Indiċi 
 Preċedenti 
 Li jmiss 
 Test sħiħ 
Testi adottati
PDF 170kWORD 48k
Il-Ħamis, 14 ta' Novembru 2024 - Brussell
Ir-Regolament dwar id-deforestazzjoni: dispożizzjonijiet relatati mad-data tal-applikazzjoni
P10_TA(2024)0031

Emendi adottati mill-Parlament Ewropew fl-14 ta' Novembru 2024 dwar il-proposta għal Regolament tal-Parlament Ewropew u tal-Kunsill li jemenda r-Regolament (UE) 2023/1115 fir-rigward tad-dispożizzjonijiet relatati mad-data tal-applikazzjoni (COM(2024)0452 – C10-0119/2024 – 2024/0249(COD))(1)

(Proċedura leġiżlattiva ordinarja: l-ewwel qari)

Test fis-seħħ   Emenda
Emenda 3
Proposta għal regolament
Artikolu 1 – paragrafu 1 – punt -1 (ġdid)
Regolament (UE) 2023/1115
Premessa 68
(-1)  Il-premessa 68 hija sostitwita b’dan li ġej:
(68)  Barra minn hekk, jenħtieġ li l-Kummissjoni tivvaluta r-riskju ta’ deforestazzjoni u ta’ degradazzjoni tal-foresti fil-livell ta’ pajjiż jew ta’ partijiet minnu abbażi ta’ firxa ta’ kriterji li jirriflettu data kwantitattiva, oġġettiva u rikonoxxuta internazzjonalment, u indikazzjonijiet li l-pajjiżi huma involuti attivament fil-ġlieda kontra d-deforestazzjoni u d-degradazzjoni tal-foresti. Jenħtieġ li tali informazzjoni dwar il-valutazzjoni komparattiva tagħmilha aktar faċli għall-operaturi fl-Unjoni li jeżerċitaw id-diliġenza dovuta u għall-awtoritajiet kompetenti sabiex jimmonitorjaw u jinfurzaw il-konformità, filwaqt li tipprovdi wkoll inċentiv għall-pajjiżi produtturi sabiex iżidu s-sostenibbiltà tas-sistemi ta’ produzzjoni agrikola tagħhom u jnaqqsu l-impatt tad-deforestazzjoni tagħhom. Jenħtieġ li dan jgħin sabiex il-ktajjen tal-provvista jsiru aktar trasparenti u sostenibbli. Jenħtieġ li s-sistema ta’ valutazzjoni komparattiva tkun ibbażata fuq sistema bi tliet livelli għall-klassifikazzjoni ta’ pajjiżi bħala ta’ riskju baxx, standard jew għoli. Sabiex jiġu żgurati trasparenza u ċarezza xierqa, jenħtieġ li l-Kummissjoni b’mod partikolari tagħmel disponibbli għall-pubbliku d-data li tkun qiegħda tintuża għall-valutazzjoni komparattiva, ir-raġunijiet għall-bidla proposta fil-klassifikazzjoni u t-tweġiba tal-pajjiż ikkonċernat. Għall-prodotti rilevanti minn pajjiżi b’riskju baxx jew partijiet minnhom, jenħtieġ li l-operaturi jitħallew jeżerċitaw id-diliġenza dovuta simplifikata. Għall-prodotti rilevanti minn pajjiżi b’riskju għoli jew partijiet minnhom, l-awtoritajiet kompetenti jenħtieġ li jkunu meħtieġa japplikaw skrutinju msaħħaħ. Jenħtieġ li l-Kummissjoni tingħata s-setgħa li tadotta atti ta’ implimentazzjoni sabiex tistabbilixxi l-lista tal-pajjiżi jew partijiet minnhom li jippreżentaw riskju baxx jew għoli.
