La a w ap jwenn atik ki enterese moun kounye a — nouvo pwogram, enstriksyon resan oswa rapèl ki vin nan bon moman yo. Mizajou enpo ak nouvèl ki soti nan IRS Paj Mizajou enpo ak nouvèl ki soti nan IRS la fèt pou ede nenpòt moun, kit y ap prepare deklarasyon enpo yo kounye a, oswa y ap tann tretman yon deklarasyon, oswa yon ranbousman ak dènye mizajou sou lèt IRS yo ak avi yo. Li genyen tou nouvo mizajou yo pral parèt nan tèt paj sa a. IRS pral bay enfòmasyon enpòtan tou atravè rezo sosyal yo. Mizajou sou inisyativ ranfòsman IRS yo IRS te pataje dènye aktyalizasyon trimetriyèl sou Plan Operasyon Estratejik IRS la (an anglè), ki mete aksan sou etap enpòtan nan envestigasyon kriminèl yo, amelyorasyon nan sèvis kontribyab yo ak avansman nan modènizasyon dijital ki te amelyore operasyon ajans lan e ki te pwoteje plizyè milya dola kontribyab yo. Ajans la te anonse tou nouvo rezilta nan nouvo inisyativ ranfòsman ki vize pou amelyore konfòmite kontribyab yo. Ekspansyon nan Kont Enpo Biznis yo Kont Enpo Biznis (BTA) te ajoute nouvo karakteristik itil (an anglè), ki fè zouti oto-sèvis sou entènèt pou kontribyab biznis yo disponib pou Kòporasyon C yo. Anplis de sa, yon Ofisyèl Deziyen (DO) kapab kounye a jwenn aksè nan BTA sou non sosyete S yo oswa sosyete C yo. Nouvo karakteristik yo enkli tou deklarasyon enpo, kont enpo ak transkripsyon antite pou ane fiskal aktyèl la ak kèk ane fiskal anvan yo. Rapèl pou retrete yo IRS ankouraje anpil retrete pou yo fè retrè obligatwa nan plan retrèt yo nan dat limit fen ane a. Ajans la raple kontribyab ki gen laj 73 an oswa plis dat limit pou yo pran distribisyon minimòm obligatwa (RMD) (an anglè) nan aranjman pou pran retrèt endividyèl (IRA) ak lòt plan pou pran retrèt, epi mete aksan sou mizajou ki prezante nan Lwa SECURE 2.0 a. IRS te fèk raple pwopriyetè IRA ki gen laj 70½ ak plis ke yo ka fè jiska $105 000 nan don charitab san enpo pandan 2024. atravè distribisyon charitab kalifye. Pou moun ki gen 73 an oswa plis, distribisyon charitab ki kalifye (QCD) konte tou nan RMD ane a. Pran prekosyon nou ak pwomotè fwòd enpo yo IRS avèti kontribyab yo pou yo evite pwomotè fwòd enpo ki enplike donasyon (an anglè) enterè an komen nan biznis ki kapital yo fèmen, pafwa komèsyalize kòm "Charitable LLCs" (LLC charitab). Pwomosyon sa yo souvan vize moun k ap kontribyab ki gen anpil revni e IRS konsidere yo kòm tranzaksyon abizif. Kontribyab yo ta dwe sonje yo toujou responsab pou presizyon enfòmasyon yo rapòte nan deklarasyon enpo yo. IRS bay enfòmasyon sou 1099-K pou òganizasyon règleman tyès pati yo RS te bay enstriksyon (an anglè) ki bay soulajman tranzisyon pou òganizasyon règleman tyès pati (TPSO) konsènan kondisyon pou rapòte tranzaksyon pandan ane kalandriye 2024 ak 2025 yo. Ekonomize pou retrèt kounye a, jwenn yon kredi enpo pita IRS raple kontribyab ki gen revni modès yo yo ka ekonomize pou pran retrèt kounye a epi petèt resevwa yon kredi enpo nan 2025 ak ane k ap vini yo. Kredi Epay la ede kontribyab yo konpanse yon pati nan premye $2 000 ($4 000 si yo marye ranpli ansanm) yo volontèman kontribye nan