RAPPORT dwar il-proposta għal regolament tal-Parlament Ewropew u tal-Kunsill li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' CO₂ minn vetturi għall-użu ħafif

Test propost mill-Kummissjoni

Emenda

Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 95 tiegħu,

Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 175 tiegħu,

Test propost mill-Kummissjoni

Emenda

(4) Waħda mill-implikazzjoni ta’ dawk l-impenji kienet li l-Istati Membri kollha jnaqqsu b’mod sinifikanti l-emissjonijiet mill-karozzi tal-passiġġieri. Għandhom jiġu implimentati politiki u miżuri fuq il-livell ta’ l-Istati Membri u tal-Komunità fis-setturi kollha ta’ l-ekonomija Komunitarja, u mhux biss fis-setturi ta' l-industrija u ta’ l-enerġija, sabiex jiġi ġġenerat it-tnaqqis sostanzjali meħtieġ fl-emissjonijiet. It-trasport bit-triq huwa t-tieni l-akbar settur f'termini ta' emissjonijiet ta' gassijiet b'effett ta' serra fl-UE, u l-emissjonijiet minn dan is-settur qed ikomplu jiżdiedu. Jekk l-impatt tat-trasport bit-triq fuq it-tibdil tal-klima jkompli jiżdied, se jhedded b'mod sinifikanti it-tnaqqis li jagħmlu setturi oħra biex jiġġieldu t-tibdil fil-klima.

(4) Waħda mill-implikazzjonijiet ta’ dawk l-impenji kienet li l-emissjonijiet mill-karozzi tal-passiġġieri jridu jitnaqqsu b'mod sinifikanti wkoll. Dan jeħtieġ l-impożizzjoni ta' regoli dwar l-emissjonijiet għall-produtturi u l-importaturi ta' karozzi ġodda. Regolament Komunitarju biss jista' jiżgura li vetturi rreġistrati għall-ewwel darba jkunu suġġetti għall-istess kundizzjonijiet fl-Istati Membri kollha. Sabiex jintlaħaq l-għan globali tal-Istati Membri u tal-Komunità li jitnaqqas is-CO₂, mhux biżżejjed li tittieħed azzjoni fis-setturi ta' l-industrija u ta’ l-enerġija biss; is-setturi tad-djar u tat-trasport għandhom ikunu inklużi wkoll. It-trasport bit-triq huwa t-tieni l-akbar settur f'termini ta' emissjonijiet ta' gassijiet b'effett ta' serra fl-UE, u l-emissjonijiet minn dan is-settur qed ikomplu jiżdiedu. Jekk l-emissjonijiet tal-karbonju tat-trasport bit-triq jibqgħu jiżdiedu, dan se jhedded b'mod sinifikanti it-tnaqqis li jagħmlu setturi oħra biex jiġġieldu t-tibdil fil-klima.

Test propost mill-Kummissjoni

Emenda

(10) I-Komunikazzjonijiet ipproponew approċċ integrat sabiex tintlaħaq il-mira Komunitarja ta' 120g CO₂/km sa l-2012 u ħabbru li l-Kummissjoni kienet se tipproponi qafas leġiżlattiv biex tilħaq l-għan Komunitarju billi tiffoka fuq it-tnaqqis mandatorju ta' l-emissjonijiet ta’ CO₂. B'hekk tintlaħaq il-mira ta' 130 g CO₂/km għall-medja tal-flotta ta' karozzi ġodda permezz ta' titjib fit-teknoloġija ta’ vetturi motorizzati. B’konsistenza ma’ l-approċċ taħt l-impenji volontarji adottati mill-manifatturi, dan ikopri dawk l-elementi li jitqiesu fil-kejl ta’ l-emissjonijiiet ta’ CO₂ tal-karozzi tal-passiġġieri skond ir-Regolament (KE) Nru 715/2007 tal-Parlament Ewropew u tal-Kunsill ta’ l-20 ta’ Ġunju 2007 dwar l-approvazzjoni tat-tip ta’ vetturi bil-mutur fir-rigward ta’ l-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi. Tnaqqis ulterjuri ta’ 10 g CO₂/km, jew ekwivalenti jekk teknikament meħtieġ, se jirriżulta minn titjib teknoloġiku ieħor u minn użu aktar mifrux tal-bijofjuwils. Barra minn hekk, l-imġieba tal-konsumaturi għandha effett fuq l-emissjonijiet globali mill-karozzi tal-passiġġieri u għalhekk il-konsumaturi għandhom jingħataw tagħrif dwar jekk karozzi ġodda tal-passiġġieri jilħqux il-miri għall-emissjonijiet stabbiliti taħt dan ir-Regolament.

(10) Il-Komunikazzjonijiet ipproponew approċċ integrat sabiex tintlaħaq il-mira Komunitarja ta' 120g CO₂/km sa l-2012 u ħabbru li l-Kummissjoni kienet se tipproponi qafas leġiżlattiv biex tilħaq l-għan Komunitarju billi tiffoka fuq it-tnaqqis mandatorju ta' l-emissjonijiet ta’ CO₂. B'hekk tintlaħaq il-mira ta' 130 g CO₂/km għall-medja tal-flotta ta' karozzi ġodda permezz ta' titjib fit-teknoloġija ta’ vetturi motorizzati. B’konsistenza ma’ l-approċċ taħt l-impenji volontarji adottati mill-manifatturi, dan ikopri dawk l-elementi li jitqiesu fil-kejl ta’ l-emissjonijiiet ta’ CO₂ tal-karozzi tal-passiġġieri skond ir-Regolament (KE) Nru 715/2007 tal-Parlament Ewropew u tal-Kunsill ta’ l-20 ta’ Ġunju 2007 dwar l-approvazzjoni tat-tip ta’ vetturi bil-mutur fir-rigward ta’ l-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi. Tnaqqis ulterjuri ta’ 10 g CO₂/km, jew ekwivalenti jekk teknikament meħtieġ, se jirriżulta minn titjib teknoloġiku ieħor u minn użu aktar mifrux tal-bijofjuwils sostenibbli. Barra minn hekk, l-imġiba tal-konsumaturi għandha effett fuq l-emissjonijiet globali mill-karozzi tal-passiġġieri u għalhekk il-konsumaturi għandhom jingħataw tagħrif dwar jekk karozzi ġodda tal-passiġġieri jilħqux il-miri għall-emissjonijiet stabbiliti taħt dan ir-Regolament.

Test propost mill-Kummissjoni

Emenda

(10a) Fir-riżoluzzjonijiet tiegħu tal-24 ta' Ottubru 2007 u tal-15 ta' Jannar 2008 dwar il-komunikazzjonijiet mill-Kummissjoni tas-7 ta' Frar 2007, il-Parlament Ewropew ġibed l-attenzjoni li l-iżvilupp ta' tipi ġodda ta' karozzi jdum minn ħames sa seba' snin u għalhekk stieden lill-Kummissjoni biex ma tistabbilixxix miri għall-emissjonijiet ta' CO₂ li jorbtu b'mod definittiv qabel l-2015.

Test propost mill-Kummissjoni

Emenda

(11a) Sabiex ikunu żviluppati karozzi mingħajr emissjonijiet, ir-riżorsi tas-Seba’ Programm ta’ Qafas għar-Riċerka u l-Iżvilupp allokati għal teknoloġiji li jfittxu li jilħqu dak il-għan għandhom jiżdiedu drastikament.

Test propost mill-Kummissjoni

Emenda

(12) Sabiex tinżamm id-diversità tas-suq tal-karozzi u l-kapaċità tiegħu li jindirizza ħtiġijiet ta' konsumaturi diversi, il-miri ta’ CO₂ għall-karozzi tal-passiġġieri għandhom ikunu ddefiniti bħala funzjoni ta' l-utilità tal-karozzi fuq bażi lineari. Biex niddeskrivu din l-utilità, il-massa hija l-aqwa parametru peress li tipprovdi korrelazzjoni sodisfaċenti ma' l-emissjonijiet attwali u għalhekk tirriżulta f'miri aktar realistiċi u newtrali mil-lat ta' kompetizzjoni, filwaqt li d-dejta dwar il-massa hija aktar faċilment disponibbli. Id-dejta dwar il-parametru ta' utilità alternattiv tad-"daqs tal-pass" (wisa' bejn rota u oħra mmoltiplikat bejn it-tul bejn rota u oħra) madankollu għandha tinġabar sabiex jiġu faċilitati evalwazzjonijiet aktar fit-tul ta' l-approċċ ibbażat fuq l-utilità. Fl-istabbiliment tal-miri, l-evoluzzjoni antiċipata tal-massa tal-karozzi l-ġodda sa l-2012 għandha titqies, u għandhom jiġu evitati inċentivi biex tiżdied il-massa tal-vetturi sempliċement sabiex tiġi sfruttata ż-żieda konsekwenzjali tal-mira tat-tnaqqis ta’ CO₂. Għalhekk, iż-żieda awtonoma li possibilment tevolvi fil-ġejjieni fir-rigward tal-massa ta' vetturi manifatturati u mibjugħa fuq is-suq ta' l-UE għandha titqies meta jkunu qed jiġu ddefiniti l-miri għall-2012. Fl-aħħarnett, id-differenzjazzjoni tal-miri għandha tinkoraġġixxi tnaqqis fl-emissjonijiet fil-kategoriji kollha tal-karozzi filwaqt li jiġi rikonoxxut li jista' jsir tnaqqis akbar ta' l-emissjonijiet għal karozzi itqal.

(12) Sabiex tinżamm id-diversità tas-suq tal-karozzi u l-kapaċità tiegħu li jindirizza ħtiġijiet ta' konsumaturi diversi, il-miri ta’ CO₂ għall-karozzi tal-passiġġieri għandhom ikunu ddefiniti bħala funzjoni ta' l-utilità tal-karozzi fuq bażi lineari. Biex niddeskrivu din l-utilità, il-massa hija parametru xieraq li tipprovdi korrelazzjoni ma' l-emissjonijiet attwali u għalhekk tirriżulta f'miri aktar realistiċi u newtrali mil-lat ta' kompetizzjoni, filwaqt li d-dejta dwar il-massa hija aktar faċilment disponibbli. Id-dejta dwar il-parametri ta' utilità alternattivi bħad-"daqs tal-pass" (wisa' bejn rota u oħra mmoltiplikat bejn it-tul bejn rota u oħra) għandha tinġabar sabiex jiġu faċilitati evalwazzjonijiet aktar fit-tul ta' l-approċċ ibbażat fuq l-utilità. Il-Kummissjoni, sal-2014, għandha tirrevedi d-disponibilità tad-dejta u, jekk ikun il-każ, tadatta l-parametru tal-utilità.

Test propost mill-Kummissjoni

Emenda

(13) L-għan ta’ dan ir-Regolament huwa li jinħolqu inċentivi biex l-industrija tal-karozzi tinvesti f’teknoloġiji ġodda. Ir-Regolament jippromwovi attivament l-eko-innovazzjoni u jqis l-iżviluppi teknoloġiċi tal-ġejjieni. B’dan il-mod, il-kompetittività ta’ l-Industrija Ewropea tittejjeb u jinħolqu aktar impjiegi ta’ kwalità għolja.

(13) L-għan ta’ dan ir-Regolament huwa li jinħolqu inċentivi biex l-industrija tal-karozzi tinvesti f’teknoloġiji ġodda. Ir-Regolament jippromwovi attivament l-eko-innovazzjoni u jqis l-iżviluppi teknoloġiċi tal-ġejjieni. L-iżvilupp ta' karozzi ibridi u tal-elettriku għandu jitħeġġeġ b'mod partikulari, peress li jipproduċu ħafna anqas emissjonijiet mill-karozzi tal-passiġġieri tradizzjonali. B’dan il-mod, il-kompetittività ta’ l-Industrija Ewropea tittejjeb u jinħolqu aktar impjiegi ta’ kwalità għolja. Il-Kummissjoni tista' tqis il-possibilità li tinkludi miżuri ta' ekoinnovazzjoni fir-reviżjoni tal-proċeduri tat-test skont l-Artikolu 14(3) tar-Regolament (KE) Nru 715/2007, filwaqt li jitqiesu l-impatti tekniċi u ekonomiċi.

Test propost mill-Kummissjoni

Emenda

(13a) Bħala rikonoxximent tal-ispejjeż għoljin ħafna ta' riċerka, żvilupp u produzzjoni unitarja tal-ġenerazzjonijiet bikrin ta' teknoloġiji b'emissjonijiet baxxi ħafna ta' karbonju li se jiddaħħlu fis-suq wara d-dħul fis-seħħ tiegħu, fuq bażi interim, dan ir-Regolament jinkorpora wkoll dispożizzjonijiet speċifiċi bil-għan li jħaffu l-introduzzjoni fis-Suq Ewropew ta' vetturi b’livell estremament baxx ta' karbonju fl-istadji bikrin tal-kummerċjalizzazzjoni tagħhom.

Test propost mill-Kummissjoni

Emenda

(13b) L-użu ta' fjuwils alternattivi jista' joffri tnaqqis sinifikanti ta' CO₂ fuq bażi "mill-bir għat-triq". Għalhekk dan ir-Regolament jinkorpora dispożizzjonijiet speċifiċi li għandhom l-għan li jħeġġu użu akbar ta' vetturi li jaħdmu bi fjuwil alternattiv fis-Suq Ewropew.

Test propost mill-Kummissjoni

Emenda

(13c) Bħala rikonoxximent tal-fatt li l-bijofjuwils jistgħu joffru tnaqqis sinifikanti ta' CO₂ fuq bażi "mill-bir għat-triq", u li l-manifatturi jistgħu joffru vetturi bil-kapaċità li jaħdmu kemm bil-fjuwils konvenzjonali kif ukoll bil-fjuwils alternattivi sabiex jippermettu t-tranżizzjoni għal dawn il-fjuwils li jarmu anqas CO₂, dan ir-Regolament jinkorpora dispożizzjonijiet speċifiċi bil-għan li jitħeġġeġ użu akbar ta' vetturi li jaħdmu bi fjuwil alternattiv fis-Suq Ewropew.

