Choisissez la langue de votre document :
- bg - български
- es - español
- cs - čeština
- da - dansk
- de - Deutsch
- et - eesti keel
- el - ελληνικά
- en - English
- fr - français
- ga - Gaeilge
- hr - hrvatski
- it - italiano
- lv - latviešu valoda
- lt - lietuvių kalba
- hu - magyar
- mt - Malti
- nl - Nederlands
- pl - polski
- pt - português
- ro - română
- sk - slovenčina
- sl - slovenščina
- fi - suomi
- sv - svenska
|
 L-elezzjoni tal-Ombudsman |
| ||||||||||||
| |||||||||||||
Il-Parlament Ewropew, – wara li kkunsidra t-Trattat dwar il-Funzjonament tal-Unjoni Ewropea, u b'mod partikulari t-tielet paragrafu tal-Artikolu 24 u l-Artikolu 228 tiegħu, – wara li kkunsidra t-Trattat li jistabbilixxi l-Komunità Ewropea għall-Enerġija Atomika, u b'mod partikolari l-Artikolu 106a tiegħu, – wara li kkunsidra r-Regolament (UE, Euratom) 2021/1163 tal-24 ta’ Ġunju 2021 li jistabbilixxi r-regolamenti u l-kundizzjonijiet ġenerali li jirregolaw it-twettiq tad-dmirijiet tal-Ombudsman (Statut tal-Ombudsman Ewropew) u li jħassar id-Deċiżjoni 94/262/KEFA, KE, Euratom(1), – wara li kkunsidra l-Artikolu 237 tar-Regoli ta' Proċedura tiegħu, – wara li kkunsidra s-sejħa għan-nominazzjonijiet(2), – wara li kkunsidra l-vot tiegħu tas-17 ta' Diċembru 2024, 1. Jeleġi lil Teresa ANJINHO biex isservi bħala Ombudsman Ewropew sat-tmiem tal-leġislatura; 2. Jitlob lil Teresa ANJINHO biex tieħu ġurament quddiem il-Qorti tal-Ġustizzja; 3. Jagħti istruzzjonijiet lill-President tiegħu biex id-deċiżjoni annessa tiġi ppubblikata fil-Ġurnal Uffiċjali tal-Unjoni Ewropea; 4. Jagħti istruzzjonijiet lill-President tiegħu biex tgħaddi din id-Deċiżjoni lill-Kunsill, lill-Kummissjoni u lill-Qorti tal-Ġustizzja. ANNESS DEĊIŻJONI TAL-PARLAMENT EWROPEW tas-17 ta’ Diċembru 2024 li taħtar l-Ombudsman Ewropew IL-PARLAMENT EWROPEW, Wara li kkunsidra t-Trattat dwar il-Funzjonament tal-Unjoni Ewropea, u b'mod partikulari t-tielet paragrafu tal-Artikolu 24 u l-Artikolu 228 tiegħu, Wara li kkunsidra t-Trattat li jistabbilixxi l-Komunità Ewropea għall-Enerġija Atomika, u b'mod partikolari l-Artikolu 106a tiegħu, Wara li kkunsidra r-Regolament (UE, Euratom) 2021/1163 tal-24 ta’ Ġunju 2021 li jistabbilixxi r-regolamenti u l-kundizzjonijiet ġenerali li jirregolaw it-twettiq tad-dmirijiet tal-Ombudsman (Statut tal-Ombudsman Ewropew) u li jħassar id-Deċiżjoni 94/262/KEFA, KE, Euratom(3), Wara li kkunsidra l-Artikolu 237 tar-Regoli ta' Proċedura tiegħu, Wara li kkunsidra s-sejħa għan-nominazzjonijiet(4), Wara li kkunsidra l-vot tiegħu tas-17 ta' Diċembru 2024, IDDEĊIEDA: li jeleġi lil Teresa ANJINHO biex isservi bħala Ombudsman Ewropew sat-tmiem tal-leġislatura. Magħmula fi Strasburgu, fis-17 ta' Diċembru 2024 Għall-Parlament Ewropew Il-President R. METSOLA
| |||||||||||||
| Il-waqfien tal-Pjattaforma Ewropea tal-ODR |
| |||||||||||
(Proċedura leġiżlattiva ordinarja: it-tieni qari) Il-Parlament Ewropew, – wara li kkunsidra l-pożizzjoni tal-Kunsill fl-ewwel qari (14152/1/2024 – C10‑0199/2024), – wara li kkunsidra l-opinjoni tal-Kumitat Ekonomiku u Soċjali Ewropew tal-14 ta’ Frar 2024(1), – wara li kkunsidra l-pożizzjoni tiegħu fl-ewwel qari(2) dwar il-proposta tal-Kummissjoni lill-Parlament u lill-Kunsill (COM(2023)0647), – wara li kkunsidra l-Artikolu 294(7) tat-Trattat dwar il-Funzjonament tal-Unjoni Ewropea, – wara li kkunsidra l-Artikolu 68 tar-Regoli ta’ Proċedura tiegħu, – wara li kkunsidra r-rakkomandazzjoni għat-tieni qari tal-Kumitat għas-Suq Intern u l-Ħarsien tal-Konsumatur (A10-0028/2024), 1. Japprova l-pożizzjoni tal-Kunsill fl-ewwel qari; 2. Jinnota li l-att qed jiġi adottat f’konformità mal-pożizzjoni tal-Kunsill; 3. Jagħti istruzzjonijiet lill-President tiegħu biex tiffirma l-att, flimkien mal-President tal-Kunsill, f’konformità mal-Artikolu 297(1) tat-Trattat dwar il-Funzjonament tal-Unjoni Ewropea; 4. Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri kollha ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att f’Il-Ġurnal Uffiċjali tal-Unjoni Ewropea; 5. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
| ||||||||||||
| Ir-Regolament dwar id-deforestazzjoni: dispożizzjonijiet relatati mad-data tal-applikazzjoni |
| |||||||||||||||||||
| ||||||||||||||||||||
(Proċedura leġiżlattiva ordinarja: l-ewwel qari) Il-Parlament Ewropew, – wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2024)0452), – wara li kkunsidra l-Artikolu 294(2), u l-Artikolu 192(1) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C10-0119/2024), — wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea, — wara li kkunsidra l-opinjoni tal-Kumitat għall-Affarijiet Ekonomiċi u Monetarji tat-23 ta’ Ottubru 2024(1), — wara li kkonsulta l-Kumitat tar-Reġjuni, – wara li kkunsidra l-ftehim proviżorju approvat mill-kumitat responsabbli fis-sens tal-Artikolu 75(4) tar-Regoli ta' Proċedura tiegħu u l-impenn meħud mir-rappreżentant tal-Kunsill, permezz tal-ittri tas-16 ta' Ottubru 2024 u tal-4 ta’ Diċembru 2024, li japprova l-pożizzjoni tal-Parlament, skont l-Artikolu 294(4) tat-Trattat dwar il-Funzjonament tal-Unjoni Ewropea, – wara li kkunsidra l-Artikoli 60 u 170 tar-Regoli ta’ Proċedura tiegħu, 1. Jadotta l-pożizzjoni tiegħu fl-ewwel qari li tidher hawn taħt(2); 2. Jieħu nota tad-dikjarazzjoni tal-Kummissjoni annessa ma’ din ir-riżoluzzjoni; 3. Jitlob lill-Kummissjoni terġa’ tirreferi l-kwistjoni lill-Parlament jekk tibdel il-proposta tagħha, temendaha b’mod sustanzjali jew ikollha l-ħsieb li temendaha b’mod sustanzjali; 4. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali. Pożizzjoni tal-Parlament Ewropew adottata fl-ewwel qari fis-17 ta’ Diċembru 2024 bil-ħsieb tal-adozzjoni tar-Regolament (UE) 2024/… tal-Parlament Ewropew u tal-Kunsill li temenda d-Deċiżjoni tal-Kunsill 2008/971/KE li jemenda r-Regolament (UE) 2023/1115 fir-rigward tad-dispożizzjonijiet relatati mad-data tal-applikazzjoni
IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1) tiegħu, Wara li kkunsidraw il-proposta tal-Kummissjoni Ewropea, Wara li l-abbozz tal-att leġiżlattiv intbagħat lill-parlamenti nazzjonali, Wara li kkunsidraw l-opinjoni tal-Kumitat Ekonomiku u Soċjali Ewropew(3), Wara li kkonsultaw mal-Kumitat tar-Reġjuni, Filwaqt li jaġixxu skont il-proċedura leġiżlattiva ordinarja(4), Billi: (1) Ir-Regolament (UE) 2023/1115 tal-Parlament Ewropew u tal-Kunsill(5) ġie adottat biex jitnaqqsu d-deforestazzjoni u d-degradazzjoni tal-foresti. Jistabbilixxi regoli dwar l-introduzzjoni u t-tqegħid fis-suq tal-Unjoni kif ukoll l-esportazzjoni mill-Unjoni tal-prodotti relevanti, kif elenkati fl-Anness I tiegħu, li fihom, li ġew mitmugħa jew li saru bl-użu ta’ komoditajiet rilevanti, jiġifieri bhejjem tal-ifrat, il-kawkaw, il-kafè, iż-żejt tal-palm, il-lastiku, is-sojja u l-injam. B’mod partikolari, il-proposta għandha l-għan li tiżgura li dawk il-komoditajiet u l-prodotti rilevanti jiġu introdotti jew jitqiegħdu fis-suq tal-Unjoni jew jiġu esportati biss jekk ikunu mingħajr deforestazzjoni, ikunu ġew prodotti f’konformità mal-leġiżlazzjoni rilevanti tal-pajjiż tal-produzzjoni u koperti minn dikjarazzjoni ta’diliġenza dovuta. Il-biċċa l-kbira tad-dispożizzjonijiet ta’ dak ir-Regolament għandhom japplikaw mit-30 ta’ Diċembru 2024. (2) Sabiex jiġi żgurat li r-Regolament (UE) 2023/1115 jikseb l-objettivi tiegħu, l-operaturi u n-negozjanti li jqiegħdu fis-suq jew jesportaw prodotti rilevanti għandhom jeżerċitaw id-diliġenza dovuta f’konformità mal-Artikolu 8 ta’ dak ir-Regolament sabiex jagħtu prova li l-prodotti rilevanti jikkonformaw mar-rekwiżiti ta’ dak ir-Regolament. L-operaturi huma responsabbli għal eżaminazzjoni u analiżi bir-reqqa tal-attivitajiet kummerċjali tagħhom stess, li jirrikjedi primarjament il-ġbir tad-data li hija rilevanti għar-Regolament (UE) 2023/1115, u d-dokumentazzjoni xierqa li tappoġġa dik id-data, minn kull fornitur partikolari. (3) Il-Kummissjoni ħadet passi sostanzjali biex tiffaċilita l-applikazzjoni tar-Regolament (UE) 2023/1115, bl-involviment tal-Istati Membri u tal-partijiet ikkonċernati. B’mod partikolari, id-Dokument ta’ Gwida għar-Regolament (UE) 2023/1115 dwar il-prodotti li ma jinvolvux id-deforestazzjoni jipprovdi gwida lill-operaturi, lin-negozjanti kif ukoll lill-awtoritajiet kompetenti dwar l-obbligi ewlenin stabbiliti fir-Regolament (UE) 2023/1115 u jiċċara, fost l-oħrajn, l-interpretazzjoni tad-definizzjoni ta’ “użu agrikolu”, b’mod partikolari fir-rigward tal-konverżjoni ta’ foresti għal art li l-iskop tagħha mhuwiex użu agrikolu, kif mitlub mill-Parlament Ewropew u mill-Kunsill. (4) Barra minn hekk, il-komunikazzjoni tal-Kummissjoni tas-7 ta’ Novembru 2024 dwar il-Qafas Strateġiku għall-Involviment fil-Kooperazzjoni Internazzjonali fil-kuntest tar-Regolament (UE) 2023/1115 dwar it-tqegħid fis-suq tal-Unjoni u l-esportazzjoni mill-Unjoni ta’ ċerti komoditajiet u prodotti assoċjati mad-deforestazzjoni u d-degradazzjoni tal-foresti tipprovdi struttura komprensiva għall-kooperazzjoni ma’ pajjiżi terzi biex tiġi ffaċilitata l-implimentazzjoni tar-Regolament (UE) 2023/1115. Tiddeskrivi wkoll il-prinċipji ġenerali li l-Kummissjoni biħsiebha tapplika għall-klassifikazzjoni ta’ pajjiżi b’riskju baxx u b’riskju għoli jew partijiet minnhom, f’konformità mal-Artikolu 29(3) tar-Regolament (UE) 2023/1115. (5) Ir-Regolament ta’ Implimentazzjoni tal-Kummissjoni (UE) 2024/3084(6) jipprevedi sistema ta’ informazzjoni u l-aċċess għaliha mill-operaturi u min-negozjanti, u jekk applikabbli, mir-rappreżentanti awtorizzati tagħhom, mill-awtoritajiet kompetenti, u mill-awtoritajiet doganali biex ikunu jistgħu jissodisfaw l-obbligi rispettivi tagħhom, kif stabbiliti fir-Regolament (UE) 2023/1115. Għalhekk, l-operaturi u n-negozjanti jkunu jistgħu jirreġistraw u jippreżentaw dikjarazzjonijiet ta’ diliġenza dovuta anke qabel id-data tal-applikazzjoni tar-Regolament (UE) 2023/1115. (6) Id-data tal-applikazzjoni tad-dispożizzjonijiet tar-Regolament (UE) 2023/1115 li jistabbilixxu l-obbligi fuq l-operaturi, in-negozjanti u l-awtoritajiet kompetenti, elenkati fl-Artikolu 38(2) ta’ dak ir-Regolament, jenħtieġ li tiġi posposta bi 12-il xahar. Dan huwa meħtieġ biex il-pajjiżi terzi, l-Istati Membri, l-operaturi u n-negozjanti jkunu mħejjija bis-sħiħ, inkluż, biex ikun possibbli għal dawk l-operaturi li jistabbilixxu s-sistemi ta’ diliġenza dovuta meħtieġa li jkopru l-komoditajiet u l-prodotti rilevanti kollha, sabiex ikunu f’pożizzjoni li jikkonformaw bis-sħiħ mal-obbligi tagħhom. (7) Fid-dawl tal-posponiment bi 12-il xahar tad-data tal-applikazzjoni stabbilita fl-Artikolu 38(2) tar-Regolament (UE) 2023/1115, id-dati f’dispożizzjonijiet interkonnessi ta’ dak ir-Regolament, jiġifieri d-dati previsti għat-tħassir tar-Regolament (UE) Nru 995/2010 tal-Parlament Ewropew u tal-Kunsill(7), u għall-applikazzjoni differita tad-dispożizzjonijiet imsemmija f’dak il-paragrafu għall-intrapriżi mikro jew l-intrapriżi żgħar, jenħtieġ li jiġu aġġustati kif xieraq. (8) Madankollu, biex l-operaturi u n-negozjanti jingħataw l-informazzjoni dwar l-assenjazzjoni tar-riskju lill-pajjiżi rilevanti tal-produzzjoni ferm qabel id-data minn meta japplikaw l-obbligi ta’ diliġenza dovuta tagħhom, id-data sa meta l-Kummissjoni trid tikklassifika l-pajjiżi, jew partijiet minnhom, li jippreżentaw riskju baxx jew għoli jenħtieġ li tiġi posposta b’6 xhur biss. (9) Minħabba li l-objettiv ta' dan ir-Regolament, jiġifieri li tiġi posposta d-data tal-applikazzjoni tad-dispożizzjonijiet tar-Regolament (UE) 2023/1115 li jistabbilixxu l-obbligi fuq l-operaturi, in-negozjanti u l-awtoritajiet kompetenti, ma jistgħux jinkisbu mill-Istati Membri iżda jistgħu jinkisbu biss fil-livell tal-Unjoni, l-Unjoni tista' tadotta miżuri, f'konformità mal-prinċipju ta' sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F'konformità mal-prinċipju ta' proporzjonalità kif stabbilit f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-objettiv. (10) Għalhekk, jenħtieġ li r-Regolament (UE) 2023/1115 jiġi emendat kif xieraq. (11) Jenħtieġ li dan ir-Regolament jidħol fis-seħħ b’urġenza fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea sabiex jiġi żgurat li dan ir-Regolament jidħol fis-seħħ qabel id-data inizjali tal-applikazzjoni tar-Regolament (UE) 2023/1115, ADOTTAW DAN IR-REGOLAMENT: Artikolu 1 Emendi għar-Regolament (UE) 2023/1115 Ir-Regolament (UE) 2023/1115 huwa emendat kif ġej: (1) fl-Artikolu 29, il-paragrafu 2 huwa sostitwit b’dan li ġej:" “2. Fid-29 ta’ Ġunju 2023, il-pajjiżi kollha għandhom jiġu assenjati livell ta’ riskju standard. Il-Kummissjoni għandha tikklassifika l-pajjiżi jew partijiet minnhom, li jippreżentaw riskju baxx jew għoli f’konformità mal-paragrafu 1 ta’ dan l-Artikolu. Il-lista tal-pajjiżi jew partijiet minnhom li jippreżentaw riskju baxx jew għoli għandha tiġi ppubblikata permezz ta’ atti ta’ implimentazzjoni li għandhom jiġu adottati f’konformità mal-proċedura ta’ eżami msemmija fl-Artikolu 36(2), mhux aktar tard mit-30 ta’ Ġunju 2025. Dik il-lista għandha tiġi rieżaminata, u aġġornata jekk xieraq, kull meta jkun meħtieġ minħabba evidenza ġdida.”. "(2) l-Artikolu 37 huwa sostitwit b’dan li ġej:" “Artikolu 37 Tħassir 1. Ir-Regolament (UE) Nru 995/2010 jitħassar b’effett mit-30 ta’ Diċembru 2025. 2. Madankollu, ir-Regolament (UE) Nru 995/2010 għandu jibqa’ japplika sal-31 ta’ Diċembru 2028 għall-injam u l-prodotti tal-injam kif definit fl-Artikolu 2, punt (a), tar-Regolament (UE) Nru 995/2010 li ġew prodotti qabel id-29 ta’ Ġunju 2023 u li ġew introdotti fis-suq mit-30 ta’ Diċembru 2025. 3. B’deroga mill-Artikolu 1(2) ta’ dan ir-Regolament, l-injam u l-prodotti tal-injam definiti fl-Artikolu 2, punt (a), tar-Regolament (UE) Nru 995/2010 li ġew prodotti qabel id-29 ta’ Ġunju 2023 u li ġew introdotti fis-suq mill-31 ta’ Diċembru 2028 għandhom jikkonformaw mal-Artikolu 3 ta’ dan ir-Regolament.”; "(3) fl-Artikolu 38, il-paragrafi 2 u 3 huma sostitwiti b’dan li ġej:" “2. Soġġetta għall-paragrafu 3 ta’ dan l-Artikolu, l-Artikoli 3 sa 13, l-Artikoli 16 sa 24 u l-Artikoli 26, 31 u 32 għandhom jibdew japplikaw mit-30 ta’ Diċembru 2025. 3. Ħlief fir-rigward tal-prodotti koperti fl-Anness tar-Regolament (UE) Nru 995/2010, għall-operaturi li sal-31 ta’ Diċembru 2020 kienu stabbiliti bħala intrapriżi mikro jew intrapriżi żgħar skont l-Artikolu 3(1) jew (2) tad-Direttiva 2013/34/UE, rispettivament, l-Artikoli msemmija fil-paragrafu 2 ta’ dan l-Artikolu għandhom jibdew japplikaw mit-30 ta’ Ġunju 2026.”. "Artikolu 2 Dħul fis-seħħ Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi ..., Għall-Parlament Ewropew Għall-Kunsill Il-President Il-President ANNESS GĦAR-RIŻOLUZZJONI LEGIŻLATTIVA Dikjarazzjoni tal-Kummissjoni fl-okkażjoni tal-adozzjoni tar-Regolament (UE) 2024/... tal-Parlament Ewropew u tal-Kunsill ta’ ... li temenda r-Regolament (UE) 2023/1115 fir-rigward tad-dispożizzjonijiet relatati mad-data tal-applikazzjoni+1 Il-Kummissjoni tibqa’ impenjata li tnaqqas il-piż fuq in-negozji billi tnaqqas ir-rekwiżiti amministrattivi u telimina l-piżijiet burokratiċi mhux meħtieġa. Biex jinkiseb dan fir-rigward tar-Regolament (UE) 2023/1115, il-Kummissjoni se tipprovdi aktar kjarifiki u tesplora simplifikazzjonijiet addizzjonali, u tissimplifika l-obbligi ta’ rapportar u ta’ dokumentazzjoni, biex iżżommhom għall-minimu meħtieġ, f’konformità sħiħa mal-objettivi tar-Regolament. Għal dan l-għan u biex tindirizza dawn il-kwistjonijiet, il-Kummissjoni se tippubblika edizzjoni aġġornata tal-Linji Gwida u l-Mistoqsijiet Frekwenti. Il-Kummissjoni se tkompli wkoll twieġeb għall-feedback mill-partijiet ikkonċernati u mill-Istati Membri, filwaqt li tassisti lin-negozjanti u lill-operaturi fl-implimentazzjoni, b’mod partikolari fir-rigward tal-obbligu li jiġu ppreżentati dikjarazzjonijiet ta’ diliġenza dovuta tul il-katina tal-valur. Sabiex in-negozjanti u l-operaturi, f’kollaborazzjoni mal-awtoritajiet kompetenti, ikunu f’pożizzjoni li jissodisfaw ir-rekwiżiti tar-Regolament, il-Kummissjoni qed tipprijoritizza l-operazzjonalizzazzjoni tas-Sistema ta’ Informazzjoni. Il-kategorizzazzjoni tal-valutazzjoni komparattiva tar-riskju hija wkoll kruċjali biex tiġi żgurata l-prevedibbiltà fl-applikazzjoni tar-Regolament għall-operaturi, għan-negozjanti, għall-pajjiżi produtturi u għall-awtoritajiet kompetenti. Il-Kummissjoni timpenja ruħha bis-sħiħ biex tiżgura li kemm is-Sistema ta’ Informazzjoni kif ukoll il-proposta għall-klassifikazzjoni tar-riskji għandhom ikunu disponibbli malajr kemm jista’ jkun iżda mhux aktar tard minn 6 xhur qabel jibda japplika r-Regolament. Fil-kuntest tar-rieżami ġenerali tar-Regolament, mistenni mhux aktar tard mit-30 ta’ Ġunju 2028, il-Kummissjoni se tanalizza, fejn xieraq u abbażi ta’ valutazzjoni tal-impatt, miżuri addizzjonali biex tissimplifika u tnaqqas il-piż amministrattiv. Din l-analiżi se tinkludi l-ħtieġa għal rekwiżiti mnaqqsa, u l-fattibbiltà tagħhom, fir-rigward ta’ sorsi minn pajjiżi u partijiet minnhom li kisbu riżultati pożittivi f’konformità mal-objettivi tar-Regolament. ___________________ +1 ĠU: Jekk jogħġbok daħħal in-numru ta' referenza u d-data tad-dokument fil-proċedura 2024/0249(COD) u żid id-dettalji tal-pubblikazzjoni fin-nota f'qiegħ il-paġna.