Aranjman pou Retrèt Endividyèl (IRA), plan 401(k) ak pwogram retrèt nan travay yo. IRS bay enfòmasyon sou 1099-K pou òganizasyon règleman tyès pati yo IRS te bay enstriksyon (an anglè) ki bay soulajman tranzisyon pou òganizasyon règleman tyès pati (TPSO) konsènan kondisyon pou rapòte tranzaksyon pandan ane kalandriye 2024 ak 2025 yo. Ekonomize pou retrèt kounye a, jwenn yon kredi enpo pita IRS raple kontribyab ki gen revni modès yo yo ka ekonomize pou pran retrèt kounye a epi petèt resevwa yon kredi enpo nan 2025 ak ane k ap vini yo. Kredi Epay la ede kontribyab yo konpanse yon pati nan premye $2 000 ($4 000 si yo marye ranpli ansanm) yo volontèman kontribye nan Aranjman pou Retrèt Endividyèl (IRA), plan 401(k) ak pwogram retrèt nan travay yo. Pare w pou ranpli deklarasyon enpo ou Pandan sezon enpo 2025 la ap pwoche, IRS raple kontribyab yo etap senp yo ka pran kounye a pou prepare yo pou ranpli deklarasyon enpo federal 2024 yo (an anglè). IRS.gov se yon resous enpòtan pou kontribyab yo, li ofri yon varyete zouti sou entènèt disponib 24/7. Zouti sa yo ede moun ranpli epi peye enpo, swiv ranbousman yo, jwenn enfòmasyon sou kont yo epi jwenn repons pou kesyon enpo yo. Redui reta ranbousman pou moun ki gen diplikata deklarasyon depandan IRS ap rann li pi fasil pou kontribyab yo pwoteje enfòmasyon yo epi evite reta ranbousman lè li aksepte sèten deklarasyon enpo ki te ranpli elektwonikman, ki fè reklamasyon depandan yo ki te deja reklame sou yon lòt deklarasyon kontribyab (an anglè). IRS pibliye Rapò Finansye 2024 IRS te pibliye enfòmasyon finansye (an anglè) e li te mete aksan sou kèk reyalizasyon ak difikilte nan Repò Finansye 2024 (an anglè) PDF pou ane fiskal la. Rapò ane sa a prezante pozisyon finansye aktyèl IRS epi pale sou sijè finansye kle yo. Li mete aksan sou pwogram yo, reyalizasyon yo, difikilte yo ak responsablite jesyon resous yo konfye IRS. IRS ak Somè Sekirite pataje konsèy sekirite sou entènèt Lè w fè neglijans sou Entènèt, sa kapab rann li fasil pou magouyè yo vòlè enfòmasyon pèsonèl ou (an anglè), sa ki mete kontribyab yo nan risk pou vòl idantite ki gen rapò ak enpo. Kontribyab yo ta dwe rete vijilan epi aprann kijan pou rekonèt epi evite èskrokri sou entènèt pou redwi chans pou yo pa tonbe viktim oswa aksidantèlman mete fanmi yo nan risk pou vòl idantite ak fwod enpo. Ajisteman enflasyon enpo pou ane fiskal 2025 IRS te pibliye ajisteman enflasyon anyèl yo pou ane fiskal 2025. Pwosedi Revni 2024-40 (an anglè) bay enfòmasyon detaye sou ajisteman ak chanjman nan plis pase 60 dispozisyon enpo ki pral gen enpak sou kontribyab yo lè yo depoze deklarasyon yo nan ane 2026. Yo bezwen volontè pou bay sèvis enpo yo gratis Pwogram Asistans Volontè pou Enpo sou Revni (VITA) ak Konsèy Enpo pou Granmoun Aje (TCE) aktyèlman ap rekrite volontè nan tout peyi a pou sezon ranpli k ap vini an. Pa gen okenn eksperyans nesesè pou vin yon volontè VITA oswa TCE. Se IRS ki ap bay fòmasyon espesyalize gratis. Pozisyon ki disponib yo pa limite a preparasyon enpo epi yo ka gen ladan yo entèprèt, moun k ap akeyi moun ak espesyalis òdinatè.