Test propost mill-Kummissjoni

Emenda

(13d) Sabiex jitnaqqsu l-emissjonijiet tas-CO₂, għandu jitħeġġeġ l-iżvilupp ta' vetturi li jaħdmu bi fjuwils alternattivi, li jipproduċu ftit emissjonijiet u li ma jipproduċux emissjonijiet. Dan ir-Regolament se jippromwovi teknoloġiji bħal dawn billi t-tnaqqis ta' emissjonijiet mill-fjuwil alternattiv, mill-vetturi bi ftit emissjonijiet u bla emissjonijiet jista' jintuża biex jagħmel tajjeb għal emissjonijiet minn karozzi b'livelli ogħla ta' emissjonijiet fil-flotta tal-manifattur jew, bħala parti minn ftehim kummerċjali, fil-flotta ta' manifattur ieħor fl-istess għaqda.

Test propost mill-Kummissjoni

Emenda

(16) Vetturi għal użi speċjali li għalihom japplikaw rekwiżiti speċifiċi għall-iskopijiet ta’ l-approvazzjoni tat-tip, inklużi vetturi mibnija speċifikament għal skopijiet kummerċjali biex jakkomodaw l-użu tal-wheelchairs ġewwa l-vettura skond il-politika tal-Komunità biex tingħata għajnuna lill-persuni b’diżabilità, għandhom jiġu esklużi mill-ambitu ta’ dan ir-Regolament.

(16) Vetturi għal użi speċjali li għalihom japplikaw rekwiżiti speċifiċi għall-iskopijiet ta’ l-approvazzjoni tat-tip, jew vetturi mibnija speċifikament għal skopijiet kummerċjali biex jakkomodaw l-użu tal-wheelchairs ġewwa l-vettura skond il-politika tal-Komunità biex tingħata għajnuna lill-persuni b’diżabilità, għandhom jiġu esklużi mill-ambitu ta’ dan ir-Regolament.

Test propost mill-Kummissjoni

Emenda

(21) Id-Direttiva 2007/46/KEE tipprovdi li l-manifatturi għandhom joħorġu ċertifikat tal-konformità li għandu jakkumpanja kull karozza tal-passiġġieri ġdida u li l-Istati Membri għandhom jippermettu r-reġistrazzjoni u d-dħul fis-servizz ta' karozza tal-passiġġieri ġdida biss jekk din ikollha magħha ċertifikat validu tal-konformità. Id-dejta miġbura mill-Istati Membri għandha tkun konsistenti maċ-ċertifikat tal-konformità maħruġ mill-manifattur għall-karozza tal-passiġġieri.

(21) Id-Direttiva 2007/46/KEE tipprovdi li l-manifatturi għandhom joħorġu ċertifikat tal-konformità li għandu jakkumpanja kull karozza tal-passiġġieri ġdida u li l-Istati Membri għandhom jippermettu r-reġistrazzjoni u d-dħul fis-servizz ta' karozza tal-passiġġieri ġdida biss jekk din ikollha magħha ċertifikat validu tal-konformità. Id-dejta miġbura mill-Istati Membri għandha tkun konsistenti maċ-ċertifikat tal-konformità maħruġ mill-manifattur għall-karozza tal-passiġġieri u għandha tkun ibbażata fuq din ir-referenza biss. Jekk l-Istati Membri, għal raġunijiet ġustifikati, ma jużawx iċ-ċertifikat ta’ konformità sabiex itemmu l-proċess ta’ reġistrazzjoni u d-dħul fis-servizz ta’ karozza tal-passiġġieri ġdida, għandhom jimplimentaw il-miżuri meħtieġa sabiex jiżguraw il-preċiżjoni li tixraq fil-proċedura ta' monitoraġġ. Għandu jkun hemm bażi ta’ dejta Ewropea standard u komuni għaċ-ċertifikazzjoni tal-konformità tad-dejta. Din għandha tintuża bħala referenza unika li tippermetti li l-Istati Membri jżommu d-dejta ta’ reġistrazzjoni b’mod aktar faċli meta vetturi ġodda jiġu reġistrati mill-ġdid. Il-Kummissjoni għandha tiżgura l-użu ta’ netwerks elettroniċi mill-Istati Membri, bħal fil-każ tal-proġett REGNET, li jippermettu aktar integrazzjoni tal-iskambju ta' dejta ta' reġistrazzjoni, bħall-emissjonijiet tas-CO₂, bl-iskop li jsir monitoraġġ eżatt. Barra minn dan, sabiex tippermetti lill-manifatturi jirreaġixxu għall-iżviluppi tas-suq, il-Kummissjoni, mhux aktar tard mit-30 ta' Awwissu għal kull sena ta' monitoraġġ, għandha tagħmel ir-rapport interim tal-monitoraġġ disponibbli għal kull manifattur għal dik is-sena.

Test propost mill-Kummissjoni

Emenda

(22) Il-konformità tal-manifatturi mal-miri f'dan ir-Regolament għandhom jiġu vvalutati fuq il-livell Komunitarju. Il-manifatturi li l-emissjonijiet speċifiċi medji ta' CO₂ tagħhom jaqbżu dawk permessi f'dan ir-Regolament għandhom iħallsu primjum għall-emissjonijiet żejda fir-rigward ta’ kull sena kalendarja mill-2012 ‘il quddiem. Il-primjum għandu jkun ibbażat fuq kemm il-manifatturi jkunu naqsu milli jilħqu l-mira tagħhom. Għandu jiżdied biż-żmien. Sabiex ikun ta' inċentiv biżżejjed biex jittieħdu miżuri għat-tnaqqis ta' emissjonijiet speċifiċi ta' CO₂ mill-karozzi tal-passiġġieri, il-primjum għandu jirrifletti l-ispejjeż teknoloġiċi. L-ammonti tal-primjum fuq l-emissjonijiet żejda għandhom jitqiesu bħala dħul għall-baġit ta’ l-Unjoni Ewropea.

(22) Il-konformità tal-manifatturi mal-miri f'dan ir-Regolament għandhom jiġu vvalutati fuq il-livell Komunitarju. Il-manifatturi li l-emissjonijiet speċifiċi medji ta' CO₂ tagħhom jaqbżu dawk permessi f'dan ir-Regolament għandhom iħallsu primjum għall-emissjonijiet żejda fir-rigward ta’ kull sena kalendarja mill-2012 'il quddiem. Il-primjum għandu jkun ibbażat fuq kemm il-manifatturi jkunu naqsu milli jilħqu l-mira tagħhom. Għandu jiżdied biż-żmien. Sabiex ikun ta' inċentiv biżżejjed biex jittieħdu miżuri għat-tnaqqis ta' emissjonijiet speċifiċi ta' CO₂ mill-karozzi tal-passiġġieri, il-primjum għandu jkun ogħla mill-ispejjeż teknoloġiċi. L-ammonti tal-primjum fuq l-emissjonijiet żejda għandhom jitqiesu bħala dħul għall-baġit ta’ l-Unjoni Ewropea u għandhom jintużaw biex jiżdied l-appoġġ għar-riċerka dwar it-tnaqqis tas-CO₂ u għal attivitajiet ta' innovazzjoni fis-settur tal-vetturi.

Test propost mill-Kummissjoni

Emenda

(23a) Id-Direttiva 1999/94/KE tal-Parlament Ewropew u tal-Kunsill tat-13 ta' Diċembru 1999 relatata mad-disponibilità ta' tagħrif għall-konsumatur dwar l-ekonomija tal-karburanti u emissjonijiet tas-CO₂ rigward il-marketing ta' karozzi tal-passiġġieri ġodda¹ tistabbilixxi li l-konsumaturi għandhom jingħataw dejta ċara dwar il-konsum ta' fjuwil u l-emissjonijiet speċifiċi ta' CO₂ għal kull karozza tal-passiġġieri, sabiex ikunu jistgħu jixtru b'mod infurmat.

¹ ĠU L 12, 18.1.2000, p. 16.

Test propost mill-Kummissjoni

Emenda

Suġġett u għanijiet

Suġġett, għanijiet u miri

Dan ir-Regolament jistabilixxi r-rekwiżiti ta’ rendiment rigward l-emissjonijiet ta’ CO₂ minn karozzi ġodda tal-passiġġieri, sabiex jiġi żgurat it-tħaddim xieraq tas-suq intern u sabiex jintlaħaq l-għan kumplessiv ta’ l-UE li l-flotta medja ta’ karozzi ġodda għandha tikseb emissjonijiet ta’ CO₂ ta’ 120g CO₂/km. Ir-Regolament jistabbilixxi l-emissjonijiet medji ta’ CO₂ għall-karozzi l-ġodda tal-passiġġieri f’livell ta’ 130g CO₂/km permezz ta’ titjib fit-teknoloġija tal-vetturi motorizzati kif imkejla skond ir-Regolament (KE) Nru 715/2007 u l-miżuri ta’ implimentazzjoni tiegħu. Dan ir-Regolament għandu jiġi appoġġat minn miżuri addizzjonali li jikkorrispondu għal 10g/km bħala parti mill-approċċ integrat tal-Komunità.

Dan ir-Regolament jistabbilixxi r-rekwiżiti ta’ rendiment rigward l-emissjonijiet ta’ CO₂ minn karozzi ġodda tal-passiġġieri, sabiex jiġi żgurat it-tħaddim xieraq tas-suq intern u sabiex jintlaħaq l-għan kumplessiv li jitnaqqsu l-emissjonijiet ta' CO₂, anke fis-settur tat-trasport. Ir-Regolament jistabbilixxi mira, għall-flotta ta’ karozzi ġodda, ta' medja ta' 120 g CO₂/km sa mill-1 ta' Jannar 2012.

Mill-2012 ir-Regolament jistabbilixxi l-emissjonijiet medji ta’ CO₂ għall-karozzi l-ġodda tal-passiġġieri f’livell ta’ 130g CO₂/km permezz ta’ titjib fit-teknoloġija tal-vetturi motorizzati kif imkejla skond ir-Regolament (KE) Nru 715/2007 u l-miżuri ta’ implimentazzjoni tiegħu. Dan ir-Regolament għandu jiġi appoġġat minn miżuri addizzjonali li jikkorrispondu għal 10g/km bħala parti mill-approċċ integrat tal-Komunità. Mill-2020 ir-Regolament jistabbilixxi mira, għall-flotta ta' karozzi ġodda, ta' emissjonijiet medji ta’ mhux aktar minn 95g CO₂/km sa mill-1 ta' Jannar 2020 permezz ta’ titjib fit-teknoloġija tal-magni tal-vetturi kif imkejjel skont ir-Regolament (KE) Nru 715/2007 u l-miżuri ta’ implimentazzjoni tiegħu.

Test propost mill-Kummissjoni

Emenda

1. Dan ir-Regolament għandu japplika għal vetturi bil-mutur tal-kategorija M₁ kif definiti fl-Anness II tad-Direttiva 2007/46/KE b'massa ta' referenza li ma taqbiżx l-2 610 kg u vetturi li għalihom hija estiża l-approvazzjoni tat-tip skond l-Artikolu 2(2) tar-Regolament (KE) Nru 715/2007 ('karozzi tal-passiġġieri') li huma rreġistrati fil-Komunità għall-ewwel darba u li qatt ma kienu rreġistrati barra l-Komunità ('karozzi ġodda tal-passiġġieri').

1. Dan ir-Regolament għandu japplika għal vetturi bil-mutur tal-kategorija M₁ kif definiti fl-Anness II tad-Direttiva 2007/46/KE u vetturi li għalihom hija estiża l-approvazzjoni tat-tip skond l-Artikolu 2(2) tar-Regolament (KE) Nru 715/2007 ('karozzi tal-passiġġieri') li huma rreġistrati fil-Komunità għall-ewwel darba ('karozzi ġodda tal-passiġġieri').

Test propost mill-Kummissjoni

Emenda

3. Ma japplikax għal vetturi għal skopijiet speċjali kif definiti fil-paragrafu 5 ta' l-Anness II tad-Direttiva 2007/46/KE.

3. Ma japplikax għal vetturi għal skopijiet speċjali kif definiti fil-paragrafu 5 ta' l-Anness II tad-Direttiva 2007/46/KE jew għal vetturi mibnija speċifikament għal raġunijiet kummerċjali biex jakkomodaw l-użu tal-wheelchairs kif stabbilit fir-Regolament (KE) Nru 715/2007.

Test propost mill-Kummissjoni

Emenda

3a. Il-vetturi ppjanati għal funzjoni soċjali partikulari kif stabbilit fl-Artikolu 3(1)(fa) m'għandhomx ikunu koperti mill-qasam ta' applikazzjoni ta' dan ir-Regolament.

Test propost mill-Kummissjoni

Emenda

(da) 'daqs tal-pass' tfisser il-wisa' bejn rota u oħra (track width) immoltiplikat bit-tul bejn rota u oħra (wheelbase) kif iddikjarat fiċ-ċertifikat tal-konformità u kif definit fit-taqsima 2.1 u 2.3 tal-Anness I tad-Direttiva 2007/46/KE;

Test propost mill-Kummissjoni

Emenda

(fa) 'vetturi magħmula apposta biex iwettqu ħtiġijiet soċjali speċifiċi' tfisser vetturi tal-kategorija M₁ li huma jew:

(i) vetturi għal skopijiet speċjali kif definiti fid-Direttiva 2007/46/KE b'massa ta' referenza li taqbeż l-2 000kg, jew

(ii) vetturi b'massa ta' referenza li taqbeż l-2 000kg u magħmulin apposta biex iġorru 7 persuni jew aktar inkluż is-sewwieq bl-esklużjoni ta' vetturi tal-kategorija M₁G kif definiti fid-Direttiva 2007/46/KE, jew

(iii) vetturi b'massa ta' referenza li taqbeż l-1 760kg mibnija speċifikament għal raġunijiet kummerċjali sabiex jakkomodaw l-użu tal-wheelchairs fil-vettura.

Test propost mill-Kummissjoni

Emenda

(fb) 'vettura b'emissjonijiet ultrabaxxi ta' karbonju' tfisser vettura li tipproduċi anqas minn 50g CO₂/km, imkejla skont ir-Regolament (KE) Nru 715/2007 u speċifikati bħala l-massa ta' emissjonijiet ta' CO₂ (ikkombinata) fiċ-ċertifikat ta' konformità;

Test propost mill-Kummissjoni

Emenda

(fc) ‘vettura li taħdem bi fjuwil alternattiv’ tfisser vettura kif definita fir-Regolament (KE) Nru 715/2007 u fil-miżuri ta' implimentazzjoni tiegħu;

Test propost mill-Kummissjoni

Emenda

Għas-sena kalendarja li tibda mill-1 ta' Jannar 2012 u kull sena kalendarja sussegwenti, kull manifattur tal-karozzi tal-passiġġieri għandu jassigura li l-emissjonijiet speċifiċi medji ta' CO₂ ma jaqbżux il-mira speċifika ta' emissjonijiet determinata skond l-Anness I jew, fejn manifattur ngħata deroga taħt l-Artikolu 9, skond dik id-deroga.