 “(68) Barra minn hekk, jenħtieġ li l-Kummissjoni tivvaluta r-riskju ta’ deforestazzjoni u ta’ degradazzjoni tal-foresti fil-livell ta’ pajjiż jew ta’ partijiet minnu abbażi ta’ firxa ta’ kriterji li jirriflettu data kwantitattiva, oġġettiva u rikonoxxuta internazzjonalment, u indikazzjonijiet li l-pajjiżi huma involuti attivament fil-ġlieda kontra d-deforestazzjoni u d-degradazzjoni tal-foresti. Jenħtieġ li tali informazzjoni dwar il-valutazzjoni komparattiva tagħmilha aktar faċli għall-operaturi fl-Unjoni li jeżerċitaw id-diliġenza dovuta u għall-awtoritajiet kompetenti sabiex jimmonitorjaw u jinfurzaw il-konformità, filwaqt li tipprovdi wkoll inċentiv għall-pajjiżi produtturi sabiex iżidu s-sostenibbiltà tas-sistemi ta’ produzzjoni agrikola tagħhom u jnaqqsu l-impatt tad-deforestazzjoni tagħhom. Jenħtieġ li dan jgħin sabiex il-ktajjen tal-provvista jsiru aktar trasparenti u sostenibbli. Jenħtieġ li s-sistema ta’ valutazzjoni komparattiva tkun ibbażata fuq sistema b’erba’ livelli għall-klassifikazzjoni ta’ pajjiżi bħala ta’ riskju baxx, standard, għoli jew mingħajr riskju. Sabiex jiġu żgurati trasparenza u ċarezza xierqa, jenħtieġ li l-Kummissjoni b’mod partikolari tagħmel disponibbli għall-pubbliku d-data li tkun qiegħda tintuża għall-valutazzjoni komparattiva, ir-raġunijiet għall-bidla proposta fil-klassifikazzjoni u t-tweġiba tal-pajjiż ikkonċernat. Għall-prodotti rilevanti minn pajjiżi b’riskju baxx jew partijiet minnhom, jenħtieġ li l-operaturi jitħallew jeżerċitaw id-diliġenza dovuta simplifikata. Għall-prodotti rilevanti minn pajjiżi b’riskju għoli jew partijiet minnhom, l-awtoritajiet kompetenti jenħtieġ li jkunu meħtieġa japplikaw skrutinju msaħħaħ. Prodotti rilevanti minn pajjiżi mingħajr riskju jew partijiet minnhom jenħtieġ li ma jkunux soġġetti għal dawk il-kundizzjonijiet. Jenħtieġ li l-Kummissjoni tingħata s-setgħa li tadotta atti ta’ implimentazzjoni sabiex tistabbilixxi l-lista tal-pajjiżi jew partijiet minnhom li jippreżentaw riskju baxx jew għoli.”
Emenda 4
Proposta għal regolament
Artikolu 1 – paragrafu 1 – punt-1a (ġdid)
Regolament (UE) 2023/1115
Premessa 86
(-1a)  Il-premessa 86 hija sostitwita b’dan li ġej:
(86)  Jenħtieġ li l-operaturi, in-negozjanti u l-awtoritajiet kompetenti jingħataw perjodu ta’ żmien raġonevoli bil-għan li jkunu jistgħu jħejju lilhom infushom sabiex jissodisfaw ir-rekwiżiti ta’ dan ir-Regolament,
 ‘(86) Jenħtieġ li l-operaturi, in-negozjanti u l-awtoritajiet kompetenti jingħataw perjodu ta’ żmien raġonevoli bil-għan li jkunu jistgħu jħejju lilhom infushom sabiex jissodisfaw ir-rekwiżiti ta’ dan ir-Regolament. Fil-perjodu qabel id-data tal-applikazzjoni, u sabiex jiġi evitat kull dewmien, jenħtieġ li l-Kummissjoni tagħti prijorità lill-ottimizzazzjoni tal-pjattaforma għall-iskambju ta’ informazzjoni bejn il-partijiet ikkonċernati rilevanti u l-awtoritajiet kompetenti. Il-Kummissjoni timpenja ruħha wkoll li tippubblika l-klassifikazzjoni tar-riskji sabiex il-partijiet ikkonċernati rilevanti jkunu jistgħu iħejju għall-kamp ta’ applikazzjoni obbligatorju definit ta’ dan ir-Regolament. Kemm il-pjattaforma għall-iskambju ta’ informazzjoni kif ukoll il-klassifikazzjoni tar-riskji jenħtieġ li jkunu disponibbli u jiffunzjonaw bis-sħiħ mill-anqas sitt xhur qabel id-data tal-applikazzjoni. Jekk ikun hemm dewmien ulterjuri, id-data tal-applikazzjoni jenħtieġ li tiġi posposta kif xieraq.
