Tuarastail agus pinsin 

Tuarastail

Socraítear tuarastail ag 38.5 % de bhuntuarastal breithimh CBAE, mar a leagtar amach i Reacht na bhFeisirí Eorpacha (Airteagal 10). Tuilleann na FPEnna uile an tuarastal céanna.

Is é €10.802,91 comhlán tuarastal míosúil FPE agus €8.419,90 glan, tar éis cánacha agus ranníocaíochtaí árachais AE a asbhaint (figiúirí amhail 01/07/2024). Tagann na cistí as buiséad na Parlaiminte.

Ós rud é go bhféadfaidh na Ballstáit tobhaigh náisiúnta bhreise a fhorchur, braitheann na glanfhigiúirí deiridh ar chóras cánach thír thionscnaimh an Fheisire.

Pinsin

Tá iar-Fheisirí i dteideal pinsin nuair a bhaineann siad 63 bliana d’aois amach, i gcomhréir le hAirteagal 14 de Reacht na bhFeisirí.

Is ionann é agus 3.5 % dá dtuarastal do gach bliain iomlán in oifig agus aon dóú cuid déag de do gach mí iomlán eile, ach níl sé níos mó ná 70 % san iomlán. Is as buiséad an Aontais Eorpaigh a íoctar é.