Għas-sena kalendarja li tibda mill-1 ta' Jannar 2012 u kull sena kalendarja sussegwenti, kull manifattur tal-karozzi tal-passiġġieri għandu jassigura li l-emissjonijiet speċifiċi medji ta' CO₂ ma jaqbżux il-mira speċifika ta' emissjonijiet determinata skond l-Anness I jew, fejn manifattur ingħata deroga taħt l-Artikolu 9, skond dik id-deroga.

Għas-sena kalendarja li tibda fl-1 ta' Jannar 2020 u għal kull sena kalendarja ta' wara, kull manifattur ta' vetturi tal-passiġġieri għandu jiżgura li l-emissjonijiet speċifiċi tiegħu ta' CO₂ ma jaqbżux il-mira speċifika tiegħu ta' emissjonijiet stabbilita skont l-Anness I kif emendat b'konformità mal-Artikolu 10(2a)(b).

Test propost mill-Kummissjoni

Emenda

Artikolu 4a

Vetturi b'emissjonijiet ultra baxxi ta' karbonju

Bejn l-1 ta' Jannar 2012 u l-1 ta' Jannar 2016, għall-finijiet tal-konformità tal-manifatturi individwali tal-karozzi tal-passiġġieri mal-mira speċifika ta’ emissjonijiet imsemmija fl-Artikolu 4, kull vettura b’emissjonijiet ultrabaxxi ta' karbonju rreġistrata fl-Unjoni Ewropea għandha tikkontribwixxi għall-kalkolu tal-emissjonijiet speċifiċi medji ta' CO₂ tal-manifattur fuq bażi ta’ fattur multiplu ta':

2012-2013: 4 darbiet

2014: 3 darbiet

2015: darbtejn.

Mill-1 ta' Jannar 2016 dan il-fattur multiplu ma jibqax jgħodd.

Test propost mill-Kummissjoni

Emenda

Artikolu 4b

Mira speċifika ta' emissjonijiet għal vetturi li jaħdmu bi fjuwil alternattiv

Sabiex tkun stabbilita l-konformità tal-manifatturi individwali tal-karozzi tal-passiġġieri mal-mira speċifika tal-emissjonijiet imsemmija fl-Artikolu 4, l-emissjonijiet ta' CO₂ kif iddikjarati fiċ-ċertifikat ta' konformità għal kull vettura li taħdem bi fjuwil alternattiv, kif definita fir-Regolament (KE) Nru 715/2007, irreġistrata fl-Unjoni Ewropea għandhom jitnaqqsu b'mod lineari minn 0 għal 20%, b'massimu ta' 25g CO₂/km, jekk tal-anqas 30% tal-pompi fl-Istat Membru fejn tkun irreġistrata l-vettura jipprovdu fjuwils alternattivi għal dawn il-vetturi li jissodisfaw il-kriterji ta' sostenibilità stipulati fid-Direttiva ... [id-Direttiva dwar l-Enerġija li Tiġġedded]. It-tnaqqis m'għandux jgħodd għall-vetturi b'massa ta' aktar minn 2 000 kg, jew jekk it-tnaqqis jinkiseb permezz tal-użu ta' fjuwils alternattivi li ma jkunux disponibbli għall-użu kummerċjali fil-Komunità.

Test propost mill-Kummissjoni

Emenda

7. Ħlief fejn tingħata notifika taħt il-paragrafu 3, il-manifatturi f’għaqda li għaliha tiġi rreġistrata l-informazzjoni mal-Kummissjoni għandhom jitqiesu bħallikieku huma manifattur wieħed għall-finijiet ta' dan ir-Regolament.

7. Ħlief fejn tingħata notifika taħt il-paragrafu 3, il-manifatturi f’għaqda li għaliha tiġi rreġistrata l-informazzjoni mal-Kummissjoni għandhom jitqiesu bħallikieku huma manifattur wieħed għall-finijiet li jissodisfaw l-obbligi tagħhom skont l-Artikolu 4. Informazzjoni dwar monitoraġġ u rappurtaġġ tkun dokumentata, rappurtata u disponibbli fir-reġistru ċentrali msemmi fl-Artikolu 6(4) għall-manifaturri individwali kif ukoll għall-għaqdiet.

Test propost mill-Kummissjoni

Emenda

1. Għas-sena li tibda mill-1 ta' Jannar 2010 u kull sena sussegwenti, kull Stat Membru għandu informazzjoni għal kull karozza ġdida tal-passiġġieri li tkun irreġistrata fit-territorju tiegħu skond il-Parti A ta' l-Anness II.

1. Għax-xahar li jibda mill-1 ta' Jannar 2012 u kull xahar sussegwenti, kull Stat Membru għandu jiddokumenta informazzjoni għal kull karozza ġdida tal-passiġġieri li tkun irreġistrata fit-territorju tiegħu skond il-Parti A ta' l-Anness II. Din l-informazzjoni għandha tkun disponibbli għall-manifatturi u għall-importaturi jew ir-rappreżentanti magħżula tagħhom f'kull Stat Membru. L-Istati Membri għandhom jagħmlu kull sforz sabiex jiżguraw li l-entitajiet li jirrappurtaw jaħdmu b'mod trasparenti u mhux burokratiku.

Test propost mill-Kummissjoni

Emenda

2. Sat-28 ta' Frar 2011 u kull sena sussegwenti, l-Istat Membru għandu jiddetermina u jittrasferixxi lill-Kummissjoni l-informazzjoni elenkata fil-Parti B ta' l-Anness II fir-rigward tas-sena kalendarja preċedenti. Id-dejta għandha tintbagħat skond il-format speċifikat fil-Parti C ta' l-Anness II.

2. Sat-28 ta' Frar 2011 u kull sena sussegwenti, l-Istat Membru għandu jiddetermina u jittrasferixxi lill-Kummissjoni l-informazzjoni, verifikata minn awditur ċertifikat, elenkata fil-Parti B ta' l-Anness II fir-rigward tas-sena kalendarja preċedenti. Id-dejta għandha tintbagħat skond il-format speċifikat fil-Parti C ta' l-Anness II.

Test propost mill-Kummissjoni

Emenda

5. Il-manifatturi jistgħu, fi żmien xahrejn minn meta jiġu nnotifikati dwar il-kalkolu proviżorju skond il-paragrafu 4, jinnotifikaw lill-Kummissjoni dwar kwalunkwe żbalji fid-dejta, fejn jispeċifikaw l-Istat Membru li fih iqisu li jkun seħħ l-iżball.

5. Il-manifatturi jistgħu, fi żmien tliet xhur minn meta jiġu nnotifikati dwar il-kalkolu proviżorju skond il-paragrafu 4, jinnotifikaw lill-Kummissjoni dwar kwalunkwe żbalji fid-dejta, fejn jispeċifikaw l-Istat Membru li fih iqisu li jkun seħħ l-iżball.

Il-Kummissjoni għandha tikkunsidra kwalunkwe notifiki mill-manifatturi u għandha, sat-30 ta' Settembru, tikkonferma inkella temenda u tikkonferma l-kalkoli proviżorji skond il-paragrafu 4.

Il-Kummissjoni għandha tikkunsidra kwalunkwe notifiki mill-manifatturi u għandha, sal-31 ta' Marzu tas-sena ta' wara, tikkonferma inkella temenda u tikkonferma l-kalkoli proviżorji skond il-paragrafu 4.

Test propost mill-Kummissjoni

Emenda

7. L-Istati Membri għandhom jinnominaw awtorità kompetenti għall-ġbir u l-komunikazzjoni tad-dejta ta' monitoraġġ skond dan ir-Regolament u għandhom jinfurmaw lill-Kummissjon dwar l-awtorità komepetenti nnominata sa mhux aktar tard minn 6 xhur wara d-dħul fis-seħħ ta' dan ir-Regolament.

7. L-Istati Membri għandhom jinnominaw awtorità kompetenti għall-ġbir u l-komunikazzjoni tad-dejta ta' monitoraġġ skond dan ir-Regolament u għandhom jinfurmaw lill-Parlament Ewropew, lill-Kunsill u lill-Kummissjon dwar l-awtorità komepetenti nnominata sa mhux aktar tard minn 6 xhur wara d-dħul fis-seħħ ta' dan ir-Regolament.

Test propost mill-Kummissjoni

Emenda

5. L-ammonti tal-primjum fuq l-emissjonijiet żejda għandhom jitqiesu bħala dħul għall-baġit ta’ l-Unjoni Ewropea.

5. L-ammonti tal-primjum fuq l-emissjonijiet żejda għandhom jitqiesu bħala dħul għall-baġit ta’ l-Unjoni Ewropea u għandhom jintużaw biex jiżdiedu l-attivitajiet ta' riċerka ħalli jiġi appoġġjat l-iżvilupp ta' teknoloġiji innovattivi għat-tnaqqis tal-emissjonijiet ta' CO₂ mill-vetturi u għall-iżvilupp ta' vetturi mingħajr emissjonijiet.

Test propost mill-Kummissjoni

Emenda

(da) il-massa medja għall-karozzi ġodda kollha tal-passiġġieri fil-Komunità fis-sena kalendarja preċedenti.

Test propost mill-Kummissjoni

Emenda

3. Applikazzjoni għal deroga mill-mira ta’ emissjonijiet speċifiċi kkalkulata skond l-Anness I tista’ ssir minn manifattur li:

1. Applikazzjoni għal deroga mill-mira ta’ emissjonijiet speċifiċi kkalkulata skond l-Anness I tista’ ssir minn manifattur li:

(e) huwa responsabbli għal inqas minn 10,000 karozzi ġodda tal-passiġġieri rreġistrati fil-Komunità kull sena kalendarja; kif ukoll

(a) huwa responsabbli għal inqas minn 10,000 karozza ġdida tal-passiġġieri rreġistrata fil-Komunità kull sena kalendarja; kif ukoll

(f) li mhux marbut ma manifattur ieħor.

(b) li mhux marbut ma' manifattur ieħor tal-karozzi jew

(ba) li għandu impriżi konnessi, u dawn kollha flimkien huma responsabbli għal anqas minn 10 000 karozza ġdida tal-passiġġieri rreġistrata fil-Komunità kull sena kalendarja.

Test propost mill-Kummissjoni

Emenda

(d) mira speċifika ta' l-emissjonijiet konsistenti mal-potenzjal tat-tnaqqis, inkluż il-potenzjal teknoloġiku biex inaqqas l-emissjonijiet speċifiċi ta' CO₂

(d) mira speċifika ta' l-emissjonijiet konsistenti mal-kapaċità teknika, il-mezzi finanzjarji u l-potenzjal u ta' tnaqqis ta' CO₂ tal-mudelli tal-manifattur, meta mqabbel mal-kompetituri diretti.

Test propost mill-Kummissjoni

Emenda

5. Meta l-Kummissjoni tqis li manifattur ikun eliġibbli għal deroga skond il-paragrafu 1 u tkun sodisfatta li l-mira ta' l-emissjonijiet speċifiċi ta' CO₂ proposta mill-manifattur hija konsistenti mal-potenzjal għat-tnaqqis tiegħu, inkluż il-potenzjal teknoloġiku għat-tnaqqis ta' l-emissjonijiet speċifiċi ta' CO₂ tiegħu, il-Kummisjoni għandha tagħti deroga lill-manifattur. Id-deroga għandha tapplika mill-1 ta' Jannar tas-sena wara l-applikazzjoni.

3. Meta l-Kummissjoni tqis li manifattur ikun eliġibbli għal deroga skond il-paragrafu 1 u tkun sodisfatta bil-mira ta' l-emissjonijiet speċifiċi ta' CO₂ proposta mill-manifattur, il-Kummisjoni għandha tagħti deroga lill-manifattur. Meta tieħu din id-deċiżjoni l-Kummissjoni għandha tqis il-kriterji speċifikati fil-paragrafu 2(d). Id-deroga għandha tapplika mill-1 ta' Jannar tas-sena wara l-applikazzjoni.

Test propost mill-Kummissjoni

Emenda

8. Meta l-Kummissjoni tqis li l-manifattur ma jkunx qed iwettaq il-programm ta' tnaqqis li jissemma fl-applikazzjoni tiegħu, il-Kummissjoni tista' tirrevoka d-deroga.

6. Meta l-Kummissjoni tqis li l-manifattur ma jkunx qed iwettaq il-programm ta' tnaqqis li jissemma fl-applikazzjoni tiegħu, il-Kummissjoni tista' timponi primjum għall-emissjonijiet żejda fuq il-manifattur, kif stipulat fl-Artikolu 7.

Test propost mill-Kummissjoni

Emenda

7a. Applikazzjoni għal deroga li tinkludi l-informazzjoni li tissostanzjaha, kif ukoll kwalunkwe notifika skont il-paragrafu 4, kwalunkwe revoka skont il-paragrafu 5 jew 6, jew miżuri msemmija fil-paragrafu 7 għandha tkun disponibbli għall-pubbliku.

Test propost mill-Kummissjoni

Emenda

7b. Manifattur jista' japplika mal-Kummissjoni biex jitħalla jissodisfa mira alternattiva li tkun tnaqqis ta' 25% tal-emissjonijiet speċifiċi medji tiegħu fl-2006, minflok il-mira speċifika tiegħu ta' emissjonijiet ikkalkulata skont l-Anness I, sakemm:

(a) m'għandux impriżi konnessi, u huwa responsabbli għal bejn 10 000 u 300 000 karozza ġdida tal-passiġġieri rreġistrata fil-Komunità kull sena kalendarja; jew

(b) għandu impriżi konnessi, u dawn kollha flimkien huma responsabbli għal bejn 10 000 u 300 000 karozza ġdida tal-passiġġieri rreġistrata fil-Komunità kull sena kalendarja.