| ||||||||||||||||||||
| RESTORE - Appoġġ Reġjonali ta’ Emerġenza |
| ||||||||||||||||||||||||||||||
| |||||||||||||||||||||||||||||||
(Proċedura leġiżlattiva ordinarja: l-ewwel qari) Il-Parlament Ewropew, – wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2024)0496), – wara li kkunsidra l-Artikolu 294(2) u l-Artikolu 164, l-Artikolu 175(3) u l-Artikolu 178 tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C10‑0147/2024), – wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea, – wara li kkunsidra l-valutazzjoni baġitarja meħuda mill-Kumitat għall-Baġits, – wara li kkunsidra l-opinjoni tal-Kumitat Ekonomiku u Soċjali Ewropew tal-4 ta’ Diċembru 2024(1), – wara li kkunsidra l-opinjoni tal-Kumitat Ewropew tar-Reġjuni tal-21 ta’ Novembru 2024(2), – wara li kkunsidra l-impenn meħud mir-rappreżentant tal-Kunsill, permezz tal-ittra tas-6 ta’ Diċembru 2024, li japprova l-pożizzjoni tal-Parlament, skont l-Artikolu 294(4) tat-Trattat dwar il-Funzjonament tal-Unjoni Ewropea, – wara li kkunsidra l-Artikoli 60, 59 u 58 tar-Regoli ta’ Proċedura tiegħu, – wara li kkunsidra r-rapport tal-Kumitat għall-Impjiegi u l-Affarijiet Soċjali u tal-Kumitat għall-Iżvilupp Reġjonali (A10-0031/2024), 1. Jadotta l-pożizzjoni tiegħu fl-ewwel qari li tidher hawn taħt; 2. Jitlob lill-Kummissjoni biex terġa’ tirreferi l-kwistjoni lill-Parlament jekk tibdel il-proposta tagħha, temendaha b’mod sustanzjali jew ikollha l-ħsieb li temendaha b’mod sustanzjali; 3. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill, lill-Kummissjoni kif ukoll lill-parlamenti nazzjonali. Pożizzjoni tal-Parlament Ewropew adottata fl-ewwel qari tas-17 ta’ Diċembru 2024 bil-ħsieb tal-adozzjoni tar-Regolament (UE) 2024/... tal-Parlament Ewropew u tal-Kunsill li jemenda r-Regolamenti (UE) 2021/1057 u (UE) 2021/1058 rigward l-Appoġġ Reġjonali ta’ Emerġenza għar-Rikostruzzjoni (RESTORE)
IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 164, l-Artikolu 175(3) u l-Artikolu 178, tiegħu, Wara li kkunsidraw il-proposta tal-Kummissjoni Ewropea, Wara li l-abbozz tal-att leġiżlattiv intbagħat lill-parlamenti nazzjonali, Wara li kkunsidraw l-opinjoni tal-Kumitat Ekonomiku u Soċjali Ewropew(3), Wara li kkunsidraw l-opinjoni tal-Kumitat tar-Reġjuni(4), Filwaqt li jaġixxu skont il-proċedura leġiżlattiva ordinarja(5), Billi: (1) L-għarar u n-nirien fil-foresti reċenti fiċ-Ċentru, fil-Lvant u fin-Nofsinhar tal-Ewropa kellhom effett devastanti fuq il-popolazzjonijiet li jgħixu f’dawn ir-reġjuni. Se jkunu meħtieġa xogħlijiet estensivi ta’ rikostruzzjoni f’ħafna bliet, bliet żgħar u rħula biex jissewwew l-infrastruttura u t-tagħmir li saritilhom il-ħsara. Miżuri immedjati huma meħtieġa biex jittaffew il-konsegwenzi soċjali u ekonomiċi ta’ dawk id-diżastri naturali. Barra minn hekk, in-nies għandhom bżonn immedjat ta’ assistenza materjali bażika. Barra min hekk, huwa meħtieġ appoġġ għaż-żamma tal-impjiegi sabiex jiġu megħjuna l-impjegati u l-persuni li jaħdmu għal rashom sabiex iżommu l-impjiegi tagħhom għal perjodu limitat ta’ żmien fejn ma jkunux jistgħu jaċċessaw il-post tax-xogħol tas-soltu tagħhom minħabba l-okkorrenza ta’ diżastru naturali. Sabiex jiġi indirizzat l-effett devastanti tad-diżastri naturali fuq is-saħħa tan-nies, jenħtieġ li jkun possibbli wkoll l-aċċess għall-kura tas-saħħa inkluż għal persuni li mhumiex f’vulnerabbiltà soċjoekonomika imminenti. L-evidenza tissuġġerixxi li l-okkorrenza ta’ diżastri naturali x’aktarx li tiżdied fil-futur. Għalhekk, huwa xieraq li jinħoloq qafas temporanju li jipprevedi flessibbiltà u appoġġ finanzjarju filwaqt li jippreserva n-natura strateġika fit-tul tal-investimenti tal-politika ta’ koeżjoni. (2) Sabiex jittaffa malajr il-piż fuq il-baġits tal-Istati Membri kkonċernati u jittaffa r-riskju ta’ disparitajiet territorjali ġodda, jenħtieġ li jiġi pprovdut appoġġ effettiv mill-Fond Soċjali Ewropew Plus (FSE+) stabbilit mir-Regolament (UE) 2021/1057 tal-Parlament Ewropew u tal-Kunsill(6), kif ukoll mill-Fond Ewropew għall-Iżvilupp Reġjonali (FEŻR) u l-Fond ta’ Koeżjoni irregolati mir-Regolament (UE) 2021/1058 tal-Parlament Ewropew u tal-Kunsill(7) lill-Istati Membri, lir-reġjuni, lill-awtoritajiet lokali u lill-persuni affettwati serjament minn tali diżastri naturali, flimkien mar-riżorsi disponibbli mill-Fond ta' Solidarjetà tal-Unjoni Ewropea (FSUE) stabbilit mir-Regolament tal-Kunsill (KE) Nru 2012/2002(8). (3) Sabiex tiġi pprovduta flessibbiltà addizzjonali lill-Istati Membri affettwati minn diżastri naturali, jenħtieġ li jiġi pprovdut objettiv speċifiku ġdid taħt il-mira tal-Investiment għall-impjiegi u t-tkabbir biex l-appoġġ finanzjarju tal-FEŻR u tal-Fond ta' Koeżjoni għar-rikostruzzjoni jiġi dirett b’reazzjoni għal tali diżastri. (4) L-objettiv ta’ politika 2, li jippromwovi Ewropa ekoloġika, b’livell baxx ta’ emissjonijiet tal-karbonju, fit-tranżizzjoni lejn ekonomija mingħajr ebda emissjoni tal-karbonju u reżiljenti billi jippromwovi t-tranżizzjoni lejn enerġija nadifa u ġusta, investiment ekoloġiku u blu, l-ekonomija ċirkolari, il-mitigazzjoni tat-tibdil fil-klima u l-adattament għalih, il-prevenzjoni u l-ġestjoni tar-riskju, u mobbiltà urbana sostenibbli, kif imsemmi fl-Artikolu 5(1), il-punt (b), tar-Regolament (UE) 2021/1060 tal-Parlament Ewropew u tal-Kunsill(9), li skontu jenħtieġ li jiġi introdott l-objettiv speċifiku l-ġdid, jappoġġa direttament l-objettivi tal-Patt Ekoloġiku Ewropew. Il-Komunikazzjoni tal-Kummissjoni tal-24 ta’ Frar 2021 bl-isem “Insawru Ewropa reżiljenti għall-klima - L-Istrateġija l-ġdida tal-UE dwar l-Adattament għat-Tibdil fil-Klima” għandha l-għan li tiżviluppa miżuri ta’ adattament għall-ġestjoni ta’ riskji assoċjati ma’ diżastri li jirriżultaw mit-tibdil fil-klima, bħall-għargħar, in-nirien fil-foresti jew in-nixfiet. Jenħtieġ li jiġu żgurati l-kontinwità u t-tisħiħ tal-investimenti ppjanati fil-prevenzjoni u t-tħejjija għad-diżastri, kif ukoll l-adattament għat-tibdil fil-klima, sabiex jittaffa l-impatt tad-diżastri naturali dejjem aktar frekwenti, inklużi dawk ikkawżati mill-klima. Jenħtieġ li l-isforzi ta’ rikostruzzjoni ma jsirux għad-detriment tal-investiment fil-prevenzjoni u t-tħejjija għad-diżastri strutturali fit-tul. L-applikazzjoni tal-verifika tar-reżistenza klimatika u l-prinċipju “la tagħmilx ħsara sinifikanti” jenħtieġ li jiġu żgurati meta jsir investiment fl-infrastruttura biex tissaħħaħ ir-reżiljenza tal-infrastruttura ffinanzjata mill-Unjoni fid-dawl ta’ diżastri futuri, aktar frekwenti u severi kkawżati mill-klima. (5) F’konformità mal-ambitu tal-appoġġ mill-FEŻR kif stabbilit fir-Regolament (UE) 2021/1058, l-appoġġ għar-rikostruzzjoni b’reazzjoni għal diżastri naturali taħt l-objettiv speċifiku ġdid jista’ jkopri r-restawr ta’ infrastruttura li tkun saritilha l-ħsara jew li tkun inqerdet, bħall-infrastruttura pubblika jew l-investiment f’kapital fiss għan-negozji u t-tagħmir, inkluż f’post differenti jew f’format li ma jkunx identiku għall-oriġinali, jekk ikun meħtieġ, b’mod reżiljenti u sostenibbli. Barra minn hekk, ir-restawr taż-żoni naturali, tal-bijodiversità u tal-infrastruttura ekoloġika, inkluż fis-siti ta’ Natura 2000, jistgħu jiġu appoġġati. Dan jista’ jinkludi miżuri rilevanti relatati mar-riforestazzjoni. Il-Fond ta' Koeżjoni jista' jipprovdi wkoll appoġġ għall-objettiv speċifiku l-ġdid sakemm dan ikun konformi mal-ambitu tal-appoġġ tal-Fond ta' Koeżjoni stabbilit fir-Regolament (UE) 2021/1058 tal-Parlament Ewropew u tal-Kunsill. (6) Fil-kuntest tar-rikostruzzjoni b’reazzjoni għad-diżastri naturali, l-operazzjonijiet ibbażati fuq il-prinċipju ta’ “nibnu mill-ġdid aħjar” jenħtieġ li jingħataw prijorità fil-proċess tal-għażla. Dak il-prinċipju jinvolvi l-użu tal-fażijiet ta’ rkupru, riabilitazzjoni u rikostruzzjoni wara diżastru biex tiżdied ir-reżiljenza tal-komunitajiet permezz tal-integrazzjoni ta’ miżuri għat-tnaqqis tar-riskju ta’ diżastri, kif indikat fil-Qafas ta’ Sendai tan-Nazzjonijiet Uniti għat-Tnaqqis tar-Riskju ta’ Diżastri 2015-2030. Fl-istess ħin, jenħtieġ li l-appoġġ għall-operazzjonijiet magħżula jibqa’ proporzjonat u jippreżenta l-aħjar relazzjoni bejn l-ammont ta’ appoġġ u l-objettiv li tiġi żgurata r-reżiljenza għad-diżastri. Barra minn hekk, jekk Stat Membru jkun eliġibbli għal appoġġ mill-FSUE biex jiffinanzja operazzjonijiet essenzjali ta’ emerġenza u ta’ rkupru li jirrestawraw l-infrastruttura għall-kundizzjoni tagħha qabel ma jseħħ id-diżastru naturali, l-appoġġ mill-FEŻR u mill-Fond ta' Koeżjoni jista’ jintuża b’mod komplementari mal-FSUE biex itejjeb il-funzjonalità tal-infrastruttura affettwata sabiex itejjeb il-kapaċità, is-sostenibbiltà u r-reżiljenza tagħha biex tiflaħ għal diżastri naturali futuri. L-iskop tal-appoġġ mill-FEŻR u mill-Fond ta' Koeżjoni huwa li jżid fir-reżiljenza u t-tħejjija għar-riskji. (7) Sabiex jiġi eskluż il-pagament żejjed, jenħtieġ li l-Istati Membri jiżguraw li l-appoġġ kopert mill-FSE+, mill-FEŻR jew mill-Fond ta' Koeżjoni ma jikkoinċidix ma’ appoġġ riċevut minn strument ieħor tal-Unjoni, minn strument nazzjonali jew minn skema tal-assigurazzjoni privata. (8) Sabiex jirrispondu għall-impatt tad-diżastri naturali, jenħtieġ li l-Istati Membri jitħallew, permezz ta’ prijoritajiet iddedikati, jipprovdu għajnuna ffukata, rapida u immedjata biex jittaffew il-konsegwenzi soċjoekonomiċi negattivi ta’ tali diżastri. Barra minn hekk, jenħtieġ li l-Istati Membri jkunu jistgħu jappoġġaw, fi ħdan jew barra l-prijorità ddedikata, miżuri temporanji għal persuni affettwati direttament minn diżastri naturali fil-forma ta’ ikel u/jew assistenza materjali bażika mingħajr l-obbligu li jiġu pprovduti miżuri ta’ akkumpanjament. Jenħtieġ li l-Istati Membri jipprovdu wkoll, fejn strettament meħtieġ u ġustifikat, għal skemi ta’ xogħol b’ħinijiet iqsar biex impjegati u persuni li jaħdmu għal rashom affettwati mill-konsegwenzi ta’ diżastri naturali jkunu jistgħu jżommu l-impjiegi tagħhom mingħajr ma jipprovdu miżuri attivi, sakemm dawk il-miżuri ma jkunux imposti mil-liġi nazzjonali, kif ukoll miżuri biex jiżguraw aċċess għall-kura tas-saħħa inkluż għal persuni li mhumiex f’vulnerabbiltà soċjoekonomika imminenti. Għalhekk, huwa xieraq li jiġu previsti flessibbiltajiet għal tali miżuri temporanji għal perjodu ta’ żmien limitat skont ir-Regolament (UE) 2021/1057. (9) Ir-riżorsi għall-appoġġ tar-rispons għad-diżastri naturali jenħtieġ li jiġu pprogrammati taħt prijorità ddedikata waħda jew aktar b’rata ta’ kofinanzjament sa 95 %. L-Istati Membri jistgħu jagħmlu użu mill-possibbiltajiet eżistenti għat-trasferiment tal-allokazzjonijiet bejn il-fondi tal-politika ta’ koeżjoni previsti fir-Regolament (UE) 2021/1060 sabiex iżidu r-riżorsi disponibbli taħt dawk il-prijoritajiet iddedikati. Huma jistgħu wkoll jirriallokaw riżorsi minn kwalunkwe wieħed mill-objettivi ta’ politika filwaqt li jirrispettaw ir-regoli applikabbli. (10) Ir-riżorsi ġenerali pprogrammati taħt il-prijoritajiet iddedikati jenħtieġ li jkunu limitati għal massimu ta’ 10 % tal-allokazzjoni nazzjonali totali inizjali tal-Istat Membru għall-FSE+ u l-FEŻR ▌. Jenħtieġ li jkun possibli li dawk ir-riżorsi jiġu pprogrammati permezz ta’ aktar minn emenda waħda tal-programm u jiġu marbutin ma’ aktar minn diżastru wieħed. Il-prinċipju li l-Kummissjoni għandha tagħmel il-pagamenti f’konformità mal-approprjazzjonijiet tal-baġit u dejjem jekk ikun hemm il-fondi disponibbli għal dan jenħtieġ li jkompli japplika. (11) Sabiex jingħata appoġġ immedjat għall-investimenti għar-rikostruzzjoni b’reazzjoni għal diżastri naturali kif ukoll biex jittaffew il-konsegwenzi soċjoekonomiċi negattivi ta’ tali diżastri naturali, jenħtieġ li jiġi pprovdut ammont addizzjonali ta’ prefinanzjament eċċezzjonali għall-prijoritajiet iddedikati. Ir-regoli applikabbli għal dawk l-ammonti ta’ prefinanzjament eċċezzjonali jenħtieġ li jkunu konsistenti mar-regoli applikabbli għall-prefinanzjament previsti fir-Regolament (UE) 2021/1060. (12) Sabiex l-Istati Membri jkunu jistgħu jindirizzaw bis-sħiħ il-konsegwenzi tad-diżastri naturali li jseħħu bejn l-1 ta’ Jannar 2024 u l-31 ta' Diċembru 2025, jenħtieġ li l-awtoritajiet ta’ ġestjoni tagħhom jitħallew jagħżlu operazzjonijiet ta’ appoġġ li jkunu tlestew fiżikament jew li jkunu ġew implimentati bis-sħiħ qabel ma l-applikazzjoni għall-finanzjament taħt il-programm tiġi ppreżentata lill-awtorità ta’ ġestjoni, dment li l-operazzjoni tkun b’reazzjoni għal tali diżastru naturali. (13) Minħabba li l-objettiv ta’ dan ir-Regolament, jiġifieri li jittaffew, fid-dawl tal-għargħar u n-nirien fil-foresti reċenti fl-Ewropa Ċentrali, tal-Lvant u tan-Nofsinhar, il-konsegwenzi soċjoekonomiċi negattivi tad-diżastri naturali billi jiġu emendati r-Regolamenti (UE) 2021/1057 u (UE) 2021/1058, ma jistax jinkiseb b’mod suffiċjenti mill-Istati Membri iżda jista’ pjuttost jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F'konformità mal-prinċipju ta' proporzjonalità kif stabbilit f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-objettiv. (14) Għalhekk ir-Regolamenti (UE) 2021/1057 u (UE) 2021/1058 jenħtieġ li jiġu emendati skont dan, (15) Fid-dawl tal-effetti devastanti ta’ diżastri naturali reċenti u l-urġenza li jingħata appoġġ immedjat lill-Istati Membri, huwa meqjus neċessarju li tintuża l-eċċezzjoni għall-perjodu ta’ tmien ġimgħat imsemmija fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika. (16) Minħabba l-urġenza tas-sitwazzjoni marbuta mad-diżastri naturali, huwa xieraq li dan ir-Regolament jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea, ADOTTAW DAN IR-REGOLAMENT: Artikolu 1 Emendi għar-Regolament (UE) 2021/1057 Fir-Regolament (UE) 2021/1057, jiddaħħal l-artikolu li ġej:" “Artikolu 12b Appoġġ biex jittaffew il-konsegwenzi soċjoekonomiċi negattivi tad-diżastri naturali 1. L-Istati Membri jistgħu jużaw l-FSE+ biex jipprovdu appoġġ biex itaffu l-konsegwenzi soċjoekonomiċi negattivi tad-diżastri naturali li seħħew bejn l-1 ta’ Jannar 2024 u l-31 ta' Diċembru 2025. Għall-fini ta’ dan l-Artikolu, b’diżastru naturali wieħed għandu jifhem diżastru naturali maġġuri jew diżastru naturali reġjonali kif definit, rispettivament, fl-Artikolu 2(2) u (3) tar-Regolament tal-Kunsill (KE) Nru 2012/2002*. Dan jista’ jinkludi diżastru naturali li jirriżulta fi ħsara diretta taħt il-limiti stabbiliti fl-Artikolu 2(2) u (3) ta’ dak ir-Regolament, dment li jkun ġie rikonoxxut bħala diżastru naturali minn awtorità pubblika kompetenti tal-Istat Membru. Meta d-diżastru naturali li jirriżulta fi ħsara diretta taħt il-limiti stipulati fl-Artikolu 2(2) u (3) tar-Regolament (KE) Nru 2012/2002 iseħħ wara … [id-data tad-dħul fis-seħħ ta' dan ir-Regolament emendatorju], dan għandu jinftiehem li huwa diżastru naturali dment li jkun ġie rikonoxxut bħala tali minn awtorità pubblika kompetenti tal-Istat Membru rilevanti fi żmien 12-il ġimgħa mid-data tal-ewwel okkorrenza tal-ħsara bħala konsegwenza ta' dak id-diżastru naturali. 