biljun fil-perjodu 2007-2013, b’kontribuzzjoni ta’ l-EIB sa EUR 1 biljun minn riservi għall-iffinanzjar tat-tqassim tar-riskju (RSFF);

Ø li ssaħħaħ l-istrumenti favur Netwerks Trans-Ewropej (TENs) u Intrapriżi Żgħar u ta’ Daqs Medju sa ammont approssimattiv ta’ self u garanziji ta’ EUR 20 biljun u EUR 30 biljun, rispettivament, b'kontribuzzjoni ta' l-EIB sa EUR 0.5 biljun minn riservi (TENs) u sa EUR 1 biljun (Kompetittività u Innovazzjoni) rispettivament.

9. Dikjarazzjoni tal-Parlament Ewropew dwar il-modulazzjoni volontarja

Il-Parlament Ewropew jinnota l-konklużjonijiet tal-Kunsill Ewropew ta’ Diċembru 2005 dwar il-modulazzjoni volontarja min-nefqa relatata mas-suq u ħlasijiet direttital-Politika Agrikola Komuni għal Żvilupp rurali sa massimu ta’ 20% u t-tnaqqis għan-nefqa relatata mas-suq. Meta jistabbilixxi l-modalitajiet ta’ din il-modulazzjoni ta’ l-atti legali relevanti, il-Parlament Ewropew għandu jevalwa l-vijabbiltà ta’ dawn id-dispożizzjonijiet skond il-prinċipji ta’ l-UE, bħal regoli ta’ kompetizzjoni u oħrajn; il-Parlament Ewropew bħalissa jirriserva l-pożizzjoni tiegħu dwar l-eżitu tal-proċedura. Jikkunsidra li jkun utli li tiġi eżaminata l-kwistjoni tal-ko-finanzjar ta’ l-agrikoltura fil-kuntest tar-reviżjoni ta’ l-2008/9.

10. Dikjarazzjoni tal-Kummissjoni dwar il-modulazzjoni volontarja

Il-Kummissjoni tinnota l-Punt 62 tal-konklużjonijiet tal-Kunsill Ewropew ta’ Diċembru ta’ l-2005 li bihom l-Istati Membri jistgħu jittrasferixxu somom addizzjonali min-nefqa relatata mas-suq u ħlasijet diretti tal-Politika Agrikola Komuni għall-iŻvilupp Rurali sa massimu ta’ 20% ta’ l-ammonti li jakkumulawlhom minn nefqa relatata mas-suq u ħlasijiet diretti.

Meta tistabbilixxi l-modalitajiet ta’ l-atti legali relevanti, il-Kummissjoni timpenja ruħha li tagħmel il-modulazzjoni volontarja possibbli filwaqt li tagħmel l-isforzi kollha sabiex tiżgura li mekkaniżmu bħal dan jirrifletti mill-aktar qrib possibbli r-regoli bażiċi tal-politika dwar l-iżvilupp rurali.

11. Dikjarazzjoni tal-Parlament Ewropew dwar Natura 2000

Il-Parlament Ewropew jesprimi t-tħassib tiegħu dwar il-konklużjonijiet tal-Kunsill Ewropew ta’ Diċembru 2005 marbuta mat-tnaqqis tan-nefqa relatata mas-suq u ħlasijiet diretti tal- Politika Agrikola Komuni u l-konsegwenzi tagħha fuq il-ko-finanzjament ta' Natura 2000 mill-Komunità. Jistieden lill-Kummissjoni sabiex tevalwa l-konsegwenzi ta' dawn id-dispożizzjonijiet qabel ma tagħmel proposti ġodda. Jikkunsidra li għandha tingħata priorità xierqa lill-integrazzjoni ta’ Natura 2000 fil-Fondi Strutturali u Żvilupp Rurali. Bħala parti mill-awtorità leġiżlattiva, bħalissa tirriserva l-pożizzjoni tagħha dwar l-eżitu tal-proċedura.

12. Dikjarazzjoni tal-Parlament Ewropew fuq il-ko-finanzjament privat u l-VATgħall-koeżjoni għat-tkabbir u l-impjiegi

Il-Parlament Ewropew jinnota l-konklużjoni tal-Kunsill Ewropew ta’ Diċembru 2005 dwar l-applikazzjoni tar-regolament ta’ diżimpenn awtomatiku N+3 fuq bażi tranżizzjonali; il-Parlament Ewropew jistieden lill-Kummissjoni, meta tistabbilixxi l-modalitajiet għall-applikazzjoni ta’ din ir-regola fl-atti legali relevanti, sabiex tiżgura regoli komuni għall-ko-finanzjament privat u l-VAT għall-koeżjoni għat-tkabbir ekonomiku u l-impjiegi.

13. Dikjarazzjoni tal-Parlament Ewropewdwar il-finanzjament taż-Żona ta’ Libertà, Sigurtà u Ġustizzja

Il-Parlament Ewropew jikkunsidra li meta tippreżenta l-abbozz preliminari tal-baġit l-Kummissjoni għandha tagħti stima bir-reqqa ta’ l-attivitajiet ippjanati għal-Libertà, Sigurtà u Ġustizzja, u li l-iffinanzjar ta’ dawn l-attivitajiet għandu jkun diskuss fil-qafas tal-proċeduri previsti fl-Anness II tal-Ftehim Interistituzzjonali.

Titolu

Conclusion of the Interinstitutional Agreement (IIA) on budgetary discipline and sound financial management

Numru tal-proċedura

2006/2028(ACI)

Kumitat responsabbli
  Data tat-tħabbir fis-seduta plenarja

AFCO
27.10.2005

Rapporteur(s)
  Data tal-ħatra

Sérgio Sousa Pinto
17.11.2005

Rapporteur(s) preċedenti

Eżaminazzjoni fil-kumitat

22.2.2006

6.4.2006

Data ta' l-adozzjoni

25.4.2006

Riżultat tal-votazzjoni finali

+

-

0

11

0

1

Membri preżenti għall-votazzjoni finali

James Hugh Allister, Jens-Peter Bonde, Richard Corbett, Jean-Luc Dehaene, Andrew Duff, Maria da Assunção Esteves, Ingo Friedrich, Bronisław Geremek, Sylvia-Yvonne Kaufmann, Jo Leinen, Íñigo Méndez de Vigo

Sostitut(i) preżenti għall-votazzjoni finali

Jacek Protasiewicz, György Schöpflin

Sostituti(i) (skond l-Artikolu 178(2) preżenti għall-votazzjoni finali

Data tat-tressiq

26.4.2006

Kummenti
(informazzjoni disponibbli b'lingwa waħda biss)