Impriżi konnessi jistgħu japplikaw mal-Kummissjoni biex jitħallew jissodisfaw mira alternattiva li tkun tnaqqis ta' 25% tal-emissjonijiet speċifiċi medji tagħhom it-tnejn fl-2006, minflok il-miri speċifiċi tagħhom ta' emissjonijiet ikkalkulati skont l-Anness I, sakemm dawk l-impriżi konnessi, meta jitqiesu ma' kull impriża konnessa oħra, ikunu responsabbli għal bejn 10 000 u 300 000 karozza ġdida tal-passiġġieri rreġistrata fil-Komunità kull sena kalendarja.

Test propost mill-Kummissjoni

Emenda

Artikolu 9a

L-Ekoinnovazzjonijiet

1. L-ekoinnovazzjonijiet huma teknoloġiji innovattivi fil-karozzi li jnaqqsu l-emissjonijiet ta' CO₂ b'mod verifikabbli tkun xi tkun l-imġiba tas-sewwieq iżda li mhumiex riflessi jew mhumiex riflessi biżżejjed fil-kejl tas-CO₂ skont ir-Regolament (KE) Nru 715/2007.

2. Il-Kumitat imsemmi fl-Artikolu 12(1) ta' dan ir-Regolament għandu jiddeċiedi dwar applikazzjonijiet għal ekoinnovazzjonijiet, inkluż it-tnaqqis reali ta' CO₂ marbut ma' teknoloġija.

3. Applikazzjoni għal ekoinnovazzjoni tista' tiġi ppreżentata mill-manifatturi jew il-fornituri ta' din it-teknoloġija. L-applikazzjonijiet iridu jkunu ssostanzjati b'dejta teknika dwar it-tnaqqis ta' CO₂ marbut ma' teknoloġija. Dejta bħal din trid tkun iċċertifikata minn parti terza. L-istituzzjonijiet innotifikati skont l-Artikolu 43 tad-Direttiva 2007/46/KE jistgħu jaġixxu bħala partijiet terzi.

4. L-ekoinnovazzjonijiet għandhom jitqiesu fil-monitoraġġ ta' dan ir-Regolament fuq il-bażi ta' krediti mogħtija għall-istallazzjoni tagħhom bħala tagħmir standard f'tipi ta' vettura jew f'verżjonijiet tagħhom. Il-kreditu marbut ma' teknoloġija m'għandux ikun ogħla minn 75% tat-tnaqqis reali ta' CO₂ deċiż skont il-paragrafu 2. Il-Kumitat imsemmi fl-Artikolu 12(1) jista' wkoll iqiegħed limitu fuq il-validità tal-krediti maż-żmien, jew jiddeċiedi li dawn il-krediti għandhom jiġu applikati b'mod digressiv matul ċertu perjodu ta' żmien.

Test propost mill-Kummissjoni

Emenda

2a. Il-Kummissjoni għandha temenda l-Anness I:

(a) sat-30 ta' Ġunju 2016 u fit-30 ta' Ġunju kull tliet snin wara sabiex iċ-ċifra M₀ tkun il-medja tal-massa medja tal-karozzi ġodda tal-passiġġieri fl-aħħar tliet snin kalendarji li għalihom tkun ġiet ippubblikata massa medja bi qbil mal-Artikolu 8(1)(da); kif ukoll

(b) sat-30 ta' Ġunju 2019 sabiex iċ-ċifra '130' tkun issostitwita minn ċifra mhux ogħla minn '95' u sabiex l-ittra 'a' twassal għal qsim tal-isforzi bejn il-manifatturi li jkun kemm jista' jkun konformi ma' dak implikat minn dan ir-Regolament għas-sena 2012.

L-emendi għandhom jidħlu fis-seħħ mill-1 ta' Jannar tas-sena ta' wara.

Emenda bħal din, imfassla biex temenda l-elementi mhux essenzjali ta' dan ir-Regolament għandha tiġi adottata skont il-proċedura regolatorja bi skrutinju msemmija fl-Artikolu 12(3).

Test propost mill-Kummissjoni

Emenda

3. Il-Kummissjoni għandha tirrevedi l-iżviluppi teknoloġiċi bil-għan li temenda kif xieraq id-dispożizzjonijiet tar-Regolament KE Nru 715/2007 dwar l-approvazzjoni tat-tip tal-vetturi bil-mutur (traduzzjoni mhux uffiċjali).

3. Il-Kummissjoni għandha tirrevedi l-iżviluppi teknoloġiċi bil-għan li temenda kif xieraq id-dispożizzjonijiet tar-Regolament (KE) Nru 715/2007 dwar l-approvazzjoni tat-tip tal-vetturi bil-mutur (traduzzjoni mhux uffiċjali). B'mod partikulari, il-Kummissjoni għandha tirrevedi l-proċeduri għall-kejl ta' emissjonijiet tas-CO₂ u l-possibilitajiet li t-test għall-emissjonijiet tas-CO₂ jiġi inkluż fl-evalwazzjoni tal-konformita waqt it-tħaddim bla ma jtellef l-introduzzjoni rapida ta' teknoloġiji ġodda li għadhom ma ġewx ippruvati ħafna (eż. batteriji, ċelloli tal-fjuwil) biex jitnaqqsu l-emissjonijiet tas-CO₂.

Test propost mill-Kummissjoni

Emenda

B'mod partikulari, il-Kummissjoni għandha tressaq proposti sal-2010, kif xieraq, biex tiżgura li l-proċeduri għall-kejl tal-emissjonijiet tas-CO₂ skont ir-Regolament (KE) Nru 715/2007 u l-miżuri ta' implimentazzjoni tiegħu jiġu adottati u riveduti sussegwentement fuq bażi regolari, b'konformita mal-Artikolu 14(3) ta' dak ir-Regolament, biex jiġu riflessi aħjar il-kundizzjonijiet reali tas-sewqan u l-imġiba vera tal-karozzi fir-rigward tal-emissjonijiet ta' CO₂, kif ukoll biex l-ekoinnovazzjonijiet rilevanti kollha jkunu inkorporati ma' dawn il-proċeduri.

Test propost mill-Kummissjoni

Emenda

3a. Il-Kummissjoni għandha tiżgura li, sal-2015, il-karozzi b'kull tip ta' piż ikunu koperti b'dan ir-Regolament.

Test propost mill-Kummissjoni

Emenda

3b. Il-Kummissjoni, sal-31 ta' Diċembru 2014, għandha tressaq proposta għal regolament li jistabbilixxi l-livell medju ta' emissjonijiet imsemmi fl-Anness I, li f'kull każ ma jistax ikun ogħla minn 95g ta' CO₂, li għandu jinkiseb mill-flotta l-ġdida ta' karozzi sal-1 ta' Jannar 2020.

Dik il-proposta għandha tkun preċeduta minn evalwazzjoni ġenerali tal-impatt fuq l-industrija tal-karozzi u l-industriji marbuta magħha, flimkien ma' analiżi preċiża tal-ispejjeż meta mqabbla mal-benefiċċji, filwaqt li jitqies l-iżvilupp tal-innovazzjonijiet teknoloġiċi għat-tnaqqis tas-CO₂. Il-Kummissjoni għandha tqis l-iżviluppi li jirrigwardaw il-ftehimiet internazzjonali dwar il-perjodu ta' wara l-2012, meta tkun qiegħda tistabbilixxi l-livell medju tal-emissjonijiet.

Il-Kummissjoni għandha tqis ukoll il-possibilità li twarrab id-distinzjoni attwali bejn il-miżuri varji li jikkontribwixxu biex tintlaħaq il-mira speċifika ta' tnaqqis, partikolarment fir-rigward ta' miżuri marbuta mal-vetturi bil-mutur u miżuri kumplimentari oħra.

Test propost mill-Kummissjoni

Emenda

3c. Il-Kummissjoni, sal-2014 u wara li jsir evalwazzjoni tal-impatt, għandha tippubblika rapport dwar id-disponibilità tad-dejta dwar id-daqs tal-pass, bħala parametru ta' utilità biex jiġu ddeterminati objettivi speċifiċi ta' emissjonijiet u, jekk ikun il-każ, temenda l-Anness I skont il-proċedura regolatorja bi skrutinju msemmija fl-Artikolu 12(3).

Test propost mill-Kummissjoni

Emenda

Mill-ewwel ta' Jannar 2010, il-manifatturi għandhom jiżguraw li t-tikketti, il-kartelluni jew il-letteratura promozzjonali kollha tat-tip imsemmi fl-Artikolu 3, 5 u 6 tad-Direttiva 1999/94/KE jindikaw kemm l-emissjonijiet speċifiċi ta' CO₂ tal-karozza tal-passiġġieri offruta għal bejgħ huma differenti mill-mira speċifika ta' emissjonijiet għal dik il-karozza tal-passiġġieri skond l-Anness I.

Mill-ewwel ta' Jannar 2010, l-informazzjoni mogħtija lill-konsumaturi dwar l-emissjonijiet speċifiċi ta' CO₂ tal-karozzi tal-passiġġieri għandha tkun regolata mid-Direttiva 1999/94/KE.

Test propost mill-Kummissjoni

Emenda

Artikolu 11a

Informazzjoni għas-sewwieq fil-karozza

Mill-1 ta' Jannar 2012 il-manifatturi li jitolbu l-approvazzjoni tat-tip għall-vetturi M₁ kif definiti fid-Direttiva 2007/46/KE skont ir-Regolament (KE) Nru 715/2005 għandhom jarmaw kull vettura b'moniter tal-kunsum tal-fjuwil.

Test propost mill-Kummissjoni

Emenda

2. Id-dettalji msemmija fil-paragrafu 1 għandhom jittieħdu miċ-ċertifikat ta' konformità għall-karozza rilevanti tal-passiġġieri. Meta ċertifikat tal-konformità jispeċifika kemm il-massa minima kif ukoll dik massima għal karozza tal-passiġġieri, għall-finijiet ta’ dan ir-Regolament, l-Istat Membru għandu juża biss iċ-ċifra massima.

2. Id-dettalji msemmija fil-paragrafu 1 għandhom jittieħdu miċ-ċertifikat ta' konformità għall-karozza rilevanti tal-passiġġieri. Meta ċertifikat tal-konformità jispeċifika kemm il-massa minima kif ukoll dik massima għal karozza tal-passiġġieri, għall-finijiet ta’ dan ir-Regolament, l-Istat Membru għandu juża biss iċ-ċifra massima. Fil-każ ta' vetturi li jużaw żewġ fjuwils (petrol/gass) li ċ-ċertifikati ta' konformità tagħhom juru ċifri speċifiċi ta' emissjonijiet ta' CO₂ għaż-żewġ tipi ta' fjuwil, l-Istati Membri għandhom jużaw biss iċ-ċifra mkejla għall-gass.

Test propost mill-Kummissjoni

Emenda

(4) Waħda mill-implikazzjoni ta’ dawk l-impenji kienet li l-Istati Membri kollha jnaqqsu b’mod sinifikanti l-emissjonijiet mill-karozzi tal-passiġġieri. Għandhom jiġu implimentati politiki u miżuri fuq il-livell ta’ l-Istati Membri u tal-Komunità fis-setturi kollha ta’ l-ekonomija Komunitarja, u mhux biss fis-setturi ta' l-industrija u ta’ l-enerġija, sabiex jiġi ġġenerat it-tnaqqis sostanzjali meħtieġ fl-emissjonijiet. It-trasport bit-triq huwa t-tieni l-akbar settur f'termini ta' emissjonijiet ta' gassijiet b'effett ta' serra fl-UE, u l-emissjonijiet minn dan is-settur qed ikomplu jiżdiedu. Jekk l-impatt tat-trasport bit-triq fuq it-tibdil tal-klima jkompli jiżdied, se jhedded b'mod sinifikanti it-tnaqqis li jagħmlu setturi oħra biex jiġġieldu t-tibdil fil-klima.

(4) Waħda mill-implikazzjonijiet ta’ dawk l-impenji hi li l-emissjonijiet mill-karozzi tal-passiġġieri jridu wkoll jitnaqqsu b'mod sinifikanti. Dan jeħtieġ regoli dwar l-emissjonijiet għall-produtturi u l-importaturi ta' karozzi ġodda. Regolament Komunitarju biss jista' jiżgura li vetturi rreġistrati għall-ewwel darba jkunu suġġetti għall-istess kundizzjonijiet fl-Istati Membri kollha. Sabiex jintlaħaq l-għan ġenerali ta' l-Istati Membri u tal-Komunità li jitnaqqas id-CO₂, mhux biżżejjed li tittieħed azzjoni fis-setturi ta' l-industrija u ta’ l-enerġija biss, iżda s-setturi tat-trasport u tad-djar għandhom ikunu inklużi wkoll. It-trasport bit-triq huwa t-tieni l-akbar settur f'termini ta' emissjonijiet ta' gassijiet b'effett ta' serra fl-UE, u l-emissjonijiet minn dan is-settur qed ikomplu jiżdiedu. Jekk l-emissjonijiet tal-karbonju tat-trasport bit-triq ikomplu jiżdiedu, dan se jhedded b'mod sinifikanti it-tnaqqis li jagħmlu setturi oħra biex jiġġieldu l-bidla fil-klima.

Test propost mill-Kummissjoni

Emenda

(5) L-adozzjoni ta’ miri Komunitarji għall-karozzi l-ġodda tal-passiġġieri hija meħtieġa għall-prevenzjoni tal-frammentazzjoni fis-suq intern li tirriżulta mill-adozzjoni ta’ miżuri differenti fuq il-livell ta’ Stati Membri. Il-miri Komunitarji jipprovdu lill-manifatturi b’aktar ċertezza fl-ippjanar u aktar flessibilità biex jilħqu r-rekwiżiti għat-tnaqqis ta’ CO2 milli kieku permezz ta’ miri nazzjonali separati tat-tnaqqis. Fl-istabbiliment ta’ standards għall-emissjonijiet huwa importanti li jitqiesu l-implikazzjonijiet għas-swieq u l-kompetittività tal-manifatturi, l-ispejjeż diretti u indiretti imposti fuq in-negozju u l-benefiċċji li jakkumulaw f’dak li jirrigwarda l-istimular ta’ l-innovazzjoni u t-tnaqqis tal-konsum ta’ l-enerġija.