2. Għall-finijiet tal-paragrafu 1 ta’ dan l-Artikolu, ir-riżorsi jistgħu jiġu pprogrammati taħt il-prijoritajiet iddedikati tal-programmi kkonċernati. Għal perjodu kollu ta’ programmazzjoni, ir-riżorsi ġenerali għal dawk il-prijoritajiet iddedikati allokati mill-FSE+, kif ukoll mill-FEŻR u l-Fond ta' Koeżjoni skont l-Artikolu 3(1b) tar-Regolament (UE) 2021/1058 għandhom ikunu limitati għal massimu ta’ 10 % tal-allokazzjoni nazzjonali totali inizjali tal-FSE+ u tal-FEŻR ▌. L-emenda tal-programm ikkonċernata għandha tiġi ppreżentata fi żmien sitt xhur mid-data li fiha seħħ id-diżastru naturali jew, fejn id-diżastru naturali jkun seħħ qabel ... [id-data tad-dħul fis-seħħ ta’ dan ir-Regolament emendatorju], sa ... sitt xhur wara d-data tad-dħul fis-seħħ ta’ dan ir-Regolament emendatorju]. 3. Il-prijoritajiet iddedikati msemmija fil-paragrafu 2 ta’ dan l-Artikolu jistgħu jappoġġaw kwalunkwe wieħed mill-objettivi speċifiċi stabbiliti fl-Artikolu 4(1) ta’ dan ir-Regolament. 4. Fejn strettament meħtieġ bħala miżura temporanja, skemi ta’ xogħol b’ħinijiet iqsar li għandhom l-għan li jipprovdu rispons għall-konsegwenzi ta’ diżastru naturali mingħajr il-ħtieġa li jiġu kkombinati ma’ miżuri attivi kif ukoll aċċess għall-kura tas-saħħa inkluż għal persuni li mhumiex f’vulnerabbiltà soċjoekonomika imminenti jistgħu jkunu eliġibbli għal finanzjament għal massimu ta’ 18-il xahar mid-data li fiha jkun seħħ id-diżastru naturali. 5. B’deroga mill-Artikolu 19(4), l-Istati Membri ma għandhomx ikunu meħtieġa jikkomplementaw l-ikkonsenjar tal-ikel u/jew tal-assistenza materjali bażika b’miżuri ta’ akkumpanjament skont l-objettiv speċifiku stabbilit fl-Artikolu 4(1), il-punt (m), fejn tali konsenja tkun b’rispons għall-konsegwenzi ta’ diżastru naturali. Tali kunsinna ta’ ikel u/jew assistenza materjali bażika mingħajr miżuri ta’ akkumpanjament tista’ tkun eliġibbli għal finanzjament għal massimu ta’ sitt xhur mid-data li fiha seħħ id-diżastru naturali u fi kwalunkwe każ wara l-1 ta’ Jannar 2024. 6. B’deroga mill-Artikolu 63(6) tar-Regolament (UE) 2021/1060, l-awtorità ta’ ġestjoni kkonċernata tista’ tagħżel għall-appoġġ, taħt prijorità ddedikata, operazzjonijiet li tlestew fiżikament jew ġew implimentati bis-sħiħ qabel is-sottomissjoni tal-applikazzjoni għal finanzjament lill-awtorità ta’ ġestjoni, dment li l-operazzjoni tipprovdi rispons għal diżastru naturali li seħħ bejn l-1 ta’ Jannar 2024 u l-31 ta’ Diċembru 2025. 7. Il-Kummissjoni għandha tħallas 25 % tal-allokazzjoni lill-prijoritajiet iddedikati msemmija fil-paragrafu 2 ta’ dan l-Artikolu, f’konformità mad-deċiżjoni li tapprova l-emenda tal-programm bħala prefinanzjament eċċezzjonali minbarra l-prefinanzjament annwali għall-programm previst fl-Artikolu 90(1) u (2) tar-Regolament (UE) 2021/1060. Dak il-prefinanzjament eċċezzjonali għandu jitħallas fi żmien 60 jum mill-adozzjoni tad-deċiżjoni tal-Kummissjoni li tapprova l-emenda tal-programm, soġġett għad-disponibbiltà tal-fondi. Meta l-allokazzjoni għal dawk il-prijoritajiet tiżdied sussegwentement, għandu jitħallas ammont addizzjonali ta’ prefinanzjament li jikkorrispondi għal 25 % taż-żieda. F’konformità mal-Artikolu 90(5), l-ewwel subparagrafu, tar-Regolament (UE) 2021/1060, l-ammont imħallas bħala prefinanzjament eċċezzjonali għandu jiġi approvat mill-kontijiet tal-Kummissjoni sa mhux aktar tard mis-sena kontabilistika finali. F’konformità mal-Artikolu 90(6) tar-Regolament (UE) 2021/1060, kwalunkwe mgħax iġġenerat mill-prefinanzjament eċċezzjonali għandu jiġi użat għall-programm ikkonċernat bl-istess mod bħall-FSE+ u għandu jiġi inkluż fil-kontijiet għas-sena kontabilistika finali. F’konformità mal-Artikolu 97(1) tar-Regolament (UE) 2021/1060, il-prefinanzjament eċċezzjonali ma għandux jiġi sospiż. F’konformità mal-Artikolu 105(1) tar-Regolament (UE) 2021/1060, il-prefinanzjament li għandu jitqies għall-finijiet tal-kalkolu tal-ammonti li għandhom jiġu diżimpenjati għandu jinkludi l-prefinanzjament eċċezzjonali mħallas. 8. B’deroga mill-Artikolu 112(3) tar-Regolament (UE) 2021/1060, ir-rata massima ta’ kofinanzjament għal prijorità ddedikata stabbilita biex tappoġġa t-tnaqqis tal-konsegwenzi soċjoekonomiċi negattivi ta’ diżastru naturali skont il-paragrafu 2 ta’ dan l-Artikolu għandha tkun ta’ 95 %. L-Istati Membri għandhom jiżguraw li l-appoġġ minn strument ieħor tal-Unjoni, minn strument nazzjonali jew minn skema tal-assigurazzjoni privata riċevut għal operazzjonijiet magħżula b’reazzjoni għal diżastru naturali, jitnaqqas min-nefqa inkluża fl-applikazzjoni għall-pagament ippreżentata lill-Kummissjoni. _____________ * Ir-Regolament tal-Kunsill (KE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea (ĠU L 311, 14.11.2002, p. 3, ELI: http://data.europa.eu/eli/reg/2002/2012/oj).’. "Artikolu 2 Emendi għar-Regolament (UE) 2021/1058 Ir-Regolament (UE) 2021/1058 huwa emendat kif ġej: 1. L-Artikolu 3 huwa emendat kif ġej: (a) fil-paragrafu 1, il-punt (b), jiżdied il-punt li ġej:" “(x) l-appoġġ għal investimenti bil-għan tar-rikostruzzjoni b’reazzjoni għal diżastru naturali li seħħ bejn l-1 ta’ Jannar 2024 u l-31 ta’ Diċembru 2025;”; "(b) jiddaħħal il-paragrafu li ġej:" “1b. Għall-finijiet tal-paragrafu 1, il-punt (b)(x), ta’ dan l-Artikolu, b’diżastru naturali wieħed għandu jifhem diżastru naturali maġġuri jew diżastru naturali reġjonali kif definit, rispettivament, fl-Artikolu 2(2) u (3) tar-Regolament tal-Kunsill (KE) Nru 2012/2002*. Dan jista’ jinkludi diżastru naturali li jirriżulta fi ħsara diretta taħt il-limiti stabbiliti fl-Artikolu 2(2) u (3) ta’ dak ir-Regolament, dment li jkun ġie rikonoxxut bħala diżastru naturali minn awtorità pubblika kompetenti tal-Istat Membru. Meta d-diżastru naturali li jirriżulta fi ħsara diretta taħt il-limiti stabbiliti fl-Artikolu 2(2) u (3) tar-Regolament (KE) Nru 2012/2002 ikun seħħ wara ... [id-data tad-dħul fis-seħħ ta' dan ir-Regolament emendatorju], dan għandu jinftiehem li huwa diżastru naturali dment li jkun ġie rikonoxxut bħala tali minn awtorità pubblika kompetenti tal-Istat Membru fi żmien 12-il ġimgħa wara d-data tal-ewwel okkorrenza tal-ħsara bħala konsegwenza ta' dak id-diżastru naturali. Ir-riżorsi allokati taħt l-objettiv speċifiku msemmi fil-paragrafu 1, il-punt (b)(x), ta’ dan l-Artikolu għandhom jiġu pprogrammati taħt prijoritajiet iddedikati ta’ programmi taħt il-mira tal-Investiment għall-impjiegi u t-tkabbir li jikkorrispondu għall-objettiv ta’ politika rispettiv. Għall-perjodu kollu ta’ programmazzjoni, ir-riżorsi allokati taħt dak l-objettiv speċifiku u l-prijoritajiet iddedikati stabbiliti skont l-Artikolu 12b(2) tar-Regolament (UE) 2021/1057 għandhom ikunu limitati għal massimu ta’ 10 % tal-allokazzjoni nazzjonali totali inizjali tal-FSE+u tal-FEŻR ▌. L-emenda tal-programm ikkonċernata għandha tiġi ppreżentata fi żmien sitt xhur mid-data li fiha l-ħsara bħala konsegwenza tad-diżastru naturali tkun seħħet għall-ewwel darba jew, fejn id-diżastru naturali jkun seħħ qabel ... [id-data tad-dħul fis-seħħ ta’ dan ir-Regolament emendatorju], sa ... [sitt xhur wara d-data tad-dħul fis-seħħ ta’ dan ir-Regolament emendatorju]. Il-Kummissjoni għandha tħallas 25 % tal-allokazzjoni lill-prijoritajiet imsemmija fit-tielet subparagrafu ta’ dan il-paragrafu f’konformità mad-deċiżjoni li tapprova l-emenda tal-programm bħala prefinanzjament eċċezzjonali flimkien mal-prefinanzjament annwali għall-programm previst fl-Artikolu 90(1) u (2) tar-Regolament (UE) 2021/1060. Dak il-prefinanzjament eċċezzjonali għandu jitħallas fi żmien 60 jum mill-adozzjoni tad-deċiżjoni tal-Kummissjoni li tapprova l-emenda tal-programm, soġġett għad-disponibbiltà tal-fondi. Meta l-allokazzjoni għal dawk il-prijoritajiet tiżdied sussegwentement, għandu jitħallas ammont addizzjonali ta’ prefinanzjament li jikkorrispondi għal 25 % taż-żieda. F’konformità mal-Artikolu 90(5), l-ewwel subparagrafu, tar-Regolament (UE) 2021/1060, l-ammont imħallas bħala prefinanzjament eċċezzjonali għandu jiġi approvat mill-kontijiet tal-Kummissjoni sa mhux aktar tard mis-sena kontabilistika finali. F’konformità mal-Artikolu 90(6) tar-Regolament (UE) 2021/1060, kwalunkwe mgħax iġġenerat mill-prefinanzjament eċċezzjonali għandu jiġi użat għall-programm ikkonċernat bl-istess mod bħall-FEŻR jew il-Fond ta’ Koeżjoni u għandu jiġi inkluż fil-kontijiet għas-sena kontabilistika finali. F’konformità mal-Artikolu 97(1) tar-Regolament (UE) 2021/1060, il-prefinanzjament eċċezzjonali ma għandux jiġi sospiż. F’konformità mal-Artikolu 105(1) tar-Regolament (UE) 2021/1060, il-prefinanzjament li għandu jitqies għall-finijiet tal-kalkolu tal-ammonti li għandhom jiġu diżimpenjati għandu jinkludi l-prefinanzjament eċċezzjonali mħallas. B’deroga mill-Artikolu 112(3) tar-Regolament (UE) 2021/1060, ir-rata massima ta’ kofinanzjament għal prijorità ddedikata stabbilita biex tappoġġa l-objettiv speċifiku msemmi fil-paragrafu 1, il-punt (b)(x), ta’ dan l-Artikolu għandha tkun ta’ 95 %. L-Istati Membri għandhom jiżguraw li l-appoġġ minn strument ieħor tal-Unjoni, minn strument nazzjonali jew minn skema tal-assigurazzjoni privata riċevut għal operazzjonijiet magħżula skont l-objettiv speċifiku msemmi fil-paragrafu 1, il-punt (b)(x), ta’ dan l-Artikolu jitnaqqas min-nefqa inkluża fl-applikazzjoni għall-pagament ippreżentata lill-Kummissjoni. B’deroga mill-Artikolu 63(6) tar-Regolament (UE) 2021/1060, l-awtorità ta’ ġestjoni kkonċernata tista’ tagħżel għall-appoġġ, taħt prijorità ddedikata, operazzjonijiet li tlestew fiżikament jew li ġew implimentati bis-sħiħ qabel is-sottomissjoni tal-applikazzjoni għal finanzjament lill-awtorità ta’ ġestjoni, dment li l-operazzjoni tipprovdi rispons għal diżastru naturali li seħħ bejn l-1 ta’ Jannar 2024 u l-31 ta’ Diċembru 2025. _____________ * Ir-Regolament tal-Kunsill (KE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea (ĠU L 311, 14.11.2002, p. 3, ELI: http://data.europa.eu/eli/reg/2002/2012/oj).”; "(c) il-paragrafu 3 huwa sostitwit b’dan li ġej:" “3. Il-Fond ta’ Koeżjoni għandu jappoġġa PO 2 u 3, inkluż l-objettiv speċifiku stabbilit fil-paragrafu 1, il-punt (b)(x), sa fejn dan ikun konformi mal-ambitu tal-appoġġ kif stabbilit fl-Artikolu 6.”; "2. fit-Tabella 1 tal-Anness I, tiżdied ir-ringiela li ġejja taħt l-objettiv ta’ politika 2:" “
”. "Artikolu 3 Dħul fis-seħħ Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi ..., Għall-Parlament Ewropew Għall-Kunsill Il-President Il-President
| |||||||||||||||||||||||||||||||
| Miżuri speċifiċi skont il-Fond Agrikolu Ewropew għall-Iżvilupp Rurali (FAEŻR) għall-Istati Membri affettwati minn diżastri naturali |
| ||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||
(Proċedura leġiżlattiva ordinarja: l-ewwel qari) Il-Parlament Ewropew, – wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2024)0495), – wara li kkunsidra l-Artikolu 294(2) u l-Artikolu 43(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C10‑0148/2024), – wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea, – wara li kkunsidra l-valutazzjoni baġitarja maħruġa mill-Kumitat għall-Baġits, – wara li kkunsidra l-opinjoni tal-Kumitat Ekonomiku u Soċjali Ewropew tal-4 ta’ Diċembru 2024(1), – wara li kkunsidraw l-opinjoni tal-Kumitat tar-Reġjuni tal-21 ta’ Novembru 2024(2), – wara li kkunsidra l-impenn meħud mir-rappreżentant tal-Kunsill, permezz ta’ ittra tal-11 ta’ Novembru 2024, li japprova l-pożizzjoni tal-Parlament Ewropew, skont l-Artikolu 294(4) tat-Trattat dwar il-Funzjonament tal-Unjoni Ewropea, – wara li kkunsidra l-Artikolu 60 u l-Artikolu 58 tar-Regoli ta’ Proċedura tiegħu, – wara li kkunsidra r-rapport tal-Kumitat għall-Agrikoltura u l-Iżvilupp Rurali (A10-0026/2024), 1. Jadotta l-pożizzjoni tiegħu fl-ewwel qari li tidher hawn taħt; 2. Jitlob lill-Kummissjoni terġa’ tirreferi l-kwistjoni lill-Parlament jekk tibdel il-proposta tagħha, temendaha b’mod sustanzjali jew ikollha l-ħsieb li temendaha b’mod sustanzjali; 3. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill, lill-Kummissjoni kif ukoll lill-parlamenti nazzjonali. Pożizzjoni tal-Parlament Ewropew adottata fl-ewwel qari tas-17 ta’ Diċembru 2024 bil-ħsieb tal-adozzjoni tar-Regolament (UE) 2024/... tal-Parlament Ewropew u tal-Kunsill li jemenda r-Regolament (UE) 2020/2220 fir-rigward ta’ miżuri speċifiċi skont il-Fond Agrikolu Ewropew għall-Iżvilupp Rurali biex tingħata assistenza addizzjonali lill-Istati Membri affettwati minn diżastri naturali
IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2) tiegħu, Wara li kkunsidraw il-proposta tal-Kummissjoni Ewropea, Wara li l-abbozz tal-att leġiżlattiv intbagħat lill-parlamenti nazzjonali, Wara li kkunsidraw l-opinjoni tal-Kumitat Ekonomiku u Soċjali Ewropew(3), Wara li kkunsidraw l-opinjoni tal-Kumitat tar-Reġjuni(4), Filwaqt li jaġixxu f’konformità mal-proċedura leġislattiva ordinarja(5), Billi: (1) Id-diżastri naturali reċenti fiċ-Ċentru u fil-Lvant tal-Ewropa, kif ukoll fin-Nofsinhar tal-Ewropa, kellhom effett devastanti fuq il-popolazzjonijiet rurali li jgħixu u jaħdmu f’dawk ir-reġjuni. Inqered ammont konsiderevoli ta’ potenzjal ta’ produzzjoni agrikola u tal-forestrija u, bħala konsegwenza, il-bdiewa, id-detenturi tal-foresti u n-negozji rurali fir-reġjuni affettwati minn diżastri naturali qed jiffaċċjaw telf sinifikanti ta’ introjtu. Sabiex jiġu indirizzati malajr il-vulnerabbiltajiet tas-sistema tal-ikel tal-Unjoni u tal-komunitajiet rurali li jirriżultaw minn dawk id-diżastri naturali, huwa xieraq li jiġi pprovdut malajr appoġġ effettiv eċċezzjonali permezz tal-Fond Agrikolu Ewropew għall-Iżvilupp Rurali (FAEŻR), implimentat taħt il-programmi ta’ żvilupp rurali, u li tiġi prevista aktar flessibbiltà għar-regoli eżistenti. (2) Sabiex ikun hemm rispons għall-konsegwenzi tad-diżastri naturali li seħħew fl-1 ta’ Jannar 2024 jew wara, jenħtieġ li tkun prevista miżura ġdida temporanja u eċċezzjonali (“il-miżura l-ġdida”) għall-indirizzar tal-problemi ta’ likwidità li jheddu l-kontinwità tal-attivitajiet tal-biedja u tal-forestrija u l-kontinwità tal-attivitajiet ta’ negozju ta’ intrapriżi żgħar u ta' daqs medju (SMEs) attivi fl-ipproċessar, fil-kummerċjalizzazzjoni jew fl-iżvilupp tal-prodotti agrikoli u tal-forestrija. Barra minn hekk, l-appoġġ għar-restawr tal-potenzjal tal-produzzjoni agrikola disponibbli skont ir-Regolament (UE) Nru 1305/2013 tal-Parlament Ewropew u tal-Kunsill(6) jenħtieġ li jissaħħaħ billi tiġi pprovduta aktar flessibbiltà baġitarja fir-rigward tal-limitu ta’ nonrigressjoni previst fl-Artikolu 1(2) tar-Regolament (UE) 2020/2220 tal-Parlament Ewropew u tal-Kunsill(7) (il-“limitu ta’ nonrigressjoni”). (3) Peress li l-finanzjament tal-miżura l-ġdida se jiġi pprovdut permezz tal-FAEŻR, il-qafas legali stabbilit għall-perjodu ta’ programmazzjoni 2014-2020, b’mod partikolari d-dispożizzjonijiet speċifiċi tar-Regolament (UE) Nru 1305/2013 u tar-Regolament (UE) Nru 1306/2013 tal-Parlament Ewropew u tal-Kunsill(8), kif ukoll tal-atti delegati u ta’ implimentazzjoni adottati skont dawk ir-Regolamenti, għandhom japplikaw għall-miżura l-ġdida. (4) Il-perjodu ta’ programmazzjoni tal-FAEŻR ġie estiż bir-Regolament (UE) 2020/2220 sabiex jibqa’ għaddej sal-31 ta’ Diċembru 2022 b’ implimentazzjoni li tibqa’ għaddejja sal-31 ta’ Diċembru 2025. Ir-Regolament (UE) 2020/2220 ippreveda wkoll regoli tranżizzjonali li japplikaw matul dak il-perjodu ta’ estensjoni. Peress li l-FAEŻR bħalissa qiegħed f’dan il-perjodu estiż ta’ implimentazzjoni, huwa xieraq li jiġu stabbiliti l-kundizzjonijiet għall-miżura l-ġdida u jiġu previsti aktar flessibbiltajiet baġitarji fir-rigward tal-limitu ta’ nonrigressjoni billi jiġi emendat ir-Regolament (UE) 2020/2220. (5) Sabiex tiġi prevista aktar flessibbiltà baġitarja għar-riallokazzjoni tal-finanzjament għall-miżura l-ġdida u s-submiżura eżistenti għar-restawr tal-potenzjal tal-produzzjoni agrikola, filwaqt li jitkomplew l-investimenti u l-azzjonijiet ippjanati fil-prevenzjoni u t-tħejjija għad-diżastri, kif ukoll l-adattament għat-tibdil fil-klima biex jittaffa l-impatt tad-diżastri kkawżati mill-klima dejjem aktar frekwenti, jenħtieġ li l-Istati Membri jitħallew inaqqsu l-limitu ta’ nonrigressjoni b’massimu ta’ 15 punti perċentwali iżda mhux taħt il-limitu minimu ta’ 30 %. (6) Sabiex l-Istati Membri jkunu jistgħu jindirizzaw bis-sħiħ il-konsegwenzi tad-diżastri naturali li jseħħu mill-1 ta’ Jannar 2024 jew wara, jenħtieġ li jkun permess li jagħżlu operazzjonijiet ta’ appoġġ li jkunu tlestew fiżikament jew li jkunu ġew implimentati bis-sħiħ qabel ma l-applikazzjoni għall-finanzjament taħt il-programm ta’ żvilupp rurali tiġi ppreżentata lill-awtorità ta’ ġestjoni, dment li dawk l-operazzjonijiet ikunu b’reazzjoni għal tali diżastri naturali. (7) L-appoġġ skont il-miżura l-ġdida, li għandu l-għan li jiżgura l-kompetittività tal-SMEs kif ukoll il-vijabbiltà tal-bdiewa u tad-detenturi ta’ foresti, jenħtieġ li jikkonċentra r-riżorsi disponibbli fuq il-benefiċjarji li huma l-aktar affettwati minn diżastri naturali u li dawk ir-riżorsi jingħataw abbażi ta’ kriterji oġġettivi u mhux diskriminatorji. L-appoġġ jenħtieġ li jingħata biss lil dawk il-benefiċjarji li kienu affettwati minn qerda ta’ mill-inqas 30 % tal-produzzjoni jew tal-potenzjal rilevanti bħala riżultat ta' diżastru naturali rikonoxxut formalment, jew miżuri adottati skont ir-Regolament (UE) 2016/2031 tal-Parlament Ewropew u tal-Kunsill(9) b'rabta ma’ tali diżastru naturali. (8) Minħabba n-natura urġenti, temporanja u eċċezzjonali tal-miżura l-ġdida u l-ħtieġa għal żborż rapidu u sempliċi tal-pagamenti korrispondenti, jenħtieġ li jiġu stabbiliti pagament ta’ darba u data tat-tmiem għall-applikazzjoni tal-miżura l-ġdida. (9) Sabiex jingħata iktar appoġġ lill-bdiewa, lid-detenturi ta’ foresti jew lill-SMEs li huma l-aktar affettwati minn diżastri naturali, huwa xieraq li l-Istati Membri jitħallew jaġġustaw il-livell tas-somom f’daqqa għal ċerti kategoriji ta’ benefiċjarji eliġibbli, pereżempju billi jiffissaw ċerti faxex jew kategoriji ġenerali tal-benefiċjarji eliġibbli, abbażi ta’ kriterji oġġettivi u mhux diskriminatorji. (10) Meta jagħtu l-appoġġ għall-miżura l-ġdida, l-Istati Membri jenħtieġ li jqisu l-appoġġ mogħti fil-kuntest ta’ strumenti ta’ appoġġ nazzjonali jew tal-Unjoni oħrajn jew fil-kuntest ta’ skemi privati b’rispons għall-impatt tad-diżastri naturali. (11) Ir-riżorsi għall-miżura l-ġdida għandhom jiġu pprogrammati b’rata ta’ kofinanzjament sa 100 %. (12) Sabiex jiġi żgurat li jkun hemm biżżejjed fondi għall-miżura l-ġdida mingħajr ma jiġu pperikolati l-objettivi l-oħrajn tal-programmi tal-iżvilupp rurali, jenħtieġ li jiġi ffissat is-sehem massimu tal-kontribuzzjoni tal-Unjoni għall-miżura l-ġdida. (13) L-appoġġ għar-restawr tal-potenzjal tal-produzzjoni agrikola u tal-forestrija b’reazzjoni għal diżastri naturali jenħtieġ li jipprijoritizza l-operazzjonijiet ibbażati fuq il-prinċipju “Nibnu mill-ġdid aħjar”, jiġifieri l-użu tal-fażijiet ta’ rkupru, riabilitazzjoni u rikostruzzjoni wara diżastru biex tiżdied ir-reżiljenza tas-settur tal-biedja u tal-forestrija permezz tal-integrazzjoni ta’ miżuri għat-tnaqqis tar-riskju ta’ diżastri, kif indikat fil-Qafas ta’ Sendai għat-Tnaqqis tar-Riskju ta’ Diżastri 2015-2030 tal-Uffiċċju tan-Nazzjonijiet Uniti għat-Tnaqqis tar-Riskju ta’ Diżastri, filwaqt li jiġi żgurat li l-operazzjonijiet magħżula jirrappreżentaw l-aħjar relazzjoni bejn l-ammont ta’ appoġġ u l-objettiv li tiġi żgurata r-reżiljenza għad-diżastri. (14) Sabiex jitnaqqas il-piż amministrattiv tal-benefiċjarji affettwati minn diżastri naturali u tal-Istati Membri meta tiġi rikonoxxuta “force majeure”, jenħtieġ li l-Istati Membri jkollhom il-possibbiltà li jikkunsidraw iż-żona kollha bħala affettwata serjament minn diżastru naturali. (15) Sabiex ikunu żgurati kundizzjonijiet uniformi għall-implimentazzjoni tal-miżura l-ġdida permezz tal-programmi ta’ żvilupp rurali fi ħdan il-qafas legali tal-perjodu ta’ programmazzjoni 2014-2020, kif estiż bir-Regolament (UE) 2020/2220, jenħtieġ li jingħataw setgħat ta’ implimentazzjoni lill-Kumissjoni. Jenħtieġ li dawk is-setgħat ta’ implimentazzjoni jkunu relatati mal-preżentazzjoni tal-miżura l-ġdida fil-programmi ta’ żvilupp rurali, il-monitoraġġ u l-evalwazzjoni tal-politika ta’ żvilupp rurali, il-preżentazzjoni tar-rapporti annwali ta’ implimentazzjoni u l-implimentazzjoni tal-kontrolli u tal-penali. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill(10). (16) Minħabba li l-objettiv ta’ dan ir-Regolament, jiġifieri li jindirizza u jtaffi l-impatt tad-diżastri naturali fuq is-setturi agroalimentari u tal-forestrija tal-Unjoni billi jipprovdi appoġġ temporanju eċċezzjonali permezz tal-FAEŻR, ma jistax jinkiseb b’mod suffiċjenti mill-Istati Membri, iżda jista’ pjuttost jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea (TUE). F'konformità mal-prinċipju ta' proporzjonalità kif stabbilit f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-objettiv. (17) Għalhekk, jenħtieġ li r-Regolament (UE) 2020/2220 jiġi emendat skont dan. (18) Minħabba l-effetti devastanti tad-diżastri naturali attwali u l-urġenza li jindirizza u jtaffi l-impatt tagħhom fuq is-settur agroalimentari u tal-forestrija tal-Unjoni, jitqies li huwa xieraq li tiġi invokata l-eċċezzjoni għall-perjodu ta’ tmien ġimgħat prevista fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-TUE, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea għall-Enerġija Atomika. (19) Sabiex tiġi żgurata l-implimentazzjoni bla xkiel tal-miżura l-ġdida prevista u bħala kwistjoni ta’ urġenza fid-dawl tal-ħtieġa urġenti li jindirizza u jtaffi l-impatt tad-diżastri naturali fuq is-setturi agroalimentari u tal-forestrija tal-Unjoni, jenħtieġ li dan ir-Regolament jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea, ADOTTAW DAN IR-REGOLAMENT: Artikolu 1 Ir-Regolament (UE) 2020/2220 huwa emendat kif ġej: (1) fl-Artikolu 1(2), jiżdied is-subparagrafu li ġej:" “B’deroga mill-ewwel subparagrafu, it-tieni sentenza, ta’ dan il-paragrafu, meta jallokaw mill-ġdid il-fondi u jonfqu l-fondi għall-miżuri msemmija fl-Artikolu 6a ta’ dan ir-Regolament u fl-Artikolu 18(1), il-punt (b), tar-Regolament (UE) Nru 1305/2013, l-Istati Membri jistgħu jnaqqsu s-sehem globali tal-kontribuzzjoni tal-FAEŻR riżervata għall-miżuri msemmija fl-Artikolu 59(6) tar-Regolament (UE) Nru 1305/2013. Dak it-tnaqqis ma għandux imur lil hinn mill-ammonti tal-FAEŻR riallokati għall-miżuri msemmija fl-Artikolu 6a ta’ dan ir-Regolament u fl-Artikolu 18(1), il-punt (b), tar-Regolament (UE) Nru 1305/2013, u ma għandux jaqbeż il-15-il punti perċentwali tas-sehem globali tal-kontribuzzjoni tal-FAEŻR stabbilit fil-programmi ta’ żvilupp rurali għall-miżuri msemmija fl-Artikolu 59(6) tar-Regolament (UE) Nru 1305/2013. Għal dak il-fini, għandu jitqies is-sehem globali tal-kontribuzzjoni tal-FAEŻR stabbilit fil-programmi ta’ żvilupp rurali kif ippjanat fiż-żmien tal-estensjoni tal-perjodu ta’ durata tal-programmi appoġġati mill-FAEŻR sal-31 ta’ Diċembru 2022, f’konformità mal-paragrafu 1 ta’ dan l-Artikolu. Is-sehem globali riżervat għall-miżuri msemmija fl-Artikolu 59(6) tar-Regolament (UE) Nru 1305/2013 ma għandux ikun inqas mil-limitu minimu stabbilit f’dak l-Artikolu. L-istess tnaqqis f’punti perċentwali jista’ jiġi applikat għar-riżorsi addizzjonali msemmija fl-Artikolu 58a(2) tar-Regolament (UE) Nru 1305/2013 mingħajr ma jiġu riallokati fondi għall-miżuri msemmija fl-Artikolu 6a ta’ dan ir-Regolament u fl-Artikolu 18(1), il-punt (b), tar-Regolament (UE) Nru 1305/2013.”; "(2) fl-Artikolu 2, jiżdied il-paragrafu li ġej:" “5. B’deroga mill-Artikolu 65(6) tar-Regolament (UE) Nru 1303/2013, l-awtorità ta’ ġestjoni tista’ tagħżel li tappoġġja operazzjonijiet li jkunu tlestew fiżikament jew ġew implimentati bis-sħiħ qabel is-sottomissjoni ta’ applikazzjoni għal finanzjament lill-awtorità ta’ ġestjoni, dment li dawk l-operazzjonijiet jiġu implimentati permezz tal-miżuri msemmija fl-Artikolu 6a ta’ dan ir-Regolament u fl-Artikolu 18(1), il-punt (b), jew fl-Artikolu 24(1), il-punt (d), tar-Regolament (UE) Nru 1305/2013 u dment li tali operazzjonijiet jipprovdu rispons għal diżastru naturali li seħħ fl-1 ta’ Jannar 2024 jew wara.”; "(3) jiddaħħlu l-artikoli li ġejjin:" “Artikolu 6a Appoġġ temporanju eċċezzjonali lill-bdiewa, lil detenturi tal-foresti u lill-SMEs partikolarment affettwati minn diżastri naturali 1. L-appoġġ skont dan l-Artikolu għandu jipprovdi assistenza ta’ emerġenza lill-bdiewa, lid-detenturi ta’ foresti u lill-intrapriżi żgħar u ta' daqs medju (SMEs) li huma partikolarment affettwati minn diżastri naturali, bil-għan li tkun żgurata l-kontinwità tal-attività kummerċjali tagħhom, soġġett għall-kundizzjonijiet stabbiliti f’dan l-Artikolu. 2. L-appoġġ skont dan l-Artikolu għandu jkun soġġett għar-rikonoxximent formali tal-awtoritajiet pubbliċi kompetenti tal-Istati Membri li jkun seħħ diżastru naturali kif definit fl-Artikolu 2(1), il-punt (k), tar-Regolament (UE) Nru 1305/2013 fl-1 ta’ Jannar 2024 jew wara u li dak id-diżastru naturali, jew il-miżuri adottati skont ir-Regolament (UE) 2016/2031 tal-Parlament Ewropew u tal-Kunsill* biex jiġu eradikati jew ikkontrollati mard tal-pjanti jew pesti, ikunu kkawżaw il-qerda ta’ mill-anqas 30 % tal-produzzjoni jew tal-potenzjal rilevanti. 3. L-appoġġ skont dan l-Artikolu għandu jingħata lill-:
