Kronoloġija: Stadji importanti fil-ġlieda tal-UE għad-drittijiet tan-nisa (video)
Id-drittijiet ugwali fl-UE ħadu spinti kbar, iżda l-pandemija tal-Covid-19 tista’ tqegħidhom f’riskju. Ara l-video biex titgħallem aktar dwar uħud mill-istadji importanti.
Il-pandemija tal-Covid-19 kellha impatt sproporzjonat fuq in-nisa, li jammontaw għall-maġġoranza tal-ħaddiema fis-servizzi essenzjali, inklużi l-kura tas-saħħa, il-kura personali u l-bejgħ.
Aqra fatti u ċifri dwar l-impatt tal-Covid-19 fuq in-nisa
L-ugwaljanza bejn il-ġeneri hija valur fundamentali tal-UE iżda għad hemm ħafna sfidi u l-Parlament Ewropew sejjaħ għal azzjoni biex jindirizzahom, partikolarment peress li l-inugwaljanzi ġew aggravati mill-pandemija.
L-ugwaljanza bejn in-nisa u l-irġiel għandha tkun żgurata fl-oqsma kollha, inklużi l-impjiegi, ix-xogħol u l-pagi
Skopri kif il-Parlament Ewropew jiġġieled għall-ugwaljanza bejn il-ġeneri
Hekk kif il-Parlament jimmarka l-Jum Internazzjonali tan-Nisa fit-8 ta’ Marzu, sib x’azzjoni ħa dan l-aħħar biex ittejjeb l-ugwaljanza bejn il-ġeneri:
- Niggarantixxu l-ġustizzja fil-klima - l-adozzjoni ta' miżuri biex jittaffa l-impatt tat-tibdil fil-klima fuq in-nisa (2017)
- Il-ġlieda kontra l-fastidju sesswali fuq il-post tax-xogħol, post pubbliku, ħajja politika, online u offline (2018)
- L-adozzjoni ta' regoli ġodda dwar il-bilanċ bejn ix-xogħol u l-ħajja privata bi standards minimi ogħla għal-leave tal-ġenituri u tal-carers (2019)
- Jappella għal miri speċifiċi ta' tnaqqis, investiment, arranġamenti ta' ħidma u taħriġ biex tingħalaq id-differenza fil-pagi bejn il-ġeneri (2020)
- Jappella għall-qerda tal-mutilazzjoni ġenitali femminili (2020)
- Il-promozzjoni tal-parteċipazzjoni tan-nisa fl-ekonomija diġitali u l-proposta ta' miżuri biex tiġi indirizzata d-differenza diġitali bejn il-ġeneri u t-tħeġġiġ tal-bniet jistudjaw ix-xjenza, it-teknoloġija, il-matematika tal-inġinerija kif ukoll is-suġġetti tal-ICT (2021)
- Itenni s-sejħa għall-pajjiżi biex jirratifikaw il-Konvenzjoni ta' Istanbul li tiġġieled il-vjolenza sessista (2021)
In-nisa mhux biss jistgħu jifilħu għal kwalunkwe kriżi, iżda huma wkoll fuq quddiem fil-politika futura. Ejja fl-aħħar nagħmlu lis-seklu 21 is-seklu tan-nisa
Il-ġeneru u l-irkupru
Il-Parlament irid li l-Kummissjoni Ewropea u l-pajjiżi tal-UE jallokaw riżorsi biex jgħinu lin-nisa jirkupraw mill-kriżi, b’mod partikolari fir-rigward tal-impjiegi, il-vjolenza u d-drittijiet tas-saħħa. Irid ukoll li l-ugwaljanza bejn il-ġeneri tkun waħda mill-prijoritajiet tal-Konferenza li jmiss dwar il-Futur tal-Ewropa.
Fit-8 ta' Marzu, il-Parlament se jfakkar il-Jum Internazzjonali tan-Nisa waqt is-sessjoni plenarja tiegħu. Ftit jiem qabel, fl-4 ta' Marzu il-kumitat għad-drittijiet tan-nisa se jospita l-avveniment We are strong: women leading the fight against Covid-19.
Ara l-avveniment online fl-4 ta' Marzu mid-9.00 CET.
Tgħallem aktar
- Covid-19: il-ħtieġa għal rispons abbażat fuq il-ġeneru (Frar 2021) [EN]
- Sfidi li ġejjin għad-drittijiet tan-nisa: aktar minn 25 sena wara d-dikjarazzjoni ta’ Beijing (11.02.2021)
- Il-perspettiva tal-ġeneri fil-kriżi tal-Covid-19 u l-perjodu ta’ wara l-kriżi (21.01.2021)
- Il-kisba tal-ugwaljanza bejn il-ġeneri quddiem il-pandemija u l-isfidi eżistenti (Jannar 2021) [EN]
- Infografika: Il-kriżi tal-corona virus - firda emerġenti bejn il-ġeneri? (Marzu 2021) [EN]
- Id-differenza bejn il-ġeneri fl-impjieg pubbliku u t-tmexxija tal-UE (Marzu 2021) [EN]