(5) L-adozzjoni ta’ miri Komunitarji għall-karozzi l-ġodda tal-passiġġieri hija meħtieġa għall-prevenzjoni tal-frammentazzjoni fis-suq intern li tirriżulta mill-adozzjoni ta’ miżuri differenti fuq il-livell ta’ Stati Membri. Il-miri Komunitarji jipprovdu lill-manifatturi b’aktar ċertezza fl-ippjanar u aktar flessibilità biex jilħqu r-rekwiżiti għat-tnaqqis ta’ CO₂ u jevitaw li jkun hemm tgħawwiġ fil-kompetizzjoni bejn l-Istati Membri minħabba l-miri nazzjonali separati tat-tnaqqis. Dan it-tgħawwiġ fil-kompetizzjoni jmur kompletament kontra l-għan li jinħoloq suq intern wieħed. Fl-istabbiliment ta’ standards għall-emissjonijiet huwa importanti li jitqiesu l-implikazzjonijiet għas-swieq u l-kompetittività tal-manifatturi, l-ispejjeż diretti u indiretti imposti fuq in-negozju u l-benefiċċji li jakkumulaw f’dak li jirrigwarda l-istimular ta’ l-innovazzjoni u t-tnaqqis tal-konsum ta’ l-enerġija.

Test propost mill-Kummissjoni

Emenda

(5a) Il-flotta tal-karozzi ta’ l-UE qed tiqdiem b’rata mgħaġġla. Il-proporzjon għoli tal-vetturi fil-flotta Ewropea tal-karozzi li għandhom ‘il fuq minn 10 snin jipperikola kwalunkwe regolamentazzjoni ġdida dwar l-emissjonijiet tad-CO₂. Għalhekk għandha tingħata attenzjoni speċjali għat-tiġdid tal-flotta permezz ta’ inizzjattivi li jħeġġu x-xiri ta’ vetturi ġodda.

Test propost mill-Kummissjoni

Emenda

(10) I-Komunikazzjonijiet ipproponew approċċ integrat sabiex tintlaħaq il-mira Komunitarja ta' 120g CO₂/km sa l-2012 u ħabbru li l-Kummissjoni kienet se tipproponi qafas leġiżlattiv biex tilħaq l-għan Komunitarju billi tiffoka fuq it-tnaqqis mandatorju ta' l-emissjonijiet ta’ CO_2. B'hekk tintlaħaq il-mira ta' 130 g CO₂/km għall-medja tal-flotta ta' karozzi ġodda permezz ta' titjib fit-teknoloġija ta’ vetturi motorizzati. B’konsistenza ma’ l-approċċ taħt l-impenji volontarji adottati mill-manifatturi, dan ikopri dawk l-elementi li jitqiesu fil-kejl ta’ l-emissjonijiiet ta’ CO₂ tal-karozzi tal-passiġġieri skond ir-Regolament (KE) Nru 715/2007 tal-Parlament Ewropew u tal-Kunsill ta’ l-20 ta’ Ġunju 2007 dwar l-approvazzjoni tat-tip ta’ vetturi bil-mutur fir-rigward ta’ l-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi. Tnaqqis ulterjuri ta’ 10 g CO₂/km, jew ekwivalenti jekk teknikament meħtieġ, se jirriżulta minn titjib teknoloġiku ieħor u minn użu aktar mifrux tal-bijofjuwils. Barra minn hekk, l-imġieba tal-konsumaturi għandha effett fuq l-emissjonijiet globali mill-karozzi tal-passiġġieri u għalhekk il-konsumaturi għandhom jingħataw tagħrif dwar jekk karozzi ġodda tal-passiġġieri jilħqux il-miri għall-emissjonijiet stabbiliti taħt dan ir-Regolament.

(10) Il-Komunikazzjonijiet ipproponew approċċ integrat sabiex tintlaħaq il-mira Komunitarja ta' 120g CO₂/km sa l-2012 u ħabbru li l-Kummissjoni kienet se tipproponi qafas leġiżlattiv biex tilħaq l-għan Komunitarju billi tiffoka fuq it-tnaqqis mandatorju ta' l-emissjonijiet ta’ CO₂ biex b'hekk tintlaħaq il-mira ta' 130 g CO₂/km għall-medja tal-flotta ta' karozzi ġodda permezz ta' titjib fit-teknoloġija ta’ vetturi motorizzati. L-għan li jitnaqqsu l-emissjonijiet tad-CO₂ permezz ta' titjib fit-teknoloġiji tal-magni għandu jissejjes fuq l-iżvilupp ta' ekoteknoloġija użata fuq karozzi tal-passiġġieri, kif ukoll fuq it-titjib ta' l-infrastruttura tat-toroq, immaniġġjar aħjar tat-traffiku, miżuri li jinkuraġġixxu l-użu tal-bijofjuwils u arranġamenti xierqa ta' taxxa. B’konsistenza ma’ l-approċċ meħud fl-ambitu ta' l-impenji volontarji adottati mill-manifatturi, dan ikopri dawk l-elementi li jitqiesu fil-kejl ta’ l-emissjonijiiet ta’ CO₂ tal-karozzi tal-passiġġieri skond ir-Regolament (KE) Nru 715/2007 tal-Parlament Ewropew u tal-Kunsill ta’ l-20 ta’ Ġunju 2007 dwar l-approvazzjoni tat-tip ta’ vetturi bil-mutur fir-rigward ta’ l-emissjonijiet ta’ vetturi żgħar għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi. Tnaqqis ulterjuri ta’ 10 g CO2/km, jew ekwivalenti, jekk teknikament meħtieġ, se jirriżulta minn titjib teknoloġiku ieħor u minn użu aktar mifrux tal-bijofjuwils. Barra minn hekk, l-imġiba tal-konsumaturi għandha effett fuq l-emissjonijiet globali mill-karozzi tal-passiġġieri u għalhekk il-konsumaturi għandhom jingħataw tagħrif dwar jekk karozzi ġodda tal-passiġġieri jilħqux il-miri għall-emissjonijiet stabbiliti f'dan ir-Regolament. Huwa importanti wkoll, fid-dawl tar-reviżjoni li ġejja tad-Direttiva 1999/94/KE 'relatata mad-disponibilità ta' tagħrif għall-konsumatur dwar l-ekonomija tal-karburanti u l-emissjonijiet tad-CO₂ rigward il-marketing ta' karozzi tal-passiġġieri ġodda', li tiġi żviluppata klassifikazzjoni ċara tal-vetturi fuq il-bażi ta' l-effiċjenza tal-fjuwil u ta' l-emissjonijiet tagħhom tad-CO₂.

Test propost mill-Kummissjoni

Emenda

(11) Il-qafas leġiżlattiv għall-implimentazzjoni tal-mira għall-medja tal-flotta ta' karozzi ġodda għandu jassigura miri ta' tnaqqis sostenibbli li huma kompetittivament newtrali u soċjalment ġusti li jkunu ġusti għad-diversità tal-manifatturi tal-karozzi Ewropej u jevitaw kwalunkwe tgħawwiġ mhux ġustifikat tal-kompetizzjoni bejn il-manifatturi tal-karozzi. Il-qafas leġiżlattiv għandu jkun kompatibbli ma' l-għan globali, jiġifieri li jintlaħqu l-miri ta' l-UE rigward Kjoto, u għandu jiġi appoġġat minn strumenti oħra aktar relatati ma’ l-użu bħad-differenzjazzjoni tat-taxxi fuq il-karozzi u fuq l-enerġija.

(11) Il-qafas leġiżlattiv għall-implimentazzjoni tal-mira għall-medja tal-flotta ta' karozzi ġodda għandu jassigura miri ta' tnaqqis sostenibbli li huma kompetittivament newtrali u soċjalment ġusti li jkunu ġusti għad-diversità tal-manifatturi tal-karozzi Ewropej u jevitaw kwalunkwe tgħawwiġ tal-kompetizzjoni bejn il-manifatturi tal-karozzi. Il-qafas leġiżlattiv għandu jkun kompatibbli ma' l-għan globali, jiġifieri li jintlaħqu l-miri ta' l-UE rigward Kjoto, u għandu jiġi appoġġat minn strumenti oħra aktar relatati ma’ l-użu bħad-differenzjazzjoni tat-taxxi fuq il-karozzi u fuq l-enerġija. It-taxxi fuq il-karozzi tal-passiġġieri għandhom jirrelataw ma' l-emissjonijiet niġġiesa tagħhom u għandu jkun hemm qbil dwarhom fuq livell ta' l-UE sabiex jiġi evitat li jkun hemm aktar frammentazzjoni tas-suq intern ibbażata fuq tassazzjoni differenti fl-Istati Membri differenti.

Test propost mill-Kummissjoni

Emenda

(11a) Sabiex ikun hawn karozzi mingħajr emissjonijiet, ir-riżorsi tas-Seba’ Programm ta’ Qafas għar-Riċerka u l-Iżvilupp imwarrba għal teknoloġiji li jfittxu li joħoqlu karozzi mingħajr emissjoni għandhom jiżdiedu drastikament.

Test propost mill-Kummissjoni

Emenda

(12) Sabiex tinżamm id-diversità tas-suq tal-karozzi u l-kapaċità tiegħu li jindirizza ħtiġijiet ta' konsumaturi diversi, il-miri ta’ CO₂ għall-karozzi tal-passiġġieri għandhom ikunu ddefiniti bħala funzjoni ta' l-utilità tal-karozzi fuq bażi lineari. Biex niddeskrivu din l-utilità, il-massa hija l-aqwa parametru peress li tipprovdi korrelazzjoni sodisfaċenti ma' l-emissjonijiet attwali u għalhekk tirriżulta f'miri aktar realistiċi u newtrali mil-lat ta' kompetizzjoni, filwaqt li d-dejta dwar il-massa hija aktar faċilment disponibbli. Id-dejta dwar il-parametru ta' utilità alternattiv tad-"daqs tal-pass" (wisa' bejn rota u oħra mmoltiplikat bejn it-tul bejn rota u oħra) madankollu għandha tinġabar sabiex jiġu faċilitati evalwazzjonijiet aktar fit-tul ta' l-approċċ ibbażat fuq l-utilità. Fl-istabbiliment tal-miri, l-evoluzzjoni antiċipata tal-massa tal-karozzi l-ġodda sa l-2012 għandha titqies, u għandhom jiġu evitati inċentivi biex tiżdied il-massa tal-vetturi sempliċement sabiex tiġi sfruttata ż-żieda konsekwenzjali tal-mira tat-tnaqqis ta’ CO2. Għalhekk, iż-żieda awtonoma li possibilment tevolvi fil-ġejjieni fir-rigward tal-massa ta' vetturi manifatturati u mibjugħa fuq is-suq ta' l-UE għandha titqies meta jkunu qed jiġu ddefiniti l-miri għall-2012. Fl-aħħarnett, id-differenzjazzjoni tal-miri għandha tinkoraġġixxi tnaqqis fl-emissjonijiet fil-kategoriji kollha tal-karozzi filwaqt li jiġi rikonoxxut li jista' jsir tnaqqis akbar ta' l-emissjonijiet għal karozzi itqal.

(12) Sabiex tinżamm id-diversità tas-suq tal-karozzi u l-kapaċità tiegħu li jindirizza ħtiġijiet ta' konsumaturi diversi, il-miri ta’ CO₂ għall-karozzi tal-passiġġieri għandhom ikunu ddefiniti bħala funzjoni ta' l-utilità tal-karozzi fuq bażi lineari. Biex tiġi deskritta din l-utilità, il-massa hija parametru adegwat li jipprovdi korrelazzjoni ma' l-emissjonijiet attwali u għalhekk tirriżulta f'miri aktar realistiċi u newtrali mil-lat ta' kompetizzjoni, filwaqt li d-dejta dwar il-massa hija aktar faċilment disponibbli. Id-data dwar il-parametri ta' utilità alternattivi tal-footprint (il-wisa' bejn rota u oħra mmoltiplikat bit-tul bejn fus u ieħor) għandha tinġabar sabiex jiġu faċilitati evalwazzjonijiet aktar fit-tul ta' l-approċċ ibbażat fuq l-utilità. Il-Kummissjoni għandha sal-2014 biex tirrevedi d-disponibilità tad-data u, jekk ikun il-każ, tadatta l-parametru ta' utilità.

Test propost mill-Kummissjoni

Emenda

(13) L-għan ta’ dan ir-Regolament huwa li jinħolqu inċentivi biex l-industrija tal-karozzi tinvesti f’teknoloġiji ġodda. Ir-Regolament jippromwovi attivament l-eko-innovazzjoni u jqis l-iżviluppi teknoloġiċi tal-ġejjieni. B’dan il-mod, il-kompetittività ta’ l-Industrija Ewropea tittejjeb u jinħolqu aktar impjiegi ta’ kwalità għolja.

(13) L-għan ta’ dan ir-Regolament huwa li jinħolqu inċentivi biex l-industrija tal-karozzi (produtturi u fornituri ta' vetturi) tinvesti f’teknoloġiji ġodda. Għaldaqstant ir-Regolament għandu jitfassal sabiex jippremja u jqis innovazzjonijiet ekoloġiċi li jnaqqsu l-emissjonijiet ta' gassijiet b'effett ta' serra u b'hekk isostni l-pożizzjoni ta' lider fis-suq ta' l-industrija tal-karozzi ta' l-UE u jqis biżżejjed l-iżviluppi teknoloġiċi tal-ġejjieni. Dan jippromwovi l-kompetittività ta’ l-Industrija Ewropea b'mod sostenibbli u jiggarantixxi impjiegi ta’ kwalità għolja fl-Unjoni Ewropea.