Fir-rigward tal-ipproċessar ta’ prodotti agrikoli, l-output tal-proċess tal-produzzjoni jista’ jkun prodott mhux kopert mill-Anness I tat-TFUE. 4. L-Istati Membri għandhom jimmiraw l-appoġġ skont dan l-Artikolu lill-benefiċjarji li huma l-aktar affettwati minn diżastri naturali, billi jiddeterminaw il-kundizzjonijiet ta’ eliġibbiltà abbażi tal-evidenza disponibbli. 5. L-appoġġ skont dan l-Artikolu għandu jingħata bħala somma f’daqqa li għandha titħallas sal-31 ta’ Diċembru 2025, abbażi tal-applikazzjonijiet għall-appoġġ approvati mill-awtorità kompetenti sat-30 ta’ Ġunju 2025. Il-livell tal-pagament jista’ jvarja minn kategorija ta’ benefiċjarji għal oħra, abbażi tal-kriterji oġġettivi u mhux diskriminatorji. 6. L-ammont massimu ta’ appoġġ skont dan l-Artikolu ma għandux jaqbeż l-EUR 42 000 għal kull benefiċjarju. 7. Meta jagħtu appoġġ skont dan l-Artikolu, l-Istati Membri għandhom iqisu l-appoġġ mogħti taħt strumenti oħra ta’ appoġġ nazzjonali jew tal-Unjoni jew skemi privati li jirrispondu għall-impatt tad-diżastri naturali sabiex jiżguraw ġestjoni finanzjarja tajba f’konformità mal-Artikolu 33 tar-Regolament (UE, Euratom) 2024/2509 tal-Parlament Ewropew u tal-Kunsill**, kif applikabbli, filwaqt li jimmiraw l-appoġġ lill-benefiċjarji li huma l-aktar affettwati minn diżastri naturali. Artikolu 6b Dispożizzjonijiet applikabbli għall-appoġġ temporanju eċċezzjonali lill-bdiewa, lid-detenturi ta’ foresti u lill-SMEs partikolarment affettwati minn diżastri naturali 1. L-appoġġ temporanju eċċezzjonali msemmi fl-Artikolu 6a ta’ dan ir-Regolament għandu jiġi ffinanzjat mill-FAEŻR bħala miżura skont it-tifsira tal-Artikolu 13 tar-Regolament (UE) Nru 1305/2013. 2. Il-kontribuzzjoni massima tal-FAEŻR għall-miżura msemmija fl-Artikolu 6a għandha tkun ta’ 100 %. 3. L-appoġġ tal-FAEŻR ipprovdut għall-miżura msemmija fl-Artikolu 6a ma għandux jaqbeż l-10 % tal-kontribuzzjoni totali tal-FAEŻR għall-programm ta’ żvilupp rurali għas-snin 2021-2022. Artikolu 6c Forza maġġuri Fir-rigward tal-implimentazzjoni tar-Regolament (UE) Nru 1306/2013 għall-finijiet tal-finanzjament, il-ġestjoni u l-monitoraġġ tal-PAK meta jiġu rikonoxxuti l-każijiet ta’ “force majeure”, kif imsemmija fl-Artikolu 2(2) ta’ dak ir-Regolament, meta diżastru naturali serju jaffettwa b’mod gravi żona determinata sew, l-Istat Membru kkonċernat jista’ jqis li dik iż-żona kollha tkun affettwata serjament minn dak id-diżastru. Artikolu 6d Setgħat ta’ implimentazzjoni tal-Kummissjoni 1. Il-Kummissjoni tista’ tadotta atti ta’ implimentazzjoni li jistabbilixxu r-regoli meħtieġa għall-implimentazzjoni tal-miżura msemmija fl-Artikolu 6a permezz ta’ programmi ta’ żvilupp rurali fil-qafas legali applikabbli fil-perjodu ta’ programmazzjoni 2014-2020, estiż f’konformità mal-Artikolu 1, dwar:
2. L-atti ta’ implimentazzjoni imsemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 5 tar-Regolament (UE) Nru 182/2011 tal-Parlament Ewropew u tal-Kunsill***. Artikolu 6e Proċedura ta’ kumitat 1. Fl-eżerċizzju tas-setgħat ta’ implimentazzjoni stabbiliti fl-Artikolu 6d(1), il-punti (a), (b) u (c), ta’ dan ir-Regolament, il-Kummissjoni għandha tkun megħjuna mill-Kumitat għall-Iżvilupp Rurali stabbilit permezz tal-Artikolu 84 tar-Regolament (UE) Nru 1305/2013. Dak il-kumitat għandu jkun kumitat fis-sens tar-Regolament (UE) Nru 182/2011. 2. Fl-eżerċizzju tas-setgħat ta’ implimentazzjoni stabbiliti fl-Artikolu 6d(1), il-punt (d), ta’ dan ir-Regolament, il-Kummissjoni għandha tkun megħjuna mill-Kumitat dwar il-Fondi Agrikoli stabbilit permezz tal-Artikolu 103(1) tar-Regolament (UE) 2021/2116 tal-Parlament Ewropew u tal-Kunsill****. Dak il-kumitat għandu jkun kumitat fis-sens tar-Regolament (UE) Nru 182/2011. ________________ * Ir-Regolament (UE) 2016/2031 tal-Parlament Ewropew u tal-Kunsill tas-26 ta' Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (ĠU L 317, 23.11.2016, p. 4, ELI: http://data.europa.eu/eli/reg/2016/2031/oj). ** Ir-Regolament (UE, Euratom) 2024/2509 tal-Parlament Ewropew u tal-Kunsill tat-23 ta’ Settembru 2024 dwar ir-regoli finanzjarji applikabbli għall-baġit ġenerali tal-Unjoni (ĠU L, 2024/2509, 26.9.2024, ELI: http://data.europa.eu/eli/reg/2024/2509/oj). *** Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13, ELI: https://eur-lex.europa.eu/eli/reg/2011/182/ojhttps://eur-lex.europa.eu/eli/reg/2011/182/oj). **** Ir-Regolament (UE) 2021/2116 tal-Parlament Ewropew u tal-Kunsill tat-2 ta’ Diċembru 2021 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolament (UE) Nru 1306/2013 (ĠU L 435, 6.12.2021, p. 187, ELI: https://eur-lex.europa.eu/eli/reg/2021/2116/ojhttps://eur-lex.europa.eu/eli/reg/2021/2116/oj).”. "Artikolu 2 Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi ..., Għall-Parlament Ewropew Għall-Kunsill Il-President Il-President
| |||||||||||||||||||||||||||||||||||||||||||||||||||||
| Materjal riproduttiv tal-foresti tal-kategorija “ttestjati” |
| |||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||
(Proċedura leġiżlattiva ordinarja: l-ewwel qari) Il-Parlament Ewropew, – wara li kkunsidra l-proposta emendata tal-Kummissjoni lill-Parlament Ewropew u lill-Kunsill (COM(2024)0517), – wara li kkunsidra l-Artikolu 294(2) u l-Artikolu 43(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C10‑0167/2024), – wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea, – wara li kkunsidra l-opinjoni tal-Kumitat Ekonomiku u Soċjali Ewropew tal-4 ta’ Diċembru 2024(1), – wara li kkunsidra l-Artikolu 60 tar-Regoli ta’ Proċedura tiegħu, – wara li kkunsidra r-rapport tal-Kumitat għall-Agrikoltura u l-Iżvilupp Rurali (A10-0022/2024), 1. Jadotta l-pożizzjoni fl-ewwel qari li tidher hawn taħt; 2. Jitlob lill-Kummissjoni terġa’ tirreferi l-kwistjoni lill-Parlament jekk tibdel il-proposta tagħha, temendaha b’mod sustanzjali jew ikollha l-ħsieb li temendaha b’mod sustanzjali; 3. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali. Pożizzjoni tal-Parlament Ewropew adottata fl-ewwel qari fis-17 ta’ Diċembru 2024 bil-ħsieb tal-adozzjoni tad-Deċiżjoni (UE) 2024/… tal-Parlament Ewropew u tal-Kunsill li temenda d-Deċiżjoni tal-Kunsill 2008/971/KE fir-rigward tal-materjal riproduttiv tal-foresti tal-kategorija “ittestjat”, tal-ittikkettar tiegħu u tal-ismijiet tal-awtoritajiet responsabbli għall-approvazzjoni u l-kontroll tal-produzzjoni
IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2) tiegħu, Wara li kkunsidraw il-proposta tal-Kummissjoni Ewropea, Wara li l-att leġiżlattiv intbagħat lill-parlamenti nazzjonali, Wara li kkunsidraw l-opinjoni tal-Kumitat Ekonomiku u Soċjali Ewropew(2), Filwaqt li jaġixxu skont il-proċedura leġiżlattiva ordinarja(3), Billi: (1) Id-Direttiva tal-Kunsill 1999/105/KE(4) tapplika, fost oħrajn, għall-kummerċjalizzazzjoni ta’ materjal riproduttiv tal-foresti fl-Unjoni. Dik id-Direttiva tikkonċerna l-materjal riproduttiv ta’ dawk l-ispeċijiet ta’ siġar u tal-ibridi artifiċjali tagħhom li huma importanti għall-finijiet tal-forestrija fl-Unjoni kollha jew f’parti minnha. (2) Id-Deċiżjoni tal-Kunsill 2008/971/KE(5) tiddetermina l-kundizzjonijiet li taħthom il-materjal riproduttiv tal-foresti tal-kategoriji “sors identifikat”, “magħżul” u “kwalifikat”, prodott fil-pajjiżi terzi elenkati fl-Anness I ta’ dik id-Deċiżjoni, fir-rigward tal-approvazzjoni u tar-reġistrazzjoni tal-materjal bażiku u tal-produzzjoni sussegwenti tal-materjal riproduttiv tal-foresti minn dak il-materjal bażiku, għandu jiġi importat fl-Unjoni. Il-pajjiżi terzi kkonċernati implimentaw l-Iskema tal-OECD għaċ-Ċertifikazzjoni tal-Materjal Riproduttiv tal-Foresti Użat fil-Kummerċ Internazzjonali (“l-Iskema tal-OECD dwar iż-Żrieragħ u l-Pjanti tal-Foresti”). (3) L-Iskema tal-OECD dwar iż-Żrieragħ u l-Pjanti tal-Foresti ġiet emendata fl-2013 biex tinkludi l-materjal riproduttiv tal-foresti tal-kategorija “ittestjat” minbarra l-kategoriji “sors identifikat”, “magħżul” u “kwalifikat” tal-materjal riproduttiv tal-foresti, li ilhom fl-Iskema tal-OECD dwar iż-Żrieragħ u l-Pjanti tal-Foresti mill-2011. (4) Ir-regoli nazzjonali għaċ-ċertifikazzjoni tal-materjal riproduttiv tal-foresti (“ir-regoli nazzjonali”) fil-Kanada, fin-Norveġja, fis-Serbja, fl-Iżvizzera, fit-Turkija, fir-Renju Unit u fl-Istati Uniti (“il-pajjiżi terzi speċifikati”) jipprevedu li spezzjoni uffiċjali fil-post għandha titwettaq matul il-ġbir u l-ipproċessar taż-żrieragħ u l-produzzjoni tan-nebbiet għat-tħawwil. (5) Skont ir-regoli nazzjonali tal-pajjiżi terzi speċifikati, is-sistemi għall-approvazzjoni u r-reġistrazzjoni tal-materjal bażiku u l-produzzjoni sussegwenti tal-materjal riproduttiv tal-foresti minn dak il-materjal bażiku jridu jsegwu l-Iskema tal-OECD dwar iż-Żrieragħ u l-Pjanti tal-Foresti. Barra minn hekk, dawk ir-regoli nazzjonali jirrikjedu li ż-żrieragħ u n-nebbiet għat-tħawwil tal-kategoriji “sors identifikat”, “magħżul”, “kwalifikat” u “ittestjat” ikunu uffiċjalment iċċertifikati u l-pakketti taż-żrieragħ ikunu uffiċjalment magħluqa f’konformità mal-Iskema tal-OECD dwar iż-Żrieragħ u l-Pjanti tal-Foresti. (6) Fin-nuqqas ta’ Deċiżjoni fil-livell tal-Unjoni fir-rigward tal-ekwivalenza tal-materjal riproduttiv tal-foresti tal-kategorija “ittestjat”, id-Deċiżjoni ta’ Implimentazzjoni tal-Kummissjoni (UE) 2021/773(6) awtorizzat temporanjament, sal-31 ta’ Diċembru 2024, lill-Istati Membri jiddeċiedu dwar l-ekwivalenza tal-materjal riproduttiv tal-forestimill-kategorija “ittestjat” prodott fil-pajjiżi terzi elenkati fl-Anness I tad-Deċiżjoni 2008/971/KE, li jinkludu l-pajjiżi terzi speċifikati. Dik l-awtorizzazzjoni kienet meħtieġa biex jiġi evitat kwalunkwe riskju ta’ tfixkil fl-importazzjonijiet ta’ materjal riproduttiv tal-foresti fl-Istati Membri. (7) Eżami tar-regoli nazzjonali tal-pajjiżi terzi speċifikati, fir-rigward tal-kategorija “ittestjat”, juri li l-kundizzjonijiet għall-approvazzjoni tal-materjal bażiku jitqiesu bħala ekwivalenti għal dawk stabbiliti fid-Direttiva 1999/105/KE, dment li l-kundizzjonijiet stabbiliti fl-Anness II tad-Deċiżjoni 2008/971/KE jiġu ssodisfati fir-rigward taż-żrieragħ u tan-nebbiet għat-tħawwil. (8) L-ismijiet u l-indirizzi ta’ xi awtoritajiet responsabbli għall-approvazzjoni u l-kontroll tal-produzzjoni, kif elenkat fl-Anness I tad-Deċiżjoni 2008/971/KE, inbidlu u għalhekk jeħtieġ li jiġu aġġornati. (9) Huwa possibbli li tintuża l-modifikazzjoni ġenetika għall-produzzjoni taż-żrieragħ jew tan-nebbiet għat-tħawwil tal-kategorija “ittestjat”. Għalhekk, biex jiġu żgurati għażliet infurmati għall-utenti tal-materjal riproduttiv tal-foresti, it-tikketta tal-OECD u t-tikketta jew id-dokument tal-fornitur jenħtieġ li jiddikjaraw jekk dik it-tip ta’ modifikazzjoni ntużatx fil-produzzjoni tal-materjal bażiku għal dik il-kategorija, kif isseħħ bħalissa bil-kategorija “kwalifikat”. (10) Fid-dawl taż-żieda tal-kategorija “ittestjat” fl-Anness II tad-Deċiżjoni 2008/971/KE, jenħtieġ li jiżdied anness ma’ dik id-Deċiżjoni b’tabella li tindika l-kategoriji li taħthom il-materjal riproduttiv tal-foresti mit-tipi differenti ta’ materjal bażiku jista’ jiġi importat fl-Unjoni biex jiġu żgurati ċ-ċarezza u l-applikazzjoni korretta ta’ dik id-Deċiżjoni. Dan huwa meħtieġ biex jiġu żgurati ċ-ċarezza legali, il-konsistenza mad-Direttiva 1999/105/KE, kif ukoll l-applikazzjoni korretta ta’ dawk ir-regoli u l-għażliet infurmati tal-operaturi li japplikaw dik id-Deċiżjoni. (11) Għalhekk jenħtieġ li d-Deċiżjoni 2008/971/KE tiġi emendata skont dan. (12) Minħabba l-ħtieġa li jiġi żgurat li din id-Deċiżjoni tidħol fis-seħħ qabel l-iskadenza tad-Deċiżjoni ta’ Implimentazzjoni (UE) 2021/773 fil-31 ta’ Diċembru 2024, jitqies li huwa xieraq li tiġi invokata l-eċċezzjoni għall-perjodu ta’ tmien ġimgħat prevista fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea (TUE), mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika. (13) Minħabba li l-objettiv ta’ din id-Deċiżjoni, jiġifieri li testendi r-reġim ta’ ekwivalenza għall-importazzjoni ta’ materjal riproduttiv tal-foresti stabbilit bid-Deċiżjoni 2008/971/KE għall-kategorija “ittestjat”, ma jistax jinkiseb mill-Istati Membri iżda jista’ jinkiseb biss fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-TUE. F’konformità mal-prinċipju ta’ proporzjonalità kif stabbilit f’dak l-Artikolu, din id-Deċiżjoni ma tmurx lil hinn minn dak li huwa meħtieġ sabiex jinkiseb dak l-objettiv. (14) Jenħtieġ li din id-Deċiżjoni tidħol fis-seħħ b’urġenza fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea sabiex jiġi żgurat li tidħol fis-seħħ qabel l-iskadenza tad-Deċiżjoni ta’ Implimentazzjoni (UE) 2021/773. (15) Peress li d-Deċiżjoni ta’ Implimentazzjoni (UE) 2021/773 tiskadi fl-31 ta’ Diċembru 2024, jenħtieġ li din id-Deċiżjoni tapplika mill-1 ta’ Jannar 2025 biex jiġu żgurati ċ-ċarezza legali u l-kontinwità tar-regoli rispettivi, ADOTTAW DIN ID-DEĊIŻJONI: Artikolu 1 Emendi għad-Deċiżjoni 2008/971/KE Id-Deċiżjoni 2008/971/KE hija emendata kif ġej: (1) fl-Artikolu 1, l-ewwel paragrafu huwa sostitwit b’dan li ġej:" “Din id-Deċiżjoni tiddetermina l-kundizzjonijiet li taħthom il-materjal riproduttiv tal-foresti tal-kategoriji “sors identifikat”, “magħżul”, “kwalifikat” u “ittestjat” prodotti f’pajjiż terz elenkat fl-Anness I għandu jiġi importat lejn l-Unjoni.”; "(2) fl-Artikolu 3, il-paragrafu 2 huwa sostitwit b’dan li ġej:" “2. Iż-żrieragħ u n-nebbiet għat-tħawwil tal-kategoriji “sors identifikat”, “magħżul”, “kwalifikat” u “ittestjat” tal-ispeċijiet u tal-ibridi artifiċjali tagħhom elenkati fl-Anness I tad-Direttiva 1999/105/KE, prodotti fil-pajjiżi terzi elenkati fl-Anness I ta’ din id-Deċiżjoni u ċċertifikati uffiċjalment mill-awtoritajiet tal-pajjiż terz elenkati f’dak l-Anness, għandhom jitqiesu li huma ekwivalenti għaż-żrieragħ u n-nebbiet għat-tħawwil li jikkonformaw mad-Direttiva 1999/105/KE, dment li jiġu ssodisfati l-kundizzjonijiet stabbiliti fl-Anness II ta’ din id-Deċiżjoni.”; "(3) l-Annessi huma emendati f’konformità mal-Anness ta’ din id-Deċiżjoni. Artikolu 2 Dħul fis-seħħ u applikazzjoni Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea. Għandha tapplika mill-1 ta’ Jannar 2025. Magħmul fi ..., Għall-Parlament Ewropew Għall-Kunsill Il-President Il-President ANNESS L-Annessi għad-Deċiżjoni 2008/971/KE huma emendati kif ġej: 1. L-Anness I huwa sostitwit b’dan li ġej:
”; (2) fl-Anness II, it-Taqsima C hija sostitwita b’dan li ġej: “C. Kundizzjonijiet addizzjonali marbuta mal-kategoriji “kwalifikat” u “ittestjat” taż-żrieragħ u n-nebbiet għat-tħawwil prodotti fil-pajjiżi terzi Fir-rigward taż-żrieragħ jew tan-nebbiet għat-tħawwil tal-kategoriji “kwalifikat” u “ittestjat”, it-tikketta tal-OECD u t-tikketta jew id-dokument tal-fornitur għandha tiddikjara jekk kienx hemm modifikazzjoni ġenetika jew le fil-produzzjoni tal-materjal bażiku.”; (3) jiżdied l-anness li ġej: “ANNESS III KATEGORIJI LI TAĦTHOM IL-MATERJAL RIPRODUTTIV TAL-FORESTI MIT-TIPI DIFFERENTI TA’ MATERJAL BAŻIKU JISTA’ JIĠI IMPORTAT FL-UNJONI
”.
| ||||||||||||||||||||||||||||||||||||||||||||||||||||||||||||||||||||||||||||||
| Il-mobilizzazzjoni tal-Fond Ewropew ta’ Aġġustament għall-Globalizzazzjoni: applikazzjoni EGF/2024/002 BE/Limburg makkinarju u karta - il-Belġju |
| |||||||||||||||||||||||||||||
| ||||||||||||||||||||||||||||||
Il-Parlament Ewropew, – wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2024)0370 – C10‑0166/2024), – wara li kkunsidra r-Regolament (UE) 2021/691 tal-Parlament Ewropew u tal-Kunsill tat-28 ta’ April 2021 dwar il-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG) u li jħassar ir-Regolament (UE) Nru 1309/2013(1) (“ir-Regolament dwar il-FEG”), – wara li kkunsidra r-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027(2) kif emendat bir-Regolament tal-Kunsill (UE, Euratom) 2024/765(3), u b’mod partikolari l-Artikolu 8 tiegħu, – wara li kkunsidra l-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda(4), u b’mod partikolari l-punt 9 tiegħu, – wara li kkunsidra l-prinċipji tal-Pilastru Ewropew tad-Drittijiet Soċjali, u l-miri stabbiliti fil-Pjan ta’ Azzjoni tal-Pilastru Ewropew tad-Drittijiet Soċjali, – wara li kkunsidra l-ittra tal-Kumitat għall-Impjiegi u l-Affarijiet Soċjali, – wara li kkunsidra r-rapport tal-Kumitat għall-Baġits (A10-0019/2024), A. billi l-Unjoni stabbiliet strumenti leġiżlattivi u baġitarji biex tipprovdi appoġġ addizzjonali lill-ħaddiema li jkunu qed ibatu l-konsegwenzi ta’ bidliet strutturali maġġuri fix-xejriet tal-kummerċ dinji jew tal-kriżi finanzjarja u ekonomika globali, u biex tgħinhom fl-integrazzjoni mill-ġdid tagħhom fis-suq tax-xogħol; billi din l-assistenza tingħata permezz ta’ appoġġ finanzjarju li jingħata lill-ħaddiema u lill-kumpaniji li għalihom ikunu ħadmu; B. billi l-Belġju ppreżenta l-applikazzjoni EGF/2024/002 BE/Limburg makkinarju u karta għal kontribuzzjoni finanzjarja mill-Fond Ewropew ta’ Aġġustament għall-Globalizzazzjoni (FEG), wara 681 sensja(5) fis-settur ekonomiku kklassifikat taħt id-Diviżjoni 17 (Manifattura ta’ karta u ta’ prodotti tal-karta) u 28 (Manifattura ta’ magni u tagħmir) tan-NACE Reviżjoni 2 fir-reġjun ta’ Provincie Limburg f’perjodu ta’ referenza għall-applikazzjoni mill-31 ta’ Diċembru 2023 sat-30 ta’ April 2024; C. billi l-applikazzjoni tirrigwarda 567 ħaddiem li ngħataw is-sensja fil-kumpanija Sappi Lanaken NV (karta) u 114-il ħaddiem li ngħataw is-sensja fil-kumpanija Purmo Group Belgium NV (makkinarju); D. billi l-applikazzjoni hija bbażata fuq il-kriterji ta’ intervent tal-Artikolu 4(2), il-punt (c), tar-Regolament dwar il-FEG, li jirrikjedi li tal-anqas 200 ħaddiem ikunu ngħataw is-sensja fuq perjodu ta’ referenza ta’ erba’ xhur f’intrapriżi li joperaw fl-istess setturi ekonomiċi jew f’setturi ekonomiċi differenti u li jinsabu fl-istess reġjun; E. billi l-pandemija tal-COVID-19 u l-gwerra ta’ aggressjoni Russa kontra l-Ukrajna naqqsu l-kompetittività ekonomika u għandhom impatt negattiv fuq it-tkabbir ekonomiku fil-Belġju; F. billi Sappi Lanaken kienet speċjalizzata fil-produzzjoni ta’ karta miksija mingħajr injam (WCP); billi d-domanda dejjem tonqos għall-prodotti tal-grafika li tirriżulta minn żieda fid-diġitalizzazzjoni wasslet għal kapaċità żejda dejjem tikber tal-industrija Ewropea tal-karta miksija mingħajr injam; billi l-produzzjoni f’Sappi Lanaken ma setgħetx tiġi ttrasferita għal prodotti oħra tal-karta li għalihom hemm aktar domanda mingħajr investimenti kbar u l-Grupp Sappi għalhekk iddeċieda li jwaqqaf il-produzzjoni f’Lanaken u jagħlaq l-impjant, peress li ma seta’ jiġi identifikat l-ebda xerrej xieraq, minħabba kapaċità strutturali żejda fl-industrija; G. billi l-volum tal-produzzjoni tal-Grupp Purmo tal-panel radiators ilu jonqos b’mod kostanti fuq il-perjodu 2018-2023, minn 820 000 unità fl-2018 għal 320 000 fl-2023 (- 60 %); billi meta jitqabblu l-kostijiet tal-produzzjoni tad-diversi impjanti tal-Grupp Purmo fl-Ewropa, is-sit f’Zonhoven jinsab fi żvantaġġ, peress li l-kostijiet tiegħu huma minn 17 % sa 35 % ogħla; billi l-Grupp Purmo ddeċieda li jwaqqaf il-produzzjoni tal-panel radiators ta’ 50 mm fl-impjant tiegħu ta’ Zonhoven u jagħlaq il-linja tal-produzzjoni rilevanti; billi wara s-sitwazzjoni mhux mistennija rigward id-disponibbiltà u l-prezzijiet tal-gass, li rriżultat mill-gwerra ta’ aggressjoni Russa kontra l-Ukrajna, u l-leġiżlazzjoni tal-Unjoni li bbenefikat lis-sistemi tat-tisħin b’temperatura baxxa għad-detriment tal-panel radiators, l-irkupru tad-domanda huwa improbabbli peress li s-suq tal-panel radiators se jkun dejjem aktar limitat għas-sostituzzjoni tal-unitajiet li jinsabu fl-użu; H. billi ż-żewġ kumpaniji, f’konformità mal-liġi Belġjana, segwew il-proċedura obbligatorja biex jinfurmaw u jikkonsultaw lir-rappreżentanti tal-ħaddiema u stabbilew unità tal-impjiegi, li l-għan tagħha huwa li lill-ħaddiema li ngħataw is-sensja fil-kuntest ta’ sensji kollettivi tipprovdilhom servizzi ta’ rikollokament; I. billi l-kontribuzzjonijiet finanzjarji mill-FEG għandhom ikunu diretti primarjament lejn miżuri attivi ta’ politika tas-suq tax-xogħol u servizzi personalizzati li jkollhom l-għan li jintegraw mill-ġdid u malajr lill-benefiċjarji f’impjieg deċenti u sostenibbli fis-settur tal-attività inizjali tagħhom jew barra minnu, filwaqt li jħejjuhom għal ekonomija Ewropea aktar ekoloġika u aktar diġitali; J. billi l-FEG ma għandux jaqbeż ammont annwali massimu ta’ EUR 30 miljun (fi prezzijiet tal-2018), kif stipulat fl-Artikolu 8 tar-Regolament tal-Kunsill (UE, Euratom) 2020/2093 kif emendat bir-Regolament tal-Kunsill (UE, Euratom) 2024/765; 1. Jaqbel mal-Kummissjoni li l-kundizzjonijiet stabbiliti fl-Artikolu 4(2), il-punt (c), tar-Regolament dwar il-FEG ġew issodisfati u li l-Belġju huwa intitolat għal kontribuzzjoni finanzjarja ta’ EUR 704 135 skont dak ir-Regolament, li tirrappreżenta 60 % tal-kost totali ta’ EUR 1 173 559, li jinkludi n-nefqa għal servizzi personalizzati ta’ EUR 1 126 559 u n-nefqa għall-attivitajiet ta’ tħejjija, ġestjoni, informazzjoni u pubbliċità, kontroll u rapportar ta’ EUR 47 000; 2. Jinnota li l-awtoritajiet Belġjani ppreżentaw l-applikazzjoni fid-19 ta’ Lulju 2024, u li, wara li l-Belġju pprovda informazzjoni addizzjonali, il-Kummissjoni ffinalizzat il-valutazzjoni tagħha fil-5 ta’ Novembru 2024 u nnotifikatha lill-Parlament fl-istess jum; 3. Jinnota li l-applikazzjoni tirrigwarda 567 ħaddiem li ngħataw is-sensja fil-kumpanija Sappi Lanaken u 114-il ħaddiem li ngħataw is-sensja fil-kumpanija Purmo Group Belgium; jinnota wkoll li b’kollox 632 ħaddiem se jkunu benefiċjarji fil-mira, li huma kważi esklużivament irġiel; 4. Jissottolinja li s-swieq tax-xogħol ta’ Lanaken u ta’ Zonhoven jinsabu fi żvantaġġ meta mqabbla ma’ Limburg kumplessivament jew mal-Flanders bi proporzjon tal-popolazzjoni li taħdem meta mqabbla mal-impjiegi disponibbli ferm aktar baxx milli f’Limburg kumplessivament jew fil-Flanders; jenfasizza li l-għadd ta’ impjiegi industrijali disponibbli f’Limburg naqas bi 15 % fl-2023; 5. Jirrimarka li l-profili tal-ħaddiema ssensjati, li terz minnhom għandhom l-età ta’ 55 sena jew aktar u 30 % minnhom għandhom livell baxx ta’ edukazzjoni, jissarrfu f’ostakli serji fuq is-suq tax-xogħol; jisħaq li filwaqt li titqies ix-xejra ’l isfel fil-postijiet tax-xogħol vakanti u d-distribuzzjoni ġeografika tagħha, il-ħaddiema se jeħtieġu appoġġ addizzjonali mfassal apposta għalihom biex jgħinhom jirnexxu fit-tranżizzjoni lejn impjieg; 6. Ifakkar li l-awtoritajiet Belġjani għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni u jenfasizzaw il-valur miżjud tal-Unjoni tal-intervent, billi jipprovdu informazzjoni koerenti, effettiva u mmirata lejn udjenzi multipli, inkluża informazzjoni mmirata lejn il-benefiċjarji, l-awtoritajiet lokali u reġjonali, is-sħab soċjali, il-media u l-pubbliku; 7. Iqis li hija responsabbiltà soċjali tal-Unjoni u tal-Istati Membri li jipprovdu lill-ħaddiema affettwati bil-possibbiltà li jiksbu l-kwalifiki meħtieġa għal impjieg futur, meta jitqies li t-tranżizzjoni diġitali u dik ekoloġika qed ikollhom impatt sinifikanti fuq is-setturi tagħhom filwaqt li jwasslu għal tnaqqis fid-domanda; jilqa’ l-fatt li l-pakkett ikkoordinat ta’ servizzi personalizzati tfassal mill-Belġju b’konsultazzjoni mal-benefiċjarji fil-mira, mar-rappreżentanti u mas-sħab soċjali tagħhom; 8. Jisħaq li l-appoġġ ipprovdut mill-FEG jeħtieġ li jiġi inkorporat fi strateġija akbar għall-ħaddiema affettwati u għar-reġjun, fil-livelli politiċi kollha, inkluż permezz tal-appoġġ ta’ strumenti ta’ finanzjament rilevanti tal-Unjoni, bl-għan li jiġi żgurat li ħadd ma jitħalla jibqa’ lura fit-tranżizzjonijiet diġitali u klimatiċi; 9. Ifakkar li s-servizzi personalizzati li jridu jiġu pprovduti lill-ħaddiema jikkonsistu mill-azzjonijiet li ġejjin: konsulent għall-intervent soċjali, gwida, konsulenza, u orjentazzjoni vokazzjonali, appoġġ attiv għat-tiftix ta’ impjieg, taħriġ, taħriġ mill-ġdid u taħriġ vokazzjonali, inkluż taħriġ fil-ħiliet diġitali, kif ukoll taħriġ fuq il-post tax-xogħol; 10. Jinnota li l-Belġju beda joffri servizzi personalizzati lill-benefiċjarji fil-mira fis-26 ta’ Diċembru 2023 u li għalhekk, il-perjodu ta’ eliġibbiltà għal kontribuzzjoni finanzjarja mill-FEG se jkun minn dik id-data sa 24 xahar wara d-data tad-dħul fis-seħħ tad-deċiżjoni ta’ finanzjament; 11. Jinnota li l-Belġju beda jġarrab nefqa amministrattiva biex jimplimenta l-FEG fl-20 ta’ Novembru 2023 u li għalhekk, tali nefqa għandha tkun eliġibbli għal kontribuzzjoni finanzjarja mill-FEG minn dik id-data sa 31 xahar wara d-data tad-dħul fis-seħħ tad-deċiżjoni ta’ finanzjament; 12. Jisħaq li l-awtoritajiet Belġjani kkonfermaw li l-prinċipji tat-trattament ugwali u tan-nondiskriminazzjoni se jiġu rispettati fl-aċċess għall-azzjonijiet proposti u fl-implimentazzjoni tagħhom, u li kwalunkwe finanzjament doppju se jiġi evitat; 13. Itenni li l-assistenza mill-FEG ma tridx tissostitwixxi azzjonijiet li huma r-responsabbiltà tal-kumpaniji, skont il-liġi nazzjonali jew il-ftehimiet kollettivi, jew kwalunkwe allowance jew dritt tal-ħaddiema ssensjati, biex tiġi żgurata l-addizzjonalità sħiħa tal-allokazzjoni; ifakkar li l-Istati Membri li japplikaw għal appoġġ ta’ finanzjament mill-FEG jeħtiġilhom jiżguraw li jkun hemm konformità mar-rekwiżiti stabbiliti fil-liġi nazzjonali u tal-Unjoni dwar is-sensji kollettivi u li l-kumpanija kkonċernata tkun ipprovdiet għall-ħaddiema tagħha kif xieraq; 14. Jistieden lill-awtoritajiet Belġjani u lill-Istati Membri l-oħra jieħdu l-miżuri preventivi b’mod proattiv sabiex jadattaw l-industriji għall-globalizzazzjoni u l-bidliet teknoloġiċi u ambjentali u jipproteġu lill-ħaddiema milli jitilfu l-impjiegi tagħhom u minn impatti negattivi oħra tal-globalizzazzjoni; 15. Japprova d-deċiżjoni annessa ma’ din ir-riżoluzzjoni; 16. Jagħti istruzzjonijiet lill-President tiegħu biex tiffirma din id-deċiżjoni flimkien mal-President tal-Kunsill u biex tiżgura li tiġi ppubblikata f’Il-Ġurnal Uffiċjali tal-Unjoni Ewropea; 17. Jagħti istruzzjonijiet lill-President tiegħu biex tgħaddi din ir-riżoluzzjoni, flimkien mal-anness tagħha, lill-Kunsill u lill-Kummissjoni. ANNESS DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta’ Aġġustament għall-Globalizzazzjoni għall-Ħaddiema Ssensjati wara applikazzjoni mill-Belġju – EGF/2024/002 BE/Limburg makkinarju u karta IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, Wara li kkunsidraw ir-Regolament (UE) 2021/691 tal-Parlament Ewropew u tal-Kunsill tat-28 ta’ April 2021 dwar il-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG) u li jħassar ir-Regolament (UE) Nru 1309/2013(6), u b’mod partikolari l-Artikolu 15(1), l-ewwel subparagrafu, tiegħu, Wara li kkunsidraw il-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda(7), u b’mod partikolari l-punt 9 tiegħu, Wara li kkunsidraw il-proposta tal-Kummissjoni Ewropea, Billi: (1) Il-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG) għandu l-għan li juri solidarjetà u jippromwovi impjiegi deċenti u sostenibbli fl-Unjoni billi jipprovdi appoġġ għall-ħaddiema ssensjati u għal dawk li jaħdmu għal rashom li l-attività tagħhom tkun waqfet fil-każ ta’ eventi maġġuri ta’ ristrutturar u jgħinhom jerġgħu lura f’impjieg deċenti u sostenibbli mill-aktar fis possibbli. (2) Il-FEG ma jridx jaqbeż ammont annwali massimu ta’ EUR 30 miljun (fi prezzijiet tal-2018), kif stipulat fl-Artikolu 8 tar-Regolament tal-Kunsill (UE, Euratom) 2020/2093(8), emendat bir-Regolament tal-Kunsill (UE, Euratom) 2024/765(9) u l-Artikolu 16 tar-Regolament (UE) 2021/691. (3) Fid-19 ta’ Lulju 2024, il-Belġju ppreżenta applikazzjoni għall-mobilizzazzjoni tal-FEG f’konformità mal-Artikolu 8(1) tar-Regolament (UE) 2021/691, fir-rigward tas-sensji tal-ħaddiema fis-setturi ekonomiċi kklassifikati taħt id-Diviżjoni 17 (Manifattura ta’ karta u ta’ prodotti tal-karta) u d-Diviżjoni 28 (Manifattura ta’ magni u tagħmir) tan-NACE Reviżjoni 2 fir-reġjun NUTS 2 ta’ Provincie Limburg (BE22) fil-Belġju. Din l-applikazzjoni ġiet issupplimentata b’informazzjoni addizzjonali f’konformità mal-Artikolu 8(5) tar-Regolament (UE) 2021/691. Dik l-applikazzjoni hija meqjusa konformi mal-kundizzjonijiet għall-għoti tal-kontribuzzjoni finanzjarja mill-FEG kif stipulat fl-Artikolu 13 tar-Regolament (UE) 2021/691, abbażi tal-valutazzjoni li saret mill-Kummissjoni fil-proposta għal deċiżjoni ta’ mobilizzazzjoni tal-Parlament Ewropew u tal-Kunsill(10). (4) Għalhekk, jenħtieġ li l-FEG jiġi mobilizzat sabiex jipprovdi kontribuzzjoni finanzjarja ta’ EUR 704 135 fir-rigward tal-applikazzjoni ppreżentata mill-Belġju. (5) Sabiex jitnaqqas kemm jista’ jkun iż-żmien meħud għall-mobilizzazzjoni tal-FEG, din id-Deċiżjoni jenħtieġ li tapplika mid-data tal-adozzjoni tagħha, ADOTTAW DIN ID-DEĊIŻJONI: Artikolu 1 Għall-baġit ġenerali tal-Unjoni għas-sena finanzjarja 2024, il-Fond Ewropew ta’ Aġġustament għall-Globalizzazzjoni għall-Ħaddiema Ssensjati għandu jiġi mobilizzat biex jipprovdi l-ammont ta’ EUR 704 135 f’approprjazzjonijiet ta’ impenn u ta’ pagament. Artikolu 2 Din id-deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea. Din id-deċiżjoni tapplika mill-... [data ta’ adozzjoni ta’ din id-deċiżjoni](11). Magħmul fi, Għall-Parlament Ewropew Għall-Kunsill Il-President Il-President
| ||||||||||||||||||||||||||||||
| Attivitajiet tal-Ombudsman Ewropew - rapport annwali 2023 |
| |||||||||||||||||||||||||
