RAPPORT dwar il-proposta għal direttiva tal-Parlament Ewropew u tal-Kunsill dwar il-kundizzjonijiet tad-dħul u tar-residenza ta' ċittadini ta' pajjiżi terzi għall-finijiet ta' impjieg b'ħiliet għolja

Test propost mill-Kummissjoni

Emenda

(1)  Il-Komunikazzjoni tal-Kummissjoni tat-3 ta' Marzu 2010 intitolata 'Ewropa 2020: Strateġija għal tkabbir intelliġenti, sostenibbli u inklużiv³⁰ tistabbilixxi l-objettiv tal-Unjoni li ssir ekonomija bbażata fuq l-għarfien u l-innovazzjoni, tnaqqas il-piż amministrattiv minn fuq l-impriżi u tqabbel aħjar tal-provvista tal-ħaddiema mat-talba għax-xogħol. Il-miżuri maħsuba biex jiffaċilitaw l-ammissjoni ta' ħaddiema b'ħiliet għolja minn pajjiżi terzi għandhom jiġu kkunsidrati f'dak il-kuntest usa'.

(1)  Il-Komunikazzjoni tal-Kummissjoni tat-3 ta' Marzu 2010 intitolata 'Ewropa 2020: Strateġija għal tkabbir intelliġenti, sostenibbli u inklużiv³⁰ tistabbilixxi l-objettiv tal-Unjoni li ssir ekonomija bbażata fuq l-għarfien u l-innovazzjoni, tnaqqas il-piż amministrattiv minn fuq l-impriżi u tqabbel aħjar il-provvista tal-ħaddiema mat-talba għax-xogħol u tidentifika l-ħtieġa għal politika komprensiva dwar il-migrazzjoni tal-ħaddiema, u għal integrazzjoni aħjar tal-migranti. Il-miżuri maħsuba biex jiffaċilitaw l-ammissjoni ta' ħaddiema b'ħiliet għolja minn pajjiżi terzi għandhom jiġu kkunsidrati f'dak il-kuntest usa'.

_________________

_________________

³⁰  COM(2010) 2020 finali

³⁰  COM(2010) 2020 finali

Test propost mill-Kummissjoni

Emenda

(3)  L-Aġenda Ewropea dwar il-Migrazzjoni adottata fit-13 ta' Mejju 2015 tappella għal skema attraenti mifruxa mal-UE kollha għal ċittadini ta' pajjiżi terzi bi kwalifiki għoljin, u tispeċifika li reviżjoni tad-Direttiva tal-Kunsill2009/50/KE³¹ hija meħtieġa biex tagħmilha iktar effettiva biex tattira t-talent lejn l-Unjoni u b'hekk jiġu indirizzati kemm l-isfidi demografiċi li qed tiffaċċja l-Unjoni u nuqqas ta' ħaddiema u ta' ħiliet f'setturi ewlenin tal-ekonomija tal-Unjoni.

(3)  L-Aġenda Ewropea dwar il-Migrazzjoni adottata fit-13 ta' Mejju 2015 tappella għal skema attraenti mifruxa mal-UE kollha għal ċittadini ta' pajjiżi terzi bi kwalifiki għoljin, u tispeċifika li reviżjoni tad-Direttiva tal-Kunsill 2009/50/KE³¹ hija meħtieġa biex tagħmilha iktar effettiva biex tattira t-talent lejn l-Unjoni u b'hekk jiġu indirizzati kemm l-isfidi demografiċi li qed tiffaċċja l-Unjoni u nuqqas ta' ħaddiema u ta' ħiliet f'setturi ewlenin tal-ekonomija tal-Unjoni, bl-għan ta' tkabbir ekonomiku u ekonomija tal-UE aktar kompetittiva.

_________________

_________________

³¹  Id-Direttiva tal-Kunsill 2009/50/KE tal-25 ta' Mejju 2009 dwar il-kundizzjonijiet ta' dħul u residenza ta' ċittadini ta' pajjiżi terzi għall-finijiet ta' impjieg bi kwalifiki għoljin (ĠU L 155, 18.6.2009, p. 17).

³¹  Id-Direttiva tal-Kunsill 2009/50/KE tal-25 ta' Mejju 2009 dwar il-kundizzjonijiet ta' dħul u residenza ta' ċittadini ta' pajjiżi terzi għall-finijiet ta' impjieg bi kwalifiki għoljin (ĠU L 155, 18.6.2009, p. 17).

Test propost mill-Kummissjoni

Emenda

(3a)  Il-Parlament Ewropew, fir-riżoluzzjoni tiegħu tat-12 ta' April 2016 dwar is-sitwazzjoni fil-Mediterran u l-ħtieġa ta' approċċ olistiku tal-UE għall-migrazzjoni, innota n-nuqqasijiet tad-Direttiva dwar il-Karta Blu tal-UE attwali, fosthom il-livell limitat ħafna ta' armonizzazzjoni li ġabet magħha. Huwa appella għal rieżami ambizzjuż u mmirat tad-Direttiva, inkluż dwar il-kwistjoni tal-kamp ta' applikazzjoni. Barra minn hekk, wara li fakkar li l-frammentazzjoni attwali tal-qafas leġiżlattiv tal-Unjoni li jirregola l-aċċess ta' ċittadini ta' pajjiżi terzi għall-impjieg fl-Unjoni tista' biss tikkontribwixxi biex jintlaħqu l-ħtiġijiet speċifiċi fuq żmien qasir, huwa appella wkoll lill-Unjoni biex tistabbilixxi, fuq perjodu ta' żmien medju u twil, aktar regoli ġenerali li jirregolaw id-dħul u r-residenza għal ċittadini ta' pajjiżi terzi li jkunu qed ifittxu impjieg fl-Unjoni, inkluż f'setturi b'pagi baxxi u medji.

Test propost mill-Kummissjoni

Emenda

(3b)  Il-popolazzjoni fl-età tax-xogħol fl-Unjoni hija mistennija li tonqos b'7,5 miljuni sal-2020^1a u l-projezzjonijiet dwar l-iżvilupp tal-ħtiġijiet tas-suq tax-xogħol fl-Unjoni jindikaw nuqqasijiet emerġenti u futuri f'oqsma speċifiċi.

_________________

^1a  Ara t-Taqsira Politika tal-EU-OECD Konġunta "Matching Economic Migration with Labour Market Needs in Europe" ("It-Tqabbil tal-Migrazzjoni Ekonomika mal-Ħtiġijiet tas-Suq tax-Xogħol fl-Ewropa"), Settembru 2014, p. 5.

Test propost mill-Kummissjoni

Emenda

(4)  Jeħtieġ li jiġu mwieġba l-isfidi identifikati fir-rapport ta' implimentazzjoni dwar id-Direttiva 2009/50/KE. L-Unjoni għandha timmira li tistabbilixxi skema aktar attraenti u effettiva għall-UE kollha għall-ħaddiema b'ħiliet għolja. L-approċċ tal-Unjoni dwar l-attrazzjoni ta' ħaddiema b'ħiliet għolja għandu jiġi armonizzat aktar u l-Karta Blu tal-UE għandha ssir l-għodda primarja f'dak ir-rigward bi proċeduri aktar mgħaġġla, kriterji tal-ammissjoni aktar flessibbli u inklużivi u drittijiet aktar estensivi, inkluża mobbiltà aktar iffaċilitata ġewwa l-UE. Għalhekk, billi dan jinvolvi bidliet sostanzjali fid-Direttiva 2009/50/KE, dik id-Direttiva għandha titħassar u tinbidel b'Direttiva ġdida.

(4)  Jeħtieġ li jiġu mwieġba l-isfidi identifikati fir-rapport ta' implimentazzjoni dwar id-Direttiva 2009/50/KE. L-Unjoni għandha timmira li tistabbilixxi skema aktar attraenti u effettiva għall-UE kollha għall-ħaddiema b'ħiliet għolja. Ir-reviżjoni tad-Direttiva 2009/50/KE tipprovdi wkoll opportunità biex jittejbu l-mezzi legali ta’ migrazzjoni lejn l-Ewropa. L-approċċ tal-Unjoni dwar l-attrazzjoni ta' ħaddiema b'ħiliet għolja għandu jiġi armonizzat aktar u l-Karta Blu tal-UE għandha ssir l-għodda primarja f'dak ir-rigward bi proċeduri aktar mgħaġġla, kriterji tal-ammissjoni aktar flessibbli u inklużivi u drittijiet aktar estensivi, inkluża mobbiltà aktar iffaċilitata ġewwa l-UE. Għalhekk, billi dan jinvolvi bidliet sostanzjali fid-Direttiva 2009/50/KE, dik id-Direttiva għandha titħassar u tinbidel b'Direttiva ġdida.

Test propost mill-Kummissjoni

Emenda

(4a)  Sabiex tissaħħaħ u tiġi promossa l-iskema tal-Karta Blu tal-UE u jiġu attirati ħaddiema b'ħiliet għolja u jittejbu l-prospetti eknomiċi tagħhom, l-ambaxxati u d-delegazzjonijiet tal-UE u tal-Istati Membri fil-pajjiżi terzi jenħtieġ li jsaħħu l-attivitajiet ta' reklamar u l-kampanji ta' informazzjoni dwar il-Karta Blu tal-UE. Huma jenħtieġ li jiddisponu minn riżorsi umani u finanzjarji suffiċjenti biex jipprovdu informazzjoni dwar il-Karta Blu tal-UE liċ-ċittadini ta' pajjiżi terzi fit-territorju.

Test propost mill-Kummissjoni

Emenda

(4b)  Skont il-Komunikazzjoni tal-Kummissjoni dwar l-Implimentazzjoni tad-Direttiva 2009/50/KE fl-2014, 2,1% biss mill-benefiċjarji tal-Karta Blu matul l-ewwel fażi tal-implimentazzjoni fl-2012 ġew mill-Afrika sub-Saħarjana. Dan jista' jindika preferenzi razzjali impliċiti applikati biex jipprevjenu ċerti tipi ta' ħaddiema milli jaċċedu għal status aktar favorevoli (u b'hekk igawdu minn trattament indaqs għal ħaddiema oħra jew membri oħra tal-familja). In-nuqqas ta' diversità fost id-detenturi tal-Karta Blu jista' jirrifletti politiki u prattiki nazzjonali li jistgħu jipperpetwaw forom ta' diskriminazzjoni diretta, indiretta jew istituzzjonali lejn kandidati ġodda.

Test propost mill-Kummissjoni

Emenda

(5)  Għandha tinħoloq sistema ta' ammissjoni għall-UE kollha li tattira u żżomm il-ħaddiema b'ħiliet għolja fl-Unjoni. L-Istati Membri għandhom joħorġu Karta Blu tal-UE minflok permess nazzjonali għall-applikanti kollha li jaqgħu fil-kamp ta' applikazzjoni ta' din id-Direttiva. L-Istati Membri għandhom iżommu d-dritt li joħorġu permessi oħra minbarra l-Karta Blu tal-UE għal kwalunkwe fini ta' impjieg għal ċittadini ta' pajjiż terz li jaqgħu barra l-kamp ta' applikazzjoni ta' din id-Direttiva, soġġett għal-limitazzjonijiet li ġejjin minn direttivi oħra fil-qasam tal-migrazzjoni tal-ħaddiema.

(5)  Għandha tinħoloq sistema ta' ammissjoni ċara u trasparenti għall-UE kollha li tattira u żżomm il-ħaddiema b'ħiliet għolja fl-Unjoni u tippromwovi l-mobilità. L-Istati Membri għandhom joħorġu Karta Blu tal-UE għall-applikanti kollha li jaqgħu fil-kamp ta' applikazzjoni ta’ din id-Direttiva. L-Istati Membri għandhom iżommu d-dritt li joħorġu permessi oħra minbarra l-Karta Blu tal-UE għal kwalunkwe fini ta' impjieg għal ċittadini ta' pajjiż terz li jaqgħu barra l-kamp ta' applikazzjoni ta' din id-Direttiva, soġġett għal-limitazzjonijiet li ġejjin minn direttivi oħra fil-qasam tal-migrazzjoni tal-ħaddiema.

Test propost mill-Kummissjoni

Emenda

(5a)  Sakemm ma jdgħajjifx l-ispirtu ta' din id-Direttiva, l-Istati Membri huma mħeġġa japplikaw l-aħjar prattiki u l-aktar dispożizzjonijiet favorevoli fir-rigward ta' din id-Direttiva u b'mod partikolari f'dak li għandu x'jaqsam ma' salvagwardji proċedurali, tariffi, qgħad temporanju, trattament indaqs, dispożizzjonijiet dwar il-membri tal-familja u status ta' residenza fit-tul fl-UE għad-detenturi tal-Karta Blu tal-UE.

Test propost mill-Kummissjoni

Emenda

(5b)  F'dak il-kuntest, jenħtieġ li titqies l-espansjoni tal-aċċess għan-Netwerk tas-Servizzi Ewropej tax-Xogħol (EURES) sabiex l-opportunitajiet kollha tal-impjieg fl-Istati Membri jkunu aċċessibbli wkoll għaċ-ċittadini ta' pajjiżi terzi, peress li biex jiksbu permess tal-"Karta Blu tal-UE", dawk iċ-ċittadini ta 'pajjiżi terzi l-ewwel irid ikollhom offerta ta' impjieg. L-espansjoni tal-aċċess għall-EURES tippermetti liċ-ċittadini ta' pajjiżi terzi jagħmlu użu mill-assistenza u l-appoġġ neċessarju meta jużaw il-pjattaforma.

Test propost mill-Kummissjoni

Emenda

(6)  Il-kunċett ta' ħaddiem b'ħiliet għolja għandu jissostitwixxi l-kunċett ta' ħaddiem bi kwalifiki għolja sabiex jiġi enfasizzat li kemm il-kwalifiki tal-edukazzjoni formali kif ukoll l-esperjenza professjonali ekwivalenti għandhom jiġu kkunsidrati b'mod ugwali bħala kriterji għall-ammissjoni. Skont ir-Rakkomandazzjoni tal-Kunsill tal-20 ta' Diċembru 2012³², il-validazzjoni tal-eżiti tat-tagħlim, jiġifieri tal-kompetenzi (l-għarfien, il-ħiliet u l-attitudnijiet) li jinkisbu permezz tat-tagħlim mhux formali u informali jista' jkollhom rwol importanti fit-tisħiħ tal-impjegabbiltà u l-mobbiltà. Hija tirrakkomanda lill-Istati Membri jimplimentaw, sa mhux aktar tard mill-2018, arranġamenti għall-validazzjoni tat-tagħlim mhux formali u informali. Billi l-mekkaniżmi u l-arranġamenti għall-evalwazzjoni u l-validazzjoni tal-esperjenza professjonali mhumiex faċilment disponibbli fl-Istati Membri kollha, għandu jiġi pprovdut perjodu ta' traspożizzjoni addizzjonali ta' sentejn wara d-dħul fis-seħħ ta' din id-Direttiva għad-dispożizzjonijiet relatati mar-rikonoxximent tal-esperjenza professjonali sabiex l-Istati Membri jkunu jistgħu, fejn meħtieġ, jiżviluppaw tali mekkaniżmi u arranġamenti. Il-Punti ta' Kuntatt Nazzjonali tal-Istati Membri dwar il-Karta Blu tal-UE għandhom jiġu involuti f'kooperazzjoni effettiva ma' partijiet interessati u netwerks fis-setturi tal-edukazzjoni, tat-taħriġ, tal-impjiegi u taż-żgħażagħ, kif ukoll f'oqsma ta' politika rilevanti oħrajn, għall-finijiet tar-rikonoxximent tal-esperjenza professjonali skont din id-Direttiva.

(6)  Il-kunċett ta' ħaddiem b'ħiliet għolja għandu jissostitwixxi l-kunċett ta' ħaddiem bi kwalifiki għolja sabiex jiġi enfasizzat li kemm il-kwalifiki tal-edukazzjoni formali kif ukoll l-esperjenza professjonali ekwivalenti għandhom jiġu kkunsidrati b'mod ugwali bħala kriterji għall-ammissjoni. Skont ir-Rakkomandazzjoni tal-Kunsill tal-20 ta' Diċembru 2012³², il-validazzjoni tal-eżiti tat-tagħlim, jiġifieri tal-kompetenzi (l-għarfien, il-ħiliet u l-attitudnijiet) li jinkisbu permezz tat-tagħlim mhux formali u informali jista' jkollhom rwol importanti fit-tisħiħ tal-impjegabbiltà u l-mobbiltà. Hija tirrakkomanda lill-Istati Membri jimplimentaw, sa mhux aktar tard mill-2018, arranġamenti għall-validazzjoni tat-tagħlim mhux formali u informali. Billi l-mekkaniżmi u l-arranġamenti għall-evalwazzjoni u l-validazzjoni tal-esperjenza professjonali mhumiex faċilment disponibbli fl-Istati Membri kollha, il-perjodu ta' traspożizzjoni għal din id-Direttiva jenħtieġ li jqis dak il-fattur biex jippermetti lill-Istati Membri, fejn ikun meħtieġ, jiżviluppaw tali mekkaniżmi u arranġamenti. L-Istati Membri jenħtieġ li jikkonsultaw lis-sħab soċjali meta jkunu qed jiżviluppaw tali mekkaniżmi u arranġamenti. Il-Punti ta' Kuntatt Nazzjonali tal-Istati Membri dwar il-Karta Blu tal-UE għandhom jiġu involuti f'kooperazzjoni effettiva ma' partijiet interessati u netwerks fis-setturi tal-edukazzjoni, tat-taħriġ, tal-impjiegi u taż-żgħażagħ, kif ukoll f'oqsma ta' politika rilevanti oħrajn, għall-finijiet tar-rikonoxximent tal-esperjenza professjonali skont din id-Direttiva.

__________________

__________________

³²  Ir-Rakkomandazzjoni tal-Kunsill tal-20 ta' Diċembru 2012 dwar il-validazzjoni tat-tagħlim mhux formali u informali (2012/C 398/01) (ĠU C 398, 22.12.2012, p. 1).

³²  Ir-Rakkomandazzjoni tal-Kunsill tal-20 ta' Diċembru 2012 dwar il-validazzjoni tat-tagħlim mhux formali u informali (2012/C 398/01) (ĠU C 398, 22.12.2012, p. 1).

³³  Rakkomandazzjoni tal-Parlament Ewropew u tal-Kunsill tat-18 ta' Diċembru 2006 dwar kompetenzi ewlenin għat-tagħlim tul il-ħajja (ĠU L 394, 30.12.2006, p. 10).

³³  Rakkomandazzjoni tal-Parlament Ewropew u tal-Kunsill tat-18 ta' Diċembru 2006 dwar kompetenzi ewlenin għat-tagħlim tul il-ħajja (ĠU L 394, 30.12.2006, p. 10).

Test propost mill-Kummissjoni

Emenda

(6a)  Mill-inqas sal-istabbiliment ta' arranġamenti bħal dawn għall-validazzjoni ta' tagħlim mhux formali u informali, kull applikant jenħtieġ li jkun meħtieġ jippreżenta provi ta' esperjenza professjonali ta' mill-inqas 3 snin bħal pereżempju rakkomandazzjonijiet ta' impjegaturi preċedenti, kuntratti tax-xogħol preċedenti, referenzi tax-xogħol jew ċertifikati ta' impjieg qabel.

Test propost mill-Kummissjoni

Emenda

(6b)  Meta jittrasponu din id-Direttiva u sabiex iwieġbu aħjar għall-ħtiġijiet tas-suq tax-xogħol tal-Unjoni, l-Istati Membri u l-Kummissjoni jenħtieġ li jiġbru data u jelenkaw is-setturi tal-impjieg jew iż-żoni ġeografiċi fejn hemm nuqqasijiet tal-impjieg jew fejn il-postijiet tax-xogħol battala diffiċli biex jimtlew u jikkomunikaw din l-informazzjoni pubblikament.

Test propost mill-Kummissjoni

Emenda

(6c)  Fir-rigward ta' kwalifiki ta' edukazzjoni ogħla u ħiliet professjonali ogħla ta' applikanti għal, jew benefiċjarji ta', protezzjoni internazzjonali li jirrisjedu fit-territorju tal-Unjoni li m'għandhomx id-dokumenti meħtieġa biex jagħtu prova tal-kwalifiki tagħhom u/jew tal-ħiliet professjonali, l-Istati Membri għandhom jiġu mħeġġa jistabbilixxu valutazzjonijiet tal-ħiliet u l-għarfien xierqa li jippermettu d-determinazzjoni tal-livell ta' kwalifiki tagħhom u/jew tal-ħiliet professjonali.

Test propost mill-Kummissjoni

Emenda

(7)  Id-Direttiva ma għandhiex taffettwa d-dritt tal-Istati Membri li jiddeterminaw il-volumi ta' ammissjoni taċ-ċittadini ta' pajjiżi terzi li jaslu fit-territorju tagħhom minn pajjiżi terzi sabiex ifittxu xogħol skont l-Artikolu 79(5) tat-Trattat. Abbażi ta' dan, l-Istati Membri għandhom ikunu jistgħu jqisu applikazzjoni għal Karta Blu tal-UE bħala inammissibbli jew inkella jirrifjutawha. Billi l-Artikolu 79(5) tat-TFUE jirreferi biss għal ċittadini ta' pajjiżi terzi li ġejjin minn pajjiżi terzi, id-dritt li jiġu ddeterminati l-volumi ta' ammissjoni ma japplikax f'sitwazzjonijiet fejn ċittadin ta' pajjiż terz ikun diġà ġie ammess fit-territorju tal-Istati Membri skont din id-Direttiva u qed ifittex li jkompli l-perjodu ta' residenza fl-istess Stat Membru jew fit-tieni Stat Membru.

(7)  Id-Direttiva ma għandhiex taffettwa d-dritt tal-Istati Membri li jiddeterminaw il-volumi ta' ammissjoni taċ-ċittadini ta' pajjiżi terzi li jaslu fit-territorju tagħhom minn pajjiżi terzi sabiex ifittxu xogħol skont l-Artikolu 79(5) tat-Trattat. Billi l-Artikolu 79(5) tat-TFUE jirreferi biss għal ċittadini ta' pajjiżi terzi li ġejjin minn pajjiżi terzi, id-dritt li jiġu ddeterminati l-volumi ta' ammissjoni ma japplikax f'sitwazzjonijiet fejn ċittadin ta' pajjiż terz ikun diġà ġie ammess fit-territorju tal-Istati Membri skont din id-Direttiva u qed ifittex li jkompli l-perjodu ta' residenza fl-istess Stat Membru jew fit-tieni Stat Membru.

Test propost mill-Kummissjoni

Emenda

(8)  Benefiċjarji ta' protezzjoni internazzjonali kif definit fl-Artikolu 2(a) tad-Direttiva 2011/95/UE tal-Parlament Ewropew u tal-Kunsill³⁴ għandhom sett wiesa' ta' drittijiet inkluż aċċess għas-suq tax-xogħol fl-Istat Membru li jkun tahom protezzjoni. Sabiex tkompli tiġi promossa l-inklużjoni soċjali ta' dawn il-persuni u jittejbu l-opportunitajiet tagħhom fis-suq tax-xogħol madwar l-Unjoni, dawk li għandhom ħiliet għolja għandhom ikunu intitolati li japplikaw għal Karta Blu tal-UE. Huma għandhom ikunu soġġetti għall-istess regoli bħal kwalunkwe ċittadin ieħor ta' pajjiż terz li jaqa' barra mill-kamp ta' applikazzjoni ta' din id-Direttiva, waqt li jżommu l-istatus ta' benefiċjarju ta' protezzjoni internazzjonali u dak ta' detentur ta' Karta Blu tal-UE b'mod parallel. Madankollu, għal raġunijiet ta' ċarezza legali u koerenza, id-dispożizzjonijiet ta' din id-Direttiva dwar it-trattament indaqs u r-riunifikazzjoni tal-familja ma għandhomx japplikaw għal dan il-grupp ta' detenturi tal-Karta Blu tal-UE fl-Istat Membru li tahom il-protezzjoni internazzjonali. Dawk id-drittijiet għandhom jibqgħu regolati skont l-acquis dwar l-asil u, fejn applikabbli, id-Direttiva tal-Kunsill 2003/86/KE³⁵.

(8)  Benefiċjarji ta' protezzjoni internazzjonali u ċerti kategoriji ta' applikanti għal protezzjoni internazzjonali għandhom sett wiesa' ta' drittijiet inkluż aċċess għas-suq tax-xogħol fl-Istat Membru li jkun tahom protezzjoni jew li huma responsabbli mill-applikazzjoni tagħhom għal protezzjoni internazzjonali. Sabiex tkompli tiġi promossa l-inklużjoni soċjali ta' dawn il-persuni u jittejbu l-opportunitajiet tagħhom fis-suq tax-xogħol madwar l-Unjoni, dawk li għandhom ħiliet għolja għandhom ikunu intitolati li japplikaw għal Karta Blu tal-UE. Huma għandhom ikunu soġġetti għall-istess regoli bħal kwalunkwe ċittadin ieħor ta' pajjiż terz li jaqa' fil-kamp ta' applikazzjoni ta' din id-Direttiva, waqt li jżommu l-istatus ta' benefiċjarju ta' protezzjoni internazzjonali, jew applikant għal protezzjoni internazzjonali, u detentur tal-Karta Blu tal-UE b'mod parallel. Madankollu, għal raġunijiet ta’ ċarezza legali u koerenza, id-dispożizzjonijiet ta’ din id-Direttiva dwar it-trattament indaqs u r-riunifikazzjoni tal-familja ma għandhomx japplikaw għal rifuġjati li jkunu detenturi tal-Karta Blu tal-UE fl-Istat Membru li tahom il-protezzjoni internazzjonali. Dawk id-drittijiet għandhom jibqgħu regolati skont l-acquis dwar l-asil u, fejn applikabbli, id-Direttiva tal-Kunsill 2003/86/KE³⁵.

__________________

__________________

³⁴  Id-Direttiva 2011/95/UE tal-Parlament Ewropew u tal-Kunsill tat-13 ta' Diċembru 2011 dwar standards għall-kwalifika ta' ċittadini nazzjonali ta' pajjiżi terzi jew persuni apolidi bħala benefiċjarji ta' protezzjoni internazzjonali, għal stat uniformi għar-refuġjati jew għal persuni eliġibbli għal protezzjoni sussidjarja, u għall-kontenut tal-protezzjoni mogħtija (riformulazzjoni) (ĠU L 337, 20.12.2011, p. 9).

³⁴  Id-Direttiva 2011/95/UE tal-Parlament Ewropew u tal-Kunsill tat-13 ta' Diċembru 2011 dwar standards għall-kwalifika ta' ċittadini nazzjonali ta' pajjiżi terzi jew persuni apolidi bħala benefiċjarji ta' protezzjoni internazzjonali, għal stat uniformi għar-refuġjati jew għal persuni eliġibbli għal protezzjoni sussidjarja, u għall-kontenut tal-protezzjoni mogħtija (riformulazzjoni) (ĠU L 337, 20.12.2011, p. 9).

³⁵  Id-Direttiva tal-Kunsill 2003/86/KE tat-22 ta' Settembru 2003 dwar id-dritt għal riunifikazzjoni tal-familja (ĠU L 251, 3.10.2003, p. 12).

³⁵  Id-Direttiva tal-Kunsill 2003/86/KE tat-22 ta' Settembru 2003 dwar id-dritt għal riunifikazzjoni tal-familja (ĠU L 251, 3.10.2003, p. 12).

Test propost mill-Kummissjoni

Emenda

(8a)  Meta dawn jaqgħu fi ħdan il-kamp ta’ applikazzjoni ta’ din id-Direttiva, l-applikanti għal protezzjoni internazzjonali għandhom ikunu soġġetti għall-istess regoli bħal kwalunkwe ċittadin ieħor ta’ pajjiż terz li jaqa’ fil-kamp ta’ applikazzjoni ta’ din id-Direttiva. Fejn applikazzjoni għal protezzjoni internazzjonali tkun sospiża bħala riżultat tal-għoti ta’ Karta Blu tal-UE, l-Istat Membru responsabbli minn dik l-applikazzjoni ma għandux iqis l-applikazzjoni bħala rtirata b’mod impliċitu.

Test propost mill-Kummissjoni

Emenda

(9)  It-trasferiment tar-responsabbiltà għall-protezzjoni tal-benefiċjarji ta' protezzjoni internazzjonali jaqa' barra mill-kamp ta' applikazzjoni ta' din id-Direttiva: l-istatus ta' protezzjoni u d-drittijiet assoċjati miegħu ma għandhomx jiġu ttrasferiti lil Stat Membru ieħor abbażi tal-ħruġ ta' Karta Blu tal-UE.

(9)  It-trasferiment tar-responsabbiltà għall-protezzjoni tal-benefiċjarji ta' protezzjoni internazzjonali jew responsabbiltà għall-applikazzjonijiet għal protezzjoni internazzjonali jaqa' barra mill-kamp ta' applikazzjoni ta' din id-Direttiva: dawk l-istatus u d-drittijiet assoċjati magħhom ma għandhomx jiġu ttrasferiti lil Stat Membru ieħor abbażi tal-ħruġ ta' Karta Blu tal-UE.

Test propost mill-Kummissjoni

Emenda

(11)  Din id-Direttiva ma għandhiex tapplika għall-kategoriji ta' ċittadini ta' pajjiżi terzi li għalihom tapplika skema partikolari skont il-liġi tal-Unjoni, b'kundizzjonijiet tad-dħul speċifiċi u settijiet ta' drittijiet, meta l-inklużjoni ta' dawk il-kategoriji f'din id-Direttiva tmur kontra l-motiv tal-iskema partikolari, toħloq kumplessità legali bla bżonn jew tinvolvi riskju ta' abbużi. Din id-Direttiva ma għandhiex tapplika għal ċittadini ta' pajjiż terz li japplikaw għal residenza fi Stat Membru bħala riċerkaturi sabiex iwettqu proġett ta' riċerka, minħabba li dawn jaqgħu fil-kamp ta' applikazzjoni tad-Direttiva (UE) 2016/801 tal-Parlament Ewropew u tal-Kunsill³⁷ li tintroduċi proċedura speċifika għall-ammissjoni ta' ċittadini ta' pajjiżi terzi għall-finijiet ta' riċerka. Madankollu, ladarba jiġu ammessi skont id-Direttiva (UE 2016/801, ir-riċerkaturi li jkunu qegħdin jirrisjedu legalment għandhom ikunu intitolati li japplikaw għal Karta Blu tal-UE skont din id-Direttiva għal finijiet oħrajn minbarra dawk koperti mid-Direttiva (UE) 2016/801.

(11)  Din id-Direttiva ma għandhiex tapplika għal ċittadini ta' pajjiż terz li japplikaw għal residenza fi Stat Membru bħala riċerkaturi sabiex iwettqu proġett ta' riċerka, minħabba li dawn jaqgħu fil-kamp ta' applikazzjoni tad-Direttiva (UE) 2016/801 tal-Parlament Ewropew u tal-Kunsill³⁷ li tintroduċi proċedura speċifika għall-ammissjoni ta' ċittadini ta' pajjiżi terzi għall-finijiet ta' riċerka. Madankollu, ladarba jiġu ammessi skont id-Direttiva (UE 2016/801, ir-riċerkaturi li jkunu qegħdin jirrisjedu legalment għandhom ikunu intitolati li japplikaw għal Karta Blu tal-UE skont din id-Direttiva għal finijiet oħrajn minbarra dawk koperti mid-Direttiva (UE) 2016/801. Bl-istess mod, detenturi ta' Karta Blu tal-UE li jirrisjedu legalment jenħtieġ li jkunu intitolati li japplikaw biex jirrisjedu bħala riċerkaturi skont id-Direttiva (UE) 2016/801. Id-dispożizzjonijiet ta' dik id-Direttiva jenħtieġ li jiġu ċċarati sabiex tkun żgurata tali possibbiltà.

__________________

__________________

³⁷  Direttiva (UE) 2016/801 tal-Parlament Ewropew u tal-Kunsill tal-11 ta' Mejju 2016 dwar il-kundizzjonijiet ta' dħul u residenza ta' ċittadini ta' pajjiżi terzi għall-finijiet ta' riċerka, studji, taħriġ, servizz volontarju, skemi ta' skambju ta' skulari jew proġetti edukattivi u au pairing (ĠU L 132, 21.05.2016, p. 21).

³⁷  Direttiva (UE) 2016/801 tal-Parlament Ewropew u tal-Kunsill tal-11 ta' Mejju 2016 dwar il-kundizzjonijiet ta' dħul u residenza ta' ċittadini ta' pajjiżi terzi għall-finijiet ta' riċerka, studji, taħriġ, servizz volontarju, skemi ta' skambju ta' skulari jew proġetti edukattivi u au pairing (ĠU L 132, 21.05.2016, p. 21).

Test propost mill-Kummissjoni

Emenda

(13)  Jeħtieġ li tiġi prevista sistema ta' ammissjoni flessibbli li tkun tiddependi fuq id-domanda u bbażata fuq kriterji oġġettivi, bħal kuntratt ta' xogħol jew offerta vinkolanti ta' impjieg ta' mill-inqas 6 xhur, limitu ta' salarju adattabbli mill-Istat Membru għas-sitwazzjoni fis-suq tax-xogħol tiegħu u kwalifiki professjonali ogħla.

(13)  Jeħtieġ li tiġi prevista sistema ta' ammissjoni flessibbli, ċara u ibbilanċjta li tkun tiddependi fuq id-domanda u bbażata fuq kriterji oġġettivi, bħal kuntratt ta' xogħol jew offerta vinkolanti ta' impjieg ta' mill-inqas disa' xhur, konformità mal-liġijiet applikabbli, il-ftehimiet kollettivi jew il-prattiki nazzjonali fil-fergħat rilevanti relatati max-xogħol, limitu ta' salarju adattabbli mill-Istat Membru għas-sitwazzjoni fis-suq tax-xogħol tiegħu u kwalifiki ta' edukazzjoni ogħla jew ħiliet professjonali ogħla.

Test propost mill-Kummissjoni

Emenda

(15)  Sabiex jiġi żgurat livell suffiċjenti ta' armonizzazzjoni fil-kundizzjonijiet tal-ammissjoni madwar l-Unjoni kollha, għandhom jiġu ddeterminati l-fatturi minimi u massimi għall-kalkolu tal-limitu tas-salarju. L-Istati Membri għandhom jistabbilixxu l-limitu tagħhom abbażi tas-sitwazzjoni u l-organizzazzjoni tas-swieq tax-xogħol rispettivi tagħhom u l-linji politiċi dwar l-immigrazzjoni ġenerali tagħhom.

(15)  Minbarra l-kundizzjonijiet stipulati f'din id-Direttiva, meta jkunu qed jittrasponuwha, l-Istati Membri għandhom jiffissaw limitu tas-salarju bi qbil mas-sħab soċjali. Dak il-limitu tas-salarju għandu jkun mill-inqas 1.0 iżda mhux aktar minn 1.4 darbiet aktar mis-salarju annwali gross medju fl-Istat Membru kkonċernat. L-Istati Membri jistgħu, bi ftehim mas-sħab soċjali, jiddeċiedu li ma jistabbilixxux limitu ta' salarju f'ċerti mill-fergħat okkupazzjonali fejn huwa miftiehem li dan il-limitu mhuwiex meħtieġ. Dan jista’ jkun il-każ meta ftehim kollettiv jirregola l-pagi li japplikaw f'dik il-fergħa okkupazzjonali. Il-prinċipju ta' trattament ugwali bħall-ħaddiema li huma ċittadini tal-Istat Membru ospitanti għandu jiġi rispettat.

Test propost mill-Kummissjoni

Emenda

(16)  Għandu jiġi stabbilit limitu ta' salarju aktar baxx għal professjonijiet speċifiċi fejn ikun meqjus mill-Istat Membru kkonċernat li hemm nuqqas partikolari ta' ħaddiema disponibbli u fejn tali professjonijiet ikunu jappartjenu għall-grupp ewlieni 1 jew 2 tal-klassifika ISCO ("Klassifika Internazzjonali Standard tal-Impjiegi").

imħassar

Test propost mill-Kummissjoni

Emenda

(17)  Għandu jiġi stabbilit ukoll limitu ta' salarju aktar baxx sabiex minnu jibbenifikaw iċ-ċittadini ta' pajjiżi terzi matul ċertu perjodu wara l-gradwazzjoni tagħhom. Dan il-perjodu għandu jingħata kull darba li ċ-ċittadin ta' pajjiż terz jilħaq livell ta' edukazzjoni rilevanti għall-finijiet ta' din id-Direttiva, jiġifieri l-livelli 6, 7 jew 8 tal-ISCED 2011, jew il-livelli 6, 7 u 8 tal-EQF, skont il-liġi nazzjonali tal-Istat Membru kkonċernat. Huwa għandu japplika kull meta ċ-ċittadin ta' pajjiż terz japplika għal Karta Blu tal-UE inizjali jew imġedda fi żmien tliet snin mid-data tal-kisba tal-kwalifiki u, barra minn hekk, meta dak iċ-ċittadin ta' pajjiż terz japplika għall-ewwel tiġdid tal-Karta Blu tal-UE u meta l-Karta Blu tal-UE inizjali tkun inħarġet għal perjodu iqsar minn 24 xahar. Wara li jgħaddu dawn il-perjodi ta' grazzja – li jistgħu jiddekorru b'mod parallel – il-professjonisti żgħażagħ jistgħu jkunu mistennija b'mod raġonevoli li jkunu kisbu biżżejjed esperjenza professjonali sabiex jissodisfaw il-limitu tas-salarju regolari.

imħassar

Test propost mill-Kummissjoni

Emenda

(20)  L-Istati Membri għandhom jirrifjutaw l-applikazzjonijiet għal Karta Blu tal-UE u jkunu permessi jirtiraw jew jirrifjutaw li jġeddu Karta Blu tal-UE jekk ikun hemm theddida għall-politika pubblika, għas-sigurtà pubblika jew għas-saħħa pubblika. Kwalunkwe rifjut għal raġunijiet ta' politika pubblika jew sigurtà pubblika għandu jkun ibbażat fuq l-imġiba individwali tal-persuna kkonċernata, skont il-prinċipju ta' proporzjonalità. Mard jew diżabilità mġarrba wara li ċ-ċittadin ta' pajjiż terz ikun ġie ammess fit-territorju tal-ewwel Stat Membru ma għandhomx jikkostitwixxu r-raġuni waħdanija għall-irtirar jew għar-rifjut tat-tiġdid ta' Karta Blu tal-UE jew sabiex ma tinħariġx Karta Blu tal-UE fit-tieni Stat Membru.

(20)  L-Istati Membri għandhom ikunu intitolati jirrifjutaw l-applikazzjonijiet għal Karta Blu tal-UE u jkunu permessi jirtiraw jew jirrifjutaw li jġeddu Karta Blu tal-UE meta jkun hemm theddida provata għall-politika pubblika, għas-sigurtà pubblika jew għas-saħħa pubblika. Kwalunkwe rifjut għal raġunijiet ta' politika pubblika jew sigurtà pubblika għandu jkun ibbażat fuq l-imġiba individwali tal-persuna kkonċernata, skont il-prinċipju ta' proporzjonalità. Mard jew diżabilità mġarrba waqt li ċ-ċittadin ta' pajjiż terz ikun detentur ta' Karta Blu tal-UE ma għandhomx jikkostitwixxu raġuni għall-irtirar ta' Karta Blu tal-UE.

Test propost mill-Kummissjoni

Emenda

(21)  L-Istati Membri għandhom ikunu permessi li jirtiraw jew jirrifjutaw li jġeddu Karta Blu tal-UE meta d-detentur ta' Karta Blu tal-UE jkun naqas milli jikkonforma mal-kundizzjonijiet għall-mobbiltà skont din id-Direttiva jew ripetutament ikun eżerċita d-drittijiet tal-mobbiltà b'mod abbużiv, pereżempju, billi applika għal Karti Blu tal-UE fit-tieni Stat Membru u beda jaħdem immedjatament waqt li kien jidher b'mod ċar li l-kundizzjonijiet ma kinux ser jiġu ssodisfati u li l-applikazzjoni kienet ser tiġi rrifjutata.

(21)  L-Istati Membri għandhom ikunu permessi li jirtiraw jew jirrifjutaw li jġeddu Karta Blu tal-UE meta d-detentur ta' Karta Blu tal-UE jkun naqas milli jikkonforma mal-kundizzjonijiet għall-mobbiltà skont din id-Direttiva.

Test propost mill-Kummissjoni

Emenda

(22)  Kwalunkwe deċiżjoni li tirrifjuta applikazzjoni għal Karta Blu tal-UE jew li tirtira jew tirrifjuta li ġġedded Karta Blu tal-UE għandha tieħu f'kunsiderazzjoni ċ-ċirkostanzi speċifiċi tal-każ u tirrispetta l-prinċipju tal-proporzjonalità. B'mod partikolari, fejn ir-raġuni għar-rifjut tkun relatata mal-attività ta' min iħaddem, imġiba ħażina minuri ma għandhiex f'kull każ tikkostitwixxi l-unika bażi għar-rifjut ta' applikazzjoni jew għall-irtirar jew ir-rifjut tat-tiġdid tal-permess.

(22)  Kwalunkwe deċiżjoni li tirrifjuta applikazzjoni għal Karta Blu tal-UE jew li tirtira jew tirrifjuta li ġġedded Karta Blu tal-UE għandha tieħu f'kunsiderazzjoni ċ-ċirkostanzi speċifiċi tal-każ u tkun proporzjonata. B'mod partikolari, fejn ir-raġuni għar-rifjut, irtirar jew rifjut ta' tiġdid tkun relatata mal-imġiba ta' min iħaddem, imġiba ħażina minuri tal-impjegatur ma għandhiex f'kull każ tikkostitwixxi l-unika bażi għar-rifjut ta' applikazzjoni jew għall-irtirar jew ir-rifjut tat-tiġdid tal-permess.

Test propost mill-Kummissjoni

Emenda

(24)  Ir-regoli dwar il-ħinijiet tal-ipproċessar għall-applikazzjonijiet għal Karta Blu tal-UE għandhom jiggarantixxu l-ħruġ malajr tal-permessi fil-każijiet kollha. Il-ħin tal-ipproċessar għall-eżaminazzjoni tal-applikazzjoni għal Karta Blu tal-UE ma għandux jinkludi l-ħin meħtieġ għar-rikonoxximent tal-kwalifiki professjonali, fejn applikabbli, jew il-ħin meħtieġ għall-ħruġ ta' viża, jekk ikun meħtieġ.

(24)  Ir-regoli dwar il-ħinijiet tal-ipproċessar għall-applikazzjonijiet għal Karta Blu tal-UE għandhom jirriflettu l-għan li tiġi ffaċilitata l-ammissjoni ta' ċittadini ta' pajjiżi terzi b'ħiliet għolja. Il-ħin tal-ipproċessar għall-eżaminazzjoni tal-applikazzjoni għal Karta Blu tal-UE ma għandux jinkludi l-ħin meħtieġ għar-rikonoxximent tal-kwalifiki professjonali, fejn applikabbli, jew il-ħin meħtieġ għall-ħruġ ta' viża, jekk ikun meħtieġ. Biex jimmodernizzaw u jissimplifikaw il-proċedura ta' applikazzjoni tal-Karta Blu tal-UE, l-Istati Membri jenħtieġ li jikkunsidraw li jaċċettaw applikazzjonijiet elettroniċi.

Test propost mill-Kummissjoni

Emenda

(26)  L-Istati Membri kkonċernati għandhom jiżguraw li l-applikanti jkollhom id-dritt li jikkontestaw quddiem qorti jew tribunal kwalunkwe deċiżjoni ta' rifjut ta' applikazzjoni għal Karta Blu tal-UE, jew nuqqas ta' tiġdid jew irtirar ta' Karta Blu tal-UE. Dan huwa mingħajr preġudizzju għall-possibbiltà li tinħatar awtorità amministrattiva biex twettaq tali stħarriġ amministrattiv preliminari ta' dawn id-deċiżjonijiet.

(26)  L-Istati Membri kkonċernati għandhom jiżguraw li l-applikanti jkollhom id-dritt li jikkontestaw quddiem qorti jew tribunal deċiżjoni ta' rifjut ta' applikazzjoni għal Karta Blu tal-UE, jew deċiżjoni dwar nuqqas ta' tiġdid jew irtirar ta' Karta Blu tal-UE. L-Istati Membri jistgħu jaħtru wkoll awtorità amministrattiva biex twettaq tali stħarriġ amministrattiv preliminari ta’ dawn id-deċiżjonijiet.

Test propost mill-Kummissjoni

Emenda

(27)  Minħabba li d-detenturi tal-Karta Blu tal-UE huma ħaddiema b'ħiliet għolja li jikkontribwixxu għall-indirizzar tan-nuqqasijiet ta' ħaddiema u ħiliet f'setturi ewlenin, il-prinċipju tal-aċċess għas-suq tax-xogħol għandu jkun ir-regola ġenerali. Madankollu, f'ċirkostanzi fejn is-suq tax-xogħol domestiku jgħaddi minn disturbi serji, bħal livell għoli ta' qgħad fi professjoni jew settur partikolari, li jistgħu jkunu limitati għal reġjuni partikolari jew għal partijiet oħrajn tat-territorju, Stat Membru għandu jkun jista' jieħu f'kunsiderazzjoni s-sitwazzjoni tas-suq tax-xogħol tiegħu qabel joħroġ Karta Blu tal-UE.

(27)  Minħabba li d-detenturi tal-Karta Blu tal-UE huma ħaddiema b'ħiliet għolja li jikkontribwixxu għall-indirizzar tan-nuqqasijiet ta' ħaddiema u ħiliet f'setturi ewlenin, il-prinċipju tal-aċċess għas-suq tax-xogħol għandu jkun ir-regola ġenerali. F'ċirkostanzi fejn is-suq tax-xogħol domestiku jsofri livell għoli ta' qgħad fi professjoni jew settur partikolari, li jistgħu jkunu limitati għal reġjuni partikolari jew għal partijiet oħrajn tat-territorju, Stat Membru, wara li jikkonsulta mas-sħab soċjali, għandu jkun jista' jieħu f'kunsiderazzjoni s-sitwazzjoni tas-suq tax-xogħol tiegħu qabel joħroġ Karta Blu tal-UE.

Test propost mill-Kummissjoni

Emenda

(28)  F'każ li l-Istati Membri jiddeċiedu li jagħmlu użu minn din il-possibbiltà għal professjoni jew settur partikolari, possibbilment f'parti partikolari mit-territorju tagħhom, huma għandhom jinnotifikaw lill-Kummissjoni, fejn jispjegaw ir-raġunijiet ekonomiċi, soċjali u oħrajn li jiġġustifikaw id-deċiżjoni li jintroduċu tali test tas-suq tax-xogħol għat-12-il xahar li ġejjin u jerġgħu jagħmlu dan għal kull perjodu sussegwenti ta' 12-il xahar. L-Istati Membri jistgħu jinvolvu lill-imsieħba soċjali fil-valutazzjoni taċ-ċirkostanzi marbuta mas-suq tax-xogħol domestiku. Din il-verifika ma għandhiex tkun possibbli meta Karta Blu tal-UE tiġġedded fl-ewwel Stat Membru. Għall-Karti Blu tal-UE fit-tieni Stat Membru, il-kunsiderazzjoni tas-sitwazzjoni tas-suq tax-xogħol għandha tkun possibbli biss jekk dak l-Istat Membru jkun introduċa kontrolli għall-ewwel applikazzjonijiet għaċ-ċittadini ta' pajjiżi terzi li ġejjin minn pajjiżi terzi u wara notifika ġustifikata separata. F'każ li l-Istati Membri jiddeċiedu li jagħmlu użu minn din il-possibbiltà, huma għandhom jikkomunikaw dan b'mod ċar, aċċessibbli u trasparenti lill-applikanti u lill-impjegaturi, inkluż online.

(28)  F’każ li Stati Membru jiddeċiedi li jagħmeu użu minn din il-possibbiltà għal professjoni jew settur partikolari, possibbilment f’parti partikolari mit-territorju tiegħu, huwa għandu jinnotifika lill-Kummissjoni, fejn jispjega r-raġunijiet ekonomiċi, soċjali u oħrajn li jiġġustifikaw id-deċiżjoni li jintroduċi tali test tas-suq tax-xogħol għas-6 xhur li ġejjin u jaerġa’ jagħmel dan għal kull perjodu sussegwenti ta’ 6 xhur. L-Istati Membri jenħtieġ li jinvolvu lill-imsieħba soċjali fil-valutazzjoni taċ-ċirkostanzi marbuta mas-suq tax-xogħol domestiku. Dan it-test tas-suq tax-xogħol ma għandux ikun possibbli fejn detentur ta’ Karta Blu tal-UE jfittex li jġedded il-Karta Blu tal-UE tiegħu jew tagħha fl-ewwel Stat Membru. Fejn ċittadin ta’ pajjiż terz jinnotifika lit-tieni Stat Membru dwar l-intenzjoni tiegħu li jibda jaħdem f’dak l-Istat Membru, il-kunsiderazzjoni tas-sitwazzjoni tas-suq tax-xogħol meta li joġġezzjona għal tali notifika għandha tkun possibbli biss jekk dak l-Istat Membru jkun introduċa kontrolli għall-ewwel applikazzjonijiet għaċ-ċittadini ta’ pajjiżi terzi li ġejjin minn pajjiżi terzi u wara notifika ġustifikata separata. F'każ li l-Istati Membri jiddeċiedu li jagħmlu użu minn din il-possibbiltà, huma għandhom jikkomunikaw dan b'mod ċar, aċċessibbli u trasparenti lill-applikanti u lill-impjegaturi, inkluż online.

Test propost mill-Kummissjoni

Emenda

(29)  Fl-implimentazzjoni ta' din id-Direttiva, l-Istati Membri għandhom joqogħdu lura milli jwettqu reklutaġġ attiv f'setturi li qed ibatu minn nuqqas ta' persunal fil-pajjiżi li qed jiżviluppaw. Għandhom jiġu żviluppati linji politiċi u prinċipji ta' reklutaġġ etiku applikabbli għall-impjegaturi fis-settur pubbliku u f'dak privat f'setturi ewlenin, pereżempju, is-settur tas-saħħa. Dan hu konsistenti mal-impenn tal-UE għal 2010 Kodiċi Globali tad-WHO dwar ir-Reklutaġġ Internazzjonali tal-Persunal tas-Saħħa³⁹, flimkien mal-Kunsill u l-Istati Membri fl-14 ta’ Mejju 2007 dwar il-Programm Ewropew għal Azzjoni biex jiġi indirizzat in-nuqqas kritiku ta’ ħaddiema tas-saħħa fil-pajjżi li qed jiżviluppaw (2007–2013), u s-settur tal-edukazzjoni, kif adatt. Dawn il-prinċipji u l-linji politiċi għandhom jissaħħu permezz tal-iżvilupp u l-applikazzjoni ta' mekkaniżmi, linji gwida u għodod oħrajn maħsuba biex jiffaċilitaw, kif xieraq, il-migrazzjoni ċirkolari u temporanja, kif ukoll miżuri oħrajn li jnaqqsu l-impatti negattivi u jżidu l-impatti pożittivi tal-immigrazzjoni b'ħiliet għolja fuq il-pajjiżi li għadhom qegħdin jiżviluppaw sabiex l-"eżodu tal-imħuħ" jinbidel f'"kisba ta' mħuħ".

(29)  Fl-implimentazzjoni ta' din id-Direttiva, l-Istati Membri għandhom joqogħdu lura milli jwettqu reklutaġġ attiv f'setturi li qed ibatu minn nuqqas ta' persunal fil-pajjiżi li qed jiżviluppaw f'setturi prinċipali essenzjali għal żvilupp sostenibbli. Għandhom jiġu żviluppati linji politiċi u prinċipji ta' reklutaġġ etiku applikabbli għall-impjegaturi fis-settur pubbliku u f'dak privat f'setturi ewlenin, pereżempju, is-settur tas-saħħa. Dan hu konsistenti mal-impenn tal-UE għal 2010 Kodiċi Globali tad-WHO dwar ir-Reklutaġġ Internazzjonali tal-Persunal tas-Saħħa³⁹, flimkien mal-Kunsill u l-Istati Membri fl-14 ta’ Mejju 2007 dwar il-Programm Ewropew għal Azzjoni biex jiġi indirizzat in-nuqqas kritiku ta’ ħaddiema tas-saħħa fil-pajjżi li qed jiżviluppaw (2007–2013), u s-settur tal-edukazzjoni, kif adatt. Dawn il-prinċipji u l-linji politiċi għandhom jissaħħu permezz tal-iżvilupp u l-applikazzjoni ta' mekkaniżmi, linji gwida u għodod oħrajn maħsuba biex jiffaċilitaw, kif xieraq, il-migrazzjoni ċirkolari u temporanja, kif ukoll miżuri oħrajn li jnaqqsu l-impatti negattivi u jżidu l-impatti pożittivi tal-immigrazzjoni b'ħiliet għolja fuq il-pajjiżi li għadhom qegħdin jiżviluppaw sabiex l-"eżodu tal-imħuħ" jinbidel f'"kisba ta' mħuħ".

_________________

_________________

³⁹ Il-Kodiċi ta' Prattika Globali tal-WHO għar-Reklutaġġ Internazzjonali tal-Persunal fil-Qasam tal-Kura tas-Saħħa, adottat fil-21 ta' Mejju 2010 mit-tlieta u sittin Assemblea Dinjija tas-Saħħa fir-riżoluzzjoni WHA63.16.

³⁹ Il-Kodiċi ta' Prattika Globali tal-WHO għar-Reklutaġġ Internazzjonali tal-Persunal fil-Qasam tal-Kura tas-Saħħa, adottat fil-21 ta' Mejju 2010 mit-tlieta u sittin Assemblea Dinjija tas-Saħħa fir-riżoluzzjoni WHA63.16.

Test propost mill-Kummissjoni

Emenda

(30)  Għandha tiġi pprovduta proċedura ssimplifikata għall-impjegaturi li kienu rikonoxxuti għal dak l-iskop, li trid tkun fakultattiva għall-Istati Membri. L-istatus ta' impjegatur rikonoxxut għandu jġib miegħu faċilitazzjoni speċifika f'termini ta' proċeduri u kundizzjonijiet tal-ammissjoni – li tammonta għal proċedura ssimplifikata – skont din id-Direttiva u l-Istati Membri għandhom jinkludu biżżejjed salvagwardji kontra l-abbuż. Meta l-istatus ta' impjegatur rikonoxxut jiġi rtirat matul il-perjodu ta' validità ta' Karta Blu tal-UE maħruġa taħt il-proċedura ssimplifikata, għandhom japplikaw kundizzjonijiet ta' ammissjoni regolari mat-tiġdid ta' dik il-Karta Blu tal-UE, sakemm iċ-ċittadin ta' pajjiż terz ikkonċernat ma jkunx impjegat minn impjegatur rikonoxxut ieħor.

(30)  Għandha tiġi pprovduta proċedura ssimplifikata għall-impjegaturi li kienu rikonoxxuti għal dak l-iskop. L-istatus ta' impjegatur rikonoxxut għandu jġib miegħu faċilitazzjoni speċifika f'termini ta' proċeduri u kundizzjonijiet tal-ammissjoni – li tammonta għal proċedura ssimplifikata – skont din id-Direttiva u l-Istati Membri għandhom jinkludu biżżejjed salvagwardji kontra l-abbuż. Meta l-istatus ta' impjegatur rikonoxxut jiġi rtirat matul il-perjodu ta' validità ta' Karta Blu tal-UE maħruġa taħt il-proċedura ssimplifikata, għandhom japplikaw kundizzjonijiet ta' ammissjoni regolari mat-tiġdid ta' dik il-Karta Blu tal-UE, sakemm iċ-ċittadin ta' pajjiż terz ikkonċernat ma jkunx impjegat minn impjegatur rikonoxxut ieħor.

Test propost mill-Kummissjoni

Emenda

(34)  Il-kwalifiki professjonali miksubin minn ċittadin ta' pajjiż terz fi Stat Membru ieħor għandhom jiġu rikonoxxuti bl-istess mod kif isir għaċ-ċittadini tal-Unjoni. Il-kwalifiki miksubin f’pajjiż terz għandhom jiġu kkunsidrati konformement mad-Direttiva 2005/36/KE tal-Parlament Ewropew u tal-Kunsill⁴². Meta ċittadin ta' pajjiż terz ikun qed japplika għal Karta Blu tal-UE sabiex jipprattika professjoni mhux irregolata, l-Istati Membri għandhom jevitaw rekwiżiti formali eċċessivi u proċeduri ta' rikonoxximent sħiħ rigward il-kwalifiki, kull fejn tkun tista' tinkiseb biżżejjed evidenza b'mod ieħor.

(34)  Il-kwalifiki edukattivi, il-ħiliet professjonali u l-esperjenzi ta' xogħol miksubin minn ċittadin ta' pajjiż terz fi Stat Membru ieħor għandhom jiġu rikonoxxuti bl-istess mod kif isir għaċ-ċittadini tal-Unjoni. Il-kwalifiki miksubin f’pajjiż terz għandhom jiġu kkunsidrati konformement mad-Direttiva 2005/36/KE tal-Parlament Ewropew u tal-Kunsill⁴². Meta ċittadin ta' pajjiż terz ikun qed japplika għal Karta Blu tal-UE sabiex jipprattika professjoni mhux irregolata, l-Istati Membri għandhom jevitaw rekwiżiti formali eċċessivi u proċeduri ta' rikonoxximent sħiħ rigward il-kwalifiki, kull fejn tkun tista' tinkiseb biżżejjed evidenza b'mod ieħor.

__________________

__________________

⁴²  Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-rikonoxximent ta' kwalifiki professjonali (ĠU L 255, 30.9.2005, p. 22).

⁴²  Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-rikonoxximent ta' kwalifiki professjonali (ĠU L 255, 30.9.2005, p. 22).

Test propost mill-Kummissjoni

Emenda

(34a)  Ħafna ċittadini ta' pajjiżi terzi għandhom ħiliet u kwalifiki xierqa, iżda dawn normalment jinkisbu fi swieq tax-xogħol u sistemi edukattivi differenti. Għalhekk, l-Istati Membri u min iħaddem jenħtieġ li jiffokaw fuq it-titjib tal-proċeduri u l-metodi ta' taħriġ, ir-rikonoxximent u l-akkreditar tal-ħiliet u l-kwalifiki diġà miksuba minn ċittadini ta' pajjiżi terzi.

Test propost mill-Kummissjoni

Emenda

(35)  Id-drittijiet miksuba minn benefiċjarju ta' protezzjoni internazzjonali bħala detentur tal-Karta Blu tal-UE għandhom ikunu mingħajr preġudizzju għad-drittijiet li tgawdi l-persuna kkonċernata skont id-Direttiva 2011/95/UE u skont il-Konvenzjoni ta' Ġinevra fl-Istat Membru li ta l-istatus ta' protezzjoni. F'dak l-Istat Membru, sabiex jiġu evitati sitwazzjonijiet ta' regoli konfliġġenti, id-dispożizzjonijiet ta' din id-Direttiva dwar it-trattament indaqs u r-riunifikazzjoni tal-familja ma għandhomx japplikaw. Il-persuni li huma benefiċjarji ta' protezzjoni internazzjonali fi Stat Membru wieħed u d-detenturi ta' Karta Blu tal-UE fi Stat Membru ieħor għandhom igawdu l-istess drittijiet, inkluża l-ugwaljanza fit-trattament maċ-ċittadini tal-Istat Membru tar-residenza, bħal kwalunkwe detenturi oħrajn tal-Karta Blu tal-UE fl-Istat Membru msemmi l-aħħar.

(35)  Id-drittijiet miksuba minn benefiċjarju ta' protezzjoni internazzjonali bħala detentur tal-Karta Blu tal-UE għandhom ikunu mingħajr preġudizzju għad-drittijiet li tgawdi l-persuna kkonċernata skont id-Direttiva 2011/95/UE u skont il-Konvenzjoni ta' Ġinevra fl-Istat Membru li ta l-istatus ta' protezzjoni. F'dak l-Istat Membru, jenħtieġ li japplikaw dispożizzjonijiet aktar favorevoli ta' din id-Direttiva dwar it-trattament indaqs u r-riunifikazzjoni tal-familja. Il-persuni li huma benefiċjarji ta' protezzjoni internazzjonali fi Stat Membru, u li jsiru detenturi ta' Karta Blu tal-UE fi Stat Membru ieħor għandhom igawdu l-istess drittijiet, inkluża l-ugwaljanza fit-trattament maċ-ċittadini tal-Istat Membru tar-residenza u d-drittijiet ta' riunifikazzjoni tal-familja, bħal kwalunkwe detentur ieħor tal-Karta Blu tal-UE f’dak l-Istat Membru. L-applikanti għal protezzjoni internazzjonali jenħtieġ li jgawdu l-istess drittijiet, inkluża l-ugwaljanza fit-trattament maċ-ċittadini tal-Istat Membru ta' residenza u d-drittijiet ta' riunifikazzjoni tal-familja, bħal kwalunkwe detentur ieħor tal-Karta Blu tal-UE f'dak l-Istat Membru, irrispettivament mill-Istat Membru fejn ikunu ppreżentaw l-applikazzjoni tagħhom għall-protezzjoni internazzjonali. L-istatus ta' benefiċjarju ta' protezzjoni internazzjonali m'għandux jiġi affettwat mill-fatt li din il-persuna tkun ukoll detentur ta' Karta Blu tal-UE jew inkella mill-fatt li dik il-Karta Blu tal-UE tiskadi.

Test propost mill-Kummissjoni

Emenda

(36)  Il-kundizzjonijiet favorevoli għar-riunifikazzjoni tal-familja u l-aċċess bla xkiel tal-konjugi għax-xogħol għandhom ikunu element fundamentali ta' din id-Direttiva sabiex tiġi ffaċilitata l-attrazzjoni ta' ħaddiema b'ħiliet għolja. Għandhom jiġu previsti derogi speċifiċi mid-Direttiva tal-Kunsill 2003/86/KE sabiex jintlaħaq dan l-għan. Il-kundizzjonijiet relatati mal-integrazzjoni jew mal-perjodi ta' stennija ma għandhomx jiġu applikati qabel tkun permessa r-riunifikazzjoni tal-familja, minħabba li l-ħaddiema b'ħiliet għolja u l-familji tagħhom x'aktarx li jkollhom punt tat-tluq favorevoli fir-rigward tal-integrazzjoni fil-komunità ospitanti. Bil-għan li jiġi ffaċilitat id-dħul malajr tal-ħaddiema b'ħiliet għolja, il-permessi ta' residenza lill-membri tal-familja tagħhom għandhom jinħarġu fl-istess żmien li tinħareġ il-Karta Blu tal-UE, meta jiġu ssodisfati l-kundizzjonijiet rilevanti u meta l-applikazzjonijiet jiġu ppreżentati simultanjament.

(36)  Il-kundizzjonijiet favorevoli għar-riunifikazzjoni tal-familja u l-aċċess bla xkiel tal-konjugi għax-xogħol għandhom ikunu element fundamentali ta' din id-Direttiva sabiex tiġi ffaċilitata l-attrazzjoni ta' ħaddiema b'ħiliet għolja. Għandhom jiġu previsti derogi speċifiċi mid-Direttiva tal-Kunsill 2003/86/KE sabiex jintlaħaq dan l-għan. Sabiex tiżdied l-attrattività tal-Karta Blu tal-UE, il-kundizzjonijiet relatati mal-integrazzjoni jew mal-perjodi ta' stennija ma għandhomx jiġu applikati qabel tkun permessa r-riunifikazzjoni tal-familja, filwaqt li wieħed iżomm f'moħħu li detentur ta' Karta Blu tal-UE diġà għandu kuntratt ta' xogħol jew offerta vinkolanti ta' impjieg għal impjieg li jirrikjedi ħiliet għolja mal-wasla. Bil-għan li jiġi ffaċilitat id-dħul malajr tal-ħaddiema b'ħiliet għolja, il-permessi ta' residenza lill-membri tal-familja tagħhom għandhom jinħarġu fl-istess żmien li tinħareġ il-Karta Blu tal-UE, meta jiġu ssodisfati l-kundizzjonijiet rilevanti u meta l-applikazzjonijiet jiġu ppreżentati simultanjament.

Test propost mill-Kummissjoni

Emenda

(36a)  Skont id-Direttiva 2003/86/KE, l-Istati Membri jenħtieġ li jiġu mħeġġa jiżguraw li l-membri tal-familja ta' detenturi ta' Karta Blu tal-UE jingħataw permess ta' residenza awtonomu, indipendenti minn dak tad-detentur ta' Karta Blu tal-UE, fil-każ ta' rmulija, divorzju, separazzjoni, jew mewt ta' qraba tal-ewwel grad fil-linja diretta axxendenti jew dixxendenti.

Test propost mill-Kummissjoni

Emenda

(37)  Sabiex tattira ħaddiema b’ħiliet għoljin u jinkoraġġixxu soġġorn kontinwu tagħhom fl-Unjoni, filwaqt li jippermettu l-mobbiltà fi ħdan l-Unjoni kif ukoll il-migrazzjoni ċirkolari, id-derogi mid-Direttiva tal-Kunsill2003/109/KE⁴³ li għandhom ikunu previsti sabiex id-detenturi ta’ Karta Blu tal-UE jingħataw aċċess aktar faċli għal status ta’ residenti fit-tul tal-UE.

(37)  Sabiex jattiraw ħaddiema b’ħiliet għoljin u jinkoraġġixxu soġġorn kontinwu tagħhom fl-Unjoni, filwaqt li jippermettu l-mobbiltà fi ħdan l-Unjoni kif ukoll il-migrazzjoni ċirkolari, id-derogi mid-Direttiva tal-Kunsill 2003/109/KE⁴³ li għandhom ikunu previsti sabiex id-detenturi ta' Karta Blu tal-UE u l-membri tal-familja tagħhom jingħataw aċċess aktar faċli għal status ta' residenti fit-tul tal-UE.

_________________

_________________

⁴³  Direttiva tal-Kunsill 2003/109/KE tal-25 ta' Novembru 2003 dwar l-istatus ta' ċittadini ta' pajjiżi terzi li jkunu residenti għat-tul (ĠU L 16, 23.01.2004, p. 44).

⁴³  Direttiva tal-Kunsill 2003/109/KE tal-25 ta' Novembru 2003 dwar l-istatus ta' ċittadini ta' pajjiżi terzi li jkunu residenti għat-tul (ĠU L 16, 23.01.2004, p. 44).

Test propost mill-Kummissjoni

Emenda

(38)  Sabiex titrawwem il-mobbiltà tal-ħaddiema b'ħiliet għolja bejn l-Unjoni u l-pajjiżi tal-oriġini tagħhom, għandhom jiġu previsti derogi mid-Direttiva 2003/109/KE sabiex ikunu permessi perjodi itwal ta' assenza minn dawk previsti f'dik id-Direttiva wara li l-ħaddiema b'ħiliet għolja minn pajjiżi terzi jkunu kisbu l-istatus ta' residenti għal perjodu fit-tul fl-UE

imħassar

Test propost mill-Kummissjoni

Emenda

(40)  L-inċertezza legali eżistenti madwar il-vjaġġi għal finijiet ta' negozju tal-ħaddiema b'ħiliet għolja għandha tiġi indirizzata billi jiġi definit dan il-kunċett u tiġi stabbilita lista ta' attivitajiet li fi kwalunkwe każ għandhom jitqiesu bħala attivitajiet ta' negozju fl-Istati Membri kollha. It-tieni Stat Membru ma għandux ikun permess li jitlob mingħand id-detenturi ta' Karta Blu tal-UE, li jinvolvu ruħhom f'attivitajiet ta' negozju, permess tax-xogħol jew xi awtorizzazzjoni oħra minbarra l-Karta Blu tal-UE maħruġa mill-ewwel Stat Membru. Meta l-Karta Blu tal-UE tinħareġ minn Stat Membru li ma japplikax l-acquis tax-Schengen b'mod sħiħ, id-detentur tagħha għandu jkun intitolat għad-dħul u s-soġġorn f'wieħed jew aktar mit-tieni Stati Membri għall-finijiet ta' attività ta' negozju sa massimu ta' 90 jum fi kwalunkwe perjodu ta' 180 jum abbażi tal-Karta Blu tal-UE.

(40)  L-inċertezza legali eżistenti madwar il-vjaġġi għal finijiet ta' negozju tal-ħaddiema b'ħiliet għolja għandha tiġi indirizzata billi jiġi definit dan il-kunċett u tiġi stabbilita lista ta' attivitajiet li fi kwalunkwe każ għandhom jitqiesu bħala attivitajiet ta' negozju fl-Istati Membri kollha. It-tieni Stat Membru ma għandux ikun permess li jitlob mingħand id-detenturi ta' Karta Blu tal-UE, li jinvolvu ruħhom f'attivitajiet ta' negozju, permess tax-xogħol jew xi awtorizzazzjoni oħra minbarra l-Karta Blu tal-UE maħruġa mill-ewwel Stat Membru. Meta l-Karta Blu tal-UE tinħareġ minn Stat Membru li ma japplikax l-acquis tax-Schengen b'mod sħiħ, id-detentur tagħha għandu jkun intitolat għad-dħul u s-soġġorn f'wieħed jew aktar mit-tieni Stati Membri għall-finijiet ta' attività ta' negozju bi qbil ma' din id-Direttiva u r-Regolament (UE) 2016/399 tal-Parlament Ewropew u tal-Kunsill^1a dwar Kodiċi tal-Unjoni dwar il-Fruntieri.

_________________

^1a Regolament (UE) 2016/399 tal-Parlament Ewropew u tal-Kunsill tad-9 ta' Marzu 2016 dwar Kodiċi tal-Unjoni dwar ir-regoli li jirregolaw il-moviment ta' persuni min-naħa għall-oħra tal-fruntiera (Kodiċi tal-Fruntieri ta' Schengen) (ĠU L 77, 23 03 .2016, p. 1).

Test propost mill-Kummissjoni

Emenda

(41)  Id-detenturi ta' Karta Blu tal-UE għandhom jitħallew jiċċaqalqu għat-tieni Stat Membru taħt kundizzjonijiet issimplifikati meta għandhom l-intenzjoni li japplikaw għal Karta Blu tal-UE ġdida bbażata fuq servizz eżistenti, kuntratt tax-xogħol jew offerta vinkolanti ta' impjieg. It-tieni Stat Membru ma għandux ikun permess li jitlob mingħand id-detenturi ta' Karta Blu tal-UE xi awtorizzazzjoni oħra minbarra l-Karta Blu tal-UE maħruġa mill-ewwel Stat Membru. Hekk kif jippreżentaw applikazzjoni għal Karta Blu tal-UE fil-limitu ta' żmien previst f'din id-Direttiva, huma għandhom jitħallew jibdew jaħdmu. Fit-tieni Stat Membru, il-proċedura għall-ħruġ ta' Karta Blu tal-UE għandha tiġi ssimplifikata meta mqabbla mal-ewwel Karta Blu tal-UE; billi d-detentur mobbli ta' Karta Blu tal-UE diġà eżerċita attività li tirrikjedi ħiliet għolja fi Stat Membru wieħed għal ċertu perjodu ta' żmien, it-tieni Stat Membru ma għandux ikollu l-ħtieġa li jikkontrolla l-istess dettalji kollha għat-tieni darba. Madankollu, il-mobbiltà għandha tibqa' tiddependi fuq id-domanda u, għalhekk, għandu dejjem ikun meħtieġ kuntratt ta' xogħol fit-tieni Stat Membru u s-salarju għandu jilħaq il-limitu stabbilit mit-tieni Stat Membru skont din id-Direttiva.

(41)  Id-detenturi ta' Karta Blu tal-UE għandhom jitħallew jiċċaqalqu flimkien mal-familja tagħhom għat-tieni Stat Membru taħt il-Karta Blu tal-UE tagħhom soġġetti għal notifika fit-tieni Stat Membru dwar il-fatt li jkunu qed jiċċaqilqu lejn dak it-tieni Stat Membru għal finijiet ta' impjieg taħt il-Karta Blu tal-UE. It-tieni Stat Membru ma għandux ikun permess li jitlob mingħand id-detenturi ta' Karta Blu tal-UE xi awtorizzazzjoni oħra minbarra l-Karta Blu tal-UE maħruġa mill-ewwel Stat Membru. Meta d-detentur ta' Karta Blu tal-UE jkun ippreżenta n-notifika tiegħu fil-limitu ta' żmien previst f'din id-Direttiva, huwa għandu jitħalla jibda jaħdem. It-tieni Stat Membru jenħtieġ li jżomm id-dritt li joġġezzjona għall-mobbiltà, iżda l-proċedura jenħtieġ li tiġi ssimplifikata; billi d-detentur mobbli ta' Karta Blu tal-UE diġà eżerċita attività li tirrikjedi ħiliet għolja fi Stat Membru wieħed għal ċertu perjodu ta' żmien, it-tieni Stat Membru ma għandux ikollu l-ħtieġa li jikkontrolla l-istess dettalji kollha għat-tieni darba. Madankollu, għandu dejjem ikun meħtieġ kuntratt ta' xogħol fit-tieni Stat Membru, għandhom jiġu sodisfatti l-kundizzjonijiet kollha fil-liġijiet applikabbli, il-ftehimiet kollettivi jew il-prattiki fl-oqsma okkupazzjonali rilevanti jew is-salarju għandu jilħaq il-limitu stabbilit mit-tieni Stat Membru skont din id-Direttiva.

Test propost mill-Kummissjoni

Emenda

(42)  Filwaqt li huma pprovduti xi regoli speċjali f'din id-Direttiva rigward id-dħul u s-soġġorn fit-tieni Stat Membru għall-finijiet ta' attività ta' negozju, kif ukoll iċ-ċaqliq lejn it-tieni Stat Membru għall-finijiet ta' applikazzjoni għal Karta Blu tal-UE ġdida fit-territorju tiegħu, għandhom japplikaw ir-regoli l-oħrajn kollha li jirregolaw il-moviment tal-persuni tul il-fruntieri kif stabbiliti fid-dispożizzjonijiet rilevanti tal-acquis tax-Schengen.

(42)  Filwaqt li huma pprovduti xi regoli speċjali f'din id-Direttiva rigward id-dħul u s-soġġorn fit-tieni Stat Membru għall-finijiet ta' attività ta' negozju, kif ukoll iċ-ċaqliq lejn it-tieni Stat Membru biex wieħed jirrisjedi u jaħdem hemmhekk taħt il-Karta Blu tal-UE fit-territorju tiegħu, għandhom japplikaw ir-regoli l-oħrajn kollha li jirregolaw il-moviment tal-persuni tul il-fruntieri kif stabbiliti fid-dispożizzjonijiet rilevanti tal-acquis tax-Schengen.

Test propost mill-Kummissjoni

Emenda

(43)  Jekk il-Karta Blu tal-UE maħruġa minn Stat Membru li ma japplikax l-acquis ta’ Schengen bis-sħiħ u d-detentur tal-Karta Blu tal-UE, fis-sitwazzjonijiet ta' mobbiltà previsti f’din id-Direttiva, jaqsam fruntiera esterna skont ir-Regolament (UE) Nru 2016/399 tal-Parlament Ewropew u tal-Kunsill44, Stat Membru għandu jkun intitolat li jitlob evidenza li d-detentur tal-Karta Blu tal-UE jkun qed jidħol fit-territorju tiegħu għall-finijiet tal-attivitajiet tal-intrapriża jew sabiex wieħed japplika għal Karta Blu tal-UE ġdida bbażata fuq kuntratt tax-xogħol jew offerta vinkolanti ta’ impjieg. Fil-każ tal-mobbiltà għat-twettiq ta' attivitajiet ta' negozju, dak l-Istat Membru għandu jkun jista' jitlob evidenza tal-iskop kummerċjali tas-soġġorn, bħal stediniet, biljetti tad-dħul jew dokumenti li jiddeskrivu l-attivitajiet ta' negozju tal-kumpanija u l-pożizzjoni tad-detentur ta' Karta Blu tal-UE fil-kumpanija.

(43)  Jekk il-Karta Blu tal-UE maħruġa minn Stat Membru li ma japplikax l-acquis ta' Schengen bis-sħiħ u d-detentur tal-Karta Blu tal-UE, fis-sitwazzjonijiet ta' mobbiltà previsti f'din id-Direttiva, jaqsam fruntiera esterna skont ir-Regolament (UE) Nru 2016/399 tal-Parlament Ewropew u tal-Kunsill44, Stat Membru għandu jkun intitolat li jitlob evidenza li d-detentur tal-Karta Blu tal-UE jkun qed jidħol fit-territorju tiegħu għall-finijiet tal-attivitajiet tal-intrapriża jew sabiex wieħed jirrisjedi u jaħdem hemmhekk taħt il-Karta Blu tal-UE.

__________________

⁴⁴  Regolament (UE) 2016/399 tal-Parlament Ewropew u tal-Kunsill tad-9 ta' Marzu 2016 dwar Kodiċi tal-Unjoni dwar ir-regoli li jirregolaw il-moviment ta' persuni min-naħa għall-oħra tal-fruntiera (Kodiċi tal-Fruntieri ta' Schengen) (ĠU L 77, 23 03 .2016, p. 1).

Test propost mill-Kummissjoni

Emenda

(44)  Meta d-detentur ta' Karta Blu tal-UE jiċċaqlaq lejn it-tieni Stat Membru sabiex japplika għal Karta Blu tal-UE u huwa jkun akkumpanjat minn membri tal-familja, dak l-Istat Membru għandu jkun jista' jitlob għal evidenza tar-residenza leġittima tagħhom fl-ewwel Stat Membru. Barra minn hekk, fil-każ tal-qsim ta' fruntiera esterna fis-sens tar-Regolament (UE) Nru 2016/399, l-Istati Membri li japplikaw l-acquis ta' Schengen bis-sħiħ għandhom jikkonsultaw is-sistema ta' informazzjoni ta' Schengen u għandhom jirrifjutaw id-dħul jew joġġezzjonaw għall-mobbiltà ta' persuni li għalihom tkun inħarġet twissija f'dik is-sistema għall-iskopijiet ta' ċaħda tad-dħul jew żjara, kif imsemmi fir-Regolament (KE) Nru 1987/2006 tal-Parlament Ewropew u tal-Kunsill⁴⁵.

(44)  Meta d-detentur ta' Karta Blu tal-UE jiċċaqlaq lejn it-tieni Stat Membru sabiex japplika għal Karta Blu tal-UE u huwa jkun akkumpanjat minn membri tal-familja, dak l-Istat Membru jkun jista' jitlob lill-membri tal-familja biex jippreżentaw il-permessi ta' residenza tagħhom maħruġa fl-ewwel Stat Membru. Fil-każ tal-qsim ta' fruntiera esterna fis-sens tar-Regolament (UE) Nru 2016/399, l-Istati Membri li japplikaw l-acquis ta' Schengen bis-sħiħ għandhom jikkonsultaw is-sistema ta' informazzjoni ta' Schengen u għandhom jirrifjutaw id-dħul jew joġġezzjonaw għall-mobbiltà ta' persuni li għalihom tkun inħarġet twissija f'dik is-sistema għall-iskopijiet ta' ċaħda tad-dħul jew żjara, kif imsemmi fir-Regolament (KE) Nru 1987/2006 tal-Parlament Ewropew u tal-Kunsill⁴⁵.

__________________

__________________

⁴⁵  Regolament (KE) Nru 1987/2006 tal-Parlament Ewropew u tal-Kunsill tal-20 ta' Diċembru 2006 dwar l-istabbiliment, it-tħaddim u l-użu tas-sistema ta' informazzjoni ta' Schengen tat-tieni ġenerazzjoni (SIS II) (ĠU L 381, 28.12.2006, p. 4).

⁴⁵  Regolament (KE) Nru 1987/2006 tal-Parlament Ewropew u tal-Kunsill tal-20 ta' Diċembru 2006 dwar l-istabbiliment, it-tħaddim u l-użu tas-sistema ta' informazzjoni ta' Schengen tat-tieni ġenerazzjoni (SIS II) (ĠU L 381, 28.12.2006, p. 4).

Test propost mill-Kummissjoni

Emenda

(45)  Għall-fini tar-residenza tal-benefiċjarji ta' protezzjoni internazzjonali fl-Istati Membri, jeħtieġ li jiġi żgurat li l-Istati Membri għajr dak li ħareġ il-protezzjoni internazzjonali jiġu infurmati dwar l-isfond tal-protezzjoni tal-persuni kkonċernati sabiex l-Istati Membri jkunu jistgħu jikkonformaw mal-obbligi tagħhom fir-rigward tal-prinċipju ta' non-refoulement.

(45)  Għall-fini tar-residenza tal-benefiċjarji ta’ protezzjoni internazzjonali jew il-kategorija rilevanti ta’ applikanti għal protezzjoni internazzjonali fl-Istati Membri, jenħtieġ li jiġi żgurat li l-Istati Membri għajr dak li ħareġ il-protezzjoni internazzjonali, jew ieħor li mhuwiex dak li huwa responsabbli mill-applikazzjoni għal protezzjoni internazzjonali, jiġu infurmati dwar l-isfond tal-protezzjoni jew tal-applikazzjoni tal-persuni kkonċernati sabiex l-Istati Membri jkunu jistgħu jikkonformaw mal-obbligi tagħhom fir-rigward tal-prinċipju ta' non-refoulement.

Test propost mill-Kummissjoni

Emenda

(46a)  Meta Stat Membru jkollu l-ħsieb li jkeċċi persuna li kisbet Karta Blu tal-UE f’dak l-Istat Membru u li ppreżentat applikazzjoni għal protezzjoni internazzjonali fi Stat Membru ieħor, dak l-Istat Membru l-ieħor għandu l-obbligu li jirrispetta l-prinċipju ta’ non-refoulement.

Test propost mill-Kummissjoni

Emenda

(48a)  Bħala parti mir-rwol tagħha fil-monitoraġġ tal-implimentazzjoni ta' din id-Direttiva, il-Kummissjoni jenħtieġ li tevalwa l-applikabbiltà ta' skemi simili għall-migrazzjoni tal-ħaddiema għal setturi oħra tal-impjieg, b'mod partikolari s-setturi b'paga baxxa u medja. L-Unjoni jenħtieġ li tqis aktar sistemi ta' dħul madwar l-Unjoni kollha biex tattira u żżomm il-ħaddiema – li mhumiex ikkategorizzati bħala ħaddiema b'ħiliet għolja – fejn huma jissodisfaw il-ħtiġijiet tas-suq tax-xogħol identifikati fl-Istati Membri.

Test propost mill-Kummissjoni

Emenda

(48b)  Sabiex jiġi żgurat l-infurzar xieraq ta' din id-Direttiva, u b'mod partikolari d-dispożizzjonijiet dwar id-drittijiet u l-kundizzjonjiet tax-xogħol, l-Istati Membri jenħtieġ li jiżguraw li mekkaniżmi xierqa huma fis-seħħ għall-monitoraġġ ta' din id-Direttiva.

Test propost mill-Kummissjoni

Emenda

-  għandha l-kompetenza meħtieġa, kif muri mill-kwalifiki professjonali ogħla.

-  għandha l-kwalifiki jew ħiliet meħtieġa attestati b’evidenza ta’ kwalifiki ta’ edukazzjoni ogħla jew ħiliet professjonali ogħla;

Test propost mill-Kummissjoni

Emenda

(c)  “Karta Blu tal-UE” tfisser il-permess ta’ residenza li jkollu fuqu t-terminu “Karta Blu tal-UE” li jintitola lid-detentur tiegħu li jirrisjedi u jaħdem fit-territorju ta’ Stat Membru taħt it-termini ta’ din id-Direttiva;

(c)  "Karta Blu tal-UE" tfisser il-permess ta' residenza li jkollu fuqu t-terminu "Karta Blu tal-UE" li jintitola lid-detentur tiegħu u skont id-Direttiva 2003/86/KE lill-membri tal-familja tiegħu li jirrisjedu u jaħdmu fit-territorju ta' Stat Membru taħt it-termini ta' din id-Direttiva;

Test propost mill-Kummissjoni

Emenda

(g)  “kwalifiki professjonali ogħla” tfisser kwalifiki attestati minn b'evidenza ta' kwalifiki ta' edukazzjoni ogħla jew ħiliet professjonali ogħla;

imħassar

Test propost mill-Kummissjoni

Emenda

(h)  "kwalifiki ta' edukazzjoni ogħla" tfisser kwalunkwe diploma, ċertifikat jew evidenza oħra ta' kwalifiki formali maħruġa minn awtorità kompetenti li jagħtu prova tat-tlestija b'suċċess ta' programm ta' edukazzjoni ogħla post-sekondarja jew ta' edukazzjoni terzjarja ekwivalenti, jiġifieri sett ta' korsijiet ipprovduti minn stabbiliment edukattiv rikonoxxut bħala istituzzjoni ta' edukazzjoni ogħla jew istituzzjoni ta' edukazzjoni terzjarja ekwivalenti mill-Istat fejn jinsab, fejn l-istudji meħtieġa għall-kisba ta' dawk il-kwalifiki jdumu mill-inqas ħames snin u jkunu jikkorrespondu mill-inqas għal livell 6 ta' ISCED 2011 jew għal livell 6 tal-EQF, skont il-liġi nazzjonali;

(h)  "kwalifiki ta' edukazzjoni ogħla" tfisser kwalunkwe diploma, ċertifikat jew evidenza ġustifikattiva oħra ta' kwalifiki formali maħruġa minn awtorità kompetenti li jagħtu prova tat-tlestija b'suċċess ta' programm ta' edukazzjoni ogħla post-sekondarja jew ta' edukazzjoni terzjarja ekwivalenti, jiġifieri sett ta' korsijiet ipprovduti minn stabbiliment edukattiv rikonoxxut bħala istituzzjoni ta' edukazzjoni ogħla jew istituzzjoni ta' edukazzjoni terzjarja ekwivalenti mill-Istat fejn jinsab, fejn l-istudji meħtieġa għall-kisba ta' dawk il-kwalifiki jdumu mill-inqas ħames snin u jkunu jikkorrespondu mill-inqas għal livell 6 ta' ISCED 2011 jew għal livell 6 tal-EQF, skont il-liġi nazzjonali;

Test propost mill-Kummissjoni

Emenda

(j)  “esperjenza professjonali” tfisser iż-żmien veru u leġittimu fil-professjoni kkonċernata;

(j)  “esperjenza professjonali” tfisser iż-żmien veru u dokumentat fil-professjoni kkonċernata;

Test propost mill-Kummissjoni

Emenda

(l)  “attività ta' negozju” tfisser attività temporanja relatata mal-interessi kummerċjali ta' min iħaddem, bħall-attendenza f'laqgħat ta' negozju interni u esterni, l-attendenza f'konferenzi u seminars, in-negozjar ta' ftehimiet kummerċjali, it-twettiq ta' attivitajiet ta' bejgħ jew kummerċjalizzazzjoni, it-twettiq ta' verifiki interni jew tal-klijenti, l-esplorazzjoni tal-opportunitajiet ta' negozju jew l-attendenza u r-riċeviment ta' taħriġ;

(l)  “attività ta' negozju” tfisser attività temporanja relatata mal-interessi kummerċjali ta' min iħaddem, bħall-attendenza f'laqgħat ta' negozju interni u esterni, l-attendenza f'konferenzi u seminars, in-negozjar ta' ftehimiet kummerċjali u t-twettiq ta' attivitajiet ta' bejgħ jew kummerċjalizzazzjoni;

Test propost mill-Kummissjoni

Emenda

(m)  “protezzjoni internazzjonali” għandha t-tifsira kif definita fl-Artikolu 2(a) tad-Direttiva 2011/95/UE tal-Parlament Ewropew u tal-Kunsill.

(m)  “protezzjoni internazzjonali” għandha t-tifsira kif definita fl-Artikolu 2(a) tad-Direttiva 2011/95/UE tal-Parlament Ewropew u tal-Kunsill u, fejn applikabbli, kif definit fid-dritt nazzjonali.

Test propost mill-Kummissjoni

Emenda

(ma)  "theddida għas-saħħa pubblika" tfisser kull marda b'potenzal ta' epidemija kif definit fir-Regolamenti Internazzjonali tas-Saħħa tal-Organizzazzjoni Dinjija tas-Saħħa u mard infettiv ieħor jew mard parassitiku kontaġġjuż jekk ikunu s-suġġett ta' dispożizzjonijiet ta' protezzjoni li japplikaw għal ċittadini tal-Istati Membri.

Test propost mill-Kummissjoni

Emenda

1.  Din id-Direttiva għandha tapplika lil ċittadini ta' pajjiżi terzi li japplikaw għad-dħul jew li ġew aċċettati fit-territorju ta' Stat Membru għall-iskop ta' impjieg b'ħiliet għolja.

1.  Din id-Direttiva għandha tapplika lil ċittadini ta' pajjiżi terzi li japplikaw għad-dħul jew li ġew aċċettati fit-territorju ta' Stat Membru għall-iskop ta' impjieg b'ħiliet għolja. Din id-Direttiva għandha tapplika wkoll għaċ-ċittadini ta' pajjiżi terzi li diġà għandhom permess ta' residenza fi Stat Membru abbażi tad-Direttiva (UE) 2016/801.

Test propost mill-Kummissjoni

Emenda

(a)  li jfittxu protezzjoni internazzjonali u li jkunu qed jistennew deċiżjoni dwar l-istatus tagħhom jew li huma benefiċjarji ta’ protezzjoni temporanja f’konformità mad-Direttiva tal-Kunsill 2001/55/KE⁴⁷ fi Stat Membru;

(a)  li jfittxu protezzjoni internazzjonali u li jkunu qed jistennew deċiżjoni dwar l-istatus tagħhom jew li huma benefiċjarji ta’ protezzjoni temporanja f’konformità mad-Direttiva tal-Kunsill 2001/55/KE⁴⁷ fi Stat Membru, u li mhumiex intitolati li jkollhom aċċess għas-suq tax-xogħol filwaqt li jkunu qed jistennew dik id-deċiżjoni skont l-Artikolu 15 tad-Direttiva 2013/33/UE tal-Parlament Ewropew u tal-Kunsill^47a;

__________________

__________________

⁴⁷ Id-Direttiva tal-Kunsill 2001/55/KE tal-20 ta' Lulju 2001 dwar l-istandards minimi sabiex tingħata protezzjoni temporanja fl-eventwalita' ta' influss bil-massa ta' persuni spostati u dwar il-miżuri li jippromwovu bilanċ fl-isforzi bejn l-Istati Membri meta jirċievu dawn il-persuni u li jġorru l-konsegwenzi ta' dawn (ĠU L 212, 7.8.2001, p. 12).

⁴⁷   Id-Direttiva tal-Kunsill 2001/55/KE tal-20 ta' Lulju 2001 dwar l-istandards minimi sabiex tingħata protezzjoni temporanja fl-eventwalità ta' influss bil-massa ta' persuni spostati u dwar il-miżuri li jippromwovu bilanċ fl-isforzi bejn l-Istati Membri meta jirċievu dawn il-persuni u li jġorru l-konsegwenzi ta' dawn (ĠU L 212, 7.8.2001, p. 12).

^47a   Id-Direttiva 2013/33/UE tal-Parlament Ewropew u tal-Kunsill tas- 26 ta' Ġunju 2013 li tistabbilixxi l-istandards dwar l-akkoljenza ta' applikanti għall-protezzjoni internazzjonali (ĠU L 180, 29.6.2013, p. 96).

Test propost mill-Kummissjoni

Emenda

(b)  li jfittxu protezzjoni skont il-liġi nazzjonali, l-obbligi internazzjonali jew il-prattika tal-Istat Membru u qegħdin jistennew deċiżjoni dwar l-istatus tagħhom, jew li huma benefiċjarji ta' protezzjoni skont il-liġi nazzjonali, l-obbligi internazzjonali jew il-prattika tal-Istat Membru;

(b)  li jfittxu protezzjoni skont il-liġi nazzjonali, l-obbligi internazzjonali jew il-prattika tal-Istat Membru u qegħdin jistennew deċiżjoni dwar l-istatus tagħhom, jew li huma benefiċjarji ta' protezzjoni skont il-liġi nazzjonali, l-obbligi internazzjonali jew il-prattika tal-Istat Membru u li mhumiex intitolati jkollhom aċċess għas-suq tax-xogħol ta’ dak l-Istat Membru skont il-liġi nazzjonali rilevanti;

Test propost mill-Kummissjoni

Emenda

(c)  li japplikaw sabiex jirrisjedu fi Stat Membru bħala riċerkaturi skont it-tifsira tad-Direttiva (UE) 2016/801 sabiex iwettqu proġett ta' riċerka;

imħassar

Test propost mill-Kummissjoni

Emenda

(f)  jew li ġew ammessi fit-territorju ta' Stat Membru bħala ħaddiema staġonali skont id-Direttiva 2014/36/UE tal-Parlament Ewropew u tal-Kunsill⁴⁹;

imħassar

__________________

⁴⁹ Id-Direttiva 2014/36/UE tal-Parlament Ewropew u tal-Kunsill tas-26 ta' Frar 2014 dwar il-kundizzjonijiet għad-dħul u s-soġġorn ta' ċittadini ta' pajjiżi terzi għall-fini ta' impjieg bħala ħaddiema staġonali (ĠU L 94, 28.3.2014, p. 375).

Test propost mill-Kummissjoni

Emenda

3.  Din id-Direttiva għandha tkun mingħajr preġudizzju għal kwalunkwe ftehim bejn l-Unjoni u l-Istati Membri tagħha jew bejn l-Istati Membri u pajjiż terz wieħed jew aktar, li jelenka l-professjonijiet li ma jaqgħux taħt din id-Direttiva sabiex jiżgura reklutaġġ etiku, f'setturi li jbatu minn nuqqas ta' persunal, filwaqt li jitħarsu r-riżorsi umani fil-pajjiżi li qed jiżviluppaw li jkunu firmatarji għal dawn il-ftehimiet.

imħassar

Test propost mill-Kummissjoni

Emenda

1.  Ċittadin ta' pajjiż terz li japplika għal Karta Blu tal-UE għandu:

1.  Fir-rigward tal-ammissjoni ta' ċittadin ta' pajjiż terz taħt din id-Direttiva, l-applikant għandu:

Test propost mill-Kummissjoni

Emenda

(a)  jippreżenta kuntratt ta' xogħol validu jew, kif previst fil-liġi nazzjonali, offerta vinkolanti ta' impjieg għal impjieg li jirrikjedi kwalifiki għolja, ta' mill-inqas sitt xhur fl-Istat Membru kkonċernat;

(a)  jippreżenta kuntratt ta' xogħol validu jew, kif previst fil-liġi nazzjonali, offerta vinkolanti ta' impjieg għal impjieg li jirrikjedi kwalifiki għolja, ta' mill-inqas disa' xhur fl-Istat Membru kkonċernat;

Test propost mill-Kummissjoni

Emenda

(c)  għall-professjonijiet mhux irregolati, jippreżenta d-dokumenti li jagħtu prova tal-kwalifiki professjonali ogħla;

(c)  għall-professjonijiet mhux irregolati, jippreżenta provi bil-miktub li jagħtu prova tal-kwalifiki ta’ edukazzjoni ogħla jew ta’ ħiliet professjonali ogħla;

Test propost mill-Kummissjoni

Emenda

(d)  jippreżenta dokument tal-ivvjaġġar validu, kif iddeterminat mil-liġi nazzjonali u, jekk ikun hemm bżonn, applikazzjoni għal viża jew viża valida jew, fejn applikabbli, permess ta' residenza validu jew viża valida għal soġġorn fit-tul;

(d)  jippreżenta dokument tal-ivvjaġġar validu, kif iddeterminat mil-liġi nazzjonali u, jekk ikun hemm bżonn, applikazzjoni għal viża jew viża valida jew, fejn applikabbli, permess ta' residenza validu jew viża valida għal soġġorn fit-tul jew prova li l-applikazzjoni għall-protezzjoni internazzjonali jew għall-protezzjoni taħt il-liġi nazzjonali hija pendenti;

Test propost mill-Kummissjoni

Emenda

2.  Minbarra l-kundizzjonijiet stipulati fil-paragrafu 1, is-salarju gross annwali li jirriżulta mis-salarju fix-xahar jew annwali speċifikat fil-kuntratt tax-xogħol jew fl-offerta vinkolanti ta' impjieg ma għandux ikun inqas mil-limitu tas-salarju stabbilit u ppubblikat għal dak l-iskop mill-Istati Membri. Il-limitu tas-salarju stabbilit mill-Istati Membri għandu jkun mill-inqas 1.0 iżda mhux aktar minn 1.4 darbiet aktar mis-salarju annwali gross medju fl-Istat Membru kkonċernat.

imħassar

Test propost mill-Kummissjoni

Emenda

3a.  Minbarra l-kundizzjonijiet stipulati fil-paragrafi 1 u 2, meta jittrasponu din id-Direttiva, l-Istati Membri għandhom jistabbilixxu limitu tas-salarju bi qbil mas-sħab soċjali. F'tali każ, is-salarju fix-xahar jew annwali speċifikat fil-kuntratt tax-xogħol ma għandux ikun inqas mil-limitu tas-salarju stabbilit u ppubblikat għal dak l-iskop mill-Istati Membri u lanqas mill-pagi li japplikaw jew li kieku japplikaw għal ħaddiem kumparabbli fl-istess settur, abbażi tal-leġiżlazzjoni, il-ftehimiet kollettivi u l-prattiki applikabbli, fl-Istat Membru kkonċernat. Fi kwalunkwe każ, dak il-limitu tas-salarju jeħtieġ li jkun mill-inqas 1.0 iżda mhux aktar minn 1.4 darbiet aktar mis-salarju annwali gross medju fl-Istat Membru kkonċernat.

L-Istati Membri jistgħu, bi ftehim mas-sħab soċjali, jiddeċiedu li ma jistabbilixxux limitu ta' salarju f'ċerti fergħat okkupazzjonali fejn huwa miftiehem li dan il-limitu mhuwiex meħtieġ. Dan jista’ jkun il-każ meta ftehim kollettiv jirregola l-pagi li japplikaw f'dik il-fergħa okkupazzjonali.

Test propost mill-Kummissjoni

Emenda

4.  B'deroga mill-paragrafu 2, u għal impjieg fi professjonijiet li b'mod partikolari jeħtieġu ħaddiema li huma ċittadini ta' pajjiżi terzi u li jappartjenu għall-gruppi ewlenin 1 u 2 tal-ISCO, il-limitu tas-salarju għandu jkun 80 fil-mija tal-limitu tas-salarju stabbilit mill-Istat Membru kkonċernat skont il-paragrafu 2.

imħassar

Test propost mill-Kummissjoni

Emenda

5.  B'deroga mill-paragrafu 2, fir-rigward ta' ċittadini ta' pajjiżi terzi li kisbu kwalifika ta' edukazzjoni ogħla mhux aktar minn tliet snin qabel il-preżentazzjoni tal-applikazzjoni għal Karta Blu tal-UE, il-limitu tas-salarju għandu jkun 80 fil-mija tal-limitu tas-salarju stabbilit mill-Istat Membru kkonċernat skont il-paragrafu 2. Il-perjodu ta' tliet snin għandu jerġa' jibda japplika wara l-kisba ta' kull livell ta' kwalifiki ta' edukazzjoni ogħla.

imħassar

Il-limitu tas-salarju msemmi fl-ewwel subparagrafu ta' dan il-paragrafu għandu japplika kull meta tiġi ppreżentata applikazzjoni għall-ewwel Karta Blu tal-UE jew għal tiġdid matul dak il-perjodu ta' tliet snin. Meta l-Karta Blu tal-UE maħruġa matul il-perjodu ta' tliet snin tiġġedded wara li jkun għadda l-perjodu ta' tliet snin, għandu japplika l-limitu tas-salarju msemmi fil-paragrafu 2. Madankollu, meta l-ewwel Karta Blu tal-UE maħruġa matul il-perjodu ta' tliet snin tkun inħarġet għal inqas minn 24 xahar, il-limitu tas-salarju aktar baxx imsemmi fl-ewwel subparagrafu ta' dan il-paragrafu għandu japplika mal-ewwel tiġdid.

Test propost mill-Kummissjoni

Emenda

6.   L-Istati Membri għandhom jiffaċilitaw il-validazzjoni u r-rikonoxximent tad-dokumenti li jiċċertifikaw il-kwalifiki professjonali ogħla rilevanti skont il-punt (ċ) tal-paragrafu 1.

6.  L-Istati Membri għandhom jiffaċilitaw il-validazzjoni u r-rikonoxximent mgħaġġla tad-dokumenti li jiċċertifikaw il-kwalifiki edukazzjonali ogħla u l-ħiliet professjonali ogħla rilevanti, li għandhom jiġu verifikati skont il-punt (c) tal-paragrafu 1.

Test propost mill-Kummissjoni

Emenda

L-Istati Membri għandhom jiżviluppaw mekkaniżmi u arranġamenti għall-valutazzjoni ta' ħiliet professjonali ogħla kif definit fl-Artikolu 2(i) u l-validazzjoni ta' esperjenza professjonali, kif definit fl-Artikolu 2(j). Meta jiżviluppaw dawn il-mekkaniżmi u l-arranġamenti, l-Istati Membri għandhom jikkonsultaw mas-sħab soċjali.

Test propost mill-Kummissjoni

Emenda

7.  L-Istati Membri għandhom jirrifjutaw l-applikazzjonijiet ta' ċittadini ta' pajjiżi terzi li jitqiesu li huma ta' theddida għall-politika pubblika, għas-sigurtà pubblika jew għas-saħħa pubblika.

imħassar

Test propost mill-Kummissjoni

Emenda

8.  L-Istati Membri jistgħu jitolbu liċ-ċittadin ta' pajjiż terz ikkonċernat sabiex jipprovdi l-indirizz tiegħu fit-territorju tagħhom.

imħassar

Meta l-liġi nazzjonali ta' Stat Membru titlob li jiġi pprovdut indirizz fil-ħin tal-applikazzjoni u ċ-ċittadin ta' pajjiż terz ikkonċernat ikun għadu ma jafx l-indirizz futur tiegħu, l-Istati Membri għandhom jaċċettaw indirizz temporanju. F'każ bħal dan, iċ-ċittadin ta' pajjiż terz għandu jipprovdi l-indirizz permanenti tiegħu sa mhux aktar tard minn meta tinħareġ il-Karta Blu tal-UE skont l-Artikolu 8.

Test propost mill-Kummissjoni

Emenda

1.  L-Istati Membri għandhom jirrifjutaw applikazzjoni għal Karta Blu tal-UE fi kwalunkwe wieħed mill-każijiet li ġejjin:

1.  L-Istati Membri għandhom jirrifjutaw applikazzjoni għal Karta Blu tal-UE:

Test propost mill-Kummissjoni

Emenda

(a)  meta l-applikant ma jissodisfax il-kundizzjonijiet stipulati fl-Artikolu 5;

(a)  meta l-applikant ma jissodisfax il-kriterji stipulati fl-Artikolu 5; jew

Test propost mill-Kummissjoni

Emenda

(b)  meta d-dokumenti ppreżentati jkunu nkisbu b'mod frodulenti, jew ikunu ġew iffalsifikati jew imbagħbsa.

(b)  meta ċittadin ta’ pajjiż terz jitqies bħala li joħloq theddida għall-politika pubblika, is-sigurtà pubblika jew is-saħħa pubblika;

Test propost mill-Kummissjoni

Emenda

2.  F'ċirkostanzi fejn is-sitwazzjoni tas-suq tax-xogħol tagħhom tgħaddi minn disturbi serji bħal livell għoli ta' qgħad fi professjoni jew settur partikolari, li jistgħu jkunu limitati għal parti partikolari mit-territorju tagħhom, l-Istati Membri jistgħu jivverifikaw jekk il-post tax-xogħol battal ikkonċernat jistax jimtela minn ħaddiema nazzjonali jew tal-Unjoni, minn ċittadini ta' pajjiżi terzi residenti legalment f'dak l-Istat Membru u li diġà jifformaw parti mis-suq tax-xogħol tiegħu bis-saħħa tal-liġi nazzjonali jew tal-Unjoni, jew minn residenti għal perjodu fit-tul fl-UE li jixtiequ jiċċaqilqu lejn dak l-Istat Membru għal impjieg li jirrikjedi ħiliet għolja skont il-Kapitolu III tad-Direttiva 2003/109/KE.

imħassar

L-Istat Membru kkonċernat għandu jinnotifika lill-Kummissjoni bl-intenzjoni tiegħu li jintroduċi tali kontroll fi professjoni jew settur partikolari, li jistgħu jkunu limitati għal parti partikolari mit-territorju tagħhom, għal ċittadini ta' pajjiżi terzi li ġejjin minn pajjiżi terzi għat-12-il xahar li jmiss u għandu jipprovdi lill-Kummissjoni bir-raġunijiet rilevanti kollha li jiġġustifikaw din id-deċiżjoni. Għal kull estensjoni ta' 12-il xahar, l-Istat Membru kkonċernat għandu jibgħat notifika ġustifikata ġdida.

Test propost mill-Kummissjoni

Emenda

3.  L-Istati Membri jistgħu jirrifjutaw applikazzjoni għal Karta Blu tal-UE meta:

3.  L-Istati Membri jistgħu jirrifjutaw applikazzjoni għal Karta Blu tal-UE:

Test propost mill-Kummissjoni

Emenda

(a)  l-impjegatur ikun naqas milli jissodisfa l-obbligi legali tiegħu rigward is-sigurtà soċjali, it-tassazzjoni, id-drittijiet tal-ħaddiema jew il-kundizzjonijiet tax-xogħol;

(a)  meta l-impjegatur ikun ripetutament naqas milli jissodisfa l-obbligi legali tiegħu rigward is-sigurtà soċjali, it-tassazzjoni, id-drittijiet tal-ħaddiema jew il-kundizzjonijiet tax-xogħol matul perjodu ta' ħames snin qabel id-data tal-applikazzjoni;

Test propost mill-Kummissjoni

Emenda

(b)  in-negozju tal-persuna li tħaddem qed jiġi jew ġie xolt skont il-liġijiet nazzjonali ta' insolvenza jew ma tkun qed issir ebda attività ekonomika; jew

(b)  fejn in-negozju tal-persuna li tħaddem qed jiġi jew ġie xolt skont il-liġijiet nazzjonali ta’ insolvenza jew ma tkun qed issir ebda attività ekonomika;

Test propost mill-Kummissjoni

Emenda

(c)  il-persuna li timpjega tkun ġiet issanzjonata għal impjieg ta’ ċittadini minn pajjiżi terzi b’residenza illegali skont l-Artikolu 9 tad-Direttiva 2009/52/KE tal-Parlament Ewropew u tal-Kunsill⁵¹, jew għal xogħol mhux iddikjarat jew impjieg illegali, skont il-liġi nazzjonali.

(c)  fejn il-persuna li timpjega tkun ġiet issanzjonata għal impjieg ta’ ċittadini minn pajjiżi terzi b’residenza illegali skont l-Artikolu 9 tad-Direttiva 2009/52/KE tal-Parlament Ewropew u tal-Kunsill⁵¹, jew għal xogħol mhux iddikjarat jew impjieg illegali, skont il-liġi nazzjonali;

__________________

__________________

⁵¹  Direttiva 2009/52/KE tal-Parlament Ewropew u tal-Kunsill tat-18 ta' Ġunju 2009 li tipprevedi standards minimi għal sanzjonijiet u miżuri kontra min iħaddem lil ċittadini minn pajjiżi terzi b'residenza illegali (ĠU L 168, 30.6.2009, p. 24).

⁵¹  Direttiva 2009/52/KE tal-Parlament Ewropew u tal-Kunsill tat-18 ta' Ġunju 2009 li tipprevedi standards minimi għal sanzjonijiet u miżuri kontra min iħaddem lil ċittadini minn pajjiżi terzi b'residenza illegali (ĠU L 168, 30.6.2009, p. 24).

Test propost mill-Kummissjoni

Emenda

(ca)  fejn, bl-għarfien ta’ ċittadin ta’ pajjiż terz, id-dokumenti ppreżentati għall-fini ta’ ammissjoni skont l-Artikolu 5 jkunu ġew akkwistati b’mod frawdolenti, jew ikunu ġew iffalsifikati jew imbagħbsa; jew

Test propost mill-Kummissjoni

Emenda

(cb)  biex jiġi żgurat reklutaġġ etiku f’setturi essenzjali għal żvilupp sostenibbli li jbatu minn nuqqas ta’ persunal kwalifikat fil-pajjiżi tal-oriġini.

Test propost mill-Kummissjoni

Emenda

(cc)  fejn ikun hemm livell għoli ta’ qgħad fi professjoni jew settur partikolari, li jistgħu jkunu limitati għal parti partikolari mit-territorju tagħhom, u fejn l-Istat Membru jkun ivverifika jekk il-post tax-xogħol battal ikkonċernat jistax jimtela minn ħaddiema nazzjonali jew tal-Unjoni, minn ċittadini ta’ pajjiżi terzi residenti legalment f’dak l-Istat Membru u li diġà jifformaw parti mis-suq tax-xogħol tiegħu bis-saħħa tal-liġi nazzjonali jew tal-Unjoni, jew minn residenti għal perjodu fit-tul fl-UE li jixtiequ jiċċaqilqu lejn dak l-Istat Membru għal impjieg li jirrikjedi ħiliet għolja skont il-Kapitolu III tad-Direttiva 2003/109/KE.

L-Istat Membru kkonċernat għandu jinnotifika lill-Kummissjoni, mhux aktar tard minn xahar qabel, bl-intenzjoni tiegħu li jintroduċi tali kontroll fi professjoni jew settur partikolari, li jistgħu jkunu limitati għal parti partikolari mit-territorju tagħhom, għal ċittadini ta' pajjiżi terzi li ġejjin minn pajjiżi terzi għas-sitt xhur li jmiss u għandu jressaq lill-Kummissjoni bir-raġunijiet rilevanti kollha li jiġġustifikaw din id-deċiżjoni. L-Istati Membri għandhom jinvolvu lis-sħab soċjali fil-valutazzjoni taċ-ċirkostanzi marbuta mas-suq tax-xogħol domestiku. Għal kull estensjoni ta' sitt xhur, l-Istat Membru kkonċernat għandu jibgħat notifika ġustifikata ġdida.

Test propost mill-Kummissjoni

Emenda

3a.  L-Istati Membri għandhom, fejn ikun xieraq wara konsultazzjoni mas-sħab soċjali, jelenkaw dawk is-setturi tal-impjieg li jiffaċċjaw nuqqasijiet ta' ħaddiema b'ħiliet għolja. Dik il-lista għandha tiġi nnotifikata lill-Kummissjoni. L-Istati Membri jistgħu jimmodifikaw listi bħal dawn, fejn ikun xieraq wara konsultazzjoni mas-sħab soċjali.

Test propost mill-Kummissjoni

Emenda

4.  L-Istati Membri jistgħu jirrifjutaw applikazzjoni għal Karta Blu tal-UE biex jiżgura reklutaġġ etiku f'setturi li jbatu minn nuqqas ta' persunal kwalifikat fil-pajjiżi tal-oriġini.

imħassar

Test propost mill-Kummissjoni

Emenda

5.  Mingħajr ħsara għall-paragrafu 1, kwalunkwe deċiżjoni biex tiġi miċħuda applikazzjoni, għandha tieħu kont taċ-ċirkostanzi speċifiċi tal-każ u tosserva l-prinċipju ta' proporzjonalità.

5.  Kwalunkwe deċiżjoni biex tiġi miċħuda applikazzjoni skont il-paragrafu 3 għandha tieħu kont taċ-ċirkostanzi speċifiċi tal-każ u għandha tkun proporzjonata.

Test propost mill-Kummissjoni

Emenda

L-irtirar jew in-nuqqas ta' tiġdid tal-Karta Blu tal-UE

L-irtirar tal-Karta Blu tal-UE

Test propost mill-Kummissjoni

Emenda

1.  L-Istati Membri għandhom jirtiraw jew jirrifjutaw li jġeddu Karta Blu tal-UE meta:

1.  L-Istati Membri għandhom jirtiraw ta' Karta Blu tal-UE meta ċ-ċittadin ta’ pajjiż terz ma jkunx għad għandu kuntratt ta’ xogħol validu għal impjieg li jirrikjedi ħiliet għolja jew il-kwalifiki meħtieġa mill-punti (b) u (ċ) tal-Artikolu 5(1) jew, fejn rilevanti, is-salarju tiegħu ma jkunx għadu jissodisfa l-limitu tas-salarju stabbilit skont l-Artikolu 5(2), (4) jew (5), kif applikabbli, mingħajr preġudizzju għas-sitwazzjoni li fiha ċ-ċitadin ta’ pajjiż terz ikun qiegħed.

(a)  il-Karta Blu tal-UE jew id-dokumenti ppreżentati jkunu nkisbu b'mod frodulenti, jew ikunu ġew iffalsifikati jew imbagħbsa;

(b)  iċ-ċittadin ta' pajjiż terz ma jkunx għad għandu kuntratt ta' xogħol validu għal impjieg li jirrikjedi ħiliet għolja jew il-kwalifiki meħtieġa mill-punti (b) u (ċ) tal-Artikolu 5(1) jew is-salarju tiegħu ma jkunx għadu jissodisfa l-limitu tas-salarju stabbilit skont l-Artikolu 5(2), (4) jew (5), kif applikabbli, mingħajr preġudizzju għall-Artikolu 14.

Test propost mill-Kummissjoni

Emenda

L-Istati Membri jistgħu jirtiraw jew jirrifjutaw li jġeddu Karta Blu tal-UE maħruġa abbażi ta' din id-Direttiva fi kwalunkwe wieħed mill-każijiet li ġejjin:

L-Istati Membri jistgħu jirtiraw Karta Blu tal-UE maħruġa abbażi ta' din id-Direttiva:

Test propost mill-Kummissjoni

Emenda

(b)  fejn xieraq, meta l-impjegatur ikun naqas milli jissodisfa l-obbligi legali tiegħu rigward is-sigurtà soċjali, it-tassazzjoni, id-drittijiet tal-ħaddiema jew il-kundizzjonijiet tax-xogħol;

imħassar

Test propost mill-Kummissjoni

Emenda

(d)  meta ċ-ċittadin ta' pajjiż terz ma jkunx ikkomunika l-bidliet imsemmija fl-Artikolu 13(1) u, fejn applikabbli, fl-Artikolu 14(3);

(d)  meta ċ-ċittadin ta' pajjiż terz ma jkunx ikkomunika l-bidliet imsemmija fl-Artikolu 13(1);

Test propost mill-Kummissjoni

Emenda

(e)  meta ċ-ċittadin ta' pajjiż terz ma jkunx għad għandu dokument tal-ivvjaġġar validu;

(e)  meta ċ-ċittadin ta’ pajjiż terz ma jkunx għad għandu dokument tal-ivvjaġġar validu, sakemm qabel l-irtirar tal-Karta Blu tal-UE, l-Istat Membru kien stabbilixxa skadenza raġonevoli għaċ-ċittadin ta’ pajjiż terz ikkonċernat sabiex jikseb u jippreżenta dokument tal-ivvjaġġar validu;

Test propost mill-Kummissjoni

Emenda

(f)  meta ċ-ċittadin ta' pajjiż terz jonqos milli jikkonforma mal-kundizzjonijiet tal-mobbiltà taħt dan il-Kapitolu jew ripetutament jagħmel użu b'mod abbużiv mid-dispożizzjonijiet ta' dan il-Kapitolu dwar il-mobbiltà.

(f)  meta ċ-ċittadin ta’ pajjiż terz jonqos milli jikkonforma mal-kundizzjonijiet tal-mobbiltà taħt dan il-Kapitolu;

Test propost mill-Kummissjoni

Emenda

(fa)  meta ċ-ċittadin ta' pajjiż terz ikun ilu bla xogħol għal perjodu ta' iktar minn sitt xhur konsekuttivi, ħlief fejn il-qgħad huwa r-riżultat ta' mard jew diżabbiltà; jew

Test propost mill-Kummissjoni

Emenda

(fb)  fejn, bl-għarfien ta’ ċittadin ta’ pajjiż terz ikkonċernat, il-Karta Blu tal-UE jew id-dokumenti ppreżentati għall-fini ta’ ammissjoni skont l-Artikolu 5 jkunu ġew akkwistati b’mod frawdolenti, jew ikunu ġew iffalsifikati jew imbagħbsa;

Test propost mill-Kummissjoni

Emenda

Meta Karta Blu tal-UE tiġi rtirata jew ma tiġġeddidx abbażi tal-punt (e) tal-paragrafu 2, l-Istati Membri għandhom, qabel l-irtirar jew in-nuqqas ta' tiġdid tal-Karta Blu tal-UE, jistabbilixxu skadenza raġonevoli għaċ-ċittadin ta' pajjiż terz ikkonċernat sabiex jikseb u jippreżenta dokument tal-ivvjaġġar validu.

imħassar

Test propost mill-Kummissjoni

Emenda

3.  In-nuqqas ta' komunikazzjoni skont l-Artikolu 13(1) jew 14(3) ma għandux jitqies bħala raġuni biżżejjed sabiex tiġi rtirata jew ma tiġġeddidx il-Karta Blu tal-UE jekk id-detentur juri li l-komunikazzjoni ma waslitx għand l-awtoritajiet kompetenti għal raġuni indipendenti mir-rieda tad-detentur.

3.  In-nuqqas ta' komunikazzjoni skont l-Artikolu 13(1) ma għandux jitqies bħala raġuni biżżejjed sabiex tiġi rtirata l-Karta Blu tal-UE jekk id-detentur juri li l-komunikazzjoni ma waslitx għand l-awtoritajiet kompetenti għal raġuni indipendenti mir-rieda tad-detentur.

Test propost mill-Kummissjoni

Emenda

4.  Mingħajr preġudizzju għall-paragrafu 1, kwalunkwe deċiżjoni li tirtira jew tirrifjuta li ġġedded Karta Blu tal-UE għandha tikkunsidra ċ-ċirkostanzi speċifiċi tal-każ u tirrispetta l-prinċipju tal-proporzjonalità.

4.  Mingħajr preġudizzju għall-paragrafu 1, kwalunkwe deċiżjoni li tirtira Karta Blu tal-UE meħuda skont il-paragrafu 2 għandha tikkunsidra ċ-ċirkostanzi speċifiċi tal-każ u għandha tkun proporzjonata.

Test propost mill-Kummissjoni

Emenda

Artikolu 7a

In-nuqqas ta' tiġdid ta' Karta Blu tal-UE

1.  Fejn detentur ta' Karta Blu tal-UE jew l-impjegatur tiegħu japplikaw biex iġeddu l-Karta Blu tal-UE, l-Istati Membri għandhom jirrifjutaw li jġedduha fejn:

(a)  iċ-ċittadin ta’ pajjiż terz jitqies bħala li joħloq theddida għall-politika pubblika, is-sigurtà pubblika jew is-saħħa pubblika;

(b)  iċ-ċittadin ta' pajjiż terz ma jkunx għad għandu kuntratt ta' xogħol validu għal impjieg li jirrikjedi ħiliet għolja jew il-kwalifiki meħtieġa mill-punti (b) u (c) tal-Artikolu 5(1) jew, fejn xiera, is-salarju tiegħu ma jkunx għadu jissodisfa l-livell jew limitu tas-salarju kif definiti skont l-Artikolu 5.

2.  Fejn detentur ta' Karta Blu tal-UE jew l-impjegatur tiegħu japplikaw biex iġeddu l-Karta Blu tal-UE, l-Istati Membri jistgħu jirrifjutaw li jġedduha fejn:

(a)  bl-għarfien ta’ ċittadin ta’ pajjiż terz ikkonċernat, il-Karta Blu tal-UE jew id-dokumenti ppreżentati għall-fini ta’ ammissjoni skont l-Artikolu 5 jkunu ġew akkwistati b’mod frawdolenti, jew ikunu ġew iffalsifikati jew imbagħbsa;

(b)  l-impjegatur ikun ripetutament naqas milli jissodisfa l-obbligi legali tiegħu rigward is-sigurtà soċjali, it-tassazzjoni, id-drittijiet tal-ħaddiema jew il-kundizzjonijiet tax-xogħol u jkun naqas milli jirranġa s-sitwazzjoni fi żmien raġonevoli;

(c)  iċ-ċittadin ta’ pajjiż terz ikun ilu bla xogħol għal perjodu ta’ aktar minn sitt xhur konsekuttivi;

(d)  iċ-ċittadin ta' pajjiż terz ma jkunx għad għandu dokument tal-ivvjaġġar validu, sakemm qabel ir-rifjut ta' tiġdid tal-Karta Blu tal-UE, l-Istat Membru kkonċernat kien stabbilixxa skadenza raġonevoli għaċ-ċittadin ta' pajjiż terz ikkonċernat sabiex jikseb u jippreżenta dokument tal-ivvjaġġar validu; jew

(e)  taħt il-Karta Blu tal-UE mogħtija preċedentement, iċ-ċittadin ta’ pajjiż terz naqas milli jikkonforma mal-kundizzjonijiet tal-mobbiltà taħt il-Kapitolu V.

Kwalunkwe deċiżjoni ta' rifjut ta' tiġdid ta' Karta Blu tal-UE taħt dan il-paragrafu għandha tqis iċ-ċirkostanzi speċifiċi tal-każ u għandha tkun proporzjonata.

Test propost mill-Kummissjoni

Emenda

2.  L-Istati Membri għandhom jistabbilixxu perjodu ta' validità standard għall-Karta Blu tal-UE, li għandu jkun ta' mill-inqas 24 xahar. Jekk il-kuntratt tax-xogħol ikun ikopri perjodu iqsar, il-Karta Blu tal-UE għandha tinħareġ mill-inqas għat-tul tal-kuntratt tax-xogħol b'żieda ta' tliet xhur. Meta Karta Blu tal-UE tiġġedded, il-perjodu ta' validità tagħha għandu jkun ta' mill-inqas 24 xahar.

2.  L-Istati Membri għandhom jistabbilixxu perjodu ta' validità standard għall-Karta Blu tal-UE, li għandu jkun ta' mill-inqas 36 xahar. Jekk il-kuntratt tax-xogħol ikun ikopri perjodu iqsar, il-Karta Blu tal-UE għandha tinħareġ mill-inqas għat-tul tal-kuntratt tax-xogħol b'żieda ta' tliet xhur. Meta Karta Blu tal-UE tiġġedded, il-perjodu ta' validità tagħha għandu jkun ta' mill-inqas 36 xahar.

Test propost mill-Kummissjoni

Emenda

4a.  Fejn Stat Membru joħroġ Karta Blu tal-UE lil ċittadin ta’ pajjiż terz li lilu jkun applika għal protezzjoni internazzjonali f’dak l-Istat Membru, huwa għandu jdaħħal ir-rimarka li ġejja fil-Karta Blu tal-UE ta’ dak iċ-ċittadin ta’ pajjiż terz, taħt l-intestatura “Rimarki”: “Applikant għal Protezzjoni Internazzjonali f’ [isem l-Istat Membru] minn [data tat-tressiq tal-applikazzjoni għal protezzjoni internazzjonali].”

Jekk detentur ta' Karta Blu tal-UE jiddeċiedi li jirtira l-applikazzjoni tiegħu għal protezzjoni internazzjonali malli jikseb Karta Blu tal-UE, għandha tinħareġ Karta Blu tal-UE ġdida li ma jkunx fiha dik ir-rimarka.

Test propost mill-Kummissjoni

Emenda

5a.  Fejn Karta Blu tal-UE tinħareġ minn Stat Membru lil ċittadin ta’ pajjiż terz li huwa applikant għal protezzjoni internazzjonali fi Stat Membru ieħor, l-Istat Membru li joħroġ il-Karta Blu tal-UE għandu jdaħħal ir-rimarka “Applikant għal Protezzjoni Internazzjonali f’ [isem l-Istat Membru] minn [data tat-tressiq tal-applikazzjoni għal protezzjoni internazzjonali] fil-Karta Blu tal-UE.

Qabel ma l-Istat Membru jdaħħal dik ir-rimarka, huwa għandu jinnotifika lill-Istat Membru li jrid jissemma f’dik ir-rimarka dwar il-ħruġ tal-Karta Blu tal-UE u jitlob lill-Istat Membru sabiex jipprovdi informazzjoni dwar jekk id-detentur tal-Karta Blu tal-UE għadux qed iżomm l-applikazzjoni tiegħu/tagħha għal protezzjoni internazzjonali. L-Istat Membru msemmi fir-rimarka għandu jwieġeb sa mhux aktar tard minn xahar wara li jirċievi t-talba għall-informazzjoni. Fejn l-applikazzjoni għal protezzjoni internazzjonali tkun ġiet irtirata, l-Istat Membru li joħroġ il-Karta Blu tal-UE ma għandux idaħħal dik ir-rimarka.

Test propost mill-Kummissjoni

Emenda

1.  L-Istati Membri għandhom jiddeterminaw jekk l-applikazzjonijiet għal Karta Blu tal-UE għandhomx isiru miċ-ċittadin ta' pajjiż terz jew minn min jimpjegah. L-Istati Membri jistgħu jippermettu wkoll applikazzjoni minn kwalunkwe wieħed mit-tnejn.

1.  L-Istati Membri għandhom jippermettu applikazzjonijiet għal Karta Blu tal-UE minn ċittadin ta’ pajjiż terz jew minn impjer. Fejn applikazzjoni tkun tinvolvi impjegatur rikonoxxut skont l-Artikolu 12, l-impjegatur għandu jippreżenta l-applikazzjoni. Applikazzjoni magħmula minn impjegatur m'għandhiex tillimita d-drittijiet proċedurali li jgawdi minnhom iċ-ċittadin ta' pajjiż terz li jfittex li jikseb Karta Blu tal-UE matul il-proċedura tal-applikazzjoni, jew id-drittijiet li kien igawdi minnhom id-detentur ta' Karta Blu tal-UE matul il-perjodu ta' impjieg jew il-proċedura ta' tiġdid tal-Karta Blu tal-UE.

Test propost mill-Kummissjoni

Emenda

2a.  Fejn applikant għal protezzjoni internazzjonali jingħata Karta Blu tal-UE, l-applikazzjoni tiegħu għal protezzjoni internazzjonali għandha tiġi sospiża matul iż-żmien ta’ validità tal-Karta Blu tal-UE. F’dan ir-rigward, l-Istat Membru li joħroġ il-Karta Blu tal-UE għandu jgħarraf lill-awtoritajiet tal-Istat Membru responsabbli mill-applikazzjoni għal protezzjoni internazzjonali dwar id-dettalji, b’mod partikolari, dwar id-data li fiha nħarġet il-Karta Blu tal-UE u t-tul tal-validità tagħha.

Fejn applikazzjoni għal protezzjoni internazzjonali tkun sospiża, l-Istat Membru responsabbli minn dik l-applikazzjoni ma għandux iqis l-applikazzjoni bħala rtirata b’mod impliċitu.

Meta l-Karta Blu tal-UE tiskadi, l-Istat Membru responsabbli mill-applikazzjoni għal protezzjoni internazzjonali għandu jippermetti lill-persuna kkonċernata tidħol mill-ġdid fit-territorju tagħha għall-finijiet tal-applikazzjoni għal protezzjoni internazzjonali. Meta l-membri tal-familja tal-persuna kkonċernata marru joqogħdu miegħu fl-Istat Membru li jkun ħareġ il-Karta Blu tal-UE, ma għandhomx ikunu intitolati jidħlu jew jibqgħu f’dak l-Istat Membru fuq il-bażi ta’ Karta Blu tal-UE li tkun skadiet.

Test propost mill-Kummissjoni

Emenda

L-awtoritajiet kompetenti tal-Istati Membri għandhom jadottaw deċiżjoni dwar l-applikazzjoni għal Karta Blu tal-UE u jinnotifikaw lill-applikant bil-miktub, b'konformità mal-proċeduri ta' notifika stabbiliti fil-liġi nazzjonali tal-Istat Membru kkonċernat. In-notifika għandha ssir sa mhux aktar tard minn 60 jum mid-data tal-preżentazzjoni tal-applikazzjoni.

L-awtoritajiet kompetenti tal-Istati Membri għandhom jadottaw deċiżjoni dwar l-applikazzjoni għal Karta Blu tal-UE u jinnotifikaw lill-applikant bil-miktub, b'konformità mal-proċeduri ta' notifika stabbiliti fil-liġi nazzjonali tal-Istat Membru kkonċernat. In-notifika għandha ssir malajr kemm jista' jkun u mhux aktar tard minn 30 jum mid-data tal-preżentazzjoni tal-applikazzjoni inizjali jew applikazzjoni għal tiġdid.

Test propost mill-Kummissjoni

Emenda

Meta l-impjegatur ikun ġie rikonoxxut skont l-Artikolu 12, in-notifika għandha ssir sa mhux aktar tard minn 30 jum mid-data tal-preżentazzjoni tal-applikazzjoni.

Meta l-impjegatur ikun ġie rikonoxxut skont l-Artikolu 12, in-notifika għandha ssir malajr kemm jista' jkun u mhux aktar tard minn ħmistax il-jum mid-data tal-preżentazzjoni tal-applikazzjoni inizjali jew applikazzjoni għal tiġdid.

Test propost mill-Kummissjoni

Emenda

3.  Fejn l-informazzjoni jew id-dokumenti pprovduti b'sostenn għall-applikazzjoni jkunu inadegwati, l-awtoritajiet kompetenti għandhom jinnotifikaw lill-applikant dwar l-informazzjoni addizzjonali meħtieġa u jistabbilixxu skadenza raġonevoli biex jipprovduha. Il-perjodu msemmi fil-paragrafu 1 għandu jiġi sospiż sakemm l-awtoritajiet jirċievu l-informazzjoni jew id-dokumenti addizzjonali meħtieġa. Jekk l-informazzjoni jew id-dokumenti addizzjonali ma jkunux ġew ipprovduti fi żmien l-iskadenza, l-applikazzjoni tista' tiġi rrifjutata.

3.  Qabel jirrifjutaw applikazzjoni għal Karta Blu tal-UE jew applikazzjoni għat-tiġdid ta' Karta Blu tal-UE, fejn l-informazzjoni jew id-dokumenti pprovduti b'sostenn għall-applikazzjoni inizjali jew l-applikazzjoni għal tiġdid ikunu inadegwati, l-awtoritajiet kompetenti għandhom jinnotifikaw lill-applikant dwar l-informazzjoni addizzjonali meħtieġa u jistabbilixxu skadenza raġonevoli biex jipprovduha. Il-perjodu msemmi fil-paragrafu 1 għandu jiġi sospiż sakemm l-awtoritajiet jirċievu l-informazzjoni jew id-dokumenti addizzjonali meħtieġa. Jekk l-informazzjoni jew id-dokumenti addizzjonali ma jkunux ġew ipprovduti fi żmien l-iskadenza, l-applikazzjoni tista' tiġi rrifjutata.

Test propost mill-Kummissjoni

Emenda

4.  Kwalunkwe deċiżjoni ta’ ċaħda ta’ applikazzjoni għal Karta Blu tal-UE, jew deċiżjoni ta’ ċaħda ta’ tiġdid jew deċiżjoni ta’ rtirar ta’ Karta Blu tal-UE, għandha tiġi nnotifikata bil-miktub liċ-ċittadin ikkonċernat ta’ pajjiż terz u, fejn rilevanti, lil min jimpjegah b’konformità mal-proċeduri ta’ notifika stabbiliti fil-liġi nazzjonali rilevanti. In-notifika għandha tispeċifika r-raġunijiet għad-deċiżjoni u l-awtorità kompetenti li quddiemha jista' jitressaq appell, kif ukoll il-limitu ta' żmien għat-tressiq tal-appell. L-Istati Membri għandhom jipprovdu rimedju ġudizzjarju effettiv, b'konformità mal-liġi nazzjonali.

4.  Kwalunkwe deċiżjoni ta’ ċaħda ta’ applikazzjoni għal Karta Blu tal-UE, jew kwalunkwe deċiżjoni ta’ rtirar ta' arta Blu tal-UE, jew kwalunkwe deċiżjoni ta’ ċaħda ta’ tiġdid jew deċiżjoni ta’ rtirar ta’ Karta Blu tal-UE, għandha tiġi nnotifikata bil-miktub liċ-ċittadin ikkonċernat ta’ pajjiż terz u, fejn rilevanti, lil min jimpjegah b’konformità mal-proċeduri ta’ notifika stabbiliti fil-liġi nazzjonali rilevanti. In-notifika għandha tispeċifika r-raġunijiet, de facto u de jure , għad-deċiżjoni u l-awtorità kompetenti li quddiemha jista' jitressaq appell, kif ukoll il-limitu ta' żmien għat-tressiq tal-appell. L-Istati Membri għandhom jipprovdu rimedju ġudizzjarju effettiv, b'konformità mal-liġi nazzjonali. Kwalunkwe deċiżjoni ta’ rifjut ta’ applikazzjoni għal Karta Blu tal-UE m’għandhiex taffettwa d-dritt ta’ ċittadin ta’ pajjiż terz li jippreżenta applikazzjoni ġdida, b’mod partikolari fejn din iċ-ċaħda kienet ibbażata fuq l-aġir ta’ min iħaddem skont il-punti (a), (b) u (c) tal-Artikolu 6(3).

Test propost mill-Kummissjoni

Emenda

4a.  Kwalunkwe deċiżjoni ta’ rtirar ta’ Karta Blu tal-UE, għandha tidħol fis-seħħ biss wara li d-detentur tal-Karta Blu tal-UE jkun ġie debitament notifikat mill-awtoritajiet responsabbli tal-Istat Membru kkonċernat. L-Istati Membri għandhom jiżguraw li dik in-notifika sseħħ mill-inqas 30 jum qabel ma d-deċiżjoni ta’ irtirar tidħol fis-seħħ.

Test propost mill-Kummissjoni

Emenda

6.  Meta l-validità tal-permess tal-Karta Blu tal-UE tiskadi matul il-proċedura għat-tiġdid, l-Istati Membri għandhom jippermettu liċ-ċittadin ta' pajjiż terz jibqa' fit-territorju tagħhom sakemm l-awtoritajiet kompetenti jkunu ħadu deċiżjoni dwar l-applikazzjoni.

6.  Meta l-validità tal-permess tal-Karta Blu tal-UE tiskadi matul il-proċedura għat-tiġdid, l-Istati Membri għandhom jippermettu liċ-ċittadin ta' pajjiż terz jibqa' fit-territorju tagħhom taħt l-istess kundizzjonijiet kif stabbilit f'din id-Direttiva sakemm l-awtoritajiet kompetenti jkunu ħadu deċiżjoni dwar l-applikazzjoni għat-tiġdid.

Test propost mill-Kummissjoni

Emenda

6a.  Matul il-proċedura inizjali ta' applikazzjoni, il-proċedura dwar l-irtirar jew il-proċedura dwar applikazzjoni għal tiġdid, l-Istati Membri għandhom jipprojbixxu kwalunkwe forma ta' arbitrarjetà u/jew ta' diskriminazzjoni fil-proċess ta' teħid ta' deċiżjonijiet skont id-Direttiva tal-Kunsill 76/207/KEE^1a, id-Direttiva tal-Kunsill 2000/43/KE^1b u d-Direttiva tal-Kunsill 2000/78/KE^1c.

_________________

^1aId-Direttiva tal-Kunsill 76/207/KEE tad-9 ta' Frar 1976 dwar l-implimentazzjoni tal-prinċipju ta' trattament ugwali għall-irġiel u n-nisa għal dak li għandu x'jaqsam mal-aċċess għall-impjiegi, taħriġ vokazzjonali u promozzjoni, u kondizzjonijiet tax-xogħol (ĠU L 39, 14.2.1976, p. 40).

^1bId-Direttiva tal-Kunsill 2000/43/KE tad-29 ta’ Ġunju 2000 li timplimenta l-prinċipju tat-trattament ugwali bejn il-persuni irrespettivament mill-oriġini tar-razza jew l-etniċità, ĠU L 180, 19.7.2000, p. 22;

^1cId-Direttiva tal-Kunsill 2000/78/KE tas-27 ta' Novembru 2000 li tistabbilixxi qafas ġenerali għall-ugwaljanza fit-trattament fl-impjieg u fix-xogħol (ĠU L 303, 2.12.2000, p. 16).

Test propost mill-Kummissjoni

Emenda

Il-livell tal-miżati mitluba mill-Istati Membri għall-ipproċessar tal-applikazzjonijiet ma għandux ikun sproporzjonat jew eċċessiv.

L-Istati Membri jistgħu jirrikjedu l-ħlas ta' miżati għall-ipproċessar ta' applikazzjonijiet f'konformità ma' din id-Direttiva. Il-livell tal-miżati mitluba minn Stat Membru għall-ipproċessar tal-applikazzjonijiet ma għandux ikun sproporzjonat jew eċċessiv u b'mod ġenerali mhux ogħla mil-livell tal-miżati meħtieġa għal applikazzjonijiet ta' permess ta' residenza oħrajn fl-Istat Membru.

Test propost mill-Kummissjoni

Emenda

L-Istati Membri jistgħu jiddeċiedu li jipprevedu proċeduri ta' rikonoxximent għall-impjegaturi skont il-liġi nazzjonali jew il-prattika amministrattiva tagħhom għall-finijiet tal-applikazzjoni ta' proċeduri ssimplifikati għall-kisba ta' Karta Blu tal-UE.

L-Istati Membri għandhom jipprevedu proċeduri ta' rikonoxximent għall-impjegaturi skont il-liġi nazzjonali jew il-prattika amministrattiva tagħhom għall-finijiet tal-applikazzjoni ta' proċeduri ssimplifikati għall-kisba ta' Karta Blu tal-UE. L-Istati Membri għandhom jipprovdu informazzjoni ċara u trasparenti lill-impjegaturi kkonċernati.

Test propost mill-Kummissjoni

Emenda

Il-proċeduri ta' rikonoxximent ma għandhomx jinvolvu piż amministrattiv jew spejjeż sproporzjonati jew eċċessivi għall-impjegaturi.

Il-proċeduri ta' rikonoxximent ma għandhomx jinvolvu piż amministrattiv jew spejjeż sproporzjonati jew eċċessivi għall-impjegaturi, b'mod partikolari għal impriżi żgħar u ta' daqs medju.

Test propost mill-Kummissjoni

Emenda

L-Istati Membri jistgħu jirrifjutaw li jirrikonoxxu impjegatur skont il-paragrafu 1, meta l-impjegatur ikun ġie sanzjonat għall-impjieg ta' ċittadini ta' pajjiżi terzi residenti illegalment skont id-Direttiva 2009/52/KE.

L-Istati Membri jistgħu jirrifjutaw li jirrikonoxxu impjegatur skont il-paragrafu 1, meta l-impjegatur ikun ġie sanzjonat għall-impjieg ta' ċittadini ta' pajjiżi terzi residenti b'mod irregolari skont id-Direttiva 2009/52/KE jew fejn l-impjegatur ikun naqas milli jissodisfa l-obbligi legali tiegħu rigward is-sigurtà soċjali, it-tassazzjoni, id-drittijiet tax-xogħol jew il-kundizzjonijiet tax-xogħol.

Test propost mill-Kummissjoni

Emenda

Il-proċeduri ssimplifikati għandhom jinkludu l-ipproċessar ta' applikazzjonijiet kif previst fit-tieni subparagrafu tal-Artikolu 10(1). L-applikanti għandhom ikunu eżentati milli jippreżentaw l-evidenza msemmija fil-punti (ċ) u (e) tal-Artikolu 5(1) u fl-Artikolu 5(8)..

Il-proċeduri ssimplifikati għandhom jinkludu l-ipproċessar ta' applikazzjonijiet kif previst fit-tieni subparagrafu tal-Artikolu 10(1). L-applikanti għandhom ikunu eżentati milli jippreżentaw l-evidenza msemmija fil-punt (e) tal-Artikolu 5(1).

Test propost mill-Kummissjoni

Emenda

L-Istati Membri għandhom jipprevedu miżuri għall-prevenzjoni tal-abbużi possibbli. Dawk il-miżuri jistgħu jinkludu monitoraġġ, valutazzjoni f'intervalli regolari u, fejn xieraq, spezzjoni skont il-liġi nazzjonali jew il-prattika amministrattiva.

L-Istati Membri għandhom jissorveljaw u jivvalutaw f’intervalli regolari l-funzjonament u l-effikaċja ta’ proċeduri ta’ rikonoxximent għall-impjegaturi skont il-paragrafu 1. Għal dak l-għan, mingħajr preġudizzju għall-Artikolu 10(6a), huma għandhom, fejn xieraq, iwettqu spezzjonijiet skont il-liġi nazzjonali jew il-prattika amministrattiva.

Test propost mill-Kummissjoni

Emenda

Id-detenturi tal-Karta Blu tal-UE għandu jkollhom aċċess sħiħ għal impjiegi b'ħiliet għolja fl-Istat Membru kkonċernat. L-Istati Membri jistgħu jitolbu li bidla tal-impjegatur u l-bidliet li jaffettwaw l-issodisfar tal-kriterji għall-ammissjoni kif stabbilit fl-Artikolu 5 jiġu kkomunikati skont il-proċeduri stabbiliti mil-liġi nazzjonali.

Id-detenturi tal-Karta Blu tal-UE għandu jkollhom aċċess sħiħ għal impjiegi b'ħiliet għolja fl-Istat Membru kkonċernat. Matul perjodu ta' qgħad, id-detentur tal-Karta Blu tal-UE għandu jkun jista' jfittex u jaċċetta impjieg b'ħiliet għolja. L-Istati Membri jistgħu jitolbu li bidla tal-impjegatur u l-bidliet li jaffettwaw l-issodisfar tal-kriterji għall-ammissjoni kif stabbilit fl-Artikolu 5 jiġu kkomunikati skont il-proċeduri stabbiliti mil-liġi nazzjonali.

Test propost mill-Kummissjoni

Emenda

Artikolu 14

imħassar

Qgħad temporanju

1.   Il-qgħad fih innifsu ma għandux jikkostitwixxi raġuni għall-irtirar ta' Karta Blu tal-UE, sakemm il-perjodu tal-qgħad ma jkunx aktar minn tliet xhur konsekuttivi, jew ma jkunx aktar minn darba matul il-perjodu ta' validità ta' Karta Blu tal-UE.

2.   Matul il-perjodu msemmi fil-paragrafu 1, id-detentur tal-Karta Blu tal-UE għandu jkun jista' jfittex u jaċċetta impjieg skont il-kundizzjonijiet stabbiliti fl-Artikolu 13.

3.   Id-detentur tal-Karta Blu tal-UE għandu jgħarraf lill-awtoritajiet kompetenti tal-Istat Membru ta' residenza dwar il-bidu u, fejn xieraq, it-tmiem tal-perijodu ta' qgħad, skont il-proċeduri nazzjonali rilevanti.

Test propost mill-Kummissjoni

Emenda

(d)  ir-rikonoxximent ta' diplomi, ċertifikati u kwalifiki professjonali oħrajn b'konformità mal-proċeduri nazzjonali rilevanti;

(d)  ir-rikonoxximent ta' diplomi, ċertifikati u kwalifiki professjonali oħrajn, inkluża l-kisba ta' ħiliet mhux formali, b'konformità mal-proċeduri nazzjonali rilevanti;

Test propost mill-Kummissjoni

Emenda

(fb)  nondiskriminazzjoni abbażi tal-oriġini, il-ġeneru, ir-reliġjon jew it-twemmin, id-diżabbiltà, l-età jew l-orjentazzjoni sesswali.

Test propost mill-Kummissjoni

Emenda

6a.  L-Istati Membri għandhom iżommu lill-impjegatur tad-detentur tal-Karta Blu tal-UE responsabbli għal kwalunkwe nuqqas repetut jew sinifikanti ta' konformità mal-Artikolu 5(3) u l-Artikolu 15.

L-Istat Membru kkonċernat għandu jipprevedi sanzjonijiet meta l-impjegatur jinżamm responsabbli. Dawn is-sanzjonijiet għandhom ikunu effettivi, proporzjonati u dissważivi.

Test propost mill-Kummissjoni

Emenda

6b.  L-Istati Membri għandhom jipprevedu miżuri li jimpedixxu abbużi possibbli tal-Artikolu 5(3) u l-Artikolu 15. Dawk il-miżuri għandhom jinkludu monitoraġġ, valutazzjoni f'intervalli regolari u, fejn xieraq, spezzjoni skont il-liġi nazzjonali jew il-prattika amministrattiva.

Test propost mill-Kummissjoni

Emenda

2a.  Permezz ta’ deroga mill-punt (a) tal-Artikolu 3(2) tad-Direttiva 2003/86/KE, dik id-Direttiva, flimkien mad-derogi stipulati f’dan l-Artikolu, għandhom japplikaw għad-detenturi tal-Karta Blu tal-UE li l-applikazzjoni tagħhom għal protezzjoni internazzjonali tiġi sospiża matul il-perjodu ta’ validità tal-Karta Blu tal-UE skont l-Artikolu 9(2a) ta’ din id-Direttiva.

Test propost mill-Kummissjoni

Emenda

4.  B'deroga mill-ewwel subparagrafu tal-Artikolu 5(4) tad-Direttiva 2003/86/KE, fejn il-kundizzjonijiet għar-riunifikazzjoni tal-familja jkunu ssodisfati u l-applikazzjonijiet ikunu ġew ippreżentati simultanjament, il-permessi ta' residenza għall-membri tal-familja għandhom jingħataw fl-istess żmien li tingħata l-Karta Blu tal-UE. Meta l-membri tal-familja jingħaqdu mad-detentur ta' Karta Blu tal-UE wara li tingħatalu l-Karta Blu tal-UE u meta jiġu ssodisfati l-kundizzjonijiet għar-riunifikazzjoni tal-familja, il-permessi ta' residenza għandhom jingħataw sa mhux aktar tard minn 60 jum mid-data li fiha tkun ġiet ippreżentata l-applikazzjoni.

4.  B'deroga mill-ewwel subparagrafu tal-Artikolu 5(4) tad-Direttiva 2003/86/KE, fejn il-kundizzjonijiet għar-riunifikazzjoni tal-familja jkunu ssodisfati u l-applikazzjonijiet ikunu ġew ippreżentati simultanjament, il-permessi ta' residenza għall-membri tal-familja għandhom jingħataw fl-istess żmien li tingħata l-Karta Blu tal-UE. Meta l-membri tal-familja jingħaqdu mad-detentur ta' Karta Blu tal-UE wara li tingħatalu l-Karta Blu tal-UE u meta jiġu ssodisfati l-kundizzjonijiet għar-riunifikazzjoni tal-familja, il-permessi ta' residenza għandhom jingħataw sa mhux aktar tard minn 30 jum mid-data li fiha tkun ġiet ippreżentata l-applikazzjoni.

Test propost mill-Kummissjoni

Emenda

Qabel ma membru tal-familja jingħata aċċess għall-impjieg, l-Istati Membri jistgħu jivverifikaw jekk il-post tax-xogħol battal ikkonċernat jistax jimtela minn ħaddiema nazzjonali jew tal-Unjoni, minn ċittadini ta' pajjiżi terzi residenti legalment f'dak l-Istat Membru u li diġà jifformaw parti mis-suq tax-xogħol tiegħu bis-saħħa tal-liġi nazzjonali jew tal-Unjoni, jew minn residenti għal perjodu fit-tul fl-UE li jixtiequ jiċċaqilqu lejn dak l-Istat Membru għal impjieg skont il-Kapitolu III tad-Direttiva 2003/109/KE.

imħassar

Test propost mill-Kummissjoni

Emenda

10.  Dan l-Artikolu għandu japplika għad-detenturi tal-Karta Blu tal-UE li jkunu benefiċjarji ta' protezzjoni internazzjonali biss meta jirrisjedu fi Stat Membru ieħor minbarra l-Istat Membru li tahom protezzjoni internazzjonali.

10.  Dan l-Artikolu għandu japplika għad-detenturi tal-Karta Blu tal-UE li jkunu benefiċjarji ta' protezzjoni internazzjonali għal dak li għandu x'jaqsam ma' kwalunkwe kundizzjoni aktar favorevoli għall-membri tal-familja li tista' tkun ġejja minn din id-Direttiva, inkluż meta jirrisjedu fi Stat Membru ieħor minbarra l-Istat Membru li tahom protezzjoni internazzjonali.

Test propost mill-Kummissjoni

Emenda

L-istatus ta' residenti għat-tul tal-UE mogħti skont l-ewwel subparagrafu ta' dan il-paragrafu jistgħu jiġu rtirati qabel il-perjodu ta' residenza legali u kontinwa ta' ħames snin imsemmi fl-Artikolu 4(1) tad-Direttiva 2003/109/KE fit-territorju tal-Istati Membri tkun tlestiet, fejn iċ-ċittadin ta' pajjiż terz ikun bla xogħol u li ma jkollux riżorsi suffiċjenti biex imantni lilu nnifsu u, fejn applikabbli, il-membri tal-familja tiegħu/tagħha, mingħajr ma jirrikorri għas-sistema tal-għajnuna soċjali tal-Istat Membru kkonċernat.

imħassar

Test propost mill-Kummissjoni

Emenda

Madankollu, l-istatus ta' resident għal perjodu fit-tul fl-UE ma għandux jiġi rtirat meta ċ-ċittadin ta' pajjiż terz:

imħassar

(a)   temporanjament ma jkunx jista' jaħdem minħabba mard jew inċident;

(b)   ikun spiċċa involontarjament bla xogħol u jkun irreġistra bħala persuna li qed tfittex xogħol mal-uffiċċju tal-impjiegi rilevanti;

(c)   jibda taħriġ vokazzjonali li, sakemm iċ-ċittadin ta' pajjiż terz ikkonċernat ma jkunx spiċċa involontarjament bla xogħol, għandu jkun relatat mal-impjieg li kellu qabel.

Test propost mill-Kummissjoni

Emenda

5.  B'deroga mill-Artikolu 9(1)(c) tad-Direttiva 2003/109/KE, l-Istati Membri għandhom jestendu għal 24 xahar konsekuttivi l-perjodu ta' assenza mit-territorju tal-Istati Membri li jkun permess lil resident tal-UE għal perjodu fit-tul, li huwa detentur ta' permess ta' residenza għal perjodu fit-tul mar-rimarka msemmija fl-Artikolu 18(2) ta' din id-Direttiva, u tal-membri tal-familja tiegħu li ngħataw status ta' residenti tal-UE għal perjodu fit-tul.

imħassar

Test propost mill-Kummissjoni

Emenda

6.  Id-derogi mniżżlin fil-paragrafi 4 u 5 ta' dan l-Artikolu jistgħu jkunu limitati għall-każijiet fejn iċ-ċittadin konċernat ta' pajjiż terz jista' jippreżenta evidenza li hu kien assenti mit-territorju tal-Istati Membri biex jeżerċita attività ekonomika f'kapaċità ta' impjegat jew impjieg għal rasu, jew biex iwettaq servizz volontarju jew biex jistudja fil-pajjiż ta' oriġini tiegħu.

imħassar

Test propost mill-Kummissjoni

Emenda

Attività ta' negozju fit-tieni Stat Membru

Mobbiltà għal perjodu qasir għal detenturi ta' Karta Blu tal-UE

Test propost mill-Kummissjoni

Emenda

2.  Ċittadin ta' pajjiż terz li għandu Karta Blu tal-UE valida maħruġa minn Stat Membru li ma japplikax l-acquis tax-Schengen b'mod sħiħ għandu jkun intitolat li jidħol u jibqa' f'wieħed jew aktar mit-tieni Stati Membri sa massimu ta' 90 jum fi kwalunkwe perjodu ta' 180 jum għall-fini tat-twettiq ta' attività ta' negozju abbażi tal-Karta Blu tal-UE maħruġa mill-ewwel Stat Membru. It-tieni Stat Membru ma għandu jitlob ebda awtorizzazzjoni oħra għall-eżerċizzju tal-attività ta' negozju minbarra l-Karta Blu tal-UE maħruġa mill-ewwel Stat Membru.

2.  Ċittadin ta' pajjiż terz li għandu Karta Blu tal-UE valida maħruġa minn Stat Membru li ma japplikax l-acquis tax-Schengen b'mod sħiħ għandu jkun intitolat li jidħol u jibqa' f'wieħed jew aktar mit-tieni Stati Membri sa massimu ta' 90 jum fi kwalunkwe perjodu ta' 180 jum għall-fini tat-twettiq ta' attività ta' negozju abbażi tal-Karta Blu tal-UE maħruġa mill-ewwel Stat Membru u dokument tal-ivvjaġġar validu. It-tieni Stat Membru ma għandu jitlob ebda awtorizzazzjoni oħra għall-eżerċizzju tal-attività ta' negozju minbarra l-Karta Blu tal-UE maħruġa mill-ewwel Stat Membru. Madankollu, meta t-tieni Stat Membru japplika l-acquis ta’ Schengen b’mod sħiħ, jista’ jitlob lid-detentur tal-Karta Blu tal-UE biex, meta jaqsam fruntiera esterna, jipprovdi evidenza tal-iskop kummerċjali tas-soġġorn tiegħu f’dak l-Istat Membru.

Test propost mill-Kummissjoni

Emenda

Applikazzjoni għal Karta Blu tal-UE fit-tieni Stat Membru

Mobilità fit-tul għal detenturi ta' Karta Blu tal-UE

Test propost mill-Kummissjoni

Emenda

1.  Wara tnax-il xahar ta' residenza legali fl-ewwel Stat Membru bħala detentur ta' Karta Blu tal-UE, iċ-ċittadin ta' pajjiż terz għandu jkun intitolat li jidħol fit-tieni Stat Membru għall-fini ta' impjieg li jirrikjedi ħiliet għolja abbażi tal-Karta Blu tal-UE u ta' dokument tal-ivvjaġġar validu taħt il-kundizzjonijiet stabbiliti f'dan l-Artikolu.

1.  Wara tnax-il xahar ta' residenza legali fl-ewwel Stat Membru bħala detentur ta' Karta Blu tal-UE, iċ-ċittadin ta' pajjiż terz għandu jkun intitolat li jidħol, jgħix u jaħdem fi Stat Membru jew iktar għall-fini ta' impjieg li jirrikjedi ħiliet għolja abbażi tal-Karta Blu tal-UE u ta' dokument tal-ivvjaġġar validu taħt il-kundizzjonijiet stabbiliti f'dan l-Artikolu.

Test propost mill-Kummissjoni

Emenda

Mill-aktar fis possibbli u mhux aktar tard minn xahar wara li jidħlu fit-territorju tat-tieni Stat Membru, id-detentur ta' Karta Blu tal-UE jew min iħaddmu, jew saħansitra t-tnejn li huma, għandhom jippreżentaw applikazzjoni għal Karta Blu tal-UE lill-awtorità kompetenti ta' dak l-Istat Membru u jippreżentaw id-dokumenti kollha li juru li huma jissodisfaw il-kundizzjonijiet imsemmija fil-paragrafu 3 għat-tieni Stat Membru.

Mill-aktar fis possibbli u mhux aktar tard minn xahar wara li jidħlu fit-territorju tat-tieni Stat Membru, id-detentur ta' Karta Blu tal-UE jew min iħaddmu, jew saħansitra t-tnejn li huma, għandhom jinnotifikaw lill-awtorità kompetenti ta' dak it-tieni Stat Membru tal-impjieg tiegħu f'dak l-Istat Membru u għandu jippreżenta d-dokumenti meħtieġa skont il-paragrafu 3.

Test propost mill-Kummissjoni

Emenda

Id-detentur ta' Karta Blu tal-UE għandu jitħalla jaħdem fit-tieni Stat Membru immedjatament wara li jippreżenta l-applikazzjoni.

Id-detentur ta' Karta Blu tal-UE għandu jitħalla jaħdem fit-tieni Stat Membru immedjatament wara li jippreżenta n-notifika.

Test propost mill-Kummissjoni

Emenda

L-applikazzjoni tista' tiġi ppreżentata lill-awtoritajiet kompetenti tat-tieni Stat Membru waqt li d-detentur ta' Karta Blu tal-UE jkun għadu qed jirrisjedi fit-territorju tal-ewwel Stat Membru.

In-notifika tista' tiġi ppreżentata lill-awtoritajiet kompetenti tat-tieni Stat Membru waqt li d-detentur ta' Karta Blu tal-UE jkun għadu qed jirrisjedi fit-territorju tal-ewwel Stat Membru.

Test propost mill-Kummissjoni

Emenda

3.  Għall-finijiet tal-applikazzjoni msemmija fil-paragrafu 2, id-detentur tal-Karta Blu tal-UE għandu jippreżenta:

3.  Għall-finijiet tan-notifika msemmija fil-paragrafu 2, id-detentur tal-Karta Blu tal-UE għandu jippreżenta:

Test propost mill-Kummissjoni

Emenda

(e)  evidenza li jilħaq il-limitu tas-salarju stabbilit fit-tieni Stat Membru fl-applikazzjoni tal-paragrafu 2 jew, fejn applikabbli, tal-paragrafi 4 jew 5 tal-Artikolu 5.

(e)  fejn meħtieġ, evidenza li jilħaq il-limitu tas-salarju stabbilit fit-tieni Stat Membru fl-applikazzjoni tal-Artikolu 5(2) jew, fejn applikabbli, l-Artikolu 5(4) jew (5).

Test propost mill-Kummissjoni

Emenda

3a.  Meta l-Karta Blu tal-UE ġiet maħruġa minn Stat Membru li ma japplikax l-acquis tax-Schengen b’mod sħiħ u d-detentur jaqsam fruntiera esterna għall-fini ta’ mobbiltà għal perjodu twil, it-tieni Stati Membru jista’ jeħtieġ bħala evidenza tal-mobbiltà kuntratt tax-xogħol jew offerta vinkolanti ta’ impjieg għal impjieg li jirrikjedi ħiliet għolja ta’ mill-inqas sitt xhur fit-tieni Stat Membru.

Test propost mill-Kummissjoni

Emenda

4.  It-tieni Stat Membru għandu jirrifjuta applikazzjoni għal Karta Blu tal-UE fi kwalunkwe wieħed mill-każijiet li ġejjin:

4.  Fi żmien 30 jum mid-data tal-wasla tan-notifika, it-tieni Stat Membru jista' joġġezzjona għall-mobilità fi kwalunkwe wieħed mill-każijiet li ġejjin:

Test propost mill-Kummissjoni

Emenda

(b)  id-dokumenti nkisbu b'mod frodulenti, jew inkella ġew iffalsifikati jew imbagħbsa;

(b)  meta d-dokumenti ppreżentati, bl-għarfien taċ-ċittadin ta pajjiż terz ikkonċernat, ikunu nkisbu b'mod frodulenti, jew inkella ġew iffalsifikati jew imbagħbsa.

Test propost mill-Kummissjoni

Emenda

(ca)  meta detentur ta’ Karta Blu tal-UE jirrapreżenta theddida għall-politika pubblika, is-sigurtà pubblika jew is-saħħa pubblika;

Test propost mill-Kummissjoni

Emenda

(cb)  meta t-tieni Stat Membru jwettaq kontroll magħmul fis-sens tal-Artikolu 6(3a) wara notifika ġustifikata kif stabbilit f’dak l-Artikolu, u biss jekk it-tieni Stat Membru jkun introduċa wkoll tali kontrolli għaċ-ċittadini ta’ pajjiżi terzi li jiġu minn pajjiżi terzi skont din id-Direttiva.

Test propost mill-Kummissjoni

Emenda

4a.  Kwalunkwe deċiżjoni ta' oġġezzjoni għall-mobbiltà, meħuda fis-sens ta' dan il-paragrafu għandha tieħu inkonsiderazzjoni ċ-ċirkostanzi speċifiċi tal-każ u għandha tkun proporzjonata. Fir-rigward ta’ kwalunkwe deċiżjoni li toġġezzjona għall-mobilità, l-Artikolu 10(3) u (4) għandu japplika mutatis mutandis.

Test propost mill-Kummissjoni

Emenda

5.  It-tieni Stat Membru għandu jirrifjuta applikazzjoni għal Karta Blu tal-UE meta ċ-ċittadin ta' pajjiż terz ikun ta' theddida għall-politika pubblika, għas-sigurtà pubblika jew għas-saħħa pubblika.

5.  It-tieni Stat Membru għandu jinforma lill-ewwel Stat Membru bil-miktub fl-istess ħin li jinforma lid-detentur tal-Karta Blu tal-UE, lill-impjegatur tiegħu, jew lit-tnejn, bi kwalunkwe oġġezzjoni għall-mobbiltà u jista’ jobbliga lid-detentur tal-Karta Blu tal-UE u l-membri tal-familja tiegħu/tagħha biex, bi qbil mal-proċeduri previsti fid-dritt nazzjonali, jitilqu mit-territorju tiegħu.

Test propost mill-Kummissjoni

Emenda

6.  It-tieni Stat Membru jista' jirrifjuta applikazzjoni għal Karta Blu tal-UE abbażi ta' kontroll magħmul skont l-Artikolu 6(2) wara notifika ġustifikata kif stabbilit f'dak l-Artikolu, u biss jekk it-tieni Stat Membru jkun introduċa wkoll tali kontrolli għaċ-ċittadini ta' pajjiżi terzi li jiġu minn pajjiżi terzi skont din id-Direttiva.

6.  Fejn it-tieni Stat Membru joġġezzjona għall-mobbiltà, din l-oġġezzjoni ma għandhiex taffettwa t-tiġdid tal-Karta Blu tal-UE jew id-dħul mill-ġdid tad-detentur ta' Karta Blu tal-UE u tal-membri tal-familja tiegħu jew tagħha fl-ewwel Stat Membru. Fuq talba tat-tieni Stat Membru, l-ewwel Stat Membru għandu jippermetti tali dħul mill-ġdid mingħajr formalitajiet u mingħajr dewmien. Dan għandu japplika wkoll jekk il-Karta Blu tal-UE maħruġa mill-ewwel Stat Membru tkun skadiet jew ġiet irtirata matul il-perjodu ta' notifika. Id-detentur ta' Karta Blu tal-UE jew l-impjegatur tiegħu fit-tieni Stat Membru jistgħu jinżammu responsabbli għall-ispejjeż relatati mad-dħul mill-ġdid tad-detentur ta' Karta Blu tal-UE u tal-membri tal-familja tiegħu.

Test propost mill-Kummissjoni

Emenda

7.  It-tieni Stat Membru jista' jirrifjuta applikazzjoni għal Karta Blu tal-UE meta ċ-ċittadin ta' pajjiż terz ripetutament jagħmel użu mill-possibbiltà li jidħol u jaħdem fit-tieni Stat Membru skont dan l-Artikolu b'mod abbużiv. It-tieni Stat Membru għandu jinnotifika lill-ewwel Stat Membru dwar ir-rifjut għall-fini tal-punt (f) tal-Artikolu 7(2).

7.  Meta d-detentur ta' Karta Blu tal-UE jkun eżerċita l-mobbiltà skont dan l-Artikolu u jixtieq iġedded il-Karta Blu tal-UE u jkompli jaħdem fit-tieni Stat Membru, id-detentur tal-Karta Blu tal-UE jew l-impjegatur tiegħu għandhom japplikaw għat-tiġdid f'dak it-tieni Stat Membru. Jekk huwa jew hija japplikaw għat-tiġdid fl-ewwel Stat Membru, huwa jew hija ser jintalbu jaħdmu għal 12-il xahar f’dan l-ewwel Stat Membru qabel ma jeżerċitaw id-dritt tagħhom għal mobbiltà għal perjodu twil għal darb’ oħra, f’konformità mal-paragrafu 1.

Test propost mill-Kummissjoni

Emenda

8.  B'deroga mill-Artikolu 10(1), it-tieni Stat Membru għandu jadotta deċiżjoni dwar applikazzjoni għal Karta Blu tal-UE u jinnotifika lill-applikant u lill-ewwel Stat Membru bil-miktub sa mhux aktar tard minn 30 jum mid-data tal-preżentazzjoni tal-applikazzjoni bid-deċiżjoni tiegħu jew:

8.  B'deroga mill-Artikolu 10(1), it-tieni Stat Membru għandu jadotta deċiżjoni dwar in-notifika u jinforma lid-detentur tal-Karta Blu tal-UE u lill-ewwel Stat Membru bil-miktub sa mhux aktar tard minn 30 jum mid-data tal-preżentazzjoni tan-notifika bid-deċiżjoni tiegħu jew:

Test propost mill-Kummissjoni

Emenda

(a)  meta l-kundizzjonijiet stipulati f'dan l-Artikolu jiġu ssodisfati, joħroġ Karta Blu tal-UE u jippermetti liċ-ċittadin ta' pajjiż terz jirrisjedi fit-territorju tiegħu għall-fini ta' impjieg li jirrikjedi ħiliet għolja; jew

(a)  meta l-kundizzjonijiet stipulati f'dan l-Artikolu jiġu ssodisfati, ma jqajjimx oġġezzjonijiet fir-rigward tal-mobbiltà; jew

Test propost mill-Kummissjoni

Emenda

(b)  meta l-kundizzjonijiet stipulati f'dan l-Artikolu ma jiġux issodisfati, jirrifjuta li joħroġ Karta Blu tal-UE u jobbliga lill-applikant u lill-membri tal-familja tiegħu, skont il-proċeduri previsti fil-liġi nazzjonali, sabiex jitilqu mit-territorju tiegħu.

(b)  meta l-kundizzjonijiet stipulati f'dan l-Artikolu ma jiġux issodisfati, biex joġġezzjona għall-mobilità u jobbliga lill-applikant u lill-membri tal-familja tiegħu, skont il-proċeduri previsti fil-liġi nazzjonali, sabiex jitilqu mit-territorju tiegħu.

Test propost mill-Kummissjoni

Emenda

9.  Meta l-Karta Blu tal-UE maħruġa mill-ewwel Stat Membru tiskadi matul il-proċedura, it-tieni Stat Membru jista' joħroġ, jekk meħtieġ mil-liġi nazzjonali, permessi ta' residenza temporanji nazzjonali, jew awtorizzazzjonijiet ekwivalenti, li jippermettu lill-applikant ikompli jirrisjedi legalment fit-territorju tiegħu sakemm tkun ittieħdet deċiżjoni dwar l-applikazzjoni mill-awtoritajiet kompetenti.

9.  Meta l-Karta Blu tal-UE maħruġa mill-ewwel Stat Membru tiskadi matul il-proċedura ta' notifika, it-tieni Stat Membru jista' joħroġ, jekk meħtieġ mil-liġi nazzjonali, permessi ta' residenza temporanji nazzjonali, jew awtorizzazzjonijiet ekwivalenti, li jippermettu lill-applikant ikompli jirrisjedi legalment fit-territorju tiegħu sakemm tkun ittieħdet deċiżjoni dwar it-tiġdid tal-Karta Blu tal-UE mill-awtoritajiet kompetenti.

Test propost mill-Kummissjoni

Emenda

1.  Meta d-detentur ta' Karta Blu tal-UE jiċċaqlaq lejn it-tieni Stat Membru skont l-Artikolu 20 u meta l-familja tkun diġà kostitwita fl-ewwel Stat Membru, il-membri tal-familja tiegħu għandhom jiġu awtorizzati jakkumpanjawh u jidħlu u jibqgħu fit-tieni Stat Membru abbażi tal-permessi ta' residenza validi miksuba bħala membri tal-familja ta' detentur ta' Karta Blu tal-UE fl-ewwel Stat Membru.

1.  Meta d-detentur ta’ Karta Blu tal-UE jiċċaqlaq lejn it-tieni Stat Membru skont l-Artikolu 20 u meta l-familja tkun ingħaqdet mad-detentur tal-Karta Blu tal-UE jew meta l-familja tkun ġiet kostitwita fl-ewwel Stat Membru, il-membri tal-familja tad-detentur tal-Karta Blu tal-UE għandhom ikunu intitolati jakkumpanjawh u jidħlu u jibqgħu fit-tieni Stat Membru abbażi tal-permessi ta’ residenza validi miksuba bħala membri tal-familja ta’ detentur ta’ Karta Blu tal-UE fl-ewwel Stat Membru. Meta l-Karta Blu tal-UE tinħareġ minn Stat Membru li ma japplikax l-acquis tax-Schengen b’mod sħiħ u l-membri tal-familja ta’ detentur ta’ Karta Blu tal-UE jingħaqdu miegħu meta jaqsam fruntiera esterna bl-iskop li jmur fit-tieni Stat Membru, it-tieni Stat Membru għandu jkun intitolat jitlob lill-membri tal-familja jippreżentaw il-permessi ta’ residenza tagħhom fl-ewwel Stat Membru bħala membri tal-familja tad-detentur ta’ Karta Blu tal-UE.

Test propost mill-Kummissjoni

Emenda

3.  It-tieni Stat Membru jista' jitlob li l-membri tal-familja kkonċernati jippreżentaw mal-applikazzjoni tagħhom għal permess tar-residenza:

3.  It-tieni Stat Membru jista' jitlob li l-membri tal-familja kkonċernati, mal-applikazzjoni tagħhom, jibagħtu l-permess ta' residenza tagħhom fl-ewwel Stat Membru, flimkien ma' dokument tal-ivvjaġġar validu jew kopji ċċertifikati tiegħu.

Test propost mill-Kummissjoni

Emenda

(a)  il-permess ta' residenza tagħhom fl-ewwel Stat Membru u dokument tal-ivvjaġġar validu jew il-kopji ċċertifikati tagħhom;

imħassar

Test propost mill-Kummissjoni

Emenda

(b)  evidenza li jkunu rrisjedew bħala membri tal-familja tad-detentur ta' Karta Blu tal-UE fl-ewwel Stat Membru.

imħassar

Test propost mill-Kummissjoni

Emenda

7.  Dan l-Artikolu għandu japplika għad-detenturi tal-Karta Blu tal-UE li huma benefiċjarji ta' protezzjoni internazzjonali biss meta jiċċaqilqu biex jirrisjedu fi Stat Membru ieħor minbarra l-Istat Membru li tahom il-protezzjoni internazzjonali.

7.  Dan l-Artikolu għandu japplika għad-detenturi tal-Karta Blu tal-UE li huma benefiċjarji ta' protezzjoni internazzjonali kemm meta jiċċaqilqu biex jirrisjedu fi Stat Membru ieħor li tahom il-protezzjoni internazzjonali kif ukoll jekk joqogħdu f'dak l-Istat Membru.

Test propost mill-Kummissjoni

Emenda

1.  Meta l-Karta Blu tal-UE tinħareġ minn Stat Membru li ma japplikax l-acquis tax-Schengen b'mod sħiħ u d-detentur ta' Karta Blu tal-UE jaqsam fruntiera esterna għall-fini ta' mobbiltà kif imsemmi fl-Artikoli 19 u 20, it-tieni Stat Membru għandu jkun intitolat li jitlob bħala evidenza tal-mobbiltà tad-detentur ta' Karta Blu tal-UE:

imħassar

(a) il-Karta Blu tal-UE valida maħruġa mill-ewwel Stat Membru;

(b) għall-fini tal-Artikolu 19, evidenza tal-iskop kummerċjali tas-soġġorn;

(c) għall-fini tal-Artikolu 20, kuntratt tax-xogħol jew offerta vinkolanti ta' impjieg għal impjieg li jirrikjedi ħiliet għolja ta' mill-inqas sitt xhur fit-tieni Stat Membru.

Test propost mill-Kummissjoni

Emenda

1a.  L-Istati Membri għandhom jipprovdu miżuri biex jipprevjenu abbużi possibbli u biex jippenalizzaw il-ksur ta' din id-Direttiva. Miżuri bħal dawn għandhom jinkludu l-monitoraġġ, il-valutazzjoni u, fejn xieraq, l-ispezzjoni, f'konformità mad-dritt tal-Unjoni, b'mod partikolari d-Direttiva 2009/52/KE, u l-liġi nazzjonali jew il-prattika amministrattiva.

Test propost mill-Kummissjoni

Emenda

2.  Meta l-Karta Blu tal-UE tinħareġ minn Stat Membru li ma japplikax l-acquis tax-Schengen b'mod sħiħ u l-membri tal-familja ta' detentur ta' Karta Blu tal-UE jingħaqdu miegħu meta jaqsam fruntiera esterna bl-iskop li jmur fit-tieni Stat Membru kif imsemmi fl-Artikolu 21(1), it-tieni Stat Membru għandu jkun intitolat, minbarra għall-evidenza msemmija fil-paragrafu 1 ta' dan l-Artikolu, li jitlob lill-membri tal-familja jippreżentaw il-permessi ta' residenza tagħhom fl-ewwel Stat Membru bħala membri tal-familja tad-detentur ta' Karta Blu tal-UE.

imħassar

Test propost mill-Kummissjoni

Emenda

3.  Meta t-tieni Stat Membru jirrifjuta l-applikazzjoni għal Karta Blu tal-UE skont il-punt (b) tal-Artikolu 20(8), l-ewwel Stat Membru għandu, fuq talba tat-tieni Stat Membru, jippermetti d-dħul mill-ġdid tad-detentur tal-Karta Blu tal-UE u, fejn applikabbli, tal-membri tal-familja tiegħu, mingħajr formalitajiet u mingħajr dewmien. Dan għandu japplika wkoll jekk il-Karta Blu maħruġa mill-ewwel Stat Membru tkun skadiet jew ġiet irtirata matul l-eżami tal-applikazzjoni. L-Artikolu 14 għandu japplika wara d-dħul mill-ġdid fl-ewwel Stat Membru.

imħassar

Test propost mill-Kummissjoni

Emenda

4.  Id-detentur ta' Karta Blu tal-UE jew l-impjegatur tiegħu fit-tieni Stat Membru jista' jinżamm responsabbli għall-ispejjeż relatati mad-dħul mill-ġdid tad-detentur ta' Karta Blu tal-UE u tal-membri tal-familja tiegħu msemmija fil-paragrafu 4.

imħassar

Test propost mill-Kummissjoni

Emenda

5a.  Meta l-Karta Blu tal-UE tinħareġ minn Stat Membru li ma japplikax l-acquis tax-Schengen b'mod sħiħ u l-membri tal-familja ta' detentur ta' Karta Blu tal-UE jingħaqdu miegħu meta jaqsam fruntiera esterna bl-iskop li jmur fit-tieni Stat Membru kif imsemmi fl-Artikolu 21(1), it-tieni Stat Membru għandu jkun intitolat, minbarra għall-evidenza msemmija fil-paragrafu 1 ta' dan l-Artikolu, li jitlob lill-membri tal-familja jippreżentaw il-permessi ta' residenza tagħhom fl-ewwel Stat Membru bħala membri tal-familja tad-detentur ta' Karta Blu tal-UE.

Test propost mill-Kummissjoni

Emenda

B'deroga mit-tieni subparagrafu, l-Istat Membru li jkun adotta d-deċiżjoni ta' tkeċċija għandu jżomm id-dritt li jneħħi, skont l-obbligi internazzjonali tiegħu, liċ-ċittadin ta' pajjiż terz u jintbagħat f'pajjiż li ma jkunx dak l-Istat Membru li kien ta l-protezzjoni internazzjonali, meta dik il-persuna tissodisfa l-kundizzjonijiet speċifikati fl-Artikolu 21(2) tad-Direttiva 2011/95/UE.

imħassar

Test propost mill-Kummissjoni

Emenda

6a.  Meta Stat Membru jirtira jew ma jġeddidx Karta Blu tal-UE li jkun fiha r-rimarka msemmija fl-Artikolu 8(4a) u jiddeċiedi li jkeċċi liċ-ċittadin ta’ pajjiż terz, huwa għandu jitlob lill-Istat Membru msemmi f’dik ir-rimarka sabiex jikkonferma jekk il-persuna kkonċernata rtiratx l-applikazzjoni tagħha għal protezzjoni internazzjonali. L-Istat Membru msemmi f'dik ir-rimarka għandu jwieġeb fi żmien xahar wara li jirċievi t-talba għall-informazzjoni.

Meta ċ-ċittadin ta’ pajjiż terz ma jkunx irtira l-applikazzjoni tiegħu għal protezzjoni internazzjonali fl-Istat Membru msemmi fir-rimarka, dik il-persuna għandha titkeċċa u tintbagħat f’dik l-Istat Membru, li għandu, mingħajr preġudizzju għal-liġi nazzjonali jew tal-Unjoni applikabbli u għall-prinċipju tal-unità tal-familja, jippermetti immedjatament id-dħul mill-ġdid ta’ dak l-applikant u tal-membri tal-familja tiegħu, mingħajr formalitajiet.

Test propost mill-Kummissjoni

Emenda

7.  Meta d-detentur ta' Karta Blu tal-UE jew il-membri tal-familja tiegħu jaqsmu l-fruntiera esterna ta' Stat Membru li japplika l-acquis tax-Schengen b'mod sħiħ, dak l-Istat Membru għandu jikkonsulta s-sistema ta' informazzjoni tax-Schengen. Dak l-Istat Membru għandu jirrifjuta d-dħul għal persuni li għalihom inħarġet twissija għall-finijiet tar-rifjut tad-dħul u tas-soġġorn fis-sistema ta' informazzjoni tax-Schengen.

7.  Meta d-detentur ta' Karta Blu tal-UE jew il-membri tal-familja tiegħu jaqsmu l-fruntiera esterna ta' Stat Membru li japplika l-acquis tax-Schengen b'mod sħiħ, dak l-Istat Membru, bi qbil mal-Kodiċi tal-Fruntieri Schengen, għandu jikkonsulta s-sistema ta' informazzjoni tax-Schengen. Dak l-Istat Membru għandu jirrifjuta d-dħul għal persuni li għalihom inħarġet twissija għall-finijiet tar-rifjut tad-dħul u tas-soġġorn fis-sistema ta' informazzjoni tax-Schengen.

Test propost mill-Kummissjoni

Emenda

L-Istati Membri għandhom jagħmlu l-informazzjoni dwar l-evidenza dokumentarja kollha meħtieġa għal applikazzjoni u l-informazzjoni dwar il-kundizzjonijiet tad-dħul u r-residenza faċilment disponibbli lill-applikanti, inklużi d-drittijiet, l-obbligi u s-salvagwardji proċedurali, taċ-ċittadini ta' pajjiżi terzi li jaqgħu taħt il-kamp ta' applikazzjoni ta' din id-Direttiva u tal-membri tal-familja tagħhom. Din l-informazzjoni għandha tinkludi informazzjoni dwar il-limiti tas-salarju stabbiliti fl-Istat Membru kkonċernat skont l-Artikolu 5(2), (4) u (5) u dwar il-miżati applikabbli.

L-Istati Membri għandhom jagħmlu l-informazzjoni dwar l-evidenza dokumentarja kollha meħtieġa għal applikazzjoni u l-informazzjoni dwar il-kundizzjonijiet tad-dħul u r-residenza faċilment disponibbli lill-applikanti, inklużi d-drittijiet, l-obbligi u s-salvagwardji proċedurali, taċ-ċittadini ta' pajjiżi terzi li jaqgħu taħt il-kamp ta' applikazzjoni ta' din id-Direttiva u tal-membri tal-familja tagħhom.

Test propost mill-Kummissjoni

Emenda

Din għandha tinkludi, fejn applikabbli, informazzjoni dwar il-limiti tas-salarju u dwar l-eżistenza ta miżati għall-applikazzjoni fl-Istat Membru kkonċernat, informazzjoni dwar l-iskadenzi, il-proċeduri u l-awtoritajiet kompetenti għal appell kontra deċiżjonijiet meħuda mill-awtoritajiet kompetenti tal-Istati Membri skont din id-Direttiva, informazzjoni dwar kwalunkwe professjoni jew setturi tal-impjieg li jbatu minn livelli għolja ta’ qgħad għall-finijiet tal-punt (cc) tal-Artikolu 6(3), u l-informazzjoni fuq dawk is-setturi ta’ impjieg li qed iħabbtu wiċċhom ma’ nuqqas ta’ ħaddiema b’ħiliet għolja taħt l-Artikolu 6(3a).

Test propost mill-Kummissjoni

Emenda

(ba)  dwar l-iskadenzi, il-proċeduri u l-awtoritajiet kompetenti għal appell kontra deċiżjonijiet meħuda mill-awtoritajiet kompetenti tal-Istati Membri skont din id-Direttiva.

Test propost mill-Kummissjoni

Emenda

Fil-każ meta l-Istati Membri jiddeċiedu li jagħmlu użu mill-possibbiltà prevista mill-Artikolu 6(2), l-introduzzjoni ta' kontroll tas-sitwazzjoni tas-suq tax-xogħol fi professjoni jew settur partikolari, f'reġjun partikolari, għandha tiġi kkomunikata bl-istess mod.

imħassar

Test propost mill-Kummissjoni

Emenda

L-Istati Membri għandhom jikkomunikaw lill-Kummissjoni kull sena u wara kull modifika, il-fattur li ddeċidew li jistabbilixxu għad-determinazzjoni tal-limiti tas-salarji annwali u l-ammonti nominali li jirriżultaw, skont l-Artikolu 5(2), (4) u (5).

Meta l-Istati Membri jistabbilixxu limitu tas-salarju, huma għandhom jikkomunikaw lill-Kummissjoni kull sena u wara kull modifika, il-fattur li ddeċidew li jistabbilixxu għad-determinazzjoni tal-limiti tas-salarji annwali u l-ammonti nominali li jirriżultaw, skont l-Artikolu 5(2), (4) u (5).

Test propost mill-Kummissjoni

Emenda

Meta l-Istati Membri jirrifjutaw applikazzjonijiet għal Karta Blu tal-UE abbażi ta' kunsiderazzjonijiet ta' reklutaġġ etiku skont l-Artikolu 6(4), huma għandhom jikkomunikaw lill-Kummissjoni u lill-Istati Membri l-oħrajn deċiżjoni debitament ġustifikata li tindika l-pajjiżi u s-setturi kkonċernati.

Meta l-Istati Membri jirrifjutaw applikazzjonijiet għal Karta Blu tal-UE abbażi ta' kunsiderazzjonijiet ta' reklutaġġ etiku skont l-Artikolu 6(3), huma għandhom jikkomunikaw lill-Kummissjoni u lill-Istati Membri l-oħrajn deċiżjoni debitament ġustifikata li tindika l-pajjiżi u s-setturi kkonċernati.

Test propost mill-Kummissjoni

Emenda

3a.  Il-Kummissjoni għandha tibgħat l-informazzjoni li tirċievi fis-sens tal-paragrafi 2 u 3 lill-Parlament Ewropew fuq bażi annwali.

Test propost mill-Kummissjoni

Emenda

Kull sena, u għall-ewwel darba mhux aktar tard minn...⁵², l-Istati Membri għandhom, konformement mar-Regolament (KE) Nru 862/2007⁵³, jikkomunikaw lill-Kummissjoni statistika dwar l-għadd ta' ċittadini ta' pajjiżi terzi li ngħataw il-Karta Blu tal-UE u fuq dawk li l-applikazzjoni tagħhom tkun ġiet miċħuda, li jispeċifikaw dawk miċħuda b'applikazzjoni tal-Artikolu 6(2), kif ukoll dwar l-għadd ta' ċittadini ta' pajjiżi terzi li l-Karta Blu tal-UE tagħhom ġiet imġedda jew irtirata matul is-sena kalendarja preċedenti. Dik l-istatistika għandha tiġi diżaggregata skont iċ-ċittadinanza, il-professjoni, it-tul tal-validità tal-permessi, is-sess u l-età tal-applikanti u s-settur ekonomiku. Dik l-istatistika għaċ-ċittadini ta' pajjiżi terzi li ngħataw Karta Blu tal-UE għandha tkompli tiġi diżaggregata skont il-benefiċjarji ta' protezzjoni internazzjonali, il-benefiċjarji tad-dritt għal moviment liberu u dawk li kisbu l-istatus ta' residenti għal perjodu fit-tul fl-UE skont l-Artikolu 17.

Kull sena, u għall-ewwel darba mhux aktar tard minn...⁵², l-Istati Membri għandhom, konformement mar-Regolament (KE) Nru 862/2007⁵³, jikkomunikaw lill-Kummissjoni statistika dwar l-għadd ta' ċittadini ta' pajjiżi terzi li ngħataw il-Karta Blu tal-UE u fuq dawk li l-applikazzjoni tagħhom tkun ġiet miċħuda, li jispeċifikaw dawk miċħuda b'applikazzjoni tal-Artikolu 6(2), kif ukoll dwar l-għadd ta' ċittadini ta' pajjiżi terzi li l-Karta Blu tal-UE tagħhom ġiet imġedda jew irtirata matul is-sena kalendarja preċedenti. Dik l-istatistika għandha tiġi diżaggregata skont iċ-ċittadinanza, il-professjoni, it-tul tal-validità tal-permessi, is-sess u l-età tal-applikanti, il-qasam ta' attività, id-daqs tal-impriża tal-impjegatur u s-settur ekonomiku. Dik l-istatistika għaċ-ċittadini ta' pajjiżi terzi li ngħataw Karta Blu tal-UE għandha tkompli tiġi diżaggregata skont il-benefiċjarji ta' protezzjoni internazzjonali, il-benefiċjarji tad-dritt għal moviment liberu, applikanti għall-protezzjoni internazzjonali, eks detenturi ta' permess ta' residenza skont id-Direttiva (UE) 2016/801 u d-Direttiva 2014/36/UE, u dawk li kisbu l-istatus ta' residenti għal perjodu fit-tul fl-UE skont l-Artikolu 17.

_________________

_________________

⁵²  Erba' snin wara d-data tad-dħul fis-seħħ ta' din id-Direttiva.

⁵²  Erba' snin wara d-data tad-dħul fis-seħħ ta' din id-Direttiva.

⁵³  Regolament (KE) Nru 862/2007 tal-Parlament Ewropew u tal-Kunsill tal-11 ta' Lulju 2007 dwar l-istatistika Komunitarja dwar il-migrazzjoni u l-protezzjoni internazzjonali u li jħassar ir-Regolament tal-Kunsill (KEE) Nru 311/76 dwar il-ġbir ta' statistika dwar ħaddiema barranin (ĠU L 199, 31.7.2007, p. 23).

⁵³  Regolament (KE) Nru 862/2007 tal-Parlament Ewropew u tal-Kunsill tal-11 ta' Lulju 2007 dwar l-istatistika Komunitarja dwar il-migrazzjoni u l-protezzjoni internazzjonali u li jħassar ir-Regolament tal-Kunsill (KEE) Nru 311/76 dwar il-ġbir ta' statistika dwar ħaddiema barranin (ĠU L 199, 31.7.2007, p. 23).

Test propost mill-Kummissjoni

Emenda

2.  Għall-fini tal-implimentazzjoni ta’ paragrafu tal-Artikolu 5(2), (4) u (5), għandha ssir riferenza għad-dejta mibgħuta lill-Eurostat skont ir-Regolament (UE) Nru 549/2013⁵⁴.

2.  Għall-fini tal-implimentazzjoni tal-Artikolu 5, għandha ssir riferenza għad-dejta mibgħuta lill-Eurostat skont ir-Regolament (UE) Nru 549/2013⁵⁴.

_________________

_________________

⁵⁴  Ir-Regolament (UE) Nru 549/2013 tal-Parlament Ewropew u tal-Kunsill tal-21 ta' Mejju 2013 dwar is-sistema Ewropea ta' kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1).

⁵⁴  Ir-Regolament (UE) Nru 549/2013 tal-Parlament Ewropew u tal-Kunsill tal-21 ta' Mejju 2013 dwar is-sistema Ewropea ta' kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1).

Test propost mill-Kummissjoni

Emenda

Kull tliet snin u għall-ewwel darba minn [ħames snin wara d-data tad-dħul fis-seħħ ta' din id-Direttiva], il-Kummissjoni għandha tirrapporta lill-Parlament Ewropew u lill-Kunsill dwar l-applikazzjoni ta' din id-Direttiva fl-Istati Membri, b'mod partikolari l-valutazzjoni tal-impatt tal-Artikoli 5, 12, 19 u 20, kif ukoll l-impatt ta' din id-Direttiva fuq is-sitwazzjonijiet tas-suq tax-xogħol nazzjonali. Il-Kummissjoni għandha tipproponi kwalunkwe emendi li jkunu meħtieġa.

Kull tliet snin u għall-ewwel darba minn [ħames snin wara d-data tad-dħul fis-seħħ ta’ din id-Direttiva], il-Kummissjoni għandha tirrapporta lill-Parlament Ewropew u lill-Kunsill dwar l-applikazzjoni ta’ din id-Direttiva fl-Istati Membri, b’mod partikolari l-valutazzjoni tal-impatt tal-Artikoli 3, 5, 10, 12, 15, 19 u 20, kif ukoll l-impatt ta’ din id-Direttiva fuq is-sitwazzjonijiet tas-suq tax-xogħol nazzjonali. Il-Kummissjoni għandha tipproponi kwalunkwe emendi li jkunu meħtieġa. Bħala parti mill-valutazzjoni tagħha, il-Kummissjoni jenħtieġ li tevalwa l-adattabilità ta' skemi simili għall-migrazzjoni tal-ħaddiema għal setturi oħra tal-impjieg, b'mod partikolari s-setturi b'paga baxxa u medja.

Test propost mill-Kummissjoni

Emenda

Notevolment, il-Kummissjoni għandha tivvaluta r-rilevanza tal-limitu tas-salarju stabbilit fl-Artikolu 5 u tad-derogi previsti f'dak l-Artikolu, billi tieħu f'kunsiderazzjoni, fost l-oħrajn, id-diversità tas-sitwazzjonijiet ekonomiċi, settorjali u ġeografiċi u l-impatt fuq is-suq tax-xogħol fl-Istati Membri.

Notevolment, il-Kummissjoni għandha tivvaluta r-rilevanza tal-limitu tas-salarju stabbilit fl-Artikolu 5, billi tieħu f'kunsiderazzjoni, fost l-oħrajn, id-diversità tas-sitwazzjonijiet ekonomiċi, settorjali u ġeografiċi u l-impatt fuq is-suq tax-xogħol fl-Istati Membri.

Test propost mill-Kummissjoni

Emenda

Artikolu 26a

Emenda għad-Direttiva (UE) 2016/801

Fl-Artikolu 2 tad-Direttiva (UE) 2016/801, il-punt (g) huwa sostitwit b'dan li ġej:

"(g)  li japplikaw biex jirrisjedu fi Stat Membru għall-fini ta' impjieg li jirrikjedi ħiliet għolja fis-sens tad-Direttiva (UE) 2017/...^*+.

__________

^*  Direttiva (UE) .../... tal-Parlament Ewropew u tal-Kunsill ta' ... dwar il-kundizzjonijiet tad-dħul u tar-residenza ta’ ċittadini ta’ pajjiżi terzi għall-finijiet ta’ impjieg b’ħiliet għolja (ĠU ..., p. ...)."

⁺  ĠU: Jekk jogħġbok inkludi fit-test in-numru tad-Direttiva li jinsab fid-dokument bil-kodiċi interistituzzjonali (2016/-176(COD)) u daħħal in-numru, l-isem, id-data u r-referenza tal-ĠU ta’ dik id-Direttiva fin-nota f’qiegħ il-paġna.

Test propost mill-Kummissjoni

Emenda

3.  B'deroga mill-paragrafu 1, l-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw mal-punti (g) u (i) tal-Artikolu 2 fir-rigward tar-rikonoxximent tal-ħiliet professjonali ogħla bħala kwalifiki professjonali ogħla sa [sentejn wara l-iskadenza tat-traspożizzjoni ġenerali].

imħassar

Test propost mill-Kummissjoni

Emenda

(b)  fejn xieraq, meta l-impjegatur ikun naqas milli jissodisfa l-obbligi legali tiegħu rigward is-sigurtà soċjali, it-tassazzjoni, id-drittijiet tal-ħaddiema jew il-kundizzjonijiet tax-xogħol;

imħassar

Test propost mill-Kummissjoni

Emenda

(d)  ir-rikonoxximent ta' diplomi, ċertifikati u kwalifiki professjonali oħrajn b'konformità mal-proċeduri nazzjonali rilevanti;

(d)  ir-rikonoxximent ta' diplomi, ċertifikati u kwalifiki professjonali oħrajn, inkluża l-kisba ta' ħiliet mhux formali, b'konformità mal-proċeduri nazzjonali rilevanti;

Test propost mill-Kummissjoni

Emenda

(fb)  nondiskriminazzjoni abbażi tal-oriġini, il-ġeneru, ir-reliġjon jew it-twemmin, id-diżabbiltà, l-età jew l-orjentazzjoni sesswali.

Test propost mill-Kummissjoni

Emenda

6a.  L-Istati Membri għandhom iżommu lill-impjegatur tad-detentur tal-Karta Blu tal-UE responsabbli għal kwalunkwe nuqqas repetut jew sinifikanti ta' konformità mal-Artikolu 5(3) u l-Artikolu 15.

L-Istat Membru kkonċernat għandu jipprevedi sanzjonijiet meta l-impjegatur jinżamm responsabbli. Dawn is-sanzjonijiet għandhom ikunu effettivi, proporzjonati u dissważivi.

Test propost mill-Kummissjoni

Emenda

6b.  L-Istati Membri għandhom jipprevedu miżuri li jimpedixxu abbużi possibbli tal-Artikolu 5(3) u l-Artikolu 15. Dawk il-miżuri għandhom jinkludu monitoraġġ, valutazzjoni f'intervalli regolari u, fejn xieraq, spezzjoni skont il-liġi nazzjonali jew il-prattika amministrattiva.

Test propost mill-Kummissjoni

Emenda

3a.  Il-Kummissjoni għandha tibgħat l-informazzjoni li tirċievi skont il-paragrafi 2 u 3 lill-Parlament Ewropew fuq bażi annwali.