RAPPORT dwar il-proposta għal deċiżjoni tal-Parlament Ewropew u tal-Kunsill dwar is-Sena Ewropea għall-Iżvilupp (2015)

Test propost mill-Kummissjoni

Emenda

Proposta għal Deċiżjoni tal-Parlament Ewropew u tal-Kunsill dwar is-Sena Ewropea għall-Iżvilupp (2015)

Ma taffettwax il-verżjoni Maltija.

Test propost mill-Kummissjoni

Emenda

(1) Il-kooperazzjoni għall-iżvilupp tikkonsisti fil-promozzjoni tal-iżvilupp tal-bniedem u l-progress tal-bnedmin fid-dimensjonijiet kollha tagħhom, inkluża d-dimensjoni kulturali⁸.

(1) Il-kooperazzjoni għall-iżvilupp tikkonsisti fl-appoġġ għall-eliminazzjoni tal-faqar, l-iżvilupp tal-bniedem u l-progress tal-bnedmin fid-dimensjonijiet kollha tagħhom, inkluża d-dimensjoni kulturali⁸.

____________

______________

⁸Ir-Riżoluzzjoni tal-Parlament Ewropew tat-23 ta' Ottubru 2012 dwar Aġenda għall-Bidla: il-Futur tal-politika tal-iżvilupp tal-UE (2012/2002/INI).

⁸Ir-Riżoluzzjoni tal-Parlament Ewropew tat-23 ta' Ottubru 2012 dwar Aġenda għall-Bidla: il-Futur tal-politika tal-iżvilupp tal-UE (2012/2002/INI).

Test propost mill-Kummissjoni

Emenda

(1a) Il-ġlieda kontra l-faqar globali mhijiex biss obbligu morali. Se tgħin ukoll biex tibni dinja aktar stabbli, paċifika, b'aktar ġid u ġusta, li tirrifletti l-interdipendenza bejn pajjiżi aktar sinjuri u dawk aktar foqra.

Test propost mill-Kummissjoni

Emenda

(3) It-Trattat ta’ Lisbona integra fis-sod il-politika għall-iżvilupp fl-azzjoni esterna tal-UE b’appoġġ għall-interess li għandha l-UE f’dinja stabbli u b’aktar ġid. Il-politika għall-iżvilupp tgħin ukoll biex jiġu indirizzati sfidi globali oħrajn u tikkontribwixxi għall-Istrateġija UE-2020.

(3) It-Trattat ta’ Lisbona integra fis-sod il-politika għall-iżvilupp fl-azzjoni esterna tal-Unjoni b’appoġġ għall-interess li għandha l-Unjoni f’dinja stabbli u b’aktar ġid u aktar ġusta. Il-politika għall-iżvilupp tgħin ukoll biex jiġu indirizzati sfidi globali oħrajn u tikkontribwixxi għall-Istrateġija UE-2020.

Test propost mill-Kummissjoni

Emenda

(4) L-UE ilha fuq quddiem fil-formulazzjoni u l-implimentazzjoni tal-kunċett ta’ koerenza fil-politika għall-iżvilupp, li għandha l-għan li ssaħħaħ is-sinerġiji bejn politiki mhux ta' għajnuna u l-għanijiet ta’ żvilupp.

(4) L-Unjoni ilha fuq quddiem fil-formulazzjoni u l-implimentazzjoni tal-kunċett ta’ koerenza fil-politika għall-iżvilupp, li għandha l-għan li ssaħħaħ is-sinerġiji u tnaqqas il-kontradizzjonijiet bejn politiki mhux ta' għajnuna u l-għanijiet ta’ żvilupp, sabiex tiżgura li l-politiki tal-Unjoni jappoġġjaw il-ħtiġijiet tal-iżvilupp tal-pajjiżi li qed jiżviluppaw, jew għall-inqas ma jmorrux kontra l-għan tal-eliminazzjoni tal-faqar.

Test propost mill-Kummissjoni

Emenda

(5) Il-ġlieda kontra l-faqar tibqa’ l-għan ewlieni tal-politika għall-iżvilupp tal-Unjoni Ewropea, kif stabbilit fl-Artikolu 21 tat-Trattat dwar l-Unjoni Ewropea u fl-Artikolu 208 tat-Trattat dwar il-Funzjonament tal-Unjoni Ewropea.

(5) It-tnaqqis tal-faqar jibqa’ l-għan ewlieni tal-politika għall-iżvilupp tal-Unjoni Ewropea, kif stabbilit fl-Artikolu 21 tat-Trattat dwar l-Unjoni Ewropea u fl-Artikolu 208 tat-Trattat dwar il-Funzjonament tal-Unjoni Ewropea.

Test propost mill-Kummissjoni

Emenda

(6) Fl-2000, il-komunità internazzjonali ntrabtet li tieħu passi konkreti sal-2015 fil-ġlieda kontra l-faqar, bl-adozzjoni tal-Għanijiet ta’ Żvilupp tal-Millennju, objettivi li ġew aċċettati mill-Unjoni u l-Istati Membri tagħha.

(6) Fl-2000, il-komunità internazzjonali ntrabtet li tieħu passi konkreti sal-2015 fil-ġlieda kontra l-faqar, bl-adozzjoni tal-Għanijiet ta’ Żvilupp tal-Millennju, objettivi u impenji li ġew aċċettati mill-Unjoni u l-Istati Membri tagħha.

Test propost mill-Kummissjoni

Emenda

(6a) Il-Kunsens Ewropew għall-Iżvilupp, miftiehem b'mod konġunt mill-Parlament Ewropew, il-Kunsill, il-Kummissjoni u l-Istati Membri^8a, jibqa' l-bażi l-aktar komprensiva għall-kooperazzjoni tal-iżvilupp tal-Unjoni, jistabbilixxi objettivi komuni u prinċipji għall-kooperazzjoni tal-iżvilupp u jenfasizza l-impenn tal-Unjoni favur il-qerda tal-faqar u l-prinċipji ta' sjieda, sħubija, effikaċja u koerenza tal-politika għall-iżvilupp, kif ukoll l-impenn biex jiżdiedu l-ammont u l-effikaċja tal-għajnuna għall-iżvilupp.