Il-Parlament Ewropew, – wara li kkunsidra r-rapport annwali rigward l-attivitajiet tal-Ombudsman Ewropew fis-sena 2023, – wara li kkunsidra l-Artikolu 10(3) tat-Trattat dwar l-Unjoni Ewropea, – wara li kkunsidra l-Artikoli 15, 24(3), 228 u 298(1) tat-Trattat dwar il-Funzjonament tal-Unjoni Ewropea (TFUE), – wara li kkunsidra r-Regolament (UE, Euratom) 2021/1163 tal-Parlament Ewropew tal-24 ta’ Ġunju 2021 li jistabbilixxi r-regolamenti u l-kundizzjonijiet ġenerali li jirregolaw it-twettiq tad-dmirijiet tal-Ombudsman (Statut tal-Ombudsman Ewropew) u li jħassar id-Deċiżjoni 94/262/KEFA, KE, Euratom(1), – wara li kkunsidra l-Artikoli 11, 41, 42 u 43 tal-Karta tad-Drittijiet Fundamentali tal-Unjoni Ewropea (il-Karta), – wara li kkunsidra l-Konvenzjoni tan-NU dwar id-Drittijiet tal-Persuni b’Diżabbiltà (UNCRPD), – wara li kkunsidra l-Kodiċi Ewropew ta’ Mġiba Amministrattiva Tajba, kif adottat mill-Parlament fis-6 ta’ Settembru 2001, – wara li kkunsidra l-Ftehim Qafas ta’ Kooperazzjoni konkluż bejn il-Parlament u l-Ombudsman Ewropew fil-15 ta’ Marzu 2006, li daħal fis-seħħ fl-1 ta’ April 2006, – wara li kkunsidra r-riżoluzzjonijiet preċedenti tiegħu dwar l-attivitajiet tal-Ombudsman Ewropew, – wara li kkunsidra l-Artikoli 55 u 148(2) tar-Regoli ta’ Proċedura tiegħu, – wara li kkunsidra r-rapport tal-Kumitat għall-Petizzjonijiet (A10-0016/2024), A. billi r-rapport annwali rigward l-attivitajiet tal-Ombudsman Ewropew fis-sena 2023 ġie ppreżentat formalment lill-President tal-Parlament Ewropew fit-18 ta’ April 2024 u billi l-Ombudsman, is-Sa Emily O’Reilly, ippreżentat ir-rapport tagħha lill-Kumitat għall-Petizzjonijiet fl-4 ta’ Settembru 2024 fi Brussell; B. billi l-Artikoli 20, 24 u 228 tat-TFUE jagħtu s-setgħa lill-Ombudsman Ewropew li tilqa’ lmenti li jikkonċernaw każijiet ta’ amministrazzjoni ħażina fl-attivitajiet tal-istituzzjonijiet, il-korpi, l-uffiċċji u l-aġenziji tal-Unjoni, bl-eċċezzjoni tal-Qorti tal-Ġustizzja tal-Unjoni Ewropea fl-eżerċizzju tal-funzjonijiet ġudizzjarji tagħha; C. billi l-Artikolu 15 tat-TFUE jistipula li “[s]abiex tiġi promossa t-tmexxija tajba u sabiex tiġi assigurata l-parteċipazzjoni tas-soċjetà ċivili, l-istituzzjonijiet, il-korpi u l-organi tal-Unjoni għandhom iwettqu x-xogħol tagħhom b’mod kemm jista’ jkun miftuħ” u li “[k]ull ċittadin tal-Unjoni, u kull persuna fiżika jew ġuridika li toqgħod jew li jkollha l-uffiċċju reġistrat tagħha fi Stat Membru, għandu jkollha d-dritt għall-aċċess għal dokumenti tal-istituzzjonijiet, il-korpi u l-organi tal-Unjoni”; D. billi l-Artikolu 41 tal-Karta jistabbilixxi li “[k]ull persuna għandha d-dritt li dak kollu li jirrigwardaha jiġi ttrattat b’mod imparzjali u ġust u fi żmien raġonevoli mill-istituzzjonijiet, il-korpi u l-organi tal-Unjoni”; E. billi l-Artikolu 43 tal-Karta jistabbilixxi li “[k]ull ċittadin tal-Unjoni u kull persuna fiżika jew legali li tirrisjedi jew li jkollha l-uffiċċju rreġistrat tagħha fi Stat Membru għandhom id-dritt li jirrikorru għand l-Ombudsman Ewropew f’każijiet ta’ amministrazzjoni ħażina fl-attivitajiet tal-istituzzjonijiet, tal-korpi jew tal-aġenziji tal-Unjoni, bl-eċċezzjoni tal-Qorti tal-Ġustizzja tal-Unjoni Ewropea meta tkun qed taġixxi fir-rwol ġudizzjarju tagħha”, F. billi l-Artikolu 298(1) tat-TFUE jiddikjara li “fit-twettiq tal-missjonijiet tagħhom, l-istituzzjonijiet, il-korpi u l-organi tal-Unjoni għandu jkollhom l-appoġġ ta’ amministrazzjoni Ewropea miftuħa, effiċjenti u indipendenti”; G. billi l-Ombudsman Ewropew tista’ tipproponi rakkomandazzjonijiet u tissuġġerixxi rimedji u rakkomandazzjonijiet ta’ titjib immirati biex isolvu diversi aspetti ta’ amministrazzjoni ħażina; H. billi fl-2023 l-Ombudsman fetħet 398 inkjesta, li minnhom 393 kienu bbażati fuq ilmenti u 5 kienu inkjesti fuq inizjattiva proprja, filwaqt li għalqet 372 inkjesta (369 ibbażati fuq ilmenti u 3 inkjesti fuq inizjattiva proprja); I. billi fl-2023, il-maġġoranza l-kbira tal-inkjesti kienu jinvolvu l-Kummissjoni (250 inkjesta jew 62,81 %), filwaqt li warajha kien hemm l-Uffiċċju Ewropew għas-Selezzjoni tal-Persunal (EPSO) (47 inkjesta jew 11,81 %), il-Parlament Ewropew (16-il inkjesta jew 4,02 %), u l-Aġenzija Ewropea għall-Gwardja tal-Fruntiera u tal-Kosta (Frontex) (11-il inkjesta jew 2,76 %); billi l-inkjesti li kien fadal kienu mqassma kif ġej: il-Kunsill tal-Unjoni Ewropea (7 inkjesti jew 1,76 %), l-Uffiċċju Ewropew ta’ Kontra l-Frodi (7 inkjesti jew 1,76 %), is-Servizz Ewropew għall-Azzjoni Esterna (6 inkjesti jew 1,51 %), il-Kontrollur Ewropew għall-Protezzjoni tad-Data (6 inkjesti jew 1,51 %), l-Uffiċċju tal-Proprjetà Intellettwali tal-Unjoni Ewropea (5 inkjesti jew 1,26 %), aġenziji oħra tal-UE (33 inkjesta jew 8,27 %) u istituzzjonijiet jew korpi oħra tal-UE (12-il inkjesta jew 3,01 %); J. billi fl-2023, l-akbar perċentwal tal-inkjesti tal-Ombudsman kien jikkonċerna lill-Kummissjoni, fejn l-attivitajiet amministrattivi tagħha jirċievu attenzjoni pubblika konsiderevoli, peress li hija l-eżekuttiv tal-UE; K. billi fl-inkjesti magħluqa mill-Ombudsman fl-2023, f’99 każ (26,6 %) instab li ma kienx hemm amministrazzjoni ħażina, f’206 każijiet (55,4 %) instabet soluzzjoni jew soluzzjoni parzjali, jew il-każ ġie riżolt min-naħa tal-istituzzjoni, f’4 każijiet (12,4 %) ma kienx iġġustifikat li ssir aktar investigazzjoni filwaqt li f’27 każ (7,3 %) instabet amministrazzjoni ħażina; L. billi t-tliet punti ta’ tħassib ewlenin fl-inkjesti magħluqa mill-Ombudsman fl-2023 kienu t-trasparenza u r-responsabbiltà (eż. l-aċċess għall-informazzjoni u d-dokumenti) (34,2 %), il-kultura tas-servizz (21,5 %) u r-reklutaġġ (15,3 %); billi tħassib ieħor jinkludi l-ġestjoni tajba tal-kwistjonijiet tal-persunal, l-użu xieraq tad-diskrezzjoni (inkluż fi proċeduri ta’ ksur), il-ġestjoni xierqa tal-proċeduri ta’ ksur, ir-rispett għad-drittijiet fundamentali, ir-rispett għad-drittijiet proċedurali, l-għotjiet, l-akkwist, il-kuntratti, l-etika, il-parteċipazzjoni pubblika fit-teħid tad-deċiżjonijiet tal-UE u l-ġestjoni finanzjarja tajba; M. billi fl-2023, l-Ombudsman wettqet ukoll inkjesti u inizjattivi strateġiċi usa’ fi kwistjonijiet sistemiċi fl-istituzzjonijiet tal-UE, li jkopru l-aċċess għad-dokumenti, id-drittijiet fundamentali, kwistjonijiet etiċi, ir-responsabbiltà fit-teħid ta’ deċiżjonijiet u r-reklutaġġ ta’ impjegati taċ-ċivil tal-UE; N. billi ċ-ċittadini tal-UE għandhom drittijiet wesgħin ta’ aċċess għad-dokumenti miżmuma mill-amministrazzjoni tal-UE; billi l-Ombudsman fetħet inkjesta fuq inizjattiva proprja fejn talbet lill-Kummissjoni tindirizza b’mod urġenti d-dewmien sistematiku fit-trattament tagħha tat-talbiet għal aċċess għad-dokument sabiex tiżgura li tirrispetta l-iskadenzi stabbiliti fil-liġi tal-UE dwar l-aċċess pubbliku (ir-Regolament (KE) Nru 1049/2001(2)); billi din l-inkjesta żvelat li meta individwi jitolbu rieżami ta’ deċiżjoni ta’ aċċess, magħrufa bħala talba konfermatorja, il-Kummissjoni tonqos milli tirrispetta l-iskadenzi stabbiliti fil-liġi f’85 % tal-każijiet, bil-maġġoranza tat-tweġibiet jaslu wara 60 jum; billi dan id-dewmien spiss wassal biex l-informazzjoni miksuba ma tkunx aktar utli għar-rikjedenti, u ma tħallihomx ikollhom vuċi fi żminijiet rilevanti fil-proċess tat-teħid tad-deċiżjonijiet; O. billi fl-2023 l-Ombudsman ippubblikat rapport speċjali wara l-inkjesta strateġika tagħha dwar iż-żmien li tieħu l-Kummissjoni Ewropea biex tindirizza t-talbiet għal aċċess pubbliku għad-dokumenti; billi l-Uffiċċju tal-Ombudsman issottometta dan ir-rapport lill-Parlament Ewropew bil-għan li jfittex l-appoġġ tiegħu sabiex il-Kummissjoni tiġi persważa taġixxi fuq ir-rakkomandazzjonijiet tiegħu, peress li huwa tal-opinjoni li ċ-ċittadini huma intitolati jistennew prattiki aħjar minn amministrazzjoni miftuħa, moderna u orjentata lejn is-servizzi tal-UE; P. billi r-rapport speċjali ġie diskuss fil-Kumitat għal-Libertajiet Ċivili, il-Ġustizzja u l-Intern tal-Parlament u wassal għal riżoluzzjoni tal-Parlament Ewropew bit-titolu “Iż-żmien li tieħu l-Kummissjoni Ewropea biex tittratta t-talbiet ta’ aċċess pubbliku għad-dokumenti”(3), adottata fl-14 ta’ Marzu 2024, li fiha l-Parlament esprima tħassib kbir dwar id-dewmien estrem fil-proċess tal-Kummissjoni li tagħti aċċess pubbliku għad-dokumenti mitluba u talab lill-Kummissjoni tirretifika dan id-dewmien sistematiku u sinifikanti; billi l-Parlament indika li se jikkunsidra li juża l-istrumenti parlamentari kollha disponibbli biex jindirizza l-kwistjoni; billi r-riżoluzzjoni rreferiet ukoll għan-negozjati dwar ix-xiri tal-vaċċini kontra l-COVID-19 u appellat għal żvelar xieraq mill-Kummissjoni, għal trasparenza aktar proattiva b’riżorsi umani aktar iddedikati biex jiġu indirizzati l-applikazzjonijiet konfermatorji u għal attitudni aktar miftuħa u kostruttiva lejn ir-rikjedenti; Q. billi l-Ombudsman enfasizzat il-ħtieġa ta’ monitoraġġ u infurzar xierqa tal-implimentazzjoni tar-regoli l-ġodda tal-Parlament dwar l-etika; R. billi l-Ombudsman irrikonoxxiet il-progress sinifikanti fit-tisħiħ tar-regoli dwar l-etika fil-Parlament wara l-Qatargate iżda esprimiet tħassib dwar l-implimentazzjoni u l-infurzar tagħhom; billi l-Ombudsman fetħet inkjesta separata dwar l-ispejjeż tal-ivvjaġġar imħallsa għall-Kummissjoni minn partijiet terzi mill-2021; S. billi t-trasparenza hija parti vitali minn soċjetà demokratika u għodda importanti fil-ġlieda kontra l-korruzzjoni; billi ċ-ċittadini tal-UE għandhom id-dritt għall-ogħla livell ta’ trasparenza u billi l-ogħla livell ta’ aċċessibbiltà għad-dokumenti pubbliċi huwa essenzjali biex tiġi żgurata r-responsabbiltà; T. billi fl-2023, l-Uffiċċju tal-Ombudsman kompla jqajjem is-sensibilizzazzjoni tal-pubbliku dwar ir-rwol tal-Ombudsman fiż-żamma ta’ standards għoljin ta’ ħidma fl-amministrazzjoni tal-UE u fil-protezzjoni tad-drittijiet u l-libertajiet fundamentali taċ-ċittadini; 1. Japprova r-rapport annwali għall-2023 ippreżentat mill-Ombudsman Ewropew, u jfaħħar il-preżentazzjoni eċċellenti tagħha tal-aktar fatti u ċifri importanti rigward il-ħidma tal-Ombudsman fl-2023; 2. Jifraħ lil Emily O’Reilly għall-ħidma eċċezzjonali tagħha u għall-isforzi bla heda tagħha biex tappoġġja d-demokrazija billi ssaħħaħ r-responsabbiltà u t-trasparenza tal-istituzzjonijiet, il-korpi, l-uffiċċji u l-aġenziji tal-UE, u biex tiżgura li l-amministrazzjoni tal-UE tirrispondi għat-tħassib taċ-ċittadini; 3. Jesprimi l-apprezzament tiegħu għall-kooperazzjoni kostruttiva kontinwa tal-Ombudsman Ewropew mal-Parlament Ewropew, b’mod partikolari l-Kumitat għall-Petizzjonijiet tiegħu, kif ukoll mal-istituzzjonijiet l-oħra tal-UE; 4. Jilqa’ l-pubblikazzjoni mill-Ombudsman ta’ gwida għall-aċċess għad-dokumenti tal-UE, li għandha l-għan li żżid is-sensibilizzazzjoni taċ-ċittadini dwar id-dritt tagħhom ta’ aċċess għad-dokumenti u tippermettilhom jiskrutinizzaw it-teħid ta’ deċiżjonijiet tal-UE; jemmen li huwa essenzjali li ċ-ċittadini jkomplu jingħataw informazzjoni xierqa dwar ir-rwol u l-kamp ta’ applikazzjoni tal-attivitajiet tal-Ombudsman u l-influwenza tagħha fuq l-iżvilupp tal-istituzzjonijiet tal-UE; 5. Jilqa’ r-rakkomandazzjonijiet b’segwitu għall-inkjesta fuq inizjattiva proprja tal-Ombudsman dwar iż-żmien li tieħu l-Kummissjoni biex tindirizza talbiet għal aċċess pubbliku għad-dokumenti; jistieden lill-Kummissjoni ttejjeb il-mod kif titratta tali talbiet, biex tindirizza d-dewmien sistemiku tagħha bħala kwistjoni ta’ urġenza u tirrispetta l-iskadenzi stabbiliti fir-Regolament (KE) Nru 1049/2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni; jikkondividi l-fehma tal-Ombudsman li d-dokumenti u l-informazzjoni mitluba spiss ikunu sensittivi għall-ħin u jistgħu jitilfu r-rilevanza għar-rikjedenti jekk ikun hemm dewmien; jemmen li l-Kummissjoni jeħtiġilha tippubblika b’mod proattiv dokumenti u statistika dwar kif tittratta t-talbiet dwar l-aċċess għad-dokumenti, peress li tali informazzjoni hija kruċjali biex tittejjeb it-trasparenza dwar din il-kwistjoni u tissaħħaħ r-responsabbiltà tal-Kummissjoni lejn iċ-ċittadini; jissottolinja li t-trasparenza tal-proċess tat-teħid tad-deċiżjonijiet kienet il-fokus ta’ ħafna inkjesti tal-Ombudsman, b’mod partikolari fir-rigward tal-lobbjar; 6. Jissottolinja li l-aċċess pubbliku għad-dokumenti huwa dritt fundamentali taċ-ċittadini tal-UE u pedament tad-demokrazija Ewropea; ifakkar li l-iżviluppi teknoloġiċi u soċjetali mill-adozzjoni tar-Regolament (KE) Nru 1049/2001 jirrikjedu l-allinjament tiegħu mal-kuntest diġitali l-ġdid; f’dan ir-rigward, jirrikonoxxi l-ħtieġa li ssir reviżjoni ta’ dan ir-regolament u jħeġġeġ lill-Kunsill jimpenja ruħu f’negozjati kostruttivi mal-Parlament u mal-Kummissjoni dwar ir-reviżjoni tiegħu, sabiex dawn it-tliet istituzzjonijiet ewlenin tal-UE jinbidlu f’mudelli eżemplari ta’ trasparenza u responsabbiltà pubblika għall-UE kollha; jemmen bis-sħiħ li kwalunkwe negozjati dwar ir-reviżjoni tar-Regolament (KE) Nru 1049/2001 għandhom ikunu bbażati fuq il-pożizzjoni diġà adottata mill-Parlament u li l-kamp ta’ applikazzjoni tiegħu għandu jiġi estiż għall-istituzzjonijiet, il-korpi u l-aġenziji kollha tal-UE, u b’hekk tissaħħaħ ir-responsabbiltà tal-proċess tat-teħid tad-deċiżjonijiet; ifakkar, f’dan il-kuntest, il-pożizzjoni tal-Parlament li “dokument” għandha tfisser kwalunkwe kontenut ta’ data jkun xi jkun il-mezz tiegħu (miktub fuq karta jew miżmum f’forma elettronika jew bħala ħoss jew irrekordjat f’forma viżwali jew awdjoviżwali)) dwar kwistjoni marbuta li taqa’ fl-isfera ta’ responsabbiltà ta’ istituzzjoni, korp, uffiċċju jew aġenzija tal-Unjoni(4); jisħaq li huwa essenzjali li l-istituzzjonijiet ikunu trasparenti fir-relazzjonijiet tagħhom maċ-ċittadini, kif rikonoxxut ukoll mill-Ombudsman fl-inkjesta tagħha dwar it-trasparenza tat-Trilogi(5), li fiha l-Ombudsman fehmet l-isfidi u s-sensittivitajiet partikolari fi ħdan is-sistema tal-UE ta’ negozjati interistituzzjonali iżda stiednet lill-istituzzjonijiet jagħmlu sforzi biex jegħlbu tali sfidi sabiex jippermettu l-eżerċizzju effettiv miċ-ċittadini tad-drittijiet demokratiċi tagħhom; 7. Japprova l-konklużjonijiet tar-rapport speċjali tal-Ombudsman(6) lill-Parlament Ewropew dwar iż-żmien li tieħu l-Kummissjoni Ewropea biex tindirizza t-talbiet għal aċċess pubbliku għad-dokumenti u jinsab imħasseb dwar il-valutazzjoni tal-Ombudsman li dan id-dewmien sistemiku u sinifikanti fl-ipproċessar mill-Kummissjoni tat-talbiet għal aċċess pubbliku għad-dokumenti jammonta għal amministrazzjoni ħażina; jissottolinja kemm huwa importanti li l-Kummissjoni tiddedika aktar riżorsi biex tindirizza t-talbiet konfermatorji skont ir-Regolament (KE) Nru 1049/2001, kif ukoll il-ħtieġa ta’ trasparenza aktar proattiva u approċċ aktar kostruttiv għar-rikjedenti; jistieden lill-Kummissjoni tikkoreġi din is-sitwazzjoni bħala kwistjoni ta’ prijorità billi tirriforma l-ġestjoni tagħha tal-aċċess pubbliku għad-dokumenti; ifakkar lill-Kummissjoni dwar id-dritt tal-Parlament li jressaq azzjoni kontriha quddiem il-Qorti tal-Ġustizzja tal-Unjoni Ewropea (QĠUE) u jistenna impenn ċar u inekwivoku mill-Kulleġġ tal-Kummissarji l-ġdid biex jirrimedja din is-sitwazzjoni; 8. Jieħu nota tal-inkjesta tal-Ombudsman dwar sa liema punt il-Parlament Ewropew, il-Kunsill tal-Unjoni Ewropea u l-Kummissjoni Ewropea japplikaw id-dritt tal-UE u d-deċiżjonijiet tal-QĠUE fir-rigward ta’ talbiet għal aċċess pubbliku għal dokumenti leġiżlattivi, li fiha l-Ombudsman saħqet fuq il-ħtieġa li jiġi żgurat aċċess pubbliku f’waqtu għad-dokumenti leġiżlattivi kif ukoll li tiġi ffaċilitata l-parteċipazzjoni taċ-ċittadini tal-UE fil-proċess tat-tfassil tal-liġijiet tal-UE; jirrikonoxxi l-importanza tat-trattament f’waqtu tat-talbiet għal aċċess għad-dokumenti mill-istituzzjonijiet kollha fit-trawwim ta’ sens ta’ fiduċja fil-proċess leġiżlattiv tal-UE, li huwa bbażat fuq il-prinċipji ewlenin tat-trasparenza u l-aċċess pubbliku għall-informazzjoni, kif ikkonfermat mill-ġurisprudenza tal-QĠUE; ifakkar li skont il-ġurisprudenza tal-QĠUE, l-istituzzjonijiet tal-UE jistgħu jirrifjutaw biss li jiżvelaw dokumenti leġiżlattivi f’ċirkostanzi eċċezzjonali u r-raġunament tagħhom biex jagħmlu dan irid ikun ibbażat fuq fatti speċifiċi u tanġibbli; 9. Jinnota l-intenzjoni tal-Ombudsman li twettaq inkjesta usa’ dwar kif il-kamp ta’ applikazzjoni tal-informazzjoni ambjentali u l-informazzjoni relatata mal-emissjonijiet fl-ambjent huwa interpretat mill-Kummissjoni; jinsab partikolarment imħasseb li l-Ombudsman sabet amministrazzjoni ħażina fir-rifjut tal-Kummissjoni li tipprovdi aċċess għal dokumenti dwar l-emissjonijiet ta’ gassijiet serra tal-industrija taċ-ċeramika rrapportati fl-ambitu tal-Iskema tal-UE għall-Iskambju ta’ Kwoti tal-Emissjonijiet; jiddispjaċih li l-Kummissjoni rrifjutat is-soluzzjoni proposta tal-Ombudsman u naqset li tiżgura t-trasparenza meħtieġa kif ukoll li tagħti l-effett sħiħ tar-Regolament (KE) Nru 1367/2006 tal-Parlament Ewropew u tal-Kunsill tas-6 ta’ Settembru 2006 dwar l-applikazzjoni tad-dispożizzjonijiet tal-Konvenzjoni ta’ Aarhus dwar l-Aċċess għall-Informazzjoni, Parteċipazzjoni Pubblika fit-teħid tad-Deċiżjonijiet u Aċċess għall-Ġustizzja f’Materji Ambjentali għall-istituzzjonijiet u l-korpi tal-Komunità(7) u tal-Konvenzjoni ta’ Aarhus; jistieden lill-Kummissjoni tiggarantixxi l-aċċess pubbliku għall-informazzjoni ambjentali, f’konformità mad-dritt tal-UE u l-ġurisprudenza relatata tal-QĠUE, u tippromwovi l-parteċipazzjoni pubblika fit-teħid ta’ deċiżjonijiet relatati mal-ambjent; huwa mħasseb li r-rifjut tal-Kummissjoni li tipprovdi aċċess għad-dokumenti kollha mitluba dwar l-emissjonijiet ta’ gassijiet serra rrapportati fl-ambitu tal-Iskema tal-UE għall-Iskambju ta’ Kwoti tal-Emissjonijiet, jestendi għal aktar faċilitajiet industrijali, minbarra l-industrija taċ-ċeramika, u jistieden lill-Ombudsman tkompli s-sensibilizzazzjoni dwar is-sejbiet tal-investigazzjoni bil-ħsieb li tkabbar it-trasparenza; ifakkar li għadd konsiderevoli ta’ petizzjonijiet lill-Parlament Ewropew jikkonċernaw in-nuqqas ta’ informazzjoni ambjentali jew l-aċċess limitat għaliha; 10. Jistieden lill-Kunsill jippermetti aċċess pubbliku sħiħ għall-opinjoni legali dwar id-Direttiva (UE) 2022/2041 tal-Parlament Ewropew u tal-Kunsill tad-19 ta’ Ottubru 2022(8) dwar pagi minimi adegwati fl-Unjoni Ewropea, kif irrakkomandat mill-Ombudsman, li sabet evidenza ta’ amministrazzjoni ħażina f’din il-kwistjoni; 11. Jappoġġja lill-Ombudsman fl-isforzi tagħha biex tkompli tikkontribwixxi għall-kjarifika ta’ x’jikkostitwixxi dokument tal-UE u jisħaq li l-istituzzjonijiet tal-UE għandhom isegwu r-rakkomandazzjonijiet tal-Ombudsman sabiex jadattaw il-prattiki amministrattivi tagħhom biex iqisu l-mezzi ta’ komunikazzjoni li qed jevolvu; jissottolinja li d-dritt taċ-ċittadini għall-aċċess pubbliku għall-informazzjoni japplika għal dokumenti fiżiċi bil-miktub u elettroniċi, kif ukoll għal reġistrazzjonijiet awdjo u awdjoviżivi relatati mal-politiki, l-attivitajiet u d-deċiżjonijiet tal-istituzzjonijiet tal-UE, u jfakkar li l-messaġġi testwali relatati max-xogħol u l-messaġġi istantanji jitqiesu bħala “dokumenti” skont ir-Regolament (KE) Nru 1049/2001; jiddispjaċih għall-każijiet fejn il-Kummissjoni naqset milli tagħti aċċess pubbliku għal dokumenti fil-forma ta’ emails jew messaġġi testwali, bħal dawk rigward l-abbozz ta’ strateġiji tal-UE dwar il-ħamrija, il-foresti u l-adattament għat-tibdil fil-klima jew skambji bejn il-President tal-Kummissjoni u l-uffiċjal kap eżekuttiv ta’ kumpanija farmaċewtika fir-rigward tax-xiri ta’ vaċċini kontra l-COVID-19; 12. Japprezza l-impenn tal-Ombudsman li tiddefendi d-drittijiet fundamentali fl-azzjonijiet relatati mal-migrazzjoni; jinnota li l-Ombudsman talbet kjarifika ulterjuri mill-Kummissjoni dwar kif biħsiebha tiggarantixxi r-rispett għad-drittijiet tal-bniedem fil-kuntest tal-Memorandum ta’ Qbil bejn l-UE u t-Tuneżija, fi sforz biex tiżgura li l-UE tikkonforma mal-obbligi tagħha dwar id-drittijiet tal-bniedem; jisħaq li l-istituzzjonijiet, il-korpi u l-aġenziji kollha tal-UE għandhom obbligu li jirrispettaw id-drittijiet tal-bniedem u l-libertajiet fundamentali kif deskritt fit-Trattati u fil-Karta; 13. Jilqa’ d-deċiżjoni tal-Kummissjoni li taħdem mal-awtoritajiet nazzjonali u lokali biex tfassal valutazzjoni tal-impatt fuq id-drittijiet fundamentali tal-faċilitajiet tal-ġestjoni tal-migrazzjoni ffinanzjati mill-UE, wara inkjesta rilevanti fuq inizjattiva proprja mill-Ombudsman; 14. Jilqa’ l-inkjesti tal-Ombudsman wara l-iskandlu tal-Qatargate fil-Parlament; jappoġġja bil-qawwa l-konklużjonijiet tal-Ombudsman li r-regoli etiċi u kontra l-korruzzjoni tal-UE jeħtieġ li jiġu rispettati u msaħħa mill-istituzzjonijiet tal-UE u li l-implimentazzjoni tar-riformi tal-Parlament f’dan il-qasam trid tiġi mmonitorjata kif xieraq u infurzata fil-livelli kollha; jenfasizza l-ħtieġa li l-Parlament u l-Kummissjoni dejjem jagħtu attenzjoni mill-qrib lill-prattiki ta’ lobbjar diretti u indiretti sabiex jidentifikaw il-lakuni u n-nuqqasijiet li jistgħu jikkompromettu t-trasparenza u r-responsabbiltà u jżidu r-riskju ta’ kunflitti ta’ interess potenzjali; jilqa’ l-progress sinifikanti li sar fil-Kodiċi ta’ Kondotta attwali għall-Membri tal-Parlament Ewropew fir-rigward tal-integrità u t-trasparenza, u jħeġġeġ lill-Ombudsman tkompli, fejn xieraq, timmonitorja l-proċess ta’ implimentazzjoni tiegħu; jissottolinja li r-regoli dwar l-etika għandhom jiġu segwiti b’mod rigoruż sabiex terġa’ tinkiseb il-fiduċja taċ-ċittadini fl-istituzzjonijiet Ewropej; 15. Jenfasizza r-rwol essenzjali ta’ trasparenza, ta’ amministrazzjoni tajba u ta’ kontrolli u bilanċi istituzzjonali fil-ħidma tal-istituzzjonijiet tal-UE; 16. Jieħu nota tal-investigazzjonijiet tal-Ombudsman dwar ir-riskji ta’ kunflitti ta’ interess fil-Kummissjoni, speċjalment fil-qasam tal-Fond Ewropew għad-Difiża, inkluż il-fatt li l-Kummissjoni mhijiex meħtieġa tippubblika l-ismijiet tal-esperti li hi tikkonsulta fir-rigward tal-proġetti relatati mal-Fond Ewropew għad-Difiża; f’dan il-kuntest, jindika s-suġġeriment tal-Ombudsman li l-Kummissjoni għandha tippubblika b’mod proattiv id-dikjarazzjonijiet ta’ interess magħmula mill-membri tal-Bord tal-Iskrutinju Regolatorju u, jekk meħtieġ, temenda r-regoli rilevanti li jirregolaw il-Bord; 17. Jieħu nota tal-istedina tal-Ombudsman lill-Bank Ewropew tal-Investiment (BEI) biex itejjeb ir-regoli tiegħu dwar il-kunflitti ta’ interess u jsaħħaħ ir-rwol ta’ sorveljanza tal-Kumitat tal-Etika u l-Konformità tiegħu, wara ċ-ċaqliq tal-Viċi President tiegħu biex isir l-uffiċjal kap eżekuttiv ta’ bank promozzjonali nazzjonali; iħeġġeġ lill-Ombudsman, f’dan ir-rigward, tkompli tiffoka fuq il-kwistjoni tal-perjodi ta’ preklużjoni u r-revolving doors minn membri għolja tal-persunal tal-istituzzjonijiet, l-aġenziji u l-korpi kollha tal-UE sabiex jiġu żgurati l-ogħla standards etiċi ta’ trasparenza u responsabbiltà pubblika; 18. Jilqa’ l-bidliet tal-Kummissjoni fil-gwida interna tagħha dwar l-akkwist pubbliku, ivvalutati b’mod pożittiv mill-inkjesta tal-Ombudsman, li jsaħħu t-trattament tagħha tal-kunflitti ta’ interess professjonali potenzjali fis-sejħiet għall-offerti; 19. Iħeġġeġ lill-Kummissjoni żżid l-isforzi tagħha biex iżżid it-trasparenza fir-rigward tal-Faċilità għall-Irkupru u r-Reżiljenza u jistieden lill-Kummissjoni ttejjeb it-trattament tagħha tat-talbiet għal aċċess pubbliku għal dokumenti relatati mal-Faċilità għall-Irkupru u r-Reżiljenza u tkompli tippubblika valutazzjonijiet preliminari tat-talbiet għal pagament tal-Istati Membri; 20. Jilqa’ d-deċiżjoni tal-Ombudsman li tiftaħ inkjesta fuq inizjattiva proprja dwar id-dewmien tal-Kummissjoni relatat mal-ġestjoni tar-riskju ta’ sustanzi kimiċi perikolużi, li l-għan tagħha huwa li teżamina d-dewmien fl-introduzzjoni ta’ restrizzjonijiet biex jiġu mitigati r-riskji ta’ sustanzi kimiċi speċifiċi u fit-tqegħid ta’ sustanzi kimiċi fil-lista ta’ sustanzi fejn l-użu jkun soġġett għal awtorizzazzjoni minn qabel; 21. Jinsab imħasseb li l-Ombudsman identifikat diversi kwistjonijiet ta’ trasparenza fl-interazzjonijiet tal-Kummissjoni mal-industrija tat-tabakk; jinnota, madankollu, li l-Kummissjoni impenjat ruħha li tkompli tivvaluta l-esponiment tad-dipartimenti tagħha għal-lobbjar mill-industrija tat-tabakk; ifakkar lill-Kummissjoni li l-UE u l-Istati Membri kollha tagħha huma firmatarji tal-Konvenzjoni Qafas tal-Organizzazzjoni Dinjija tas-Saħħa dwar il-Kontroll tat-Tabakk u li għalhekk huma obbligati, jistabbilixxu u jimplimentaw il-politiki tas-saħħa pubblika tagħhom fir-rigward tal-kontroll tat-tabakk, jieħdu azzjoni biex jipproteġu dawn il-politiki minn interessi kummerċjali u drittijiet akkwiżiti oħra tal-industrija tat-tabakk; 22. Ifakkar fl-obbligu imperattiv tal-istituzzjonijiet tal-UE li jiżguraw is-servizzi ta’ uffiċjali indipendenti u kwalifikati sew reklutati b’mod miftuħ u b’bilanċ ġeografiku xieraq bejn in-nazzjonalitajiet u l-lingwi. jirrimarka li l-Ombudsman wettqet inkjesta dwar kif l-Uffiċċju Ewropew għas-Selezzjoni tal-Persunal (EPSO) iwettaq testijiet ta’ “preselezzjoni” bħala parti minn proċedura għar-reklutaġġ ta’ persunal ġdid fis-servizz ċivili tal-UE, u identifikat kwistjonijiet li jikkonċernaw l-organizzazzjoni ta’ testijiet li jitwettqu esklużivament mill-bogħod; jistieden lill-EPSO jtejjeb il-proċeduri ta’ reklutaġġ tiegħu billi jiżgura li r-rekwiżiti tekniċi ma jkunux ta’ żvantaġġ għal ċerti kandidati u jipprovdi informazzjoni ċara lill-kandidati; huwa tal-fehma li l-kandidati għandhom jingħataw l-għażla, jekk jixtiequ, li jipparteċipaw f’dawn it-testijiet filwaqt li jkunu fiżikament preżenti f’ċentru tal-ittestjar, kif kienet il-prattika komuni qabel il-pandemija tal-COVID-19; 23. Jilqa’ l-fatt li, fl-2023, l-Uffiċċju tal-Ombudsman Ewropew kompla jippubbliċizza r-rwol tiegħu u jippromwovi l-ħidma tiegħu mal-akbar udjenza possibbli u pparteċipa fl-Avveniment Ewropew taż-Żgħażagħ (EYE2023); jisħaq fuq l-importanza tad-diskussjoni organizzata mill-Ombudsman bil-parteċipazzjoni tal-Kummissjoni u tal-Parlament dwar il-konformità mal-qafas ta’ integrità tal-amministrazzjoni tal-UE; 24. Jilqa’ l-inkjesti tal-Ombudsman b’segwitu għal ilmenti minn persuni b’diżabbiltà, u jinkoraġġixxiha fil-ħidma tagħha bħala parteċipant attiv fil-Qafas tal-UE għall-UNCRPD; jenfasizza l-importanza tal-impenn tal-Ombudsman li timmonitorja l-implimentazzjoni mill-amministrazzjoni tal-UE tal-UNCRPD u jistieden lill-istituzzjonijiet kollha tal-UE jagħtu l-akbar attenzjoni lir-rakkomandazzjonijiet tal-Ombudsman fl-inkjesti relatati mad-drittijiet tal-persuni b’diżabbiltà; japprezza l-presidenza tal-Ombudsman fl-2023 tal-Qafas tal-UE għall-UNCRPD u l-ħidma kontinwa tagħha bħala membru ta’ dak il-qafas; 25. Jisħaq li l-“Att Ewropew dwar l-Aċċessibbiltà”(9) ġie adottat fis-17 ta’ April 2019 u li l-iskadenza stabbilita fih għat-traspożizzjoni tiegħu mill-Istati Membri kienet it-28 ta’ Ġunju 2022; jissottolinja li l-iskop ewlieni tal-Att Ewropew dwar l-Aċċessibbiltà kien li jagħmel il-ħajja aktar faċli għal mill-anqas 87 miljun persuna b’diżabbiltà, filwaqt li jiffaċilita l-aċċess tagħhom għal, fost affarijiet oħra, it-trasport pubbliku, is-servizzi bankarji, il-kompjuters, is-settijiet tat-televixin, il-kotba elettroniċi u l-ħwienet online; jiddispjaċih ħafna li l-Istati Membri kollha għadhom qed jonqsu milli jiżguraw it-traspożizzjoni sħiħa u konsistenti tiegħu u qed ikomplu jakkumulaw dewmien, kif ikkonfermat mill-proċedimenti ta’ ksur li għaddejjin bħalissa mnedija kontrihom kollha mill-Kummissjoni; jistieden lill-Ombudsman tqajjem dan il-ksur serju ħafna tad-dritt tal-UE, li jimmina serjament id-drittijiet tal-persuni b’diżabbiltà, bħala parti mill-attivitajiet ġenerali mwettqa fil-qafas tal-UE għall-UNCRPD, sabiex tgħin ħalli tinstab soluzzjoni f’dan ir-rigward bħala kwistjoni ta’ prijorità; 26. Jilqa’ l-inkjesta tal-Ombudsman dwar kif il-Kummissjoni Ewropea tapplika r-regola skont ir-Regolamenti tal-Persunal tal-UE dwar l-irduppjar tal-allowance għat-tfal biex tassisti fil-kura tat-tfal b’diżabbiltajiet; jilqa’ l-inizjattiva tal-Kummissjoni, f’dan ir-rigward, li tipproċedi għall-amministrazzjoni kollha tal-UE biex tirrevedi r-regoli applikabbli sabiex tiżgura valutazzjoni sostantiva individwali tal-applikazzjonijiet kollha għal dan it-tip ta’ allowance; 27. Jenfasizza l-importanza tan-Network Ewropew tal-Ombudsmen u tal-laqgħat annwali ospitati flimkien mal-ombudsmen nazzjonali u reġjonali permezz tan-Network Ewropew tal-Ombudsmen biex titqajjem aktar sensibilizzazzjoni dwar x’tista’ tagħmel l-Ombudsman Ewropew għaċ-ċittadini Ewropej; iħeġġeġ lill-Ombudsman tkompli tipparteċipa fl-iskambji ta’ esperjenza u l-aħjar prattika mal-ombudsmen nazzjonali permezz tan-Network Ewropew tal-Ombudsmen; jieħu nota tal-fatt li l-konferenza annwali tan-Network Ewropew tal-Ombudsmen tal-2023 iffokat fuq il-protezzjoni tad-drittijiet tal-bniedem u l-indirizzar tal-benefiċċji u l-iżvantaġġi potenzjali tal-użu tal-IA fl-amministrazzjoni pubblika; iħeġġeġ lill-organizzazzjonijiet tas-soċjetà ċivili jużaw aħjar is-servizzi tal-Ombudsman Ewropew biex jeżerċitaw skrutinju tal-istituzzjonijiet tal-UE, jiggarantixxu t-trasparenza u t-trattament tal-każijiet ta’ nuqqas ta’ konformità mad-dritt tal-Unjoni; jilqa’ l-adeżjoni tal-Istituzzjoni tal-Ombudsman għad-Drittijiet tal-Bniedem tal-Bożnija-Ħerzegovina man-Network Ewropew tal-Ombudsmen; jistieden lill-Ombudsman issaħħaħ il-kooperazzjoni mal-uffiċċji nazzjonali tal-ombudsmen tal-pajjiżi kandidati tal-UE sabiex tissaħħaħ il-kapaċità tal-awtoritajiet pubbliċi ta’ dawk il-pajjiżi biex jallinjaw ruħhom mal-istandards tal-UE f’termini ta’ amministrazzjoni tajba, ta’ integrità u ta’ responsabbiltà; 28. Jitlob li titkompla l-kooperazzjoni mill-qrib bejn l-Ombudsman u l-Kumitat għall-Petizzjonijiet tal-Parlament Ewropew, li għandhom il-missjoni kondiviża li jqarrbu l-istituzzjonijiet tal-UE lejn iċ-ċittadini; jesprimi l-apprezzament kbir tiegħu għall-attenzjoni u s-segwitu li l-Ombudsman tagħti lill-ilmenti kollha, inkluż ir-riferiment tal-ilmenti, li jaqgħu barra mill-mandat tagħha, fir-rigward tal-implimentazzjoni tal-leġiżlazzjoni tal-UE lil awtorità rilevanti oħra jew lill-Kumitat għall-Petizzjonijiet tal-Parlament; iħeġġeġ lill-Uffiċċju tal-Ombudsman ikompli bl-isforzi tiegħu favur dak l-għan, peress li l-kooperazzjoni mal-Kumitat għall-Petizzjonijiet, l-informazzjoni f’waqtha u l-aċċess għad-dokumenti fl-24 lingwa uffiċjali kollha tal-UE jistgħu jżidu l-parteċipazzjoni effettiva taċ-ċittadini u tas-soċjetà ċivili fil-proċess tat-teħid tad-deċiżjonijiet; 29. Japprezza li r-rata ta’ aċċettazzjoni għall-2023 mill-istituzzjonijiet tal-UE, jiġifieri l-perċentwal ta’ tweġibiet pożittivi għall-għadd totali ta’ proposti magħmula mill-Ombudsman biex jikkoreġu jew itejbu l-prattiki amministrattivi tagħhom, kienet ta’ 81 %, u dan jirrappreżenta titjib mis-sena preċedenti; jemmen bis-sħiħ, madankollu, li l-istituzzjonijiet, l-aġenziji, il-korpi u l-uffiċċji tal-Unjoni, jeħtiġilhom jikkonformaw bis-sħiħ u b’mod konsistenti mas-soluzzjonijiet, ir-rakkomandazzjonijiet u s-suġġerimenti kollha tal-Ombudsman; 30. Ifaħħar lill-Ombudsman għar-relazzjoni ta’ ħidma kostruttiva kontinwa tagħha mal-Kummissjoni, li hija l-istituzzjoni tal-UE affettwata mill-maġġoranza tal-inkjesti tal-Ombudsman; jinnota li din ir-relazzjoni tgħin lill-Kummissjoni tagħmel il-proċeduri amministrattivi tagħha aktar effiċjenti u aktar trasparenti; 31. Japprezza u jilqa’ l-isforzi tal-Ombudsman u tal-uffiċċju tagħha biex itejbu kontinwament il-proċeduri interni tagħhom biex jiżguraw li l-ilmentaturi jkollhom esperjenza ottimali u li l-ilmenti jiġu indirizzati bl-aktar mod effiċjenti possibbli; iħeġġeġ l-isforzi tal-Ombudsman biex tkompli ttejjeb il-viżibbiltà tal-attivitajiet tagħha u jilqa’ t-titjib fis-sistema tal-ilmenti online tal-Ombudsman, li għamilha aktar faċli għall-utent; jilqa’ s-sit web multilingwi tal-Ombudsman, li jirrifletti l-impenn tal-Ombudsman li toffri assistenza fl-24 lingwa uffiċjali tal-UE; jenfasizza l-importanza li jiġi garantit aċċess sħiħ għall-persuni b’diżabbiltà għall-firxa sħiħa ta’ riżorsi pprovduti mill-UE liċ-ċittadini tagħha, speċjalment permezz ta’ servizzi sistematiċi ta’ traduzzjoni u interpretazzjoni offruti fil-lingwi uffiċjali kollha, inkluża l-lingwa tas-sinjali; 32. Jagħti istruzzjonijiet lill-President tiegħu biex tgħaddi din ir-riżoluzzjoni u r-rapport tal-Kumitat għall-Petizzjonijiet lill-Kunsill, lill-Kummissjoni, lill-Ombudsman Ewropew, lill-gvernijiet u lill-parlamenti tal-Istati Membri kif ukoll lill-ombudsmen tagħhom jew lill-entitajiet kompetenti simili.
| ||||||||||||||||||||||||||
| Avviż legali - Politika tal-privatezza |