Test propost mill-Kummissjoni

Emenda

(13a) Bħala parti mill-approċċ integrat għat-tnaqqis ta’ l-emissjonjiet ta' CO₂ minn vetturi ta’ użu ħafif l-ekoinnovazzjonijiet għandhom jiġu definiti u ggarantiti minn standards kwantifikabbli. Is-sistema Ewropea eżistenti ta' l-approvazzjoni tat-tip ma tinkludix il-possibilitajiet tekniċi kollha disponibbli biex jinkiseb titjib. Għaldaqstant jeħtieġ li jiġi stabbilit metodu għall-evalwazzjoni tal-potenzjal ta' tnaqqis ta' emissjonijiet ta' CO₂ permezz ta' l-introduzzjoni ta' miżuri teknoloġiċi. Għandha tingħata attenzjoni lil dawk it-tekonoloġiji li m’huma riflessi xejn jew mhumiex riflessi biżżejjed fil-miżuri meħuda fi ħdan ir-Regolament (KE) Nru 715/2007 u d-dispożizzjonijiet ta’ implimentazzjoni tiegħu. L-approvazzjonijiet għall-innovazzjonijiet ekoloġiċi għandhom jingħataw bħala mezz biex jiġu pprovduti inċentivi addizzjonali lill-manifatturi billi jitqiesu dawn il-benefiċċji fil-kisba tal-miri speċifiċi ta' tnaqqis ta' CO₂. Barra minn dan, filwaqt li teknoloġiji ġodda jistgħu jkunu għalja għall-industrija tal-karozzi, dawn għandhom madankollu jiġu inkoraġġiti mill-Kummissjoni permezz ta' sistema ta’ krediti speċifiċi.

Test propost mill-Kummissjoni

Emenda

(13b) Filwaqt li jitqiesu l-iżviluppi teknoloġiċi tal-ġejjieni, sabiex tkun żgurata l-possibilità ta' tbassir fit-tul għall-industrija, l-objettivi fuq żmien fit-tul għall-emissjonijiet tad-CO₂ ta' karozzi tal-passiġġieri għandhom jiġu stabbiliti b'kunsiderazzjoni ta' studju ta' l-impatt mill-Kummissjoni. Dawn l-objettivi għandu jkollhom l-għan li tintlaħaq medja ta' 95 g ta' CO₂/km fl-2010.

Test propost mill-Kummissjoni

Emenda

(13c) Dan ir-Regolament jinkorpora d-dispożizzjonijiet speċifiċi li huma mmirati sabiex jippromwovu aktar l-użu ta' fjuwils alternattivi, vetturi b'emissjonijiet baxxi u vetturi mingħajr emissjonijiet fis-suq ta' l-UE.

Test propost mill-Kummissjoni

Emenda

(13d) Huwa partikolarment meħtieġ, sabiex jintlaħqu l-objettivi ambjentali u tiġi miġġielda l-bidla fil-klima, li l-industrija Ewropea tal-karozzi tibqa’ kompetittiva fuq livell globali. Għalhekk, huwa importanti li jiġu adottati miżuri li huma effettivi, partikolarment fil-konfront ta’ l-ispejjeż għas-settur tal-karozzi ta' l-UE kollu kemm hu sabiex il-kompetittività ma tiddgħajjifx.

Test propost mill-Kummissjoni

Emenda

(19) Huwa meħtieġ mekkaniżmu ta' konformità sod sabiex jiġi żgurat li l-miri f'dan ir-Regolament jintlaħqu.

(19) Jinħtieġ mekkaniżmu ta' penali konformi mat-Trattat sabiex jiġi żgurat li l-miri f'dan ir-Regolament jintlaħqu.

Test propost mill-Kummissjoni

Emenda

(21) Id-Direttiva 2007/46/KEE tipprovdi li l-manifatturi għandhom joħorġu ċertifikat tal-konformità li għandu jakkumpanja kull karozza tal-passiġġieri ġdida u li l-Istati Membri għandhom jippermettu r-reġistrazzjoni u d-dħul fis-servizz ta' karozza tal-passiġġieri ġdida biss jekk din ikollha magħha ċertifikat validu tal-konformità. Id-dejta miġbura mill-Istati Membri għandha tkun konsistenti maċ-ċertifikat tal-konformità maħruġ mill-manifattur għall-karozza tal-passiġġieri.

(21) Id-Direttiva 2007/46/KEE tipprevedi li l-manifatturi għandhom joħorġu ċertifikat tal-konformità li għandu jakkumpanja kull karozza tal-passiġġieri ġdida u li l-Istati Membri għandhom jippermettu r-reġistrazzjoni u d-dħul fis-servizz ta' karozza tal-passiġġieri ġdida biss jekk din ikollha magħha ċertifikat validu tal-konformità. Id-data miġbura mill-Istati Membri għandha tkun konsistenti maċ-ċertifikat tal-konformità maħruġ mill-manifattur għall-karozza tal-passiġġieri u għandha tkun ibbażata biss fuq din ir-referenza.. Jekk l-Istati Membri, għal raġunijiet ġustifikati, ma jużawx iċ-ċertifikat ta’ konformità sabiex jispiċċaw il-proċess ta’ reġistrazzjoni u d-dħul fis-servizz ta’ karozza tal-passiġġieri ġdida huma għandhom jimplimentaw il-miżuri meħtieġa sabiex jiżguraw il-preċiżjoni li tixraq fil-proċedura ta' monitoraġġ. Għandu jkun hemm bażi ta’ data standard komuni ta' l-UE għaċ-ċertifikazzjoni tal-konformità tad-data. Din għandha tintuża bħala referenza unika li tipperemetti li l-Istati Membri jżommu d-data ta’ reġistrazzjoni b’mod aktar faċli meta vetturi ġodda jiġu reġistrati mill-ġdid. Il-Kummissjoni għandha tiżgura l-użu ta’ netwerk elettroniku mill-Istati Membri, bħal fil-każ tal-proġett "Wirt Kulturali fin-Netwerks Reġjonali" (REGNET), li jippermetti aktar integrazzjoni ta' l-iskambju ta' data ta' reġistrazzjoni, bħall-emissjonijiet tad-CO₂, bl-iskop li jsir monitoraġġ preċiż. Barra minn hekk, sabiex tippermetti lill-manifatturi jirreaġixxu għall-iżviluppi tas-suq, il-Kummissjoni għandha, mhux aktar tard mit-30 ta' Awwissu ta' kull sena ta' monitoraġġ, tagħmel ir-rapport interm tal-monitoraġġ disponibbli għal kull manifattur għal dik is-sena.

Test propost mill-Kummissjoni

Emenda

(22) Il-konformità tal-manifatturi mal-miri f'dan ir-Regolament għandhom jiġu vvalutati fuq il-livell Komunitarju. Il-manifatturi li l-emissjonijiet speċifiċi medji ta' CO₂ tagħhom jaqbżu dawk permessi f'dan ir-Regolament għandhom iħallsu primjum għall-emissjonijiet żejda fir-rigward ta’ kull sena kalendarja mill-2012 ‘il quddiem. Il-primjum għandu jkun ibbażat fuq kemm il-manifatturi jkunu naqsu milli jilħqu l-mira tagħhom. Għandu jiżdied biż-żmien. Sabiex ikun ta' inċentiv biżżejjed biex jittieħdu miżuri għat-tnaqqis ta' emissjonijiet speċifiċi ta' CO₂ mill-karozzi tal-passiġġieri, il-primjum għandu jirrifletti l-ispejjeż teknoloġiċi. L-ammonti tal-primjum fuq l-emissjonijiet żejda għandhom jitqiesu bħala dħul għall-baġit ta’ l-Unjoni Ewropea.

(22) Il-konformità tal-manifatturi mal-miri f'dan ir-Regolament għandhom jiġu vvalutati fuq il-livell Komunitarju. Il-manifatturi li l-emissjonijiet speċifiċi medji ta' CO₂ tagħhom jaqbżu dawk permessi f'dan ir-Regolament għandhom iħallsu primjum għall-emissjonijiet żejda fir-rigward ta’ kull sena kalendarja mill-2012 ‘il quddiem. Il-primjum għandu jkun aġġustat skond kemm il-manifatturi jkunu naqsu milli jilħqu l-mira tagħhom. Huwa għandu jkun proporzjonat u konsistenti ma' strumenti oħra ta' tnaqqis tad-CO₂ bħall-Iskema ta' Skambju tal-Kwoti ta' Emissjoni ta' l-UE. Sabiex ikun ta' inċentiv biżżejjed biex jittieħdu miżuri għat-tnaqqis ta' emissjonijiet speċifiċi ta' CO2 mill-karozzi tal-passiġġieri, il-primjum għandu jirrifletti l-ispejjeż teknoloġiċi. L-ammonti tal-primjum fuq l-emissjonijiet żejda għandhom jintużaw għall-promozzjoni ta' mezzi sostenibbli ta' trasport li ma jipproduċux emissjonijiet ta' CO₂, b'mod partikulari n-netwerks tat-trasport, ir-riċerka fir-rigward ta' effiċjenza akbar ta' l-enerġija u l-użu ta' enerġiji rinnovabbli fis-settur tat-trasport, kif ukoll it-tħeġġiġ għat-tiġdid tal-flotta.

Test propost mill-Kummissjoni

Emenda

Suġġett u għanijiet

Suġġett, għan u għanijiet

Dan ir-Regolament jistabilixxi r-rekwiżiti ta’ rendiment rigward l-emissjonijiet ta’ CO₂ minn karozzi ġodda tal-passiġġieri, sabiex jiġi żgurat it-tħaddim xieraq tas-suq intern u sabiex jintlaħaq l-għan kumplessiv ta’ l-UE li l-flotta medja ta’ karozzi ġodda għandha tikseb emissjonijiet ta’ CO₂ ta’ 120g CO₂/km. Ir-Regolament jistabbilixxi l-emissjonijiet medji ta’ CO₂ għal karozzi ġodda tal-passiġġieri f’livell ta’ 130g CO₂/km permezz ta’ titjib fit-teknoloġija tal-vetturi motorizzati kif imkejla skond ir-Regolament (KE) Nru 715/2007 u l-miżuri ta’ implimentazzjoni tiegħu. Dan ir-Regolament għandu jiġi appoġġat minn miżuri addizzjonali li jikkorrispondu għal 10g/km bħala parti mill-approċċ integrat tal-Komunità.

1. Dan ir-Regolament jistabilixxi r-rekwiżiti ta’ rendiment rigward l-emissjonijiet ta’ CO₂ minn karozzi ġodda tal-passiġġieri, sabiex jiġi żgurat it-tħaddim xieraq tas-suq intern u sabiex jintlaħaq l-għan kumplessiv ta' l-UE li jitnaqqsu l-emissjonijiet ta' CO₂ fl-UE, inkluż fis-settur tat-trasport. Ir-Regolament jiffissa l-emissjonijiet medji ta' CO₂ għall-flotta ta’ karozzi ġodda f'livell ta' 120g CO₂/km. Dan ir-Regolament jiffissa wkoll objettiv għall-flotta tal-karozzi l-ġodda għal mhux aktar minn 95 g CO₂/km mill-1 ta' Jannar 2020.

2. Dan ir-Regolament jistabbilixxi l-emissjonijiet medji ta’ CO2 għall-karozzi l-ġodda tal-passiġġieri f’livell ta’ 130g CO2/km permezz ta’ titjib fit-teknoloġija tal-vetturi motorizzati kif imkejla skond ir-Regolament (KE) Nru 715/2007 u l-miżuri ta’ implimentazzjoni tiegħu.

3. Bħala parti mill-approċċ integrat tal-Komunità, dan ir-Regolament għandu jiġi appoġġat minn miżuri addizzjonali li jikkorrispondu għal talanqas 10 g CO₂/km.

Test propost mill-Kummissjoni

Emenda

Il-Kummissjoni għandha tressaq proposta għal proċedura komprensiva biex ikunu identifikati l-miżuri kollha għat-tnaqqis tad-CO₂, bil-għan li titneħħa d-distinzjoni bejn miżuri għal sistemi ta’ propulsjoni jew għal vetturi u miżuri addizzjonali minn naħa u l-eko-innovazzjonijiet min-naħa l-oħra.

Test propost mill-Kummissjoni

Emenda

1. Dan ir-Regolament għandu japplika għal vetturi bil-mutur tal-kategorija M₁ kif definiti fl-Anness II tad-Direttiva 2007/46/KE b'massa ta' referenza li ma taqbiżx l-2 610 kg u vetturi li għalihom hija estiża l-approvazzjoni tat-tip skond l-Artikolu 2(2) tar-Regolament (KE) Nru 715/2007 ('karozzi tal-passiġġieri') li huma rreġistrati fil-Komunità għall-ewwel darba u li qatt ma kienu rreġistrati barra l-Komunità ('karozzi ġodda tal-passiġġieri').

1. Dan ir-Regolament għandu japplika għal vetturi bil-mutur tal-kategorija M₁ kif definiti fl-Anness II tad-Direttiva 2007/46/KE b'massa ta' referenza li ma taqbiżx l-2 610 kg u vetturi li għalihom hija estiża l-approvazzjoni tat-tip skond l-Artikolu 2(2) tar-Regolament (KE) Nru 715/2007 ('karozzi tal-passiġġieri') li huma rreġistrati fil-Komunità għall-ewwel darba ('karozzi ġodda tal-passiġġieri').

Test propost mill-Kummissjoni

Emenda

2. Reġistrazzjoni preċedenti barra l-Komunità ta’ inqas minn tliet xhur qabel ir-reġistrazzjoni fil-Komunità m’għandhiex titqies.

imħassar

Test propost mill-Kummissjoni

Emenda

3a Vetturi li għandhom funzjoni soċjali partikulari skond l-Artikolu 3(1)(fd) m'għandhomx ikunu koperti mill-kamp ta' applikazzjoni ta' dan ir-Regolament.