Emenda 5
Proposta għal regolament
Artikolu 1 – paragrafu 1 – punt -1 b (ġdid)
Regolament (UE) 2023/1115
Artikolu 3 – parti introduttorja
(-1b)  fl-Artikolu 3, il-parti introduttorja hija sostitwita b’dan li ġej:
Il-komoditajiet rilevanti u l-prodotti rilevanti ma għandhomx jiġu introdotti jew jitqiegħdu fis-suq jew esportati, sakemm ma jiġux issodisfati l-kondizzjonijiet kollha li ġejjin:
 ‘1. Il-komoditajiet rilevanti u l-prodotti rilevantiminn pajjiżi , jew partijiet minnhom, li jippreżentaw riskju baxx, standard jew għoli, skont l-Artikolu 29 ma għandhomx jiġu introdotti jew jitqiegħdu fis-suq jew esportati, sakemm ma jiġux issodisfati l-kundizzjonijiet kollha li ġejjin:
Emenda 6
Proposta għal regolament
Artikolu 1 – paragrafu 1 – punt -1 c (ġdid)
Regolament (UE) 2023/1115
Artikolu 3 - paragrafu 1a (ġdid)
(-1c)  fl-Artikolu 3, jiżdied il-paragrafu li ġej:
“1a. Il-komoditajiet rilevanti u l-prodotti rilevanti minn pajjiżi, jew partijiet minnhom, li ma jippreżentaw l-ebda riskju skont l-Artikolu 29 ma għandhomx jiġu introdotti jew jitqiegħdu fis-suq jew esportati, sakemm ma jiġux issodisfati l-kundizzjonijiet kollha li ġejjin:
(a)  ikunu ġew prodotti f’konformità mal-leġiżlazzjoni rilevanti tal-pajjiż tal-produzzjoni; u
(b)  jissodisfaw ir-rekwiżiti ta’ dokumentazzjoni stabbiliti fl-Artikolu 5(1a).”
Emenda 7
Proposta għal regolament
Artikolu 1 – paragrafu 1 – punt -1 d (ġdid)
Regolament (UE) 2023/1115
Artikolu 4 - paragrafu 10a (ġdid)
(-1d)  fl-Artikolu 4, jiżdied il-paragrafu li ġej:
“10a. B’deroga mill-paragrafi 1 sa 10 ta’ dan l-Artikolu, l-operaturi li jintroduċu jew iqiegħdu fis-suq jew jesportaw komoditajiet rilevanti u prodotti rilevanti prodotti f’pajjiżi, jew f’partijiet minnhom, li ma jippreżentaw l-ebda riskju skont l-Artikolu 29 għandhom jiġu obbligati jissodisfaw biss ir-rekwiżiti ta’ dokumentazzjoni stabbiliti fl-Artikolu 5(1a). Għall-prodotti rilevanti jew partijiet tal-prodotti rilevanti li ġew prodotti f’pajjiżi, jew f’partijiet minnhom, li ma jippreżentaw l-ebda riskju skont l-Artikolu 29, l-operaturi għandhom jeżerċitaw id-diliġenza dovuta skont il-paragrafu 1 ta’ dan l-Artikolu.”
Emenda 9
Proposta għal regolament
Artikolu 1 – paragrafu 1 – punt -1e (ġdid)
Regolament (UE) 2023/1115
Artikolu 5 – paragrafu 1a (ġdid)
(-1e)  fl-Artikolu 5, jiddaħħal il-paragrafu li ġej:
“1a. L-operaturi li jintroduċu jew iqiegħdu fis-suq jew jesportaw komoditajiet rilevanti u prodotti rilevanti prodotti f’pajjiżi, jew f’partijiet minnhom, li ma jippreżentaw l-ebda riskju skont l-Artikolu 29 għandhom jissodisfaw biss ir-rekwiżiti ta’ dokumentazzjoni billi jagħmlu disponibbli d-dokumenti li ġejjin lill-awtoritajiet kompetenti fuq talba:
(a)  l-isem kummerċjali u t-tip ta’ prodotti rilevanti;
(b)  il-kwantità tal-prodotti rilevanti;
(c)  il-pajjiż tal-produzzjoni u, fejn rilevanti, partijiet minnu;
(d)  l-isem, l-indirizz postali u l-indirizz elettroniku ta’ kwalunkwe negozju jew persuna li mingħandhom ikunu ġew fornuti l-prodotti rilevanti;
(e)  l-isem, l-indirizz postali u l-indirizz elettroniku ta’ kwalunkwe negozju, operatur jew negozjant li lilu jkunu ġew fornuti l-prodotti rilevanti;
(f)  informazzjoni adegwatament konklużiva u verifikabbli li l-prodotti rilevanti huma mingħajr degradazzjoni tal-foresti;
(g)  informazzjoni adegwatament konklużiva u verifikabbli li l-komoditajiet rilevanti jkunu ġew prodotti f’konformità mal-leġiżlazzjoni rilevanti tal-pajjiż tal-produzzjoni.”
Emenda 10
Proposta għal regolament
Artikolu 1 - paragrafu 1 - punt 1f (ġdid)
Regolament (UE) 2023/1115
Artikolu 16 – paragrafu 10a (ġdid)
(-1f)  fl-Artikolu 16, jiddaħħal il-paragrafu li ġej:
“10a. Kull Stat Membru għandu jiżgura li l-verifiki annwali mwettqa mill-awtoritajiet kompetenti tiegħu skont il-paragrafu 1 ta’ dan l-Artikolu jkopru mill-anqas 0.1 % tal-operaturi li jintroduċu jew iqiegħdu fis-suq jew jesportaw prodotti rilevanti li fihom jew li saru bl-użu ta’ komoditajiet rilevanti prodotti f’pajjiż jew f’partijiet minnu kklassifikati bħala mingħajr riskju skont l-Artikolu 29.”