____________

^8a Dikjarazzjoni konġunta tal-Kunsill u tar-rappreżentanti tal-gvernijiet tal-Istati Membri li ltaqgħu fi ħdan il-Kunsill Ewropew, il-Parlament Ewropew u l-Kummissjoni dwar il-Politika għall-Iżvilupp tal-Unjoni Ewropea: 'Il-Kunsens Ewropew' (ĠU C 46, 24.2.2006, p. 1).

Test propost mill-Kummissjoni

Emenda

(10) Sena Ewropea għall-Iżvilupp fl-2015 tipprovdi opportunità f’waqtha biex titqajjem kuxjenza fost il-pubbliku inġenerali dwar l-orjentazzjoni attwali tal-politika Ewropea tal-iżvilupp. Hija meħtieġa l-informazzjoni dwar kif Ewropa li tħares ’il barra tista’ tgħin biex tiżgura sostenibbiltà globali. Dan jinkludi t-tqajjim tal-għarfien dwar l-interdipendenza globali u li jintwera li l-iżvilupp huwa aktar minn sempliċiment għajnuna.

Ma taffettwax il-verżjoni Maltija.

Test propost mill-Kummissjoni

Emenda

(13) Ta’ importanza essenzjali għall-impatt pożittiv tal-azzjoni tal-Unjoni għall-iżvilupp hija sa liema livell hija tgawdi minn appoġġ popolari u politiku wiesa’. Is-Sena Ewropea għandha, għalhekk, isservi ta’ katalist biex titqajjem kuxjenza, biex tinħoloq enerġija dinamika u għall-iskambju tal-aħjar prassi bejn l-Istati Membri, l-awtoritajiet lokali u reġjonali, is-soċjetà ċivili, l-imsieħba soċjali u l-entitajiet internazzjonali u l-organizzazzjonijiet involuti fi kwistjonijiet tal-iżvilupp. Hija għandha tgħin biex tiġi ffukata l-attenzjoni politika u biex jiġi mmobilizzat kull min hu kkonċernat sabiex jiġu promossi azzjonijiet u inizjattivi ulterjuri kemm f'livell tal-Unjoni kif ukoll f'dak tal-Istati Membri, flimkien mal-benefiċjarji tal-għajnuna għall-iżvilupp u r-rappreżentanti tagħhom.

(13) Ta’ importanza essenzjali għall-impatt pożittiv tal-azzjoni tal-Unjoni għall-iżvilupp hija sa liema livell hija tgawdi minn appoġġ popolari u politiku wiesa’. Is-Sena Ewropea għall-Iżvilupp għandha, għalhekk, isservi ta’ katalist biex titqajjem kuxjenza permezz ta' dibattitu pubbliku politiku, biex tinħoloq enerġija dinamika u għall-iskambju tal-aħjar prassi bejn l-Istati Membri, l-awtoritajiet lokali u reġjonali, is-soċjetà ċivili, inklużi l-organizzazzjonijiet lokali minn pajjiżi li qed jiżviluppaw, is-sħab soċjali, t-trejdjunjins u l-entitajiet internazzjonali u l-organizzazzjonijiet involuti fi kwistjonijiet tal-iżvilupp. Hija għandha tgħin biex tiġi ffukata l-attenzjoni politika u biex jiġi mmobilizzat kull min hu kkonċernat sabiex jiġu promossi azzjonijiet u inizjattivi ulterjuri kemm f'livell tal-Unjoni kif ukoll f'dak tal-Istati Membri, flimkien mal-benefiċjarji tal-għajnuna għall-iżvilupp u r-rappreżentanti tagħhom.

Test propost mill-Kummissjoni

Emenda

(13a) Is-Sena Ewropea għall-Iżvilupp għandha tqajjem kuxjenza dwar kull forma ta' diskriminazzjoni bbażata fuq is-sess li jiffaċċjaw in-nisa u t-tfajliet f'bosta reġjuni, partikolarment f'termini ta' aċċess għall-edukazzjoni, l-impjiegi u s-sistemi ta' kura tas-saħħa kif ukoll iż-żwieġ furzat, l-isfruttament sesswali u l-mutilazzjoni ġenitali u prattiki ħżiena oħra.

Test propost mill-Kummissjoni

Emenda

(15) Fit-23 ta’ Ottubru 2012¹², fir-riżoluzzjoni tiegħu, il-Parlament Ewropew stieden lill-Kummissjoni biex tiddikjara s-sena 2015 bħala s-Sena Ewropea għall-Iżvilupp, u esprima t-tama tiegħu li dan jista’ jgħolli l-profil tal-kooperazzjoni għall-iżvilupp.

Ma taffettwax il-verżjoni Maltija.

_____________

______________

¹²Ir-Riżoluzzjoni tal-Parlament Ewropew tat-23 ta' Ottubru 2012 dwar Aġenda għall-Bidla: il-Futur tal-politika tal-iżvilupp tal-UE (2012/2002/INI).

¹²Ir-Riżoluzzjoni tal-Parlament Ewropew tat-23 ta' Ottubru 2012 dwar Aġenda għall-Bidla: il-Futur tal-politika tal-iżvilupp tal-UE (2012/2002/INI).

Test propost mill-Kummissjoni

Emenda

(16) Il-koordinazzjoni effiċjenti bejn l-imsieħba kollha li jikkontribwixxu fil-livell tal-Unjoni, nazzjonali, reġjonali u lokali hija prerekwiżit fundamentali għal Sena Ewropea effettiva. L-imsieħba lokali u reġjonali għandhom rwol partikolari fil-promozzjoni tal-politika għall-iżvilupp tal-UE.

(16) Il-koordinazzjoni effiċjenti bejn l-imsieħba kollha li jikkontribwixxu fil-livell tal-Unjoni, nazzjonali, reġjonali u lokali hija prerekwiżit fundamentali għal Sena Ewropea għall-Iżvilupp effettiva. Is-sħab lokali u reġjonali, l-ewwel u qabel kollox – minħabba l-qrubija ġeografika tagħhom mal-pajjizi li qed jiżviluppaw – dawk mir-reġjuni ultraperiferiċi u mill-pajjiżi u t-territorji extra-Ewropej, f'dan il-każ għandhom rwol partikolari fil-promozzjoni tal-politika għall-iżvilupp tal-Unjoni.