Test propost mill-Kummissjoni

Emenda

(da) 'footprint' tfisser il-wisa’ bejn żewġ roti (track width) immultiplikata bit-tul bejn il-fus ta' quddiem u l-fus ta’ wara (wheelbase) kif iddikjarat fiċ-ċertifikat tal-konformità u kif definit fit-taqsima 2.1 u 2.3 ta’ l-Anness I tad-Direttiva 2007/46/KE;

Test propost mill-Kummissjoni

Emenda

(fa) ‘vettura li taħdem bi fjuwil alternattiv’ tfisser vettura kif definita fir-Regolament 715/2007 u fil-miżuri implimentattivi tiegħu;

Test propost mill-Kummissjoni

Emenda

(fb) ‘vettura mingħajr ebda emissjonijiet’ tfisser vettura li, meta titqiegħed għall-proċedura ta' test għad-CO₂ skond ir-Regolament 715/2007/KE, kemm jekk tkun wieqfa jew meta tkun taħdem, ma tipproduċi ebda CO₂;

Test propost mill-Kummissjoni

Emenda

(fc) ‘eko-innovazzjonijiet’ tfisser kull miżura jew innovazzjoni teknoloġika li tkun ippruvata li tagħti kontribut kwantifikabbli għat-tnaqqis ta' l-emissjonijiet ta' CO₂ li la hija inkluża u lanqas meqjusa biżżejjed fil-proċedura ta' test għad-CO2 skond ir-Regolament (KE) Nru 715/2007 u lanqas m’hija mitluba bil-liġi permezz tal-miżuri addizzjonali msemmija fl-Artikolu 1. Għandha tkun stabbilita lista waħda ta' miżuri, li madankollu tkun revedibbli;

Test propost mill-Kummissjoni

Emenda

(fd) 'vetturi b'funzjoni soċjali partikulari' tfisser il-vetturi li ġejjin, fil-kategorija M₁:

i) vetturi b'funzjoni soċjali partikulari skond id-Direttiva 2007/46/KE b'massa ta' riferenza ta' aktar minn 2000 kg,

ii) vetturi b'massa ta' riferenza ta' aktar minn 2000 kg, maħsuba għal seba' passiġġieri jew aktar kif ukoll is-sewwieq, għajr il-vetturi tal-kategorija M₁G skond id-Direttiva 2007/46/KE,

iii) vetturi b'massa ta' riferenza ta' aktar minn 1760 kg, immanifatturati esklussivament għal finijiet kummerċjali u li fihom jista' jintuża siġġu bir-roti, skond il-politika Komunitarja dwar persuni b'diżabilità.

Test propost mill-Kummissjoni

Emenda

2. Għall-iskopijiet ta’ dan ir-Regolament, il-manifatturi jitiqesu bħala konnessi jekk huma impriżi konnessi. ‘Impriżi konnessi’ tfisser:

2. Għall-iskopijiet ta’ dan ir-Regolament, diversi manifatturi li jiffurmaw impriża marbuta jitiqesu bħala manifattur wieħed. ‘Impriżi marbuta’ tfisser:

Test propost mill-Kummissjoni

Emenda

Għas-sena kalendarja li tibda mill-1 ta' Jannar 2012 u kull sena kalendarja sussegwenti, kull manifattur tal-karozzi tal-passiġġieri għandu jassigura li l-emissjonijiet speċifiċi medji ta' CO₂ ma jaqbżux il-mira speċifika ta' emissjonijiet determinata skond l-Anness I jew, fejn manifattur ngħata deroga taħt l-Artikolu 9, skond dik id-deroga.

Mill-1 ta' Jannar 2012 kull manifattur tal-karozzi tal-passiġġieri għandu jassigura li fl-2012 60%, fl-2013 70%, fl-2014 80% u fl-2015 u kull sena sussegwenti 100% tal-flotta tal-vetturi tiegħu ma taqbiżx il-mira speċifika ta' emissjonijiet ta' CO₂ għall-flotta ta' manifattur determinata skond l-Anness I jew, fejn manifattur ingħata deroga skond l-Artikolu 9, skond dik id-deroga.

Test propost mill-Kummissjoni

Emenda

Sa l-aħħar ta' l-2015, fil-kalkolu ta' l-emissjonijiet speċifiċi medji ta' CO₂ , kull karozza tal-passiġġieri ġdida b'emissjonijiet speċifiċi ta' CO₂ ta' anqas minn 50g CO₂ /km u kull vettura li taħdem bi fjuwil alternattiv se jingħaddu bħala 1,5 karozzi u kull vetturi mingħajr emissjonijiet se tingħadd bħala 3 karozzi.

Test propost mill-Kummissjoni

Emenda

Fil-kalkolu ta' l-emissjonijiet speċifiċi ta' CO₂, għandhom jitqiesu t-tnaqqis fl-emissjonijiet ta' CO₂ miksuba bl-eko-innovazzjoni.

Test propost mill-Kummissjoni

Emenda

1a Il-manifatturi jistgħu jingħaqdu sabiex jissodisfaw l-obbligi tagħhom rigward l-introduzzjoni ta’ vetturi bla emissjonijiet kif stipulat fil-paragrafu 2a ta' l-Anness I.

Test propost mill-Kummissjoni

Emenda

2. Ftehim dwar l-iffurmar ta’ għaqda jista’ jirrigwarda sena kalendarja waħda jew aktar bil-kundizzjoni li l-perjodu kumplessiv ta’ kull ftehim ma jaqbiżx il-ħames snin kalendarji u għandu jibda’ fi jew qabel il-31 ta' Diċembru fl-ewwel sena kalendarja li fiha jkunu se jingħaqdu l-emissjonijiet. Il-manifatturi li jiffurmaw għaqda għandhom jirreġistraw l-informazzjoni għand il-Kummissjoni:

2. Ftehim dwar l-iffurmar ta’ għaqda jista’ jirrigwarda sena kalendarja waħda jew aktar u għandu jseħħ sal-31 ta' Diċembru fl-ewwel sena kalendarja li fiha jkunu se jingħaqdu l-emissjonijiet. Il-manifatturi li jiffurmaw għaqda għandhom jirreġistraw l-informazzjoni għand il-Kummissjoni:

Test propost mill-Kummissjoni

Emenda

5. Il-manifatturi jistgħu jidħlu għal arranġamenti ta’ tagħqid bil-kundizzjoni li l-ftehimiet tagħhom ikunu f’konformità ma’ l-Artikolu 81 u 82 tat-Trattat u li jippermettu l-parteċipazzjoni miftuħa, trasparenti u mhux diskriminatorja f’termini kummerċjalment raġjonevoli minn kwalunkwe manifattur li jitlob li jsir membru ta’ l-għaqda. Bla ħsara għall-applikabilità ġenerali tar-regoli tal-Kompetizzjoni ta’ l-UE għal għaqdiet bħal dawn, il-membri kollha ta’ għaqda għandhom jiżguraw b’mod partikolari li l-ebda skambju ta’ dejta u lanqas ta’ informazzjoni ma jista’ jsir fil-kuntest ta’ l-arranġament ta’ tagħqid tagħhom, ħlief għal dan li ġej:

5. Il-manifatturi jistgħu jidħlu għal arranġamenti ta’ tagħqid bil-kundizzjoni li l-ftehimiet tagħhom ikunu f’konformità ma’ l-Artikolu 81 u 82 tat-Trattat. Bla ħsara għall-applikabilità ġenerali tar-regoli tal-Kompetizzjoni ta’ l-UE għal għaqdiet bħal dawn, il-membri kollha ta’ għaqda għandhom jiżguraw b’mod partikolari li l-ebda skambju ta’ data u lanqas ta’ informazzjoni ma jista’ jsir fil-kuntest ta’ l-arranġament ta’ tagħqid tagħhom, ħlief għal dan li ġej:

Test propost mill-Kummissjoni

Emenda

7. Ħlief fejn tingħata notifika taħt il-paragrafu 3, il-manifatturi f’għaqda li għaliha tiġi rreġistrata l-informazzjoni mal-Kummissjoni għandhom jitqiesu bħallikieku huma manifattur wieħed għall-finijiet ta' dan ir-Regolament.

7. Ħlief fejn tingħata notifika taħt il-paragrafu 3, il-manifatturi f’għaqda li għaliha tiġi rreġistrata l-informazzjoni mal-Kummissjoni għandhom jitqiesu bħallikieku huma manifattur wieħed għall-finijiet li jissodisfaw l-obbligi tagħhom skond l-Artikolu 4 ta' dan ir-Regolament. Informazzjoni dwar monitoraġġ u rappurtaġġ tkun dokumentata, rappurtata u disponibbli fir-reġistru ċentrali għall-manifatturi individwali kif ukoll għall-għaqdiet.

Test propost mill-Kummissjoni

Emenda

1. Għas-sena li tibda mill-1 ta' Jannar 2010 u kull sena sussegwenti, kull Stat Membru għandu informazzjoni għal kull karozza ġdida tal-passiġġieri li tkun irreġistrata fit-territorju tiegħu skond il-Parti A ta' l-Anness II.

1. Għax-xahar li jibda mill-1 ta' Jannar 2012 u kull xahar sussegwenti, kull Stat Membru għandu jżomm informazzjoni rigward kull karozza ġdida tal-passiġġieri li tkun irreġistrata fit-territorju tiegħu skond il-Parti A ta' l-Anness II. Din l-informazzjoni għandha tkun disponibbli lill-manifatturi u lill-importaturi jew rappreżentanti nnominati tagħhom f'kull Stat Membru. L-Istati Membri għandhom jagħmlu kull sforz sabiex jiżguraw li l-entitajiet li jirrappurtaw jaħdmu b'mod trasparenti u mhux burokratiku.

Test propost mill-Kummissjoni

Emenda

2. Sat-28 ta' Frar 2011 u kull sena sussegwenti, l-Istat Membru għandu jiddetermina u jittrasferixxi lill-Kummissjoni l-informazzjoni elenkata fil-Parti B ta' l-Anness II fir-rigward tas-sena kalendarja preċedenti. Id-dejta għandha tintbagħat skond il-format speċifikat fil-Parti C ta' l-Anness II.

2. Sal-31 ta' Lulju 2012 u kull sitt xhur sussegwenti, l-Istat Membru għandu jiddetermina u jittrasferixxi lill-Kummissjoni l-informazzjoni, verifikata minn awditur ċertifikat, elenkata fil-Parti B ta' l-Anness II fir-rigward tas-sena kalendarja preċedenti. Id-dejta għandha tintbagħat skond il-format speċifikat fil-Parti C ta' l-Anness II.

Test propost mill-Kummissjoni

Emenda

4. Il-Kummissjoni għandha żżomm reġistru ċentrali tad-dejta rrapurtata mill-Istati Membri taħt dan l-Artikolu, u sat-30 ta' Ġunju 2011 u kull sena sussegwenti għandha tikkalkula għal kull manifattur fuq bażi proviżorja:

4. Il-Kummissjoni għandha żżomm reġistru ċentrali tad-data rrapurtata mill-Istati Membri taħt dan l-Artikolu, u sat-30 ta' Awwissu 2012 u kull sitt xhur sussegwenti għandha tikkalkula għal kull manifattur fuq bażi proviżorja:

Test propost mill-Kummissjoni

Emenda

5. Il-manifatturi jistgħu, fi żmien xahrejn minn meta jiġu nnotifikati dwar il-kalkolu proviżorju skond il-paragrafu 4, jinnotifikaw lill-Kummissjoni dwar kwalunkwe żbalji fid-dejta, fejn jispeċifikaw l-Istat Membru li fih iqisu li jkun seħħ l-iżball.

5. Il-manifatturi jistgħu, fi żmien tliet xhur minn meta jiġu nnotifikati dwar il-kalkolu proviżorju skond il-paragrafu 4, jinnotifikaw lill-Kummissjoni dwar kwalunkwe żbalji fid-data, fejn jispeċifikaw l-Istat Membru li fih iqisu li jkun seħħ l-iżball.

Il-Kummissjoni għandha tikkunsidra kwalunkwe notifiki mill-manifatturi u għandha, sat-30 ta' Settembru, tikkonferma inkella temenda u tikkonferma l-kalkoli proviżorji skond il-paragrafu 4.

Il-Kummissjoni għandha tikkunsidra kwalunkwe notifiki mill-manifatturi u għandha, sal-31 ta' Marzu tas-sena sussegwenti, tikkonferma inkella temenda u tikkonferma l-kalkoli proviżorji skond il-paragrafu 4.

Test propost mill-Kummissjoni

Emenda

6. Meta, fuq il-bażi tal-kalkoli skond il-paragrafu 5, fir-rigward tas-sena kalendarja 2010 jew 2011, il-Kummissjoni jidhrilha li l-medja ta' emissjonijiet speċifiċi ta' CO2 ta' manifattur f'dik is-sena jkunu qabżu l-mira ta' emissjonijiet speċifiċi għal dik is-sena, il-Kummissjoni għandha tgħarraf lill-manifattur.

imħassar

Test propost mill-Kummissjoni

Emenda

7. L-Istati Membri għandhom jinnominaw awtorità kompetenti għall-ġbir u l-komunikazzjoni tad-dejta ta' monitoraġġ skond dan ir-Regolament u għandhom jinfurmaw lill-Kummissjon dwar l-awtorità komepetenti nnominata sa mhux aktar tard minn 6 xhur wara d-dħul fis-seħħ ta' dan ir-Regolament.

7. L-Istati Membri għandhom jinnominaw awtorità kompetenti għall-ġbir u l-komunikazzjoni tad-dejta ta' monitoraġġ skond dan ir-Regolament u għandhom jinfurmaw lill-Parlament Ewropew, lill-Kunsill u lill-Kummissjoni dwar l-awtorità kompetenti nnominata sa mhux aktar tard minn 6 xhur wara d-dħul fis-seħħ ta' dan ir-Regolament.

Test propost mill-Kummissjoni

Emenda

2. Il-primjum għall-emissjonijiet żejda fil-paragrafu 1 għandu jiġi kkalkulat bil-formula li ġejja:

2. Il-primjum għall-emissjonijiet żejda fil-paragrafu 1 għandu jiġi kkalkulat bil-formula li ġejja:

L-emissjonijiet żejda x l-għadd ta' karozzi ġodda tal-passiġġieri x il-primjum għall-emissjonijiet żejda stipulat fil-paragrafu 3.

L-emissjonijiet żejda x l-għadd ta' karozzi ġodda tal-passiġġieri li bħala medja m’humiex konformi ma' l-objettiv speċifiku ta' emissjonijiet tal-manifattur x il-primjum għall-emissjonijiet żejda stipulat fil-paragrafu 3.

Fejn:

Fejn:

'Emissjonijiet żejda' tfisser in-numru pożittiv ta' grammi kull kilometru li bih l-emissjonijiet speċifiċi medji tal-manifattur ikunu qabżu l-mira ta' emissjonijiet speċifiċi fis-sena kalendarja, aġġustat għall-eqreb tliet punti deċimali; kif ukoll

'Emissjonijiet żejda' tfisser in-numru pożittiv ta' grammi kull kilometru li bih l-emissjonijiet speċifiċi medji tal-manifattur ikunu qabżu l-mira ta' emissjonijiet speċifiċi fis-sena kalendarja, aġġustat għall-eqreb tliet punti deċimali; kif ukoll

'Għadd ta' karozzi ġodda tal-passiġġieri' tfisser l-għadd ta' karozzi ġodda tal-passiġġieri li għalihom huwa l-manifattur u li ġew irreġistrati dik is-sena.