Emenda 11
Proposta għal regolament
Artikolu 1 – paragrafu 1 – punt 1 g (ġdid)
Regolament (UE) 2023/1115
Artikolu 29 – paragrafu 1
(-1g)  fl-Artikolu 29, il-paragrafu 1 huwa sostitwit b’dan li ġej:
1.  Dan ir-Regolament jistabbilixxi sistema bi tliet livelli għall-valutazzjoni tal-pajjiżi jew ta’ partijiet minnhom. Għal dak il-għan, l-Istati Membri u Stati terzi, jew partijiet minnhom, għandhom jiġu kklassifikati f’waħda mill-kategoriji ta’ riskju li ġejjin:
 “1. Dan ir-Regolament jistabbilixxi sistema b’erba’ livelli għall-valutazzjoni tal-pajjiżi jew ta’ partijiet minnhom. Għal dak il-għan, l-Istati Membri u Stati terzi, jew partijiet minnhom, għandhom jiġu kklassifikati f’waħda mill-kategoriji ta’ riskju li ġejjin:
(a)  “riskju għoli” tirreferi għal pajjiżi, jew partijiet minnhom, li għalihom il-valutazzjoni msemmija fil-paragrafu 3 tirriżulta fl-identifikazzjoni ta’ riskju għoli li f’tali pajjiżi, jew f’partijiet minnhom, jiġu prodotti komoditajiet rilevanti li għalihom il-prodotti rilevanti ma jikkonformawx mal-Artikolu 3, il-punt (a);
 (a)  “riskju għoli” tirreferi għal pajjiżi, jew partijiet minnhom, li għalihom il-valutazzjoni msemmija fil-paragrafu 3 tirriżulta fl-identifikazzjoni ta’ riskju għoli li f’tali pajjiżi, jew f’partijiet minnhom, jiġu prodotti komoditajiet rilevanti li għalihom il-prodotti rilevanti ma jikkonformawx mal-Artikolu 3, il-punt (a);
(b)  “riskju baxx”, tirreferi għal pajjiżi jew partijiet minnhom, li għalihom il-valutazzjoni msemmija fil-paragrafu 3 tikkonkludi li hemm assikurazzjoni suffiċjenti li l-istanzi għall-produzzjoni f’tali pajjiżi jew f’partijiet minnhom, ta’ komoditajiet rilevanti li għalihom il-prodotti rilevanti ma jikkonformawx mal-Artikolu 3, il-punt (a), huma eċċezzjonali;
 (b)  “riskju baxx”, tirreferi għal pajjiżi jew partijiet minnhom, li għalihom il-valutazzjoni msemmija fil-paragrafu 3 tikkonkludi li hemm assikurazzjoni suffiċjenti li l-istanzi għall-produzzjoni f’tali pajjiżi jew f’partijiet minnhom, ta’ komoditajiet rilevanti li għalihom il-prodotti rilevanti ma jikkonformawx mal-Artikolu 3, il-punt (a), huma eċċezzjonali;
(c)  “riskju standard” tirreferi għal pajjiżi, jew partijiet minnhom li la jaqgħu fil-kategorija “riskju għoli” u lanqas fil-kategorija “riskju baxx”.
 (c)  “riskju standard” tirreferi għal pajjiżi, jew partijiet minnhom, li la jaqgħu fil-kategorija “riskju għoli”, la fil-kategorija “riskju baxx” u lanqas fil-kategorija “mingħajr riskju”;
(ca)  “mingħajr riskju” tirreferi għal pajjiżi, jew partijiet minnhom, li jissodisfaw il-kriterji ta’ valutazzjoni li ġejjin:
(i)  l-iżvilupp fiż-żona tal-foresti baqa’ stabbli jew żdied meta mqabbel mal-1990;
(ii)  il-Ftehim ta’ Pariġi u konvenzjonijiet internazzjonali dwar id-drittijiet tal-bniedem u dwar il-prevenzjoni tad-deforestazzjoni ġew iffirmati minn dawk il-pajjiżi u partijiet minnhom;
(iii)  ir-regolamenti dwar il-prevenzjoni tad-deforestazzjoni u l-konservazzjoni tal-foresti fil-livell nazzjonali huma implimentati u infurzati strettament bi trasparenza sħiħa u mmonitorjati.”

(1) Il-każ ġie mgħoddi lura għan-negozjati interistituzzjonali lill-kumitati responsabbli, skont l-Artikolu 60(4), ir-raba’ subparagrafu.

Aġġornata l-aħħar: 14 ta' Jannar 2025Avviż legali - Politika tal-privatezza