Test propost mill-Kummissjoni

Emenda

(21) Sabiex l-attivitajiet maħsuba għas-Sena Ewropea għall-Iżvilupp ikunu kemm jista' jkun effettivi u effiċjenti, huwa importanti li titwettaq sensiela ta' azzjonijiet preparatorji fl-2013 u l-2014.

(21) Sabiex l-attivitajiet maħsuba għas-Sena Ewropea għall-Iżvilupp ikunu kemm jista' jkun effettivi u effiċjenti, huwa importanti li titwettaq sensiela ta' azzjonijiet preparatorji fl-2013 u l-2014, li jestendu għal-livelli kollha tal-poter.

Test propost mill-Kummissjoni

Emenda

(23) Ir-responsabbiltà primarja biex jitqajjem l-għarfien taċ-ċittadini fi kwistjonijiet ta’ żvilupp tinsab f’idejn l-Istati Membri. L-azzjoni fil-livell tal-Unjoni tikkumplimenta u tissupplimenta l-azzjonijiet nazzjonali f'dan ir-rigward, kif enfasizzat fid-dikjarazzjoni politika Nikkomunikaw l-Ewropa fi Sħubija, iffirmata fit-22 ta' Ottubru 2008 mill-Parlament Ewropew, mill-Kunsill u mill-Kummissjoni¹⁵.

(23) Ir-responsabbiltà primarja biex jitqajjem l-għarfien taċ-ċittadini fi kwistjonijiet ta’ żvilupp tinsab f’idejn l-Istati Membri u, b'estensjoni, f'idejn l-awtoritajiet lokali u reġjonali. L-azzjoni fil-livell tal-Unjoni tikkumplimenta u tissupplimenta l-azzjonijiet fil-livell nazzjonali, reġjonali u lokali, kif enfasizzat fid-dikjarazzjoni politika Nikkomunikaw l-Ewropa fi Sħubija, iffirmata fit-22 ta' Ottubru 2008 mill-Parlament Ewropew, mill-Kunsill u mill-Kummissjoni¹⁵.

__________________

__________________

15 ĠU C 13, 20.1.2009, p. 3.

15 ĠU C 13, 20.1.2009, p. 3.

Test propost mill-Kummissjoni

Emenda

(24) Peress li, minħabba l-ħtieġa ta’ sħubiji multilaterali, ta’ skambju transnazzjonali ta’ informazzjoni u tas-sensibilizzazzjoni u t-tixrid ta’ prassi tajba madwar l-Unjoni kollha, l-għanijiet tas-Sena Ewropea tal-Iżvilupp ma jistgħux jinkisbu b’mod suffiċjenti mill-Istati Membri u jistgħu għalhekk, minħabba l-iskala tas-Sena Ewropea tal-Iżvilupp, jinkisbu aħjar fil-livell tal-Unjoni, l-Unjoni tista’ tadotta miżuri, skont il-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju ta' proporzjonalità, kif stabbilit fl-istess Artikolu, din id-deċiżjoni ma tmurx lilhinn minn dak li hu meħtieġ biex jintlaħqu dawk l-għanijiet.

(24) Peress li l-għanijiet ta' din id-Deċiżjoni ma jistgħux jinkisbu b’mod suffiċjenti mill-Istati Membri minħabba l-ħtieġa ta’ sħubiji multilaterali, ta' skambju transnazzjonali ta’ informazzjoni u tas-sensibilizzazzjoni u t-tixrid ta' prassi tajba madwar l-Unjoni kollha, iżda jistgħu pjuttost, minħabba l-iskala tas-Sena Ewropea għall-Iżvilupp jinkisbu aħjar fil-livell tal-Unjoni, l-Unjoni tista’ tadotta miżuri f’konformità mal-prinċipju ta’ sussidjarjetà, kif stipulat fl-Artikolu 5 tat-Trattat dwar l-Unjoni Ewropea. Skont il-prinċipju ta' proporzjonalità, kif stabbilit fl-istess Artikolu, din id-deċiżjoni ma tmurx lil hinn minn dak li hu meħtieġ biex jintlaħqu dawk l-għanijiet.

Test propost mill-Kummissjoni

Emenda

L-2015 tiġi ddikjarata bħala "Is-Sena Ewropea għall-Iżvilupp" (minn hawn 'il quddiem "Is-Sena Ewropea").

L-2015 tiġi ddikjarata bħala "Is-Sena Ewropea għall-Iżvilupp" (minn hawn 'il quddiem "Is-Sena Ewropea"). Il-motto tas-Sena Ewropea għandu jkun "Dinjità għal Kulħadd".

Test propost mill-Kummissjoni

Emenda

- li jiġu infurmati ċ-ċittadini tal-UE dwar il-kooperazzjoni għall-iżvilupp tal-UE, b’enfasi fuq dak li l-Unjoni Ewropea tista' diġà tikseb bħala l-ikbar donatur tal-għajnuna fid-dinja u kif tista’ tagħmel aktar permezz tas-saħħa magħquda tal-Istati Membri tagħha u l-istituzzjonijiet tagħha.

– li jiġu infurmati ċ-ċittadini tal-Unjoni dwar il-kooperazzjoni għall-iżvilupp, partikolarment dawk li jgħixu fl-Istati Membri mingħajr tradizzjoni twila f'dak il-qasam, b’enfasi fuq dak li l-Unjoni tista' tikseb bħala l-ikbar donatur tal-għajnuna fid-dinja u biex tqajjem kuxjenza dwar il-valur miżjud potenzjali ta' sforz konġunt tal-Unjoni u l-Istati Membri tagħha, inklużi l-pajjiżi u territorji extra-Ewropej;

Test propost mill-Kummissjoni

Emenda

– li tistimula l-interess attiv taċ-ċittadini Ewropej fil-kooperazzjoni għall-iżvilupp u li trawwem sens ta’ responsabbiltà u opportunità fir-rigward tal-parteċipazzjoni tagħhom fit-tfassil u l-implimentazzjoni tal-politika; kif ukoll

– li tinvolvi liċ-ċittadini Ewropej fil-kwistjonijiet ta' kooperazzjoni għall-iżvilupp, tinkoraġġixxi l-parteċipazzjoni tagħhom fit-tfassil u l-implimentazzjoni tal-politika u tinvolvihom bis-sħiħ fid-diskussjoni politika dwar l-iżvilupp globali;

Test propost mill-Kummissjoni

Emenda

- li tiżgura, partikolarment, il-parteċipazzjoni ta' ċittadini żgħażagħ;

Test propost mill-Kummissjoni

Emenda

- li jiżdied l-għarfien taċ-ċittadini tal-Unjoni dwar is-sehem tagħhom fl-iżvilupp globali u dwar possibbiltajiet li jikkontribwixxu għal żvilupp globali aktar ġust u li l-iżvilupp isir parti integrali mill-programmi ta' edukazzjoni nazzjonali;

Test propost mill-Kummissjoni

Emenda

- li jitrawwem sens ta' responsabbiltà konġunta u solidarjetà fost l-Ewropej u n-nies f'pajjiżi li qed jiżviluppaw;

Test propost mill-Kummissjoni

Emenda

- li jiġi appoġġjat u ffaċilitat id-djalogu ma' sħab fil-pajjiżi li qed jiżviluppaw dwar l-aġenda tal-iżvilupp globali wara l-2015;

Test propost mill-Kummissjoni

Emenda

- li titqajjem kuxjenza u jitrawwem dibattitu dwar l-impatt li deċiżjonijiet u għażliet individwali, lokali, reġjonali, nazzjonali u Ewropej jista' jkollhom fuq l-iżvilupp globali u fuq nies li jgħixu f'pajjiżi li qed jiżviluppaw, sabiex jintlaħaq fehim usa' tal-Koerenza tal-Politika għall-Iżvilupp;

Test propost mill-Kummissjoni

Emenda

– li jitqajjem għarfien dwar ir-rwol tal-kooperazzjoni għall-iżvilupp tal-UE, li twassal għal firxa wiesgħa ta’ benefiċċji mhux biss għar-riċevituri iżda wkoll għaċ-ċittadini tal-UE, f'dinja li dejjem qed tinbidel u ssir dejjem aktar interdipendenti.

– li jitqajjem għarfien dwar ir-rwol tal-kooperazzjoni għall-iżvilupp tal-Unjoni, li twassal għal firxa wiesgħa ta’ benefiċċji mhux biss għar-riċevituri iżda wkoll għaċ-ċittadini tal-Unjoni, f'dinja li dejjem qed tinbidel u ssir dejjem aktar interdipendenti, fejn l-ekwità u l-ġustizzja jitqiesu bħala l-valuri ewlenin li jappoġġaw il-kooperazzjoni għall-iżvilupp;

Test propost mill-Kummissjoni

Emenda

– li tingħata s-setgħa liċ-ċittadini tal-Unjoni biex jagħmlu deċiżjonijiet infurmati dwar ix-xiri li jikkontribwixxu direttament għall-għanijiet tas-Sena Ewropea.

Test propost mill-Kummissjoni

Emenda

1. Il-miżuri meħuda sabiex jintlaħqu l-għanijiet stabbiliti fl-Artikolu 2 jistgħu jinkludu l-inizjattivi li ġejjin li jiġu organizzati fil-livell tal-Unjoni, nazzjonali, reġjonali jew lokali, kif dettaljat fl-Anness ta' din id-Deċiżjoni:

1. Il-miżuri meħuda sabiex jintlaħqu l-għanijiet stabbiliti fl-Artikolu 2 għandhom jinkludu l-inizjattivi li ġejjin, li jistgħu jiġu organizzati fil-livell tal-Unjoni, nazzjonali, reġjonali jew lokali, fi ħdan l-Unjoni, fil-pajjiżi u t-territorji extra-Ewropej assoċjati u fil-pajjiżi li qed jiżviluppaw, kif stipulat fl-Anness ta' din id-Deċiżjoni:

Test propost mill-Kummissjoni

Emenda

– kampanji ta’ komunikazzjoni biex jinxterdu l-messaġġi ewlenin immirati lejn il-pubbliku ġenerali u lejn udjenzi aktar speċifiċi, inkluż permezz tal-midja soċjali;

– kampanji ta’ komunikazzjoni biex jinxterdu l-messaġġi ewlenin immirati lejn il-pubbliku ġenerali u lejn udjenzi aktar speċifiċi, b’mezzi pedagoġiċi adegwati partikolarment fis-settur tal-edukazzjoni, inkluż permezz tal-midja soċjali;

Test propost mill-Kummissjoni

Emenda

– l-organizzazzjoni ta’ konferenzi, avvenimenti u inizjattivi mal-partijiet interessati rilevanti kollha, illi tiġi promossa l-parteċipazzjoni attiva u d-dibattitu, u biex titqajjem kuxjenza fil-livell Ewropew;

– l-organizzazzjoni ta’ konferenzi, avvenimenti u inizjattivi mal-partijiet interessati rilevanti kollha u permezz tagħhom, biex tiġi promossa l-parteċipazzjoni attiva u d-dibattitu, biex jiġu ffaċilitati u mħeġġa l-programmi għall-iżvilupp lil hinn mill-2015, u biex titqajjem kuxjenza fil-livell tal-Unjoni;

Test propost mill-Kummissjoni

Emenda

– it-twettiq ta' studji u stħarriġ u t-tixrid tar-riżultati tagħhom.

– it-twettiq ta' stħarriġ u t-tixrid tar-riżultati tagħhom.

Test propost mill-Kummissjoni

Emenda

– websajt li għandu jinħoloq b'mod konġunt bejn il-Kummissjoni u l-Istati Membri u li għandu jippreżenta l-proġetti ta' kooperazzjoni għall-iżvilupp tal-Istati Membri kollha sabiex jippermetti li ċ-ċittadini kollha tal-Unjoni jkunu aġġornati dwar l-għanijiet, il-prestazzjoni u s-suċċess tal-Istati Membri.

Test propost mill-Kummissjoni

Emenda

2. Il-Kummissjoni tista' tidentifika attivitajiet oħrajn li jikkontribwixxu għall-għanijiet tas-Sena Ewropea u jistgħu jippermettu li l-isem tas-Sena Ewropea jintuża fil-promozzjoni ta’ dawk l-attivitajiet sakemm dawn ikunu jikkontribwixxu biex jinkisbu l-objettivi stabbiliti fl-Artikolu 2.

2. Il-Kummissjoni tista' tidentifika attivitajiet oħrajn li jikkontribwixxu għall-għanijiet tas-Sena Ewropea u tista’ tippermetti li l-isem tas-Sena Ewropea u l-motto 'Ħajja b'Dinjità għal Kulħadd' jintużaw fil-promozzjoni ta’ dawk l-attivitajiet sakemm dawn ikunu jikkontribwixxu biex jinkisbu l-objettivi stabbiliti fl-Artikolu 2.

Test propost mill-Kummissjoni

Emenda

2. Il-koordinaturi nazzjonali, f’koordinazzjoni mill-qrib mal-Kummissjoni, jikkonsultaw u jikkooperaw ma’ firxa wiesgħa ta’ partijiet interessati relevanti, inklużi s-soċjetà ċivili, l-imsieħba soċjali, il-parlamenti nazzjonali u, fejn xieraq, l-aġenziji nazzjonali jew punti ta’ kuntatt għall-progammi relevanti tal-Unjoni.

2. Il-koordinaturi nazzjonali għandhom, f’koordinazzjoni mill-qrib mal-Kummissjoni, jikkonsultaw u jikkooperaw ma’ firxa wiesgħa ta’ partijiet interessati relevanti, inklużi s-soċjetà ċivili, il-parlamenti nazzjonali, l-awtoritajiet lokali u reġjonali, is-sħab soċjali, it-trejdjunjins, is-settur privat u, fejn xieraq, l-aġenziji nazzjonali jew punti ta’ kuntatt għall-progammi relevanti tal-Unjoni.

Test propost mill-Kummissjoni

Emenda

3. Sal-1 ta’ Ġunju 2014, l-Istati Membri huma mistiedna jibagħtu lill-Kummissjoni l-programm ta’ ħidma propost tagħhom, li għandu jippreżenta d-dettalji dwar l-attivitajiet nazzjonali ippjanati għas-Sena Ewropea għall-Iżvilupp, skont l-objettivi elenkati fl-Artikolu 2 u d-dettalji tal-miżuri stipulati fl-Anness.

Ma taffettwax il-verżjoni Maltija.

Test propost mill-Kummissjoni

Emenda

– l-Istati Membri;

– l-Istati Membri, inklużi l-pajjiżi u t-territorji extra-Ewropej assoċjati;

Test propost mill-Kummissjoni

Emenda

3. Il-Kummissjoni torganizza laqgħat tal-koordinaturi nazzjonali biex tikkoordina l-implimentazzjoni tas-Sena Ewropea u biex isir skambju tat-tagħrif dwar l-implimentazzjoni fil-livell tal-UE u dak nazzjonali.

3. Il-Kummissjoni torganizza laqgħat tal-koordinaturi nazzjonali biex tikkoordina l-implimentazzjoni tas-Sena Ewropea u biex isir skambju tat-tagħrif dwar l-implimentazzjoni fil-livell tal-Unjoni u dak nazzjonali. Il-Kummissjoni tista' tistieden rappreżentanti tas-soċjetà ċivili u tal-awtoritajiet reġjonali u lokali kif ukoll Membri tal-Parlament Ewropew biex jattendu għal dawk il-laqgħat bħala osservaturi.

Test propost mill-Kummissjoni

Emenda

4a. Il-Kummissjoni għandha tiżgura li l-inizjattivi kollha ta' politika matul l-2015 jilħqu l-istandards tal-Koerenza tal-Politiki għall-Iżvilupp kif stabbilit fit-Trattat ta' Lisbona.

Test propost mill-Kummissjoni

Emenda

5. Il-Kummissjoni tagħmel it-tema tas-Sena Ewropea prijorità fl-attivitajiet ta' komunikazzjoni tar-Rappreżentazi tagħha fl-Istati Membri u d-delegazzjonijiet tal-Unjoni Ewropea f’pajjiżi sħab. Bl-istess mod, netwerks ewlenin rilevanti fil-livell tal-Unjoni li jirċievu appoġġ mill-baġit ġenerali tal-Unjoni għall-ispejjeż tal-operat tagħhom jistabbilixxu t-tema tas-Sena Ewropea bħala prijorità fl-aġenda tagħhom.

5. Il-Kummissjoni għandha tagħmel is-Sena Ewropea prijorità fl-attivitajiet ta' komunikazzjoni tar-Rappreżentanzi tagħha fl-Istati Membri u d-Delegazzjonijiet tal-Unjoni f’pajjiżi msieħba. Id-Delegazzjonijiet tal-UE għandhom jappoġġjaw sħab fl-iżvilupp f'pajjiżi terzi bl-għan li jipparteċipaw f'attivitajiet relatati mas-Sena Ewropea, kemm jekk dawk l-attivitajiet isiru fl-Unjoni u kemm jekk isiru fil-pajjiżi terzi.

Test propost mill-Kummissjoni

Emenda

5a. Netwerks rilevanti fil-livell tal-Unjoni li jirċievu appoġġ mill-baġit ġenerali tal-Unjoni għall-ispejjeż tal-operat tagħhom għandhom jagħtu prijorità lis-Sena Ewropea fl-attivitajiet ta' komunikazzjoni tagħhom matul l-2015 u jenfasizzaw il-motto tagħha.

Test propost mill-Kummissjoni

Emenda

5b. Is-Servizz Ewropew għall-Azzjoni Esterna (SEAE) u d-Delegazzjonijiet tal-UE għandhom jagħmlu s-Sena Ewropea parti integrali mid-djalogu tagħhom ma' pajjiżi li qed jiżviluppaw u jsaħħu l-viżibilità tal-Unjoni bħala attur għall-paċi, l-iżvilupp, id-drittijiet tal-bniedem u d-demokrazija.

Test propost mill-Kummissjoni

Emenda

3. Il-Kummissjoni tista' tagħti kofinanzjar lil kull korp nazzjonali ta’ koordinazzjoni skont il-proċedura stabbilita fil-Parti C tal-Anness.

3. Il-Kummissjoni tista' tagħti kofinanzjar lil kull korp nazzjonali ta’ koordinazzjoni skont il-proċedura stabbilita fil-Parti C tal-Anness, fejn il-priorità għandha tingħata lil dawk l-Istati Membri li aktar riċentament saru donaturi tal-għajnuna għall-iżvilupp jew fejn l-apprezzament u l-għarfien tal-isfidi tal-iżvilupp fost il-popolazzjoni huwa partikolarment baxx.

Test propost mill-Kummissjoni

Emenda

Sal-31 ta’ Diċembru 2016, il-Kummissjoni tippreżenta rapport lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-implimentazzjoni, ir-riżultati u l-valutazzjoni ġenerali tal-inizjattivi previsti f’din id-Deċiżjoni.

Sal-31 ta’ Lulju 2016, il-Kummissjoni għandha tippreżenta rapport lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-implimentazzjoni, ir-riżultati u l-valutazzjoni ġenerali tal-inizjattivi previsti f’din id-Deċiżjoni sabiex tipprepara azzjoni ta' segwitu xierqa.

Test propost mill-Kummissjoni

Emenda

L-implimentazzjoni tas-Sena Ewropea se tkun iffokata fuq kampanja wiesgħa ta’ informazzjoni mifruxa mal-Unjoni, u kkumplimentata minn azzjoni meħuda mill-Istati Membri. L-azzjonijiet kemm tal-Unjoni kif ukoll nazzjonali jistgħu jinvolvu s-soċjetà ċivili, l-imsieħba soċjali u l-partijiet interessati l-oħra bil-għan li jinħoloq sens ta’ sjieda fost l-atturi ewlenin.

L-implimentazzjoni tas-Sena Ewropea se tkun iffokata fuq kampanja wiesgħa ta’ informazzjoni mifruxa mal-Unjoni, u kkumplimentata minn azzjoni meħuda mill-Istati Membri. L-azzjonijiet kemm tal-Unjoni kif ukoll nazzjonali se jinvolvu l-partijiet interessati tal-kooperazzjoni għall-iżvilupp bħas-soċjetà ċivili, l-organizzazzjonijiet taż-żgħażagħ, is-sħab soċjali, it-trejdjunjins, l-awtoritajiet reġjonali u lokali, il-parlamenti, l-aġenziji għall-iżvilupp bilaterali u l-partijiet interessati l-oħra bil-għan li jinħoloq sens ta’ sjieda fost l-atturi ewlenin.

Test propost mill-Kummissjoni

Emenda

- l-istabbiliment ta' websajt b'informazzjoni fuq Europa (http://europa.eu/index_mt.htm) ddedikata għall-azzjoni li tkun qed tittieħed fil-kuntest tas-Sena Ewropea.

l-istabbiliment ta' websajt miftuħa u interattiva b'informazzjoni fuq Europa (http://europa.eu/index_en.htm) u ta' mezzi ta' komunikazzjoni oħra bbażati fuq l-internet (bħal midja soċjali) ddedikati għall-azzjoni li tkun qed tittieħed fil-kuntest tas-Sena Ewropea;

Test propost mill-Kummissjoni

Emenda

- premju għal kunċetti ta' komunikazzjoni innovattivi u ta' suċċess u kampanji li jgħinu, jew li għenu, biex iqajmu kuxjenza u jrawmu riflessjoni dwar kwistjonijet ta' żvilupp b'modi mhux tas-soltu jew oriġinali, b'mod partikolari dawk imfassla biex jilħqu udjenzi ta' mira li qabel ftit li xejn kienu esposti għal kwistjonijiet ta' żvilupp globali.

Test propost mill-Kummissjoni

Emenda

Avvenimenti ta' profil għoli fuq skala Ewropea li għandhom l-għan li jqajjmu kuxjenza dwar l-objettivi tas-Sena Ewropea, possibbilment organizzati f’kooperazzjoni mal-Istati Membri li jkollhom il-Presidenza tal-Kunsill matul l-2015, jistgħu jirċievu għotja mill-Unjoni li ma taqbiżx it-80 % tal-kosti finali tal-attivitajiet.

Avvenimenti ta' profil għoli fuq skala Ewropea li għandhom l-għan li jqajjmu kuxjenza dwar l-objettivi tas-Sena Ewropea, proposti minn netwerks internazzjonali u pjattaformi ta' organizzazzjonijiet tal-iżvilupp mhux governattivi jew minn Stati Membri li jkollhom il-Presidenza tal-Kunsill matul l-2015, jistgħu jirċievu għotja mill-Unjoni li ma taqbiżx it-80 % tal-kosti finali tal-attivitajiet.

Test propost mill-Kummissjoni

Emenda

(2) L-Unjoni Ewropea ilha tipprovdi għajnuna għall-kooperazzjoni għall-iżvilupp mill-1957 u hija l-akbar donatur tal-għajnuna uffiċjali għall-iżvilupp fid-dinja.

(2) L-Unjoni Ewropea ilha tipprovdi għajnuna għall-kooperazzjoni għall-iżvilupp mill-1957 u hija l-akbar donatur tal-għajnuna uffiċjali għall-iżvilupp fid-dinja. L-azzjoni esterna tal-UE jeħtieġ li tkun viżibbli u ċara rigward ir-rwol tan-nisa u l-bniet f’pajjiżi terzi u rigward l-għoti ta’ setgħa lilhom .