‘L-għadd ta’ karozzi ġodda tal-passiġġieri li bħala medja m’humiex konformi ma' l-objettiv speċifiku ta' emissjonijiet tal-manifattur ’ tfisser l-għadd ta’ karozzi ġodda tal-passiġġieri prodotti mill-manifattur u rreġistrati fis-sena konċernata li l-emissjonijiet speċifiċi tagħhom tad-CO₂ jaqbżu l-objettivi speċifiċi ta' emissjonijiet tagħhom u li ma jistgħux jagħmlu tajjeb għalihom vetturi reġistrati oħra ta' l-istess manifattur li għandhom emissjonijiet ta' CO₂ aktar baxxi mill-objettivi speċifiċi ta' emissjonijiet.

3. Il-primjum fuq l-emissjonijiet żejda għandu jkun:

3. Il-primjum fuq l-emissjonijiet żejda għandu, fis-sena kalendarja 2012 u fis-snin kalendarji sussegwenti, ikun komparabbli ma' strumenti oħra ta' tnaqqis tad-CO₂, bħall-Iskema ta' Skambju ta' l-Emissjonijiet ta' l-UE, iżda mhux aktar minn EUR 40.

(a) fir-rigward ta’ l-emissjonijiet żejda fis-sena kalendarja 2012, 20 euro;

(b) fir-rigward ta’ l-emissjonijiet żejda fis-sena kalendarja 2013, 35 euro;

(c) fir-rigward ta’ l-emissjonijiet żejda fis-sena kalendarja 2014, 60 euro; kif ukoll

(d) fir-rigward ta’ l-emissjonijiet żejda fis-sena kalendarja 2015 u snin sussegwenti, 95 euro;

4. Il-Kummissjoni għandha tistabbilixxi metodi għall-ġbir tal-primjums għall-emissjonijiet żejda fil-kuntest tal-paragrafu 1.

4. Il-Kummissjoni għandha tistabbilixxi metodi għall-ġbir tal-primjums għall-emissjonijiet żejda fil-kuntest tal-paragrafu 1.

Dawk il-miżuri, imfassla biex jemendaw elementi mhux essenzjali ta' dan ir-Regolament għandhom jiġu adottati skond il-proċedura regolatorja bi skrutinju msemmija fl-Artikolu 12(3).

Dawk il-miżuri, imfassla biex jemendaw elementi mhux essenzjali ta' dan ir-Regolament għandhom jiġu adottati skond il-proċedura regolatorja bi skrutinju msemmija fl-Artikolu 12(3).

5. L-ammonti tal-primjum fuq l-emissjonijiet żejda għandhom jitqiesu bħala dħul għall-baġit ta’ l-Unjoni Ewropea.

5. L-ammonti tal-primjum fuq l-emissjonijiet żejda għandhom jintużaw għall-promozzjoni ta' mezzi sostenibbli ta' trasport li ma jipproduċux emissjonijiet tad-CO₂, b'mod partikulari n-netwerks tat-trasport, ir-riċerka fir-rigward ta' effiċjenza akbar ta' l-enerġija u l-użu ta' enerġiji rinnovabbli fis-settur tat-trasport, kif ukoll it-tħeġġiġ għat-tiġdid tal-flotta.

Test propost mill-Kummissjoni

Emenda

4. Il-Kummissjoni għandha tistabbilixxi metodi għall-ġbir tal-primjums għall-emissjonijiet żejda fil-kuntest tal-paragrafu 1.

4. Il-Kummissjoni għandha tistabbilixxi metodi għall-ġbir tal-primjums għall-emissjonijiet żejda fil-kuntest tal-paragrafu 1, 2 u 3.

Test propost mill-Kummissjoni

Emenda

1. Sal-31 ta' Ottubru 2011 u kull sena sussegwenti, il-Kummissjoni għandha tippubblika lista fejn tindika għal kull manifattur:

1. Sat-30 ta' Ġunju 2013 u kull sena sussegwenti, il-Kummissjoni għandha tippubblika lista, li għandha tidher ukoll fil-websajt tagħha, fejn tindika għal kull manifattur:

Test propost mill-Kummissjoni

Emenda

2. Mill-31 ta' Ottubru 2013, il-lista ppubblikata taħt il-paragrafu 1 għandha tindika wkoll jekk il-manifattur ikunx ikkonforma mar-rekwiżiti ta' l-Artikolu 4 fir-rigward tas-sena kalendarja preċedenti.

2. Il-lista ppubblikata taħt il-paragrafu 1 għandha tindika wkoll jekk il-manifattur ikunx ikkonforma mar-rekwiżiti ta' l-Artikolu 4 fir-rigward tas-sena kalendarja preċedenti.

Test propost mill-Kummissjoni

Emenda

Deroga speċjali għal manifatturi independenti ta' produzzjoni baxxa

Objettiv speċjali għal manifatturi speċjalizzati ta' produzzjoni baxxa

1. Applikazzjoni għal deroga mill-mira ta’ emissjonijiet speċifiċi kkalkulata skond l-Anness I tista’ ssir minn manifattur li:

1. Applikazzjoni għal deroga mill-mira ta’ emissjonijiet speċifiċi kkalkulata skond l-Anness I tista’ ssir minn manifattur li:

(a) huwa responsabbli għal inqas minn 10,000 karozzi ġodda tal-passiġġieri rreġistrati fil-Komunità kull sena kalendarja; kif ukoll

(a) huwa responsabbli għal inqas minn 0,1% tal-karozzi ġodda tal-passiġġieri rreġistrati fil-Komunità kull sena kalendarja; kif ukoll

(b) li mhux marbut ma manifattur ieħor.

(b) li mhux marbut ma' manifattur ieħor; jew

(c) jekk huwa marbut, fiż-żmien meta daħal fis-seħħ dan ir-Regolament kien, u fil-preżent huwa, manifattur ta' mudelli speċifiċi b'faċilitajiet ta' żvilupp u ta' produzzjoni proprji.

Test propost mill-Kummissjoni

Emenda

7a Manifattur jista' jitlob lill-Kummissjoni sabiex jingħata mira alternattiva ta' tnaqqis ta' 25% fil-medja tiegħu ta' emissjonijiet speċifiċi meta mqabbla ma' ta' l-2006, minflok il-mira kalkolata skond l-Anness I, bil-kundizzjoni li:

(a) jekk ma jkollu l-ebda impriża marbuta, ir-reġistrazzjonijiet annwali tiegħu ta' karozzi ġodda fl-UE jaqgħu bejn iċ-ċifra stipulata fil-paragrafu 1 u 1% tas-suq totali ta' l-UE, jew

(b) jekk ma jkollu l-ebda impriża marbuta, ir-reġistrazzjonijiet annwali tiegħu ta' karozzi ġodda fl-UE, meħuda flimkien ma' l-impriżi marbuta, jaqgħu bejn iċ-ċifra stipulata fil-paragrafu 1 u 1% tas-suq totali ta' l-UE.

7b. Impriżi marbuta jistgħu jitolbu lill-Kummissjoni sabiex jingħataw mira alternattiva ta' tnaqqis ta' 25% fil-medja tagħhom ta' emissjonijiet speċifiċi meta mqabbla mal-2006, minflok il-mira kalkolata skond l-Anness I, jekk ir-reġistrazzjonijiet annwali tagħhom ta' karozzi ġodda fl-UE, meħuda flimkien ma' l-impriżi marbuta, jaqgħu bejn iċ-ċifra stipulata fil-paragrafu 1 u 1% tas-suq totali ta' l-UE.

Test propost mill-Kummissjoni

Emenda

1. Fl-2010, il-Kummissjoni għandha tressaq rapport lill-Parlament Ewropew u lill-Kunsill dwar il-progress li jkun sar fl-implimentazzjoni ta' l-Approċċ Integrat tal-Komunità sabiex jitnaqqsu l-emissjonijiet ta' CO₂ mill-vetturi għall-użu ħafif.

1. Fl-2010, il-Kummissjoni għandha tressaq rapport lill-Parlament Ewropew u lill-Kunsill dwar il-progress li jkun sar fl-implimentazzjoni ta' l-Approċċ Integrat tal-Komunità sabiex jitnaqqsu l-emissjonijiet ta' CO₂ mill-vetturi għall-użu ħafif. Il-Kummissjoni għandha, fl-istess rapport, tressaq rakkomandazzjonijiet dwar l-arranġamenti ta' kreditu u ċertifikazzjoni għall-introduzzjoni ta' innovazzjonijiet ekoloġiċi.

Test propost mill-Kummissjoni

Emenda

3a Kull meta l-Kummissjoni tipproponi leġiżlazzjoni ġdida li taffettwa vetturi żgħar u l-fjuwils tagħhom b'mod li jwassal direttament jew indirettament għal żieda fl-emissjonijiet tad-CO2, il-Kummissjoni għandha tindika b'mod ċar dan il-fatt fil-proposti tagħha lill-Parlament Ewropew u lill-Kunsill u tirrifletti kwalunkwe impatt negattiv fuq il-konformita tal-manifatturi mal-mira speċifika ta' emissjonijiet tad-CO₂ stipulati f'dan ir-Regolament.

Test propost mill-Kummissjoni

Emenda

3b. Il-Kummissjoni għandha tirrevedi l-iżviluppi teknoloġiċi u tintroduċi, jekk ikun il-każ, limiti minimi ekwivalenti għad-CO₂ għal forom oħra ta' enerġija użati għall-karozzi tal-passiġġieri. Dawn il-miżuri, imfassla biex jemendaw elementi mhux essenzjali ta' dan ir-Regolament għandhom jiġu adottati skond il-proċedura regolatorja bi skrutinju msemmija fl-Artikolu 12(3).

Test propost mill-Kummissjoni

Emenda

3c. Sabiex ikun hemm riflessjoni aħjar ta' l-emissjonijiet reali ta' CO₂ u tal-potenzjal ippreżentat minn miżuri u ekoinnovazzjonijiet ulterjuri, il-Kummissjoni għandha tevalwa b'mod regolari iċ-ċikli ta' testijiet użati biex jitkejlu l-emissjonijiet tad-CO₂, kif stabbilit fir-Regolament 715/2007/KE, u b'konsegwenza taġġustawhom.

Test propost mill-Kummissjoni

Emenda

3d. Il-Kummissjoni għandha, sa l-2014 u wara li jseħħ studju ta' l-impatt, tippubblika rapport dwar id-disponibilità tad-data dwar il-'footprint', bħala parametru ta' utilità biex jiġu ddeterminati objettivi speċifiċi ta' emissjonijiet u, jekk ikun il-każ, temenda l-Anness I skond il-proċedura regolatorja bi skrutinju msemmija fl-Artikolu 12(3).

Test propost mill-Kummissjoni

Emenda

Tagħrif għall-konsumatur

Miżuri ta' implimentazzjoni

Mill-ewwel ta' Jannar 2010, il-manifatturi għandhom jiżguraw li t-tikketti, il-kartelluni jew il-letteratura promozzjonali kollha tat-tip imsemmi fl-Artikolu 3, 5 u 6 tad-Direttiva 1999/94/KE jindikaw kemm l-emissjonijiet speċifiċi ta' CO2 tal-karozza tal-passiġġieri offruta għal bejgħ huma differenti mill-mira speċifika ta' emissjonijiet għal dik il-karozza tal-passiġġieri skond l-Anness I.

Dawk il-miżuri meħtieġa għall-implimentazzjoni ta’ l-Artikoli 3(1)(fa), li huma maħsuba biex jemendaw l-elementi mhux essenzjali ta’ dan ir-Regolament, għandhom jiġu adottati skond il-proċedura regolatorja bi skrutinju msemmija fl-Artikolu 12(3).

Test propost mill-Kummissjoni

Emenda

1. Għal kull karozza tal-passiġġieri, l-emissjonijiet speċifiċi ta' CO₂ permessi, imkejla fi grammi kull kilometru għandhom jiġu ddeterminati skond il-formula li ġejja:

1. Għal kull karozza tal-passiġġieri, l-emissjonijiet speċifiċi ta' CO₂ permessi, imkejla fi grammi kull kilometru għandhom jiġu ddeterminati skond il-formula li ġejja:

L-emissjonijiet speċifiċi ta’ CO₂ permessi = 130 + a × (M – M₀)

L-emissjonijiet speċifiċi ta’ CO₂ permessi = 130 + a × (M – M₀)

Fejn:

Fejn:

M = il-massa tal-vettura f’kilogrammi (kg)

M = il-massa tal-vettura f’kilogrammi (kg)

M₀ = 1289.0 × f

M₀ = 1289.0

f = (1 + AMI)⁶

Żieda fil-massa awtonoma (AMI) = 0 %

a = 0.0457

a = 0.0457

Test propost mill-Kummissjoni

Emenda

2a Kull manifattur għandu jiżgura li fis-sena li tibda fl-1 ta' Jannar 2020, u kull sena sussegwenti, talanqas 8% tal-karozzi tal-passiġġieri li jipproduċi jkunu vetturi mingħajr ebda emissjonijiet. Sabiex tintlaħaq din il-mira, il-manifatturi jistgħu jużaw id-dispożizzjonijiet għal tagħqid stipulati fl-Artikolu 5(1a).

Test propost mill-Kummissjoni

Emenda

1. Għas-sena li tibda mill-1 ta' Jannar 2010 u kull sena sussegwenti, l-Istati Membri għandhom iniżżlu d-dettalji li ġejjin għal kull karozza ġdida tal-passiġġieri li tkun irreġistrata fit-territorju tagħhom:

1. Għax-xahar li jibda mill-1 ta' Jannar 2012 u kull xahar sussegwenti, l-Istati Membri għandhom iżommu d-dettalji li ġejjin għal kull karozza ġdida tal-passiġġieri li tkun irreġistrata fit-territorju tagħhom:

Test propost mill-Kummissjoni

Emenda

3. Għas-sena li tibda mill-1 ta' Jannar 2010 u kull sena sussegwenti, l-Istati Membri għandhom jiddeterminaw, f'konformità mal-metodi deskritti fil-Parti B, skond il-manifattur:

3. Għax-xahar li jibda mill-1 ta' Jannar 2012 u kull xahar sussegwenti, l-Istati Membri għandhom jiddeterminaw, f'konformità mal-metodi deskritti fil-Parti B, skond il-manifattur: