RAPPORT dwar il-proposta għal direttiva tal-Parlament Ewropew u tal-Kunsill li temenda d-Direttiva 2008/98/KE dwar l-iskart

Test propost mill-Kummissjoni

Emenda

-1. Il-prevenzjoni u l-immaniġġar tal-iskart għat-tipi kollha hija għodda kruċjali ta’ politika kruċjali sabiex jiġu protetti l-ambjent u s-saħħa tal-bniedem fl-Unjoni. Hekk kif l-Istati Membri jagħmlu ħilithom biex itejbu b’mod kostanti l-programmi tagħhom għall-prevenzjoni u l-immaniġġar tal-iskart, huwa essenzjali li tiġi applikata b’mod strett il-ġerarkija tal-iskart.

Test propost mill-Kummissjoni

Emenda

(1) Il-Patt Ekoloġiku Ewropew u l-Pjan ta’ Azzjoni dwar l-Ekonomija Ċirkolari69 jitolbu azzjoni msaħħa u aċċellerata tal-Unjoni u tal-Istati Membri biex tiġi żgurata s-sostenibbiltà ambjentali u soċjali tas-setturi tat-tessuti u tal-ikel peress li dawn jirrappreżentaw setturi mill-aktar intensivi fl-użu tar-riżorsi li jikkawżaw esternalitajiet ambjentali negattivi sinifikanti. F’dawk is-setturi, il-lakuni finanzjarji u teknoloġiċi jxekklu l-progress lejn it-tranżizzjoni għal ekonomija ċirkolari u d-dekarbonizzazzjoni. Is-setturi tal-ikel u tat-tessuti huma l-aktar u r-raba’ l-aktar setturi intensivi fl-użu tar-riżorsi rispettivament70 u ma jikkonformawx bis-sħiħ mal-prinċipji fundamentali tal-UE dwar l-immaniġġar tal-iskart stabbiliti fil-ġerarkija tal-iskart li tirrikjedi l-prijoritizzazzjoni tal-prevenzjoni tal-iskart segwita mit-tħejjija għall-użu mill-ġdid u r-riċiklaġġ. Dawn l-isfidi jirrikjedu soluzzjonijiet sistemiċi b’approċċ ibbażat fuq iċ-ċiklu tal-ħajja.

(1) Il-Patt Ekoloġiku Ewropew u l-Pjan ta’ Azzjoni dwar l-Ekonomija Ċirkolari jitolbu azzjoni msaħħa u aċċellerata tal-Unjoni u tal-Istati Membri biex tiġi żgurata s-sostenibbiltà ambjentali u soċjali tas-setturi tat-tessuti u tal-ikel peress li dawn jirrappreżentaw setturi mill-aktar intensivi fl-użu tar-riżorsi li jikkawżaw esternalitajiet ambjentali negattivi sinifikanti. F’dawk is-setturi, il-lakuni finanzjarji u teknoloġiċi, fost affarijiet oħra, ixekklu l-progress lejn it-tranżizzjoni għal ekonomija ċirkolari u d-dekarbonizzazzjoni. Is-setturi tal-ikel u tat-tessuti huma l-aktar u r-raba’ l-aktar setturi intensivi fl-użu tar-riżorsi rispettivament u ma jikkonformawx bis-sħiħ mal-prinċipji fundamentali tal-UE dwar l-immaniġġar tal-iskart stabbiliti fil-ġerarkija tal-iskart li tirrikjedi l-prijoritizzazzjoni tal-prevenzjoni tal-iskart segwita mit-tħejjija għall-użu mill-ġdid u r-riċiklaġġ. Dawn l-isfidi jirrikjedu soluzzjonijiet sistemiċi b’approċċ ibbażat fuq iċ-ċiklu tal-ħajja b’attenzjoni partikolari mogħtija lill-prodotti tal-ikel u tat-tessuti.

_________________

69 COM(2020)98 final tal-11 ta’ Marzu 2020.

70 Perkorsi ta’ Tranżizzjoni tal-UE (europa.eu)

Test propost mill-Kummissjoni

Emenda

(2) Skont l-Istrateġija tal-UE għal Tessuti Sostenibbli u Ċirkolari71 , huma meħtieġa bidliet importanti biex nitbiegħdu mill-mod lineari prevalenti bħalissa, li bih il-prodotti tat-tessuti jitfasslu, jiġu prodotti, jintużaw u jiġu skartati, bi ħtieġa partikolari li tiġi limitata l-moda mgħaġġla. Dik l-Istrateġija tqis li huwa importanti li l-produtturi jkunu responsabbli għall-iskart li joħolqu l-prodotti tagħhom u tirreferi għall-istabbiliment ta’ regoli armonizzati tal-Unjoni dwar ir-responsabbiltà estiża tal-produttur għat-tessuti b’ekomodulazzjoni tat-tariffi. Hija tistipula li l-objettiv ewlieni ta’ dawn ir-regoli huwa li tinħoloq ekonomija għall-ġbir, is-separazzjoni, l-użu mill-ġdid, it-tħejjija għall-użu mill-ġdid u r-riċiklaġġ, u li l-produtturi jiġu inċentivati jiżguraw li l-prodotti tagħhom ikunu mfassla b’rispett għall-prinċipji taċ-ċirkolarità. Għal dak il-għan, hija tipprevedi li sehem notevoli mill-kontribuzzjonijiet magħmula mill-produtturi għall-iskemi ta’ responsabbiltà estiża tal-produttur għandhom ikunu ddedikati għall-miżuri ta’ prevenzjoni tal-iskart u għat-tħejjija għall-użu mill-ġdid. Hija tappoġġa wkoll il-ħtieġa ta’ approċċi msaħħa u aktar innovattivi għall-ġestjoni sostenibbli tar-riżorsi bijoloġiċi biex jiżdiedu ċ-ċirkolarità u l-valorizzazzjoni tal-iskart tal-ikel u l-użu mill-ġdid tat-tessuti b’bażi bijoloġika.

(2) Skont l-Istrateġija tal-UE għal Tessuti Sostenibbli u Ċirkolari71 , huma meħtieġa bidliet importanti biex nitbiegħdu mill-mod lineari prevalenti bħalissa, li bih il-prodotti tat-tessuti jitfasslu, jiġu prodotti, jintużaw u jiġu skartati, bi ħtieġa partikolari li tiġi limitata l-moda mgħaġġla. Skont il-viżjoni tal-Istrateġija għall-2030, il-konsumaturi jenħtieġ li jibbenefikaw aktar fit-tul minn tessuti affordabbli ta’ kwalità għolja. Dik l-Istrateġija tqis li huwa importanti li l-produtturi jkunu responsabbli għall-iskart li joħolqu l-prodotti tagħhom u tirreferi għall-istabbiliment ta’ regoli armonizzati tal-Unjoni dwar ir-responsabbiltà estiża tal-produttur għat-tessuti b’ekomodulazzjoni tat-tariffi. Hija tistipula li l-objettiv ewlieni ta’ dawn ir-regoli huwa li tinħoloq ekonomija għall-ġbir, is-separazzjoni, l-użu mill-ġdid, it-tħejjija għall-użu mill-ġdid u r-riċiklaġġ, u li l-produtturi jiġu inċentivati jiżguraw li l-prodotti tagħhom ikunu mfassla b’rispett għall-prinċipji taċ-ċirkolarità. Għal dak il-għan, hija tipprevedi li sehem notevoli mill-kontribuzzjonijiet magħmula mill-produtturi għall-iskemi ta’ responsabbiltà estiża tal-produttur għandhom ikunu ddedikati għall-miżuri ta’ prevenzjoni tal-iskart u għat-tħejjija għall-użu mill-ġdid. Hija tappoġġa wkoll il-ħtieġa ta’ approċċi msaħħa u aktar innovattivi għall-ġestjoni sostenibbli tar-riżorsi bijoloġiċi biex jiżdiedu ċ-ċirkolarità u l-valorizzazzjoni tal-iskart tal-ikel u l-użu mill-ġdid tat-tessuti b’bażi bijoloġika

_________________

_________________

71 COM(2022)141 final tat-30 ta’ Marzu 2022.

71 COM(2022)141 final tat-30 ta’ Marzu 2022.

Test propost mill-Kummissjoni

Emenda

(2a) Skont il-briefing tal-Aġenzija Ewropea għall-Ambjent bit-titolu “Microplastics from textiles in Europe” (Il-mikroplastiċi mit-tessuti fl-Ewropa)1a, sa 35 % tal-mikroplastiċi globali rilaxxati fl-ekosistemi akkwatiċi, terrestri u tal-baħar huma minn tessuti sintetiċi. L-iskart tal-plastik li jdgħajjef l-ekosistemi akkwatiċi, terrestri u tal-baħar jista’ jinġabar, jiġi riċiklat u fl-aħħar mill-aħħar jerġa’ jintuża sabiex tiġi promossa ekonomija ċirkolari sħiħa kif ukoll jiżdied l-għarfien fost il-pubbliku għat-tixrid tal-aħjar prattiki.

_________________

1a https://www.eea.europa.eu/publications/microplastics-from-textiles-towards-a

Test propost mill-Kummissjoni

Emenda

(3) B’kont meħud tal-effetti negattivi tal-iskart tal-ikel, l-Istati Membri impenjaw ruħhom li jieħdu miżuri biex jippromwovu l-prevenzjoni u t-tnaqqis tal-iskart tal-ikel f’konformità mal-Aġenda 2030 għall-Iżvilupp Sostenibbli, adottata mill-Assemblea Ġenerali tan-Nazzjonijiet Uniti (NU) fil-25 ta’ Settembru 2015, u b’mod partikolari l-mira tagħha li jitnaqqas bin-nofs l-iskart globali tal-ikel per capita fil-livelli tal-bejgħ bl-imnut u tal-konsumatur u jitnaqqas it-telf tal-ikel tul il-ktajjen tal-produzzjoni u tal-provvista, inkluż it-telf ta’ wara l-ħsad, sal-2030. Dawk il-miżuri kellhom l-għan li jipprevjenu u jnaqqsu l-iskart tal-ikel fil-produzzjoni primarja, fl-ipproċessar u fil-manifattura, fil-bejgħ bl-imnut u distribuzzjoni oħra tal-ikel, fir-ristoranti u fis-servizzi tal-ikel kif ukoll fl-unitajiet domestiċi.

(3) B’kont meħud tal-effetti negattivi tal-iskart tal-ikel, l-Istati Membri impenjaw ruħhom li jieħdu miżuri biex jippromwovu l-prevenzjoni u t-tnaqqis tal-iskart tal-ikel f’konformità mal-Aġenda 2030 għall-Iżvilupp Sostenibbli, u l-Mira 12.3 tal-SDG b’mod partikolari, adottata mill-Assemblea Ġenerali tan-Nazzjonijiet Uniti (NU) fil-25 ta’ Settembru 2015, u b’mod partikolari l-mira tagħha li jitnaqqas bin-nofs l-iskart globali tal-ikel per capita fil-livelli tal-bejgħ bl-imnut u tal-konsumatur u jitnaqqas it-telf tal-ikel tul il-ktajjen tal-produzzjoni u tal-provvista, inkluż it-telf ta’ wara l-ħsad, sal-2030. Dawk il-miżuri kellhom l-għan li jipprevjenu u jnaqqsu l-iskart tal-ikel fil-produzzjoni primarja, fl-ipproċessar u fil-manifattura, fil-bejgħ bl-imnut u distribuzzjoni oħra tal-ikel, fir-ristoranti u fis-servizzi tal-ikel kif ukoll fl-unitajiet domestiċi.

Test propost mill-Kummissjoni

Emenda

(5a) L-injam huwa riżorsa siewja u huwa mħeġġeġ li dan jiżdied ma’ lista ta’ materjali soġġetti għal ġbir separat, u b’miri ta’ użu mill-ġdid u ta’ riċiklaġġ.

Test propost mill-Kummissjoni

Emenda

(7) L-Istati Membri, sa ċertu punt, żviluppaw materjali u wettqu kampanji mmirati lejn il-prevenzjoni tal-iskart tal-ikel għall-konsumaturi u għall-operaturi tan-negozji tal-ikel; madankollu, dawn jiffukaw l-aktar fuq is-sensibilizzazzjoni aktar milli jqanqlu bidla fl-imġiba. Sabiex jintlaħaq il-potenzjal sħiħ għat-tnaqqis tal-iskart tal-ikel u jiġi żgurat il-progress maż-żmien, iridu jiġu żviluppati interventi għall-bidla fl-imġiba, adattati skont is-sitwazzjonijiet u l-ħtiġijiet speċifiċi fl-Istati Membri, u integrati b’mod sħiħ fil-programmi nazzjonali għall-prevenzjoni tal-iskart tal-ikel. Jenħtieġ li tingħata importanza wkoll lil soluzzjonijiet ċirkolari reġjonali, bħas-sħubijiet pubbliċi-privati u l-involviment taċ-ċittadini kif ukoll l-adattament għal ħtiġijiet reġjonali speċifiċi bħar-reġjuni ultraperiferiċi jew il-gżejjer.

(7) L-Istati Membri, sa ċertu punt, żviluppaw materjali u wettqu kampanji mmirati lejn il-prevenzjoni tal-iskart tal-ikel għall-konsumaturi u għall-operaturi tan-negozji tal-ikel; madankollu, dawn jiffukaw l-aktar fuq is-sensibilizzazzjoni u bidliet sostanzjali fid-dieta inkluża bidla fl-imġiba. Sabiex jintlaħaq il-potenzjal sħiħ għat-tnaqqis tal-iskart tal-ikel u jiġi żgurat il-progress maż-żmien, iridu jiġu żviluppati interventi għall-bidla fl-imġiba, adattati skont is-sitwazzjonijiet u l-ħtiġijiet speċifiċi fl-Istati Membri, u integrati b’mod sħiħ fil-programmi nazzjonali għall-prevenzjoni tal-iskart tal-ikel. Jenħtieġ li tingħata importanza wkoll lil soluzzjonijiet ċirkolari reġjonali, l-involviment taċ-ċittadini kif ukoll l-adattament għal ħtiġijiet reġjonali speċifiċi bħar-reġjuni ultraperiferiċi jew il-gżejjer;

Test propost mill-Kummissjoni

Emenda

(10) B’kont meħud tal-impenn tal-Unjoni għall-ambizzjoni stabbilita fil-Mira 12.3 tal-SDG, l-istabbiliment ta’ miri għat-tnaqqis tal-iskart tal-ikel li għandhom jintlaħqu mill-Istati Membri sal-2030 jenħtieġ li jipprovdi impuls ta’ politika qawwi biex tittieħed azzjoni u jiġi żgurat kontribut sinifikanti għall-miri globali. Madankollu, minħabba n-natura legalment vinkolanti ta’ dawn il-miri, jenħtieġ li dawn ikunu proporzjonati u fattibbli, u jqisu r-rwol tal-atturi differenti fil-katina tal-provvista tal-ikel kif ukoll il-kapaċità tagħhom (b’mod partikolari l-intrapriżi mikro u żgħar). L-istabbiliment ta’ miri legalment vinkolanti jenħtieġ għalhekk isegwi approċċ gradwali, li jibda b’livell li jkun aktar baxx minn dak stabbilit skont l-SDG, bil-għan li jiġi żgurat rispons konsistenti tal-Istati Membri u progress tanġibbli lejn il-Mira 12.3.

(10)  L-istabbiliment ta’ miri għat-tnaqqis tal-iskart tal-ikel li għandhom jintlaħqu mill-Istati Membri sal-2030, b’konformità tal-impenn tal-Unjoni għall-ambizzjoni stabbilita fil-Mira 12.3 tal-SDG, jenħtieġ li jipprovdi impuls ta’ politika qawwi biex tittieħed azzjoni u jiġi żgurat kontribut sinifikanti għall-miri globali. Madankollu, minħabba n-natura legalment vinkolanti ta’ dawn il-miri, jenħtieġ li dawn ikunu proporzjonati, li jistgħu jintlaħqu u fattibbli, u jqisu r-rwol tal-atturi differenti fil-katina tal-provvista tal-ikel kif ukoll il-kapaċità tagħhom, b’mod partikolari l-intrapriżi mikro u żgħar.

Test propost mill-Kummissjoni

Emenda

(10a) Id-disparitajiet fis-setgħa tan-negozjar bejn il-fornituri u x-xerrejja ta’ prodotti agrikoli u tal-ikel għadhom jippersistu fil-ktajjen tal-provvista tal-ikel madwar l-Unjoni. Dan huwa partikolarment il-każ fis-settur agrikolu, peress li n-natura speċifika tal-prodotti agrikoli u l-ħtieġa assoċjata li dawn jintużaw malajr ifixklu l-ugwaljanza fost il-kontropartijiet sa mill-bidu nett. Għalhekk jenħtieġ li jsir kull sforz biex jiġi żgurat li l-aktar prattiki kummerċjali inġusti komuni li jaffettwaw lill-fornituri agrikoli, b’mod partikolari fil-provvista ta’ prodotti li jitħassru malajr, ma jiżdidux bħala riżultat ta’ miri vinkolanti biex jitnaqqas l-iskart tal-ikel.

Test propost mill-Kummissjoni

Emenda

(10b) Il-Kumitat Ekonomiku u Soċjali Ewropew u l-Mekkaniżmu Ewropew ta’ tħejjija u rispons għall-Kriżijiet tas-Sigurtà tal-Ikel irrikonoxxa l-kontribut tal-imballaġġ fit-tnaqqis tal-iskart tal-ikel u fl-iżgurar tal-provvista u s-sigurtà tal-ikel.

Test propost mill-Kummissjoni

Emenda

(11) It-tnaqqis tal-iskart tal-ikel fl-istadji tal-produzzjoni u tal-konsum jirrikjedi diversi approċċi u miżuri u jinvolvi diversi gruppi ta’ partijiet ikkonċernati. Għalhekk, jenħtieġ li tiġi proposta mira waħda għall-istadju tal-ipproċessar u tal-manifattura u oħra għall-bejgħ bl-imnut u distribuzzjoni oħra tal-ikel, ir-ristoranti u s-servizzi tal-ikel u l-unitajiet domestiċi.

(11) It-tnaqqis tal-iskart tal-ikel fl-istadji tal-produzzjoni u tal-konsum jirrikjedi diversi approċċi u miżuri u jinvolvi diversi gruppi ta’ partijiet ikkonċernati. Għalhekk, jenħtieġ li tiġi proposta mira waħda għall-istadju tal-ipproċessar u tal-manifattura u oħra għall-bejgħ bl-imnut u distribuzzjoni oħra tal-ikel, ir-ristoranti u s-servizzi tal-ikel u l-unitajiet domestiċi. It-tnaqqis tal-iskart tal-ikel fi kwalunkwe punt tul il-katina tal-provvista tal-ikel iwassal għal impatt ambjentali pożittiv sinifikanti.

Test propost mill-Kummissjoni

Emenda

(14a) Biex tippromwovi interpretazzjoni uniformi u konsistenti tad-data u tar-rapportar dwar l-iskart tal-ikel fost l-atturi fil-katina tal-provvista tal-ikel u l-awtoritajiet tal-Istati Membri, il-Kummissjoni jenħtieġ li tipprovdi linji gwida komprensivi li jappartjenu għall-metodoloġija għall-kejl tal-iskart tal-ikel.

Test propost mill-Kummissjoni

Emenda

(14b) Il-metodoloġija armonizzata stabbilita fid-Deċiżjoni Delegata tal-Kummissjoni (UE) 2019/1597* tipprevedi l-użu ta’ metodi differenti ta’ rapportar. Sabiex jiġi żgurat li d-data futura tkun xjentifikament soda, ta’ kwalità għolja u komparabbli, huwa meħtieġ li jiġu stabbiliti u applikati metodi ta’ kejl ċari u konsistenti fost l-Istati Membri u rekwiżiti minimi ta’ kwalità għall-kejl uniformi tal-iskart tal-ikel.

-----------------------

* Id-Deċiżjoni Delegata tal-Kummissjoni (UE) 2019/1597 tat-3 ta’ Mejju 2019 li tissupplimenta d-Direttiva 2008/98/KE tal-Parlament Ewropew u tal-Kunsill fir-rigward ta’ metodoloġija komuni u rekwiżiti minimi tal-kwalità għall-kejl uniformi tal-livelli tal-iskart tal-ikel (ĠU L 248, 27.9.2019, p. 77).

Test propost mill-Kummissjoni

Emenda

(16a) L-Istati Membri jenħtieġ li jieħdu miżuri biex jippromwovu soluzzjonijiet bħal tikkettar aktar ċar tad-data fuq il-prodotti tal-ikel u jiffaċilitaw l-użu tal-marki tad-data skont ir-Regolament (UE) 1169/2011 tal-Parlament Ewropew u tal-Kunsill*, sabiex tiġi evitata l-konfużjoni tal-konsumaturi dwar l-immarkar tad-data.

------------

* Ir-Regolament (UE) Nru 1169/2011 tal-Parlament Ewropew u tal-Kunsill tal-25 ta’ Ottubru 2011 dwar l-għoti ta’ informazzjoni dwar l-ikel lill-konsumaturi, li jemenda r-Regolamenti (KE) Nru 1924/2006 u (KE) Nru 1925/2006 tal-Parlament Ewropew u tal-Kunsill u li jħassar id-Direttiva tal-Kummissjoni 87/250/KEE, id-Direttiva tal-Kunsill 90/496/KEE, id-Direttiva tal-Kummissjoni 1999/10/KE, id-Direttiva 2000/13/KE tal-Parlament Ewropew u tal-Kunsill, id-Direttivi tal-Kummissjoni 2002/67/KE u 2008/5/KE u r-Regolament tal-Kummissjoni (KE) Nru 608/2004 (ĠU L 304, 22.11.2011, p. 18).

Test propost mill-Kummissjoni

Emenda

(17) F’konformità mal-prinċipju ta’ min iniġġes iħallas, kif imsemmi fl-Artikolu 191(2) tat-Trattat dwar il-Funzjonament tal-Unjoni Ewropea (TFUE), huwa essenzjali li l-produtturi li jintroduċu fis-suq tal-Unjoni ċerti prodotti tat-tessuti, prodotti relatati mat-tessuti u prodotti ta’ xedd is-saqajn jieħdu r-responsabbiltà għall-ġestjoni tagħhom fi tmiem il-ħajja tagħhom kif ukoll li jestendu l-ħajja tagħhom billi jqiegħdu fis-suq prodotti tat-tessuti, prodotti relatati mat-tessuti u prodotti ta’ xedd is-saqajn użati għall-użu mill-ġdid. Biex jiġi implimentat il-prinċipju ta’ min iniġġes iħallas, huwa xieraq li jiġu stabbiliti l-obbligi għall-ġestjoni tal-produtturi ta’ prodotti tat-tessuti, prodotti relatati mat-tessuti u prodotti ta’ xedd is-saqajn, li jinkludu kwalunkwe manifattur, importatur jew distributur, li, irrispettivament mit-teknika tal-bejgħ li juża, inkluż permezz ta’ kuntratti mill-bogħod kif definit fl-Artikolu 2, il-punt 7, tad-Direttiva 2011/83/UE tal-Parlament Ewropew u tal-Kunsill77, iqiegħed fis-suq dawk il-prodotti għall-ewwel darba f’territorju ta’ Stat Membru fuq bażi professjonali taħt ismu jew it-trademark tiegħu. Il-kamp ta’ applikazzjoni tal-produtturi koperti mir-responsabbiltà estiża tal-produttur jenħtieġ li jeskludi l-mikrointrapriżi u l-ħajjata li jaħdmu għal rashom li jipproduċu prodotti personalizzati fid-dawl tar-rwol imnaqqas tagħhom fis-suq tat-tessuti kif ukoll dawk li jintroduċu fis-suq prodotti tat-tessuti, prodotti relatati mat-tessuti u prodotti ta’ xedd is-saqajn użati jew prodotti bħal dawn derivati minn prodotti użati jew skart ta’ dawk il-prodotti bil-għan li jappoġġaw l-użu mill-ġdid, inkluż permezz ta’ tiswija, rinnovazzjoni u titjib fejn jinbidlu ċerti funzjonalitajiet tal-prodott oriġinali, fi ħdan l-Unjoni.

(17) F’konformità mal-prinċipju ta’ min iniġġes iħallas, kif imsemmi fl-Artikolu 191(2) tat-Trattat dwar il-Funzjonament tal-Unjoni Ewropea (TFUE), huwa essenzjali li l-produtturi li jintroduċu fis-suq tal-Unjoni ċerti prodotti tat-tessuti, prodotti relatati mat-tessuti u prodotti ta’ xedd is-saqajn jieħdu r-responsabbiltà għall-ġestjoni tagħhom fi tmiem il-ħajja tagħhom kif ukoll li jestendu l-ħajja tagħhom billi jqiegħdu fis-suq prodotti tat-tessuti, prodotti relatati mat-tessuti u prodotti ta’ xedd is-saqajn użati għall-użu mill-ġdid. Biex jiġi implimentat il-prinċipju ta’ min iniġġes iħallas, huwa xieraq li jiġu stabbiliti l-obbligi għall-ġestjoni tal-produtturi ta’ prodotti tat-tessuti, prodotti relatati mat-tessuti u prodotti ta’ xedd is-saqajn, li jinkludu kwalunkwe manifattur, importatur jew distributur, li, irrispettivament mit-teknika tal-bejgħ li juża, inkluż permezz ta’ kuntratti mill-bogħod kif definit fl-Artikolu 2(7), tad-Direttiva 2011/83/UE tal-Parlament Ewropew u tal-Kunsill77, iqiegħed fis-suq dawk il-prodotti għall-ewwel darba f’territorju ta’ Stat Membru fuq bażi professjonali taħt ismu jew it-trademark tiegħu. Il-kamp ta’ applikazzjoni tal-produtturi koperti mir-responsabbiltà estiża tal-produttur jenħtieġ li jeskludi l-mikrointrapriżi, li għalihom tali responsabbiltà timponi piż finanzjarju u amministrattiv sproporzjonat, u l-ħajjata li jaħdmu għal rashom li jipproduċu prodotti personalizzati fid-dawl tar-rwol imnaqqas tagħhom fis-suq tat-tessuti kif ukoll dawk li jintroduċu fis-suq prodotti tat-tessuti, prodotti relatati mat-tessuti u prodotti ta’ xedd is-saqajn użati jew prodotti bħal dawn derivati minn prodotti użati jew skart ta’ dawk il-prodotti bil-għan li jappoġġaw l-użu mill-ġdid, inkluż permezz ta’ tiswija, rinnovazzjoni u titjib fejn jinbidlu ċerti funzjonalitajiet tal-prodott oriġinali, fi ħdan l-Unjoni. Madankollu, jenħtieġ li l-mikrointrapriżi jitħallew jipparteċipaw f’organizzazzjonijiet b’kompetenza fil-qasam tar-responsabbiltà tal-produtturi.

_________________

_________________

77 Id-Direttiva 2011/83/UE tal-Parlament Ewropew u tal-Kunsill tal-25 ta’ Ottubru 2011 dwar drittijiet tal-konsumatur, li temenda d-Direttiva tal-Kunsill 93/13/KEE u d-Direttiva 1999/44/KE tal-Parlament Ewropew u tal-Kunsill u li tħassar id-Direttiva tal-Kunsill 85/577/KEE u d-Direttiva 97/7/KE tal-Parlament Ewropew u tal-Kunsill (ĠU L 304, 22.11.2011, p. 64).

77 Id-Direttiva 2011/83/UE tal-Parlament Ewropew u tal-Kunsill tal-25 ta’ Ottubru 2011 dwar drittijiet tal-konsumatur, li temenda d-Direttiva tal-Kunsill 93/13/KEE u d-Direttiva 1999/44/KE tal-Parlament Ewropew u tal-Kunsill u li tħassar id-Direttiva tal-Kunsill 85/577/KEE u d-Direttiva 97/7/KE tal-Parlament Ewropew u tal-Kunsill (ĠU L 304, 22.11.2011, p. 64).

Test propost mill-Kummissjoni

Emenda

(18a) Skont l-Aġenzija Ewropea għall-Ambjent, bħalissa inqas minn 1 % tal-iskart kollu tal-ħwejjeġ jintuża biex isir ilbies ġdid f’ċirkwit ċirkolari. Illum, il-biċċa l-kbira tat-tessuti ma humiex imfassla għaċ-ċirkolarità. 78 % tal-prodotti kollha tat-tessuti jirrikjedu li jiġu żarmati qabel ir-riċiklaġġ mit-tessuti għat-tessuti. Sabiex jiġi żgurat l-investiment fit-tessuti ċirkolari, jenħtieġ li jiġu stabbiliti miri għall-prevenzjoni, il-ġbir, is-separazzjoni, l-użu mill-ġdid u l-użu mill-ġdid lokali, kif ukoll ir-riċiklaġġ u r-riċiklaġġ mill-fibra għall-fibra tat-tessuti biex jiġu appoġġati u xprunati l-iżvilupp teknoloġiku u l-investimenti fl-infrastruttura kif ukoll l-ispinta għall-ekodisinn tat-tessuti. Skart totali tat-tessuti ġġenerat, li jkopri ħwejjeġ u xedd tas-saqajn, tessuti tad-dar, tessuti tekniċi, u skart post-industrijali u ta’ qabel il-konsumatur, huwa stmat li jkun 12, 6 miljun tunnellata. Dan jinkludi frazzjonijiet li jintremew waqt il-produzzjoni tat-tessuti, fl-istadju tal-bejgħ bl-imnut u mill-iskart domestiku u entitajiet kummerċjali1a.

_________________

1a https://environment.ec.europa.eu/system/files/2023-07/IMPACT%20ASSESSMENT%20REPORT_SWD_2023_421_part1_0.pdf (paġna 6)

Test propost mill-Kummissjoni

Emenda

(19) It-tessuti tad-dar u l-ilbies jinkludu l-akbar sehem mill-konsum tat-tessuti tal-Unjoni u l-akbar kontributur għax-xejriet mhux sostenibbli ta’ produzzjoni żejda u konsum eċċessiv. It-tessuti tad-dar u l-ilbies huma wkoll il-fokus tas-sistemi kollha eżistenti ta’ ġbir separat fl-Istati Membri flimkien ma’ lbies u aċċessorji oħra ta’ wara l-konsum u xedd is-saqajn li ma humiex magħmula primarjament mit-tessuti. Għalhekk, il-kamp ta’ applikazzjoni tal-iskema stabbilita ta’ responsabbiltà estiża tal-produttur jenħtieġ li jkopri l-prodotti tat-tessuti tad-dar u oġġetti oħra tal-ilbies, aċċessorji tal-ħwejjeġ u xedd is-saqajn. Sabiex tiġi żgurata ċ-ċertezza legali għall-produtturi dwar il-prodotti soġġetti għar-responsabbiltà estiża tal-produttur, il-prodotti fil-kamp ta’ applikazzjoni jenħtieġ li jiġu identifikati b’referenza għall-kodiċijiet tan-Nomenklatura Magħquda skont l-Anness I tar-Regolament tal-Kunsill (KEE) Nru 2658/8778.

(19) Sabiex tiġi żgurata ċ-ċertezza legali għall-produtturi dwar il-prodotti soġġetti għar-responsabbiltà estiża tal-produttur, il-prodotti fil-kamp ta’ applikazzjoni jenħtieġ li jiġu identifikati b’referenza għall-kodiċijiet tan-Nomenklatura Magħquda skont l-Anness I tar-Regolament tal-Kunsill (KEE) Nru 2658/8778.

_________________

_________________

78 ĠU L 256, 7.9.1987, p. 1.

78 Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).

Test propost mill-Kummissjoni

Emenda

(20) Is-settur tat-tessuti huwa intensiv fl-użu tar-riżorsi. Filwaqt li, fir-rigward kemm tal-produzzjoni tal-materja prima kif ukoll tat-tessuti, il-biċċa l-kbira tal-pressjonijiet u tal-impatti relatati mal-konsum tal-ħwejjeġ, tax-xedd is-saqajn u tat-tessuti tad-dar fl-Unjoni jseħħu f’pajjiżi terzi, dawn jaffettwaw ukoll lill-Unjoni minħabba l-impatt globali tagħhom fuq il-klima u l-ambjent. Għalhekk, il-prevenzjoni, it-tħejjija għall-użu mill-ġdid u r-riċiklaġġ tal-iskart tat-tessuti jistgħu jgħinu biex titnaqqas l-impronta ambjentali globali tas-settur, inkluż fl-Unjoni. Barra minn hekk, l-immaniġġar ineffiċjenti attwali fl-użu tar-riżorsi tal-iskart tat-tessuti ma huwiex konformi mal-ġerarkija tal-iskart u jwassal għal ħsara ambjentali kemm fl-Unjoni kif ukoll f’pajjiżi terzi, inkluż permezz tal-emissjonijiet tal-gassijiet serra mill-inċinerazzjoni u mir-rimi f’landfills.

(20) Is-settur tat-tessuti huwa intensiv fl-użu tar-riżorsi. Filwaqt li, fir-rigward kemm tal-produzzjoni tal-materja prima kif ukoll tat-tessuti, peress li 73 % tal-ħwejjeġ u tat-tessuti tad-dar ikkunsmati fl-Ewropa huma importati[1], il-biċċa l-kbira tal-pressjonijiet u tal-impatti relatati mal-konsum tal-ħwejjeġ, tax-xedd is-saqajn u tat-tessuti fl-Unjoni jseħħu f’pajjiżi terzi, dawn jaffettwaw ukoll lill-Unjoni minħabba l-impatt globali tagħhom fuq il-klima u l-ambjent. Għalhekk, il-prevenzjoni, it-tħejjija għall-użu mill-ġdid u r-riċiklaġġ tal-iskart tat-tessuti jistgħu jgħinu biex titnaqqas l-impronta ambjentali globali tas-settur, inkluż fl-Unjoni. Barra minn hekk, l-immaniġġar ineffiċjenti attwali fl-użu tar-riżorsi tal-iskart tat-tessuti ma huwiex konformi mal-ġerarkija tal-iskart u jwassal għal ħsara ambjentali kemm fl-Unjoni kif ukoll f’pajjiżi terzi, inkluż permezz tal-emissjonijiet tal-gassijiet serra mill-inċinerazzjoni u mir-rimi f’landfills. [1] https://ec.europa.eu/commission/presscorner/detail/mt/QANDA_22_2015

Test propost mill-Kummissjoni

Emenda

(21) Il-fini tar-responsabbiltà estiża tal-produttur għall-prodotti tat-tessuti, għall-prodotti relatati mat-tessuti u għall-prodotti ta’ xedd is-saqajn huwa li jiġi żgurat livell għoli ta’ protezzjoni tal-ambjent u tas-saħħa fl-Unjoni, tinħoloq ekonomija għall-ġbir, għas-separazzjoni, għall-użu mill-ġdid, għat-tħejjija għall-użu mill-ġdid u għar-riċiklaġġ, b’mod partikolari, għar-riċiklaġġ mill-fibra għall-fibra, kif ukoll għall-inċentivi għall-produtturi biex jiżguraw li l-prodotti tagħhom jitfasslu b’rispett għall-prinċipji taċ-ċirkolarità. Il-produtturi tat-tessuti u tax-xedd is-saqajn jenħtieġ li jiffinanzjaw il-kostijiet tal-ġbir, tas-separazzjoni għall-użu mill-ġdid, tat-tħejjija għall-użu mill-ġdid u tar-riċiklaġġ, u tar-riċiklaġġ u ta’ trattament ieħor tat-tessuti u tax-xedd is-saqajn użati u ta’ skart miġbura, inklużi l-prodotti tal-konsumatur mhux mibjugħa meqjusa bħala skart li jkunu ġew fornuti fit-territorju tal-Istati Membri wara d-dħul fis-seħħ ta’ din id-Direttiva emendatorja biex jiġi żgurat li l-obbligi ta’ responsabbiltà estiża tal-produttur ma japplikawx b’mod retroattiv u jikkonformaw mal-prinċipju taċ-ċertezza legali. Dawk il-produtturi jenħtieġ li jiffinanzjaw ukoll il-kostijiet tat-twettiq ta’ stħarriġ dwar il-kompożizzjoni tal-iskart muniċipali miġbur imħallat, l-appoġġ għar-riċerka u l-iżvilupp fit-teknoloġiji tas-separazzjoni u tar-riċiklaġġ, ir-rapportar dwar il-ġbir separat, l-użu mill-ġdid u trattament ieħor u tal-għoti ta’ informazzjoni lill-utenti finali dwar l-impatt u l-ġestjoni sostenibbli tat-tessuti.

(21) Il-fini tar-responsabbiltà estiża tal-produttur għall-prodotti tat-tessuti, għall-prodotti relatati mat-tessuti u għall-prodotti ta’ xedd is-saqajn huwa li jiġi żgurat livell għoli ta’ protezzjoni tal-ambjent u tas-saħħa fl-Unjoni, tinħoloq ekonomija għall-ġbir, għas-separazzjoni, għall-użu mill-ġdid, għat-tħejjija għall-użu mill-ġdid u għar-riċiklaġġ, b’mod partikolari, għar-riċiklaġġ mill-fibra għall-fibra, kif ukoll għall-inċentivi għall-produtturi biex jiżguraw li l-prodotti tagħhom jitfasslu b’rispett għall-prinċipji taċ-ċirkolarità. Il-produtturi tat-tessuti u tax-xedd is-saqajn jenħtieġ li jiffinanzjaw il-kostijiet tal-ġbir, tas-separazzjoni għall-użu mill-ġdid, tat-tħejjija għall-użu mill-ġdid u tar-riċiklaġġ, u tar-riċiklaġġ u ta’ trattament ieħor tat-tessuti u tax-xedd is-saqajn użati u ta’ skart miġbura, inklużi l-prodotti tal-konsumatur mhux mibjugħa meqjusa bħala skart li jkunu ġew fornuti fit-territorju tal-Istati Membri wara d-dħul fis-seħħ ta’ din id-Direttiva emendatorja biex jiġi żgurat li l-obbligi ta’ responsabbiltà estiża tal-produttur ma japplikawx b’mod retroattiv u jikkonformaw mal-prinċipju taċ-ċertezza legali. Dawk il-produtturi jenħtieġ li jiffinanzjaw ukoll il-kostijiet tat-twettiq ta’ stħarriġ dwar il-kompożizzjoni tal-iskart muniċipali miġbur imħallat, l-appoġġ għar-riċerka u l-iżvilupp fit-teknoloġiji tas-separazzjoni u tar-riċiklaġġ, speċjalment is-soluzzjonijiet diġitali, ir-rapportar dwar il-ġbir separat, l-użu mill-ġdid u trattament ieħor u tal-għoti ta’ informazzjoni lill-utenti finali dwar l-impatt u l-ġestjoni sostenibbli tat-tessuti. Il-produtturi jenħtieġ li jiffinanzjaw ukoll l-iżvilupp ta’ operazzjonijiet ta’ użu mill-ġdid u tiswija.

Test propost mill-Kummissjoni

Emenda

(25) Fid-dawl tar-rwol ewlieni tal-intrapriżi soċjali u tal-entitajiet tal-ekonomija soċjali fis-sistemi eżistenti tal-ġbir tat-tessuti u l-potenzjal tagħhom li joħolqu mudelli ta’ negozji lokali, sostenibbli, parteċipattivi u inklużivi u impjiegi ta’ kwalità fl-Unjoni, f’konformità mal-objettivi tal-Pjan ta’ Azzjoni tal-UE dwar l-Ekonomija Soċjali79, l-introduzzjoni ta’ skemi ta’ responsabbiltà estiża tal-produttur jenħtieġ li żżomm u tappoġġa l-attivitajiet tal-intrapriżi soċjali u tal-entitajiet tal-ekonomija soċjali involuti fl-immaniġġar tat-tessuti użati. Dawn l-entitajiet għalhekk jenħtieġ li jitqiesu bħala sħab fis-sistemi ta’ ġbir separat li jappoġġaw iż-żieda fl-użu mill-ġdid u t-tiswija u l-ħolqien ta’ impjiegi ta’ kwalità għal kulħadd u b’mod partikolari għall-gruppi vulnerabbli.

(25) B’kont meħud tar-rwol ewlieni tal-intrapriżi soċjali u tal-entitajiet tal-ekonomija soċjali fis-sistemi eżistenti tal-ġbir tat-tessuti u l-potenzjal tagħhom li joħolqu mudelli ta’ negozji lokali, sostenibbli, parteċipattivi u inklużivi u impjiegi ta’ kwalità fl-Unjoni, f’konformità mal-objettivi tal-Pjan ta’ Azzjoni tal-UE dwar l-Ekonomija Soċjali79, l-introduzzjoni ta’ skemi ta’ responsabbiltà estiża tal-produttur jenħtieġ li żżomm u tappoġġa l-attivitajiet tal-intrapriżi soċjali u tal-entitajiet tal-ekonomija soċjali involuti fl-immaniġġar tat-tessuti użati u ta’ skart. Dawn l-entitajiet għalhekk jenħtieġ li jitqiesu bħala sħab fis-sistemi ta’ ġbir separat li jappoġġaw iż-żieda fit-tħejjija għall-użu mill-ġdid u l-użu mill-ġdid u t-tiswija u l-ħolqien ta’ impjiegi ta’ kwalità għal kulħadd u b’mod partikolari għall-gruppi vulnerabbli.

_________________

_________________

79 COM(2021) 778 final tad-9 ta’ Diċembru 2021.

79 COM(2021) 778 final tad-9 ta’ Diċembru 2021.

Test propost mill-Kummissjoni

Emenda

(26) Il-produtturi u l-organizzazzjonijiet b’kompetenza fil-qasam tar-responsabbiltà tal-produtturi jenħtieġ li jkunu involuti attivament fl-għoti ta’ informazzjoni lill-utenti finali, b’mod partikolari lill-konsumaturi, li t-tessuti u x-xedd is-saqajn użati u ta’ skart jenħtieġ jinġabru separatament, li hemm disponibbli sistemi ta’ ġbir u li l-utenti finali għandhom rwol importanti biex jiġu żgurati l-prevenzjoni tal-iskart u mmaniġġar ambjentalment ottimali tal-iskart tat-tessuti. Din l-informazzjoni jenħtieġ li tinkludi d-disponibbiltà ta’ arranġamenti għall-użu mill-ġdid għat-tessuti u għax-xedd is-saqajn u l-benefiċċji ambjentali ta’ konsum sostenibbli u l-impatti ambjentali, tas-saħħa u soċjali tal-industrija tal-ilbies tat-tessuti. L-utenti finali jenħtieġ li jiġu infurmati wkoll dwar ir-rwol importanti tagħhom biex isiru għażliet infurmati, responsabbli u sostenibbli dwar il-konsum tat-tessuti u jiġi żgurat immaniġġar ambjentalment ottimali tal-iskart tat-tessuti u tax-xedd is-saqajn. Dawn ir-rekwiżiti ta’ informazzjoni japplikaw flimkien mar-rekwiżiti dwar l-għoti ta’ informazzjoni lill-utenti finali fir-rigward tal-prodotti tat-tessuti stabbiliti fir-Regolament dwar l-Ekodisinn għal Prodotti Sostenibbli80 u r-Regolament (UE) Nru 1007/2011 tal-Parlament Ewropew u tal-Kunsill81. Id-divulgazzjoni tal-informazzjoni lill-utenti finali kollha jenħtieġ li tagħmel użu mit-teknoloġiji moderni tal-informazzjoni. L-informazzjoni jenħtieġ li tingħata kemm b’mezzi klassiċi, bħal posters kemm ġewwa kif ukoll barra u kampanji fuq il-media soċjali, kif ukoll b’mezzi aktar innovattivi, bħall-aċċess elettroniku għal siti web ipprovdut permezz ta’ kodiċijiet QR.

(26) Il-produtturi u l-organizzazzjonijiet b’kompetenza fil-qasam tar-responsabbiltà tal-produtturi jenħtieġ li jkunu involuti attivament fl-għoti ta’ informazzjoni lill-utenti finali, b’mod partikolari lill-konsumaturi, li t-tessuti u x-xedd is-saqajn użati u ta’ skart jenħtieġ jinġabru separatament, li hemm disponibbli sistemi ta’ ġbir u li l-utenti finali għandhom rwol importanti biex jiġu żgurati l-prevenzjoni tal-iskart u mmaniġġar ambjentalment ottimali tal-iskart tat-tessuti. Din l-informazzjoni jenħtieġ li tinkludi d-disponibbiltà ta’ arranġamenti għall-użu mill-ġdid għat-tessuti u għax-xedd is-saqajn u l-benefiċċji ambjentali ta’ konsum sostenibbli u l-impatti ambjentali, tas-saħħa u soċjali tal-industrija tal-ilbies tat-tessuti. L-utenti finali jenħtieġ li jiġu infurmati wkoll dwar ir-rwol importanti tagħhom biex isiru għażliet infurmati, responsabbli u sostenibbli dwar il-konsum tat-tessuti u mmaniġġar ambjentalment ottimali tal-iskart tat-tessuti u tax-xedd is-saqajn. Dawn ir-rekwiżiti ta’ informazzjoni japplikaw flimkien mar-rekwiżiti dwar l-għoti ta’ informazzjoni lill-utenti finali fir-rigward tal-prodotti tat-tessuti stabbiliti fir-Regolament dwar l-Ekodisinn għal Prodotti Sostenibbli80 u r-Regolament (UE) Nru 1007/2011 tal-Parlament Ewropew u tal-Kunsill81. Id-divulgazzjoni tal-informazzjoni lill-utenti finali kollha jenħtieġ li tagħmel użu mit-teknoloġiji moderni tal-informazzjoni. L-informazzjoni jenħtieġ li tingħata kemm b’mezzi klassiċi, bħal posters kemm ġewwa kif ukoll barra u kampanji fuq il-media soċjali, kif ukoll b’mezzi aktar innovattivi, bħall-aċċess elettroniku għal siti web ipprovdut permezz ta’ kodiċijiet QR u l-passaport tal-prodott diġitali.

_________________

_________________

80 L-Uffiċċju tal-Pubblikazzjonijiet għandu jdaħħal in-numru ta’ referenza ladarba jiġi adottat.

80 L-Uffiċċju tal-Pubblikazzjonijiet għandu jdaħħal in-numru ta’ referenza ladarba jiġi adottat.

81 Ir-Regolament (UE) Nru 1007/2011 tal-Parlament Ewropew u tal-Kunsill tas-27 ta’ Settembru 2011 dwar l-ismijiet ta’ fibri ta’ tessuti u t-tikkettar u l-immarkar relatati tal-kompożizzjoni tal-fibri ta’ prodotti tat-tessut u li jħassar id-Direttiva tal-Kunsill 73/44/KEE u d-Direttivi 96/73/KE u 2008/121/KE tal-Parlament Ewropew u tal-Kunsill (ĠU L 272, 18.10.2011, p. 1).

81 Ir-Regolament (UE) Nru 1007/2011 tal-Parlament Ewropew u tal-Kunsill tas-27 ta’ Settembru 2011 dwar l-ismijiet ta’ fibri ta’ tessuti u t-tikkettar u l-immarkar relatati tal-kompożizzjoni tal-fibri ta’ prodotti tat-tessut u li jħassar id-Direttiva tal-Kunsill 73/44/KEE u d-Direttivi 96/73/KE u 2008/121/KE tal-Parlament Ewropew u tal-Kunsill (ĠU L 272, 18.10.2011, p. 1).

Test propost mill-Kummissjoni

Emenda

(27) Sabiex jiżdiedu ċ-ċirkolarità u s-sostenibbiltà ambjentali tat-tessuti u biex jitnaqqsu l-impatti negattivi fuq il-klima u l-ambjent, ir-Regolament …/... [L-Uffiċċju tal-Pubblikazzjonijiet għandu jdaħħal in-numru tas-serje u l-istituzzjonijiet għar-Regolament dwar l-Ekodisinn għal Prodotti Sostenibbli, u lesti n-nota f’qiegħ il-paġna]82 se jiżviluppa rekwiżiti vinkolanti tal-ekodisinn għall-prodotti tat-tessuti, li se, skont x’turi l-valutazzjoni tal-impatt li huwa ta’ benefiċċju għaż-żieda tas-sostenibbiltà ambjentali tat-tessuti, jirregola id-durabbiltà, l-użu mill-ġdid, il-possibbiltà ta’ tiswija, u r-riċiklabbiltà mill-fibra għall-fibra tat-tessuti, u l-kontenut obbligatorju ta’ fibra riċiklata fit-tessuti. Huwa se jirregola wkoll il-preżenza ta’ sustanzi ta’ tħassib biex jippermetti l-minimizzazzjoni u t-traċċar tagħhom bil-għan li titnaqqas il-ġenerazzjoni tal-iskart u jittejjeb ir-riċiklaġġ, kif ukoll il-prevenzjoni u t-tnaqqis tal-fibri sintetiċi li jintefgħu fl-ambjent biex jitnaqqas b’mod sinifikanti r-rilaxx tal-mikroplastik. Fl-istess ħin, il-modulazzjoni tat-tariffi tar-responsabbiltà estiża tal-produttur hija strument ekonomiku effettiv biex jinċentiva tfassil aktar sostenibbli tat-tessuti li jwassal għal tfassil ċirkolari mtejjeb. Sabiex jiġi pprovdut inċentiv sod għall-ekodisinn filwaqt li jitqiesu l-objettivi tas-suq intern u l-kompożizzjoni tas-settur tat-tessuti li huwa magħmul primarjament minn SMEs, huwa meħtieġ li jiġu armonizzati l-kriterji għall-modulazzjoni tat-tariffi tar-responsabbiltà estiża tal-produttur abbażi tal-parametri l-aktar rilevanti tal-ekodisinn biex jippermettu t-trattament tat-tessuti f’konformità mal-ġerarkija tal-iskart. Il-modulazzjoni tat-tariffi skont il-kriterji tal-ekodisinn jenħtieġ li tkun ibbażata fuq ir-rekwiżiti tal-Ekodisinn u l-metodoloġiji tal-kejl tagħhom li jiġu adottati skont ir-Regolament dwar l-Ekodisinn għal Prodotti Sostenibbli għall-prodotti tat-tessuti jew skont liġi oħra tal-Unjoni li tistabbilixxi kriterji armonizzati ta’ sostenibbiltà u metodi ta’ kejl għall-prodotti tat-tessuti u biss fejn jiġu adottati dawn tal-aħħar. Huwa xieraq li l-Kummissjoni tingħata s-setgħa li tadotta regoli armonizzati għall-modulazzjoni tat-tariffi biex tiżgura l-allinjament tal-kriterji tal-modulazzjoni tat-tariffi ma’ dawk ir-rekwiżiti tal-prodott.

(27) Sabiex jiżdiedu ċ-ċirkolarità u s-sostenibbiltà ambjentali tat-tessuti u biex jitnaqqsu l-impatti negattivi fuq il-klima u l-ambjent, ir-Regolament …/... [L-Uffiċċju tal-Pubblikazzjonijiet għandu jdaħħal in-numru tas-serje u l-istituzzjonijiet għar-Regolament dwar l-Ekodisinn għal Prodotti Sostenibbli, u lesti n-nota f’qiegħ il-paġna]82 se jiżviluppa rekwiżiti vinkolanti tal-ekodisinn għall-prodotti tat-tessuti, li se, skont x’turi l-valutazzjoni tal-impatt li huwa ta’ benefiċċju għaż-żieda tas-sostenibbiltà ambjentali tat-tessuti, jirregola id-durabbiltà, l-użu mill-ġdid, il-possibbiltà ta’ tiswija, u r-riċiklabbiltà mill-fibra għall-fibra tat-tessuti, u l-kontenut obbligatorju ta’ fibra riċiklata fit-tessuti. Huwa se jirregola wkoll il-preżenza ta’ sustanzi ta’ tħassib biex jippermetti l-minimizzazzjoni u t-traċċar tagħhom bil-għan li titnaqqas il-ġenerazzjoni tal-iskart u jittejjeb ir-riċiklaġġ, kif ukoll il-prevenzjoni u t-tnaqqis tal-fibri sintetiċi li jintefgħu fl-ambjent biex jitnaqqas b’mod sinifikanti r-rilaxx tal-mikroplastik. Fl-istess ħin, il-modulazzjoni tat-tariffi tar-responsabbiltà estiża tal-produttur hija strument ekonomiku effettiv biex jinċentiva tfassil aktar sostenibbli tat-tessuti li jwassal għal tfassil ċirkolari mtejjeb. Sabiex jiġi pprovdut inċentiv sod għall-ekodisinn filwaqt li jitqiesu l-objettivi tas-suq intern u l-kompożizzjoni tas-settur tat-tessuti li huwa magħmul primarjament minn SMEs, huwa meħtieġ li jiġu armonizzati l-kriterji għall-modulazzjoni tat-tariffi tar-responsabbiltà estiża tal-produttur abbażi tal-parametri l-aktar rilevanti tal-ekodisinn biex jippermettu t-trattament tat-tessuti f’konformità mal-ġerarkija tal-iskart, kif ukoll fuq il-proporzjon tar-rilaxx tal-mikroplastiċi. Il-modulazzjoni tat-tariffi skont il-kriterji tal-ekodisinn jenħtieġ li tkun ibbażata fuq ir-rekwiżiti tal-Ekodisinn u l-metodoloġiji tal-kejl tagħhom li jiġu adottati skont ir-Regolament dwar l-Ekodisinn għal Prodotti Sostenibbli għall-prodotti tat-tessuti jew skont liġi oħra tal-Unjoni li tistabbilixxi kriterji armonizzati ta’ sostenibbiltà u metodi ta’ kejl għall-prodotti tat-tessuti u biss fejn jiġu adottati dawn tal-aħħar. Huwa xieraq li l-Kummissjoni tingħata s-setgħa li tadotta regoli armonizzati għall-modulazzjoni tat-tariffi biex tiżgura l-allinjament tal-kriterji tal-modulazzjoni tat-tariffi ma’ dawk ir-rekwiżiti tal-prodott.

_________________

_________________

82 L-Uffiċċju tal-Pubblikazzjonijiet għandu jdaħħal in-numru ta’ referenza ladarba jiġi adottat.

82 L-Uffiċċju tal-Pubblikazzjonijiet għandu jdaħħal in-numru ta’ referenza ladarba jiġi adottat.

Test propost mill-Kummissjoni

Emenda

(27a) L-introduzzjoni ta’ Passaport tal-Prodott Diġitali, bħala għodda biex ittejjeb b’mod sinifikanti t-traċċabbiltà tal-prodotti tat-tessuti tul il-katina tal-valur tagħhom, tista’ tagħti s-setgħa lill-konsumaturi biex jagħmlu għażliet informati billi tipprovdi aċċess aħjar għall-informazzjoni tal-prodott fir-rigward tal-ġestjoni ta’ tmiem il-ħajja. Dan se jippermetti wkoll lill-operaturi ekonomiċi jsegwu b’mod preċiż l-ammont ta’ skart tat-tessuti ġġenerat, jassisti lill-Istati Membri fl-implimentazzjoni u l-monitoraġġ tal-obbligi tal-ġbir separat għat-tessuti għall-użu mill-ġdid, it-tħejjija għall-użu mill-ġdid, u r-riċiklaġġ f’konformità ma’ dan ir-Regolament.

Test propost mill-Kummissjoni

Emenda

(28) Sabiex jiġi mmonitorjat li l-produtturi jissodisfaw l-obbligi tagħhom relatati mal-obbligi finanzjarji, u organizzazzjonali tagħhom biex jiżguraw l-immaniġġar tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati u ta’ skart li huma jqiegħdu fis-suq għall-ewwel darba fit-territorju ta’ Stat Membru, jenħtieġ li jiġi stabbilit u ġestit reġistru tal-produtturi minn kull Stat Membru u li l-produtturi jkunu obbligati jirreġistraw. Ir-rekwiżiti u l-format tar-reġistrazzjoni jenħtieġ li jiġu armonizzati kemm jista’ jkun madwar l-Unjoni kollha sabiex tiġi ffaċilitata r-reġistrazzjoni b’mod partikolari fejn il-produtturi jqiegħdu fis-suq prodotti tat-tessuti, prodotti relatati mat-tessuti u prodotti ta’ xedd is-saqajn għall-ewwel darba f’diversi Stati Membri. L-informazzjoni fir-reġistru jenħtieġ li tkun aċċessibbli għal dawk l-entitajiet li għandhom rwol fil-verifika tal-konformità mal-obbligi ta’ responsabbiltà estiża tal-produttur u l-infurzar tagħhom.

(28) Sabiex jiġi mmonitorjat li l-produtturi jissodisfaw l-obbligi tagħhom relatati mal-obbligi finanzjarji, u organizzazzjonali tagħhom biex jiżguraw l-immaniġġar tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati u ta’ skart li huma jqiegħdu fis-suq għall-ewwel darba fit-territorju ta’ Stat Membru, jenħtieġ li jiġi stabbilit u ġestit reġistru tal-produtturi minn kull Stat Membru u li l-produtturi jkunu obbligati jirreġistraw. Ir-rekwiżiti u l-format tar-reġistrazzjoni jenħtieġ li jiġu armonizzati kemm jista’ jkun madwar l-Unjoni kollha sabiex tiġi ffaċilitata r-reġistrazzjoni b’mod partikolari fejn il-produtturi jqiegħdu fis-suq prodotti tat-tessuti, prodotti relatati mat-tessuti u prodotti ta’ xedd is-saqajn għall-ewwel darba f’diversi Stati Membri. L-informazzjoni fir-reġistru jenħtieġ li tkun aċċessibbli għall-pubbliku.

Test propost mill-Kummissjoni

Emenda

(32) L-esportazzjonijiet tat-tessuti użati u tat-tessuti ta’ skart barra mill-UE qed jiżdiedu b’mod kostanti bl-esportazzjonijiet li jirrappreżentaw l-akbar sehem tas-suq tal-użu mill-ġdid għat-tessuti ta’ wara l-konsum iġġenerati fl-UE. Fid-dawl taż-żieda sinifikanti tal-iskart tat-tessuti miġbur wara l-introduzzjoni tal-ġbir separat sal-2025, huwa importanti li jissaħħu l-isforzi biex jiġu miġġielda l-vjeġġi illegali tal-iskart lejn pajjiżi terzi taparsi mhux skart bil-fini li tiġi żgurata protezzjoni ambjentali għolja. Filwaqt li wieħed ikompli jibni fuq ir-Regolament …/… [L-Uffiċċju tal-Pubblikazzjonijiet għandu jdaħħal l-istituzzjonijiet u n-numru tas-serje, u jlesti n-nota f’qiegħ il-paġna għar-Regolament dwar il-Vjeġġi tal-iskart]84 u fid-dawl tal-objettiv li jiġi żgurat l-immaniġġar sostenibbli tat-tessuti ta’ wara l-konsum u jiġu indirizzati l-vjeġġi illegali tal-iskart, jenħtieġ li jiġi previst li l-prodotti tat-tessuti, il-prodotti relatati mat-tessuti u l-prodotti ta’ xedd is-saqajn kollha miġbura separatament jgħaddu minn operazzjoni ta’ separazzjoni qabel il-vjeġġ tagħhom. Barra minn hekk, jenħtieġ li jiġi previst li l-oġġetti tat-tessuti, l-oġġetti relatati mat-tessuti u l-oġġetti ta’ xedd is-saqajn użati kollha li jinġabru separatament jitqiesu bħala skart u jkunu soġġetti għal-leġiżlazzjoni tal-Unjoni dwar l-iskart, inkluż dwar il-vjeġġi tal-iskart, sakemm ikunu għaddew minn operazzjoni ta’ separazzjoni minn operatur imħarreġ tas-separazzjoni għall-użu mill-ġdid u għar-riċiklaġġ. Is-separazzjoni jenħtieġ li titwettaq f’konformità mar-rekwiżiti armonizzati ta’ separazzjoni li jipprovdu frazzjoni li tista’ terġa’ tintuża ta’ kwalità għolja li tissodisfa l-ħtiġijiet tas-swieq riċeventi tat-tessuti użati fl-UE u globalment u billi jiġu stabbiliti kriterji biex issir distinzjoni bejn l-oġġetti użati u l-iskart. Il-vjeġġi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati jenħtieġ li jkunu akkumpanjati minn informazzjoni li turi li dawk l-oġġetti jkunu l-output ta’ separazzjoni jew tħejjija għal operazzjoni ta’ użu mill-ġdid u li l-oġġetti huma tajbin għall-użu mill-ġdid.

(32) L-esportazzjonijiet tat-tessuti użati u tat-tessuti ta’ skart barra mill-UE qed jiżdiedu b’mod kostanti bl-esportazzjonijiet li jirrappreżentaw l-akbar sehem tas-suq tal-użu mill-ġdid għat-tessuti ta’ wara l-konsum iġġenerati fl-UE. Fid-dawl taż-żieda sinifikanti tal-iskart tat-tessuti miġbur wara l-introduzzjoni tal-ġbir separat sal-2025, huwa importanti li jissaħħu l-isforzi biex jiġu miġġielda l-vjeġġi illegali tal-iskart lejn pajjiżi terzi taparsi mhux skart bil-fini li tiġi żgurata protezzjoni ambjentali għolja. Filwaqt li wieħed ikompli jibni fuq ir-Regolament …/… [L-Uffiċċju tal-Pubblikazzjonijiet għandu jdaħħal l-istituzzjonijiet u n-numru tas-serje, u jlesti n-nota f’qiegħ il-paġna għar-Regolament dwar il-Vjeġġi tal-iskart]84 u fid-dawl tal-objettiv li jiġi żgurat l-immaniġġar sostenibbli tat-tessuti ta’ wara l-konsum u jiġu indirizzati l-vjeġġi illegali tal-iskart, jenħtieġ li jiġi previst li l-prodotti tat-tessuti, il-prodotti relatati mat-tessuti u l-prodotti ta’ xedd is-saqajn kollha miġbura separatament jgħaddu minn operazzjoni ta’ separazzjoni qabel il-vjeġġ tagħhom. Barra minn hekk, jenħtieġ li jiġi previst li l-oġġetti tat-tessuti, l-oġġetti relatati mat-tessuti u l-oġġetti ta’ xedd is-saqajn użati kollha li jinġabru separatament jitqiesu bħala skart u jkunu soġġetti għal-leġiżlazzjoni tal-Unjoni dwar l-iskart, inkluż dwar il-vjeġġi tal-iskart, sakemm ikunu għaddew minn operazzjoni ta’ separazzjoni minn operatur imħarreġ tas-separazzjoni għall-użu mill-ġdid u għar-riċiklaġġ u jissodisfaw il-kundizzjonijiet tal-istatus ta’ tmiem l-iskart. Is-separazzjoni jenħtieġ li titwettaq f’konformità mar-rekwiżiti armonizzati ta’ separazzjoni li jipprovdu frazzjoni li tista’ terġa’ tintuża ta’ kwalità għolja li tissodisfa l-ħtiġijiet tas-swieq riċeventi tat-tessuti użati fl-UE u globalment u billi jiġu stabbiliti kriterji biex issir distinzjoni bejn l-oġġetti użati u l-iskart. Il-vjeġġi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati jenħtieġ li jkunu akkumpanjati minn informazzjoni li turi li dawk l-oġġetti jkunu l-output ta’ separazzjoni jew tħejjija għal operazzjoni ta’ użu mill-ġdid u li l-oġġetti huma tajbin għall-użu mill-ġdid u jikkonformaw mar-regoli nazzjonali tal-pajjiż ta’ destinazzjoni. Fl-istess ħin, jenħtieġ li jiġi rikonoxxut li mhux l-ilbies kollu użat li jista’ jerġa’ jintuża u li jiġi esportat jerġa’ jintuża mill-ġdid fil-pajjiżi riċevituri u jista’ jintrema mingħajr użu, u b’hekk jkun ta’ piż għas-sistemi tal-immaniġġjar tal-iskart tal-pajjiżi riċevituri. Jenħtieġ li tingħata prijorità lil miżuri addizzjonali biex jitnaqqsu l-esportazzjonijiet ta’ tessuti użati billi jiġi mmassimizzat l-użu mill-ġdid lokali.

_________________

_________________

84 L-Uffiċċju tal-Pubblikazzjonijiet għandu jdaħħal in-numru ta’ referenza ladarba jiġi adottat.

84 L-Uffiċċju tal-Pubblikazzjonijiet għandu jdaħħal in-numru ta’ referenza ladarba jiġi adottat.

Test propost mill-Kummissjoni

Emenda

(33) Sabiex l-Istati Membri jilħqu l-miri stabbiliti f’din id-Direttiva, l-Istati Membri jenħtieġ li jirrevedu l-programmi tagħhom għall-prevenzjoni tal-iskart tal-ikel biex jinkludu miżuri ġodda, li jinvolvu diversi sħab mis-setturi pubbliċi u privati, b’azzjonijiet koordinati mfassla biex jindirizzaw hotspots speċifiċi kif ukoll attitudnijiet u mġiba li jwasslu għall-iskart tal-ikel. Fit-tħejjija ta’ dawn il-programmi, l-Istati Membri jistgħu jieħdu ispirazzjoni mir-rakkomandazzjonijiet prodotti mill-Panel taċ-Ċittadini dwar il-Ħela tal-Ikel.

(33) Sabiex l-Istati Membri jilħqu l-miri stabbiliti f’din id-Direttiva, l-Istati Membri jenħtieġ li jirrevedu l-programmi tagħhom għall-prevenzjoni tal-iskart tal-ikel biex jinkludu miżuri ġodda, li jinvolvu diversi sħab mis-setturi pubbliċi u privati inklużi l-produtturi, id-distributuri, il-fornituri, il-bejgħ bl-imnut u l-fornituri tas-servizzi tal-ikel, kif ukoll l-atturi tal-ekonomija soċjali u l-organizzazzjonijiet ambjentali u tal-konsumatur, b’azzjonijiet koordinati mfassla biex jindirizzaw hotspots speċifiċi kif ukoll attitudnijiet u mġiba li jwasslu għall-iskart tal-ikel. Fit-tħejjija ta’ dawn il-programmi, l-Istati Membri jistgħu jieħdu ispirazzjoni mir-rakkomandazzjonijiet prodotti mill-Panel taċ-Ċittadini dwar il-Ħela tal-Ikel.

Test propost mill-Kummissjoni

Emenda

(35a) Huwa kruċjali li l-Kummissjoni u l-Istati Membri jkomplu jiżviluppaw, jappoġġaw u jespandu l-kampanji ta’ informazzjoni u edukazzjoni eżistenti dwar il-prevenzjoni u l-immaniġġar tal-iskart u jintroduċu oħrajn ġodda. Filwaqt li s-sensibilizzazzjoni ġenerali fis-setturi kollha dwar l-importanza tal-prevenzjoni tal-iskart u l-immaniġġar xieraq tal-iskart qed tittejjeb, għad hemm bżonn li jsir aktar progress. 

Test propost mill-Kummissjoni

Emenda

(36a) Sabiex tiġi ffaċilitata l-interpretazzjoni konsistenti tad-data dwar l-iskart tal-ikel u tar-rekwiżiti ta’ rapportar mill-awtoritajiet nazzjonali, filwaqt li jiġi evitat piż amministrattiv mhux neċessarju għall-operaturi fil-katina tal-provvista tal-ikel, il-Kummissjoni jenħtieġ li tadotta linji gwida għall-interpretazzjoni tal-atti delegati, billi ssegwi l-eżempju tal-Gwida għall-kompilazzjoni u r-rapportar tad-data dwar l-iskart muniċipali1a jew il-Gwida għall-kompilazzjoni u r-rapportar ta’ data dwar l-imballaġġ u l-iskart mill-imballaġġ1b;

_________________

1a Il-Kummissjoni Ewropea, l-Eurostat, Gwida għall-kompilazzjoni u r-rapportar tad-data dwar l-iskart muniċipali skont id-Deċiżjonijiet ta’ Implimentazzjoni tal-Kummissjoni 2019/1004/KE u 2019/1885/KE, u l-Kwestjonarju Konġunt tal-Eurostat u l-OECD (verżjoni 2023) https://ec.europa.eu/eurostat/documents/342366/351811/Guidance+on+municipal+waste+data+collection/

1b Il-Kummissjoni Ewropea, il-Eurostat, Gwida għall-kompilazzjoni u r-rapportar ta’ data dwar l-imballaġġ u l-iskart mill-imballaġġ skont id-Deċiżjoni 2005/270/KE (verżjoni 2023) https://ec.europa.eu/eurostat/documents/342366/351811/PPW+-+Guidance+for+the+compilation+and+reporting+of+data+on+packaging+and+packaging+waste.pdf/297d0cda-e5ff-41e5-855b-5d0abe425673?t=1621978014507

Test propost mill-Kummissjoni

Emenda

(39a) Huwa importanti li l-implimentazzjoni mill-Istati Membri tad-Direttiva tal-Kunsill 1999/31/KE* titjieb b’mod sostanzjali u rapidu, peress li l-ħsara ambjentali fl-Unjoni, inklużi kwistjonijiet transfruntiera, hija kkawżata mill-prevalenza u l-emerġenza ta’ siti ta’ rimi illegali u landfills madwar Stati Membri differenti, bħal landfills li ma jissodisfawx l-istandards u r-rekwiżiti stipulati f’dik id-Direttiva. Għalhekk, huwa xieraq li l-Kummissjoni tevalwa, tirrieżami u, fejn xieraq, tippreżenta proposta leġiżlattiva biex temenda d-Direttiva tal-Kunsill 1999/31/KE. Huwa importanti li l-evalwazzjoni tivvaluta modi kif jissaħħu d-dispożizzjonijiet ta’ implimentazzjoni.

--------------

* Id-Direttiva tal-Kunsill 1999/31/KE tas-26 ta’ April 1999 dwar ir-rimi ta’ skart f’terraferma (ĠU L 182, 16.7.1999, p. 1).

Test propost mill-Kummissjoni

Emenda

(40a) Huwa importanti li tiġi enfasizzata l-ħtieġa li l-Kummissjoni tkompli bl-isforzi tagħha biex iġġib l-immaniġġjar tal-iskart f’konformità mal-prinċipji tal-ekonomija ċirkolari u tikkunsidra reviżjoni li għandha l-għan li tiffoka fuq l-iskart mill-kura tas-saħħa, speċjalment l-iskart farmaċewtiku minn unitajiet domestiċi privati. Barra minn hekk, huwa importanti li jitnaqqsu, jerġgħuw jintuża u jiġu riċiklati l-materjali tal-iskart mill-kura tas-saħħa biex jiġu mminimizzati l-impatt ambjentali u t-tnaqqis tar-riżorsi tagħhom filwaqt li tiġi ssalvagwardjata s-saħħa pubblika. Dan jgħin biex tiġi ssottolinjata d-dedikazzjoni tal-Unjoni għall-immaniġġjar responsabbli tal-iskart u biex il-faċilitajiet tal-kura tas-saħħa u l-industrija jsiru sieħeb kruċjali fl-isforzi usa’ tal-Kummissjoni biex jitnaqqas l-iskart u tiġi promossa s-sostenibbiltà.

Test propost mill-Kummissjoni

Emenda

8b. “intrapriża soċjali” tfisser entità tal-liġi privata awtonoma li tipprovdi oġġetti u servizzi għas-suq b’mod intraprenditorjali u f’konformità mal-prinċipji u l-karatteristiċi tal-ekonomija soċjali, b’objettivi soċjali jew ambjentali bħala r-raġuni għall-attività kummerċjali tagħha; l-intrapriżi soċjali jistgħu jiġu stabbiliti f’varjetà ta’ forom legali;

Test propost mill-Kummissjoni

Emenda

L-Istati Membri għandhom jieħdu miżuri xierqa biex jipprevjenu l-ġenerazzjoni tal-iskart tal-ikel fil-produzzjoni primarja, fl-ipproċessar u fil-manifattura, fil-bejgħ bl-imnut u distribuzzjoni oħra tal-ikel, fir-ristoranti u fis-servizzi tal-ikel kif ukoll fl-unitajiet domestiċi. Dawk il-miżuri għandhom jinkludu dan li ġej:

L-Istati Membri għandhom jieħdu miżuri xierqa biex jipprevjenu l-ġenerazzjoni tal-iskart tal-ikel tul il-katina tal-provvista kollha tal-ikel, fil-produzzjoni primarja, fl-ipproċessar u fil-manifattura, fil-bejgħ bl-imnut u distribuzzjoni oħra tal-ikel, fir-ristoranti u fis-servizzi tal-ikel kif ukoll fl-unitajiet domestiċi. Dawk il-miżuri għandhom jinkludu, iżda ma jkunux limitati għal, dan li ġej:

Test propost mill-Kummissjoni

Emenda

(a) l-iżvilupp u l-appoġġ ta’ interventi għall-bidla fl-imġiba biex jitnaqqas l-iskart tal-ikel, u kampanji ta’ informazzjoni għas-sensibilizzazzjoni dwar il-prevenzjoni tal-iskart tal-ikel;

(a) l-iżvilupp u l-appoġġ ta’ interventi għall-bidla fl-imġiba biex jitnaqqas l-iskart tal-ikel, u kampanji ta’ informazzjoni għas-sensibilizzazzjoni dwar il-prevenzjoni tal-iskart tal-ikel kif ukoll il-produzzjoni tal-ikel;

Test propost mill-Kummissjoni

Emenda

(b) l-identifikazzjoni u l-indirizzar tal-ineffiċjenzi fil-funzjonament tal-katina tal-provvista tal-ikel u l-appoġġ għall-kooperazzjoni fost l-atturi kollha, filwaqt li tiġi żgurata distribuzzjoni ġusta tal-kostijiet u tal-benefiċċji tal-miżuri ta’ prevenzjoni;

(b) l-identifikazzjoni u l-indirizzar tal-ineffiċjenzi fil-funzjonament tal-katina tal-provvista tal-ikel u l-appoġġ għall-kooperazzjoni fost l-atturi kollha, filwaqt li tiġi żgurata distribuzzjoni ġusta tal-kostijiet u tal-benefiċċji tal-miżuri ta’ prevenzjoni , li tista’ tinkludi: - il-promozzjoni tal-frott u l-ħaxix b’difetti esterni li mhumiex konformi mal-istandards tal-kummerċjalizzazzjoni tal-UE jew tal-UNECE, iżda li għadhom adattati u sikuri għall-konsum lokali jew dirett, kif stabbilit fir-Regolament Delegat tal-Kummissjoni (UE) 2023/2429* (frott u ħaxix “ikrah”); u l-indirizzar tal-prattiki tas-suq li jikkawżaw skart tal-ikel, inklużi dawk stabbiliti fid-Direttiva (UE) 2019/633** tal-Parlament Ewropew u tal-Kunsill;

---------------

 *  Ir-Regolament Delegat tal-Kummissjoni (UE) 2023/2429 tas-17 ta’ Awwissu 2023 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill fir-rigward tal-istandards tal-kummerċjalizzazzjoni għas-settur tal-frott u l-ħxejjex, għal ċerti prodotti tal-frott u tal-ħxejjex ipproċessati u għas-settur tal-banana, u li jħassar ir-Regolament tal-Kummissjoni (KE) Nru 1666/1999 u r-Regolamenti ta’ Implimentazzjoni tal-Kummissjoni (UE) Nru 543/2011 u (UE) Nru 1333/2011 (ĠU L 2023/2429, 03.11.2023, ELI: http://data.europa.eu/eli/reg_del/2023/2429/oj).

 **  Id-Direttiva (UE) 2019/633 tal-Parlament Ewropew u tal-Kunsill tas-17 ta’ April 2019 dwar prattiki kummerċjali inġusti fir-relazzjonijiet bejn in-negozji fil-katina tal-provvista agrikola u alimentari (ĠU L 111, 25.4.2019, p. 59).

Test propost mill-Kummissjoni

Emenda

(c) l-inkoraġġiment tad-donazzjoni tal-ikel u ridistribuzzjoni oħra għall-konsum mill-bniedem, il-prijoritizzazzjoni tal-użu mill-bniedem fuq l-għalf tal-annimali u l-ipproċessar mill-ġdid fi prodotti mhux alimentari;

(c) l-inkoraġġiment,, tad-donazzjoni tal-ikel u l-iżgurar tar-ridistribuzzjoni għall-konsum mill-bniedem, il-prijoritizzazzjoni tal-użu mill-bniedem fuq l-għalf tal-annimali u l-ipproċessar mill-ġdid fi prodotti mhux alimentari;

Test propost mill-Kummissjoni

Emenda

(d) l-appoġġ għat-taħriġ u l-iżvilupp tal-ħiliet kif ukoll l-iffaċilitar tal-aċċess għal opportunitajiet ta’ finanzjament, b’mod partikolari għall-intrapriżi żgħar u ta’ daqs medju u għall-atturi tal-ekonomija soċjali.

(d) l-appoġġ għat-taħriġ u l-iżvilupp tal-ħiliet, inkluż fl-awtoritajiet lokali, kif ukoll l-iffaċilitar tal-aċċess għal opportunitajiet ta’ finanzjament, b’mod partikolari għall-intrapriżi żgħar u ta’ daqs medju u għall-atturi tal-ekonomija soċjali;

Test propost mill-Kummissjoni

Emenda

(da) l-inkoraġġiment u l-promozzjoni ta’ innovazzjoni u soluzzjonijiet teknoloġiċi li jikkontribwixxu għall-prevenzjoni tal-ħela tal-ikel, bħall-imballaġġ intelliġenti maħsub biex jestendu l-ħajja fuq l-ixkaffa jew biex iżomm jew itejjeb il-kundizzjoni tal-ikel ippakkjat skont ir-Regolament tal-Kummissjoni (KE) Nru 450/2009* , speċjalment waqt it-trasport u l-ħażna, u t-tikkettar tad-data aktar ċar fuq prodotti tal-ikel u għodod faċli għall-utent biex titnaqqas il-konfużjoni u jiġi ffaċilitat l-użu tal-marki tad-data, skont ir-Regolament (UE) 1169/2011, li jikkontribwixxu għall-prevenzjoni tar-rimi bla bżonn ta’ oġġetti tal-ikel li għadhom sikuri għall-konsum.

-------------

 *  Ir-Regolament tal-Kummissjoni (KE) Nru 450/2009 tad-29 ta’ Mejju 2009 dwar materjali u oġġetti attivi u intelliġenti intenzjonati li jiġu f’kuntatt mal-ikel (ĠU L 135, 30.5.2009, p. 3).

Test propost mill-Kummissjoni

Emenda

L-Istati Membri għandhom jiżguraw li l-atturi rilevanti kollha fil-katina tal-provvista jkunu involuti b’mod proporzjonali mal-kapaċità u r-rwol tagħhom fil-prevenzjoni tal-ġenerazzjoni tal-iskart tal-ikel tul il-katina tal-provvista tal-ikel, b’enfasi speċifika fuq il-prevenzjoni tal-impatt sproporzjonat fuq l-intrapriżi żgħar u ta’ daqs medju.

L-Istati Membri għandhom jiżguraw li l-atturi rilevanti kollha fil-katina tal-provvista jkunu involuti b’mod proporzjonat mal-kapaċità u r-rwol tagħhom fil-ġenerazzjoni tal-iskart tal-ikel u fil-prevenzjoni tal-ġenerazzjoni tal-iskart tal-ikel tul il-katina tal-provvista tal-ikel, b’enfasi speċifika fuq il-prevenzjoni tal-impatt sproporzjonat fuq l-intrapriżi żgħar u ta’ daqs medju. L-Istati Membri għandhom jieħdu miżuri xierqa biex jiżguraw li l-operaturi ekonomiċi jagħmlu disponibbli għad-donazzjoni ikel mhux mibjugħ li huwa sikur għall-konsum mill-bniedem.

Test propost mill-Kummissjoni

Emenda

2. L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom għall-prevenzjoni tal-iskart tal-ikel, inkluża l-konformità mal-miri għat-tnaqqis tal-ikel imsemmija fil-paragrafu 4, billi jkejlu l-livelli tal-iskart tal-ikel abbażi tal-metodoloġija stabbilita f’konformità mal-paragrafu 3.

2. L-Istati Membri għandhom jimmonitorjaw u jivvalutaw l-implimentazzjoni tal-miżuri tagħhom għall-prevenzjoni tal-iskart tal-ikel, inkluża l-konformità mal-miri għat-tnaqqis tal-iskart tal-ikel imsemmija fil-paragrafu 4, billi jkejlu l-livelli tal-iskart tal-ikel abbażi tal-metodoloġija stabbilita f’konformità mal-paragrafu 3.

Test propost mill-Kummissjoni

Emenda

3. Il-Kummissjoni għandha s-setgħa li tadotta atti delegati f’konformità mal-Artikolu 38a biex tissupplimenta din id-Direttiva fir-rigward tal-istabbiliment ta’ metodoloġija komuni u ta’ rekwiżiti minimi ta’ kwalità għall-kejl uniformi tal-livelli tal-iskart tal-ikel.

3. Il-Kummissjoni għandha s-setgħa li tadotta atti delegati f’konformità mal-Artikolu 38a biex temenda d-Deċiżjoni Delegata tal-Kummissjoni (UE) 2019/1597 u tissupplimenta din id-Direttiva fir-rigward tal-istabbiliment ta’ metodoloġija komuni u ta’ rekwiżiti minimi ta’ kwalità għall-kejl uniformi tal-livelli tal-iskart tal-ikel.

Test propost mill-Kummissjoni

Emenda

3a. Il-metodoloġija, il-metodi ta’ kejl u d-data użati għall-kejl tal-livelli ta’ skart tal-ikel imsemmija fil-paragrafu 3 għandhom ikunu disponibbli pubblikament.

Test propost mill-Kummissjoni

Emenda

(a) titnaqqas il-ġenerazzjoni tal-iskart tal-ikel fl-ipproċessar u fil-manifattura b’10 % meta mqabbla mal-ammont iġġenerat fl-2020; 

(a) titnaqqas il-ġenerazzjoni tal-iskart tal-ikel fl-ipproċessar u fil-manifattura b’mill-inqas 20 % meta mqabbla mal-ammont iġġenerat bħala medja annwali bejn l-2020 u l-2022.

Test propost mill-Kummissjoni

Emenda

(b) titnaqqas il-ġenerazzjoni tal-iskart tal-ikel per capita, b’mod konġunt fil-bejgħ bl-imnut u distribuzzjoni oħra tal-ikel, fir-ristoranti u fis-servizzi tal-ikel u fl-unitajiet domestiċi, bi 30 % meta mqabbla mal-ammont iġġenerat fl-2020. 

(b) titnaqqas il-ġenerazzjoni tal-iskart tal-ikel per capita, b’mod konġunt fil-bejgħ bl-imnut u distribuzzjoni oħra tal-ikel, fir-ristoranti u fis-servizzi tal-ikel u fl-unitajiet domestiċi, b’mill-inqas 40 % meta mqabbla mal-ammont iġġenerat bħala medja annwali bejn l-2020 u l-2022.

Test propost mill-Kummissjoni

Emenda

5. Fejn Stat Membru jkun jista’ jipprovdi data għal sena ta’ referenza qabel l-2020, li tkun inġabret bl-użu ta’ metodi komparabbli mal-metodoloġija u r-rekwiżiti minimi ta’ kwalità għall-kejl uniformi tal-livelli tal-iskart tal-ikel kif stabbilit fid-Deċiżjoni Delegata tal-Kummissjoni (UE) 2019/1597, tista’ tintuża sena ta’ referenza aktar bikrija. L-Istat Membru għandu jinnotifika lill-Kummissjoni u lill-Istati Membri l-oħra bl-intenzjoni tiegħu li juża sena ta’ referenza aktar bikrija fi żmien 18-il xahar mid-dħul fis-seħħ ta’ din id-Direttiva u għandu jipprovdi lill-Kummissjoni d-data u l-metodi ta’ kejl użati biex jiġborha.

5. Fejn Stat Membru jkun jista’ jipprovdi data għal sena ta’ referenza qabel l-2020, li tkun inġabret bl-użu ta’ metodi komparabbli mal-metodoloġija u r-rekwiżiti minimi ta’ kwalità għall-kejl uniformi tal-livelli tal-iskart tal-ikel kif stabbilit fid-Deċiżjoni Delegata tal-Kummissjoni (UE) 2019/1597, tista’ tintuża sena ta’ referenza aktar bikrija. Dik is-sena ta’ referenza preċedenti għandha tapplika għaż-żewġ miri msemmija fil-paragrafu 4, punti (a) u (b). L-Istat Membru għandu jinnotifika lill-Kummissjoni u lill-Istati Membri l-oħra bl-intenzjoni tiegħu li juża sena ta’ referenza aktar bikrija fi żmien 18-il xahar mid-dħul fis-seħħ ta’ din id-Direttiva u għandu jipprovdi lill-Kummissjoni d-data u l-metodi ta’ kejl użati biex jiġborhom u jagħmluhom disponibbli għall-pubbliku.

Test propost mill-Kummissjoni

Emenda

7a. L-Istati Membri huma mħeġġa jikkoordinaw l-azzjonijiet tagħhom biex jipprevjenu l-iskart tal-ikel u jaqsmu l-aħjar prattiki.

Test propost mill-Kummissjoni

Emenda

7b. Sal-31 ta’ Diċembru 2025, il-Kummissjoni għandha twettaq valutazzjoni tal-livelli xierqa għall-istabbiliment ta’ miri għat-tnaqqis tal-iskart kollu tal-ikel mill-produzzjoni primarja, inkluż ikel matur li jibqa’ mhux miġbur jew użat fl-azjendi agrikoli. Għal dak il-għan, il-Kummissjoni għandha tippreżenta rapport, akkumpanjat, fejn xieraq, minn proposta leġiżlattiva, lill-Parlament Ewropew u lill-Kunsill.

Test propost mill-Kummissjoni

Emenda

7c. Sal-31 ta’ Diċembru 2027, il-Kummissjoni għandha twettaq evalwazzjoni tal-possibbiltà li tintroduċi mira vinkolanti ta’ mill-inqas 30 % fir-rigward tal-Artikolu 9a(4), punt (a), u mill-inqas 50 % fir-rigward tal-Artikolu 9a(4), punt (b), li għandu jintlaħaq sal-2035 u jippreżenta rapport lill-Parlament Ewropew u lill-Kunsill li jista’ jkun akkumpanjat minn proposta leġiżlattiva xierqa biex tiġi implimentata tali mira.

Test propost mill-Kummissjoni

Emenda

(4a) Fl-Artikolu 10, jiddaħħal il-paragrafu li ġej:

2a. L-Istati Membri huma mħeġġa, fejn xieraq, jintroduċu għażla minn qabel ta’ skart muniċipali imħallat biex jipprevjenu l-iskart, li jista’ jiġi rkuprat għat-tħejjija għall-użu mill-ġdid, jew ir-riċiklaġġ, milli jintbagħat għall-inċinerazzjoni tal-iskart jew jintrema f’landfills.

Test fis-seħħ

Emenda

(4b) Fl-Artikolu 10, il-paragrafu 4 huwa sostitwit b’dan li ġej:

4. L-Istati Membri għandhom jieħdu miżuri biex jiżguraw li l-iskart li jkun inġabar separatament għall-preparazzjoni għall-użu mill-ġdid u r-riċiklaġġ skont l-Artikolu 11(1) u l-Artikolu 22 ma jiġix inċinerat bl-eċċezzjoni ta’ skart li jirriżulta mit-trattament sussegwenti tal-iskart li jinġabar separatament li l-inċinerazzjoni tiegħu tagħti l-aħjar eżitu ambjentali f’konformità mal-Artikolu 4.

“4. L-Istati Membri għandhom jieħdu miżuri biex jiżguraw li l-iskart li jkun inġabar separatament għall-preparazzjoni għall-użu mill-ġdid u r-riċiklaġġ skont l-Artikolu 11(1) u l-Artikolu 22 ma jiġix inċinerat jew jintrema f’landfills bl-eċċezzjoni ta’ skart li jirriżulta mit-trattament sussegwenti tal-iskart li jinġabar separatament li l-inċinerazzjoni tiegħu tagħti l-aħjar eżitu ambjentali f’konformità mal-Artikolu 4.”

Test propost mill-Kummissjoni

Emenda

5) fl-Artikolu 11, il-paragrafu 1, it-tielet sentenza hija sostitwita b’dan li ġej:

5) fl-Artikolu 11, il-paragrafu 1, it-tielet subparagrafu huwa sostitwit b’dan li ġej:

Soġġett għall-Artikolu 10(2) u (3), l-Istati Membri għandhom jistabbilixxu ġbir separat tal-inqas għall-karti, il-metall, il-plastik u l-ħġieġ.

Soġġett għall-Artikolu 10(2) u (3), l-Istati Membri għandhom jistabbilixxu ġbir separat tal-inqas għall-karti, il-metall, il-plastik u l-ħġieġ u, sal-1 ta’ Jannar 2025, għat-tessuti, u għandhom ikunu mħeġġa jistabbilixxu ġbir separat għal injam.

Test fis-seħħ

Emenda

5a) Fl-Artikolu 11, is-subparagrafu li ġej jiddaħħal wara t-tielet subparagrafu:

L-Istati Membri għandhom jieħdu l-miżuri meħtieġa biex jiżguraw li jkun hemm infrastruttura suffiċjenti għall-ġbir separat tal-iskart u li tkun aċċessibbli faċilment, għal kull tip ta’ skart, u meta xieraq, għandhom iżidu l-għadd ta’ punti ta’ ġbir separat tal-iskart. Meta jkunu meħtieġa sistemi ta’ ġbir ta’ skart muniċipali għal titjib, l-Istati Membri għandhom jagħmlu dan mingħajr dewmien żejjed.”

Test propost mill-Kummissjoni

Emenda

1. L-Istati Membri għandhom jiżguraw li l-produtturi jkollhom ir-responsabbiltà estiża tal-produttur għal prodotti tat-tessuti tad-dar, oġġetti tal-ilbies, aċċessorji tal-ħwejjeġ u xedd is-saqajn, ilbies u aċċessorji tal-ħwejjeġ elenkati fl-Anness IVc (“prodotti tat-tessuti, prodotti relatati mat-tessuti u prodotti ta’ xedd is-saqajn”) li huma jqiegħdu għad-dispożizzjoni fis-suq għall-ewwel darba fit-territorju ta’ Stat Membru, f’konformità mal-Artikoli 8 u 8a.

1. L-Istati Membri għandhom jiżguraw li l-produtturi jkollhom ir-responsabbiltà estiża tal-produttur għal prodotti tat-tessuti, oġġetti tal-ilbies, aċċessorji tal-ħwejjeġ u xedd is-saqajn, ilbies u aċċessorji tal-ħwejjeġ elenkati fl-Anness IVc (“prodotti tat-tessuti, prodotti relatati mat-tessuti u prodotti ta’ xedd is-saqajn”) li huma jqiegħdu għad-dispożizzjoni fis-suq għall-ewwel darba fit-territorju ta’ Stat Membru, f’konformità mal-Artikoli 8 u 8a.

Test propost mill-Kummissjoni

Emenda

1a. Sal-31 ta’ Diċembru 2024, il-Kummissjoni għandha tadotta att delegat skont l-Artikolu 38a biex tissupplimenta din id-Direttiva fir-rigward tal-istabbiliment ta’ regoli ulterjuri dwar l-istabbiliment ta’ responsabbiltà estiża tal-produttur għal tagħmir ta’ protezzjoni personali kif imsemmi fir-Regolament (UE) 2016/425 tal-Parlament Ewropew u tal-Kunsill*.

---------------

*  Ir-Regolament (UE) 2016/425 tal-Parlament Ewropew u tal-Kunsill tad-9 ta’ Marzu 2016 dwar tagħmir ta’ protezzjoni personali u li jħassar id-Direttiva tal-Kunsill 89/686/KEE (ĠU L 81, 31.3.2016, p. 51).

Test propost mill-Kummissjoni

Emenda

1b. Sal-31 ta’ Diċembru 2027, l-Istati Membri għandhom jiżguraw li l-produtturi ta’ twapet u saqqijiet kif imsemmija fil-Parti 2a (ġdida) tal-Anness IVc, li l-kompożizzjoni ewlenija tagħhom hija t-tessuti, li jagħmlu disponibbli dawk it-twapet u saqqijiet fis-suq għall-ewwel darba fi ħdan it-territorju ta’ Stat Membru, għandu jkollu r-responsabbiltà estiża tal-produttur skont l-Artikoli 8 u 8a. L-Istati Membri jistgħu jiddeċiedu li jistabbilixxu skema separata ta’ responsabbiltà estiża tal-produttur speċifikament għal dawk l-oġġetti.

Test propost mill-Kummissjoni

Emenda

2. Il-Kummissjoni għandha s-setgħa li tadotta atti delegati f’konformità mal-Artikolu 38a biex temenda l-Anness IVc ta’ din id-Direttiva sabiex iġġib il-kodiċijiet tan-Nomenklatura Magħquda elenkati fl-Anness IVc ta’ din id-Direttiva f’konformità mal-kodiċijiet elenkati fl-Anness 1 tar-Regolament tal-Kunsill (KEE) Nru 2658/87*.

2. Il-Kummissjoni għandha s-setgħa li tadotta atti delegati f’konformità mal-Artikolu 38a biex tespandi l-ambitu tal-Anness IVc u temenda l-Anness IVc ta’ din id-Direttiva sabiex iġġib il-kodiċijiet tan-Nomenklatura Magħquda elenkati fl-Anness IVc ta’ din id-Direttiva f’konformità mal-kodiċijiet elenkati fl-Anness 1 tar-Regolament tal-Kunsill (KEE) Nru 2658/87*.

Test propost mill-Kummissjoni

Emenda

3. L-Istati Membri għandhom jiddefinixxu b’mod ċar ir-rwoli u r-responsabbiltajiet tal-atturi rilevanti involuti fl-implimentazzjoni, fil-monitoraġġ u fil-verifika tal-iskema ta’ responsabbiltà estiża tal-produttur imsemmija fil-paragrafu 1.

3. L-Istati Membri għandhom jiddefinixxu b’mod ċar, inklużiv u bilanċjat, skont l-Artikolu 8a(1), punt (a), ir-rwoli u r-responsabbiltajiet tal-atturi rilevanti involuti fl-implimentazzjoni, fil-monitoraġġ u fil-verifika tal-iskema ta’ responsabbiltà estiża tal-produttur imsemmija fil-paragrafu 1. L-Istati Membri għandhom jiżguraw li l-atturi rilevanti kollha jkunu involuti bis-sħiħ fil-proċess tat-teħid tad-deċiżjonijiet tal-iskema ta’ responsabbiltà estiża tal-produttur. Dawk l-atturi rilevanti għandhom jinkludu:

(a)  produtturi li jqiegħdu prodotti fis-suq tal-Istat Membru;

(b)  organizzazzjonijiet li jimplimentaw obbligi ta’ responsabbiltà estiża tal-produttur f’isimhom;

(c)  operaturi privati jew pubbliċi tal-iskart;

(d)  awtoritajiet lokali;

(e)  operaturi tal-użu mill-ġdid u tat-tħejjija għall-użu mill-ġdid;

(f)  intrapriżi soċjali, inklużi intrapriżi soċjali lokali;

Test propost mill-Kummissjoni

Emenda

(1) il-ġbir ta’ dawk il-prodotti użati għall-użu mill-ġdid u l-ġbir separat tal-iskart tal-prodotti għat-tħejjija għall-użu mill-ġdid u r-riċiklaġġ f’konformità mal-Artikoli 22c u 22d,

(1) il-ġbir tal-prodotti tat-tessuti użati għall-użu mill-ġdid u l-ġbir separat tal-prodotti tat-tessuti ta’ skart għat-tħejjija għall-użu mill-ġdid u r-riċiklaġġ f’konformità mal-Artikoli 22c u 22d

Test propost mill-Kummissjoni

Emenda

(2) it-trasport tat-tagħbijiet miġbura msemmija fil-punt (1) għas-separazzjoni sussegwenti għall-użu mill-ġdid, għat-tħejjija għall-użu mill-ġdid u għall-operazzjonijiet ta’ riċiklaġġ f’konformità mal-Artikolu 22d,

(2) it-trasport tat-tagħbijiet miġbura msemmija fil-punt (1) għas-separazzjoni sussegwenti għall-użu mill-ġdid, għat-tħejjija għall-użu mill-ġdid u l-operazzjonijiet ta’ riċiklaġġ f’konformità mal-Artikolu 22d,

Test propost mill-Kummissjoni

Emenda

(3) is-separazzjoni, it-tħejjija għall-użu mill-ġdid, ir-riċiklaġġ u operazzjonijiet oħra ta’ rkupru u r-rimi tat-tagħbijiet miġbura msemmija fil-punt (1),

(3) is-separazzjoni, it-tħejjija għall-użu mill-ġdid, ir-riċiklaġġ u operazzjonijiet oħra ta’ rkupru u r-rimi tat-tagħbijiet miġbura msemmija fil-punt (1),

Test propost mill-Kummissjoni

Emenda

(4) il-ġbir, it-trasport u t-trattament imsemmija fil-punti (1) u (2) tal-iskart iġġenerat minn intrapriżi soċjali u operaturi oħra mhux tal-iskart li huma parti mis-sistema ta’ ġbir imsemmija fl-Artikolu 22c, il-paragrafi 5 u 11;

(4) il-ġbir, it-trasport u t-trattament imsemmija fil-punti (1) u (2) tal-iskart iġġenerat minn intrapriżi soċjali u operaturi oħra li huma parti mis-sistema ta’ ġbir imsemmija fl-Artikolu 22c, il-paragrafi 5 u 11;

Test propost mill-Kummissjoni

Emenda

(c) l-għoti ta’ informazzjoni dwar il-konsum sostenibbli, il-prevenzjoni tal-iskart, l-użu mill-ġdid, it-tħejjija għall-użu mill-ġdid, ir-riċiklaġġ, irkupru u rimi ieħor ta’ prodotti tat-tessuti u ta’ xedd is-saqajn f’konformità mal-Artikolu 22c(13)(14) u (17);

(c) l-għoti ta’ informazzjoni, inkluż permezz ta’ kampanji ta’ informazzjoni xierqa u xogħol ta’ komunikazzjoni, dwar il-konsum sostenibbli, il-prevenzjoni tal-iskart, l-użu mill-ġdid, it-tħejjija għall-użu mill-ġdid, ir-riċiklaġġ, irkupru u rimi ieħor ta’ prodotti tat-tessuti u ta’ xedd is-saqajn f’konformità mal-Artikolu 22c(13)(14) u (17);

Test propost mill-Kummissjoni

Emenda

(e) l-appoġġ għar-riċerka u l-iżvilupp biex jittejbu l-proċessi tas-separazzjoni u tar-riċiklaġġ, b’mod partikolari, bil-għan li jiżdied ir-riċiklaġġ mill-fibra għall-fibra, mingħajr preġudizzju għar-regoli tal-Unjoni dwar l-għajnuna mill-Istat.

(e) l-appoġġ għar-riċerka u l-iżvilupp biex jittejbu l-proċessi tas-separazzjoni u tar-riċiklaġġ f’konformità mal-ġerarkija tal-iskart imsemmija fl-Artikolu 4, b’mod partikolari, bil-għan li jiżdied ir-riċiklaġġ mill-fibra għall-fibra, mingħajr preġudizzju għar-regoli tal-Unjoni dwar l-għajnuna mill-Istat.

Test propost mill-Kummissjoni

Emenda

(ea) operazzjonijiet ta’ użu mill-ġdid u ta’ tiswija, inklużi riċerka u żvilupp għat-titjib tagħhom.

Test propost mill-Kummissjoni

Emenda

5. L-Istati Membri għandhom jiżguraw li l-produtturi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn elenkati fl-Anness IVc ikopru l-kostijiet imsemmija fil-paragrafu 4 ta’ dan l-Artikolu fir-rigward tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati u ta’ skart elenkati fl-Anness IVc depożitati fil-punti ta’ ġbir stabbiliti f’konformità mal-Artikolu 22c(5) u (11), fejn dawn il-prodotti jkunu tqiegħdu fis-suq għall-ewwel darba fit-territorju ta’ Stat Membru wara [L-Uffiċċju tal-Pubblikazzjonijiet għandu jdaħħal id-data tad-dħul fis-seħħ ta’ din id-Direttiva emendatorja].

5. L-Istati Membri għandhom jiżguraw li l-produtturi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn elenkati fl-Anness IVc ikopru l-kostijiet imsemmija fil-paragrafu 4 ta’ dan l-Artikolu fir-rigward tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati u ta’ skart elenkati fl-Anness IVc depożitati fil-punti ta’ ġbir stabbiliti f’konformità mal-Artikolu 22c(5) u (11), fejn dawn il-prodotti jkunu tqiegħdu fis-suq għall-ewwel darba fit-territorju ta’ Stat Membru wara [L-Uffiċċju tal-Pubblikazzjonijiet għandu jdaħħal id-data tad-dħul fis-seħħ ta’ din id-Direttiva emendatorja], inkluż kwalunkwe tessut użat u ta’ skart li jistgħu jinġabru permezz ta’ skemi privati ta’ teħid lura u mbagħad aggregati ma’ tessuti miġbura skont l-Artikolu 22c(5).

Test propost mill-Kummissjoni

Emenda

6. Il-kostijiet li għandhom jiġu koperti msemmija fil-paragrafu 4 ma għandhomx jaqbżu l-kostijiet li jkunu meħtieġa biex jiġu pprovduti s-servizzi msemmija f’dak il-paragrafu b’mod kosteffiċjenti u għandhom jiġu stabbiliti b’mod trasparenti bejn l-atturi kkonċernati.

6. Il-kostijiet li għandhom jiġu koperti msemmija fil-paragrafu 4 ma għandhomx jaqbżu l-kostijiet li jkunu meħtieġa biex jiġu pprovduti s-servizzi msemmija f’dak il-paragrafu b’mod kosteffiċjenti konsistenti mal-ġerarkija tal-iskart u għandhom jiġu stabbiliti b’mod trasparenti bejn l-atturi kkonċernati.

Test propost mill-Kummissjoni

Emenda

6a. Fornituri ta’ pjattaformi online li jippermettu lill-konsumaturi jikkonkludu kuntratti mill-bogħod ma’ kummerċjanti għandhom jiżguraw li l-produtturi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn elenkati fl-Anness IVc għandhom jiġu rreġistrati fir-reġistru tal-produtturi msemmi fl-Artikolu 22b fl-Istat Membru fejn jinsab il-konsumatur, qabel ma jqiegħdu l-prodotti minn dawk il-produtturi fuq il-pjattaformi tagħhom.

Test propost mill-Kummissjoni

Emenda

8. L-Istati Membri għandhom jiżguraw li l-iskemi ta’ responsabbiltà estiża tal-produttur stabbiliti fil-paragrafu 1 ta’ dan l-Artikolu jiġu stabbiliti sa [L-Uffiċċju tal-Pubblikazzjonijiet għandu jdaħħal id-data ta’ tletin xahar wara d-dħul fis-seħħ ta’ din id-Direttiva emendatorja] f’konformità mal-Artikoli 8, 8a, 22a sa 22d.

8. L-Istati Membri għandhom jiżguraw li l-iskemi ta’ responsabbiltà estiża tal-produttur stabbiliti fil-paragrafu 1 ta’ dan l-Artikolu jiġu stabbiliti sa [L-Uffiċċju tal-Pubblikazzjonijiet għandu jdaħħal id-data ta’ tmintax-il xahar wara d-dħul fis-seħħ ta’ din id-Direttiva emendatorja] f’konformità mal-Artikoli 8, 8a, 22a sa 22d.

Test propost mill-Kummissjoni

Emenda

L-Istati Membri għandhom jiżguraw li r-reġistru jipprovdi links għal reġistri nazzjonali oħra biex tiġi ffaċilitata r-reġistrazzjoni tal-produtturi fl-Istati Membri kollha.

L-Istati Membri għandhom jiżguraw li r-reġistru jipprovdi links għal reġistri nazzjonali oħra biex tiġi ffaċilitata r-reġistrazzjoni tal-produtturi fl-Istati Membri kollha. Ir-reġistru għandu jkun aċċessibbli faċilment u b’xejn għall-pubbliku online.

Test propost mill-Kummissjoni

Emenda

2a. L-Istati Membri għandhom jinfurmaw lill-Istati Membri l-oħra dwar il-link għar-reġistru nazzjonali fi żmien 30 jum mit-tnedija ta’ dak ir-reġistru. 

Test propost mill-Kummissjoni

Emenda

(a) tirċievi l-applikazzjonijiet għar-reġistrazzjoni tal-produtturi msemmija fil-paragrafu 2 permezz ta’ sistema elettronika tal-ipproċessar tad-data li d-dettalji tagħha għandhom ikunu disponibbli fuq is-sit web tal-awtoritajiet kompetenti;

(a) tirċievi l-applikazzjonijiet għar-reġistrazzjoni tal-produtturi msemmija fil-paragrafu 2 permezz ta’ sistema elettronika tal-ipproċessar tad-data li d-dettalji tagħha għandhom ikunu disponibbli b’mod prominenti fuq is-sit web tal-awtoritajiet kompetenti;

Test propost mill-Kummissjoni

Emenda

9. Fejn l-informazzjoni fir-reġistru tal-produtturi ma tkunx aċċessibbli għall-pubbliku, l-Istati Membri għandhom jiżguraw li l-fornituri ta’ pjattaformi online li jippermettu lill-konsumaturi jikkonkludu kuntratti mill-bogħod mal-produtturi jingħataw aċċess, b’xejn, għar-reġistru.

9. L-informazzjoni fir-reġistru tal-produtturi għandha tkun aċċessibbli għall-pubbliku, tista’ tinqara mill-magni, tista’ tiġi ssortjata u mfittxija, filwaqt li jiġu rrispettati l-istandards miftuħa għall-użu minn partijiet terzi. L-Istati Membri għandhom jiżguraw li l-fornituri ta’ pjattaformi online li jippermettu lill-konsumaturi jikkonkludu kuntratti mill-bogħod mal-produtturi jingħataw aċċess, b’xejn, għar-reġistru.

Test propost mill-Kummissjoni

Emenda

9a. Sa mhux aktar tard mill-31 ta’ Diċembru 2026, il-Kummissjoni għandha tivvaluta l-fattibbiltà tal-istabbiliment ta’ reġistru għall-Unjoni kollha għall-produtturi ta’ prodotti tat-tessuti, relatati mat-tessuti u tax-xedd is-saqajn elenkati fl-Anness IVc. Dik il-valutazzjoni għandha tinkludi l-benefiċċji, l-isfidi u l-kapaċità amministrattiva potenzjali meħtieġa għall-implimentazzjoni ta’ tali reġistru għall-Unjoni kollha.

Test propost mill-Kummissjoni

Emenda

Artikolu 22ba

Linji gwida ta’ rapportar għall-kumpaniji

Il-Kummissjoni għandha tiżviluppa linji gwida komprensivi għall-produtturi ta’ prodotti tat-tessuti, relatati mat-tessuti u taż-żraben biex jirrapportaw b’mod elettroniku lura lill-organizzazzjonijiet ta’ responsabbiltà tal-produtturi l-informazzjoni meħtieġa msemmija fl-Artikolu 22c(13) u l-Artikolu 22c(17). Dawk il-linji gwida għandhom jinkludu mill-inqas:

(a)  istruzzjonijiet ċari dwar l-iskedi ta’ rappurtar biex jinkoraġġixxu s-sottomissjoni u l-analiżi f’waqthom tad-data;

(b)  speċifikazzjonijiet għall-istruttura u l-format tar-rapportar tad-data biex jiġu żgurati l-uniformità, il-konsistenza, u l-faċilità tal-konsolidazzjoni tad-data għall-organizzazzjonijiet tar-responsabbiltà tal-produtturi.

Test propost mill-Kummissjoni

Emenda

2. L-Istati Membri għandhom jirrikjedu li l-organizzazzjonijiet b’kompetenza fil-qasam tar-responsabbiltà tal-produtturi li jkun beħsiebhom iwettqu l-obbligi ta’ responsabbiltà estiża tal-produttur f’isem il-produtturi f’konformità mal-Artikoli 8a(3), 22a, 22b, 22d u dan l-Artikolu jiksbu awtorizzazzjoni minn awtorità kompetenti.

2. L-Istati Membri għandhom jirrikjedu li l-organizzazzjonijiet b’kompetenza fil-qasam tar-responsabbiltà tal-produtturi li jkun beħsiebhom iwettqu l-obbligi ta’ responsabbiltà estiża tal-produttur f’isem il-produtturi f’konformità mal-Artikoli 8a(3), 22a, 22b, 22d u dan l-Artikolu jiksbu awtorizzazzjoni minn awtorità kompetenti. Il-proċess ta’ awtorizzazzjoni għandu jinkludi:

(a)  kriterji ċari għall-kwalifiki u l-kompetenzi tal-organizzazzjonijiet b’kompetenza fil-qasam tar-responsabbiltà tal-produtturi, inkluż li jiżguraw li jkollhom l-għarfien espert meħtieġ fl-immaniġġjar tal-iskart, is-sostenibbiltà u l-valutazzjoni tal-impatt ambjentali;

(b)  proċeduri dettaljati għas-soluzzjoni ta’ tilwim jew kwistjonijiet li jistgħu jinqalgħu bejn l-organizzazzjonijiet b’kompetenza fil-qasam tar-responsabbiltà tal-produtturi u l-produtturi, inklużi mekkaniżmi għall-appell ta’ deċiżjonijiet.

Test propost mill-Kummissjoni

Emenda

(a) ikunu bbażati fuq il-piż tal-prodotti kkonċernati u, għall-prodotti tat-tessuti elenkati fil-Parti 1 tal-Anness IVc, ikunu modulati abbażi tar-rekwiżiti tal-ekodisinn adottati skont ir-Regolament .../... tal-Parlament Ewropew u tal-Kunsill [L-Uffiċċju tal-Pubblikazzjonijiet għandu jdaħħal in-numru tas-serje għar-Regolament dwar l-Ekodisinn għal Prodotti Sostenibbli meta jiġi adottat]** li huma l-aktar rilevanti għall-prevenzjoni tal-iskart tat-tessuti u għat-trattament tat-tessuti f’konformità mal-ġerarkija tal-iskart u l-metodoloġiji ta’ kejl korrispondenti għal dawk il-kriterji adottati skont dak ir-Regolament jew abbażi ta’ liġi oħra tal-Unjoni li tistabbilixxi kriterji ta’ sostenibbiltà u metodi ta’ kejl armonizzati għall-prodotti tat-tessuti, u li jiżguraw it-titjib tas-sostenibbiltà ambjentali u ċ-ċirkolarità tat-tessuti;

(a) ikunu bbażati fuq il-piż u l-kwantità tal-prodotti kkonċernati u, għall-prodotti tat-tessuti elenkati fl-Anness IVc, ikunu modulati abbażi tar-rekwiżiti tal-ekodisinn adottati skont ir-Regolament .../... tal-Parlament Ewropew u tal-Kunsill [L-Uffiċċju tal-Pubblikazzjonijiet għandu jdaħħal in-numru tas-serje għar-Regolament dwar l-Ekodisinn għal Prodotti Sostenibbli meta jiġi adottat]** li huma l-aktar rilevanti għall-prevenzjoni tal-iskart tat-tessuti u għat-trattament tal-iskart tat-tessuti f’konformità mal-ġerarkija tal-iskart u l-metodoloġiji ta’ kejl korrispondenti għal dawk il-kriterji adottati skont dak ir-Regolament jew abbażi ta’ liġi oħra tal-Unjoni li tistabbilixxi kriterji ta’ sostenibbiltà u metodi ta’ kejl armonizzati għall-prodotti tat-tessuti, u li jiżguraw it-titjib tas-sostenibbiltà ambjentali u ċ-ċirkolarità tat-tessuti;

Test propost mill-Kummissjoni

Emenda

4. Fejn meħtieġ biex tiġi evitata d-distorsjoni tas-suq intern u tiġi żgurata l-konsistenza mar-rekwiżiti tal-ekodisinn adottati skont l-Artikolu 4 moqri flimkien mal-Artikolu 5 tar-Regolament.../... [L-Uffiċċju tal-Pubblikazzjonijiet jista’ jdaħħal in-numru tas-serje għar-Regolament dwar l-Ekodisinn għal Prodotti Sostenibbli meta jiġi adottat], il-Kummissjoni għandha tadotta atti ta’ implimentazzjoni li jistabbilixxu l-kriterji ta’ modulazzjoni tat-tariffi għall-applikazzjoni tal-punt (a) tal-paragrafu 3 ta’ dan l-Artikolu. Dak l-att ta’ implimentazzjoni ma għandux jikkonċerna d-determinazzjoni preċiża tal-livell tal-kontribuzzjonijiet u għandu jiġi adottat f’konformità mal-proċedura ta’ eżami msemmija fl-Artikolu 39(2) ta’ din id-Direttiva.

4. Fejn meħtieġ biex tiġi evitata d-distorsjoni tas-suq intern u tiġi żgurata l-konsistenza mar-rekwiżiti tal-ekodisinn adottati skont l-Artikolu 4 moqri flimkien mal-Artikolu 5 tar-Regolament.../... [L-Uffiċċju tal-Pubblikazzjonijiet idaħħal in-numru tas-serje għar-Regolament dwar l-Ekodisinn għal Prodotti Sostenibbli meta jiġi adottat], il-Kummissjoni għandha tadotta atti ta’ implimentazzjoni li jistabbilixxu l-kriterji ta’ modulazzjoni tat-tariffi għall-applikazzjoni tal-punt (a) tal-paragrafu 3 ta’ dan l-Artikolu. Dak l-att ta’ implimentazzjoni ma għandux jikkonċerna d-determinazzjoni preċiża tal-livell tal-kontribuzzjonijiet u għandu jiġi adottat f’konformità mal-proċedura ta’ eżami msemmija fl-Artikolu 39(2) ta’ din id-Direttiva.

Test propost mill-Kummissjoni

Emenda

(b) tiżgura l-ġbir, b’xejn, ta’ dawn il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn użati u ta’ skart miġbura fil-punti ta’ ġbir konnessi, bi frekwenza li tkun proporzjonata għaż-żona koperta u l-volum ta’ dawn il-prodotti tat-tessuti u l-prodotti ta’ xedd is-saqajn użati u ta’ skart li normalment jinġabru permezz ta’ dawk il-punti ta’ ġbir;

(b) tiżgura l-ġbir, bi skeda adattabbli li taġġusta d-domanda, mingħajr ħlas, ta’ dawn il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn użati u ta’ skart miġbura fil-punti ta’ ġbir konnessi, bi frekwenza li tkun proporzjonata għaż-żona koperta u l-volum ta’ dawn il-prodotti tat-tessuti użati u ta’ skart li normalment jinġabru permezz ta’ dawk il-punti ta’ ġbir;

Test propost mill-Kummissjoni

Emenda

(c) tiżgura l-ġbir, b’xejn, tal-iskart iġġenerat mill-intrapriżi soċjali u minn operaturi oħra mhux tal-iskart minn dawn il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn miġbura permezz tal-punti ta’ ġbir konnessi.

(c) tiżgura l-ġbir, b’xejn, tal-iskart iġġenerat mill-intrapriżi soċjali u minn operaturi oħra minn dawn il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn miġbura permezz tal-punti ta’ ġbir konnessi kif ukoll jippromwovu l-koordinazzjoni sħiħa bejn l-intrapriżi soċjali u l-organizzazzjonijiet b’kompetenza fil-qasam tar-responsabbiltà tal-produtturi. 

Test propost mill-Kummissjoni

Emenda

8. Ir-rata ta’ ġbir separat imsemmija fil-paragrafu 6(c) għandha tiġi kkalkolata bħala l-perċentwal miksub bid-diviżjoni tal-piż ta’ prodotti tat-tessuti ta’ skart, ta’ prodotti relatati mat-tessuti u ta’ prodotti ta’ xedd is-saqajn elenkati fl-Anness IVc miġbura f’konformità mal-paragrafu 5 f’sena kalendarja partikolari fi Stat Membru bil-piż ta’ dawn il-prodotti tat-tessuti ta’ skart, tal-prodotti relatati mat-tessuti u tal-prodotti ta’ xedd is-saqajn li jiġi ġġenerat u miġbur bħala skart muniċipali mħallat.

8. Ir-rata ta’ ġbir separat imsemmija fil-paragrafu 6(c) għandha tiġi kkalkolata bħala l-perċentwal miksub bid-diviżjoni tal-piż ta’ prodotti tat-tessuti ta’ skart, ta’ prodotti relatati mat-tessuti u ta’ prodotti ta’ xedd is-saqajn elenkati fl-Anness IVc miġbura f’konformità mal-paragrafu 5 f’sena kalendarja partikolari fi Stat Membru bil-piż ta’ dawn il-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn li jkunu disponibbli fis-suq f’sena kalendarja partikolari fi Stat Membru.

Test propost mill-Kummissjoni

Emenda

9. Il-Kummissjoni għandha tadotta atti ta’ implimentazzjoni li jistabbilixxu l-metodoloġija għall-kalkolu u għall-verifika tar-rata ta’ ġbir separat msemmija fil-paragrafu 6(c) ta’ dan l-Artikolu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 39(2).

9. Sa ... [12-il xahar mid-dħul fis-seħħ ta’ din id-Direttiva emendatorja] il-Kummissjoni għandha tadotta atti delegati li jistabbilixxu l-metodoloġija għall-kalkolu u għall-verifika tar-rata ta’ ġbir separat msemmija fil-paragrafu 6(c) ta’ dan l-Artikolu. Dak l-att delegat għandu jiġi adottat f’konformità mal-proċedura ta’ eżami msemmija fl-Artikolu 38a.

Test propost mill-Kummissjoni

Emenda

10. L-Istati Membri għandhom jiżguraw li l-organizzazzjonijiet b’kompetenza fil-qasam tar-responsabbiltà tal-produtturi ma jkunux jistgħu jirrifjutaw il-parteċipazzjoni ta’ intrapriżi soċjali u ta’ operaturi oħra tal-użu mill-ġdid fis-sistema ta’ ġbir separat stabbilita skont il-paragrafu 5.

10. L-Istati Membri għandhom jiżguraw li l-organizzazzjonijiet b’kompetenza fil-qasam tar-responsabbiltà tal-produtturi ma jkunux jistgħu jirrifjutaw il-parteċipazzjoni tal-awtoritajiet pubbliċi lokali kif ukoll ta’ intrapriżi soċjali u ta’ operaturi oħra ta’ tħejjija għall-użu mill-ġdid jew tal-użu mill-ġdid fis-sistema ta’ ġbir separat stabbilita skont il-paragrafu 5.

Test propost mill-Kummissjoni

Emenda

11. Mingħajr preġudizzju għall-paragrafu 5(a) u (b), u l-paragrafu 6(a), l-Istati Membri għandhom jiżguraw li l-intrapriżi soċjali jkunu jistgħu jżommu u joperaw il-punti ta’ ġbir separat tagħhom u li jingħataw trattament ugwali jew preferenzjali fil-post tal-punti ta’ ġbir separat. L-Istati Membri għandhom jiżguraw li l-intrapriżi soċjali u l-entitajiet tal-ekonomija soċjali li jkunu parti mill-punti ta’ ġbir konnessi f’konformità mal-paragrafu 6(a) ma jkunux meħtieġa jgħaddu l-prodotti tat-tessuti, il-prodotti relatati mat-tessuti u l-prodotti ta’ xedd is-saqajn użati u ta’ skart miġbura, elenkati fl-Anness IVc lill-organizzazzjoni b’kompetenza fil-qasam tar-responsabbiltà tal-produtturi.

11. Mingħajr preġudizzju għall-paragrafu 5(a) u (b), u l-paragrafu 6(a), l-Istati Membri għandhom jiżguraw li l-intrapriżi soċjali jkunu jistgħu jżommu u joperaw il-punti ta’ ġbir separat tagħhom u li jingħataw trattament ugwali jew preferenzjali fil-post tal-punti ta’ ġbir separat. L-Istati Membri għandhom jiżguraw li l-awtoritajiet lokali, l-intrapriżi soċjali u l-entitajiet tal-ekonomija soċjali li jkunu parti mill-punti ta’ ġbir konnessi f’konformità mal-paragrafu 6(a) ma jkunux meħtieġa jgħaddu l-prodotti tat-tessuti, il-prodotti relatati mat-tessuti u l-prodotti ta’ xedd is-saqajn użati u ta’ skart miġbura, prodotti elenkati fl-Anness IVc lill-organizzazzjoni b’kompetenza fil-qasam tar-responsabbiltà tal-produtturi.

Test propost mill-Kummissjoni

Emenda

12. L-Istati Membri għandhom jiżguraw li l-punti ta’ ġbir stabbiliti f’konformità mal-paragrafi 5, 6 u 11 ma jkunux soġġetti għar-rekwiżiti ta’ reġistrazzjoni jew ta’ permess ta’ din id-Direttiva.

12. L-Istati Membri għandhom jiżguraw li l-punti ta’ ġbir stabbiliti f’konformità mal-paragrafi 5, 6 u 11 jkunu soġġetti għar-rekwiżiti ta’ reġistrazzjoni u ta’ permess ta’ din id-Direttiva.

Test propost mill-Kummissjoni

Emenda

(b) l-arranġamenti għall-użu mill-ġdid u t-tiswija disponibbli għat-tessuti u għax-xedd is-saqajn;

(b) l-arranġamenti għall-użu mill-ġdid u t-tiswija disponibbli għat-tessuti u għax-xedd is-saqajn, inkluż il-post tal-punti ta’ ġbir u kif għandhom jingħataw b’donazzjoni t-tessuti b’mod korrett;

Test propost mill-Kummissjoni

Emenda

(c) ir-rwol tal-konsumaturi biex jikkontribwixxu għall-ġbir separat tat-tessuti u tax-xedd is-saqajn użati u ta’ skart;

(c) ir-rwol tal-konsumaturi biex jikkontribwixxu b’mod korrett għall-ġbir separat tat-tessuti u tax-xedd is-saqajn użati u ta’ skart;

Test propost mill-Kummissjoni

Emenda

14. L-Istati Membri għandhom jiżguraw li l-organizzazzjoni b’kompetenza fil-qasam tar-responsabbiltà tal-produtturi tipprovdi l-informazzjoni msemmija fil-paragrafu 13 fuq bażi regolari, li l-informazzjoni tkun aġġornata u tiġi pprovduta permezz ta’:

14. L-Istati Membri għandhom jiżguraw li l-organizzazzjoni b’kompetenza fil-qasam tar-responsabbiltà tal-produtturi tipprovdi l-informazzjoni msemmija fil-paragrafu 13 fuq bażi regolari, li l-informazzjoni tkun aġġornata fil-punt tal-bejgħ u ssir aċċessibbli permezz tal-mezzi li ġejjin, iżda mhux limitata għalihom:

Test propost mill-Kummissjoni

Emenda

(a) sit web jew mezz ieħor ta’ komunikazzjoni elettronika;

(a) sit web aċċessibbli għall-pubbliku u faċli għall-utent jew mezz ieħor ta’ komunikazzjoni elettronika;

Test propost mill-Kummissjoni

Emenda

(b) informazzjoni fl-ispazji pubbliċi;

(b) informazzjoni fl-ispazji pubbliċi u fil-punt ta’ ġbir;

Test propost mill-Kummissjoni

Emenda

(c) programmi u kampanji edukattivi;

(c) l-involviment tal-komunità permezz ta’ programmi u kampanji edukattivi;

Test propost mill-Kummissjoni

Emenda

Fejn, fi Stat Membru, diversi organizzazzjonijiet b’kompetenza fil-qasam tar-responsabbiltà tal-produtturi jkunu awtorizzati jwettqu l-obbligi ta’ responsabbiltà estiża tal-produttur f’isem il-produtturi, l-Istati Membri għandhom jiżguraw li dawn ikopru t-territorju kollu tal-Istat Membru tas-sistema ta’ ġbir separat għall-prodotti tat-tessuti, għall-prodotti relatati mat-tessuti u għall-prodotti ta’ xedd is-saqajn użati u ta’ skart elenkati fl-Anness IVc. L-Istati Membri għandhom jinkarigaw lill-awtorità kompetenti jew jaħtru parti terza indipendenti biex tissorvelja li l-organizzazzjonijiet b’kompetenza fil-qasam tar-responsabbiltà tal-produtturi jwettqu l-obbligi tagħhom b’mod koordinat u f’konformità mar-regoli tal-kompetizzjoni tal-Unjoni.

15. Fejn, fi Stat Membru, diversi organizzazzjonijiet b’kompetenza fil-qasam tar-responsabbiltà tal-produtturi jkunu awtorizzati jwettqu l-obbligi ta’ responsabbiltà estiża tal-produttur f’isem il-produtturi, l-Istati Membri għandhom jiżguraw li dawn ikopru t-territorju kollu tal-Istat Membru, bil-għan ta’ kwalità tas-servizz uniformi fit-territorju kollu tas-sistema ta’ ġbir separat għall-prodotti tat-tessuti, għall-prodotti relatati mat-tessuti u għall-prodotti ta’ xedd is-saqajn użati u ta’ skart elenkati fl-Anness IVc. L-Istati Membri, inklużi dawk fejn organizzazzjoni waħda biss b’kompetenza fil-qasam tar-responsabbiltà tal-produtturi tkun awtorizzata tissodisfa l-obbligi ta’ responsabbiltà estiża tal-produttur f’isem il-produtturi, għandhom jinkarigaw lill-awtorità kompetenti jew jaħtru parti terza indipendenti biex tissorvelja li l-organizzazzjonijiet b’kompetenza fil-qasam tar-responsabbiltà tal-produtturi jwettqu l-obbligi tagħhom b’mod koordinat u f’konformità mar-regoli tal-kompetizzjoni tal-Unjoni.

Test propost mill-Kummissjoni

Emenda

16. L-Istati Membri għandhom jirrikjedu li l-organizzazzjonijiet b’kompetenza fil-qasam tar-responsabbiltà tal-produtturi jiżguraw il-kunfidenzjalità tad-data fil-pussess tagħhom fir-rigward tal-informazzjoni proprjetarja jew tal-informazzjoni direttament attribwibbli lil produtturi individwali jew lir-rappreżentanti awtorizzati tagħhom.

16. L-Istati Membri għandhom jirrikjedu li l-organizzazzjonijiet b’kompetenza fil-qasam tar-responsabbiltà tal-produtturi jiżguraw il-kunfidenzjalità tad-data fil-pussess tagħhom fir-rigward tal-informazzjoni proprjetarja jew tal-informazzjoni direttament attribwibbli lil produtturi individwali jew lir-rappreżentanti awtorizzati tagħhom. Dik il-kunfidenzjalità għandha tinżamm matul il-proċessi kollha tat-trattament, tal-ħżin u tar-rapportar tad-data, b’miżuri ta’ sigurtà robusti u standards tal-protezzjoni tad-data stabbiliti biex jiġi pprevenut aċċess mhux awtorizzat jew ksur potenzjali tad-data.

Test propost mill-Kummissjoni

Emenda

(a) mill-anqas kull sena, soġġett għall-kunfidenzjalità kummerċjali u industrijali, l-informazzjoni dwar l-ammont ta’ prodotti introdotti fis-suq, ir-rata tal-ġbir separat tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati u ta’ skart elenkati fl-Anness IVc, inklużi prodotti mhux mibjugħa bħal dawn, dwar ir-rati tal-użu mill-ġdid, it-tħejjija għall-użu mill-ġdid u r-riċiklaġġ, li tispeċifika separatament ir-rata ta’ riċiklaġġ mill-fibra għall-fibra, miksuba mill-organizzazzjoni b’kompetenza fil-qasam tar-responsabbiltà tal-produtturi, u dwar ir-rati ta’ rkupru, rimi u esportazzjonijiet oħra;

(a) mill-anqas kull sena, soġġett għall-kunfidenzjalità kummerċjali u industrijali, l-informazzjoni dwar l-ammont u l-piż ta’ prodotti introdotti fis-suq, ir-rata tal-ġbir separat tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati u ta’ skart elenkati fl-Anness IVc, inklużi prodotti mhux mibjugħa bħal dawn u l-kwantitajiet ta’ skart tat-tessuti miġbur minn intrapriżi soċjali, dwar ir-rati tal-użu mill-ġdid, it-tħejjija għall-użu mill-ġdid u r-riċiklaġġ, li tispeċifika separatament ir-rata ta’ riċiklaġġ mill-fibra għall-fibra, miksuba mill-organizzazzjoni b’kompetenza fil-qasam tar-responsabbiltà tal-produtturi, u dwar ir-rati ta’ rkupru, rimi u esportazzjonijiet oħra;

Test propost mill-Kummissjoni

Emenda

(ba) data ċara u konċiża dwar l-impatt ambjentali tal-prodotti tat-tessuti, dawk relatati mat-tessuti u max-xedd is-saqajn, inkluż l-impatt fuq l-ambjent u s-saħħa tal-bniedem, b’mod partikolari fir-rigward tal-prattiki u l-konsum tal-moda mgħaġġla, ir-riċiklaġġ u rkupru ieħor, u r-rimi; dik l-informazzjoni għandha tindirizza wkoll ir-rimi mhux xieraq tat-tessuti ta’ skart u tax-xedd is-saqajn, bħar-rimi taż-żibel jew ir-rimi fi skart muniċipali mħallat, u l-passi meħuda biex jittaffew dawn l-impatti.

Test propost mill-Kummissjoni

Emenda

18. L-Istati Membri għandhom jiżguraw li l-organizzazzjonijiet b’kompetenza fil-qasam tar-responsabbiltà tal-produtturi jipprevedu proċedura tal-għażla mhux diskriminatorja, ibbażata fuq kriterji trasparenti tal-għoti, mingħajr ma jpoġġu piż sproporzjonat fuq l-intrapriżi żgħar u ta’ daqs medju biex jakkwistaw servizzi tal-immaniġġar tal-iskart mill-operaturi tal-immaniġġar tal-iskart imsemmija fil-paragrafu 6(a) u mill-operaturi tal-immaniġġar tal-iskart biex iwettqu trattament sussegwenti tal-iskart.

18. L-Istati Membri għandhom jiżguraw li l-organizzazzjonijiet b’kompetenza fil-qasam tar-responsabbiltà tal-produtturi jipprevedu proċedura tal-għażla trasparenti u mhux diskriminatorja għall-operaturi tal-immaniġġar tal-iskart, ibbażata fuq kriterji ċari, ġusti u trasparenti tal-għoti, mingħajr ma jpoġġu ebda piż sproporzjonat fuq l-intrapriżi żgħar u ta’ daqs medju (SMEs), filwaqt li jikkunsidraw ir-realtajiet operattivi tal-operaturi tal-immaniġġar tal-iskart u tiżgura aċċess ekwu għas-servizzi tal-immaniġġar tal-iskart.

Test propost mill-Kummissjoni

Emenda

1. L-Istati Membri għandhom jiżguraw, sal-1 ta’ Jannar 2025 u soġġett għall-Artikolu 10(2) u (3), il-ġbir separat tat-tessuti għall-użu mill-ġdid, għat-tħejjija għall-użu mill-ġdid u għar-riċiklaġġ.

1. L-Istati Membri għandhom jiżguraw, sal-1 ta’ Jannar 2025 u soġġett għall-Artikolu 10(2) u (3), il-ġbir separat tat-tessuti għall-użu mill-ġdid, għat-tħejjija għall-użu mill-ġdid u għar-riċiklaġġ.

Test propost mill-Kummissjoni

Emenda

2. L-Istati Membri għandhom jiżguraw li l-infrastruttura u l-operazzjonijiet tal-ġbir, tat-tagħbija u tal-ħatt, tat-trasport u tal-ħżin u ta’ mmaniġġar ieħor tal-iskart tat-tessuti, inkluż f’operazzjonijiet sussegwenti ta’ separazzjoni u ta’ trattament, jirċievu protezzjoni mill-kundizzjonijiet tat-temp u sorsi oħra ta’ kontaminazzjoni biex jiġu evitati l-ħsara u l-kontaminazzjoni kroċjata tat-tessuti miġbura. It-tessuti użati u t-tessuti ta’ skart miġbura separatament għandhom ikunu soġġetti għal skrinjar fil-punt tal-ġbir separat biex jiġu identifikati u jitneħħew oġġetti jew materjali jew sustanzi mhux fil-mira li jkunu sors ta’ kontaminazzjoni.

2. L-Istati Membri għandhom jiżguraw li l-infrastruttura u l-operazzjonijiet tal-ġbir, tat-tagħbija u tal-ħatt, tat-trasport u tal-ħżin, kif ukoll il-proċessi l-oħra kollha ta’ mmaniġġar ieħor tal-iskart tat-tessuti, inkluż l-operazzjonijiet sussegwenti ta’ separazzjoni u ta’ trattament, jirċievu protezzjoni adegwata mill-kundizzjonijiet ħżiena tat-temp u sorsi potenzjali oħra ta’ kontaminazzjoni bħal sustanzi niġġiesa, sustanzi kimiċi jew materjali perikolużi biex jiġu evitati l-ħsara u l-kontaminazzjoni kroċjata tal-prodotti tat-tessuti użati miġbura u l-iskart tal-prodotti tat-tessuti. It-tessuti użati u t-tessuti ta’ skart miġbura separatament għandhom ikunu soġġetti għal proċess rigoruż u professjonali ta’ skrinjar fil-punt tal-ġbir separat. Dak l-iskrinjar għandu jidentifika u jneħħi oġġetti jew materjali mhux fil-mira, kif ukoll sustanzi li jkunu sorsi potenzjali ta’ kontaminazzjoni.

Test propost mill-Kummissjoni

Emenda

Fir-rigward tat-tessuti għajr il-prodotti elenkati fl-Anness IVc, kif ukoll il-prodotti tat-tessuti, il-prodotti relatati mat-tessuti u l-prodotti ta’ xedd is-saqajn mhux mibjugħa elenkati fl-Anness IVc, l-Istati Membri għandhom jiżguraw li l-frazzjonijiet differenti tal-materjali tat-tessuti u tal-oġġetti tat-tessuti jinżammu separati fil-punt tal-ġenerazzjoni tal-iskart meta din is-separazzjoni tiffaċilita l-użu mill-ġdid, it-tħejjija għall-użu mill-ġdid jew ir-riċiklaġġ sussegwenti, inkluż ir-riċiklaġġ mill-fibra għall-fibra fejn il-progress teknoloġiku jippermetti.

Fir-rigward tat-tessuti għajr il-prodotti elenkati fl-Anness IVc, kif ukoll il-prodotti tat-tessuti, il-prodotti relatati mat-tessuti, u l-prodotti ta’ xedd is-saqajn mhux mibjugħa elenkati fl-Anness IVc, l-Istati Membri għandhom jiżguraw li l-frazzjonijiet differenti tal-materjali tat-tessuti u tal-oġġetti tat-tessuti jinżammu separati fil-punt tal-ġenerazzjoni tal-iskart meta din is-separazzjoni tiffaċilita l-użu mill-ġdid, it-tħejjija għall-użu mill-ġdid, jew ir-riċiklaġġ sussegwenti. Dik is-separazzjoni għandha titwettaq b’mod effiċjenti biex jiġu massimizzati l-irkupru tar-riżorsi u l-benefiċċji ambjentali, inkluż ir-riċiklaġġ mill-fibra għall-fibra fejn il-progress teknoloġiku jippermetti u b’mod kosteffettiv.

Test propost mill-Kummissjoni

Test mhux emendat inkluż fil-kompromess

(b) l-operazzjonijiet tas-separazzjoni għall-użu mill-ġdid jisseparaw l-oġġetti tat-tessuti f’livell xieraq ta’ granularità, billi jisseparaw il-frazzjonijiet li jkunu tajbin għall-użu mill-ġdid dirett minn dawk li għandhom ikunu soġġetti għal aktar operazzjonijiet ta’ tħejjija għall-użu mill-ġdid, jimmiraw suq speċifiku ta’ użu mill-ġdid billi japplikaw kriterji ta’ separazzjoni aġġornati rilevanti għas-suq riċeventi;

(b) l-operazzjonijiet tas-separazzjoni għall-użu mill-ġdid jisseparaw l-oġġetti tat-tessuti f’livell xieraq ta’ granularità, li jippermetti s-separazzjoni ta’ oġġett oġġett, billi jisseparaw il-frazzjonijiet li jkunu tajbin għall-użu mill-ġdid dirett minn dawk li għandhom ikunu soġġetti għal aktar operazzjonijiet ta’ tħejjija għall-użu mill-ġdid, jimmiraw suq speċifiku ta’ użu mill-ġdid billi japplikaw kriterji ta’ separazzjoni aġġornati rilevanti għas-suq riċeventi;

Test propost mill-Kummissjoni

Emenda

(c) l-oġġetti li jiġu vvalutati bħala mhux xierqa għall-użu mill-ġdid jiġu magħżula għar-riċiklaġġ u, fejn il-progress teknoloġiku jippermetti, speċifikament għar-riċiklaġġ mill-fibra għall-fibra.

(c) l-oġġetti li jiġu vvalutati bħala mhux xierqa għall-użu mill-ġdid jiġu magħżula għar-riċiklaġġ u, fejn il-progress teknoloġiku jippermetti, f’konformità mal-ġerarkija tal-iskart stabbilita fl-Artikolu 4(1), jagħtu prijorità lill-aġġornament u r-riproduzzjoni fuq ir-riċiklaġġ mill-fibra għall-fibra.

Test propost mill-Kummissjoni

Emenda

L-Istati Membri jistgħu jistabbilixxu mekkaniżmi għall-monitoraġġ u l-awditjar regolari tal-operazzjonijiet ta’ separazzjoni biex jiżguraw il-konformità mar-rekwiżiti stipulati fil-punti (a), (b), (c), u (d).

Test propost mill-Kummissjoni

Emenda

5a. L-operazzjoni ta’ separazzjoni għandha ssegwi l-prinċipju tal-prossimità, tagħti prijorità lis-separazzjoni lokali u timminimizza l-impatti ambjentali mit-trasport.

Test propost mill-Kummissjoni

Emenda

6. Sal-31 ta’ Diċembru 2025 u kull ħames snin wara dan, l-Istati Membri għandhom iwettqu stħarriġ dwar il-kompożizzjoni tal-iskart muniċipali mħallat miġbur biex jiddeterminaw is-sehem tat-tessuti ta’ skart fih. L-Istati Membri għandhom jiżguraw li, abbażi tal-informazzjoni miksuba, l-awtoritajiet kompetenti jkunu jistgħu jirrikjedu li l-organizzazzjonijiet b’kompetenza fil-qasam tar-responsabbiltà tal-produtturi jieħdu azzjoni korrettiva biex iżidu n-network tagħhom ta’ punti ta’ ġbir u jwettqu kampanji ta’ informazzjoni f’konformità mal-Artikolu 22c(13) u (14).

6. Sal-31 ta’ Diċembru 2025 u kull tliet snin wara dan, l-Istati Membri għandhom iwettqu stħarriġ dwar il-kompożizzjoni tal-iskart muniċipali mħallat miġbur biex jiddeterminaw is-sehem u l-kompożizzjoni skont l-Anness IVc tat-tessuti ta’ skart fih. L-Istati Membri għandhom jiżguraw li, abbażi tal-informazzjoni miksuba, l-awtoritajiet kompetenti jkunu jistgħu jirrikjedu li l-organizzazzjonijiet b’kompetenza fil-qasam tar-responsabbiltà tal-produtturi jieħdu azzjoni korrettiva biex iżidu n-network tagħhom ta’ punti ta’ ġbir u jwettqu kampanji ta’ informazzjoni f’konformità mal-Artikolu 22c(13) u (14). L-Istati Membri għandhom jiżguraw li r-riżultati ta’ dan l-istħarriġ ikunu disponibbli għall-pubbliku.

Test propost mill-Kummissjoni

Emenda

7. L-Istati Membri għandhom jiżguraw li, sabiex issir distinzjoni bejn it-tessuti użati u t-tessuti ta’ skart, il-vjeġġi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati li jkunu ssuspettati li huma skart jistgħu jiġu spezzjonati mill-awtoritajiet kompetenti tal-Istati Membri għall-konformità mar-rekwiżiti minimi stabbiliti fil-paragrafi 8 u 9 għall-vjeġġi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati elenkati fl-Anness IVc u jiġu mmonitorjati kif xieraq.

7. L-Istati Membri għandhom jiżguraw li, sabiex issir distinzjoni bejn it-tessuti użati u t-tessuti ta’ skart, il-vjeġġi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati li jkunu ssuspettati li huma skart għandhom jiġu spezzjonati mill-awtoritajiet kompetenti tal-Istati Membri għall-konformità mar-rekwiżiti minimi stabbiliti fil-paragrafi 8 u 9 għall-vjeġġi tal-prodotti tat-tessuti, tal-prodotti relatati mat-tessuti u tal-prodotti ta’ xedd is-saqajn użati elenkati fl-Anness IVc u jiġu mmonitorjati kif xieraq.

Test propost mill-Kummissjoni

Emenda

(d) protezzjoni xierqa kontra l-ħsara waqt it-trasport, it-tagħbija u l-ħatt, b’mod partikolari, permezz ta’ imballaġġ suffiċjenti u stivar xieraq tat-tagħbija.

(d) protezzjoni xierqa kontra l-ħsara waqt it-trasport, it-tagħbija u l-ħatt, b’mod partikolari, permezz ta’ imballaġġ suffiċjenti u stivar xieraq tat-tagħbija, filwaqt li jiġi żgurat li l-integrità u l-kwalità tat-tessuti għall-użu mill-ġdid jinżammu matul il-proċess kollu tat-trasport.

Test propost mill-Kummissjoni

Emenda

(a) ir-rekord tal-operazzjonijiet ta’ separazzjoni jew ta’ tħejjija għall-użu mill-ġdid għandu jitwaħħal b’mod sikur iżda mhux permanenti fuq l-imballaġġ;

(a) ir-rekord tal-operazzjonijiet ta’ separazzjoni jew ta’ tħejjija għall-użu mill-ġdid għandu jitwaħħal b’mod sikur iżda mhux permanenti fuq l-imballaġġ; 

Test propost mill-Kummissjoni

Emenda

(1) deskrizzjoni tal-oġġett jew tal-oġġetti preżenti fil-balla li tirrifletti l-granularità tal-għażla l-aktar dettaljata li l-oġġetti tat-tessuti jkunu għaddew minnha matul l-operazzjonijiet ta’ separazzjoni jew ta’ tħejjija għall-użu mill-ġdid bħat-tip ta’ ħwejjeġ, id-daqs, il-kulur, il-ġeneru, il-kompożizzjoni tal-materjali,

(1) deskrizzjoni komprensiva tal-oġġetti preżenti fil-balla li tirrifletti l-granularità tal-għażla l-aktar dettaljata li l-oġġetti tat-tessuti jkunu għaddew minnha matul l-operazzjonijiet ta’ separazzjoni jew ta’ tħejjija għall-użu mill-ġdid. Dik id-deskrizzjoni għandha tinkludi, iżda ma tkunx limitata għal, it-tip ta’ ħwejjeġ, id-daqs, il-kulur, il-ġeneru, il-kompożizzjoni tal-materjali, u kwalunkwe karatteristika rilevanti oħra li tikkontribwixxi għal użu mill-ġdid u riċiklaġġ effiċjenti, 

Test propost mill-Kummissjoni

Emenda

(2) l-isem u l-indirizz tal-kumpanija responsabbli għas-separazzjoni finali jew għat-tħejjija għall-użu mill-ġdid.

(2) l-isem u l-indirizz tal-kumpanija responsabbli għas-separazzjoni finali jew għat-tħejjija għall-użu mill-ġdid, filwaqt li jiġu żgurati t-trasparenza fil-proċess u l-obbligu ta’ rendikont għall-kwalità tal-oġġetti.

Test propost mill-Kummissjoni

Emenda

10a. Skont ir-Regolament (KE) Nru 1013/2006 tal-Parlament Ewropew u tal-Kunsill*, kif emendat bir-Regolament (UE) ... / ... tal-Parlament Ewropew u tal-Kunsill [L-Uffiċċju tal-Pubblikazzjonijiet: idaħħal in-numru tas-serje għar-reviżjoni tar-Regolament dwar Vjeġġi ta’ Skart meta jiġi adottat]**, it-tessuti tal-iskart ma għandhomx jitħalltu ma’ prodotti tat-tessuti użati.

------------------

* Ir-Regolament (KE) Nru 1013/2006 tal-Parlament Ewropew u tal-Kunsill tal-14 ta’ Ġunju 2006 dwar vjeġġi ta’ skart (ĠU L 190, 12.7.2006, p. 1).

** Ir-Regolament tal-Parlament Ewropew u tal-Kunsill dwar vjeġġi ta’ skart u li jemenda r-Regolamenti (UE) Nru 1257/2013 u (UE) Nru 2020/1056, COM(2021) 709 final.

Test propost mill-Kummissjoni

Emenda

10b. L-Istati Membri għandhom jiżguraw li l-vjeġġ ta’ prodotti tat-tessuti użati lejn pajjiżi terzi ikun konformi mal-leġiżlazzjoni nazzjonali ta’ dawk il-pajjiżi terzi relatata mal-protezzjoni ambjentali, l-ordni pubbliku, is-sigurtà pubblika jew il-protezzjoni tas-saħħa.

Test propost mill-Kummissjoni

Emenda

10c. Sal-31 ta’ Diċembru 2025, il-Kummissjoni għandha tiżviluppa studju biex tivvaluta l-applikazzjoni tal-kriterji ta’ tmiem tal-istadju tal-iskart stabbiliti fl-Artikolu 6 ta’ din id-Direttiva għall-polimeri tal-plastik li normalment jinstabu fl-iskart solidu fil-baħar, inkluż il-poliammid.

Meta xieraq, il-Kummissjoni għandha tadotta atti ta’ implimentazzjoni biex tistabbilixxi miżuri dettaljati dwar l-applikazzjoni uniformi tal-kriterji ta’ tmiem tal-istadju tal-iskart għall-iskart fil-baħar fl-Unjoni kollha, filwaqt li tqis l-aħjar prattiki diġà stabbiliti mill-Istati Membri.

Test propost mill-Kummissjoni

Emenda

Artikolu 22da

Miri għat-tnaqqis tal-iskart tat-tessuti

1.  Sat-30 ta’ Ġunju 2025, il-Kummissjoni għandha twettaq valutazzjoni dwar il-livelli xierqa għall-istabbiliment ta’ miri għall-2032 dwar it-tnaqqis tal-iskart tat-tessuti, li għandha tinkludi livelli ta’ rati ta’ ġbir, it-tħejjija għall-użu mill-ġdid, l-użu mill-ġdid, ir-riċiklaġġ tat-tessuti u l-eliminazzjoni gradwali tar-rimi f’landfills tat-tessuti. Il-valutazzjoni għandha tinkludi wkoll analiżi tal-livell tal-esportazzjonijiet tat-tessuti użati lejn pajjiżi terzi u tal-estensjoni tar-responsabbiltà tal-produtturi għal dawk l-esportazzjonijiet. Għal dak il-għan, il-Kummissjoni għandha tippreżenta rapport, akkumpanjat, meta xieraq, minn proposta leġiżlattiva, lill-Parlament Ewropew u lill-Kunsill.

Test propost mill-Kummissjoni

Emenda

(11a) jiddaħħal l-Artikolu li ġej:

Artikolu 42a

Evalwazzjoni u rieżami tad-Direttiva Qafas dwar l-Iskart

Il-Kummissjoni għandha twettaq evalwazzjoni ta’ din id-Direttiva mhux aktar tard mill-31 ta’ Diċembru 2026. Il-Kummissjoni għandha tippreżenta rapport dwar is-sejbiet tagħha lill-Parlament Ewropew u lill-Kunsill. Meta jkun xieraq, ir-rapport għandu jiġi akkumpanjat bi proposta leġiżlattiva.

Test propost mill-Kummissjoni

Emenda

(11b) jiddaħħal l-Artikolu li ġej:

Artikolu 42b

Evalwazzjoni u rieżami tad-Direttiva 1999/31/KE

Il-Kummissjoni għandha twettaq evalwazzjoni tad-Direttiva tal-Kunsill 1999/31/KE mhux aktar tard mill-31 ta’ Diċembru 2026. Il-Kummissjoni għandha tippreżenta rapport dwar is-sejbiet lill-Parlament Ewropew u lill-Kunsill. Meta jkun xieraq, ir-rapport għandu jiġi akkumpanjat bi proposta leġiżlattiva.

Test propost mill-Kummissjoni

Emenda

L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva sa mhux aktar tard minn [L-Uffiċċju tal-Pubblikazzjonijiet għandu jdaħħal id-data ta’ 18-il xahar wara d-dħul fis-seħħ ta’ din id-Direttiva emendatorja]. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva sa mhux aktar tard minn [L-Uffiċċju tal-Pubblikazzjonijiet għandu jdaħħal id-data ta’ 12-il xahar wara d-dħul fis-seħħ ta’ din id-Direttiva emendatorja]. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

Kodiċi NM  

Deskrizzjoni  

61 - il-kodiċijiet kollha elenkati fil-kapitolu  

Oġġetti tal-ilbies u aċċessorji tal-ħwejjeġ, innittjati jew maħdumin bil-ganċ  

62 – il-kodiċijiet kollha elenkati fil-kapitolu  

Oġġetti tal-ilbies u aċċessorji tal-ħwejjeġ, mhux innittjati u mhux maħdumin bil-ganċ  

6301  

Kutri u travelling rugs (għajr 6301 10 00)  

6302  

Bjankerija tas-sodda, bjankerija tal-mejda, bjankerija tat-twaletta u bjankerija tal-kċina  

6303  

Purtieri (inkluż drapes) u blinds ta’ ġewwa; pavaljuni u tornaletti  

6304  

Oġġetti oħrajn għat-tagħmir tad-dar, ħlief dawk tal-intestatura 9404  

6309  

Ilbiesi qodma u oġġetti oħrajn qodma  

6504  

Kpiepel u lbies ieħor tar-ras, tat-tibna jew magħmulin bl-immuntar ta’ strixxi ta’ xi materjal, inforrati jew mirqumin jew le  

6505  

Kpiepel u xedd ir-ras ieħor, innittjati jew maħdumin bil-ganċ, jew magħmulin mill-bizzilla, mill-feltru jew minn drapp tessili ieħor, bil-biċċa (iżda mhux fi strixxi), kemm jekk infurrati jew imberflin; xbieki għax-xagħar ta’ kwalunkwe materjal, kemm infurrati jew imberflin kif ukoll jekk le  

Kodiċi NM  

Deskrizzjoni  

4203  

Oġġetti tal-ilbies u aċċessorji tal-ħwejjeġ, tal-ġilda jew tal-ġilda rikostitwita (għajr għax-xedd is-saqajn u xedd ir-ras u partijiet minnhom, u oġġetti tal-kapitolu 95, pereżempju gwardji tal-qasba tas-sieq, maskri tal-iżgirma)  

6401  

Xedd is-saqajn li minnu ma jgħaddix ilma bil-qigħan ta’ barra u l-uċuħ tal-lastiku jew tal-plastik, li l-uċuħ tagħhom la huma mwaħħlin lanqas immuntati bi ħjata, imsiemer irbattuti (rivets), imsiemer, viti, tappijiet jew proċessi simili  

6402  

Xedd is-saqajn ieħor bil-pett ta’ barra u l-wiċċ tal-lastiku jew tal-plastik   

6403  

Xedd tas-saqajn bil-pettijiet tal-gomma, plastik, ġilda jew ġilda rikostitwita u bil-partijiet ta’ fuq tal-ġilda 

6404  

Xedd is-saqajn bil-pett ta’ barra tal-lastiku, tal-plastik, tal-ġilda jew tal-ġilda rikostitwita u bil-wiċċ magħmul minn materjali tessili  

6405  

Xedd ieħor tas-saqajn  

Kodiċi NM  

Deskrizzjoni  

61 - il-kodiċijiet kollha elenkati fil-kapitolu  

Oġġetti tal-ilbies u aċċessorji tal-ħwejjeġ, innittjati jew maħdumin bil-ganċ  

62 – il-kodiċijiet kollha elenkati fil-kapitolu  

Oġġetti tal-ilbies u aċċessorji tal-ħwejjeġ, mhux innittjati u mhux maħdumin bil-ganċ  

6301  

Kutri u travelling rugs (għajr 6301 10 00)  

6302  

Bjankerija tas-sodda, bjankerija tal-mejda, bjankerija tat-twaletta u bjankerija tal-kċina  

6303  

Purtieri (inkluż drapes) u blinds ta’ ġewwa; pavaljuni u tornaletti  

6304  

Oġġetti oħrajn għat-tagħmir tad-dar, ħlief dawk tal-intestatura 9404  

6309  

Ilbiesi qodma u oġġetti oħrajn qodma  

6504  

Kpiepel u lbies ieħor tar-ras, tat-tibna jew magħmulin bl-immuntar ta’ strixxi ta’ xi materjal, inforrati jew mirqumin jew le  

6505  

Kpiepel u xedd ir-ras ieħor, innittjati jew maħdumin bil-ganċ, jew magħmulin mill-bizzilla, mill-feltru jew minn drapp tessili ieħor, bil-biċċa (iżda mhux fi strixxi), kemm jekk infurrati jew imberflin; xbieki għax-xagħar ta’ kwalunkwe materjal, kemm infurrati jew imberflin kif ukoll jekk le  

Kodiċi NM  

Deskrizzjoni  

4203  

Oġġetti tal-ilbies u aċċessorji tal-ħwejjeġ, tal-ġilda jew tal-ġilda rikostitwita (għajr għax-xedd is-saqajn u xedd ir-ras u partijiet minnhom, u oġġetti tal-kapitolu 95, pereżempju gwardji tal-qasba tas-sieq, maskri tal-iżgirma)  

6401  

Xedd is-saqajn li minnu ma jgħaddix ilma bil-qigħan ta’ barra u l-uċuħ tal-lastiku jew tal-plastik, li l-uċuħ tagħhom la huma mwaħħlin lanqas immuntati bi ħjata, imsiemer irbattuti (rivets), imsiemer, viti, tappijiet jew proċessi simili  

6402  

Xedd is-saqajn ieħor bil-pett ta’ barra u l-wiċċ tal-lastiku jew tal-plastik   

6403  

Xedd tas-saqajn bil-pettijiet tal-gomma, plastik, ġilda jew ġilda rikostitwita u bil-partijiet ta’ fuq tal-ġilda 

6404  

Xedd is-saqajn bil-pett ta’ barra tal-lastiku, tal-plastik, tal-ġilda jew tal-ġilda rikostitwita u bil-wiċċ magħmul minn materjali tessili  

6405  

Xedd ieħor tas-saqajn  

Test propost mill-Kummissjoni

Emenda

Prodotti tat-tessuti fil-kamp ta’ applikazzjoni tal-Artikolu 22a

Kodiċi NM 

Deskrizzjoni 

9404

Imtieraħ

5704

Twapet