Test propost mill-Kummissjoni

Emenda

(3a) Il-konsensus Ewropew dwar l-iżvilupp jagħraf l-ugwaljanza bejn is-sessi bħala għan bis-saħħa tiegħu nnifsu u jidentifikah bħala wieħed mill-ħames prinċipji essenzjali tal-kooperazzjoni għall-iżvilupp.

Test propost mill-Kummissjoni

Emenda

(3a) Meta wieħed iqis il-qafas leġiżlattiv tal-UE u l-fatt li s-Sena Ewropea għall-Iżvilupp 2015 tista’ tiġġenera kuxjenza pubblika akbar u tiġbed l-attenzjoni fuq ir-rwol tal-UE fl-iżvilupp internazzjonali, id-dimensjoni tal-ugwaljanza bejn is-sessi għandha titqies bis-serjetà.

Test propost mill-Kummissjoni

Emenda

(3a) Il-vjolenza bbażata fuq il-ġeneru, inklużi l-vjolenza domestika, il-prostituzzjoni, it-traffikar u l-mutilazzjoni ġenitali femminili, għadha tikkostitwixxi fenomenu globali mifrux ħafna li għandu effetti negattivi serji fuq il-ħajja u s-saħħa tan-nisa u l-bniet, kif ukoll konsegwenzi soċjoekonomiċi sinifikanti. L-istupru u suriet oħra ta' vjolenza sesswali jiġu kommessi f'ħafna kuntesti u qed jiġu wkoll użati dejjem aktar bħala tattika tal-gwerra biex dak li jkun jumilja u jiddomina.

Test propost mill-Kummissjoni

Emenda

(3a) L-impatt sproporzjonat tal-faqar fuq in-nisa u l-bniet huwa r-riżultat ta' diskriminazzjoni sistematika li tisfigura s-soċjetajiet u ċċaħħad lil miljuni ta' persuni mill-iktar drittijiet bażiċi tagħhom, inkluż l-aċċess tagħhom għall-ilma u s-sanitazzjoni adegwata, l-edukazzjoni u l-kura tas-saħħa sodisfaċenti.

Test propost mill-Kummissjoni

Emenda

(5) Il-ġlieda kontra l-faqar tibqa’ l-għan ewlieni tal-politika għall-iżvilupp tal-Unjoni Ewropea, kif stabbilit fl-Artikolu 21 tat-Trattat dwar l-Unjoni Ewropea u fl-Artikolu 208 tat-Trattat dwar il-Funzjonament tal-Unjoni Ewropea.

(5) Il-ġlieda kontra l-faqar u kull sura ta' diskriminazzjoni abbażi tal-orjentazzjoni sesswali, l-identità tal-ġeneru jew l-espressjoni tal-ġeneru għandha tkun l-objettiv ewlieni tal-politika ta' żvilupp tal-Unjoni Ewropea. L-allokazzjoni ta' għajnuna finanzjarja għall-iżvilupp għandha tkun soġġetta għar-rispett ta' dawn il-valuri universali.

Test propost mill-Kummissjoni

Emenda

(5a) L-UE għandha tiżgura, permezz ta' kundizzjonalità tal-għajnuna għall-iżvilupp, li l-pajjiżi terzi jipproteġu lin-nisa u lill-bniet mit-tortura. Il-Kunsill għandu jissospendi l-għajnuna lill-pajjiżi li jwettqu t-tortura u jgħaddi l-għajnuna biex jiġu appoġġjati l-vittmi.

Test propost mill-Kummissjoni

Emenda

(6) Fl-2000, il-komunità internazzjonali ntrabtet li tieħu passi konkreti sal-2015 fil-ġlieda kontra l-faqar, bl-adozzjoni tal-Għanijiet ta’ Żvilupp tal-Millennju, objettivi li ġew aċċettati mill-Unjoni u l-Istati Membri tagħha.

(6) Fl-2000, il-komunità internazzjonali ntrabtet li tieħu passi konkreti sal-2015 fil-ġlieda kontra l-faqar, bl-adozzjoni tal-Għanijiet ta’ Żvilupp tal-Millennju, objettivi li ġew aċċettati mill-Unjoni u l-Istati Membri tagħha. Il-promozzjoni tal-ugwaljanza bejn is-sessi u l-għoti tas-setgħa lin-nisa huma meqjusa bħala mezzi effikaċi fil-ġlieda kontra l-faqar, il-ġuħ u l-mard u biex jitħeġġeġ l-iżvilupp sostenibbli.

Test propost mill-Kummissjoni

Emenda

(6a) L-Għanijiet ta' Żvilupp tal-Millennju talbu biex l-ebda individwu jew nazzjon ma jiġu mċaħħda mill-opportunità li jibbenefikaw mill-iżvilupp u, barra minn hekk, li jiġu żgurati d-drittijiet u l-opportunitajiet ugwali kemm għall-irġiel kif ukoll għan-nisa.

Test propost mill-Kummissjoni

Emenda

(8) Huwa vitali appoġġ kontinwu fil-kooperazzjoni għall-iżvilupp f’dinja li qed tinbidel malajr. Madwar 1.3 biljun ruħ għadhom jgħixu f'faqar esterm u l-ħtiġijiet ta' żvilupp uman ta' ħafna aktar għadhom mhux qed jiġu sodisfatti. L-inugwaljanzi fi ħdan il-pajjiżi żdiedu fil-biċċa l-kbira tad-dinja. L-ambjent naturali jinsab taħt pressjoni li dejjem tiżdied u l-pajjiżi li qed jiżviluppaw huma affettwati b’mod partikularment qawwi mill-effetti tat-tibdil fil-klima. Dawn l-isfidi huma universali u marbutin ma’ xulxin u jeħtieġ li jiġu indirizzati flimkien mill-pajjiżi kollha.

(8) Huwa vitali li jkun hemm appoġġ kontinwu fil-kooperazzjoni għall-iżvilupp f’dinja li qed tinbidel malajr. Madwar 1.3 biljun ruħ għadhom jgħixu f'faqar estrem u l-ħtiġijiet ta' żvilupp uman ta' ħafna aktar għadhom mhux qed jiġu sodisfati. L-inugwaljanzi fi ħdan il-pajjiżi żdiedu fil-biċċa l-kbira tad-dinja. Fil-programmi ta' għajnuna għall-iżvilupp tal-UE għandu jitqies b'mod serju l-fatt li n-nisa u l-bniet huma iktar vulnerabbli għall-faqar, il-ġuħ, l-illitteriżmu, il-mard u kull tip ta' sfruttament. L-inugwaljanzi fi ħdan il-pajjiżi żdiedu fil-biċċa l-kbira tad-dinja. L-ambjent naturali jinsab taħt pressjoni li dejjem qed tiżdied u l-pajjiżi li qed jiżviluppaw huma affettwati b’mod partikularment qawwi mill-effetti tat-tibdil fil-klima. Dawn l-isfidi huma universali u marbutin ma’ xulxin u jeħtieġ li jiġu indirizzati mill-pajjiżi kollha flimkien.

Test propost mill-Kummissjoni

Emenda

(11) L-2015 għandha tkun sena emblematika u kruċjali, peress li hija l-aħħar sena biex jintlaħqu l-Għanijiet ta’ Żvilupp tal-Millennju (MDGs), li dwarhom kien hemm qbil kollettiv, u b’hekk teżisti opportunità unika biex jiġu evalwati l-impenji internazzjonali li ttieħdu sa mis-sena 2000. L-2015 se tkun ukoll is-sena li fiha għandha tittieħed deċiżjoni internazzjonali ewlenija dwar il-qafas għall-iżvilupp li se jieħu post il-qafas tal-MDG tul id-deċennji li ġejjin.

(11) L-2015 għandha tkun sena emblematika u kruċjali, peress li hija l-aħħar sena biex jintlaħqu l-Għanijiet ta’ Żvilupp tal-Millennju (MDGs), li dwarhom kien hemm qbil kollettiv, u b’hekk teżisti opportunità unika biex jiġu evalwati l-impenji internazzjonali li ttieħdu sa mis-sena 2000, inklużi l-impenji li fihom konċentrazzjoni qawwija fuq l-ugwaljanza bejn is-sessi u l-għoti tas-setgħa lin-nisa li huma essenzjali għall-ilħiq tal-Għanijiet ta’ Żvilupp tal-Millennju (MDGs). L-2015 se tkun ukoll is-sena li fiha għandha tittieħed deċiżjoni internazzjonali ewlenija dwar il-qafas għall-iżvilupp li se jieħu post il-qafas tal-MDG tul id-deċennji li ġejjin.

Test propost mill-Kummissjoni

Emenda

(11a)

Fil-perspettiva tat-twettiq tal-Għanijiet tal-Millennju għall-Iżvilupp u fit-tfassil tal-qafas ta' wara l-2015 għall-iżvilupp, is-Sena Ewropea għall-Iżvilupp għandha tiffoka b'mod prattiku fuq ir-rwol determinanti li jista' jkollhom in-nisa fl-iżvilupp, partikolarment biex tonqos l-insikurezza tal-ikel u nutrizzjonali, billi jippromwovu b'mod parallel il-parteċipazzjoni tan-nisa fl-attivitajiet ekonomiċi, b'mod partikolari fl-agrikultura u l-ekonomija rurali.

Test propost mill-Kummissjoni

Emenda

(13a)

Is-Sena Ewropea għall-Iżvilupp għandha tqajjem kuxjenza dwar kull sura ta' diskriminazzjoni li jiffaċċjaw in-nisa u t-tfajliet f'għadd ta' reġjuni, partikolarment f'dak li hu aċċess għall-edukazzjoni, l-impjiegi u s-sistemi ta' kura tas-saħħa kif ukoll dwar iż-żwieġ furzat, l-isfruttament sesswali u l-mutilazzjoni ġenitali u prattiki abbużivi oħra.

Test propost mill-Kummissjoni

Emenda

(17a) Il-Komunikazzjoni tal-Kummissjoni tal-2007 dwar l-Ugwaljanza bejn is-Sessi u l-Għoti tas-Setgħa lin-Nisa fil-Kooperazzjoni għall-Iżvilupp u l-konklużjonijiet relatati tal-Kunsill talbu li jiġu promossi objettivi u indikaturi dwar l-ugwaljanza bejn is-sessi billi jiġu assenjati kompiti u responsabilitajiet ċari biex id-donaturi jiġu ggwidati lejn dan il-għan fis-setturi kollha.

Test propost mill-Kummissjoni

Emenda

- li jiġi stimulat l-interess attiv taċ-ċittadini tal-UE u li jissaħħaħ ir-rwol li għandha l-UE bħala ta' quddiem nett fil-promozzjoni tal-ugwaljanza bejn is-sessi u l-għoti ta’ setgħa lin-nisa fl-iżvilupp, titqajjem kuxjenza u jiġu inkoraġġiti d-dibattitu dwar il-kooperazzjoni u l-kumbattiment tal-vjolenza kontra n-nisa, il-protezzjoni tan-nisa fil-konflitti armati u fi żminijiet ta’ gwerra kif ukoll għall-parteċipazzjoni tan-nisa fil-proċessi tal-bini tal-paċi, ir-rikostruzzjoni ta’ wara l-konflitti, il-għoti tas-setgħa lin-nisa permezz tas-sjieda tal-art, attivitajiet ekonomiċi fl-SMEs kif ukoll f’involviment politiku;

Test propost mill-Kummissjoni

Emenda

4a. Il-Kummissjoni għandha tiżgura li l-proġetti kollha tagħha għall-iżvilupp u ta' għajnuna jkunu effikaċi u mhux duplikati.

Test propost mill-Kummissjoni

Emenda

4. Fejn xieraq, u bla ħsara għall-objettivi u l-baġit tagħhom, il-programmi eżistenti li jikkontribwixxu għall-promozzjoni tal-iżvilupp jistgħu jsostnu s-Sena Ewropea.

4. Fejn xieraq, u bla ħsara għall-objettivi u l-baġit tagħhom, il-programmi eżistenti li jikkontribwixxu għall-promozzjoni tal-iżvilupp jistgħu jsostnu s-Sena Ewropea sakemm ma jkunx hemm duplikazzjoni.